ମାର୍କ 12
12
ଅଙ୍ଗୁର୍ ବାଡ଼୍ଦ ବାନ୍ୟା ଆଦି ଚାଷିତି କାତା
(ମାଥି. ୨୧:୩୩-୪୬; ଲୁକ. ୨୦:୯-୧୯)
1ତାପାଚେ ଯୀଶୁ ଯିହୁଦି ନେତାରିଙ୍ଗ୍ କାତା ୱେଚ୍ନିଲେକେ ୱେଚ୍ଚାନ୍, “ର ମାନାୟ୍ ତା ବାଡ୍ଦ ଅଙ୍ଗୁର୍ ରୁସ୍ତାନ୍, ଆରେ ତା ଚାରିବେଣ୍ତାଙ୍ଗ୍ ବାଡ଼୍ ମୁକ୍ତାନ୍। ହେୱାନ୍ ଆରେ ପା ଅଙ୍ଗୁର୍ ଉହ୍ନି କୁଣ୍ଡ୍ ରସ୍ତାନ୍, ଆରେ ହେବେ ଜାଗୁୱାଡ଼ି ଇଲ୍ ରଞ୍ଜି ରସ୍ତାନ୍। ତାପାଚେ, ହେ ଅଙ୍ଗୁର୍ ବାଡ଼୍ଦିଙ୍ଗ୍ ଆଦି ହିଜି ବିଦେସ୍ ହାଚାନ୍। 2ଆରେ, ଅଙ୍ଗୁର୍ ବାଡ଼୍ଦ ଅଙ୍ଗୁର୍ ଏଚ୍ନିହିଙ୍ଗ୍ ମାଲିକ୍ ତା ବାଗ୍ ତାତେଙ୍ଗ୍ ତା ହଲିଆହିଙ୍ଗ୍ ହେୱାନ୍ତାକେ ପକ୍ତାନ୍। 3ମାତର୍ ହେ ବାଡ଼୍ ଆଦି କିତାକାର୍ ହେ ହଲିଆଙ୍ଗ୍ ଆସ୍ତି ମାଡ୍ ହିତାର୍, ଆରେ ୱାରି କେଇଦାଙ୍ଗ୍ ଲେଉଟାଇ କିତାର୍।
4ଆରେ, ବାଡ଼୍ ମାଲିକ୍ ଆରେ ରକାନିଙ୍ଗ୍ ହଲିଆହିଙ୍ଗ୍ ପକ୍ତାନ୍। ମାତର୍ ହେୱାର୍ ହେୱାନିଙ୍ଗ୍ ପା କାପ୍ଡ଼ା ପାଡ଼୍ଚି ଇଡ଼୍ତାର୍ ଆରେ ହେୱାନିଙ୍ଗ୍ ଇନସ୍ତାକିଜି ପକ୍ତାର୍। 5ହେୱାନ୍ ଆରେ ରକାନିଙ୍ଗ୍ ହଲିଆହିଙ୍ଗ୍ ପକ୍ତାନ୍, ହେୱାର୍ ହେୱାନିଙ୍ଗ୍ ପା ମାର୍ନେ ଅସ୍ତାର୍। ହେବେତାଙ୍ଗ୍ ହେ ବାଡ଼୍ ମାଲିକ୍ ଆରେ ବେସି ହେନିତିଙ୍ଗ୍ ପକ୍ତାନ୍, ହେୱାରିଙ୍ଗ୍ ପା କେତେକ୍ ଜାଣ୍ତିଙ୍ଗ୍ ଟ୍ରାକ୍ତାର୍ ଆରେ କେତେକ୍ ଜାଣ୍ତିଙ୍ଗ୍ ମାର୍ନେ ଅସ୍ତାର୍। 6ହାରିହାରା, ବାଡ଼୍ ମାଲିକ୍ତାକେ ରକାନ୍ ମାତର୍ ତା ଲାଡ୍ ମାଜି ମାଚାନ୍, ଆରେ ହେୱାର୍ତାକେ ପକ୍ତିସ୍ ‘ନା ହିମ୍ଣାତିଙ୍ଗ୍ ହେୱାର୍ ମାନିକିନାର୍’ ଇଞ୍ଜି ଇଦାଙ୍ଗ୍ ୱେଚ୍ଚି ହେୱାର୍ତାକେ ପକ୍ତାନ୍।
7ମାତର୍ ହେ ଆଦି ଆସ୍ତାକାର୍ ଜାର୍-ଜାର୍ ବେଣ୍କିବାଆଜି ୱେଚ୍ଚାର୍, ‘ହୁଡ଼ାଟ୍! ଇୱାନ୍ତ ମାଲିକ୍ ମେହି, ଇୱାନିଙ୍ଗ୍ ମାର୍ନେ ଅସ୍ତିସ୍ ନେ ୱିଜୁ ମା ଆଦିକାର୍ ଆନାତ୍।’ 8ହେବେତାଙ୍ଗ୍ ହେୱାର୍ ହେୱାନିଙ୍ଗ୍ ମାର୍ନେ ଅସ୍ତାର୍ ଆରେ ଅଙ୍ଗୁର୍ ବାଡ଼୍ଦାଙ୍ଗ୍ ବାର୍ତ ତୁଇତାର୍।
9ଲାଗିଙ୍ଗ୍ ଅଙ୍ଗୁର୍ ବାଡ଼୍ଦି ମାଲିକ୍ ଇନାକା କିନାନ୍ ଇଞ୍ଜି ଏପେଙ୍ଗ୍ ବାବିକିନାଦେରା? ହେୱାନ୍ ୱାଜି ଆଦି ଆସ୍ତାକାରିଙ୍ଗ୍ ବିନାସ୍ କିନାନ୍ ଆରେ ଅଲଗାଲଗାଙ୍ଗ୍ ଅଙ୍ଗୁର୍ ବାଡ଼୍ ହିନାନ୍। 10ଏପେଙ୍ଗ୍ ହାତ୍ପା ଦରମ୍ ସାସ୍ତର୍ତାକେ ଇବେଣ୍ ପଡ଼ିକିତାଦେର୍ନା,
‘ଇଲ୍ ରହ୍ନାକାର୍ ଇମ୍ଣି କାଲ୍ତିଙ୍ଗ୍ ହାର୍ ଆକାୟ୍ ଇଞ୍ଜି ତୁଇତାର୍,
ହେ କାଲ୍ନେ କନାନି ମୁଡ଼୍ କାଲ୍ ଆତାତ୍।
11ମାପୃତାକେ ଏଲେଙ୍ଗ୍ ଆତାତ୍, ଆରେ ହେଦାଙ୍ଗ୍ ମା କାଜିଙ୍ଗ୍ କାବା ଆନି କାତା?’ ”
12ହେବେତାଙ୍ଗ୍ ଈଶ୍ୱର ହେବାକିନି ମୁଡ଼୍ଦି ପୁଜାରି, ଯିହୁଦି ଦରମ୍ନି ପଣ୍ଡିତାର୍ ଆରେ ନାୟକ୍ ଯୀଶୁ ହେୱାରିଙ୍ଗ୍ ର କାତା ୱେଚ୍ନିଲେକେ ବୁଜାଇକିଜି ୱେଚ୍ଚି ମାଚାନ୍, ଇଦାଙ୍ଗ୍ କାଜିଙ୍ଗ୍ ଅସ୍ତେଙ୍ଗ୍ ଉପାୟ୍ କିତାର୍। ମାତର୍ ହେୱାର୍ ମାନାୟ୍ ମୁମ୍ଦ ଇଞ୍ଜି ପାଣ୍ଡ୍ରା ଆତାର୍, ଇନେସ୍କି ଯୀଶୁ କାତାତିଙ୍ଗ୍ ବୁଜାଆଜି ମାଚାର୍, ଆରେ ହେୱାର୍ ହେୱାନିଙ୍ଗ୍ ପିସ୍ତି ହାଚାର୍।
ସିସ୍ତୁ ହିନି କାତା
(ମାଥି. ୨୨:୧୫-୨୨; ଲୁକ. ୨୦:୨୦-୨୬)
13ପାଚେ, ପାରୁସିଦଳ୍ନି କେତେକ୍ ହେନି ମାନାୟ୍ତିଙ୍ଗ୍ ଆରେ ହେରୋଦ ନିପଣ୍ ଆନି ମାନାୟ୍ତିଙ୍ଗ୍ ଯୀଶୁତାକେ ପକ୍ତାନ୍। ଇନେସ୍କି ହେୱାନ୍ ତାଙ୍ଗେଙ୍ଗ୍ ବେଣ୍ ବେଣ୍ତାକେ ଜାଲ୍ଦ ରାତ୍ଚି ବୁଲ୍ ଆସ୍ତେଙ୍ଗ୍ ୱାଜିମାଚାର୍। 14ହେୱାର୍ ୱାଜି ଯୀଶୁଙ୍ଗ୍ ୱେଚ୍ଚାର୍, “ଏ ଗୁରୁ, ଆପେଙ୍ଗ୍ ପୁନାପ୍, ଏନେଙ୍ଗ୍ ୱିଜୁଦିନ୍ ସତ୍ ୱେଚ୍ନାଇ, ମାନାୟାର୍ ଇନାକା ଇଞ୍ଜ୍ନାର୍ କି ଇଞ୍ଜୁର୍ ଇଞ୍ଜି ଅଲପ୍ପା ଇନେରିଙ୍ଗ୍ ପାଣ୍ଡ୍ରା ଆଉୟା।” ଏନେଙ୍ଗ୍ ୱିଜାକାରିଙ୍ଗ୍ ହାମାନ୍ ହୁଡ଼୍ନାୟା, ଆରେ ଏନେଙ୍ଗ୍ ସତ୍ ଲେକେ ଈଶ୍ୱରତାକେ ହାନି ହାଜି ହିକ୍ଷା ହିନାଇ। ନଙ୍ଗୟ୍ ମାଙ୍ଗେଙ୍ଗ୍ ୱେଚ୍ଚା, “ରୋମ୍ନି କାଇସର୍ ମହା ରାଜାଙ୍ଗ୍ ସିସ୍ତୁ ହିନାକା ମୋଶା ସାସ୍ତର୍ତାକେ ଇ ବିଦି ମାନାତ୍ କି ଆକାୟ୍? 15ଆସେଙ୍ଗ୍ ହିନାସ୍କି ଆକାଇ?” ମାତର୍ ଯୀଶୁ ହେୱାର୍ତି ବାଟ୍ପାଣ୍ ବୁଦି ପୁନ୍ଞ୍ଜି ୱେଚ୍ଚାନ୍, “ଇନା କିଦେଙ୍ଗ୍ ନାଙ୍ଗେଙ୍ଗ୍ ପରିକ୍ଷା କିଦ୍ନାଦେରା? ର ରୁପାଡାବୁ#୧୨:୧୫ ରୁପାଡାବୁ ଦିନାରିୟସ୍ ରୋମିୟ ସରକାରତିଙ୍ଗ୍ ର ଡାବୁ ମାଚାତ୍, ହେ ଡାବୁ ରୂପାତାଙ୍ଗ୍ ରହିୟାଆଜି ମାଚାତ୍। ଯିହୁଦି ମାନାୟାର୍ ରୁପା ଡାବୁଙ୍ଗ୍ ସିସ୍ତୁ ଗାଚ୍ଚି ମାଚାର୍। ରୁପା ଡାବୁତାକେ ରୋମିୟ ସରକାରନି କାପ୍ଡ଼ା ମାଚାତ୍ ନାବେ ତାଡ, ଆନେଙ୍ଗ୍ ହେଦାଙ୍ଗ୍ ହୁଡ଼୍ନାଙ୍ଗ୍।” 16ହେବେତାଙ୍ଗ୍ ହେୱାର୍ ହେ ରୁପାଡାବୁ ତାହିୱାଜି ଯୀଶୁଙ୍ଗ୍ ହିତାର୍। ଯୀଶୁ ହେୱାରିଙ୍ଗ୍ ୱେନ୍ବାତାନ୍, “ଇ ଡାବୁତାକେ ଇନେର୍ ମୁର୍ତ୍ତି ମାନାତ୍ ଆରେ ଇନେର୍ ତର୍ ମାନାତ୍?” ହେୱାର୍ ଯୀଶୁଙ୍ଗ୍ ୱେଚ୍ଚାର୍, “କାଇସର୍ ରୋମ୍ନି ମହା ରାଜାତି।”
17ହେବେ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇମ୍ଣାକା କାଇସର୍ ରାଜାତି ହେଦାଙ୍ଗ୍ କାଇସର୍ ମହା ରାଜାଙ୍ଗ୍ ହିଆଟ୍। ଆରେ, ଇମ୍ଣାକା ଈଶ୍ୱରତି, ହେଦାଙ୍ଗ୍ ଈଶ୍ୱରତିଙ୍ଗ୍ ହିଆଟ୍।” ହେବେତାଙ୍ଗ୍ ହେୱାର୍ ଯୀଶୁ ବେଣ୍ ୱେନ୍ଞ୍ଜି ବେସି କାବା ଆତାର୍।
ଯିହୁଦି ଦରମ୍ନି ସାଦୁକିଦଳ୍ ଆରେରଗ ଜିବୁନ୍ଆନି ବିଷୟନି କାତା
(ମାଥି. ୨୨:୨୩-୩୩; ଲୁକ. ୨୦:୨୭-୪୦)
18ତାପାଚେ ଯିହୁଦି ଦର୍ମନି ସାଦୁକିଦଳ୍ନି ମାନାୟାର୍ ହାଃତାକାର୍ ଆରେରଗ ଜିବୁନ୍ ଆନାକାଦିଙ୍ଗ୍ ପାର୍ତିକିୱାକାର୍ ଯୀଶୁ କଚଣ୍ତ ୱାତାର୍। ଆରେ ହେୱାର୍ ହେୱାନିଙ୍ଗ୍ ୱେନ୍ବାତାର୍, 19“ଏ ଗୁରୁ, ମୋଶା ତା ସାସ୍ତର୍ତାକେ ମା କାଜିଙ୍ଗ୍ ଲେକିକିତାନ୍ନା, ଯଦି ଇନେର୍ ଟଣ୍ତାହି ପା ହାଃନାନ୍, ଆରେ ତା ଡକ୍ରୁହି ଜିବୁନ୍ ମାନ୍ଗାନାତ୍, ଆରେ ହେଦେଲିଙ୍ଗ୍ ହିମ୍ଣାୱାକ୍ଡ଼ା ହିଲ୍ଗୁର୍, ଏନେଙ୍ଗ୍ ଆତିସ୍ ତା ଟଣ୍ଡେନ୍ ତା ଅନିହିଙ୍ଗ୍ ରାକିକିଜି ଜାର୍ ଟଣ୍ଡେନ୍ କାଜିଙ୍ଗ୍ ବଂଶ୍ ବାଡାଇ କିନାନ୍। 20ହୁଡ଼ାଟ୍, ରଞ୍ଜ ସାତ୍ବାଇ ମାଚାର୍, ଗାଜାକାନ୍ ର କଗ୍ଲେଙ୍ଗ୍ ଇଲା ଆତାକାନ୍ ଆରେ ହିମ୍ଣାୱାକ୍ଡ଼ା ଆୱାଦାଙ୍ଗ୍ ହାଃତାନ୍। 21ପାଚେ ଆରେ ଗାଜା ମାଜିଆ ଟଣ୍ଡାହି ତା ଅନିହିଙ୍ଗ୍ ଇଲା ଆତାନ୍ ଆରେ ହେୱାନ୍ ପା ହିମ୍ଣାୱାକ୍ଡ଼ା ଆୱାଦାଙ୍ଗ୍ ହାଃତାନ୍। ଆରେ ହିରୁ ମାଜିଆ ଟଣ୍ଡାହି ପା ଏନେଙ୍ଗ୍ ଲେକେ ଆତାନ୍, 22ଆରେ ସାତ୍ବାଇ ପା ହିମ୍ଣାୱାକ୍ଡ଼ା ଆୱାଦାଙ୍ଗ୍ ହାଃତାର୍, ୱିଜାର୍ ୱିସ୍ତି ପାଚେ ହେ କଗ୍ଲେ ପା ହାଃତାତ୍।” 23ନଙ୍ଗୟ୍ ନାଙ୍ଗେଙ୍ଗ୍ ୱେଚ୍ଚା, “ହେ କଗ୍ଲେ ତ ସାତ୍ବାଇତିଙ୍ଗ୍ ପା ବିବାଆଜି ମାଚାତ୍, ହାଃତାକାର୍ ଆରେରଗ ଜିବୁନ୍ ଆତିସ୍ ହେଦେଲ୍ ଇନେର୍ ଡକ୍ରୁହି ଆନାତ୍?”
24ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଦରମ୍ ସାସ୍ତର୍ତିଙ୍ଗ୍ ଆରେ ଈଶ୍ୱର ଶାକ୍ତି ବିଷୟରେ ପୁନୁଦେରା ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ବୁଲ୍ ବୁଜାଆନାଦେରା। 25ଏଚେପାଦ୍ନା ହାଃତାକାର୍ ଆରେରଗ ଜିବୁନ୍ଆତି ପାଚେ ଇଲ୍ଆଉର୍ ଆରେ ବିବା ଆଦେଙ୍ଗ୍ ପା ହିଉର୍, ମାତର୍ ସରଗ୍ନି ଦୁତ୍ ଲେକେ ଆଜି ମାନାର୍। 26ଏପେଙ୍ଗ୍ ମୋଶା ଲେକିକିତି ସାସ୍ତର୍ ପଡ଼ି କିୱାତାଦେର୍ନା କି? କାଚାଆନି ବୁଟାତାଙ୍ଗ୍ ଈଶ୍ୱର ମଶାଙ୍ଗ୍ ବେଣ୍କିତାନ୍ ଆରେ ୱେଚ୍ଚାନ୍, ‘ଆନେଙ୍ଗ୍ ମି ଆକଦାଦିର୍, ଅବ୍ରାହାମ୍, ଇସାକ ଆରେ ଯାକୁବ ଇନେରିଙ୍ଗ୍ ହେବାକିଜି ମାଚାର୍ ଆନେଙ୍ଗ୍ ହେ ଈଶ୍ୱର।’ 27ହେୱାନ୍ ହାଃତାକାରିଙ୍ଗ୍ ଈଶ୍ୱର ଆଉନ୍ ମାତର୍ ଜିତାକାର୍ତି ଈଶ୍ୱର। ଇ କାଜିଙ୍ଗ୍ ଏପେଙ୍ଗ୍ ଗାଜା ବୁଲ୍ ଚିନ୍ତା କିନାଦେରା।”
ମୁଡ଼୍ଆଦେସ୍
(ମାଥି. ୨୨:୩୪-୪୦; ଲୁକ. ୧୦:୨୫-୨୮)
28ଯୀଶୁ ଆରେ ଯିହୁଦି ଦରମ୍ନି ସାଦୁକିଦଳ୍ ଜୁକ୍ତି ଆନାକା ୱେନ୍ଞ୍ଜି ଯିହୁଦି ଦରମ୍ନି ପଣ୍ଡିତାର୍ ବିତ୍ରେତାଙ୍ଗ୍ ରକାନ୍ ଯୀଶୁତାକେ ୱାତାନ୍। ହେୱାନ୍ ହେୱାରିଙ୍ଗ୍ ଟିକ୍ ଉତର୍ ହିନାନା ଇଞ୍ଜି ପୁନ୍ଞ୍ଜି ହେୱାନ୍ ଯୀଶୁଙ୍ଗ୍ ୱେନ୍ବାତାନ୍, “ଈଶ୍ୱର ହିତି ୱିଜୁ ଆଦେସ୍ତାଙ୍ଗ୍ ଇମ୍ଣି ଆଦେସ୍ ମୁଡ଼୍?”
29ଯୀଶୁ ୱେଚ୍ଚାନ୍, “ଏ ଇସ୍ରାଏଲନି ମାନାୟ୍ ୱେନାଟ୍! ମୁଡ଼୍ଆଦେସ୍ ଇଦାଙ୍ଗ୍, ‘ମାପୃ ମା ଈଶ୍ୱର ରକାନ୍ ନେ ସତ୍ ମାପୃ। 30ଆରେ ଏପେଙ୍ଗ୍ ଜାର୍ ୱିଜୁ ଗରବ୍, ୱିଜୁ ଜିବୁନ୍, ୱିଜୁ ମାନ୍ ପାରାଣ୍ ଆରେ ୱିଜୁ ସାକ୍ତି ହିଜି ମାପୃ ଜାର୍ ଈଶ୍ୱରତିଙ୍ଗ୍ ଲାଡ୍ କିୟାଟ୍।’ 31ଦୁଇ ନମ୍ବର୍ ମୁଡ଼୍ଆଦେସ୍ ଇଦାଙ୍ଗ୍, ‘ଏପେଙ୍ଗ୍ ଜାର୍ତିଙ୍ଗ୍ ଲାଡ୍ କିତିଲେକେ ଜେକନିକାରିଙ୍ଗ୍ ପା ହେଲେକେ ଲାଡ୍ କିୟାଟ୍।’ ୱିଜୁ ଆଦେସ୍ତାଙ୍ଗ୍ ଇ ରିଣ୍ଡାଙ୍ଗ୍ ଆଦେସ୍ ନେ ମୁଡ଼୍।”
32ହେବେତାଙ୍ଗ୍ ହେ ଯିହୁଦି ଦରମ୍ନି ପଣ୍ଡିତ୍ ହେୱାନିଙ୍ଗ୍ ୱେଚ୍ଚାନ୍, “ଏ ଗୁରୁ, ହେଦାଙ୍ଗ୍ ସତ୍, ମା ମାପୃ ନେ ଆପ୍କା ର ଈଶ୍ୱର ତାଙ୍ଗେଙ୍ଗ୍ ପିସ୍ତି ଇନେର୍ ପା ମାପୃ ଆକାୟ୍, ଇଦାଙ୍ଗ୍ ଏନେଙ୍ଗ୍ ସତ୍ କାତା ୱେଚ୍ଚାତାଇ। 33ଆରେ, ମାପୃତିଙ୍ଗ୍ ପଶୁ ପୁଜା ହିନାକା ଆରେ ବିନେ-ବିନେ ନିନ୍ଦା ହିନି ବାଦୁଲ୍ ହେୱାନିଙ୍ଗ୍ ୱିଜୁ ଗରବ୍, ୱିଜୁ ବୁଦି ଆରେ ୱିଜୁ ସାକ୍ତି ହିଜି ହେୱାନିଙ୍ଗ୍ ଲାଡ୍ କିନାସ୍, ଆରେ ଜେକନିକାରିଙ୍ଗ୍ ପା ମାନ୍ ପାରାଣ୍ ହିଜି ଲାଡ୍ କିନାସ୍, ହେଦାଙ୍ଗ୍ନେ ମୁଡ଼୍ଦି ବିଷୟ।”
34ହେୱାନ୍ ବୁଦିତାଙ୍ଗ୍ ଉତର୍ ହିତାନ୍ନା ଇଞ୍ଜି ଯୀଶୁ ପୁନ୍ଞ୍ଜି ହେୱାନିଙ୍ଗ୍ ୱେଚ୍ଚାନ୍, “ଈଶ୍ୱର ରାଜିତାକେ ହଣ୍ଡେଙ୍ଗ୍ ଲାଗେ ମାନାଦେର୍।” ଇବେତାଙ୍ଗ୍ ଇନେର୍ ପା ପ୍ରଶ୍ନ ୱେନ୍ବେଦେଙ୍ଗ୍ ଶାସ୍ କିୱାତାର୍।
ଇନେର୍ ମେହି ଖ୍ରୀଷ୍ଟ
(ମାଥି. ୨୨:୪୧-୪୬; ଲୁକ. ୨୦:୪୧-୪୪)
35ମାତର୍ ଯୀଶୁ ଈଶ୍ୱର ମାନି ମନ୍ଦିର୍ନି ହାକ୍ଡ଼ିତ ହିକ୍ଷା ହିନିହିଙ୍ଗ୍ ୱେଚ୍ଚାନ୍, “ଯିହୁଦି ଦରମ୍ନି ପଣ୍ଡିତାର୍ ଇନେକିଦେଙ୍ଗ୍ ଇନାରା ଯୀଶୁ ଖ୍ରୀଷ୍ଟ ଦାଉଦ ରାଜା ଲାତ୍ରାତାଙ୍ଗ୍ ୱାନାନ୍ ଇଞ୍ଜି? 36ଦାଉଦ ପା ଏଚେପାଦ୍ନା ପବିତ୍ର ଆତ୍ମାତାଙ୍ଗ୍ ୱେଚ୍ଚାନ୍,
‘ଈଶ୍ୱର ନା ମାପୃତିଙ୍ଗ୍ ୱେଚ୍ଚାନ୍,
ନା ଲାଗାୟ୍ ଆଦିକାର୍ତାଙ୍ଗ୍ ଆରେ ସନ୍ମାନ୍ତାଙ୍ଗ୍ ତିନାବାଗାୟ୍ କୁଚା ଇଞ୍ଜି,
ହେପାଦ୍ନା ପାତେକ୍ ମି ୱିଜୁ ଶାତ୍ରୁରିଙ୍ଗ୍ ମି କାଲ୍କୁ ତାରେନ୍ ଇଟ୍ନାନ୍।’
37ଦାଉଦ ରାଜା ପା ଖ୍ରୀଷ୍ଟ ନା ମାପୃ ଇଞ୍ଜି ଇନାନା, ଲାଗିଙ୍ଗ୍ ଇନେସ୍ କିଜି ଖ୍ରୀଷ୍ଟ ଦାଉଦ ମେହି ଆନାନ୍?” ୱିଜାକାର୍ ୱାରିତାଙ୍ଗ୍ ତା ବେଣ୍ ୱେନ୍ଞ୍ଜି ମାଚାର୍।
ଯିହୁଦି ଦରମ୍ନି ପଣ୍ଡିତ୍ ତାଙ୍ଗ୍ ଜାଗ୍ରତ୍
(ମାଥି. ୨୩:୧-୩୬; ଲୁକ. ୨୦:୪୫-୪୭)
38ଆରେରଗ ଯୀଶୁ ହିକ୍ଷା ହିନିହିଙ୍ଗ୍ ୱେଚ୍ଚାନ୍, “ଯିହୁଦି ଦରମ୍ନି ପଣ୍ଡିତାର୍ତାଙ୍ଗ୍ ସାବ୍ଦାନ୍! ହେୱାର୍ ଡେଙ୍ଗା ଆରେ ଦାମ୍କିୟା ହେନ୍ଦ୍ରା ଉସ୍ପେଦେଙ୍ଗ୍ ଆରେ, ଆଟ୍ ବାଜାର୍ତାକେ ସନ୍ମାନ୍ ପାୟା ଆଦେଙ୍ଗ୍ ଇଚାକିନାର୍, 39ଯିହୁଦିର୍ ପାର୍ତାନା ଇଞ୍ଜ ସନ୍ମାନ୍ ପାୟ୍ଆନି ବାହାତାକେ କୁଚ୍ଚେଙ୍ଗ୍ ଇଚାକିନାର୍। 40ହେୱାର୍ ଚାଲାକି କିଜି ରାଣ୍ଡି ଇଞ୍ଜାକା ୱିଜୁ ବୁଡାଇ କିନାର୍, ମାନାୟାରିଙ୍ଗ୍ ବଲ୍ବଲାୟ୍ ଆଦେଙ୍ଗ୍ ଡେଙ୍ଗା ପାର୍ତାନା କିନାର୍। ମାତର୍ ମାପୃ ହେୱାରିଙ୍ଗ୍ ବେସି ଗାଜା ଦଣ୍ଡ୍ ହିନାତ୍।”
ରାଣ୍ଡି କଗ୍ଲେ ଚାନ୍ଦା ହିନାକା
(ମାଥି. ୨୧:୧-୪)
41ତାପାଚେ ଯୀଶୁ ଡାବୁଙ୍ଗ୍ କୁଣ୍ଡି କଚଣ୍ତ କୁଚ୍ଚି ହୁଡ଼୍ଜି ମାଚାନ୍, ମାନାୟାର୍ ଇନେସ୍ ଲେକେ ହେବେ ଡାବୁଙ୍ଗ୍ ମେତ୍ନାରା ଇଞ୍ଜି। ହେପାଦ୍ନା କେତେକ୍ ଜାଣ୍ ହାଉକାରିଙ୍ଗ୍ ବେସି ଲାକା ଡାବୁଙ୍ଗ୍ ମେତ୍ତାର୍। 42ଆରେ ର ନାସ୍କିନି ରାଣ୍ଡି କଗ୍ଲେ ରିଣ୍ଡାଙ୍ଗ୍ ତାମ୍ବା କାସୁ ହେବେ ରାତ୍ତାତ୍ ଆରେ ତାମ୍ବା କାସୁନି ଦାମ୍ ହିଲାତାତ୍। 43ଆରେ ହେବେ ଯୀଶୁ ତା ଚେଲାରିଙ୍ଗ୍ କୁକ୍ଚି ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, କୁଣ୍ଡିତ ଡାବୁଙ୍ଗ୍ ରାତ୍ତିତାଙ୍ଗ୍ ୱିଜାକାର୍ତାଙ୍ଗ୍ ଇ ରାଣ୍ଡି କଗ୍ଲେ ଆଦିକ୍, ରାତ୍ତାତ୍ନା। 44ଇନେସ୍କି ହେ ହାଉକାରିଙ୍ଗ୍ ଉବ୍ରାଆତି ଇମ୍ଣି ଡାବୁଙ୍ଗ୍ ହେୱାରିଙ୍ଗ୍ ଦର୍କାର୍ ହିଲାତାତ୍, ହେ ଡାବୁଙ୍ଗ୍ ତାହିୱାଜି ହେ କୁଣ୍ଡିତ ମେତ୍ତାର୍। ମାତର୍ ହେ ରାଣ୍ଡି କଗ୍ଲେ ନାସ୍କିନିକା ଆତିସ୍ପା, ତାବେ ଏଚେକ୍ ମାଚିକ୍ ହେ ୱିଜୁ ହିତାତ୍, ଇନେସ୍କି ହେଦେଲ୍ ଜିନାକାପା ହିତାତ୍।”
Currently Selected:
ମାର୍କ 12: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ମାର୍କ 12
12
ଅଙ୍ଗୁର୍ ବାଡ଼୍ଦ ବାନ୍ୟା ଆଦି ଚାଷିତି କାତା
(ମାଥି. ୨୧:୩୩-୪୬; ଲୁକ. ୨୦:୯-୧୯)
1ତାପାଚେ ଯୀଶୁ ଯିହୁଦି ନେତାରିଙ୍ଗ୍ କାତା ୱେଚ୍ନିଲେକେ ୱେଚ୍ଚାନ୍, “ର ମାନାୟ୍ ତା ବାଡ୍ଦ ଅଙ୍ଗୁର୍ ରୁସ୍ତାନ୍, ଆରେ ତା ଚାରିବେଣ୍ତାଙ୍ଗ୍ ବାଡ଼୍ ମୁକ୍ତାନ୍। ହେୱାନ୍ ଆରେ ପା ଅଙ୍ଗୁର୍ ଉହ୍ନି କୁଣ୍ଡ୍ ରସ୍ତାନ୍, ଆରେ ହେବେ ଜାଗୁୱାଡ଼ି ଇଲ୍ ରଞ୍ଜି ରସ୍ତାନ୍। ତାପାଚେ, ହେ ଅଙ୍ଗୁର୍ ବାଡ଼୍ଦିଙ୍ଗ୍ ଆଦି ହିଜି ବିଦେସ୍ ହାଚାନ୍। 2ଆରେ, ଅଙ୍ଗୁର୍ ବାଡ଼୍ଦ ଅଙ୍ଗୁର୍ ଏଚ୍ନିହିଙ୍ଗ୍ ମାଲିକ୍ ତା ବାଗ୍ ତାତେଙ୍ଗ୍ ତା ହଲିଆହିଙ୍ଗ୍ ହେୱାନ୍ତାକେ ପକ୍ତାନ୍। 3ମାତର୍ ହେ ବାଡ଼୍ ଆଦି କିତାକାର୍ ହେ ହଲିଆଙ୍ଗ୍ ଆସ୍ତି ମାଡ୍ ହିତାର୍, ଆରେ ୱାରି କେଇଦାଙ୍ଗ୍ ଲେଉଟାଇ କିତାର୍।
4ଆରେ, ବାଡ଼୍ ମାଲିକ୍ ଆରେ ରକାନିଙ୍ଗ୍ ହଲିଆହିଙ୍ଗ୍ ପକ୍ତାନ୍। ମାତର୍ ହେୱାର୍ ହେୱାନିଙ୍ଗ୍ ପା କାପ୍ଡ଼ା ପାଡ଼୍ଚି ଇଡ଼୍ତାର୍ ଆରେ ହେୱାନିଙ୍ଗ୍ ଇନସ୍ତାକିଜି ପକ୍ତାର୍। 5ହେୱାନ୍ ଆରେ ରକାନିଙ୍ଗ୍ ହଲିଆହିଙ୍ଗ୍ ପକ୍ତାନ୍, ହେୱାର୍ ହେୱାନିଙ୍ଗ୍ ପା ମାର୍ନେ ଅସ୍ତାର୍। ହେବେତାଙ୍ଗ୍ ହେ ବାଡ଼୍ ମାଲିକ୍ ଆରେ ବେସି ହେନିତିଙ୍ଗ୍ ପକ୍ତାନ୍, ହେୱାରିଙ୍ଗ୍ ପା କେତେକ୍ ଜାଣ୍ତିଙ୍ଗ୍ ଟ୍ରାକ୍ତାର୍ ଆରେ କେତେକ୍ ଜାଣ୍ତିଙ୍ଗ୍ ମାର୍ନେ ଅସ୍ତାର୍। 6ହାରିହାରା, ବାଡ଼୍ ମାଲିକ୍ତାକେ ରକାନ୍ ମାତର୍ ତା ଲାଡ୍ ମାଜି ମାଚାନ୍, ଆରେ ହେୱାର୍ତାକେ ପକ୍ତିସ୍ ‘ନା ହିମ୍ଣାତିଙ୍ଗ୍ ହେୱାର୍ ମାନିକିନାର୍’ ଇଞ୍ଜି ଇଦାଙ୍ଗ୍ ୱେଚ୍ଚି ହେୱାର୍ତାକେ ପକ୍ତାନ୍।
7ମାତର୍ ହେ ଆଦି ଆସ୍ତାକାର୍ ଜାର୍-ଜାର୍ ବେଣ୍କିବାଆଜି ୱେଚ୍ଚାର୍, ‘ହୁଡ଼ାଟ୍! ଇୱାନ୍ତ ମାଲିକ୍ ମେହି, ଇୱାନିଙ୍ଗ୍ ମାର୍ନେ ଅସ୍ତିସ୍ ନେ ୱିଜୁ ମା ଆଦିକାର୍ ଆନାତ୍।’ 8ହେବେତାଙ୍ଗ୍ ହେୱାର୍ ହେୱାନିଙ୍ଗ୍ ମାର୍ନେ ଅସ୍ତାର୍ ଆରେ ଅଙ୍ଗୁର୍ ବାଡ଼୍ଦାଙ୍ଗ୍ ବାର୍ତ ତୁଇତାର୍।
9ଲାଗିଙ୍ଗ୍ ଅଙ୍ଗୁର୍ ବାଡ଼୍ଦି ମାଲିକ୍ ଇନାକା କିନାନ୍ ଇଞ୍ଜି ଏପେଙ୍ଗ୍ ବାବିକିନାଦେରା? ହେୱାନ୍ ୱାଜି ଆଦି ଆସ୍ତାକାରିଙ୍ଗ୍ ବିନାସ୍ କିନାନ୍ ଆରେ ଅଲଗାଲଗାଙ୍ଗ୍ ଅଙ୍ଗୁର୍ ବାଡ଼୍ ହିନାନ୍। 10ଏପେଙ୍ଗ୍ ହାତ୍ପା ଦରମ୍ ସାସ୍ତର୍ତାକେ ଇବେଣ୍ ପଡ଼ିକିତାଦେର୍ନା,
‘ଇଲ୍ ରହ୍ନାକାର୍ ଇମ୍ଣି କାଲ୍ତିଙ୍ଗ୍ ହାର୍ ଆକାୟ୍ ଇଞ୍ଜି ତୁଇତାର୍,
ହେ କାଲ୍ନେ କନାନି ମୁଡ଼୍ କାଲ୍ ଆତାତ୍।
11ମାପୃତାକେ ଏଲେଙ୍ଗ୍ ଆତାତ୍, ଆରେ ହେଦାଙ୍ଗ୍ ମା କାଜିଙ୍ଗ୍ କାବା ଆନି କାତା?’ ”
12ହେବେତାଙ୍ଗ୍ ଈଶ୍ୱର ହେବାକିନି ମୁଡ଼୍ଦି ପୁଜାରି, ଯିହୁଦି ଦରମ୍ନି ପଣ୍ଡିତାର୍ ଆରେ ନାୟକ୍ ଯୀଶୁ ହେୱାରିଙ୍ଗ୍ ର କାତା ୱେଚ୍ନିଲେକେ ବୁଜାଇକିଜି ୱେଚ୍ଚି ମାଚାନ୍, ଇଦାଙ୍ଗ୍ କାଜିଙ୍ଗ୍ ଅସ୍ତେଙ୍ଗ୍ ଉପାୟ୍ କିତାର୍। ମାତର୍ ହେୱାର୍ ମାନାୟ୍ ମୁମ୍ଦ ଇଞ୍ଜି ପାଣ୍ଡ୍ରା ଆତାର୍, ଇନେସ୍କି ଯୀଶୁ କାତାତିଙ୍ଗ୍ ବୁଜାଆଜି ମାଚାର୍, ଆରେ ହେୱାର୍ ହେୱାନିଙ୍ଗ୍ ପିସ୍ତି ହାଚାର୍।
ସିସ୍ତୁ ହିନି କାତା
(ମାଥି. ୨୨:୧୫-୨୨; ଲୁକ. ୨୦:୨୦-୨୬)
13ପାଚେ, ପାରୁସିଦଳ୍ନି କେତେକ୍ ହେନି ମାନାୟ୍ତିଙ୍ଗ୍ ଆରେ ହେରୋଦ ନିପଣ୍ ଆନି ମାନାୟ୍ତିଙ୍ଗ୍ ଯୀଶୁତାକେ ପକ୍ତାନ୍। ଇନେସ୍କି ହେୱାନ୍ ତାଙ୍ଗେଙ୍ଗ୍ ବେଣ୍ ବେଣ୍ତାକେ ଜାଲ୍ଦ ରାତ୍ଚି ବୁଲ୍ ଆସ୍ତେଙ୍ଗ୍ ୱାଜିମାଚାର୍। 14ହେୱାର୍ ୱାଜି ଯୀଶୁଙ୍ଗ୍ ୱେଚ୍ଚାର୍, “ଏ ଗୁରୁ, ଆପେଙ୍ଗ୍ ପୁନାପ୍, ଏନେଙ୍ଗ୍ ୱିଜୁଦିନ୍ ସତ୍ ୱେଚ୍ନାଇ, ମାନାୟାର୍ ଇନାକା ଇଞ୍ଜ୍ନାର୍ କି ଇଞ୍ଜୁର୍ ଇଞ୍ଜି ଅଲପ୍ପା ଇନେରିଙ୍ଗ୍ ପାଣ୍ଡ୍ରା ଆଉୟା।” ଏନେଙ୍ଗ୍ ୱିଜାକାରିଙ୍ଗ୍ ହାମାନ୍ ହୁଡ଼୍ନାୟା, ଆରେ ଏନେଙ୍ଗ୍ ସତ୍ ଲେକେ ଈଶ୍ୱରତାକେ ହାନି ହାଜି ହିକ୍ଷା ହିନାଇ। ନଙ୍ଗୟ୍ ମାଙ୍ଗେଙ୍ଗ୍ ୱେଚ୍ଚା, “ରୋମ୍ନି କାଇସର୍ ମହା ରାଜାଙ୍ଗ୍ ସିସ୍ତୁ ହିନାକା ମୋଶା ସାସ୍ତର୍ତାକେ ଇ ବିଦି ମାନାତ୍ କି ଆକାୟ୍? 15ଆସେଙ୍ଗ୍ ହିନାସ୍କି ଆକାଇ?” ମାତର୍ ଯୀଶୁ ହେୱାର୍ତି ବାଟ୍ପାଣ୍ ବୁଦି ପୁନ୍ଞ୍ଜି ୱେଚ୍ଚାନ୍, “ଇନା କିଦେଙ୍ଗ୍ ନାଙ୍ଗେଙ୍ଗ୍ ପରିକ୍ଷା କିଦ୍ନାଦେରା? ର ରୁପାଡାବୁ#୧୨:୧୫ ରୁପାଡାବୁ ଦିନାରିୟସ୍ ରୋମିୟ ସରକାରତିଙ୍ଗ୍ ର ଡାବୁ ମାଚାତ୍, ହେ ଡାବୁ ରୂପାତାଙ୍ଗ୍ ରହିୟାଆଜି ମାଚାତ୍। ଯିହୁଦି ମାନାୟାର୍ ରୁପା ଡାବୁଙ୍ଗ୍ ସିସ୍ତୁ ଗାଚ୍ଚି ମାଚାର୍। ରୁପା ଡାବୁତାକେ ରୋମିୟ ସରକାରନି କାପ୍ଡ଼ା ମାଚାତ୍ ନାବେ ତାଡ, ଆନେଙ୍ଗ୍ ହେଦାଙ୍ଗ୍ ହୁଡ଼୍ନାଙ୍ଗ୍।” 16ହେବେତାଙ୍ଗ୍ ହେୱାର୍ ହେ ରୁପାଡାବୁ ତାହିୱାଜି ଯୀଶୁଙ୍ଗ୍ ହିତାର୍। ଯୀଶୁ ହେୱାରିଙ୍ଗ୍ ୱେନ୍ବାତାନ୍, “ଇ ଡାବୁତାକେ ଇନେର୍ ମୁର୍ତ୍ତି ମାନାତ୍ ଆରେ ଇନେର୍ ତର୍ ମାନାତ୍?” ହେୱାର୍ ଯୀଶୁଙ୍ଗ୍ ୱେଚ୍ଚାର୍, “କାଇସର୍ ରୋମ୍ନି ମହା ରାଜାତି।”
17ହେବେ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇମ୍ଣାକା କାଇସର୍ ରାଜାତି ହେଦାଙ୍ଗ୍ କାଇସର୍ ମହା ରାଜାଙ୍ଗ୍ ହିଆଟ୍। ଆରେ, ଇମ୍ଣାକା ଈଶ୍ୱରତି, ହେଦାଙ୍ଗ୍ ଈଶ୍ୱରତିଙ୍ଗ୍ ହିଆଟ୍।” ହେବେତାଙ୍ଗ୍ ହେୱାର୍ ଯୀଶୁ ବେଣ୍ ୱେନ୍ଞ୍ଜି ବେସି କାବା ଆତାର୍।
ଯିହୁଦି ଦରମ୍ନି ସାଦୁକିଦଳ୍ ଆରେରଗ ଜିବୁନ୍ଆନି ବିଷୟନି କାତା
(ମାଥି. ୨୨:୨୩-୩୩; ଲୁକ. ୨୦:୨୭-୪୦)
18ତାପାଚେ ଯିହୁଦି ଦର୍ମନି ସାଦୁକିଦଳ୍ନି ମାନାୟାର୍ ହାଃତାକାର୍ ଆରେରଗ ଜିବୁନ୍ ଆନାକାଦିଙ୍ଗ୍ ପାର୍ତିକିୱାକାର୍ ଯୀଶୁ କଚଣ୍ତ ୱାତାର୍। ଆରେ ହେୱାର୍ ହେୱାନିଙ୍ଗ୍ ୱେନ୍ବାତାର୍, 19“ଏ ଗୁରୁ, ମୋଶା ତା ସାସ୍ତର୍ତାକେ ମା କାଜିଙ୍ଗ୍ ଲେକିକିତାନ୍ନା, ଯଦି ଇନେର୍ ଟଣ୍ତାହି ପା ହାଃନାନ୍, ଆରେ ତା ଡକ୍ରୁହି ଜିବୁନ୍ ମାନ୍ଗାନାତ୍, ଆରେ ହେଦେଲିଙ୍ଗ୍ ହିମ୍ଣାୱାକ୍ଡ଼ା ହିଲ୍ଗୁର୍, ଏନେଙ୍ଗ୍ ଆତିସ୍ ତା ଟଣ୍ଡେନ୍ ତା ଅନିହିଙ୍ଗ୍ ରାକିକିଜି ଜାର୍ ଟଣ୍ଡେନ୍ କାଜିଙ୍ଗ୍ ବଂଶ୍ ବାଡାଇ କିନାନ୍। 20ହୁଡ଼ାଟ୍, ରଞ୍ଜ ସାତ୍ବାଇ ମାଚାର୍, ଗାଜାକାନ୍ ର କଗ୍ଲେଙ୍ଗ୍ ଇଲା ଆତାକାନ୍ ଆରେ ହିମ୍ଣାୱାକ୍ଡ଼ା ଆୱାଦାଙ୍ଗ୍ ହାଃତାନ୍। 21ପାଚେ ଆରେ ଗାଜା ମାଜିଆ ଟଣ୍ଡାହି ତା ଅନିହିଙ୍ଗ୍ ଇଲା ଆତାନ୍ ଆରେ ହେୱାନ୍ ପା ହିମ୍ଣାୱାକ୍ଡ଼ା ଆୱାଦାଙ୍ଗ୍ ହାଃତାନ୍। ଆରେ ହିରୁ ମାଜିଆ ଟଣ୍ଡାହି ପା ଏନେଙ୍ଗ୍ ଲେକେ ଆତାନ୍, 22ଆରେ ସାତ୍ବାଇ ପା ହିମ୍ଣାୱାକ୍ଡ଼ା ଆୱାଦାଙ୍ଗ୍ ହାଃତାର୍, ୱିଜାର୍ ୱିସ୍ତି ପାଚେ ହେ କଗ୍ଲେ ପା ହାଃତାତ୍।” 23ନଙ୍ଗୟ୍ ନାଙ୍ଗେଙ୍ଗ୍ ୱେଚ୍ଚା, “ହେ କଗ୍ଲେ ତ ସାତ୍ବାଇତିଙ୍ଗ୍ ପା ବିବାଆଜି ମାଚାତ୍, ହାଃତାକାର୍ ଆରେରଗ ଜିବୁନ୍ ଆତିସ୍ ହେଦେଲ୍ ଇନେର୍ ଡକ୍ରୁହି ଆନାତ୍?”
24ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଦରମ୍ ସାସ୍ତର୍ତିଙ୍ଗ୍ ଆରେ ଈଶ୍ୱର ଶାକ୍ତି ବିଷୟରେ ପୁନୁଦେରା ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ବୁଲ୍ ବୁଜାଆନାଦେରା। 25ଏଚେପାଦ୍ନା ହାଃତାକାର୍ ଆରେରଗ ଜିବୁନ୍ଆତି ପାଚେ ଇଲ୍ଆଉର୍ ଆରେ ବିବା ଆଦେଙ୍ଗ୍ ପା ହିଉର୍, ମାତର୍ ସରଗ୍ନି ଦୁତ୍ ଲେକେ ଆଜି ମାନାର୍। 26ଏପେଙ୍ଗ୍ ମୋଶା ଲେକିକିତି ସାସ୍ତର୍ ପଡ଼ି କିୱାତାଦେର୍ନା କି? କାଚାଆନି ବୁଟାତାଙ୍ଗ୍ ଈଶ୍ୱର ମଶାଙ୍ଗ୍ ବେଣ୍କିତାନ୍ ଆରେ ୱେଚ୍ଚାନ୍, ‘ଆନେଙ୍ଗ୍ ମି ଆକଦାଦିର୍, ଅବ୍ରାହାମ୍, ଇସାକ ଆରେ ଯାକୁବ ଇନେରିଙ୍ଗ୍ ହେବାକିଜି ମାଚାର୍ ଆନେଙ୍ଗ୍ ହେ ଈଶ୍ୱର।’ 27ହେୱାନ୍ ହାଃତାକାରିଙ୍ଗ୍ ଈଶ୍ୱର ଆଉନ୍ ମାତର୍ ଜିତାକାର୍ତି ଈଶ୍ୱର। ଇ କାଜିଙ୍ଗ୍ ଏପେଙ୍ଗ୍ ଗାଜା ବୁଲ୍ ଚିନ୍ତା କିନାଦେରା।”
ମୁଡ଼୍ଆଦେସ୍
(ମାଥି. ୨୨:୩୪-୪୦; ଲୁକ. ୧୦:୨୫-୨୮)
28ଯୀଶୁ ଆରେ ଯିହୁଦି ଦରମ୍ନି ସାଦୁକିଦଳ୍ ଜୁକ୍ତି ଆନାକା ୱେନ୍ଞ୍ଜି ଯିହୁଦି ଦରମ୍ନି ପଣ୍ଡିତାର୍ ବିତ୍ରେତାଙ୍ଗ୍ ରକାନ୍ ଯୀଶୁତାକେ ୱାତାନ୍। ହେୱାନ୍ ହେୱାରିଙ୍ଗ୍ ଟିକ୍ ଉତର୍ ହିନାନା ଇଞ୍ଜି ପୁନ୍ଞ୍ଜି ହେୱାନ୍ ଯୀଶୁଙ୍ଗ୍ ୱେନ୍ବାତାନ୍, “ଈଶ୍ୱର ହିତି ୱିଜୁ ଆଦେସ୍ତାଙ୍ଗ୍ ଇମ୍ଣି ଆଦେସ୍ ମୁଡ଼୍?”
29ଯୀଶୁ ୱେଚ୍ଚାନ୍, “ଏ ଇସ୍ରାଏଲନି ମାନାୟ୍ ୱେନାଟ୍! ମୁଡ଼୍ଆଦେସ୍ ଇଦାଙ୍ଗ୍, ‘ମାପୃ ମା ଈଶ୍ୱର ରକାନ୍ ନେ ସତ୍ ମାପୃ। 30ଆରେ ଏପେଙ୍ଗ୍ ଜାର୍ ୱିଜୁ ଗରବ୍, ୱିଜୁ ଜିବୁନ୍, ୱିଜୁ ମାନ୍ ପାରାଣ୍ ଆରେ ୱିଜୁ ସାକ୍ତି ହିଜି ମାପୃ ଜାର୍ ଈଶ୍ୱରତିଙ୍ଗ୍ ଲାଡ୍ କିୟାଟ୍।’ 31ଦୁଇ ନମ୍ବର୍ ମୁଡ଼୍ଆଦେସ୍ ଇଦାଙ୍ଗ୍, ‘ଏପେଙ୍ଗ୍ ଜାର୍ତିଙ୍ଗ୍ ଲାଡ୍ କିତିଲେକେ ଜେକନିକାରିଙ୍ଗ୍ ପା ହେଲେକେ ଲାଡ୍ କିୟାଟ୍।’ ୱିଜୁ ଆଦେସ୍ତାଙ୍ଗ୍ ଇ ରିଣ୍ଡାଙ୍ଗ୍ ଆଦେସ୍ ନେ ମୁଡ଼୍।”
32ହେବେତାଙ୍ଗ୍ ହେ ଯିହୁଦି ଦରମ୍ନି ପଣ୍ଡିତ୍ ହେୱାନିଙ୍ଗ୍ ୱେଚ୍ଚାନ୍, “ଏ ଗୁରୁ, ହେଦାଙ୍ଗ୍ ସତ୍, ମା ମାପୃ ନେ ଆପ୍କା ର ଈଶ୍ୱର ତାଙ୍ଗେଙ୍ଗ୍ ପିସ୍ତି ଇନେର୍ ପା ମାପୃ ଆକାୟ୍, ଇଦାଙ୍ଗ୍ ଏନେଙ୍ଗ୍ ସତ୍ କାତା ୱେଚ୍ଚାତାଇ। 33ଆରେ, ମାପୃତିଙ୍ଗ୍ ପଶୁ ପୁଜା ହିନାକା ଆରେ ବିନେ-ବିନେ ନିନ୍ଦା ହିନି ବାଦୁଲ୍ ହେୱାନିଙ୍ଗ୍ ୱିଜୁ ଗରବ୍, ୱିଜୁ ବୁଦି ଆରେ ୱିଜୁ ସାକ୍ତି ହିଜି ହେୱାନିଙ୍ଗ୍ ଲାଡ୍ କିନାସ୍, ଆରେ ଜେକନିକାରିଙ୍ଗ୍ ପା ମାନ୍ ପାରାଣ୍ ହିଜି ଲାଡ୍ କିନାସ୍, ହେଦାଙ୍ଗ୍ନେ ମୁଡ଼୍ଦି ବିଷୟ।”
34ହେୱାନ୍ ବୁଦିତାଙ୍ଗ୍ ଉତର୍ ହିତାନ୍ନା ଇଞ୍ଜି ଯୀଶୁ ପୁନ୍ଞ୍ଜି ହେୱାନିଙ୍ଗ୍ ୱେଚ୍ଚାନ୍, “ଈଶ୍ୱର ରାଜିତାକେ ହଣ୍ଡେଙ୍ଗ୍ ଲାଗେ ମାନାଦେର୍।” ଇବେତାଙ୍ଗ୍ ଇନେର୍ ପା ପ୍ରଶ୍ନ ୱେନ୍ବେଦେଙ୍ଗ୍ ଶାସ୍ କିୱାତାର୍।
ଇନେର୍ ମେହି ଖ୍ରୀଷ୍ଟ
(ମାଥି. ୨୨:୪୧-୪୬; ଲୁକ. ୨୦:୪୧-୪୪)
35ମାତର୍ ଯୀଶୁ ଈଶ୍ୱର ମାନି ମନ୍ଦିର୍ନି ହାକ୍ଡ଼ିତ ହିକ୍ଷା ହିନିହିଙ୍ଗ୍ ୱେଚ୍ଚାନ୍, “ଯିହୁଦି ଦରମ୍ନି ପଣ୍ଡିତାର୍ ଇନେକିଦେଙ୍ଗ୍ ଇନାରା ଯୀଶୁ ଖ୍ରୀଷ୍ଟ ଦାଉଦ ରାଜା ଲାତ୍ରାତାଙ୍ଗ୍ ୱାନାନ୍ ଇଞ୍ଜି? 36ଦାଉଦ ପା ଏଚେପାଦ୍ନା ପବିତ୍ର ଆତ୍ମାତାଙ୍ଗ୍ ୱେଚ୍ଚାନ୍,
‘ଈଶ୍ୱର ନା ମାପୃତିଙ୍ଗ୍ ୱେଚ୍ଚାନ୍,
ନା ଲାଗାୟ୍ ଆଦିକାର୍ତାଙ୍ଗ୍ ଆରେ ସନ୍ମାନ୍ତାଙ୍ଗ୍ ତିନାବାଗାୟ୍ କୁଚା ଇଞ୍ଜି,
ହେପାଦ୍ନା ପାତେକ୍ ମି ୱିଜୁ ଶାତ୍ରୁରିଙ୍ଗ୍ ମି କାଲ୍କୁ ତାରେନ୍ ଇଟ୍ନାନ୍।’
37ଦାଉଦ ରାଜା ପା ଖ୍ରୀଷ୍ଟ ନା ମାପୃ ଇଞ୍ଜି ଇନାନା, ଲାଗିଙ୍ଗ୍ ଇନେସ୍ କିଜି ଖ୍ରୀଷ୍ଟ ଦାଉଦ ମେହି ଆନାନ୍?” ୱିଜାକାର୍ ୱାରିତାଙ୍ଗ୍ ତା ବେଣ୍ ୱେନ୍ଞ୍ଜି ମାଚାର୍।
ଯିହୁଦି ଦରମ୍ନି ପଣ୍ଡିତ୍ ତାଙ୍ଗ୍ ଜାଗ୍ରତ୍
(ମାଥି. ୨୩:୧-୩୬; ଲୁକ. ୨୦:୪୫-୪୭)
38ଆରେରଗ ଯୀଶୁ ହିକ୍ଷା ହିନିହିଙ୍ଗ୍ ୱେଚ୍ଚାନ୍, “ଯିହୁଦି ଦରମ୍ନି ପଣ୍ଡିତାର୍ତାଙ୍ଗ୍ ସାବ୍ଦାନ୍! ହେୱାର୍ ଡେଙ୍ଗା ଆରେ ଦାମ୍କିୟା ହେନ୍ଦ୍ରା ଉସ୍ପେଦେଙ୍ଗ୍ ଆରେ, ଆଟ୍ ବାଜାର୍ତାକେ ସନ୍ମାନ୍ ପାୟା ଆଦେଙ୍ଗ୍ ଇଚାକିନାର୍, 39ଯିହୁଦିର୍ ପାର୍ତାନା ଇଞ୍ଜ ସନ୍ମାନ୍ ପାୟ୍ଆନି ବାହାତାକେ କୁଚ୍ଚେଙ୍ଗ୍ ଇଚାକିନାର୍। 40ହେୱାର୍ ଚାଲାକି କିଜି ରାଣ୍ଡି ଇଞ୍ଜାକା ୱିଜୁ ବୁଡାଇ କିନାର୍, ମାନାୟାରିଙ୍ଗ୍ ବଲ୍ବଲାୟ୍ ଆଦେଙ୍ଗ୍ ଡେଙ୍ଗା ପାର୍ତାନା କିନାର୍। ମାତର୍ ମାପୃ ହେୱାରିଙ୍ଗ୍ ବେସି ଗାଜା ଦଣ୍ଡ୍ ହିନାତ୍।”
ରାଣ୍ଡି କଗ୍ଲେ ଚାନ୍ଦା ହିନାକା
(ମାଥି. ୨୧:୧-୪)
41ତାପାଚେ ଯୀଶୁ ଡାବୁଙ୍ଗ୍ କୁଣ୍ଡି କଚଣ୍ତ କୁଚ୍ଚି ହୁଡ଼୍ଜି ମାଚାନ୍, ମାନାୟାର୍ ଇନେସ୍ ଲେକେ ହେବେ ଡାବୁଙ୍ଗ୍ ମେତ୍ନାରା ଇଞ୍ଜି। ହେପାଦ୍ନା କେତେକ୍ ଜାଣ୍ ହାଉକାରିଙ୍ଗ୍ ବେସି ଲାକା ଡାବୁଙ୍ଗ୍ ମେତ୍ତାର୍। 42ଆରେ ର ନାସ୍କିନି ରାଣ୍ଡି କଗ୍ଲେ ରିଣ୍ଡାଙ୍ଗ୍ ତାମ୍ବା କାସୁ ହେବେ ରାତ୍ତାତ୍ ଆରେ ତାମ୍ବା କାସୁନି ଦାମ୍ ହିଲାତାତ୍। 43ଆରେ ହେବେ ଯୀଶୁ ତା ଚେଲାରିଙ୍ଗ୍ କୁକ୍ଚି ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, କୁଣ୍ଡିତ ଡାବୁଙ୍ଗ୍ ରାତ୍ତିତାଙ୍ଗ୍ ୱିଜାକାର୍ତାଙ୍ଗ୍ ଇ ରାଣ୍ଡି କଗ୍ଲେ ଆଦିକ୍, ରାତ୍ତାତ୍ନା। 44ଇନେସ୍କି ହେ ହାଉକାରିଙ୍ଗ୍ ଉବ୍ରାଆତି ଇମ୍ଣି ଡାବୁଙ୍ଗ୍ ହେୱାରିଙ୍ଗ୍ ଦର୍କାର୍ ହିଲାତାତ୍, ହେ ଡାବୁଙ୍ଗ୍ ତାହିୱାଜି ହେ କୁଣ୍ଡିତ ମେତ୍ତାର୍। ମାତର୍ ହେ ରାଣ୍ଡି କଗ୍ଲେ ନାସ୍କିନିକା ଆତିସ୍ପା, ତାବେ ଏଚେକ୍ ମାଚିକ୍ ହେ ୱିଜୁ ହିତାତ୍, ଇନେସ୍କି ହେଦେଲ୍ ଜିନାକାପା ହିତାତ୍।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.