ମାଥିଉ 2:12-13

ମାଥିଉ 2:12-13 PEGNT

ମାତର୍ ଈଶ୍ୱର ହେ ପଣ୍ଡିତାରିଙ୍ଗ୍ ହେରୋଦ ରାଜା ଲାଗାୟ୍ ହାଲ୍‌ମାଟ୍ ଇଞ୍ଜି କେଚ୍‍କଣ୍‌ତ ଆଦେସ୍ ହିତାନ୍। ହେଦାଙ୍ଗ୍ କାଜିଙ୍ଗ୍ ହେୱାର୍ ହେରୋଦ ରାଜା ଲାଗାୟ୍ ହାଲ୍‌ୱାଦାଙ୍ଗ୍ ଜାର୍-ଜାର୍ ହାଜ୍‌ଦିଙ୍ଗ୍ ଜାର୍ ଦେସ୍‌ତ ହାଚାର୍। ପଣ୍ଡିତାର୍ ବେତଲିହିମ୍ ସହର୍‌ତାଙ୍ଗ୍ ହାଚି ପାଚେ ଈଶ୍ୱରତି ରକାନ୍ ଦୁତ୍ କେଚ୍‍କଣ୍‌ତ ଯୋଷେପତିଙ୍ଗ୍ ଚଞ୍ଜିଆଆଜି ୱେଚ୍‌ଚାନ୍, “ନିଙ୍ଗା, ହିମ୍‌ଣା ଆରେ ତା ତେହିଙ୍ଗ୍ ଆସ୍ତି ମିସର୍ ଦେସ୍‌ତ ହାଲାଟ୍। ଆରେ ଏଚେପାଦ୍ନା ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ୱି ପାତେକ୍ ହେବେ ମାନାଟ୍। ଇନେସ୍‌କି ହେରୋଦ ରାଜା ହେ ହିମ୍‌ଣାଙ୍ଗ୍ ଅସ୍ତେଙ୍ଗ୍ ଦାହ୍‌ନାନା।”

Read ମାଥିଉ 2

Listen to ମାଥିଉ 2