ମାଥିଉ 24
24
ଈଶ୍ୱର ମାନି ଇଲ୍ ବୁଡାଇ କିନି କାତା
(ମାର୍କ. ୧୩:୧-୨; ଲୁକ. ୨୧:୫-୬)
1ଯୀଶୁ ଈଶ୍ୱର ମାନି ମନ୍ଦିର୍ତାଙ୍ଗ୍ ହସିହାନିହିଙ୍ଗ୍ ତା ଚେଲାହିର୍ ଈଶ୍ୱର ମାନି ଇଲ୍ ଇନେସ୍ କିଜି ରସ୍ତାକା ଚଚ୍ଚେଙ୍ଗ୍ ତା ଲାଗେ ୱାତାର୍, ମାତର୍ ଯୀଶୁ ୱେଚ୍ଚାନ୍, 2ଏପେଙ୍ଗ୍ ଇନାକା ଇୱିଜୁ ହୁଡ଼ୁଦେରା? ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, “ମାତର୍ ଶାତ୍ରୁ ଇବେ ର କାଲ୍ ପା ଇଡ଼୍ଦେଙ୍ଗ୍ ହିଉତ୍, ୱିଜୁ କାଲ୍କୁକାଙ୍ଗ୍ ବୁଡାଇ କିନାତ୍।”
ଯୁଗ୍ସେସ୍ ଆନି ଚିନ୍
(ମାର୍କ. ୧୩:୩-୧୩; ଲୁକ. ୨୧:୭-୧୯)
3ଯୀଶୁ ଜିତ୍ମାର୍ ମାନି ମାଡ଼ିତାକେ ହାଚାନ୍, ଚେଲାହିର୍ ଡ଼ୁଗ୍ଜି ତା ଲାଗେ ୱାଜି ୱେନ୍ବାତାର୍, “ମାଙ୍ଗେଙ୍ଗ୍ ୱେଚ୍ଚା ଇଦାଙ୍ଗ୍ ଇନାୱେଡ଼ାଙ୍ଗ୍ ଗଟାଆନାତ୍?” ଆରେ, ଏନେଙ୍ଗ୍ ଆରେରଗ ୱାନାକା ଆରେ ଯୁଗ୍ଶେସ୍ ଆନାକା ହେ ଚିନ୍ ଇନାକା।
4ହେବେ ଯୀଶୁ ୱେଚ୍ଚାନ୍, “ଜାଗ୍ରତ୍! ମିଙ୍ଗେଙ୍ଗ୍ ଇନେର୍ ପୁସ୍ରାଇ କିଜି ବିନ୍ ହାଜ୍ଦିଙ୍ଗ୍ ଅସାହାଞ୍ଜୁର୍। 5ମାତର୍ ନା ତର୍ଦାଙ୍ଗ୍ ୱାଜି, ‘ଆନେଙ୍ଗ୍ ଖ୍ରୀଷ୍ଟ’ ଇଞ୍ଜି ୱେଚ୍ଚି ବେସି ହେନିତିଙ୍ଗ୍ ପୁସ୍ରାଇ କିଜି ବିନ୍ ହାଜ୍ଦିଙ୍ଗ୍ ଅସାହାଞ୍ଜ୍ନାର୍। 6ଯୁଜ୍ ବିଷୟ ଆରେ ଯୁଜ୍ ଆନାତ୍ ଇଞ୍ଜି ଏପେଙ୍ଗ୍ ୱେନାଦେର୍, ଜାଗ୍ରତ୍! ହେପାଦ୍ନା କାକୁଲ୍ତି ଆମାଟ୍। ଇୱିଜୁ ହାତ୍ପା ଗଟାଆନାତ୍, ମାତର୍ ଇପାଦ୍ନା ଯୁଗ୍ ୱିଜୁତ୍। 7ଇନେସ୍କି ର ଜାତିର୍ତାଙ୍ଗ୍ ଆରେ ର ଜାତିର୍ ଯୁଜ୍ କିନାର୍, ଆରେ ର ଦେସ୍ତାଙ୍ଗ୍ ଆରେ ର ଦେସ୍ତିଙ୍ଗ୍ ବିରଦ୍ କିଜି ଯୁଜ୍ କିନାର୍। ଆରେ, ବାହା ବାହାତ ବୁମିକମ୍ପ୍ ଆନାତ୍ ଆରେ କାତାର୍ ଆର୍ନାତ୍। 8ଇ କଷ୍ଟ ର କଗ୍ଲେ ହିମ୍ଣା ଜନମ୍କିନି ତା ଗରବ୍ ନନାକା ଲେକେ ହେ କଷ୍ଟ ଆରମ୍ ଆନାତ୍।
9ହେ ପାଦ୍ନା ମାନାୟ୍ ମିଙ୍ଗେଙ୍ଗ୍ ଦୁଃକ୍ ପାୟାଆନି କାଜିଙ୍ଗ୍ ହେଲାଇ କିଦ୍ନାର୍ ଆରେ ମିଙ୍ଗେଙ୍ଗ୍ ମାର୍ନେ ଅସ୍ତାନାର୍, ଆରେ ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍ ଏପେଙ୍ଗ୍ ୱିଜୁଜାତିର୍ କାଜିଙ୍ଗ୍ ଗିଣ୍ ଆନାଦେର୍। 10ହେପାଦ୍ନା ବେସିହେନି ମାନାୟ୍ ପାର୍ତି ଆରାଇ କିନାର୍, ଆରେ, ଜାର୍ ଜାର୍ବିତ୍ରେ ଗାଣ୍ଜୁକିବାଆଜି ଜାର୍ ଜାର୍ତିଙ୍ଗ୍ ଆକାର୍ କିନାର୍, 11ଆରେ ହେପାଦ୍ନା କେତେକ୍ ମିଚ୍ୱା ଭବିଷ୍ଯତବକ୍ତା ହସି ମାନାୟାରିଙ୍ଗ୍ ବୁର୍ଡାଇ କିନାର୍। 12ହେଲେକେ ପୁର୍ତିତାକେ ଅଦରମ୍ ବାଡା ଆନାତ୍ ଆରେ ମାନାୟାରିଙ୍ଗ୍ ଲାଡ୍ କିନାକା ବାଣା ଆନାର୍। 13ମାତର୍ ଇମ୍ଣାକାର୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍। ହେୱାନ୍ ରକ୍ଷା ପାୟା ଆନାନ୍। 14ଈଶ୍ୱର ମାନିରାଜି ବିଷୟରେ ହାର୍ଦିକାବୁର୍ ୱିଜୁ ମାନାୟ୍ ଜାତିର୍ କାଜିଙ୍ଗ୍ ସତ୍ ସାକି ଲେକେ ଇ ୱିଜୁ ପୁର୍ତିତାକେ ୱେଚ୍ନାକା ମାନାତ୍। ତାପାଚେ ହାଲ୍ଜି ଯୁଗ୍ଶେସ୍ ଆନାତ୍।
ଦୁକ୍ କଷ୍ଟନି ଦିନ୍ ଆରମ୍
(ମାର୍କ. ୧୩:୧୪-୨୩; ଲୁକ. ୨୧:୨୦-୨୪)
15ଆନେଙ୍ଗ୍ ନଙ୍ଗୟ୍ ଇନାକା ୱେଚ୍ଚେଙ୍ଗ୍ ହାନାଙ୍ଗା ଭବିଷ୍ଯତବକ୍ତା ଦାନିଏଲ୍ ତାଙ୍ଗ୍ ଲେକାଆତି ବେଣ୍ ପଡ଼ିକିଜି ବୁଜାଆଡ। ରଦିନ୍ କରାପ୍ ମାନାୟ୍ତିଙ୍ଗ୍ ଯିରୁଶାଲାମ ପବିତ୍ର ମନ୍ଦିର୍ତାକେ ନିଲ୍ତାକା ହୁଡ଼୍ନାଦେର୍, ଇମ୍ଣି ବାହାତାକେ କରାପ୍ ମାନାୟ୍ ମାନ୍ୱାକା ମାଚାତ୍ ହେବାହାତାକେ ହେୱାନ୍ ମାଚିସ୍, ହେ ମନ୍ଦିର୍ ବୁଡାଇ କିନାନ୍। 16ହେପାଦ୍ନା ଯିହୁଦା ଜିଲ୍ଲାତ ମାନାକାଦେର୍ ଜାର୍ ଜିବୁନ୍ ରକ୍ଷା ପାୟା ଆଦେଙ୍ଗ୍ ମାଡ଼ିତ ହନ୍ଚିହାଲେର୍। 17ଆରେ ଏପେଙ୍ଗ୍ ଇଲ୍ ଚାତ୍ ଜପି ମାନିହିଙ୍ଗ୍ ତାରେନ୍ ଜୁଜି ହନ୍ଚିହାଲାଟ୍, ମାତର୍ ଏପେଙ୍ଗ୍ ମି ଇଞ୍ଜ ଜିନିଷ୍ ତାକେଦେଙ୍ଗ୍ ହାଲ୍ମାଟ୍। 18ଆରେ, ଇମ୍ଣାକାର୍ ଜମିତ ମାନ୍ଙ୍ଗାନାର୍, ହେୱାର୍ ଜାର୍ ଶାଲ୍ ତାକେଦେଙ୍ଗ୍ ଲେଉଟା ଆଜି ଇଞ୍ଜ ହାଲ୍ମେର୍। 19ଗାଗାଡ଼୍ତ ମାନି କଗ୍ଲେ ଆରେ ହିମ୍ଣାତାଡ଼ି କଗ୍ଲେକ୍ତି ବେସି ଦୁଃକ୍ନି ସମୟ୍, ଇନେସ୍କି ହେୱେକ୍ ଜିବୁନ୍ ରକ୍ଷା କିଦେଙ୍ଗ୍ ହନ୍ତେଙ୍ଗ୍ କଷ୍ଟ ଆନିକ୍। 20ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିୟାଟ୍ ଯେ ହେଲେକେ କଷ୍ଟ ପିନି ମାସ୍ତ କି ଜମ୍ନିଦିନ୍ ଆମେତ୍ ବାର୍ତ ହାଞ୍ଜେଙ୍ଗ୍ କଷ୍ଟ। 21ଇନେସ୍କି ଏଚେପାଦ୍ନା ହେଲେକେ ବେସି ଦୁକ୍କଷ୍ଟ ଗଟାଆନାତ୍ ଯେ ପୁର୍ତିତିଙ୍ଗ୍ ରସ୍ତିଦିନ୍ତାଙ୍ଗ୍ ନଙ୍ଗୟ୍ ପାତେକ୍ ଗଟାଆୱାତାତ୍ନା। ଆରେ ଇନାୱେଡ଼ାଙ୍ଗ୍ ପା ହେଲେକେ ଗଟ୍ନା ଗାଟାଆଉତ୍। 22ଆରେ ହେ ଦୁକ୍କଷ୍ଟତିଙ୍ଗ୍ ଈଶ୍ୱର ଉଣା କିଦେଙ୍ଗ୍ ମାନ୍ କିତାନ୍ନା। ଆୱିତିସ୍ ଇନେର୍ ପା ରକ୍ଷା ପାୟା ଆଦେଙ୍ଗ୍ ଆଡୁର୍। ମାତର୍ ଈଶ୍ୱର ଇନେରିଙ୍ଗ୍ ବାଚି କିତାନ୍ନା ହେୱାର୍ କାଜିଙ୍ଗ୍ ନେ ହେ ଦୁକ୍ କଷ୍ଟନି ସମୟ୍ ଉଣା କିତାନ୍ନା।
23ହେପାଦ୍ନା ମିଙ୍ଗେଙ୍ଗ୍ ଇନେର୍ ଇଞ୍ଜ୍ନାର୍, ‘ହୁଡ଼ାଟ୍! ଖ୍ରୀଷ୍ଟ ଇବେ ମାନାନ୍,’ ଆରେ ‘ଖ୍ରୀଷ୍ଟ ହେବେ ମାନାନ୍,’ ହେୱାନିଙ୍ଗ୍ ପାର୍ତି କିମାଟ୍। 24ମିଚ୍ୱା ଖ୍ରୀଷ୍ଟ ଆରେ ମିଚ୍ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍କାଇ କିନାର୍। 25ହୁଡ଼ାଟ୍ ଇ ୱିଜୁଗଟ୍ନା ୱାୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା।
26ହୁଡ଼ାଟ୍ ହେୱାନ୍ ଟାଙ୍ଗ୍ରାବାହାତାକେ ମାନାନ୍ ଇଞ୍ଜି ଯଦି ମାନାୟାର୍ ଇଞ୍ଜ୍ନାର୍ ହେବେ ହାଲ୍ମାଟ୍। କି ହେୱାର୍ ଇଞ୍ଜ୍ନାର୍ ହୁଡ଼ାଟ୍ ଇବେ ହେୱାନ୍ ଡ଼ୁକ୍ତାନ୍ନା ହେୱାରିଙ୍ଗ୍ ପାର୍ତି କିମାଟ୍। 27ବିଜ୍ଲି ଇନେସ୍ ଲେକେ ପୁର୍ବନିପଣ୍ ଆଜି ପଶ୍ଚିମ ନିପଣ୍ ବାଦାଡ଼୍ତିଙ୍ଗ୍ ଅଜଡ଼୍ ଆନାତ୍ ହେଲେକେ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାନାକା ହୁଡ଼୍ନାର୍। 28ଇମେତାକେ ମାଡ଼ା ମାନ୍ଗାନାତ୍ ହେବେ ରାମାଣିଙ୍ଗ୍ ରୁଣ୍ଡା ଆନିକ୍।
ମାନାୟ୍ ହିମ୍ଣା ୱାନିଦିନ୍
(ମାର୍କ. ୧୩:୨୪-୨୭; ଲୁକ. ୨୧:୨୫-୨୮)
29ତାପାଚେ ହେ ଦୁଃକ୍ ୱାତିସ୍ ୱେଡ଼ା ମାଜ୍ଗା ଆନାତ୍ ଆରେ ଲେଞ୍ଜ୍ ଅଜଡ଼୍ ଆଉତ୍।
ଆରେ ହୁକାଙ୍ଗ୍ ବାଦାଡ଼୍ତାଙ୍ଗ୍ ତାରେନ୍ ଆର୍ଦିନିକ୍ ଆରେ ବାଦାଡ଼୍ନିବାହା ସାକ୍ତି ହୁଦାଙ୍ଗ୍ ବାଗ୍-ବାଗ୍ ଆନାତ୍।
30ତାପାଚେ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାନି ଚିନ୍ ବାଦାଡ଼୍ତ ଚଞ୍ଜ୍ଞ୍ଜାନାତ୍। ଆରେ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ବାଦାଡ଼୍ତାକେ ଶାକ୍ତିତାଙ୍ଗ୍ ଆରେ ଗୌରବ ହୁଦାଙ୍ଗ୍ ୱାନାକା ହୁଡ଼୍ଜି ୱିଜୁଜାତିର୍ ମାନାୟାର୍ ଆଡ଼୍ବାନାର୍। 31ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍କୁକାଙ୍ଗ୍ ପୁର୍ତିତାକେ ପକ୍ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।
ତଗାମାର୍ତି ହିକ୍ଷା
(ମାର୍କ. ୧୩:୨୮-୩୧; ଲୁକ. ୨୧:୨୯-୩୩)
32ତଗାମାର୍ କାତାତାଙ୍ଗ୍ ଏପେଙ୍ଗ୍ ହିକ୍ଷା ଆହାଟ୍। ଏଚେପାଦ୍ନା ତା କେନ୍ଦାକାଙ୍ଗ୍ ଆକିଙ୍ଗ୍ ପିଲ୍କା ଆନିକ୍, ହେପାଦ୍ନା ଏପେଙ୍ଗ୍ ପୁନାଦେର୍ ଯେ ପଗୁଣ୍ ଲେଞ୍ଜ୍ ଏକିୱାତାତେ। 33ହେଲେକେ ଏପେଙ୍ଗ୍ ପା ଇ ୱିଜୁଗଟ୍ନା ହୁଡ଼୍ନାଦେର୍। ହେପାଦ୍ନା ଏପେଙ୍ଗ୍ ପୁନାଦେର୍ ଯେ ଯୁଗ୍ଶେସ୍ ଏକିୱାତାତେ। 34ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଇ ଯୁଗ୍ନି କେତେକ୍ ମାନାୟ୍ ହେ ଗଟ୍ନା ଗଟାଆୱିହିଙ୍ଗ୍ ଜିବୁନ୍ ମାନ୍ଗାନାର୍। 35ବାଦାଡ଼୍ ଆରେ ପୁର୍ତି ବୁଡାଆନାତ୍ ହିନା, ମାତର୍ ନା କାତା ଅଲପ୍ପା ବୁଡା ଆଉତ୍।”
ଜୁଗ୍ସେସ୍ ଆନିଦିନି ଈଶ୍ୱରନେ ପୁନାନ୍
(ମାର୍କ. ୧୩:୩୨-୩୭; ଲୁକ. ୧୭:୨୬-୩୦-୩୪-୩୬)
36ଆରେରଗ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ହେ ଦିନ୍ ତିପ୍କୁ ୱାନାତ୍, ଇନେରିଙ୍ଗ୍ ଜାଣା ଆକାୟ୍। ହେଦାଙ୍ଗ୍ ସରଗ୍ତାଙ୍ଗ୍ ୱାତି ଈଶ୍ୱର ମେହି କି ସରଗ୍ନି ଦୁତ୍କୁ ପା ଇ ବେଣ୍ତିଙ୍ଗ୍ ପୁନୁର୍। ମାତର୍ ଈଶ୍ୱର ନେ ପୁନାନ୍।
37ଆରେ ଭବିଷ୍ଯତବକ୍ତା ନୋହ ମାନି ପାଦ୍ନା ଇନେସ୍ ଗଟାଆଜି ମାଚାତ୍। ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାନିହିଙ୍ଗ୍ ପା ହେଲେକେ ନେ ଗଟାଆନାତ୍। 38ଗୁର୍ନି ବାତ୍ୟା ଆୱି ଆଗେ ଭବିଷ୍ଯତବକ୍ତା ନୋହ ଜାଜ୍ବିତ୍ରେ ହଣି ପାତେକ୍ ମାନାୟାର୍ ବଜିପାତି ଆରେ ବିବାପାତି ଇୱିଜୁ କିଜି ମାଚାର୍। 39ଆରେ ଗୁର୍ନି ବାତ୍ୟା ୱାଜି ହେୱାରିଙ୍ଗ୍ ବଡ଼ାଇ କିଜି ଅନି ପାତେକ୍ ଇନାକା ଆନାତା ଇଞ୍ଜି ପା ପୁନ୍ୱାଦାଙ୍ଗ୍ ମାଚାର୍। ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାନିହିଙ୍ଗ୍ ହେଲେକେ ଗଟାଆନାତ୍।
40ହେପାଦ୍ନା ଜମିତ ରିକାର୍ କାମାୟ୍ କିଜି ମାନ୍ଗାନାର୍, ଇ ରିକାର୍ ବିତ୍ରେତାଙ୍ଗ୍ ରକାନିଙ୍ଗ୍ ମାପୃ ଇଚାକିଜି ଅନାନ୍। ଆରେ ରକାନିଙ୍ଗ୍ ଇଚା କିୱାଦାଙ୍ଗ୍ ପିସ୍ତି ହାନାନ୍। 41ରିଣ୍ଡେକ୍ କଗ୍ଲେ ଜାତାତାକେ ଡେରାଙ୍ଗ୍ ନୁଜ୍ନିହିଙ୍ଗ୍ ରଞ୍ଜେଲିଙ୍ଗ୍ ମାପୃ ଇଚାକିଜି ରଞ୍ଜେଲିଙ୍ଗ୍ ଅନାନ୍। ଆରେ ରଞ୍ଜେଲିଙ୍ଗ୍ ଇଚା କିୱାଦାଙ୍ଗ୍ ପିସ୍ତି ହାନାନ୍। 42ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ମି ମାପୃ ଇମ୍ଣିଦିନ୍ ୱାନାନ୍, ହେଦାଙ୍ଗ୍ ଏପେଙ୍ଗ୍ ପୁନୁଦେର୍।
43ମାତର୍ ଇଦାଙ୍ଗ୍ ଏପେଙ୍ଗ୍ ପୁନ୍ଞ୍ଜି ମାନାଟ୍। ଯଦି ଇଲ୍ନି ମାଲିକ୍ ଆଗେତାଙ୍ଗ୍ ପୁନ୍ଞ୍ଜି ମାଚିସ୍। ହେୱାନ୍ ତାଞ୍ଜ ଚର୍କୁକାଙ୍ଗ୍ ହଟ୍ପି କିୱାତାନ୍ମା। 44ଲାଗିଙ୍ଗ୍ ଏପେଙ୍ଗ୍ ପା ଜାଗ୍ରତ୍ ଆଜି କାସିମାନାଟ୍। ଇନେସ୍କି ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ଇନାୱେଡ଼ାଙ୍ଗ୍ ୱାନାନ୍। ଇନାୱେଡ଼ାଙ୍ଗ୍ ଏପେଙ୍ଗ୍ ୱାନାନ୍ ଇଞ୍ଜି ପା ବାବି କିୱାଦାଙ୍ଗ୍ ମାନ୍ଗୁଦେର୍।”
ହାର୍ଦାକାନ୍ ଆରେ ବାନ୍ୟା ହଲିଆନି କାତା
(ଲୁକ. ୧୨:୪୧-୪୮)
45ଯୀଶୁ ଆରେରଗ ୱେଚ୍ଚାନ୍, “ରକାନ୍ ସାତ୍ଦାରୁମ୍ ଆରେ ବୁଦିକାଟି ହଲିଆ ଲେକେ। ଇନେର୍ ଜେକନି ହଲିଆରିଙ୍ଗ୍ ତିନିହିଙ୍ଗ୍ କାଦି ତାସିହିତାନ୍। ମାପୃ ହେଲେକେ ହଲିଆହିଙ୍ଗ୍ ପାର୍ତି କିଜି ମାନାନ୍। ଇନେର୍ ହେ ହଲିଆହି ହେ କାମାୟ୍ କିଦେଙ୍ଗ୍ ତା କାମାୟ୍ତାଙ୍ଗ୍ ହେ ହଲିଆରିଙ୍ଗ୍ ପାର୍ତିକିନାନ୍। 46ଏଚେପାଦ୍ନା ମାପୃ ୱାଜି ହୁଡ଼୍ତାନ୍ ଯେ ହେ ହଲିଆତିଙ୍ଗ୍ ଇମ୍ଣି କାମାୟ୍ ହିଜିମାଚାନ୍। ହେ ହଲିଆ ହେ କାମାୟ୍ ହାର୍ଦାଙ୍ଗ୍ କିତାନ୍ନା। ହେପାଦ୍ନା ହେୱାନ୍ ହେ ହଲିଆତିଙ୍ଗ୍ ବେସି ୱାରିୟା ଆନାନ୍। 47ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା। ହେୱାନିଙ୍ଗ୍ ତା ୱିଜୁ ଦନ୍ସମ୍ଫତିନି ଦାୟିତ୍ପ ଅଦେଙ୍ଗ୍ ହେ ହଲିଆଙ୍ଗ୍ ବାଚିକିନାନ୍। 48ମାତର୍ ବାନ୍ୟା ହଲିଆ ଆଜି ମାନ୍ଗାନାନ୍ ମାପୃ ୱାନାକା ବିଲମ୍ ଆନାତ୍ ଇଞ୍ଜି ମାନେ-ମାନେ ଇନାନା। 49ଲାଗିଙ୍ଗ୍ ହେ ବାନ୍ୟା ହଲିଆହି ଜେକନି ହଲିଆରିଙ୍ଗ୍ ମାଡ୍ ଇଡ଼୍ଦେଙ୍ଗ୍ ଆରମ୍ କିନାନ୍। ଆରେ ଜାର୍ ତିନି ଉଣିତାକେ ନେ ମାନ୍ଗାନାନ୍ ଆରେ କାଲିଙ୍ଗ୍ ଉଣ୍ଜି ମାତ୍ଲି ଆନାନ୍। 50ତାପାଚେ ହେ ହଲିଆହି ଜାଗ୍ରତ୍ ଆଜି କାସି ମାନ୍ଗୁନ୍। ହେପାଦ୍ନା ତା ମାଲିକ୍ ୱାନାକା ପୁନ୍ୱାଦାଙ୍ଗ୍ ମାନ୍ଗାନାନ୍। ହେ ଦିନ୍ ଆରେ ହେଦାପ୍ରେ ତା ମାଲିକ୍ ଏକି ୱାନାନ୍। 51ହେ ହଲିଆହିଙ୍ଗ୍ ବେସି ଦଣ୍ଡ୍ ହିନାନ୍ ଆରେ ପାଟ୍କାର୍ ମାନାୟାର୍ତାକେ ପିସ୍ତିହିନାନ୍। ଇମେତାକେ ମାନାୟାର୍ ଆଡ଼୍ବିସ୍ ଟାଡାଙ୍ଗ୍ କାପ୍ଚି କିଲ୍ବିଲ୍ ଆନି ବାହାତ ପକ୍ତାନାନ୍।”
Currently Selected:
ମାଥିଉ 24: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ମାଥିଉ 24
24
ଈଶ୍ୱର ମାନି ଇଲ୍ ବୁଡାଇ କିନି କାତା
(ମାର୍କ. ୧୩:୧-୨; ଲୁକ. ୨୧:୫-୬)
1ଯୀଶୁ ଈଶ୍ୱର ମାନି ମନ୍ଦିର୍ତାଙ୍ଗ୍ ହସିହାନିହିଙ୍ଗ୍ ତା ଚେଲାହିର୍ ଈଶ୍ୱର ମାନି ଇଲ୍ ଇନେସ୍ କିଜି ରସ୍ତାକା ଚଚ୍ଚେଙ୍ଗ୍ ତା ଲାଗେ ୱାତାର୍, ମାତର୍ ଯୀଶୁ ୱେଚ୍ଚାନ୍, 2ଏପେଙ୍ଗ୍ ଇନାକା ଇୱିଜୁ ହୁଡ଼ୁଦେରା? ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, “ମାତର୍ ଶାତ୍ରୁ ଇବେ ର କାଲ୍ ପା ଇଡ଼୍ଦେଙ୍ଗ୍ ହିଉତ୍, ୱିଜୁ କାଲ୍କୁକାଙ୍ଗ୍ ବୁଡାଇ କିନାତ୍।”
ଯୁଗ୍ସେସ୍ ଆନି ଚିନ୍
(ମାର୍କ. ୧୩:୩-୧୩; ଲୁକ. ୨୧:୭-୧୯)
3ଯୀଶୁ ଜିତ୍ମାର୍ ମାନି ମାଡ଼ିତାକେ ହାଚାନ୍, ଚେଲାହିର୍ ଡ଼ୁଗ୍ଜି ତା ଲାଗେ ୱାଜି ୱେନ୍ବାତାର୍, “ମାଙ୍ଗେଙ୍ଗ୍ ୱେଚ୍ଚା ଇଦାଙ୍ଗ୍ ଇନାୱେଡ଼ାଙ୍ଗ୍ ଗଟାଆନାତ୍?” ଆରେ, ଏନେଙ୍ଗ୍ ଆରେରଗ ୱାନାକା ଆରେ ଯୁଗ୍ଶେସ୍ ଆନାକା ହେ ଚିନ୍ ଇନାକା।
4ହେବେ ଯୀଶୁ ୱେଚ୍ଚାନ୍, “ଜାଗ୍ରତ୍! ମିଙ୍ଗେଙ୍ଗ୍ ଇନେର୍ ପୁସ୍ରାଇ କିଜି ବିନ୍ ହାଜ୍ଦିଙ୍ଗ୍ ଅସାହାଞ୍ଜୁର୍। 5ମାତର୍ ନା ତର୍ଦାଙ୍ଗ୍ ୱାଜି, ‘ଆନେଙ୍ଗ୍ ଖ୍ରୀଷ୍ଟ’ ଇଞ୍ଜି ୱେଚ୍ଚି ବେସି ହେନିତିଙ୍ଗ୍ ପୁସ୍ରାଇ କିଜି ବିନ୍ ହାଜ୍ଦିଙ୍ଗ୍ ଅସାହାଞ୍ଜ୍ନାର୍। 6ଯୁଜ୍ ବିଷୟ ଆରେ ଯୁଜ୍ ଆନାତ୍ ଇଞ୍ଜି ଏପେଙ୍ଗ୍ ୱେନାଦେର୍, ଜାଗ୍ରତ୍! ହେପାଦ୍ନା କାକୁଲ୍ତି ଆମାଟ୍। ଇୱିଜୁ ହାତ୍ପା ଗଟାଆନାତ୍, ମାତର୍ ଇପାଦ୍ନା ଯୁଗ୍ ୱିଜୁତ୍। 7ଇନେସ୍କି ର ଜାତିର୍ତାଙ୍ଗ୍ ଆରେ ର ଜାତିର୍ ଯୁଜ୍ କିନାର୍, ଆରେ ର ଦେସ୍ତାଙ୍ଗ୍ ଆରେ ର ଦେସ୍ତିଙ୍ଗ୍ ବିରଦ୍ କିଜି ଯୁଜ୍ କିନାର୍। ଆରେ, ବାହା ବାହାତ ବୁମିକମ୍ପ୍ ଆନାତ୍ ଆରେ କାତାର୍ ଆର୍ନାତ୍। 8ଇ କଷ୍ଟ ର କଗ୍ଲେ ହିମ୍ଣା ଜନମ୍କିନି ତା ଗରବ୍ ନନାକା ଲେକେ ହେ କଷ୍ଟ ଆରମ୍ ଆନାତ୍।
9ହେ ପାଦ୍ନା ମାନାୟ୍ ମିଙ୍ଗେଙ୍ଗ୍ ଦୁଃକ୍ ପାୟାଆନି କାଜିଙ୍ଗ୍ ହେଲାଇ କିଦ୍ନାର୍ ଆରେ ମିଙ୍ଗେଙ୍ଗ୍ ମାର୍ନେ ଅସ୍ତାନାର୍, ଆରେ ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍ ଏପେଙ୍ଗ୍ ୱିଜୁଜାତିର୍ କାଜିଙ୍ଗ୍ ଗିଣ୍ ଆନାଦେର୍। 10ହେପାଦ୍ନା ବେସିହେନି ମାନାୟ୍ ପାର୍ତି ଆରାଇ କିନାର୍, ଆରେ, ଜାର୍ ଜାର୍ବିତ୍ରେ ଗାଣ୍ଜୁକିବାଆଜି ଜାର୍ ଜାର୍ତିଙ୍ଗ୍ ଆକାର୍ କିନାର୍, 11ଆରେ ହେପାଦ୍ନା କେତେକ୍ ମିଚ୍ୱା ଭବିଷ୍ଯତବକ୍ତା ହସି ମାନାୟାରିଙ୍ଗ୍ ବୁର୍ଡାଇ କିନାର୍। 12ହେଲେକେ ପୁର୍ତିତାକେ ଅଦରମ୍ ବାଡା ଆନାତ୍ ଆରେ ମାନାୟାରିଙ୍ଗ୍ ଲାଡ୍ କିନାକା ବାଣା ଆନାର୍। 13ମାତର୍ ଇମ୍ଣାକାର୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍। ହେୱାନ୍ ରକ୍ଷା ପାୟା ଆନାନ୍। 14ଈଶ୍ୱର ମାନିରାଜି ବିଷୟରେ ହାର୍ଦିକାବୁର୍ ୱିଜୁ ମାନାୟ୍ ଜାତିର୍ କାଜିଙ୍ଗ୍ ସତ୍ ସାକି ଲେକେ ଇ ୱିଜୁ ପୁର୍ତିତାକେ ୱେଚ୍ନାକା ମାନାତ୍। ତାପାଚେ ହାଲ୍ଜି ଯୁଗ୍ଶେସ୍ ଆନାତ୍।
ଦୁକ୍ କଷ୍ଟନି ଦିନ୍ ଆରମ୍
(ମାର୍କ. ୧୩:୧୪-୨୩; ଲୁକ. ୨୧:୨୦-୨୪)
15ଆନେଙ୍ଗ୍ ନଙ୍ଗୟ୍ ଇନାକା ୱେଚ୍ଚେଙ୍ଗ୍ ହାନାଙ୍ଗା ଭବିଷ୍ଯତବକ୍ତା ଦାନିଏଲ୍ ତାଙ୍ଗ୍ ଲେକାଆତି ବେଣ୍ ପଡ଼ିକିଜି ବୁଜାଆଡ। ରଦିନ୍ କରାପ୍ ମାନାୟ୍ତିଙ୍ଗ୍ ଯିରୁଶାଲାମ ପବିତ୍ର ମନ୍ଦିର୍ତାକେ ନିଲ୍ତାକା ହୁଡ଼୍ନାଦେର୍, ଇମ୍ଣି ବାହାତାକେ କରାପ୍ ମାନାୟ୍ ମାନ୍ୱାକା ମାଚାତ୍ ହେବାହାତାକେ ହେୱାନ୍ ମାଚିସ୍, ହେ ମନ୍ଦିର୍ ବୁଡାଇ କିନାନ୍। 16ହେପାଦ୍ନା ଯିହୁଦା ଜିଲ୍ଲାତ ମାନାକାଦେର୍ ଜାର୍ ଜିବୁନ୍ ରକ୍ଷା ପାୟା ଆଦେଙ୍ଗ୍ ମାଡ଼ିତ ହନ୍ଚିହାଲେର୍। 17ଆରେ ଏପେଙ୍ଗ୍ ଇଲ୍ ଚାତ୍ ଜପି ମାନିହିଙ୍ଗ୍ ତାରେନ୍ ଜୁଜି ହନ୍ଚିହାଲାଟ୍, ମାତର୍ ଏପେଙ୍ଗ୍ ମି ଇଞ୍ଜ ଜିନିଷ୍ ତାକେଦେଙ୍ଗ୍ ହାଲ୍ମାଟ୍। 18ଆରେ, ଇମ୍ଣାକାର୍ ଜମିତ ମାନ୍ଙ୍ଗାନାର୍, ହେୱାର୍ ଜାର୍ ଶାଲ୍ ତାକେଦେଙ୍ଗ୍ ଲେଉଟା ଆଜି ଇଞ୍ଜ ହାଲ୍ମେର୍। 19ଗାଗାଡ଼୍ତ ମାନି କଗ୍ଲେ ଆରେ ହିମ୍ଣାତାଡ଼ି କଗ୍ଲେକ୍ତି ବେସି ଦୁଃକ୍ନି ସମୟ୍, ଇନେସ୍କି ହେୱେକ୍ ଜିବୁନ୍ ରକ୍ଷା କିଦେଙ୍ଗ୍ ହନ୍ତେଙ୍ଗ୍ କଷ୍ଟ ଆନିକ୍। 20ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିୟାଟ୍ ଯେ ହେଲେକେ କଷ୍ଟ ପିନି ମାସ୍ତ କି ଜମ୍ନିଦିନ୍ ଆମେତ୍ ବାର୍ତ ହାଞ୍ଜେଙ୍ଗ୍ କଷ୍ଟ। 21ଇନେସ୍କି ଏଚେପାଦ୍ନା ହେଲେକେ ବେସି ଦୁକ୍କଷ୍ଟ ଗଟାଆନାତ୍ ଯେ ପୁର୍ତିତିଙ୍ଗ୍ ରସ୍ତିଦିନ୍ତାଙ୍ଗ୍ ନଙ୍ଗୟ୍ ପାତେକ୍ ଗଟାଆୱାତାତ୍ନା। ଆରେ ଇନାୱେଡ଼ାଙ୍ଗ୍ ପା ହେଲେକେ ଗଟ୍ନା ଗାଟାଆଉତ୍। 22ଆରେ ହେ ଦୁକ୍କଷ୍ଟତିଙ୍ଗ୍ ଈଶ୍ୱର ଉଣା କିଦେଙ୍ଗ୍ ମାନ୍ କିତାନ୍ନା। ଆୱିତିସ୍ ଇନେର୍ ପା ରକ୍ଷା ପାୟା ଆଦେଙ୍ଗ୍ ଆଡୁର୍। ମାତର୍ ଈଶ୍ୱର ଇନେରିଙ୍ଗ୍ ବାଚି କିତାନ୍ନା ହେୱାର୍ କାଜିଙ୍ଗ୍ ନେ ହେ ଦୁକ୍ କଷ୍ଟନି ସମୟ୍ ଉଣା କିତାନ୍ନା।
23ହେପାଦ୍ନା ମିଙ୍ଗେଙ୍ଗ୍ ଇନେର୍ ଇଞ୍ଜ୍ନାର୍, ‘ହୁଡ଼ାଟ୍! ଖ୍ରୀଷ୍ଟ ଇବେ ମାନାନ୍,’ ଆରେ ‘ଖ୍ରୀଷ୍ଟ ହେବେ ମାନାନ୍,’ ହେୱାନିଙ୍ଗ୍ ପାର୍ତି କିମାଟ୍। 24ମିଚ୍ୱା ଖ୍ରୀଷ୍ଟ ଆରେ ମିଚ୍ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍କାଇ କିନାର୍। 25ହୁଡ଼ାଟ୍ ଇ ୱିଜୁଗଟ୍ନା ୱାୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା।
26ହୁଡ଼ାଟ୍ ହେୱାନ୍ ଟାଙ୍ଗ୍ରାବାହାତାକେ ମାନାନ୍ ଇଞ୍ଜି ଯଦି ମାନାୟାର୍ ଇଞ୍ଜ୍ନାର୍ ହେବେ ହାଲ୍ମାଟ୍। କି ହେୱାର୍ ଇଞ୍ଜ୍ନାର୍ ହୁଡ଼ାଟ୍ ଇବେ ହେୱାନ୍ ଡ଼ୁକ୍ତାନ୍ନା ହେୱାରିଙ୍ଗ୍ ପାର୍ତି କିମାଟ୍। 27ବିଜ୍ଲି ଇନେସ୍ ଲେକେ ପୁର୍ବନିପଣ୍ ଆଜି ପଶ୍ଚିମ ନିପଣ୍ ବାଦାଡ଼୍ତିଙ୍ଗ୍ ଅଜଡ଼୍ ଆନାତ୍ ହେଲେକେ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାନାକା ହୁଡ଼୍ନାର୍। 28ଇମେତାକେ ମାଡ଼ା ମାନ୍ଗାନାତ୍ ହେବେ ରାମାଣିଙ୍ଗ୍ ରୁଣ୍ଡା ଆନିକ୍।
ମାନାୟ୍ ହିମ୍ଣା ୱାନିଦିନ୍
(ମାର୍କ. ୧୩:୨୪-୨୭; ଲୁକ. ୨୧:୨୫-୨୮)
29ତାପାଚେ ହେ ଦୁଃକ୍ ୱାତିସ୍ ୱେଡ଼ା ମାଜ୍ଗା ଆନାତ୍ ଆରେ ଲେଞ୍ଜ୍ ଅଜଡ଼୍ ଆଉତ୍।
ଆରେ ହୁକାଙ୍ଗ୍ ବାଦାଡ଼୍ତାଙ୍ଗ୍ ତାରେନ୍ ଆର୍ଦିନିକ୍ ଆରେ ବାଦାଡ଼୍ନିବାହା ସାକ୍ତି ହୁଦାଙ୍ଗ୍ ବାଗ୍-ବାଗ୍ ଆନାତ୍।
30ତାପାଚେ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାନି ଚିନ୍ ବାଦାଡ଼୍ତ ଚଞ୍ଜ୍ଞ୍ଜାନାତ୍। ଆରେ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ବାଦାଡ଼୍ତାକେ ଶାକ୍ତିତାଙ୍ଗ୍ ଆରେ ଗୌରବ ହୁଦାଙ୍ଗ୍ ୱାନାକା ହୁଡ଼୍ଜି ୱିଜୁଜାତିର୍ ମାନାୟାର୍ ଆଡ଼୍ବାନାର୍। 31ଆରେ ହେୱାନ୍ ଗାଜାମରିବାଜା ହୁଦାଙ୍ଗ୍ ଜାର୍ ଦୁତ୍କୁକାଙ୍ଗ୍ ପୁର୍ତିତାକେ ପକ୍ନାନ୍। ଆରେ ହେୱାର୍ ବାଦାଡ଼୍ ୱିସ୍ତିତାଙ୍ଗ୍ ହାନାର୍। ଆରେ ବାଚିକିତି ମାନାୟାରିଙ୍ଗ୍ ୱିଜୁ ନିପ୍ଣି କନାତାଙ୍ଗ୍ ରବେ ରୁଣ୍ଡାଇ କିନାର୍।
ତଗାମାର୍ତି ହିକ୍ଷା
(ମାର୍କ. ୧୩:୨୮-୩୧; ଲୁକ. ୨୧:୨୯-୩୩)
32ତଗାମାର୍ କାତାତାଙ୍ଗ୍ ଏପେଙ୍ଗ୍ ହିକ୍ଷା ଆହାଟ୍। ଏଚେପାଦ୍ନା ତା କେନ୍ଦାକାଙ୍ଗ୍ ଆକିଙ୍ଗ୍ ପିଲ୍କା ଆନିକ୍, ହେପାଦ୍ନା ଏପେଙ୍ଗ୍ ପୁନାଦେର୍ ଯେ ପଗୁଣ୍ ଲେଞ୍ଜ୍ ଏକିୱାତାତେ। 33ହେଲେକେ ଏପେଙ୍ଗ୍ ପା ଇ ୱିଜୁଗଟ୍ନା ହୁଡ଼୍ନାଦେର୍। ହେପାଦ୍ନା ଏପେଙ୍ଗ୍ ପୁନାଦେର୍ ଯେ ଯୁଗ୍ଶେସ୍ ଏକିୱାତାତେ। 34ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଇ ଯୁଗ୍ନି କେତେକ୍ ମାନାୟ୍ ହେ ଗଟ୍ନା ଗଟାଆୱିହିଙ୍ଗ୍ ଜିବୁନ୍ ମାନ୍ଗାନାର୍। 35ବାଦାଡ଼୍ ଆରେ ପୁର୍ତି ବୁଡାଆନାତ୍ ହିନା, ମାତର୍ ନା କାତା ଅଲପ୍ପା ବୁଡା ଆଉତ୍।”
ଜୁଗ୍ସେସ୍ ଆନିଦିନି ଈଶ୍ୱରନେ ପୁନାନ୍
(ମାର୍କ. ୧୩:୩୨-୩୭; ଲୁକ. ୧୭:୨୬-୩୦-୩୪-୩୬)
36ଆରେରଗ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ହେ ଦିନ୍ ତିପ୍କୁ ୱାନାତ୍, ଇନେରିଙ୍ଗ୍ ଜାଣା ଆକାୟ୍। ହେଦାଙ୍ଗ୍ ସରଗ୍ତାଙ୍ଗ୍ ୱାତି ଈଶ୍ୱର ମେହି କି ସରଗ୍ନି ଦୁତ୍କୁ ପା ଇ ବେଣ୍ତିଙ୍ଗ୍ ପୁନୁର୍। ମାତର୍ ଈଶ୍ୱର ନେ ପୁନାନ୍।
37ଆରେ ଭବିଷ୍ଯତବକ୍ତା ନୋହ ମାନି ପାଦ୍ନା ଇନେସ୍ ଗଟାଆଜି ମାଚାତ୍। ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାନିହିଙ୍ଗ୍ ପା ହେଲେକେ ନେ ଗଟାଆନାତ୍। 38ଗୁର୍ନି ବାତ୍ୟା ଆୱି ଆଗେ ଭବିଷ୍ଯତବକ୍ତା ନୋହ ଜାଜ୍ବିତ୍ରେ ହଣି ପାତେକ୍ ମାନାୟାର୍ ବଜିପାତି ଆରେ ବିବାପାତି ଇୱିଜୁ କିଜି ମାଚାର୍। 39ଆରେ ଗୁର୍ନି ବାତ୍ୟା ୱାଜି ହେୱାରିଙ୍ଗ୍ ବଡ଼ାଇ କିଜି ଅନି ପାତେକ୍ ଇନାକା ଆନାତା ଇଞ୍ଜି ପା ପୁନ୍ୱାଦାଙ୍ଗ୍ ମାଚାର୍। ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱାନିହିଙ୍ଗ୍ ହେଲେକେ ଗଟାଆନାତ୍।
40ହେପାଦ୍ନା ଜମିତ ରିକାର୍ କାମାୟ୍ କିଜି ମାନ୍ଗାନାର୍, ଇ ରିକାର୍ ବିତ୍ରେତାଙ୍ଗ୍ ରକାନିଙ୍ଗ୍ ମାପୃ ଇଚାକିଜି ଅନାନ୍। ଆରେ ରକାନିଙ୍ଗ୍ ଇଚା କିୱାଦାଙ୍ଗ୍ ପିସ୍ତି ହାନାନ୍। 41ରିଣ୍ଡେକ୍ କଗ୍ଲେ ଜାତାତାକେ ଡେରାଙ୍ଗ୍ ନୁଜ୍ନିହିଙ୍ଗ୍ ରଞ୍ଜେଲିଙ୍ଗ୍ ମାପୃ ଇଚାକିଜି ରଞ୍ଜେଲିଙ୍ଗ୍ ଅନାନ୍। ଆରେ ରଞ୍ଜେଲିଙ୍ଗ୍ ଇଚା କିୱାଦାଙ୍ଗ୍ ପିସ୍ତି ହାନାନ୍। 42ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ମି ମାପୃ ଇମ୍ଣିଦିନ୍ ୱାନାନ୍, ହେଦାଙ୍ଗ୍ ଏପେଙ୍ଗ୍ ପୁନୁଦେର୍।
43ମାତର୍ ଇଦାଙ୍ଗ୍ ଏପେଙ୍ଗ୍ ପୁନ୍ଞ୍ଜି ମାନାଟ୍। ଯଦି ଇଲ୍ନି ମାଲିକ୍ ଆଗେତାଙ୍ଗ୍ ପୁନ୍ଞ୍ଜି ମାଚିସ୍। ହେୱାନ୍ ତାଞ୍ଜ ଚର୍କୁକାଙ୍ଗ୍ ହଟ୍ପି କିୱାତାନ୍ମା। 44ଲାଗିଙ୍ଗ୍ ଏପେଙ୍ଗ୍ ପା ଜାଗ୍ରତ୍ ଆଜି କାସିମାନାଟ୍। ଇନେସ୍କି ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ଇନାୱେଡ଼ାଙ୍ଗ୍ ୱାନାନ୍। ଇନାୱେଡ଼ାଙ୍ଗ୍ ଏପେଙ୍ଗ୍ ୱାନାନ୍ ଇଞ୍ଜି ପା ବାବି କିୱାଦାଙ୍ଗ୍ ମାନ୍ଗୁଦେର୍।”
ହାର୍ଦାକାନ୍ ଆରେ ବାନ୍ୟା ହଲିଆନି କାତା
(ଲୁକ. ୧୨:୪୧-୪୮)
45ଯୀଶୁ ଆରେରଗ ୱେଚ୍ଚାନ୍, “ରକାନ୍ ସାତ୍ଦାରୁମ୍ ଆରେ ବୁଦିକାଟି ହଲିଆ ଲେକେ। ଇନେର୍ ଜେକନି ହଲିଆରିଙ୍ଗ୍ ତିନିହିଙ୍ଗ୍ କାଦି ତାସିହିତାନ୍। ମାପୃ ହେଲେକେ ହଲିଆହିଙ୍ଗ୍ ପାର୍ତି କିଜି ମାନାନ୍। ଇନେର୍ ହେ ହଲିଆହି ହେ କାମାୟ୍ କିଦେଙ୍ଗ୍ ତା କାମାୟ୍ତାଙ୍ଗ୍ ହେ ହଲିଆରିଙ୍ଗ୍ ପାର୍ତିକିନାନ୍। 46ଏଚେପାଦ୍ନା ମାପୃ ୱାଜି ହୁଡ଼୍ତାନ୍ ଯେ ହେ ହଲିଆତିଙ୍ଗ୍ ଇମ୍ଣି କାମାୟ୍ ହିଜିମାଚାନ୍। ହେ ହଲିଆ ହେ କାମାୟ୍ ହାର୍ଦାଙ୍ଗ୍ କିତାନ୍ନା। ହେପାଦ୍ନା ହେୱାନ୍ ହେ ହଲିଆତିଙ୍ଗ୍ ବେସି ୱାରିୟା ଆନାନ୍। 47ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା। ହେୱାନିଙ୍ଗ୍ ତା ୱିଜୁ ଦନ୍ସମ୍ଫତିନି ଦାୟିତ୍ପ ଅଦେଙ୍ଗ୍ ହେ ହଲିଆଙ୍ଗ୍ ବାଚିକିନାନ୍। 48ମାତର୍ ବାନ୍ୟା ହଲିଆ ଆଜି ମାନ୍ଗାନାନ୍ ମାପୃ ୱାନାକା ବିଲମ୍ ଆନାତ୍ ଇଞ୍ଜି ମାନେ-ମାନେ ଇନାନା। 49ଲାଗିଙ୍ଗ୍ ହେ ବାନ୍ୟା ହଲିଆହି ଜେକନି ହଲିଆରିଙ୍ଗ୍ ମାଡ୍ ଇଡ଼୍ଦେଙ୍ଗ୍ ଆରମ୍ କିନାନ୍। ଆରେ ଜାର୍ ତିନି ଉଣିତାକେ ନେ ମାନ୍ଗାନାନ୍ ଆରେ କାଲିଙ୍ଗ୍ ଉଣ୍ଜି ମାତ୍ଲି ଆନାନ୍। 50ତାପାଚେ ହେ ହଲିଆହି ଜାଗ୍ରତ୍ ଆଜି କାସି ମାନ୍ଗୁନ୍। ହେପାଦ୍ନା ତା ମାଲିକ୍ ୱାନାକା ପୁନ୍ୱାଦାଙ୍ଗ୍ ମାନ୍ଗାନାନ୍। ହେ ଦିନ୍ ଆରେ ହେଦାପ୍ରେ ତା ମାଲିକ୍ ଏକି ୱାନାନ୍। 51ହେ ହଲିଆହିଙ୍ଗ୍ ବେସି ଦଣ୍ଡ୍ ହିନାନ୍ ଆରେ ପାଟ୍କାର୍ ମାନାୟାର୍ତାକେ ପିସ୍ତିହିନାନ୍। ଇମେତାକେ ମାନାୟାର୍ ଆଡ଼୍ବିସ୍ ଟାଡାଙ୍ଗ୍ କାପ୍ଚି କିଲ୍ବିଲ୍ ଆନି ବାହାତ ପକ୍ତାନାନ୍।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.