ଲୁକ 5
5
ଯୀଶୁ ପାର୍ତୁମ୍ ଚେଲାହିର୍
(ମାଥି. ୪:୧୮-୨୨; ମାର୍କ. ୧:୧୬-୨୦)
1ଦିନେକ୍ ଯୀଶୁ ଗିନେସରତ ହାମ୍ଦୁର୍ କାଣ୍ଡିତାକେ ନିଲ୍ଚି ମାଚାନ୍। ତାବେତାଙ୍ଗ୍ ଈଶ୍ୱର କାତା ୱେଞ୍ଜେଙ୍ଗ୍ ମାନାୟାର୍ ତା ଚାରିବେଣ୍ତାଙ୍ଗ୍ ଟେଲାହେମ୍ଲା ଆଜି ମାଚାର୍। 2ଯୀଶୁ ହାମ୍ଦୁର୍ କାଣ୍ଡିତ ରିଣ୍ଡାଙ୍ଗ୍ ଡଙ୍ଗାଙ୍ଗ୍ ଇଡ଼୍ଜି ମାଚାକା ହୁଡ଼୍ତାନ୍। କେଉଟାର୍ ହେ ଡଙ୍ଗାତାଙ୍ଗ୍ ଜୁଜି ହେୱାର୍ ଜାଲ୍ ନୁଜ୍ଜି ମାଚାର୍। 3ଯୀଶୁ ହେବେ ମାଚି ର ଡଙ୍ଗାତାକେ ଦୁମ୍ତାନ୍। ହେ ଡଙ୍ଗା ଶିମୋନତି ମାଚାତ୍। ଯୀଶୁ ଡଙ୍ଗାତିଙ୍ଗ୍ କାଣ୍ଡିତାଙ୍ଗ୍ ଅଲପ୍ ବିତ୍ରେ ଅଦେଙ୍ଗ୍ ଶିମୋନତିଙ୍ଗ୍ ୱେଚ୍ଚାନ୍। ତାପାଚେ ହେ ଡଙ୍ଗାତାକେ କୁଚ୍ଚାନ୍ ଆରେ ହେ ଡଙ୍ଗା ଜପି ମାନ୍ଞ୍ଜି ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍।
4ହିକ୍ଷାହିଜି ୱିସ୍ତି ପାଚେ ଯୀଶୁ ଶିମୋନତିଙ୍ଗ୍ ୱେଚ୍ଚାନ୍, “ଡଙ୍ଗାତିଙ୍ଗ୍ ଡେଙ୍ଗା ଏଜୁକାଙ୍ଗ୍ ଅୱା। ଏଜୁକାଙ୍ଗ୍ ଏପେଙ୍ଗ୍ ୱିଜାକାଦେର୍ ଯଦି ମି ଜାଲ୍ ଇଡ଼୍ନାଦେର୍, ଲାଗିଙ୍ଗ୍ ଅଲପ୍ ମିନ୍କୁ ଆହ୍ନାଦେର୍।” 5ଶିମୋନ ୱେଚ୍ଚାନ୍, “ମାପୃ ମିନ୍କୁ ଆହ୍ନି କାଜିଙ୍ଗ୍ ଆପେଙ୍ଗ୍ ହାର୍ତାନାଣା କଷ୍ଟ ପଡ଼ା ଆତାପ୍, ମାତର୍ ଇଚୁଡ଼ିଙ୍ଗ୍ ପା ଆଡ୍ୱାତାପ୍। ନଙ୍ଗୟ୍ ଏନେଙ୍ଗ୍ ଜାଲ୍ ଇଡ଼୍ଦେଙ୍ଗ୍ ଇଞ୍ଜ୍ନାୟା। ଲାଗିଙ୍ଗ୍ ଆନେଙ୍ଗ୍ ଜାଲ୍ ଇଡ଼୍ନାଙ୍ଗ୍।” 6ହେୱାର୍ ଜାଲ୍ ଇଡ଼୍ତାର୍। ହେୱାର୍ ଜାଲ୍ଦ ଏଚେକ୍ ମିନ୍କୁ ବାର୍ତି ଆତିକ୍ ଯେ ଜାଲ୍ ନାଡ଼୍ତେଙ୍ଗ୍ ଲାଗାତାତ୍। 7ହେୱାର୍ ସାଇଜ କିଦେର୍ ଇଞ୍ଜି ଜେକନି ଡଙ୍ଗାତାକେ ମାନି ତା ହାଙ୍ଗ୍ଦାକାରିଙ୍ଗ୍ କେଇ ଜଲାଇ କିଜି କୁକ୍ତାର୍। ହାଙ୍ଗ୍ଦାକାର୍ ୱାତାର୍ ଆରେ ରିଣ୍ଡାଙ୍ଗ୍ ଡଙ୍ଗାତାକେ ମିନ୍କୁ ଏଚେକ୍ ବାର୍ତି ଆତିକ୍ ଯେ ଡଙ୍ଗା ରିଣ୍ଡାଙ୍ଗ୍ ପା ମୁନ୍ଞ୍ଜେଙ୍ଗ୍ ଲାଗିତିକ୍।
8-9ଶିମୋନ ପିତର ଆରେ ୱିଜାକାର୍ କେଉଟାର୍ ଏଚେକ୍ ଜବର୍ ମିନ୍କୁ ଆସ୍ତେଙ୍ଗ୍ ଆଡ଼୍ତିଲେଙ୍ଗ୍ ଚାନିଆ ଆଜି ହାଚାର୍। ଶିମୋନ ପିତର ଇଦାଙ୍ଗ୍ ହୁଡ଼୍ଜି ଯୀଶୁ କାଲ୍କୁ ତାରେନ୍ ମେଣ୍ଡାକୁନ୍ଦିକିଜି ଜୱାର୍କିଜି ୱେଚ୍ଚାନ୍, “ଏ ମାପୃ! ଏନେଙ୍ଗ୍ ନା ଲାଗାୟ୍ତାଙ୍ଗ୍ ହାଲା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।” 10ଜେବଦି ମେହିର୍ ରିୟାର୍ ଯାକୁବ ଆରେ ଯୋହନ ପା ହେଲେକେ ଚାନିଆଆତାର୍। ହେୱାର୍ ଶିମୋନ ହୁଦାଙ୍ଗ୍ ରବେ କାମାୟ୍ କିଜି ମାଚାର୍। ଯୀଶୁ ଶିମୋନତିଙ୍ଗ୍ ୱେଚ୍ଚାନ୍, “ପାଣ୍ଡ୍ରାଆମା। ନେଞ୍ଜେଙ୍ଗ୍ତାଙ୍ଗ୍ ମାନାୟାରିଙ୍ଗ୍ ତାସି ନା ଚେଲାରହ୍ନାକା ଆନେଙ୍ଗ୍ ମିଙ୍ଗେଙ୍ଗ୍ ହିକାଇ କିଦ୍ନାଙ୍ଗ୍।” 11ହେବେତାଙ୍ଗ୍ ହେୱାର୍ ତା ଡଙ୍ଗା ଆରେ ଜାଲ୍ତିଙ୍ଗ୍ କାଣ୍ଡିତାକେ ପିସ୍ତି ତାପାଚେ ହାଚାର୍।
ଯୀଶୁ ରକାନ୍ କୁଷ୍ଟ ରଗ୍ଦାକାନିଙ୍ଗ୍ ହାର୍କିତାନ୍
(ମାଥି. ୮:୧-୪; ମାର୍କ. ୧:୪୦-୪୫)
12ହେୱାନ୍ ରଗ ସହରତ ହାନିହିଙ୍ଗ୍, କୁଷ୍ଟରଗ୍ କାଟାକାନ୍ ହେବାହାତ ମାଚାନ୍। ହେୱାନ୍ ଯୀଶୁଙ୍ଗ୍ ହୁଡ଼୍ଜି ତା ମୁମ୍ଦ ମେଣ୍ଡାକୁନ୍ଦିକିଜି କାକୁଲ୍ତି ଆଜି ୱେଚ୍ଚାନ୍, “ଏ ଆଜ୍ଞା! ଯଦି ଏନେଙ୍ଗ୍ ମାନ୍କିତିସ୍ ନାଙ୍ଗେଙ୍ଗ୍ ହାର୍ କିଦ୍ନାୟ୍ ଇଞ୍ଜି ଆନେଙ୍ଗ୍ ପୁଚାଙ୍ଗ୍ନା।” 13ହେବେତାଙ୍ଗ୍ ଯୀଶୁ କେଇ ଲାମାୟ୍ କିଜି ତାଙ୍ଗେଙ୍ଗ୍ ଆସ୍ପାତାନ୍ ଆରେ ୱେଚ୍ଚାନ୍, “ଆନେଙ୍ଗ୍ ମାନ୍ କିଦ୍ନାଙ୍ଗା ହାର୍ ଆ।” ହେଦାପ୍ରେ ହେ କୁଷ୍ଟରଗ୍ କାଟାକାନ୍ ହାର୍ ଆତାନ୍।
14ଆରେ ଯୀଶୁ ହେୱାନିଙ୍ଗ୍ ଆଦେସ୍ ହିଜି ୱେଚ୍ଚାନ୍, “ନଙ୍ଗୟ୍ ଇନାକା ଗଟାଆତାତ୍, ହେ କାତା ଇନେରିଙ୍ଗ୍ ପା ୱେଚ୍ମା। ମାତର୍ ଈଶ୍ୱର ହେବାକିନି ପୁଜାରିତାକେ ହାଲ୍ଜି ହାର୍ ଆତାଙ୍ଗ୍ ଇଞ୍ଜି ୱେଚା। ଆରେ ମୋଶା ଲେକିକିତି ନିୟମ୍ତାଙ୍ଗ୍ ଈଶ୍ୱରତିଙ୍ଗ୍ ପୁଜାକିତିସ୍ ଏନେଙ୍ଗ୍ ବିଦିଅନୁସାତାଙ୍ଗ୍ ହାର୍ ଆନାୟ୍। ଆରେ ନିଙ୍ଗେଙ୍ଗ୍ ୱିଜାକାର୍ ହାର୍ ଆତାନ୍ ଇଞ୍ଜି ପୁଞ୍ଜ୍ନାର୍।”
15ମାତର୍ ଯୀଶୁ ବିଷୟରେ ବେସିତାଙ୍ଗ୍ ବେସି ବିଚା ଆଦେଙ୍ଗ୍ ଲାଗାତାତ୍। ବେସିହେନି ମାନାୟ୍ ତା କାତା ୱେଞ୍ଜେଙ୍ଗ୍ ଆରେ ରଗ୍ତାଙ୍ଗ୍ ହାର୍ ଆଦେଙ୍ଗ୍ ଯୀଶୁ ଲାଗାୟ୍ ୱାଜିମାଚାର୍। 16ମାତର୍ ଯୀଶୁ ପାର୍ତାନା କିଦେଙ୍ଗ୍ ସବୁଦିନ୍ ଲେକେ ଟାଙ୍ଗ୍ରାବାହାତାକେ ହାଲ୍ଜି ମାଚାନ୍।
ଯୀଶୁ ରକାନ୍ ହିର୍କଲ୍ ରଗ୍ଦାକାନିଙ୍ଗ୍ ହାର୍କିତାନ୍
(ମାଥି. ୯:୧-୮; ମାର୍କ. ୨:୧-୧୨)
17ରଗ ଯୀଶୁ ମାନାୟାରିଙ୍ଗ୍ ହିକ୍ଷାହିଜି ମାଚାନ୍। ହେବେ ପାରୁସିଦଳ୍ ଆରେ ଯିହୁଦି ଦରମ୍ନି ପଣ୍ଡିତାର୍ ପା କୁକ୍ଚି ମାଚାର୍। ହେୱାର୍ ଗାଲିଲୀ ଜିଲ୍ଲା ଆରେ ଯିହୁଦା ଜିଲ୍ଲାନି ଯିରୁଶାଲାମ ସହରତାଙ୍ଗ୍ ୱାଜିମାଚାର୍। ମାନାୟାରିଙ୍ଗ୍ ହାର୍କିଦେଙ୍ଗ୍ ଯୀଶୁତାକେ ଈଶ୍ୱରନି ଶାକ୍ତି ମାଚାତ୍।
18ହେପାଦ୍ନା କେତେକ୍ ହେନି ମାନାୟାର୍ ହିର୍କଲ୍ ରଗ୍କାଟାକାନିଙ୍ଗ୍ ଟାଟିଲାହାଙ୍ଗ୍ ପିଣ୍ଜି ତାସିୱାତାର୍। ଆରେ ବିତ୍ରେ ଅଦେଙ୍ଗ୍ ଆରେ ଯୀଶୁ ମୁମ୍ଦ ଇଟ୍ଦେଙ୍ଗ୍ ଉପାୟ୍ କିଜି ମାଚାର୍। 19ମାତର୍ ମାନାୟ୍ ଗଉଲି କାଜିଙ୍ଗ୍ ହେୱାନିଙ୍ଗ୍ ଯୀଶୁ ଲାଗାୟ୍ ତାତେଙ୍ଗ୍ ଆଡ୍ୱାଦାଙ୍ଗ୍ ମାଚାର୍। ହେୱାର୍ ଇଲ୍ ଜପି ହାଲ୍ଜି ହେ ବାହାନି ଚାଉଣି କାଣାକିଜି ହୁନ୍ଜି ମାଚି ଟାଟିଲାହାଙ୍ଗ୍ ଯୀଶୁ କଚଣ୍ତ ଜୁତ୍ତାର୍।
20ଯୀଶୁ ହେୱାର୍ ପାର୍ତି ହୁଡ଼୍ଜି ୱେଚ୍ଚାନ୍, “ଏ ଟଣ୍ଡେନ୍! ନି ପାପ୍ ୱିଜୁ କେମା ଆତାତ୍।” 21ହେବେତାଙ୍ଗ୍ ଯିହୁଦି ଦରମ୍ନି ପଣ୍ଡିତାର୍ ଆରେ ପାରୁସିଦଳ୍ ଜାର୍-ଜାର୍ବିତ୍ରେ ୱେଚ୍ପା ୱେଚ୍ପି ଆତାର୍, “ଇ ମାନାୟ୍ ଇନେର୍? ଈଶ୍ୱରତିଙ୍ଗ୍ ପିସ୍ତି ଇନେର୍ ପା ପାପ୍ କେମା କିଦେଙ୍ଗ୍ ଆଡୁର୍। ଇୱାନ୍ତ ଈଶ୍ୱର ନିନ୍ଦା କିନାନା।”
22ମାତର୍ ଯୀଶୁ ହେୱାର୍ ମାନ୍ତି ବାବ୍ନା ପୁନ୍ଞ୍ଜି ହେୱାରିଙ୍ଗ୍ ୱେନ୍ବାତାନ୍, “ଏପେଙ୍ଗ୍ ଇନା କିଦେଙ୍ଗ୍ ଜାର୍-ଜାର୍ ମାନ୍ତ ବାବିକିନାଦେରା? 23ଏପେଙ୍ଗ୍ ଅଲପ୍ ବାବିକିଜି ହୁଡ଼ାଟ୍, ‘ଆନେଙ୍ଗ୍ ହିର୍କଲ୍ ରଗ୍କାଟାକାନିଙ୍ଗ୍ ପାପ୍ ୱିଜୁ କେମା ଆତାତ୍ ଇଞ୍ଜି ୱେଚ୍ନାକା ଆଡ଼୍ୱା, କି ନିଙ୍ଗା! ନି ଟାଟି ଆସ୍ତି ଇଞ୍ଜ ହାଲା ଇଞ୍ଜି ୱେଚ୍ନାକା ଆଡ଼୍ୱା।’ 24ମାତର୍ ପୁର୍ତିତାକେ ପାପ୍ କେମା କିଦେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ମେହିତି ଆଦିକାର୍ ମାନାତ୍।” ଇଦାଙ୍ଗ୍ କାଜିଙ୍ଗ୍ ଯୀଶୁ ହିର୍କଲ୍ ରଗ୍ଦାକାନିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ୱେଚ୍ଚାନାଙ୍ଗା, ନିଙ୍ଗା! ନି ଟାଟି ଆହା ଆରେ ଇଞ୍ଜ ହାଲା।”
25ହେଦାପ୍ରେ ହେୱାନ୍ ହେୱାର୍ ମୁମ୍ଦ ନିଙ୍ଗ୍ଞ୍ଜି ନିଲ୍ତାନ୍। ହିର୍କଲ୍ ରଗ୍ଦାକାନ୍ ନିଙ୍ଗ୍ଞ୍ଜି ତା ଟାଟି ଆସ୍ତି ୱିଜାକାର୍ ମୁମ୍ଦ ହସିହାଚାନ୍। ହେଦାଙ୍ଗ୍ ଆସ୍ତି ଈଶ୍ୱରତିଙ୍ଗ୍ ଜୟ୍-ଜୟକିଜି ତାଞ୍ଜ ହାଚାନ୍।
26ହେବେ ଇମ୍ଣାକାର୍ ମାଚାର୍ ହେୱାର୍ ୱିଜାକାର୍ ଚାନିଆଆତାର୍। ଆରେ ହେୱାର୍ ୱେଚ୍ଚାର୍, “ନେଞ୍ଜେଙ୍ଗ୍ ଆପେଙ୍ଗ୍ ଈଶ୍ୱରତି ଚାନିଆଆନି ଗଟ୍ନା ହୁଡ଼୍ତାପ୍।” ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ ସନ୍ମାନ୍ କିଦେଙ୍ଗ୍ ଜୟ୍-ଜୟ୍ କିତାର୍।
ଯୀଶୁ ଲେବିଙ୍ଗ୍ ଚେଲା ଆଦେଙ୍ଗ୍ ହିର୍ବାତାତ୍
(ମାଥି. ୯:୯-୧୩; ମାର୍କ. ୨:୧୩-୧୭)
27ଯୀଶୁ ହେ ସହର୍ ପିସ୍ତି ହାନିହିଙ୍ଗ୍ ଲେବି ତର୍ଦି ମାନାୟ୍ତିଙ୍ଗ୍ ହୁଡ଼୍ତାନ୍। ହେୱାନ୍ ସିସ୍ତୁଏନ୍ନି ବାହାତାକେ କୁଚ୍ଚି ମାଚାନ୍। ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ନା ପାଚେ ୱା।” 28ହେବେତାଙ୍ଗ୍ ଲେବି ତା ୱିଜୁ କାମାୟ୍ ପିସ୍ତି ଯୀଶୁ ପାଚେ-ପାଚେ ହାଚାନ୍।
29ତାପାଚେ ଲେବି ତାଞ୍ଜ ଯୀଶୁ କାଜିଙ୍ଗ୍ ର ଗାଜାବଜି କିତାନ୍। ହେପାଦ୍ନା କେତେକ୍ ସିସ୍ତୁଏନ୍ନାକାର୍ ଆରେ ଜେକନି ମାନାୟାର୍ ଯୀଶୁ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍ଚି ମାଚାର୍। 30ଲାଗିଙ୍ଗ୍ ପାରୁସିଦଳ୍ନି ମାନାୟ୍ ଆରେ ପଣ୍ଡିତାର୍ ଯୀଶୁ ଚେଲାହିରିଙ୍ଗ୍ ୱେଚ୍ଚାର୍, “ଏପେଙ୍ଗ୍ ଇନେସ୍କିଜି ପାପି ଆରେ ସିସ୍ତୁଏନ୍ନାକାର୍ ହୁଦାଙ୍ଗ୍ କୁକ୍ଚି ତିନାଦେରା ଉଣାଦେରା?” 31ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ହାର୍ଦି ମାନାୟ୍ ଡାକ୍ଟର୍ ତାକେ ହାଲୁର୍, ମାତର୍ ବେମାର୍ ନିକାର୍ ଡାକ୍ଟର୍ ତାକେ ହାନାର୍। 32ଆନେଙ୍ଗ୍ ଦରମ୍ ମାନାୟାର୍ କାଜିଙ୍ଗ୍ ୱାୱାତାଙ୍ଗ୍ନା, ମାତର୍ ପାପିରିଙ୍ଗ୍ ହିର୍ବେଦେଙ୍ଗ୍ ୱାତାଙ୍ଗ୍ନା। ଇନେସ୍କି ହେୱାର୍ ଜାର୍-ଜାର୍ ପାପ୍ କାମାୟ୍ ପିସ୍ତି ମାପୃତାକେ ୱାନାର୍।”
ଯୀଶୁଙ୍ଗ୍ ଉପାସ୍ ବିଷୟରେ ପ୍ରଶ୍ନ କିତାର୍
(ମାଥି. ୯:୧୪-୧୭; ମାର୍କ. ୨:୧୮-୨୨)
33କେତେକ୍ ମାନାୟ୍ ଯୀଶୁଙ୍ଗ୍ ୱେନ୍ବାତାର୍, “ଯୋହନ ଚେଲାହିର୍ ଆରେ ପାରୁସିଦଳ୍ନି ଚେଲାହିର୍ ଉପାସ୍ ଆରେ ପାର୍ତାନା କିନାର୍। ମାତର୍ ମି ଚେଲାର୍ ଇନା କିଦେଙ୍ଗ୍ ଉପାସ୍ କିଉରା?” 34ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ବର ନିପ୍ଣାକାର୍ ହୁଦାଙ୍ଗ୍ ବର ମାନିହିଙ୍ଗ୍ ହେୱାର୍ ତିନ୍ୱାଦାଙ୍ଗ୍ ଉଣ୍ୱାଦାଙ୍ଗ୍ ଉପାସ୍ କିଦେଙ୍ଗ୍ ଆଡୁର୍। 35ମାତର୍ ଦିନ୍ ୱାନାତ୍, ଏଚେକାଡ଼୍ଦ ହେୱାର୍ତାଙ୍ଗ୍ ବରଙ୍ଗ୍ ବିନେକିନାର୍, ହେପାଦ୍ନା ହେ ଦିନ୍ ହେୱାର୍ ତିନ୍ୱାଦାଙ୍ଗ୍ ଉଣ୍ୱାଦାଙ୍ଗ୍ ଉପାସ୍ କିନାର୍।”
36ଯୀଶୁ ହେୱାରିଙ୍ଗ୍ ଆରେରଗ କାତା ୱେଚ୍ନିଲେକେ କିଜି ୱେଚ୍ଚାନ୍, “ଇନେର୍ ପୁଃନିହେନ୍ଦ୍ରାନି ଅଟିବାନା ପାନିହେନ୍ଦ୍ରାତାକେ ମେହାଇକିଜି ସିଲାଇ କିଉର୍। ଯଦି ମେହାଇକିଜି ସିଲାଇ କିତିସ୍, ଲାଗିଙ୍ଗ୍ ପୁଃନିହେନ୍ଦ୍ରାନି ଅଟିବାନା କେଞ୍ଜ୍ନାତ୍, ଆରେ ପାନିହେନ୍ଦ୍ରାତାକେ ମେହାଆଉତ୍। ହାରିହାରା ପାନିହେନ୍ଦ୍ରାନି ଅଟିବାନା ଜବର୍ କେଞ୍ଜ୍ନାତ୍।
37ହେଲେକେ ଇନେର୍ ପୁଃନି ଅଙ୍ଗୁର୍ ରାସ୍ ପାନି ତଲ୍ମଣାତାକେ ଇଟୁର୍। ଯଦି ହେ ଅଙ୍ଗୁର୍ ରାସ୍ ଇଡ଼୍ତିସ୍, ଲାଗିଙ୍ଗ୍ ତଲ୍ମଣା ପୁଲାଆଜି କେଞ୍ଜ୍ନାତ୍। ଆରେ ଅଙ୍ଗୁର୍ ରାସ୍ ଆରେ ତଲ୍ମଣା ରିଣ୍ଡାଙ୍ଗ୍ ପା ନଷ୍ଟ ଆନିକ୍। 38ହେଦାଙ୍ଗ୍ କାଜିଙ୍ଗ୍ ମାନାୟାର୍ ସବୁୱେଡ଼ାଙ୍ଗ୍ ପୁଃନି ଅଙ୍ଗୁର୍ ରାସ୍ ପୁଃନି ତଲ୍ମଣାତାକେ ଇଟ୍ନାର୍।”
39ଯୀଶୁ ଆରେରଗ ୱେଚ୍ଚାନ୍, “ଇନେର୍ ପା ପାନି ଅଙ୍ଗୁର୍ ରାସ୍ ଉଟି ପାଚେ ହେୱାନ୍ ପୁଃନି ଅଙ୍ଗୁର୍ ରାସ୍ ଉଣ୍ଡେଙ୍ଗ୍ ଇଚା କିଉନ୍। ଇନେସ୍କି ହେୱାନ୍ ୱେଚ୍ନାନ୍, ‘ପାନି ଅଙ୍ଗୁର୍ ରାସ୍ ହୱାଦ୍।’ ”
Currently Selected:
ଲୁକ 5: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ଲୁକ 5
5
ଯୀଶୁ ପାର୍ତୁମ୍ ଚେଲାହିର୍
(ମାଥି. ୪:୧୮-୨୨; ମାର୍କ. ୧:୧୬-୨୦)
1ଦିନେକ୍ ଯୀଶୁ ଗିନେସରତ ହାମ୍ଦୁର୍ କାଣ୍ଡିତାକେ ନିଲ୍ଚି ମାଚାନ୍। ତାବେତାଙ୍ଗ୍ ଈଶ୍ୱର କାତା ୱେଞ୍ଜେଙ୍ଗ୍ ମାନାୟାର୍ ତା ଚାରିବେଣ୍ତାଙ୍ଗ୍ ଟେଲାହେମ୍ଲା ଆଜି ମାଚାର୍। 2ଯୀଶୁ ହାମ୍ଦୁର୍ କାଣ୍ଡିତ ରିଣ୍ଡାଙ୍ଗ୍ ଡଙ୍ଗାଙ୍ଗ୍ ଇଡ଼୍ଜି ମାଚାକା ହୁଡ଼୍ତାନ୍। କେଉଟାର୍ ହେ ଡଙ୍ଗାତାଙ୍ଗ୍ ଜୁଜି ହେୱାର୍ ଜାଲ୍ ନୁଜ୍ଜି ମାଚାର୍। 3ଯୀଶୁ ହେବେ ମାଚି ର ଡଙ୍ଗାତାକେ ଦୁମ୍ତାନ୍। ହେ ଡଙ୍ଗା ଶିମୋନତି ମାଚାତ୍। ଯୀଶୁ ଡଙ୍ଗାତିଙ୍ଗ୍ କାଣ୍ଡିତାଙ୍ଗ୍ ଅଲପ୍ ବିତ୍ରେ ଅଦେଙ୍ଗ୍ ଶିମୋନତିଙ୍ଗ୍ ୱେଚ୍ଚାନ୍। ତାପାଚେ ହେ ଡଙ୍ଗାତାକେ କୁଚ୍ଚାନ୍ ଆରେ ହେ ଡଙ୍ଗା ଜପି ମାନ୍ଞ୍ଜି ମାନାୟାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାନ୍।
4ହିକ୍ଷାହିଜି ୱିସ୍ତି ପାଚେ ଯୀଶୁ ଶିମୋନତିଙ୍ଗ୍ ୱେଚ୍ଚାନ୍, “ଡଙ୍ଗାତିଙ୍ଗ୍ ଡେଙ୍ଗା ଏଜୁକାଙ୍ଗ୍ ଅୱା। ଏଜୁକାଙ୍ଗ୍ ଏପେଙ୍ଗ୍ ୱିଜାକାଦେର୍ ଯଦି ମି ଜାଲ୍ ଇଡ଼୍ନାଦେର୍, ଲାଗିଙ୍ଗ୍ ଅଲପ୍ ମିନ୍କୁ ଆହ୍ନାଦେର୍।” 5ଶିମୋନ ୱେଚ୍ଚାନ୍, “ମାପୃ ମିନ୍କୁ ଆହ୍ନି କାଜିଙ୍ଗ୍ ଆପେଙ୍ଗ୍ ହାର୍ତାନାଣା କଷ୍ଟ ପଡ଼ା ଆତାପ୍, ମାତର୍ ଇଚୁଡ଼ିଙ୍ଗ୍ ପା ଆଡ୍ୱାତାପ୍। ନଙ୍ଗୟ୍ ଏନେଙ୍ଗ୍ ଜାଲ୍ ଇଡ଼୍ଦେଙ୍ଗ୍ ଇଞ୍ଜ୍ନାୟା। ଲାଗିଙ୍ଗ୍ ଆନେଙ୍ଗ୍ ଜାଲ୍ ଇଡ଼୍ନାଙ୍ଗ୍।” 6ହେୱାର୍ ଜାଲ୍ ଇଡ଼୍ତାର୍। ହେୱାର୍ ଜାଲ୍ଦ ଏଚେକ୍ ମିନ୍କୁ ବାର୍ତି ଆତିକ୍ ଯେ ଜାଲ୍ ନାଡ଼୍ତେଙ୍ଗ୍ ଲାଗାତାତ୍। 7ହେୱାର୍ ସାଇଜ କିଦେର୍ ଇଞ୍ଜି ଜେକନି ଡଙ୍ଗାତାକେ ମାନି ତା ହାଙ୍ଗ୍ଦାକାରିଙ୍ଗ୍ କେଇ ଜଲାଇ କିଜି କୁକ୍ତାର୍। ହାଙ୍ଗ୍ଦାକାର୍ ୱାତାର୍ ଆରେ ରିଣ୍ଡାଙ୍ଗ୍ ଡଙ୍ଗାତାକେ ମିନ୍କୁ ଏଚେକ୍ ବାର୍ତି ଆତିକ୍ ଯେ ଡଙ୍ଗା ରିଣ୍ଡାଙ୍ଗ୍ ପା ମୁନ୍ଞ୍ଜେଙ୍ଗ୍ ଲାଗିତିକ୍।
8-9ଶିମୋନ ପିତର ଆରେ ୱିଜାକାର୍ କେଉଟାର୍ ଏଚେକ୍ ଜବର୍ ମିନ୍କୁ ଆସ୍ତେଙ୍ଗ୍ ଆଡ଼୍ତିଲେଙ୍ଗ୍ ଚାନିଆ ଆଜି ହାଚାର୍। ଶିମୋନ ପିତର ଇଦାଙ୍ଗ୍ ହୁଡ଼୍ଜି ଯୀଶୁ କାଲ୍କୁ ତାରେନ୍ ମେଣ୍ଡାକୁନ୍ଦିକିଜି ଜୱାର୍କିଜି ୱେଚ୍ଚାନ୍, “ଏ ମାପୃ! ଏନେଙ୍ଗ୍ ନା ଲାଗାୟ୍ତାଙ୍ଗ୍ ହାଲା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।” 10ଜେବଦି ମେହିର୍ ରିୟାର୍ ଯାକୁବ ଆରେ ଯୋହନ ପା ହେଲେକେ ଚାନିଆଆତାର୍। ହେୱାର୍ ଶିମୋନ ହୁଦାଙ୍ଗ୍ ରବେ କାମାୟ୍ କିଜି ମାଚାର୍। ଯୀଶୁ ଶିମୋନତିଙ୍ଗ୍ ୱେଚ୍ଚାନ୍, “ପାଣ୍ଡ୍ରାଆମା। ନେଞ୍ଜେଙ୍ଗ୍ତାଙ୍ଗ୍ ମାନାୟାରିଙ୍ଗ୍ ତାସି ନା ଚେଲାରହ୍ନାକା ଆନେଙ୍ଗ୍ ମିଙ୍ଗେଙ୍ଗ୍ ହିକାଇ କିଦ୍ନାଙ୍ଗ୍।” 11ହେବେତାଙ୍ଗ୍ ହେୱାର୍ ତା ଡଙ୍ଗା ଆରେ ଜାଲ୍ତିଙ୍ଗ୍ କାଣ୍ଡିତାକେ ପିସ୍ତି ତାପାଚେ ହାଚାର୍।
ଯୀଶୁ ରକାନ୍ କୁଷ୍ଟ ରଗ୍ଦାକାନିଙ୍ଗ୍ ହାର୍କିତାନ୍
(ମାଥି. ୮:୧-୪; ମାର୍କ. ୧:୪୦-୪୫)
12ହେୱାନ୍ ରଗ ସହରତ ହାନିହିଙ୍ଗ୍, କୁଷ୍ଟରଗ୍ କାଟାକାନ୍ ହେବାହାତ ମାଚାନ୍। ହେୱାନ୍ ଯୀଶୁଙ୍ଗ୍ ହୁଡ଼୍ଜି ତା ମୁମ୍ଦ ମେଣ୍ଡାକୁନ୍ଦିକିଜି କାକୁଲ୍ତି ଆଜି ୱେଚ୍ଚାନ୍, “ଏ ଆଜ୍ଞା! ଯଦି ଏନେଙ୍ଗ୍ ମାନ୍କିତିସ୍ ନାଙ୍ଗେଙ୍ଗ୍ ହାର୍ କିଦ୍ନାୟ୍ ଇଞ୍ଜି ଆନେଙ୍ଗ୍ ପୁଚାଙ୍ଗ୍ନା।” 13ହେବେତାଙ୍ଗ୍ ଯୀଶୁ କେଇ ଲାମାୟ୍ କିଜି ତାଙ୍ଗେଙ୍ଗ୍ ଆସ୍ପାତାନ୍ ଆରେ ୱେଚ୍ଚାନ୍, “ଆନେଙ୍ଗ୍ ମାନ୍ କିଦ୍ନାଙ୍ଗା ହାର୍ ଆ।” ହେଦାପ୍ରେ ହେ କୁଷ୍ଟରଗ୍ କାଟାକାନ୍ ହାର୍ ଆତାନ୍।
14ଆରେ ଯୀଶୁ ହେୱାନିଙ୍ଗ୍ ଆଦେସ୍ ହିଜି ୱେଚ୍ଚାନ୍, “ନଙ୍ଗୟ୍ ଇନାକା ଗଟାଆତାତ୍, ହେ କାତା ଇନେରିଙ୍ଗ୍ ପା ୱେଚ୍ମା। ମାତର୍ ଈଶ୍ୱର ହେବାକିନି ପୁଜାରିତାକେ ହାଲ୍ଜି ହାର୍ ଆତାଙ୍ଗ୍ ଇଞ୍ଜି ୱେଚା। ଆରେ ମୋଶା ଲେକିକିତି ନିୟମ୍ତାଙ୍ଗ୍ ଈଶ୍ୱରତିଙ୍ଗ୍ ପୁଜାକିତିସ୍ ଏନେଙ୍ଗ୍ ବିଦିଅନୁସାତାଙ୍ଗ୍ ହାର୍ ଆନାୟ୍। ଆରେ ନିଙ୍ଗେଙ୍ଗ୍ ୱିଜାକାର୍ ହାର୍ ଆତାନ୍ ଇଞ୍ଜି ପୁଞ୍ଜ୍ନାର୍।”
15ମାତର୍ ଯୀଶୁ ବିଷୟରେ ବେସିତାଙ୍ଗ୍ ବେସି ବିଚା ଆଦେଙ୍ଗ୍ ଲାଗାତାତ୍। ବେସିହେନି ମାନାୟ୍ ତା କାତା ୱେଞ୍ଜେଙ୍ଗ୍ ଆରେ ରଗ୍ତାଙ୍ଗ୍ ହାର୍ ଆଦେଙ୍ଗ୍ ଯୀଶୁ ଲାଗାୟ୍ ୱାଜିମାଚାର୍। 16ମାତର୍ ଯୀଶୁ ପାର୍ତାନା କିଦେଙ୍ଗ୍ ସବୁଦିନ୍ ଲେକେ ଟାଙ୍ଗ୍ରାବାହାତାକେ ହାଲ୍ଜି ମାଚାନ୍।
ଯୀଶୁ ରକାନ୍ ହିର୍କଲ୍ ରଗ୍ଦାକାନିଙ୍ଗ୍ ହାର୍କିତାନ୍
(ମାଥି. ୯:୧-୮; ମାର୍କ. ୨:୧-୧୨)
17ରଗ ଯୀଶୁ ମାନାୟାରିଙ୍ଗ୍ ହିକ୍ଷାହିଜି ମାଚାନ୍। ହେବେ ପାରୁସିଦଳ୍ ଆରେ ଯିହୁଦି ଦରମ୍ନି ପଣ୍ଡିତାର୍ ପା କୁକ୍ଚି ମାଚାର୍। ହେୱାର୍ ଗାଲିଲୀ ଜିଲ୍ଲା ଆରେ ଯିହୁଦା ଜିଲ୍ଲାନି ଯିରୁଶାଲାମ ସହରତାଙ୍ଗ୍ ୱାଜିମାଚାର୍। ମାନାୟାରିଙ୍ଗ୍ ହାର୍କିଦେଙ୍ଗ୍ ଯୀଶୁତାକେ ଈଶ୍ୱରନି ଶାକ୍ତି ମାଚାତ୍।
18ହେପାଦ୍ନା କେତେକ୍ ହେନି ମାନାୟାର୍ ହିର୍କଲ୍ ରଗ୍କାଟାକାନିଙ୍ଗ୍ ଟାଟିଲାହାଙ୍ଗ୍ ପିଣ୍ଜି ତାସିୱାତାର୍। ଆରେ ବିତ୍ରେ ଅଦେଙ୍ଗ୍ ଆରେ ଯୀଶୁ ମୁମ୍ଦ ଇଟ୍ଦେଙ୍ଗ୍ ଉପାୟ୍ କିଜି ମାଚାର୍। 19ମାତର୍ ମାନାୟ୍ ଗଉଲି କାଜିଙ୍ଗ୍ ହେୱାନିଙ୍ଗ୍ ଯୀଶୁ ଲାଗାୟ୍ ତାତେଙ୍ଗ୍ ଆଡ୍ୱାଦାଙ୍ଗ୍ ମାଚାର୍। ହେୱାର୍ ଇଲ୍ ଜପି ହାଲ୍ଜି ହେ ବାହାନି ଚାଉଣି କାଣାକିଜି ହୁନ୍ଜି ମାଚି ଟାଟିଲାହାଙ୍ଗ୍ ଯୀଶୁ କଚଣ୍ତ ଜୁତ୍ତାର୍।
20ଯୀଶୁ ହେୱାର୍ ପାର୍ତି ହୁଡ଼୍ଜି ୱେଚ୍ଚାନ୍, “ଏ ଟଣ୍ଡେନ୍! ନି ପାପ୍ ୱିଜୁ କେମା ଆତାତ୍।” 21ହେବେତାଙ୍ଗ୍ ଯିହୁଦି ଦରମ୍ନି ପଣ୍ଡିତାର୍ ଆରେ ପାରୁସିଦଳ୍ ଜାର୍-ଜାର୍ବିତ୍ରେ ୱେଚ୍ପା ୱେଚ୍ପି ଆତାର୍, “ଇ ମାନାୟ୍ ଇନେର୍? ଈଶ୍ୱରତିଙ୍ଗ୍ ପିସ୍ତି ଇନେର୍ ପା ପାପ୍ କେମା କିଦେଙ୍ଗ୍ ଆଡୁର୍। ଇୱାନ୍ତ ଈଶ୍ୱର ନିନ୍ଦା କିନାନା।”
22ମାତର୍ ଯୀଶୁ ହେୱାର୍ ମାନ୍ତି ବାବ୍ନା ପୁନ୍ଞ୍ଜି ହେୱାରିଙ୍ଗ୍ ୱେନ୍ବାତାନ୍, “ଏପେଙ୍ଗ୍ ଇନା କିଦେଙ୍ଗ୍ ଜାର୍-ଜାର୍ ମାନ୍ତ ବାବିକିନାଦେରା? 23ଏପେଙ୍ଗ୍ ଅଲପ୍ ବାବିକିଜି ହୁଡ଼ାଟ୍, ‘ଆନେଙ୍ଗ୍ ହିର୍କଲ୍ ରଗ୍କାଟାକାନିଙ୍ଗ୍ ପାପ୍ ୱିଜୁ କେମା ଆତାତ୍ ଇଞ୍ଜି ୱେଚ୍ନାକା ଆଡ଼୍ୱା, କି ନିଙ୍ଗା! ନି ଟାଟି ଆସ୍ତି ଇଞ୍ଜ ହାଲା ଇଞ୍ଜି ୱେଚ୍ନାକା ଆଡ଼୍ୱା।’ 24ମାତର୍ ପୁର୍ତିତାକେ ପାପ୍ କେମା କିଦେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ମେହିତି ଆଦିକାର୍ ମାନାତ୍।” ଇଦାଙ୍ଗ୍ କାଜିଙ୍ଗ୍ ଯୀଶୁ ହିର୍କଲ୍ ରଗ୍ଦାକାନିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ୱେଚ୍ଚାନାଙ୍ଗା, ନିଙ୍ଗା! ନି ଟାଟି ଆହା ଆରେ ଇଞ୍ଜ ହାଲା।”
25ହେଦାପ୍ରେ ହେୱାନ୍ ହେୱାର୍ ମୁମ୍ଦ ନିଙ୍ଗ୍ଞ୍ଜି ନିଲ୍ତାନ୍। ହିର୍କଲ୍ ରଗ୍ଦାକାନ୍ ନିଙ୍ଗ୍ଞ୍ଜି ତା ଟାଟି ଆସ୍ତି ୱିଜାକାର୍ ମୁମ୍ଦ ହସିହାଚାନ୍। ହେଦାଙ୍ଗ୍ ଆସ୍ତି ଈଶ୍ୱରତିଙ୍ଗ୍ ଜୟ୍-ଜୟକିଜି ତାଞ୍ଜ ହାଚାନ୍।
26ହେବେ ଇମ୍ଣାକାର୍ ମାଚାର୍ ହେୱାର୍ ୱିଜାକାର୍ ଚାନିଆଆତାର୍। ଆରେ ହେୱାର୍ ୱେଚ୍ଚାର୍, “ନେଞ୍ଜେଙ୍ଗ୍ ଆପେଙ୍ଗ୍ ଈଶ୍ୱରତି ଚାନିଆଆନି ଗଟ୍ନା ହୁଡ଼୍ତାପ୍।” ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ ସନ୍ମାନ୍ କିଦେଙ୍ଗ୍ ଜୟ୍-ଜୟ୍ କିତାର୍।
ଯୀଶୁ ଲେବିଙ୍ଗ୍ ଚେଲା ଆଦେଙ୍ଗ୍ ହିର୍ବାତାତ୍
(ମାଥି. ୯:୯-୧୩; ମାର୍କ. ୨:୧୩-୧୭)
27ଯୀଶୁ ହେ ସହର୍ ପିସ୍ତି ହାନିହିଙ୍ଗ୍ ଲେବି ତର୍ଦି ମାନାୟ୍ତିଙ୍ଗ୍ ହୁଡ଼୍ତାନ୍। ହେୱାନ୍ ସିସ୍ତୁଏନ୍ନି ବାହାତାକେ କୁଚ୍ଚି ମାଚାନ୍। ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ନା ପାଚେ ୱା।” 28ହେବେତାଙ୍ଗ୍ ଲେବି ତା ୱିଜୁ କାମାୟ୍ ପିସ୍ତି ଯୀଶୁ ପାଚେ-ପାଚେ ହାଚାନ୍।
29ତାପାଚେ ଲେବି ତାଞ୍ଜ ଯୀଶୁ କାଜିଙ୍ଗ୍ ର ଗାଜାବଜି କିତାନ୍। ହେପାଦ୍ନା କେତେକ୍ ସିସ୍ତୁଏନ୍ନାକାର୍ ଆରେ ଜେକନି ମାନାୟାର୍ ଯୀଶୁ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍ଚି ମାଚାର୍। 30ଲାଗିଙ୍ଗ୍ ପାରୁସିଦଳ୍ନି ମାନାୟ୍ ଆରେ ପଣ୍ଡିତାର୍ ଯୀଶୁ ଚେଲାହିରିଙ୍ଗ୍ ୱେଚ୍ଚାର୍, “ଏପେଙ୍ଗ୍ ଇନେସ୍କିଜି ପାପି ଆରେ ସିସ୍ତୁଏନ୍ନାକାର୍ ହୁଦାଙ୍ଗ୍ କୁକ୍ଚି ତିନାଦେରା ଉଣାଦେରା?” 31ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ହାର୍ଦି ମାନାୟ୍ ଡାକ୍ଟର୍ ତାକେ ହାଲୁର୍, ମାତର୍ ବେମାର୍ ନିକାର୍ ଡାକ୍ଟର୍ ତାକେ ହାନାର୍। 32ଆନେଙ୍ଗ୍ ଦରମ୍ ମାନାୟାର୍ କାଜିଙ୍ଗ୍ ୱାୱାତାଙ୍ଗ୍ନା, ମାତର୍ ପାପିରିଙ୍ଗ୍ ହିର୍ବେଦେଙ୍ଗ୍ ୱାତାଙ୍ଗ୍ନା। ଇନେସ୍କି ହେୱାର୍ ଜାର୍-ଜାର୍ ପାପ୍ କାମାୟ୍ ପିସ୍ତି ମାପୃତାକେ ୱାନାର୍।”
ଯୀଶୁଙ୍ଗ୍ ଉପାସ୍ ବିଷୟରେ ପ୍ରଶ୍ନ କିତାର୍
(ମାଥି. ୯:୧୪-୧୭; ମାର୍କ. ୨:୧୮-୨୨)
33କେତେକ୍ ମାନାୟ୍ ଯୀଶୁଙ୍ଗ୍ ୱେନ୍ବାତାର୍, “ଯୋହନ ଚେଲାହିର୍ ଆରେ ପାରୁସିଦଳ୍ନି ଚେଲାହିର୍ ଉପାସ୍ ଆରେ ପାର୍ତାନା କିନାର୍। ମାତର୍ ମି ଚେଲାର୍ ଇନା କିଦେଙ୍ଗ୍ ଉପାସ୍ କିଉରା?” 34ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ବର ନିପ୍ଣାକାର୍ ହୁଦାଙ୍ଗ୍ ବର ମାନିହିଙ୍ଗ୍ ହେୱାର୍ ତିନ୍ୱାଦାଙ୍ଗ୍ ଉଣ୍ୱାଦାଙ୍ଗ୍ ଉପାସ୍ କିଦେଙ୍ଗ୍ ଆଡୁର୍। 35ମାତର୍ ଦିନ୍ ୱାନାତ୍, ଏଚେକାଡ଼୍ଦ ହେୱାର୍ତାଙ୍ଗ୍ ବରଙ୍ଗ୍ ବିନେକିନାର୍, ହେପାଦ୍ନା ହେ ଦିନ୍ ହେୱାର୍ ତିନ୍ୱାଦାଙ୍ଗ୍ ଉଣ୍ୱାଦାଙ୍ଗ୍ ଉପାସ୍ କିନାର୍।”
36ଯୀଶୁ ହେୱାରିଙ୍ଗ୍ ଆରେରଗ କାତା ୱେଚ୍ନିଲେକେ କିଜି ୱେଚ୍ଚାନ୍, “ଇନେର୍ ପୁଃନିହେନ୍ଦ୍ରାନି ଅଟିବାନା ପାନିହେନ୍ଦ୍ରାତାକେ ମେହାଇକିଜି ସିଲାଇ କିଉର୍। ଯଦି ମେହାଇକିଜି ସିଲାଇ କିତିସ୍, ଲାଗିଙ୍ଗ୍ ପୁଃନିହେନ୍ଦ୍ରାନି ଅଟିବାନା କେଞ୍ଜ୍ନାତ୍, ଆରେ ପାନିହେନ୍ଦ୍ରାତାକେ ମେହାଆଉତ୍। ହାରିହାରା ପାନିହେନ୍ଦ୍ରାନି ଅଟିବାନା ଜବର୍ କେଞ୍ଜ୍ନାତ୍।
37ହେଲେକେ ଇନେର୍ ପୁଃନି ଅଙ୍ଗୁର୍ ରାସ୍ ପାନି ତଲ୍ମଣାତାକେ ଇଟୁର୍। ଯଦି ହେ ଅଙ୍ଗୁର୍ ରାସ୍ ଇଡ଼୍ତିସ୍, ଲାଗିଙ୍ଗ୍ ତଲ୍ମଣା ପୁଲାଆଜି କେଞ୍ଜ୍ନାତ୍। ଆରେ ଅଙ୍ଗୁର୍ ରାସ୍ ଆରେ ତଲ୍ମଣା ରିଣ୍ଡାଙ୍ଗ୍ ପା ନଷ୍ଟ ଆନିକ୍। 38ହେଦାଙ୍ଗ୍ କାଜିଙ୍ଗ୍ ମାନାୟାର୍ ସବୁୱେଡ଼ାଙ୍ଗ୍ ପୁଃନି ଅଙ୍ଗୁର୍ ରାସ୍ ପୁଃନି ତଲ୍ମଣାତାକେ ଇଟ୍ନାର୍।”
39ଯୀଶୁ ଆରେରଗ ୱେଚ୍ଚାନ୍, “ଇନେର୍ ପା ପାନି ଅଙ୍ଗୁର୍ ରାସ୍ ଉଟି ପାଚେ ହେୱାନ୍ ପୁଃନି ଅଙ୍ଗୁର୍ ରାସ୍ ଉଣ୍ଡେଙ୍ଗ୍ ଇଚା କିଉନ୍। ଇନେସ୍କି ହେୱାନ୍ ୱେଚ୍ନାନ୍, ‘ପାନି ଅଙ୍ଗୁର୍ ରାସ୍ ହୱାଦ୍।’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.