ମାଥିଉ 28
28
ଯୀଶୁ ହାଃଜି ଆରେରଗ ଜିବୁନ୍ଆନି କାତା
(ମାର୍କ. ୧୬:୧-୧୦; ଲୁକ. ୨୪:୧-୧୨; ଯୋହନ. ୨୦:୧-୧୦)
1ଜମ୍ନିଦିନ୍ ଆର୍କାତ୍ ନାଞ୍ଜିଙ୍ଗ୍ ରଇବାର୍ ନାଞ୍ଜ୍ ନାଣାଙ୍ଗେ ମଗ୍ଦଲିନି ସହର୍ନି ମରିୟମ ଆରେ ମରିୟମ ତର୍ଦି ଜେକନି କଗ୍ଲେ ରଞ୍ଜେଲ୍ ଦୁଗେର୍ ହୁଡ଼୍ଦେଙ୍ଗ୍ ୱାତିକ୍। 2ହେପାଦ୍ନା ର ଗାଜା ବୁମିକମ୍ପ୍ ଆତାତ୍। ମାପୃତି ର ଦୁତ୍ ସରଗ୍ତାଙ୍ଗ୍ ଜୁଜି ୱାତାନ୍। ହେ ଦୁତ୍ ଦୁଗେର୍ ଲାଗାୟ୍ ହାଚାନ୍ ଆରେ ଦୁଗେର୍ ମୁମ୍ଦି ଗାଜାକାଲ୍ ଗୁଚାଇ କିଜି ହେ କାଲ୍ଜପି କୁଚ୍ଚାନ୍।
3ସରଗ୍ ଦୁତ୍ତି ରୁପ୍ ବିଜ୍ଲି ଲେକେ ଚମ୍କା ଆଜି ମାଚାତ୍ ଆରେ ତା ଉସ୍ପିତି ହେନ୍ଦ୍ରା ଡ଼ିଣ୍ଞ୍ଜି ମାଚାତ୍। 4ଦୁଗେର୍ତିଙ୍ଗ୍ କାସିମାନି ସେନାର୍ ସରଗ୍ ଦୁତ୍ତିଙ୍ଗ୍ ହୁଡ଼୍ଜି ପାଣ୍ଡ୍ରା ଆତାର୍। ହେୱାର୍ ପାଣ୍ଡ୍ରୁତିଙ୍ଗ୍ ତ୍ରିଗ୍ଜି ମାଚାର୍। ହେୱାର୍ ହାଃତି ଲେକେ ଆତାର୍।
5ସରଗ୍ଦୁତ୍ କଗ୍ଲେକାଙ୍ଗ୍ ୱେଚ୍ଚାନ୍, “ଏପେଙ୍ଗ୍ ପାଣ୍ଡ୍ରା ଆମାଟ୍। ଇମ୍ଣି ଯୀଶୁଙ୍ଗ୍ କୃଶକାଟ୍ତାକେ ଦୁପ୍ଚି ଅସ୍ତାର୍ନା ଏପେଙ୍ଗ୍ ହେୱାନିଙ୍ଗ୍ ଡେକ୍ନି କାତା ଆନେଙ୍ଗ୍ ପୁଚାଙ୍ଗ୍ନା। 6ହେୱାନ୍ ଇବେ ହିଲୁନ୍, ତା ୱେଚ୍ଚିଲେକେ ହେୱାନ୍ ଆରେରଗ ଜିବୁନ୍ଆଜି ନିଙ୍ଗ୍ତାନ୍ନା। ୱାଡ ଇମ୍ଣି ବାହାତାକେ ମାଡ଼ା ମାଚାତ୍ ୱାଜି ହୁଡ଼ାଟ୍। 7ବେଗି ଇବେତାଙ୍ଗ୍ ହାଲ୍ଜି ତା ଚେଲାହିରିଙ୍ଗ୍ ୱେଚାଟ୍, ‘ଯୀଶୁ ଆରେରଗ ଜିବୁନ୍ ଆତାନ୍ନା। ହେୱାନ୍ ଗାଲିଲୀ ଜିଲ୍ଲା ନିପଣ୍ ହାନାନା। ମି ଆଗେ ହେୱାନ୍ ହେବେ ମାନ୍ଗାନାନ୍। ଏପେଙ୍ଗ୍ ହେୱାନିଙ୍ଗ୍ ହେବେ ହୁଡ଼୍ନାଦେର୍।’ ” ତାପାଚେ ସରଗ୍ଦୁତ୍ ଆରେରଗ ୱେଚ୍ଚାନ୍, “ଇୱିଜୁ କାତା ମିଙ୍ଗେଙ୍ଗ୍ ୱେଚ୍ଚେଦେଙ୍ଗ୍ ୱାଜି ମାଚାଙ୍ଗ୍।”
8ଲାଗିଙ୍ଗ୍ ହେ କଗ୍ଲେ ହିମ୍ଣାଙ୍ଗ୍ ଦୁଗେର୍ ପିସ୍ତି ହାଚିକ୍। ହେୱେକ୍ ପାଣ୍ଡ୍ରାଆଜି ମାଚିକ୍, ମାତର୍ ବେସି ୱାରି ପା ଆଜି ମାଚିକ୍। ଇନାକା ୱିଜୁ ହୁଡ଼୍ତିକ୍ ଆରେ ୱେନ୍ଞ୍ଜି ମାଚିକ୍, ହେ ୱିଜୁ ଯୀଶୁ ଚେଲାହିରିଙ୍ଗ୍ ୱେଚ୍ଚେଙ୍ଗ୍ ହନ୍ଚି-ହନ୍ଚି ହାଚିକ୍। 9ହେଦାପ୍ରେ ହେୱାର୍ ହୁଡ଼୍ତାର୍, ଯୀଶୁ ତା ଆଗ୍ବାଗାୟ୍ ନିଲ୍ତାନ୍ନା, ହେୱାନ୍ ୱେଚ୍ଚାନ୍, “ମି ଶାନ୍ତି ଆୟେତ୍!” କଗ୍ଲେ ହିମ୍ଣାକ୍ ଯୀଶୁ ଲାଗାୟ୍ ହାଚିକ୍। ହେୱେକ୍ ତା କାଲ୍କୁ ଆସ୍ତି ପୁଜା କିତିକ୍। 10ଯୀଶୁ ହେ କଗ୍ଲେକାଙ୍ଗ୍ ୱେଚ୍ଚାନ୍, ପାଣ୍ଡ୍ରା ଆମାଟ୍। ଏପେଙ୍ଗ୍ ହାଲ୍ଜି ନା ଟଣ୍ଡାରିଙ୍ଗ୍ ୱେଚାଟ୍ ଯେ, ହେୱାର୍ ଗାଲିଲୀ ଜିଲ୍ଲାତ ହାଲେର୍। ହେୱାର୍ ନାଙ୍ଗେଙ୍ଗ୍ ହେବେ ହୁଡ଼୍ଦାନାର୍।
ଜାଗୁୱାଡ଼ିର୍ ଯିହୁଦି ନେତାରିଙ୍ଗ୍ ଗଟ୍ନାନି କାତା ୱେଚ୍ଚାର୍
11ଏଚେପାଦ୍ନା ହେ କଗ୍ଲେକ୍ ଯୀଶୁ ଚେଲାହିରିଙ୍ଗ୍ କାବୁର୍ ହିଦେଙ୍ଗ୍ ହାଚିକ୍। ଦୁଗେର୍ ବାଟାତିଙ୍ଗ୍ କାନି ଜାଗୁୱାଡ଼ିର୍ ସହର୍ତାକେ ହାଲ୍ଜି ଦୁଗେର୍ ଲାଗାୟ୍ ଇନାକା ୱିଜୁ ଗଟାଆଜି ମାଚାତ୍, ହେ ୱିଜୁ କାବୁର୍ ଈଶ୍ୱର ହେବାକିନି ମୁଡ଼୍ଦି ପୁଜାରିରିଙ୍ଗ୍ ୱେଚ୍ଚାର୍। 12ତାପାଚେ ଈଶ୍ୱର ହେବାକିନି ମୁଡ଼୍ଦି ପୁଜାରିର୍, ପ୍ରାଚିନ୍ ହୁଦାଙ୍ଗ୍ ଜଜ୍ନା କିଜି ର ଉପାୟ୍ ଡେକ୍ତାର୍। ହେୱାର୍ ସେନାହିରିଙ୍ଗ୍ ମିଚ୍ ୱେଚ୍ନି କାଜିଙ୍ଗ୍ ବେସି ଡାବୁଙ୍ଗ୍ ଲାଞ୍ଚ୍ ହିତାର୍। 13ହେୱାର୍ ସେନାହିରିଙ୍ଗ୍ ୱେଚ୍ଚାର୍, “ଏପେଙ୍ଗ୍ ମାନାୟାରିଙ୍ଗ୍ ୱେଚ୍ନାଦେର୍ ଯେ, ଏପେଙ୍ଗ୍ ୱିଜାକାଦେର୍ ହୁନ୍ଚିହିଙ୍ଗ୍ ଯୀଶୁ ଚେଲାହିର୍ ମିକାଲିଙ୍ଗ୍ ୱାତାର୍ ଆରେ ତା ହାଃତି ମାଡ଼ାତିଙ୍ଗ୍ ଦୁଗେର୍ତାଙ୍ଗ୍ ଚର୍କିଜି ଅତାର୍।
14ଗବର୍ନର୍ ପିଲାତ ଯଦି ଇବେଣ୍ ୱେନାନ୍, ଲାଗିଙ୍ଗ୍ ଆପେଙ୍ଗ୍ ହେୱାନିଙ୍ଗ୍ ହାର୍ କିଜି ବୁଜାଇକିଜି ୱେଚ୍ନାପ୍ ଆରେ ମିଙ୍ଗେଙ୍ଗ୍ ଅସୁବିଦାତାଙ୍ଗ୍ ରକ୍ଷା କିଦ୍ନାପ୍।” 15ସେନାର୍ ଡାବୁଙ୍ଗ୍ ଅତାର୍। ହେୱାରିଙ୍ଗ୍ ଇନେସ୍ ହିକାଇକିଜି ମାଚାର୍, ସେନାର୍ ହେଲେକେ ୱେଚ୍ଚାର୍। ଆରେ ଇ ବେଣ୍ତିଙ୍ଗ୍ ଯିହୁଦିର୍ ନେଞ୍ଜ୍ ପାତେକ୍ ପାର୍ତିକିନାରା।
ଗାଜା ଆଦେସ୍
(ମାର୍କ. ୧୬:୧୪-୧୮; ଲୁକ. ୨୪:୩୬-୪୯; ଯୋହନ. ୨୦:୧୯-୨୩; କାମାୟ୍. ୧:୬-୮)
16ଏଗାର୍ଜାଣ୍ ଚେଲାହିର୍ ଗାଲିଲୀ ଜିଲ୍ଲାତ ହାଚାର୍। ଯୀଶୁ ହେୱାରିଙ୍ଗ୍ ଇମ୍ଣି ମାଡ଼ିତାକେ ହାଞ୍ଜେଙ୍ଗ୍ ୱେଚ୍ଚି ମାଚାନ୍, ହେୱାର୍ ହେବେ ହାଚାର୍। 17ହେବେ ମାଡ଼ିଜପି ଯୀଶୁଙ୍ଗ୍ ହୁଡ଼୍ତାର୍। ହେୱାର୍ ହେୱାନିଙ୍ଗ୍ ପୁଜା କିତାର୍। ମାତର୍ ହେ ଚେଲାହିର୍ ବିତ୍ରେତାଙ୍ଗ୍ କେତେକ୍ ପାର୍ତି କିୱାତାର୍ ଯେ, ଇୱାନ୍ ଆନାନା ହେ ଯୀଶୁ।
18ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍ତାନ୍ନା। 19ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍। 20ଆନେଙ୍ଗ୍ ମିଙ୍ଗେଙ୍ଗ୍ ଇମ୍ଣି-ଇମ୍ଣି ବିଷୟ ୱିଜୁ ୱେଚ୍ଚାତାଙ୍ଗ୍ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍ଗାନାଙ୍ଗ୍।”
Currently Selected:
ମାଥିଉ 28: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ମାଥିଉ 28
28
ଯୀଶୁ ହାଃଜି ଆରେରଗ ଜିବୁନ୍ଆନି କାତା
(ମାର୍କ. ୧୬:୧-୧୦; ଲୁକ. ୨୪:୧-୧୨; ଯୋହନ. ୨୦:୧-୧୦)
1ଜମ୍ନିଦିନ୍ ଆର୍କାତ୍ ନାଞ୍ଜିଙ୍ଗ୍ ରଇବାର୍ ନାଞ୍ଜ୍ ନାଣାଙ୍ଗେ ମଗ୍ଦଲିନି ସହର୍ନି ମରିୟମ ଆରେ ମରିୟମ ତର୍ଦି ଜେକନି କଗ୍ଲେ ରଞ୍ଜେଲ୍ ଦୁଗେର୍ ହୁଡ଼୍ଦେଙ୍ଗ୍ ୱାତିକ୍। 2ହେପାଦ୍ନା ର ଗାଜା ବୁମିକମ୍ପ୍ ଆତାତ୍। ମାପୃତି ର ଦୁତ୍ ସରଗ୍ତାଙ୍ଗ୍ ଜୁଜି ୱାତାନ୍। ହେ ଦୁତ୍ ଦୁଗେର୍ ଲାଗାୟ୍ ହାଚାନ୍ ଆରେ ଦୁଗେର୍ ମୁମ୍ଦି ଗାଜାକାଲ୍ ଗୁଚାଇ କିଜି ହେ କାଲ୍ଜପି କୁଚ୍ଚାନ୍।
3ସରଗ୍ ଦୁତ୍ତି ରୁପ୍ ବିଜ୍ଲି ଲେକେ ଚମ୍କା ଆଜି ମାଚାତ୍ ଆରେ ତା ଉସ୍ପିତି ହେନ୍ଦ୍ରା ଡ଼ିଣ୍ଞ୍ଜି ମାଚାତ୍। 4ଦୁଗେର୍ତିଙ୍ଗ୍ କାସିମାନି ସେନାର୍ ସରଗ୍ ଦୁତ୍ତିଙ୍ଗ୍ ହୁଡ଼୍ଜି ପାଣ୍ଡ୍ରା ଆତାର୍। ହେୱାର୍ ପାଣ୍ଡ୍ରୁତିଙ୍ଗ୍ ତ୍ରିଗ୍ଜି ମାଚାର୍। ହେୱାର୍ ହାଃତି ଲେକେ ଆତାର୍।
5ସରଗ୍ଦୁତ୍ କଗ୍ଲେକାଙ୍ଗ୍ ୱେଚ୍ଚାନ୍, “ଏପେଙ୍ଗ୍ ପାଣ୍ଡ୍ରା ଆମାଟ୍। ଇମ୍ଣି ଯୀଶୁଙ୍ଗ୍ କୃଶକାଟ୍ତାକେ ଦୁପ୍ଚି ଅସ୍ତାର୍ନା ଏପେଙ୍ଗ୍ ହେୱାନିଙ୍ଗ୍ ଡେକ୍ନି କାତା ଆନେଙ୍ଗ୍ ପୁଚାଙ୍ଗ୍ନା। 6ହେୱାନ୍ ଇବେ ହିଲୁନ୍, ତା ୱେଚ୍ଚିଲେକେ ହେୱାନ୍ ଆରେରଗ ଜିବୁନ୍ଆଜି ନିଙ୍ଗ୍ତାନ୍ନା। ୱାଡ ଇମ୍ଣି ବାହାତାକେ ମାଡ଼ା ମାଚାତ୍ ୱାଜି ହୁଡ଼ାଟ୍। 7ବେଗି ଇବେତାଙ୍ଗ୍ ହାଲ୍ଜି ତା ଚେଲାହିରିଙ୍ଗ୍ ୱେଚାଟ୍, ‘ଯୀଶୁ ଆରେରଗ ଜିବୁନ୍ ଆତାନ୍ନା। ହେୱାନ୍ ଗାଲିଲୀ ଜିଲ୍ଲା ନିପଣ୍ ହାନାନା। ମି ଆଗେ ହେୱାନ୍ ହେବେ ମାନ୍ଗାନାନ୍। ଏପେଙ୍ଗ୍ ହେୱାନିଙ୍ଗ୍ ହେବେ ହୁଡ଼୍ନାଦେର୍।’ ” ତାପାଚେ ସରଗ୍ଦୁତ୍ ଆରେରଗ ୱେଚ୍ଚାନ୍, “ଇୱିଜୁ କାତା ମିଙ୍ଗେଙ୍ଗ୍ ୱେଚ୍ଚେଦେଙ୍ଗ୍ ୱାଜି ମାଚାଙ୍ଗ୍।”
8ଲାଗିଙ୍ଗ୍ ହେ କଗ୍ଲେ ହିମ୍ଣାଙ୍ଗ୍ ଦୁଗେର୍ ପିସ୍ତି ହାଚିକ୍। ହେୱେକ୍ ପାଣ୍ଡ୍ରାଆଜି ମାଚିକ୍, ମାତର୍ ବେସି ୱାରି ପା ଆଜି ମାଚିକ୍। ଇନାକା ୱିଜୁ ହୁଡ଼୍ତିକ୍ ଆରେ ୱେନ୍ଞ୍ଜି ମାଚିକ୍, ହେ ୱିଜୁ ଯୀଶୁ ଚେଲାହିରିଙ୍ଗ୍ ୱେଚ୍ଚେଙ୍ଗ୍ ହନ୍ଚି-ହନ୍ଚି ହାଚିକ୍। 9ହେଦାପ୍ରେ ହେୱାର୍ ହୁଡ଼୍ତାର୍, ଯୀଶୁ ତା ଆଗ୍ବାଗାୟ୍ ନିଲ୍ତାନ୍ନା, ହେୱାନ୍ ୱେଚ୍ଚାନ୍, “ମି ଶାନ୍ତି ଆୟେତ୍!” କଗ୍ଲେ ହିମ୍ଣାକ୍ ଯୀଶୁ ଲାଗାୟ୍ ହାଚିକ୍। ହେୱେକ୍ ତା କାଲ୍କୁ ଆସ୍ତି ପୁଜା କିତିକ୍। 10ଯୀଶୁ ହେ କଗ୍ଲେକାଙ୍ଗ୍ ୱେଚ୍ଚାନ୍, ପାଣ୍ଡ୍ରା ଆମାଟ୍। ଏପେଙ୍ଗ୍ ହାଲ୍ଜି ନା ଟଣ୍ଡାରିଙ୍ଗ୍ ୱେଚାଟ୍ ଯେ, ହେୱାର୍ ଗାଲିଲୀ ଜିଲ୍ଲାତ ହାଲେର୍। ହେୱାର୍ ନାଙ୍ଗେଙ୍ଗ୍ ହେବେ ହୁଡ଼୍ଦାନାର୍।
ଜାଗୁୱାଡ଼ିର୍ ଯିହୁଦି ନେତାରିଙ୍ଗ୍ ଗଟ୍ନାନି କାତା ୱେଚ୍ଚାର୍
11ଏଚେପାଦ୍ନା ହେ କଗ୍ଲେକ୍ ଯୀଶୁ ଚେଲାହିରିଙ୍ଗ୍ କାବୁର୍ ହିଦେଙ୍ଗ୍ ହାଚିକ୍। ଦୁଗେର୍ ବାଟାତିଙ୍ଗ୍ କାନି ଜାଗୁୱାଡ଼ିର୍ ସହର୍ତାକେ ହାଲ୍ଜି ଦୁଗେର୍ ଲାଗାୟ୍ ଇନାକା ୱିଜୁ ଗଟାଆଜି ମାଚାତ୍, ହେ ୱିଜୁ କାବୁର୍ ଈଶ୍ୱର ହେବାକିନି ମୁଡ଼୍ଦି ପୁଜାରିରିଙ୍ଗ୍ ୱେଚ୍ଚାର୍। 12ତାପାଚେ ଈଶ୍ୱର ହେବାକିନି ମୁଡ଼୍ଦି ପୁଜାରିର୍, ପ୍ରାଚିନ୍ ହୁଦାଙ୍ଗ୍ ଜଜ୍ନା କିଜି ର ଉପାୟ୍ ଡେକ୍ତାର୍। ହେୱାର୍ ସେନାହିରିଙ୍ଗ୍ ମିଚ୍ ୱେଚ୍ନି କାଜିଙ୍ଗ୍ ବେସି ଡାବୁଙ୍ଗ୍ ଲାଞ୍ଚ୍ ହିତାର୍। 13ହେୱାର୍ ସେନାହିରିଙ୍ଗ୍ ୱେଚ୍ଚାର୍, “ଏପେଙ୍ଗ୍ ମାନାୟାରିଙ୍ଗ୍ ୱେଚ୍ନାଦେର୍ ଯେ, ଏପେଙ୍ଗ୍ ୱିଜାକାଦେର୍ ହୁନ୍ଚିହିଙ୍ଗ୍ ଯୀଶୁ ଚେଲାହିର୍ ମିକାଲିଙ୍ଗ୍ ୱାତାର୍ ଆରେ ତା ହାଃତି ମାଡ଼ାତିଙ୍ଗ୍ ଦୁଗେର୍ତାଙ୍ଗ୍ ଚର୍କିଜି ଅତାର୍।
14ଗବର୍ନର୍ ପିଲାତ ଯଦି ଇବେଣ୍ ୱେନାନ୍, ଲାଗିଙ୍ଗ୍ ଆପେଙ୍ଗ୍ ହେୱାନିଙ୍ଗ୍ ହାର୍ କିଜି ବୁଜାଇକିଜି ୱେଚ୍ନାପ୍ ଆରେ ମିଙ୍ଗେଙ୍ଗ୍ ଅସୁବିଦାତାଙ୍ଗ୍ ରକ୍ଷା କିଦ୍ନାପ୍।” 15ସେନାର୍ ଡାବୁଙ୍ଗ୍ ଅତାର୍। ହେୱାରିଙ୍ଗ୍ ଇନେସ୍ ହିକାଇକିଜି ମାଚାର୍, ସେନାର୍ ହେଲେକେ ୱେଚ୍ଚାର୍। ଆରେ ଇ ବେଣ୍ତିଙ୍ଗ୍ ଯିହୁଦିର୍ ନେଞ୍ଜ୍ ପାତେକ୍ ପାର୍ତିକିନାରା।
ଗାଜା ଆଦେସ୍
(ମାର୍କ. ୧୬:୧୪-୧୮; ଲୁକ. ୨୪:୩୬-୪୯; ଯୋହନ. ୨୦:୧୯-୨୩; କାମାୟ୍. ୧:୬-୮)
16ଏଗାର୍ଜାଣ୍ ଚେଲାହିର୍ ଗାଲିଲୀ ଜିଲ୍ଲାତ ହାଚାର୍। ଯୀଶୁ ହେୱାରିଙ୍ଗ୍ ଇମ୍ଣି ମାଡ଼ିତାକେ ହାଞ୍ଜେଙ୍ଗ୍ ୱେଚ୍ଚି ମାଚାନ୍, ହେୱାର୍ ହେବେ ହାଚାର୍। 17ହେବେ ମାଡ଼ିଜପି ଯୀଶୁଙ୍ଗ୍ ହୁଡ଼୍ତାର୍। ହେୱାର୍ ହେୱାନିଙ୍ଗ୍ ପୁଜା କିତାର୍। ମାତର୍ ହେ ଚେଲାହିର୍ ବିତ୍ରେତାଙ୍ଗ୍ କେତେକ୍ ପାର୍ତି କିୱାତାର୍ ଯେ, ଇୱାନ୍ ଆନାନା ହେ ଯୀଶୁ।
18ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍ତାନ୍ନା। 19ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍। 20ଆନେଙ୍ଗ୍ ମିଙ୍ଗେଙ୍ଗ୍ ଇମ୍ଣି-ଇମ୍ଣି ବିଷୟ ୱିଜୁ ୱେଚ୍ଚାତାଙ୍ଗ୍ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍ଗାନାଙ୍ଗ୍।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.