ମାଥିଉ 18
18
ସରଗ୍ ରାଜିତାକେ ୱିଜୁତାଙ୍ଗ୍ ଗାଜା ଇନେର୍?
(ମାର୍କ. ୯:୩୩-୩୭; ଲୁକ. ୯:୪୬-୪୮)
1ହେପାଦ୍ନା ଚେଲାହିର୍ ଯୀଶୁ ଲାଗେ ୱାଜି ୱେନ୍ବାତାର୍, ଈଶ୍ୱର ସାସନ୍ କିନି ରାଜିତାକେ ଇନେର୍ ଗାଜାକାନ୍? 2ହେୱାନ୍ ର ହିରୁ ହିମ୍ଣାତିଙ୍ଗ୍ କୁକ୍ଚି ତା ଲାଗାୟ୍ ନିଲି କିତାନ୍, ଆରେ ତା ଚେଲାହିରିଙ୍ଗ୍ ୱେଚ୍ଚାନ୍, 3ତାପାଚେ ଯୀଶୁ ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା। ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ହିରୁ ହିମ୍ଣା ଲେକେ ଆୱିତିସ୍ ଈଶ୍ୱର ସାସନ୍ କିନି ରାଜିତାକେ କେତେକ୍ ଉପାୟ୍ କିତିସ୍ ପା ହାଞ୍ଜେଙ୍ଗ୍ ଆଡୁଦେର୍।
4ଲାଗିଙ୍ଗ୍ ଇନେର୍ ପା ଇ ହିରୁ ହିମ୍ଣା ଲେକେ ଆଜି ଜାର୍ତିଙ୍ଗ୍ ବେସି ଦରମ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ଗାଜାକାନ୍ ଆନାନ୍। 5ଇମ୍ଣାକାନ୍ ନା ତର୍ଦାଙ୍ଗ୍ ଇଲେକେ ର ହିରୁ ହିମ୍ଣାତିଙ୍ଗ୍ ଆହ୍ନାନ୍ ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍।
ପାର୍ତି କିନାକାରିଙ୍ଗ୍ ବାଦା ହିତାର୍
(ମାର୍କ. ୯:୪୨-୪୮; ଲୁକ. ୧୭:୧-୨)
6ମାତର୍ ଇନେର୍ ନାବେ ପାର୍ତି କିନାକାରିଙ୍ଗ୍ ଇ ହିରୁ ହିମ୍ଣା ବିତ୍ରେ ହଣ୍ଜି ବାଦା ହିଜି ତା ପାର୍ତିତାଙ୍ଗ୍ ବାଙ୍ଗାୟ୍ କିନାର୍, ହେୱାନିଙ୍ଗ୍ ଏଲେଙ୍ଗ୍ ଲେଗ୍ଦି ଦଣ୍ଡ୍ ହାକ୍ତ ଗାଜାଟି ଜାତାକାଲ୍ ଗାଚ୍ଚି ତାଙ୍ଗେଙ୍ଗ୍ ଡେଙ୍ଗା ହାମ୍ଦୁର୍ ଏଜୁକାଙ୍ଗ୍ ମୁଚ୍ଚିମାଚିସ୍ ତାଙ୍ଗେଙ୍ଗ୍ ହାର୍ ଆତାତ୍ମା।
7ଇ ପୁର୍ତିନି କେତ୍ଜାଣ୍ ମାନାୟାର୍ ପାପ୍ କାମାୟ୍ କିୟିକିଦେଙ୍ଗ୍ ପୁସ୍ରାଇ କିନାର୍, ପାର୍ତିତାଙ୍ଗ୍ ମାନି ମାନାୟ୍ କାଜିଙ୍ଗ୍ ଆନେଙ୍ଗ୍ ଦୁକ୍ କିନାଙ୍ଗା। ଇ ୱିଜୁଗଟ୍ନା ହାତ୍ପା ଗଟାଆନାତ୍। ମାତର୍ ଇମ୍ଣି ମାନାୟ୍ ଇ ୱିଜୁଗଟ୍ନା ଇନେସ୍ ଗଟାଆନାତ୍ ତା କାଜିଙ୍ଗ୍ ହେୱାର୍ ବେସି କରାପ୍ ଆନାର୍। 8ମି କେଇ ଆରେ କାଲ୍ ଯଦି ପାପ୍ କାମ୍ କିନାତ୍, ଲାଗିଙ୍ଗ୍ ହେ କେଇ, କାଲ୍ କାଦ୍ଦି ତୁୟାଟ୍। ରି କେଇ ଆରେ ରି କାଲ୍କୁ ଆସ୍ତି ୱିଜୁଦିନ୍ କାଚାଆନି ନାଣିନି ନରକ୍ତ ହାନି ବାଦୁଲ୍ କଲା, ଟୁଟା ଆଜି ସରଗ୍ତାକେ ହାନାକା ହାର୍।
9ମାତର୍ ମି କାଣ୍କୁ ପାପ୍ କାମାୟ୍ କିନାତ୍, ହେ କାଣ୍କୁକାଙ୍ଗ୍ ଉନ୍ନ୍ଦି ତୁୟାଟ୍। ରି କାଣ୍କୁ ଆସ୍ତି ୱିଜୁଦିନ୍ କାଚାଆନି ନାଣିନି ନରକ୍ତାକେ ହାନି ବାଦୁଲ୍ କାଣା ଆଜି ର କାଣ୍ଗା ଆସ୍ତି ସରଗ୍ତାକେ ହାନାକା ହାର୍।
ଜାଙ୍ଗ୍ତି ମେଣ୍ଢାନି କାତା
(ଲୁକ. ୧୫:୩-୭)
10ସାବ୍ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍ନି ଦୁତ୍କୁ ମାନିକ୍। ଆରେ ହେ ଦୁତ୍କୁ ୱିଜୁଦିନ୍ ନା ସରଗ୍ନି ଆବା ଈଶ୍ୱରତାକେ ମାନିକ୍। 11ଇମ୍ଣାକାର୍ ଜାଙ୍ଗ୍ତାର୍ନା ହେୱାରିଙ୍ଗ୍ ରକ୍ଷା କିଦେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାତାନ୍ନା।
12ଏପେଙ୍ଗ୍ ଇନାକା ବାବିକିନାଦେରା, ରକାନିଙ୍ଗ୍ ଶହେଗଟା ମେଣ୍ଢାଙ୍ଗ୍ ମାନ୍ଗିନିକ୍ ଆରେ ହେ ବିତ୍ରେତାଙ୍ଗ୍ ରଞ୍ଜାଙ୍ଗ୍ ଜାଙ୍ଗ୍ନାତ୍, ଲାଗିଙ୍ଗ୍ ହେୱାନ୍ ଇନାକା କିନାନ୍? ଅନେଶତ୍ଗଟା ମେଣ୍ଢାକାଙ୍ଗ୍ ହାର୍ଦାଙ୍ଗ୍ କାନି ମାନାୟାର୍ତାକେ ପିସ୍ତି ହେ ଜାଙ୍ଗ୍ତି ମେଣ୍ଢାତିଙ୍ଗ୍ ଡେକ୍ତେଙ୍ଗ୍ ହାଚାନ୍। 13ଏଚେକାଡ଼୍ଦ ହେୱାନ୍ ହେ ଜାଙ୍ଗ୍ତି ମେଣ୍ଢାତିଙ୍ଗ୍ ଗାଟାଆନାନ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଜାଙ୍ଗ୍ୱିତି ଅନେଶତ୍ଗଟା ମେଣ୍ଢାକାଜିଙ୍ଗ୍ ହେୱାନ୍ ଏଚେକ୍ ୱାରି, ଇ ଗାଟାଆତି ର ମେଣ୍ଢାକାଜିଙ୍ଗ୍ ଆଦିକ୍ ୱାରିୟା ଆନାନ୍। 14ହେଲେକେ ସରଗ୍ନି ଆବା ପା ଇଚା କିନାନା କି ମାନାୟ୍ ପା ନରକ୍ତାକେ ହାଲ୍ମେର୍ ଇଞ୍ଜି।
ପାପ୍ କାମାୟ୍ କିତି ଟଣ୍ଡେନ୍ ବିଷୟରେ
(ଲୁକ. ୧୭:୩; ୬:୧; ୫:୯-୨୦)
15ଯଦି ମି ଟଣ୍ଡେନ୍ ମାନାକାର୍ ମି ବିରୁଦ୍ତ ପାପ୍ କିତିସ୍ ତା ଲାଗାୟ୍ ହାଲାଟ୍, ଆରେ ଏପେଙ୍ଗ୍ ଏଚେପାଦ୍ନା ରିକାଦେର୍ ମାନିହିଙ୍ଗ୍ ହେୱାନିଙ୍ଗ୍ ବୁଜାଇକିଜି ୱେଚାଟ୍ କି ହେୱାନ୍ ମି ବିରଦ୍ତାଙ୍ଗ୍ ପାପ୍ କିନାନା। ଯଦି ହେୱାନ୍ ମି କାତାତିଙ୍ଗ୍ ମାନିକିତିସ୍ ଲାଗିଙ୍ଗ୍ ଆଗେଲେକେ ମି ଟଣ୍ଡେନିଙ୍ଗ୍ ଗାଟାଆଦେଙ୍ଗ୍ ଆଡ୍ନାଦେର୍। 16ମାତର୍ ହେୱାନ୍ ମି ବେଣ୍ ୱେନୁନ୍, ଲାଗିଙ୍ଗ୍ ରିକାର୍ ତିନ୍ଜାଣ୍ତିଙ୍ଗ୍ ମିହୁଦାଙ୍ଗ୍ ସାକି କିଜି ଅୱାଟ୍, ଇମ୍ଣାକା କି ମଶା ସାସ୍ତର୍ତାକେ ଲେକା ମାନାତ୍। ଲାଗିଙ୍ଗ୍ ମି ବିରୁଦ୍ତାକେ ପାପ୍ କିତି ମାନାୟ୍ତିଙ୍ଗ୍ ଦସି ଇଞ୍ଜି ମାନିକିନାର୍।
17ହେୱାର୍ କାତା ପା ଯଦି ମାନିକିୱିତିସ୍, ତା ବିଷୟତିଙ୍ଗ୍ ମଣ୍ଡ୍ଲିତାକେ ୱେଚାଟ୍। ହେୱାନ୍ ଯଦି ପାର୍ତି କିନାକାର୍ କାତା ପା ମାନିକିୱିତିସ୍, ଲାଗିଙ୍ଗ୍ ହେୱାନ୍ ମାନିକିୱିତିସ୍ ର ସିସ୍ତୁଅନାକାନ୍ ନଇଲେ ର ବିନ୍ଜାତିନି ମାନାୟ୍ ଇଞ୍ଜି ଇନାଟ୍।
18ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଏପେଙ୍ଗ୍ ପୁର୍ତିତାକେ ଇନାକାପା ବନ୍ଦ୍ କିନାଦେର୍, ସରଗ୍ତାକେ ପା ହେ ୱିଜୁ ବନ୍ଦ୍ ମାନ୍ଙ୍ଗାନାତ୍, ଆରେ ପୁର୍ତିତାକେ ଇନାକାପା ମୁକ୍ତି କିନାଦେର୍, ସରଗ୍ତାକେ ପା ହେଦାଙ୍ଗ୍ୱିଜୁ ମୁକ୍ତି ମାନ୍ଗାନାତ୍।
19ଆରେରଗ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଏଚେପାଦ୍ନା ମି ବିତ୍ରେତାଙ୍ଗ୍ ରିକାର୍ ଇମ୍ଣି ବିଷୟରେ ର ମାନ୍ କିଜି ପାର୍ତାନା କିତିସ୍, ନା ସରଗ୍ନି ଆବା ମିଙ୍ଗେଙ୍ଗ୍ ବୁଦି ହିଦ୍ନାନ୍। 20ଇନେସ୍କି ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ର ବାହାତାକେ ରିକାର୍ କି ତିନ୍ଜାଣ୍ ରୁଣ୍ଡା ଆନାର୍, ହେ ବାହାତାକେ ହେୱାର୍ କାଜିଙ୍ଗ୍ ଆନେଙ୍ଗ୍ ମାନ୍ଗାନାଙ୍ଗ୍।”
ପାପ୍ କେମା କିନି କାତା
(ଲୁକ. ୧୭:୩-୪)
21ହେପାଦ୍ନା ପିତର ଯୀଶୁ ଲାଗାୟ୍ ୱାଜି ୱେନ୍ବାତାନ୍, “ଏ ମାପୃ, ଏଚେହଟ୍ ନା ଟଣ୍ଡେନ୍ କି ତଣ୍ଦେଲିଙ୍ଗ୍ ନା ବିରୁଦ୍ତାକେ ପାପ୍ କିତାର୍ ଇଞ୍ଜି କେମା କିନାଙ୍ଗ୍? ଇନାକା ସାତ୍ହଟ୍ ପାତେକ୍ କେମା ହିନାଙ୍ଗ୍?”
22ଯୀଶୁ ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା ସାତ୍ହଟ୍ ଆକାୟ୍ ମାତର୍ ସତୁରି ଗୁଣ୍ ସାତ୍ହଟ୍!”
23ର ରାଜା ହଲିଆହିର୍ କାମାୟ୍ କିତି ହିସାବ୍ କିତାପ୍ କିତିଲେକେ ଈଶ୍ୱର ସାସନ୍ କିନି ରାଜି। 24ହେୱାନ୍ ହିସାବ୍ କିତାପ୍ ଆରମ୍ କିତିହିଙ୍ଗ୍ ରକାନ୍ ତିନ୍କଟି ଡାବୁଙ୍ଗ୍ ଋଣ୍ ଅତାକାନିଙ୍ଗ୍ ରାଜା ଲାଗାୟ୍ ତାହିୱାତାର୍। 25ମାତର୍ ହେୱାନ୍ ରାଜାତିଙ୍ଗ୍ ଋଣ୍ ହୁଜାଆଦେଙ୍ଗ୍ ଡାବୁଙ୍ଗ୍ ହିଲ୍ୱିତିକ୍, ହେଦାଙ୍ଗ୍ କାଜିଙ୍ଗ୍ ରାଜା ଆଦେସ୍ ହିତାନ୍, ହେୱାନିଙ୍ଗ୍ ତା ଡକ୍ରୁହିଙ୍ଗ୍ ତା ହିମ୍ଣାୱାକ୍ଡ଼ାତିଙ୍ଗ୍ ଆରେ ତାଙ୍ଗେଙ୍ଗ୍ ଇନାକା ମାନାତ୍ ହେଦାଙ୍ଗ୍ ପସି ଋଣ୍ ହୁଜାଆଦେଙ୍ଗ୍ ରାଜା ଆଦେସ୍ ହିତାନ୍।
26ଲାଗିଙ୍ଗ୍ ହେ ହଲିଆ ମୁଣ୍ଡିଆ ଇଡ଼୍ଜି ଜୱାର୍କିଜି ୱେଚ୍ଚେଙ୍ଗ୍ ଲାଗାତାନ୍, ଏନେଙ୍ଗ୍ ନା ବିଷୟରେ ଇଚ୍କେ ଦୟାକିଦା ଆନେଙ୍ଗ୍ ନିଙ୍ଗେଙ୍ଗ୍ ୱିଜୁ ଋଣ୍ ହୁଜାଆୱାଦାଙ୍ଗ୍। 27ହେବେତାଙ୍ଗ୍ ରାଜା ହଲିଆହିଙ୍ଗ୍ କେମା କିତାନ୍, ଆରେ ହେୱାନ୍ ତା ଋଣ୍ ପିସ୍ତି ହେ ହିଲିଆହିଙ୍ଗ୍ ପକ୍ତାନ୍।
28ମାତର୍ ହେ ହଲିଆହି ହାନିହିଙ୍ଗ୍ ତା ହାଙ୍ଗ୍ଦାକାନ୍ ତାବେତାଙ୍ଗ୍ ରଦିନ୍ତି ହାଜ୍ରି ଡାବୁଙ୍ଗ୍ ଋଣ୍ ଅତାକାନ୍ ହେୱାନ୍ ହାଜ୍ଦ ଗିଟାଆତାନ୍। ହେୱାନ୍ ହେୱାନିଙ୍ଗ୍ ଆସ୍ତି ତା ହାକ୍ତ ମିନ୍ଞ୍ଜି ୱେଚ୍ଚାନ୍, ନାବେତାଙ୍ଗ୍ ଋଣ୍ ଅତି ଡାବୁଙ୍ଗ୍ ହିଦା। 29ହଲିଆତାଙ୍ଗ୍ ଋଣ୍ ଅତାକାନ୍ କାଲ୍କୁକାଙ୍ଗ୍ ଜୱାର୍କିଜି ୱେଚ୍ଚାନ୍ ଆନେଙ୍ଗ୍ ନି ୱିଜୁଡାବୁଙ୍ଗ୍ ହିଦ୍ନାଙ୍ଗ୍।
30ମାତର୍ ହଲିଆହି ରାଜି ଆୱିତିଲେ, ହେଦାଙ୍ଗ୍ କାଜିଙ୍ଗ୍ ଋଣ୍ହୁଜା ଆୱି ପାତେକ୍ ହେ ହଲିଆହିଙ୍ଗ୍ ଜଇଲ୍ ଇଞ୍ଜ ଇଡ଼୍ତାନ୍। 31ଏଚେପାଦ୍ନା ଜେକ କାମାୟ୍ କିନାକାର୍ ଇ ଗଟ୍ନାତିଙ୍ଗ୍ ହୁଡ଼୍ଜି ବେସିଦୁକ୍ ଆତାର୍। ଆରେ ରାଜା ଲାଗାୟ୍ ହାଲ୍ଜି ଇନାକା ଗଟାଆତାତ୍ନା ହେଦାଙ୍ଗ୍ ୱେଚ୍ଚାର୍।
32ଲାଗିଙ୍ଗ୍ ରାଜା ହେ ଋଣ୍ ପିସ୍ତି ହଲିଆହିଙ୍ଗ୍ କୁକ୍ଚି ୱେଚ୍ଚାନ୍, ଏନେଙ୍ଗ୍ ର ବାନ୍ୟା ହଲିଆ! ଆନେଙ୍ଗ୍ ନି ବେସି ଗାଜା ଋଣ୍ତିଙ୍ଗ୍ ପିସ୍ତାତାଙ୍ଗ୍, ମାତର୍ ଏନେଙ୍ଗ୍ ହେ ମାନାୟ୍ ଋଣ୍ ପିହ୍ୱାତାଇ। 33ଆନେଙ୍ଗ୍ ଇନେସ୍ ନି ଋଣ୍ତିଙ୍ଗ୍ ଦୟା କିତ୍ତାଙ୍ଗ୍ ଏନେଙ୍ଗ୍ ପା ହେଲେକେନେ ନି ହାଙ୍ଗ୍ଦାକାର୍ ଋଣ୍ତିଙ୍ଗ୍ ଦୟା କିନାକା ମାଚାତ୍।
34ଲାଗିଙ୍ଗ୍ ରାଜା ବେସି ରିସା ଆତାନ୍ ଆରେ ୱିଜୁ ଋଣ୍ହୁଜା ଆୱି ପାତେକ୍ ହେୱାନିଙ୍ଗ୍ ଜଇଲ୍ ଇଞ୍ଜ ପକ୍ତାନ୍। 35ଯୀଶୁ କାତା ୱିସ୍ତି ୱେଚ୍ଚାନ୍, “ମି ବିରୁଦ୍ତ ପାପ୍ କିତି ମାନାୟାରିଙ୍ଗ୍ ଗରବ୍ତାଙ୍ଗ୍ କେମା କିୱିତିସ୍, ହେଲେକେ ନା ସରଗ୍ନି ଆବା ପା ମିଙ୍ଗେଙ୍ଗ୍ ହେ ହଲିଆ ଲେକେ କିଦ୍ନାନ୍।”
Currently Selected:
ମାଥିଉ 18: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ମାଥିଉ 18
18
ସରଗ୍ ରାଜିତାକେ ୱିଜୁତାଙ୍ଗ୍ ଗାଜା ଇନେର୍?
(ମାର୍କ. ୯:୩୩-୩୭; ଲୁକ. ୯:୪୬-୪୮)
1ହେପାଦ୍ନା ଚେଲାହିର୍ ଯୀଶୁ ଲାଗେ ୱାଜି ୱେନ୍ବାତାର୍, ଈଶ୍ୱର ସାସନ୍ କିନି ରାଜିତାକେ ଇନେର୍ ଗାଜାକାନ୍? 2ହେୱାନ୍ ର ହିରୁ ହିମ୍ଣାତିଙ୍ଗ୍ କୁକ୍ଚି ତା ଲାଗାୟ୍ ନିଲି କିତାନ୍, ଆରେ ତା ଚେଲାହିରିଙ୍ଗ୍ ୱେଚ୍ଚାନ୍, 3ତାପାଚେ ଯୀଶୁ ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା। ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ହିରୁ ହିମ୍ଣା ଲେକେ ଆୱିତିସ୍ ଈଶ୍ୱର ସାସନ୍ କିନି ରାଜିତାକେ କେତେକ୍ ଉପାୟ୍ କିତିସ୍ ପା ହାଞ୍ଜେଙ୍ଗ୍ ଆଡୁଦେର୍।
4ଲାଗିଙ୍ଗ୍ ଇନେର୍ ପା ଇ ହିରୁ ହିମ୍ଣା ଲେକେ ଆଜି ଜାର୍ତିଙ୍ଗ୍ ବେସି ଦରମ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ଗାଜାକାନ୍ ଆନାନ୍। 5ଇମ୍ଣାକାନ୍ ନା ତର୍ଦାଙ୍ଗ୍ ଇଲେକେ ର ହିରୁ ହିମ୍ଣାତିଙ୍ଗ୍ ଆହ୍ନାନ୍ ହେୱାନ୍ ନାଙ୍ଗେଙ୍ଗ୍ ଆସ୍ତାନାନ୍।
ପାର୍ତି କିନାକାରିଙ୍ଗ୍ ବାଦା ହିତାର୍
(ମାର୍କ. ୯:୪୨-୪୮; ଲୁକ. ୧୭:୧-୨)
6ମାତର୍ ଇନେର୍ ନାବେ ପାର୍ତି କିନାକାରିଙ୍ଗ୍ ଇ ହିରୁ ହିମ୍ଣା ବିତ୍ରେ ହଣ୍ଜି ବାଦା ହିଜି ତା ପାର୍ତିତାଙ୍ଗ୍ ବାଙ୍ଗାୟ୍ କିନାର୍, ହେୱାନିଙ୍ଗ୍ ଏଲେଙ୍ଗ୍ ଲେଗ୍ଦି ଦଣ୍ଡ୍ ହାକ୍ତ ଗାଜାଟି ଜାତାକାଲ୍ ଗାଚ୍ଚି ତାଙ୍ଗେଙ୍ଗ୍ ଡେଙ୍ଗା ହାମ୍ଦୁର୍ ଏଜୁକାଙ୍ଗ୍ ମୁଚ୍ଚିମାଚିସ୍ ତାଙ୍ଗେଙ୍ଗ୍ ହାର୍ ଆତାତ୍ମା।
7ଇ ପୁର୍ତିନି କେତ୍ଜାଣ୍ ମାନାୟାର୍ ପାପ୍ କାମାୟ୍ କିୟିକିଦେଙ୍ଗ୍ ପୁସ୍ରାଇ କିନାର୍, ପାର୍ତିତାଙ୍ଗ୍ ମାନି ମାନାୟ୍ କାଜିଙ୍ଗ୍ ଆନେଙ୍ଗ୍ ଦୁକ୍ କିନାଙ୍ଗା। ଇ ୱିଜୁଗଟ୍ନା ହାତ୍ପା ଗଟାଆନାତ୍। ମାତର୍ ଇମ୍ଣି ମାନାୟ୍ ଇ ୱିଜୁଗଟ୍ନା ଇନେସ୍ ଗଟାଆନାତ୍ ତା କାଜିଙ୍ଗ୍ ହେୱାର୍ ବେସି କରାପ୍ ଆନାର୍। 8ମି କେଇ ଆରେ କାଲ୍ ଯଦି ପାପ୍ କାମ୍ କିନାତ୍, ଲାଗିଙ୍ଗ୍ ହେ କେଇ, କାଲ୍ କାଦ୍ଦି ତୁୟାଟ୍। ରି କେଇ ଆରେ ରି କାଲ୍କୁ ଆସ୍ତି ୱିଜୁଦିନ୍ କାଚାଆନି ନାଣିନି ନରକ୍ତ ହାନି ବାଦୁଲ୍ କଲା, ଟୁଟା ଆଜି ସରଗ୍ତାକେ ହାନାକା ହାର୍।
9ମାତର୍ ମି କାଣ୍କୁ ପାପ୍ କାମାୟ୍ କିନାତ୍, ହେ କାଣ୍କୁକାଙ୍ଗ୍ ଉନ୍ନ୍ଦି ତୁୟାଟ୍। ରି କାଣ୍କୁ ଆସ୍ତି ୱିଜୁଦିନ୍ କାଚାଆନି ନାଣିନି ନରକ୍ତାକେ ହାନି ବାଦୁଲ୍ କାଣା ଆଜି ର କାଣ୍ଗା ଆସ୍ତି ସରଗ୍ତାକେ ହାନାକା ହାର୍।
ଜାଙ୍ଗ୍ତି ମେଣ୍ଢାନି କାତା
(ଲୁକ. ୧୫:୩-୭)
10ସାବ୍ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍ନି ଦୁତ୍କୁ ମାନିକ୍। ଆରେ ହେ ଦୁତ୍କୁ ୱିଜୁଦିନ୍ ନା ସରଗ୍ନି ଆବା ଈଶ୍ୱରତାକେ ମାନିକ୍। 11ଇମ୍ଣାକାର୍ ଜାଙ୍ଗ୍ତାର୍ନା ହେୱାରିଙ୍ଗ୍ ରକ୍ଷା କିଦେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାତାନ୍ନା।
12ଏପେଙ୍ଗ୍ ଇନାକା ବାବିକିନାଦେରା, ରକାନିଙ୍ଗ୍ ଶହେଗଟା ମେଣ୍ଢାଙ୍ଗ୍ ମାନ୍ଗିନିକ୍ ଆରେ ହେ ବିତ୍ରେତାଙ୍ଗ୍ ରଞ୍ଜାଙ୍ଗ୍ ଜାଙ୍ଗ୍ନାତ୍, ଲାଗିଙ୍ଗ୍ ହେୱାନ୍ ଇନାକା କିନାନ୍? ଅନେଶତ୍ଗଟା ମେଣ୍ଢାକାଙ୍ଗ୍ ହାର୍ଦାଙ୍ଗ୍ କାନି ମାନାୟାର୍ତାକେ ପିସ୍ତି ହେ ଜାଙ୍ଗ୍ତି ମେଣ୍ଢାତିଙ୍ଗ୍ ଡେକ୍ତେଙ୍ଗ୍ ହାଚାନ୍। 13ଏଚେକାଡ଼୍ଦ ହେୱାନ୍ ହେ ଜାଙ୍ଗ୍ତି ମେଣ୍ଢାତିଙ୍ଗ୍ ଗାଟାଆନାନ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଜାଙ୍ଗ୍ୱିତି ଅନେଶତ୍ଗଟା ମେଣ୍ଢାକାଜିଙ୍ଗ୍ ହେୱାନ୍ ଏଚେକ୍ ୱାରି, ଇ ଗାଟାଆତି ର ମେଣ୍ଢାକାଜିଙ୍ଗ୍ ଆଦିକ୍ ୱାରିୟା ଆନାନ୍। 14ହେଲେକେ ସରଗ୍ନି ଆବା ପା ଇଚା କିନାନା କି ମାନାୟ୍ ପା ନରକ୍ତାକେ ହାଲ୍ମେର୍ ଇଞ୍ଜି।
ପାପ୍ କାମାୟ୍ କିତି ଟଣ୍ଡେନ୍ ବିଷୟରେ
(ଲୁକ. ୧୭:୩; ୬:୧; ୫:୯-୨୦)
15ଯଦି ମି ଟଣ୍ଡେନ୍ ମାନାକାର୍ ମି ବିରୁଦ୍ତ ପାପ୍ କିତିସ୍ ତା ଲାଗାୟ୍ ହାଲାଟ୍, ଆରେ ଏପେଙ୍ଗ୍ ଏଚେପାଦ୍ନା ରିକାଦେର୍ ମାନିହିଙ୍ଗ୍ ହେୱାନିଙ୍ଗ୍ ବୁଜାଇକିଜି ୱେଚାଟ୍ କି ହେୱାନ୍ ମି ବିରଦ୍ତାଙ୍ଗ୍ ପାପ୍ କିନାନା। ଯଦି ହେୱାନ୍ ମି କାତାତିଙ୍ଗ୍ ମାନିକିତିସ୍ ଲାଗିଙ୍ଗ୍ ଆଗେଲେକେ ମି ଟଣ୍ଡେନିଙ୍ଗ୍ ଗାଟାଆଦେଙ୍ଗ୍ ଆଡ୍ନାଦେର୍। 16ମାତର୍ ହେୱାନ୍ ମି ବେଣ୍ ୱେନୁନ୍, ଲାଗିଙ୍ଗ୍ ରିକାର୍ ତିନ୍ଜାଣ୍ତିଙ୍ଗ୍ ମିହୁଦାଙ୍ଗ୍ ସାକି କିଜି ଅୱାଟ୍, ଇମ୍ଣାକା କି ମଶା ସାସ୍ତର୍ତାକେ ଲେକା ମାନାତ୍। ଲାଗିଙ୍ଗ୍ ମି ବିରୁଦ୍ତାକେ ପାପ୍ କିତି ମାନାୟ୍ତିଙ୍ଗ୍ ଦସି ଇଞ୍ଜି ମାନିକିନାର୍।
17ହେୱାର୍ କାତା ପା ଯଦି ମାନିକିୱିତିସ୍, ତା ବିଷୟତିଙ୍ଗ୍ ମଣ୍ଡ୍ଲିତାକେ ୱେଚାଟ୍। ହେୱାନ୍ ଯଦି ପାର୍ତି କିନାକାର୍ କାତା ପା ମାନିକିୱିତିସ୍, ଲାଗିଙ୍ଗ୍ ହେୱାନ୍ ମାନିକିୱିତିସ୍ ର ସିସ୍ତୁଅନାକାନ୍ ନଇଲେ ର ବିନ୍ଜାତିନି ମାନାୟ୍ ଇଞ୍ଜି ଇନାଟ୍।
18ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଏପେଙ୍ଗ୍ ପୁର୍ତିତାକେ ଇନାକାପା ବନ୍ଦ୍ କିନାଦେର୍, ସରଗ୍ତାକେ ପା ହେ ୱିଜୁ ବନ୍ଦ୍ ମାନ୍ଙ୍ଗାନାତ୍, ଆରେ ପୁର୍ତିତାକେ ଇନାକାପା ମୁକ୍ତି କିନାଦେର୍, ସରଗ୍ତାକେ ପା ହେଦାଙ୍ଗ୍ୱିଜୁ ମୁକ୍ତି ମାନ୍ଗାନାତ୍।
19ଆରେରଗ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଏଚେପାଦ୍ନା ମି ବିତ୍ରେତାଙ୍ଗ୍ ରିକାର୍ ଇମ୍ଣି ବିଷୟରେ ର ମାନ୍ କିଜି ପାର୍ତାନା କିତିସ୍, ନା ସରଗ୍ନି ଆବା ମିଙ୍ଗେଙ୍ଗ୍ ବୁଦି ହିଦ୍ନାନ୍। 20ଇନେସ୍କି ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ର ବାହାତାକେ ରିକାର୍ କି ତିନ୍ଜାଣ୍ ରୁଣ୍ଡା ଆନାର୍, ହେ ବାହାତାକେ ହେୱାର୍ କାଜିଙ୍ଗ୍ ଆନେଙ୍ଗ୍ ମାନ୍ଗାନାଙ୍ଗ୍।”
ପାପ୍ କେମା କିନି କାତା
(ଲୁକ. ୧୭:୩-୪)
21ହେପାଦ୍ନା ପିତର ଯୀଶୁ ଲାଗାୟ୍ ୱାଜି ୱେନ୍ବାତାନ୍, “ଏ ମାପୃ, ଏଚେହଟ୍ ନା ଟଣ୍ଡେନ୍ କି ତଣ୍ଦେଲିଙ୍ଗ୍ ନା ବିରୁଦ୍ତାକେ ପାପ୍ କିତାର୍ ଇଞ୍ଜି କେମା କିନାଙ୍ଗ୍? ଇନାକା ସାତ୍ହଟ୍ ପାତେକ୍ କେମା ହିନାଙ୍ଗ୍?”
22ଯୀଶୁ ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା ସାତ୍ହଟ୍ ଆକାୟ୍ ମାତର୍ ସତୁରି ଗୁଣ୍ ସାତ୍ହଟ୍!”
23ର ରାଜା ହଲିଆହିର୍ କାମାୟ୍ କିତି ହିସାବ୍ କିତାପ୍ କିତିଲେକେ ଈଶ୍ୱର ସାସନ୍ କିନି ରାଜି। 24ହେୱାନ୍ ହିସାବ୍ କିତାପ୍ ଆରମ୍ କିତିହିଙ୍ଗ୍ ରକାନ୍ ତିନ୍କଟି ଡାବୁଙ୍ଗ୍ ଋଣ୍ ଅତାକାନିଙ୍ଗ୍ ରାଜା ଲାଗାୟ୍ ତାହିୱାତାର୍। 25ମାତର୍ ହେୱାନ୍ ରାଜାତିଙ୍ଗ୍ ଋଣ୍ ହୁଜାଆଦେଙ୍ଗ୍ ଡାବୁଙ୍ଗ୍ ହିଲ୍ୱିତିକ୍, ହେଦାଙ୍ଗ୍ କାଜିଙ୍ଗ୍ ରାଜା ଆଦେସ୍ ହିତାନ୍, ହେୱାନିଙ୍ଗ୍ ତା ଡକ୍ରୁହିଙ୍ଗ୍ ତା ହିମ୍ଣାୱାକ୍ଡ଼ାତିଙ୍ଗ୍ ଆରେ ତାଙ୍ଗେଙ୍ଗ୍ ଇନାକା ମାନାତ୍ ହେଦାଙ୍ଗ୍ ପସି ଋଣ୍ ହୁଜାଆଦେଙ୍ଗ୍ ରାଜା ଆଦେସ୍ ହିତାନ୍।
26ଲାଗିଙ୍ଗ୍ ହେ ହଲିଆ ମୁଣ୍ଡିଆ ଇଡ଼୍ଜି ଜୱାର୍କିଜି ୱେଚ୍ଚେଙ୍ଗ୍ ଲାଗାତାନ୍, ଏନେଙ୍ଗ୍ ନା ବିଷୟରେ ଇଚ୍କେ ଦୟାକିଦା ଆନେଙ୍ଗ୍ ନିଙ୍ଗେଙ୍ଗ୍ ୱିଜୁ ଋଣ୍ ହୁଜାଆୱାଦାଙ୍ଗ୍। 27ହେବେତାଙ୍ଗ୍ ରାଜା ହଲିଆହିଙ୍ଗ୍ କେମା କିତାନ୍, ଆରେ ହେୱାନ୍ ତା ଋଣ୍ ପିସ୍ତି ହେ ହିଲିଆହିଙ୍ଗ୍ ପକ୍ତାନ୍।
28ମାତର୍ ହେ ହଲିଆହି ହାନିହିଙ୍ଗ୍ ତା ହାଙ୍ଗ୍ଦାକାନ୍ ତାବେତାଙ୍ଗ୍ ରଦିନ୍ତି ହାଜ୍ରି ଡାବୁଙ୍ଗ୍ ଋଣ୍ ଅତାକାନ୍ ହେୱାନ୍ ହାଜ୍ଦ ଗିଟାଆତାନ୍। ହେୱାନ୍ ହେୱାନିଙ୍ଗ୍ ଆସ୍ତି ତା ହାକ୍ତ ମିନ୍ଞ୍ଜି ୱେଚ୍ଚାନ୍, ନାବେତାଙ୍ଗ୍ ଋଣ୍ ଅତି ଡାବୁଙ୍ଗ୍ ହିଦା। 29ହଲିଆତାଙ୍ଗ୍ ଋଣ୍ ଅତାକାନ୍ କାଲ୍କୁକାଙ୍ଗ୍ ଜୱାର୍କିଜି ୱେଚ୍ଚାନ୍ ଆନେଙ୍ଗ୍ ନି ୱିଜୁଡାବୁଙ୍ଗ୍ ହିଦ୍ନାଙ୍ଗ୍।
30ମାତର୍ ହଲିଆହି ରାଜି ଆୱିତିଲେ, ହେଦାଙ୍ଗ୍ କାଜିଙ୍ଗ୍ ଋଣ୍ହୁଜା ଆୱି ପାତେକ୍ ହେ ହଲିଆହିଙ୍ଗ୍ ଜଇଲ୍ ଇଞ୍ଜ ଇଡ଼୍ତାନ୍। 31ଏଚେପାଦ୍ନା ଜେକ କାମାୟ୍ କିନାକାର୍ ଇ ଗଟ୍ନାତିଙ୍ଗ୍ ହୁଡ଼୍ଜି ବେସିଦୁକ୍ ଆତାର୍। ଆରେ ରାଜା ଲାଗାୟ୍ ହାଲ୍ଜି ଇନାକା ଗଟାଆତାତ୍ନା ହେଦାଙ୍ଗ୍ ୱେଚ୍ଚାର୍।
32ଲାଗିଙ୍ଗ୍ ରାଜା ହେ ଋଣ୍ ପିସ୍ତି ହଲିଆହିଙ୍ଗ୍ କୁକ୍ଚି ୱେଚ୍ଚାନ୍, ଏନେଙ୍ଗ୍ ର ବାନ୍ୟା ହଲିଆ! ଆନେଙ୍ଗ୍ ନି ବେସି ଗାଜା ଋଣ୍ତିଙ୍ଗ୍ ପିସ୍ତାତାଙ୍ଗ୍, ମାତର୍ ଏନେଙ୍ଗ୍ ହେ ମାନାୟ୍ ଋଣ୍ ପିହ୍ୱାତାଇ। 33ଆନେଙ୍ଗ୍ ଇନେସ୍ ନି ଋଣ୍ତିଙ୍ଗ୍ ଦୟା କିତ୍ତାଙ୍ଗ୍ ଏନେଙ୍ଗ୍ ପା ହେଲେକେନେ ନି ହାଙ୍ଗ୍ଦାକାର୍ ଋଣ୍ତିଙ୍ଗ୍ ଦୟା କିନାକା ମାଚାତ୍।
34ଲାଗିଙ୍ଗ୍ ରାଜା ବେସି ରିସା ଆତାନ୍ ଆରେ ୱିଜୁ ଋଣ୍ହୁଜା ଆୱି ପାତେକ୍ ହେୱାନିଙ୍ଗ୍ ଜଇଲ୍ ଇଞ୍ଜ ପକ୍ତାନ୍। 35ଯୀଶୁ କାତା ୱିସ୍ତି ୱେଚ୍ଚାନ୍, “ମି ବିରୁଦ୍ତ ପାପ୍ କିତି ମାନାୟାରିଙ୍ଗ୍ ଗରବ୍ତାଙ୍ଗ୍ କେମା କିୱିତିସ୍, ହେଲେକେ ନା ସରଗ୍ନି ଆବା ପା ମିଙ୍ଗେଙ୍ଗ୍ ହେ ହଲିଆ ଲେକେ କିଦ୍ନାନ୍।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.