ମାର୍କ 14
14
ଯିହୁଦି ଦରମ୍ନି ନେତାର୍ ଯୀଶୁଙ୍ଗ୍ ଅସ୍ତେଙ୍ଗ୍ ଉପାୟ୍ କିତି ବିଷୟ
(ମାଥି. ୨୬:୧-୫; ଲୁକ. ୨୨:୧,୨; ଯୋହନ. ୧୧:୪୫-୫୩)
1ନିସ୍ତାର୍ ପାର୍ବୁ ଆରେ ସଡ଼ା ମେହଆୱିତି ରୁଟି ପାର୍ବୁଚିଞ୍ଜେଙ୍ଗ୍ ରିଦିନ୍ ଆଗେ ମାନିହିଙ୍ଗ୍, ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ଆରେ ଯିହୁଦି ଦରମ୍ନି ପଣ୍ଡିତାର୍ ମାନାୟାର୍ ପୁନ୍ୱିଲେକେ କିଜି ଯୀଶୁଙ୍ଗ୍ ଆସ୍ତି ମାର୍ନେ ଅସ୍ତେଙ୍ଗ୍ ଉପାୟ୍ ଡେକ୍ଚି ମାଚାର୍। 2ମାତର୍ ହେୱାର୍ ଇଞ୍ଜିମାଚାର୍, “ଆସେଙ୍ଗ୍ ପାର୍ବୁ ତିନିହିଙ୍ଗ୍ ଇୱାନିଙ୍ଗ୍ ଆହୁସ୍, ଇନେସ୍କି ହେବେ ମାନାୟାର୍ ମାଙ୍ଗେଙ୍ଗ୍ ଗଣ୍ଡ୍ଗଲ୍ କିଦ୍ନାର୍।”
ବେଥନିଆ ସହରତ ର କଗ୍ଲେ ଯୀଶୁଙ୍ଗ୍ ସନ୍ମାନ୍ କିତାତ୍
(ମାଥି. ୨୬:୬-୧୩; ଯୋହନ. ୧୨:୧-୮)
3ହେପାଦ୍ନା ଯୀଶୁ ବେଥନିଆ ସହର୍ତାକେ ଶିମୋନ, ଇନେରିଙ୍ଗ୍ ଆଗେ କୁଷ୍ଟରଗ୍ତାଙ୍ଗ୍ ଯୀଶୁ ହାର୍ କିଜି ମାଚାନ୍, ତାଞ୍ଜ ଗତେନ୍ଲେକେ ଆଜି ଚିଞ୍ଜେଙ୍ଗ୍ କୁଚ୍ଚିହିଙ୍ଗ୍ ର କଗ୍ଲେ ଡ଼ିଞ୍ଜ୍ନି କାଲ୍ତିଙ୍ଗ୍ ରସ୍ତି କଣ୍ଡିତ ବାର୍ତିକିଜି ବେସି ଦାମ୍କିୟା ବାସ୍ନା ଚିକାଣ୍ ତାସି ୱାତାତ୍। ଆରେ ହେଦେଲ୍ କଣ୍ଡିନି ଡାବ୍ଣା ରିକ୍ଚି ଯୀଶୁଙ୍ଗ୍ ସନ୍ମାନ୍ କିଦେଙ୍ଗ୍ କାପ୍ଡ଼ାତ ଚିକାଣ୍ ୱିଜୁ ୱାକ୍ଚି ଇତ୍ପାତାତ୍। 4ମାତର୍ ହେବେ ମାଚି କେତେକ୍ ମାନାୟ୍ ହେ କଗ୍ଲେ ବାସ୍ନା ଚିକାଣ୍ ୱାକ୍ତାକା ହୁଡ଼୍ଜି ରିସାଆତାର୍, ଆରେ ହେୱାର୍ ୱେଚ୍ପାଆତାର୍ “ଇଦେଲ୍ ଏଚେକ୍ ଦାମ୍ନି ବାସ୍ନା ଚିକାଣ୍ତିଙ୍ଗ୍ ଇନା କିଦେଙ୍ଗ୍ ଆର୍ଲା କିନାତା? 5ଇ ବାସ୍ନା ଚିକାଣ୍ତିଙ୍ଗ୍ ପାକାପାକି ବାର୍ହେକ୍ କାମାୟ୍ କିତି ଡାବୁଙ୍ଗ୍ (ତିନ୍ଶ ଶାଟେ ପାଞ୍ଚ୍ ରୁପାଡାବୁ) ଏଚେକ୍ ପୟାଆତାତ୍ମା, ଆରେ ହେ ଡାବୁଙ୍ଗ୍ ଗରିବ୍ନିକାରିଙ୍ଗ୍ ହିୟାଆତାତ୍ମା।” ହେଦାଙ୍ଗ୍ କାଜିଙ୍ଗ୍ ହେ କଗ୍ଲେଙ୍ଗ୍ ହେୱାର୍ କେତ୍ତେଙ୍ଗ୍ ଲାଗାତାର୍।
6ଲାଗିଙ୍ଗ୍ ଯୀଶୁ ହେଦେଲିଙ୍ଗ୍ କେତ୍ମାଟ୍ ଇଞ୍ଜି ହେୱାରିଙ୍ଗ୍ ୱେଚ୍ଚାନ୍, “ହେଦେଲିଙ୍ଗ୍ ଏପେଙ୍ଗ୍ କଷ୍ଟ ହିମାଟ୍ ଇଚାନ୍। ହେଦେଲ୍ ନା କାପ୍ଡ଼ାତ ଚିକାଣ୍ ୱାକ୍ଚି ହାର୍ଦି କାମାୟ୍ କିତାତ୍ନା। 7ଇନେସ୍କି ଗରିବ୍ ନିକାର୍ ମିହୁଦାଙ୍ଗ୍ ୱିଜୁଦିନ୍ ମାନ୍ଙ୍ଗାନାର୍। ଏପେଙ୍ଗ୍ ହେୱାରିଙ୍ଗ୍ ଏଚେପାଦ୍ନା ଆଡ଼୍ତିସ୍, ହେପାଦ୍ନା ସାଇଜ କିଦେଙ୍ଗ୍ ଆଡ୍ନାଦେର୍, ମାତର୍ ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନ୍ଗୁଙ୍ଗ୍। 8ହେ କଗ୍ଲେ ଏଚେକ୍ ଆଡ଼୍ତାତ୍ ନା କାଜିଙ୍ଗ୍ ହେ ଏଚେକ୍ କିତାତ୍, ଆରେ ଆନେଙ୍ଗ୍ ହାଃନିଆଗେ ନା ଗାଗାଡ଼୍ତିଙ୍ଗ୍ ଚିକାଣ୍ ୱାକ୍ଚି ଇ କଗ୍ଲେ ନା କାଜିଙ୍ଗ୍ ଦୁଗେର୍ ରହ୍ନାତା। 9ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ପୁର୍ତିନି ୱିଜୁ ବାହାତାକେ ନା ହାର୍ଦିକାବୁର୍ ଶୁଣାୟ୍ କିନିହିଙ୍ଗ୍ ଇ କଗ୍ଲେ କିତି କାମାୟ୍ତିଙ୍ଗ୍ ପା ହେୱାର୍ ଶୁଣାୟ୍ କିନାର୍ ଆରେ ମାନ୍ତ ହେତୁକିନାର୍।”
ଯୀଶୁଙ୍ଗ୍ ଆହିକିଦେଙ୍ଗ୍ ଇଷ୍କାରିତିୟ ଯିହୁଦା ରାଜି ଆତାନ୍
(ମାଥି. ୨୬:୧୪-୧୬; ଲୁକ. ୨୨:୩-୬)
10ଯୀଶୁ ବାଚିକିତି ବାରଜାଣ୍ ଚେଲାହିର୍ ବିତ୍ରେତାଙ୍ଗ୍ ଇଷ୍କାରିତିୟ ଯିହୁଦା ତର୍ଦାକାନ୍ ରକାନ୍ ଚେଲାହି ମାଚାନ୍, ହେ ଚେଲାହି ଯୀଶୁଙ୍ଗ୍ ଆହିକିଦେଙ୍ଗ୍ ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ତାକେ ହାଚାନ୍। 11ହେୱାର୍ ଇଷ୍କାରିତିୟ ଯିହୁଦା ବେଣ୍ ୱେନ୍ଞ୍ଜି ୱାରିୟା ଆତାର୍, ଆରେ ଇଷ୍କାରିତିୟ ଯିହୁଦାଙ୍ଗ୍ ଡାବୁଙ୍ଗ୍ ହିଦ୍ନାପ୍ ଇଞ୍ଜି ଶପତ୍ କିତାର୍। ତାପାଚେ ହେୱାନ୍ ସୁବିଦା ହୁଡ଼୍ଜି ଯୀଶୁଙ୍ଗ୍ ହେୱାନ୍ ଶାତ୍ରୁ କେଇଦ ଆହିକିଦେଙ୍ଗ୍ ହେୱାନ୍ ଉପାୟ୍ ଦାସ୍ତେଙ୍ଗ୍ ଲାଗାତାନ୍।
ଯୀଶୁ ଚେଲାହିର୍ ହୁକେ ହାରିହାରା ବଜିଚିଚାର୍
(ମାଥି. ୨୬:୧୭-୨୫; ଲୁକ. ୨୨:୭-୧୪,୨୧-୩୨; ଯୋହନ. ୧୩:୨୧-୩୦)
12ରିଦିନ୍ ପାଚେ, ସଡ଼ା ମେହାଆୱିତି ରୁଟି ପାର୍ବୁତ ପାର୍ତୁମ୍ ନାଞ୍ଜିଙ୍ଗ୍, ଇନାୱେଡ଼ାଙ୍ଗ୍ ମେଣ୍ଢା ପୁଜାକିଜି ନିସ୍ତାର୍ ପାର୍ବୁ ତିନାର୍। ହେ ନାଞ୍ଜିଙ୍ଗ୍ ଚେଲାହିର୍ ଯୀଶୁଙ୍ଗ୍ ୱେନ୍ବାତାର୍, “ନିସ୍ତାର୍ ପାର୍ବୁ ମାନି କିଦେଙ୍ଗ୍ ଆପେଙ୍ଗ୍ ଇମେତାକେ ବଜି ତିନାସ୍ ଇଞ୍ଜି ମାନ୍ କିନାୟା?”
13ହେବେ ଯୀଶୁ ରିୟାର୍ ଚେଲାହିରିଙ୍ଗ୍ ଇବେଣ୍ ୱେଚ୍ଚି ପକ୍ତାନ୍, “ଏପେଙ୍ଗ୍ ଯିରୁଶାଲାମ ସହର୍ତାକେ ହାଲାଟ୍। ଆରେ ଟାଙ୍ଗାତ ଏଜୁଙ୍ଗ୍ ନିପିତ ପିଣ୍ଜି ହାନାକାନିଙ୍ଗ୍ ଏପେଙ୍ଗ୍ ହୁଡ଼୍ନାଦେର୍, ଏପେଙ୍ଗ୍ ତାପାଚେ ପାଚେ ହାଲାଟ୍। 14ହେ ଏଜୁଙ୍ଗ୍ ଆସ୍ତି ମାନାୟ୍ ଇମ୍ଣି ଇଞ୍ଜ ହଣାନ୍, ହେ ଇଞ୍ଜ ହାଲାଟ୍ ଆରେ ହେଇଞ୍ଜି ମାଲିକ୍ତିଙ୍ଗ୍ ୱେନ୍ବାଟ୍, ଗୁରୁ ୱେନ୍ବାଆଦ୍ନାନା, ‘ନା ଚେଲାର୍ ହୁଦାଙ୍ଗ୍ ଇମ୍ଣି ବାକ୍ରାତ ନିସ୍ତାର୍ ପାର୍ବୁ ତିନାପ୍।’ 15ହେ ଇଲ୍ ମାଲିକ୍ ସପାସୁତ୍ରା ଜପ୍ଣି ପାଉଜ୍ତ ହାର୍ଦି ବାକ୍ରା ଚଚ୍ଚାନାନ୍। ହେ ବାହାତାକେ ଏପେଙ୍ଗ୍ ମା କାଜିଙ୍ଗ୍ ନିସ୍ତାର୍ ପାର୍ବୁନି ଭଜିରହାଟ୍।” 16ତାପାଚେ ରି ଚେଲାହିର୍ ଯିରୁଶାଲାମ ସହର୍ତାକେ ହାଚାର୍। ଆରେ, ଯୀଶୁ ହେୱାରିଙ୍ଗ୍ ଇନେସ୍ ଲେକେ ୱେଚିମାଚାନ୍, ହେଲେକେ ଆତାର୍ ଆରେ ହେୱାର୍ ନିସ୍ତାର୍ ପାର୍ବୁନି ବଜି ରସ୍ତାର୍।
17ମିକାହାରେସ୍ ଯୀଶୁ ଆରେ ତା ବାଚିକିତି ବାରଜାଣ୍ ଚେଲାହିର୍ ହୁଦାଙ୍ଗ୍ ହେ ଇଞ୍ଜ ୱାତାର୍। 18ଆରେ ହେୱାର୍ କୁଚ୍ଚି ତିନିହିଙ୍ଗ୍ ଯୀଶୁ ତା ଚେଲାହିରିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ମି ବିତ୍ରେତାଙ୍ଗ୍ ରକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍ନାନ୍, ହେୱାନ୍ ନା ହୁଦାଙ୍ଗ୍ କୁଚ୍ଚି ତିନାନା।”
19ହେବେ ଚେଲାହିର୍ ଦୁଃକ୍ କିତାର୍। ୱିଜାକାର୍ ଚେଲାହିର୍ ଯୀଶୁଙ୍ଗ୍ ୱେନ୍ବାତାର୍, “ଆନେଙ୍ଗ୍ ଇନାକା ହେୱାନ୍?”
20ଯୀଶୁ ହେୱାରିଙ୍ଗ୍ ୱେଚ୍ଚାନ୍, ବାରଜାଣ୍ ବିତ୍ରେତାଙ୍ଗ୍ ରକାନ୍, “ଇନେର୍କି ନା ତିନି ତାଡ଼ିୟାତ ତିନାନା। 21ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ବିଷୟରେ ସାସ୍ତର୍ତାକେ ଇନେସ୍ ଲେକେ ଲେକା ମାନାତ୍, ହେଲେକେ ହେୱାନ୍ ହାଃନାକା ସତ୍, ମାତର୍ ଇମ୍ଣାକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍ନାନ୍, ହେୱାନ୍ ବୟଙ୍କାର୍ ଦଣ୍ଡ୍ ପାୟା ଆନାନ୍। ହେୱାନ୍ ଜନମ୍ ଆୱାଦାଙ୍ଗ୍ ମାଚିସ୍ ହାର୍ ଆତାତ୍ମା।”
ପ୍ରବୁବଜ୍
(ମାଥି. ୨୬:୨୬-୩୦; ଲୁକ. ୨୨:୧୪-୨୦; ଯୋହନ. ୧୧:୨୩-୨୫)
22ହେୱାର୍ ତିନିହିଙ୍ଗ୍ ଯୀଶୁ ରୁଟିଙ୍ଗ୍ ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍ଚି ଚେଲାହିରିଙ୍ଗ୍ ହିଜି ୱେଚ୍ଚାନ୍, “ଅୱାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”
23ଆରେ, ଯୀଶୁ ଅଙ୍ଗୁର୍ ରାସ୍ ମାନିଗିଲାସ୍ ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ଚେଲାରିଙ୍ଗ୍ ହିଜି ୱେଚ୍ଚାନ୍, ଇ ଗିଲାସ୍ ତାଙ୍ଗ୍ ୱିଜାକାଦେର୍ ଉଣାଟ୍, ଆରେ ହେବେତାଙ୍ଗ୍ ୱିଜାକାର୍ ହେ ଗିଲାସ୍ତ ଉଟାର୍। 24ଆରେ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇ ଅଙ୍ଗୁର୍ ରାସ୍ ନା ନେତେର୍। ଇ ନେତେର୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ଲାହାଙ୍ଗ୍ ପୁନି ନିୟମ୍ କିତାନ୍ନା। ଆନେଙ୍ଗ୍ ଏଚେପାଦ୍ନା ହାଃନାଙ୍ଗ୍ ହେ ନେତେର୍ ୱିଜାକାର୍ ମୁକ୍ତି କାଜିଙ୍ଗ୍ ବଡ଼ାଆନାତ୍। 25ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଆନେଙ୍ଗ୍ ଈଶ୍ୱର ସାସନ୍ କିନି ରାଜିତାକେ ପୁନି ଅଙ୍ଗୁର୍ ରାସ୍ ଉଣ୍ୱାତାଙ୍ଗ୍ନା ହେ ଦିନ୍ ପାତେକ୍ ଆନେଙ୍ଗ୍ ଇନାୱେଡ଼ାଙ୍ଗ୍ ପା ଇ ଅଙ୍ଗୁର୍ ରାସ୍ ଉଣୁଙ୍ଗ୍।” 26ଆରେ, ଯୀଶୁ ଚେଲାହିର୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ନିସ୍ତାର୍ ପାର୍ବୁନି କେର୍କଣ୍ କେର୍ତାର, ଆରେ ଯିରୁଶାଲାମ ସହର୍ ନିପଣ୍ ହସି ଜିତ୍ମାର୍ ମାନି ମାଡ଼ିତାକେ ହାଚାର୍।
ପିତର ଯୀଶୁଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍ନି କାତା
(ମାଥି. ୨୬:୩୧-୩୫; ଲୁକ. ୨୨:୩୧-୩୪; ଯୋହନ. ୧୩:୩୬-୩୮)
27ହେପାଦ୍ନା ଜିତ୍ମାର୍ ମାନି ମାଡ଼ିତ ହାନିହିଙ୍ଗ୍ ଯୀଶୁ ଚେଲାହିରିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ୱିଜାକାଦେର୍ ନାଙ୍ଗେଙ୍ଗ୍ ପିସ୍ତି ହାଞ୍ଜ୍ନାଦେର୍।
ଇନେସ୍କି ନା ବିଷୟରେ ଦରମ୍ ସାସ୍ତର୍ତ ଲେକା ମାନାତ୍,
‘ଆନେଙ୍ଗ୍ ମେଣ୍ଢା ଗଡ଼ିୟାଙ୍ଗ୍ ଅହ୍ନାଙ୍ଗ୍,
ହେ ମେଣ୍ଢାଙ୍ଗ୍ ଅଲଗା ଆଜି ହାନିକ୍।’
28ମାତର୍ ଆନେଙ୍ଗ୍ କବର୍ବାଟାତାଙ୍ଗ୍ ନିଙ୍ଗ୍ତି ପାଚେ ମି ଆଗେ ଗାଲିଲୀ ଜିଲ୍ଲାତ ହାନାଙ୍ଗ୍, ଆରେ ହେବେ ମିହୁଦାଙ୍ଗ୍ ମାହାଆଦ୍ନାଙ୍ଗ୍।”
29ହେଦାପ୍ରେ ପିତର ଯୀଶୁଙ୍ଗ୍ ୱେଚ୍ଚାନ୍, “ୱିଜାକାର୍ ନିଙ୍ଗେଙ୍ଗ୍ ପିସ୍ତି ହାଞ୍ଜ୍ନାର୍ ହିନା ନିଙ୍ଗେଙ୍ଗ୍ ଆନେଙ୍ଗ୍ ଅଲ୍ପପା ପିସ୍ତି ହାଞ୍ଜୁଙ୍ଗ୍।”
30ଯୀଶୁ ପିତରତିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ନେଞ୍ଜେଙ୍ଗ୍ ନାଣା ରିହା କୁଜୁ କେନିହିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ତିନ୍ହଟ୍ ପୁନୁଙ୍ଗ୍ ଇଞ୍ଜି ୱେଚ୍ନାଇ।” 31ମାତର୍ ପିତର ବାଡ଼୍କାସ୍ତାଙ୍ଗ୍ ୱେଚ୍ଚାନ୍, “ନି ହୁଦାଙ୍ଗ୍ ଆନେଙ୍ଗ୍ ହାଃଦେଙ୍ଗ୍ ହାନିତାକେ ପା ଆନେଙ୍ଗ୍ ନିଙ୍ଗେଙ୍ଗ୍ ପୁଞ୍ଜୁଙ୍ଗ୍ ଇଞ୍ଜି ୱେଚ୍ଚେଙ୍ଗ୍ ଆଡୁଙ୍ଗ୍।” ଆରେ ବାକି ଚେଲାହିର୍ ପା ହେଲେକେ ୱେଚ୍ଚାର୍।
ଗେଥ୍ଶିମାନି ବଗିଚାତାକେ ଯୀଶୁ ପାର୍ତାନା
(ମାଥି. ୨୬:୩୬-୪୬; ଲୁକ. ୨୨:୩୯-୪୬)
32ତାପାଚେ ଯୀଶୁ ଆରେ ତା ଚେଲାହିର୍ ଗେଥ୍ଶିମାନି ବଗିଚାତାକେ ହାଚାର୍, ଆରେ ହେୱାନ୍ ତା ଚେଲାହିରିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ଇବେ କୁଚ୍ଚି ମାନାଟ୍ ଆନେଙ୍ଗ୍ ଈଶ୍ୱରତାକେ ପାର୍ତାନା କିଦେଙ୍ଗ୍ ହାନାଙ୍ଗା।” 33ଆରେ, ହେୱାର୍ ର ବଗିଚାତାକେ ହାଚାର୍, ଆରେ ହେୱାନ୍ ତିନ୍ଗଟା ବାହାକାଙ୍ଗ୍ ମାଚାର୍ ର ବାହାତ ନଅଜାଣ୍ ଚେଲାହିର୍ ରବେ ମାଚାର୍, ଆରେ ପିତର, ଯାକୁବ ଆରେ ଯୋହନ ଇ ତିନ୍ଜାଣ୍ତିଙ୍ଗ୍ ଅଜି ଯୀଶୁ ଅଲପ୍ ଦେହା ହାଲ୍ଜି ଅଜଡ଼୍ ଆତାନ୍ ଆରେ କାକୁଲ୍ତି ଆଦେଙ୍ଗ୍ ଲାଗାତାନ୍। 34ହେବେ ଯୀଶୁ ଚେଲାରିଙ୍ଗ୍ ୱେଚ୍ଚାନ୍। “ନା ଜିବୁନ୍ ହସି ହାଃନିଲେକେ ହତ୍ନାତା, ଏପେଙ୍ଗ୍ ଇବେ ମାନ୍ଞ୍ଜି କାସି ମାଞ୍ଜାଟ୍।”
35-36ଆରେ, ଯୀଶୁ ଅଲପ୍ ଦେହା ହାଲ୍ଜି ମେଦ୍ନିତ ମେଣ୍ଡାକୁନ୍ଦିକିଜି ଈଶ୍ୱରତିଙ୍ଗ୍ ପାର୍ତାନା କିଜି ୱେଚ୍ଚାନ୍, “ଯଦି ଆନାତ୍ ୱାନି ଦୁକ୍ତିଙ୍ଗ୍ ନାବେତାଙ୍ଗ୍ ଦେହାକିଦା।” ଆରେ ହେୱାନ୍ ୱେଚ୍ଚାନ୍ “ଏ ଆବା ନାଙ୍ଗେଙ୍ଗ୍ ଇ ଦୁଃକ୍କଷ୍ଟତାଙ୍ଗ୍ ଦେହାକିଦା, ନି କେଇଦ ୱିଜୁଆନାତ୍ ନା ଇଚା ଆକାୟ୍ ମାତର୍ ନି ଇଚାଆଏତ୍।”
37ଆରେ, ଯୀଶୁ ୱାଜି ଚେଲାରିଙ୍ଗ୍ ହୁଞ୍ଚାକାରିଙ୍ଗ୍ ହୁଡ଼୍ତାନ୍, ଆରେ ଶିମୋନ ପିତରତିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ଇନାକା ହୁନ୍ଚାଦେରା? ର ଘଣ୍ଟା ପା କାସିମାଞ୍ଜେଙ୍ଗ୍ ଆଡ଼୍ଦାୱାତାଦେର୍?” 38ଆରେରଗ ଯୀଶୁ ଚେଲାହିରିଙ୍ଗ୍ ୱେଚ୍ଚାନ୍, “ନାଙ୍ଗେଙ୍ଗ୍ କାସି ମାଞ୍ଜାଟ୍, ଆରେ ଏପେଙ୍ଗ୍ ଇନେସ୍କି ପରିକ୍ଷାତାକେ ପଡ଼ାଆଉଦେର୍ ହେଦାଙ୍ଗ୍ କାଜିଙ୍ଗ୍ ପାର୍ତାନା କିୟାଟ୍, ମି ମାନ୍ ସତ୍ କିଦେଙ୍ଗ୍ ଇଚା କିନାତ୍, ମାତର୍ ମି ଗାଗାଡ଼୍ ବାଡ଼୍କାସ୍ ହିଲେତ୍।”
39ଯୀଶୁ ଆରେରଗ ହାଲ୍ଜି ଆଗେଲେକେ ବେଣ୍ ହପ୍ଚି ପାର୍ତାନା କିତାନ୍। 40ଆରେରଗ ଯୀଶୁ ୱାଜି ହେୱାରିଙ୍ଗ୍ ହୁନ୍ଞ୍ଚାକା ହୁଡ଼୍ତାନ୍, ଇନେସ୍କି ହେୱାରିଙ୍ଗ୍ ହୁଚ୍କାଣ୍କୁ ଡାବାଇ କିଜି ମାଚିକ୍, ଆରେ ହେୱାର୍ କାଣ୍କୁ ପା ଜେତେଙ୍ଗ୍ ଆଡ୍ୱାଦାଙ୍ଗ୍ ମାଚାର୍, ହେୱାନିଙ୍ଗ୍ ଇନା ଉତର୍ ହିନାପ୍ ଇଞ୍ଜି, ହେୱାର୍ ପୁନ୍ୱାଦାଙ୍ଗ୍ ମାଚାର୍।
41ଯୀଶୁ ତିନ୍ହଟ୍ ୱାଜି ଚେଲାରିଙ୍ଗ୍ ୱେଚ୍ଚାନ୍, “ନଙ୍ଗୟ୍ ପାତେକ୍ ହୁନ୍ଞ୍ଚାଦେର୍ନା? ଏଚେକ୍ ଆତାତେ! ୱେନାଟ୍! ନା ସମୟ୍ ୱାତାତେ, ଆନେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣାତଙ୍ଗ୍ ପାପିର୍ କେଇଦ ଆହିୟା ଆନାଙ୍ଗ୍। 42ନିଙ୍ଗାଟ୍! ଆସେଙ୍ଗ୍ ହାନାସ୍, ହୁଡ଼ାଟ୍, ଇମ୍ଣି ମାନାୟ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍ନାନ୍, ହେୱାନ୍ ୱାତାନେ।”
ଯୀଶୁ ଶାତ୍ରୁ କେଇଦ ଆହିୟା ଆନାକା
(ମାଥି. ୨୬:୪୭-୫୬; ଲୁକ. ୨୨:୪୭-୫୩; ଯୋହନ. ୧୮:୩-୧୨)
43ଯୀଶୁ ବେଣ୍ ୱେଚ୍ନିହିଙ୍ଗ୍, ବାରଜାଣ୍ ବିତ୍ରେତାଙ୍ଗ୍ ଇଷ୍କାରିତିୟ ଯିହୁଦା ତର୍ଦାକାନ୍ ରକାନ୍ ହେବେ ୱାତାନ୍। ହେୱାନ୍ ହୁଦାଙ୍ଗ୍ ଟେଙ୍ଗା, କାଣ୍ଡାଙ୍ଗ୍ ଆସ୍ତି ର ମାନ୍ଦା ମାନାୟ୍ତିଙ୍ଗ୍ ତାହିୱାତାନ୍। ଈଶ୍ୱର ହେବାକିନି ମୁଡ଼୍ଦି ପୁଜାରିର୍, ଯିହୁଦି ଦରମ୍ନି ପଣ୍ଡିତ୍ ଆରେ ପ୍ରାଚିନ୍ନାର୍ତାଙ୍ଗ୍ ହେୱାରିଙ୍ଗ୍ ପକ୍ଚି ମାଚାର୍। 44ଇଷ୍କାରିତିୟ ଯିହୁଦା ଯୀଶୁଙ୍ଗ୍ ଆହ୍ନାକାରିଙ୍ଗ୍ ଆଗେ ୱେଚିମାଚାନ୍, ଆନେଙ୍ଗ୍ ଇନେରିଙ୍ଗ୍ ଚୁମା ହିନାଙ୍ଗ୍, ହେୱାନ୍ ଇଞ୍ଜି ଏପେଙ୍ଗ୍ ପୁନାଟ୍, ହେୱାନିଙ୍ଗ୍ ଆସ୍ତି ଜାଗ୍ରତ୍ କିଜି ଅୱାଟ୍।
45ଲାଗିଙ୍ଗ୍ ଇଷ୍କାରିତିୟ ଯିହୁଦା ହେଦାପ୍ରେ ଯୀଶୁ ଲାଗେ ହାଲ୍ଜି, ଏ ଗୁରୁ ଇଞ୍ଜି ୱେଚ୍ଚି ଯୀଶୁ ଲାଗାୟ୍ ୱାଜି ର ଚୁମା ହିତାନ୍। 46ହେବେତାଙ୍ଗ୍ ହେୱାର୍ ଯୀଶୁଙ୍ଗ୍ କେଇଦ ଆସ୍ତିଗାଚ୍ଚାର୍। 47ମାତର୍ ଯୀଶୁ ଲାଗେ ନିଲ୍ଚିମାଚି ମାନାୟ୍ ବିତ୍ରେତାଙ୍ଗ୍ ରକାନ୍ ଚେଲାହି ତା କାଣ୍ଡା ହପ୍ଚି ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ଚାକର୍ତିଙ୍ଗ୍ କିତୁଲ୍ ହଣ୍ତାନ୍।
48ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଡାକୁର୍ ବିରଦ୍ତାକେ ହାନିଲେକେ ଆଜି କାଣ୍ଡାଙ୍ଗ୍ ଆରେ କଣାଙ୍ଗ୍ ଆସ୍ତି ଏପେଙ୍ଗ୍ ଇନା କିଦେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍ଚେଦେଙ୍ଗ୍ ୱାତାଦେର୍? 49ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍ଞ୍ଜି ଈଶ୍ୱର ମାନି ମନ୍ଦିର୍ନି ହାକ୍ଡ଼ିତ ହିକ୍ଷାହିଜି ମାନ୍ଚାଙ୍ଗ୍, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତିଗାଚ୍ଚା ୱାତାଦେର୍। ମାତର୍ ଦରମ୍ ସାସ୍ତର୍ନି ବାକ୍ୟତାକେ ଇନେସ୍ ଲେକେ ପୁରାଆନାତ୍, ହେଦାଙ୍ଗ୍ କାଜିଙ୍ଗ୍ ଇୱିଜୁ ଗଟାଆନାତ୍।”
50ହେପାଦ୍ନା ୱିଜାର୍ ଯୀଶୁଙ୍ଗ୍ ପିସ୍ତି ହନ୍ଚିହାଚାର୍। 51ମାତର୍ ର ବେଣ୍ଡିଆ କାଡ଼୍ଦେ ୱାରା ଗାଗାଡ଼୍ତ ଅଲପ୍ ହିରୁ ଶାଲ୍ ପର୍ଚି ହେୱାର୍ ପାଚେ-ପାଚେ ହାଲ୍ଜି ମାଚାନ୍। 52ଆରେ ହେ ବେଣ୍ଡିଆ କାଡ଼୍ଦେଙ୍ଗ୍ ଆସ୍ତେଙ୍ଗ୍ ହାନିହିଙ୍ଗ୍ ହେ ହିରୁ ଶାଲ୍ ପିସ୍ତି ଡୁମ୍ଡା ଆଜି ହନ୍ଚିହାଚାନ୍।
ଯିହୁଦି ଦଳ୍ନି ନେତାର୍ ଯୀଶୁଙ୍ଗ୍ ବିଚାର୍
(ମାଥି. ୨୬:୫୭-୬୮; ଲୁକ. ୨୨:୫୪,୫୫,୬୩-୭୧; ଯୋହନ. ୧୮:୧୩,୧୪,୧୯-୨୪)
53ତାପାଚେ ହେୱାର୍ ଯୀଶୁଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ଇଞ୍ଜ ଅସିହାଚାର୍, ଆରେ, ଈଶ୍ୱର ହେବାକିନି ମୁଡ଼୍ଦି ପୁଜାରିର୍, ପ୍ରାଚିନ୍ ଆରେ ଯିହୁଦି ଦରମ୍ନି ପଣ୍ଡିତାର୍ ୱିଜାର୍ ରବେ ଆତାର୍। 54ପିତର ଅଲପ୍ ଦେହା ମାନ୍ଞ୍ଜି ହେୱାର୍ ପାଚେ-ପାଚେ ହାଚାନ୍ ଆରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ହାକ୍ଡ଼ିତାକେ ହାଚାନ୍। ଆରେ ହେୱାନ୍ ମନ୍ଦିର ଜାଗୁୱାଡ଼ି ହୁଦାଙ୍ଗ୍ କୁଚ୍ଚି ନାଣି କାଇଜି ମାଚାନ୍।
55ଇପାଦ୍ନା ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ଆରେ ଯିହୁଦି ଦଳ୍ନି ବିଚାର୍କିନି ନେତାର୍ ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ସାକି ଦାସ୍ତେଙ୍ଗ୍ ଲାଗାତାର୍, ମାତର୍ ଗାଟା ଆୱାତାର୍। 56କେତେକ୍ ମାନାୟ୍ ତା ବିରତାଙ୍ଗ୍ ମିଚ୍ ସାକି ହିତାର୍, ମାତର୍ ହେୱାନ୍ ସାକି ଆରେ ରକାନ୍ ସାକି ତାକେ ମେହାଆୱାଦାଙ୍ଗ୍ ମାଚାତ୍। 57ପାଚେ କେତେକ୍ ମାନାୟ୍ ନିଙ୍ଗ୍ଞ୍ଜି ତା ବିରୁଦ୍ ତାଙ୍ଗ୍ ମିଚ୍ ସାକି ହିଜି ୱେଚେଙ୍ଗ୍ ଲାଗାତାର୍, 58“ଆପେଙ୍ଗ୍ ଇୱାନ୍ ଇବେଣ୍ ୱେଚ୍ନାକା ୱେଚାପ୍। ‘ଆନେଙ୍ଗ୍ ମାନାୟାର୍ ରସ୍ତି ମନ୍ଦିର୍ତିଙ୍ଗ୍ ଡ୍ରିକ୍ଚି ତିନ୍ଦିନ୍ତାଙ୍ଗ୍ ଆନେଙ୍ଗ୍ ମାନାୟାର୍ ରହ୍ୱିତି ମନ୍ଦିର୍ତିଙ୍ଗ୍ ରହ୍ନାଙ୍ଗ୍।’” 59ମାତର୍ ନଙ୍ଗୟ୍ ପା ରୱାର୍ ସାକି ଆରେ ରୱାର୍ତାକେ ମେହା ଆୱାତାତ୍।
60ହେବେତାଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ବିଚାର୍ ସବା ଆଗେ ନିଲ୍ଚି ଯୀଶୁଙ୍ଗ୍ ୱେନ୍ବାତାନ୍, ନି ବିରଦ୍ତାଙ୍ଗ୍ ଇୱାର୍ ଏଚେକ୍ ଇଞ୍ଜ୍ନାରା, ଏନେଙ୍ଗ୍ ନଙ୍ଗୟ୍ ଇନାକା ଇଞ୍ଜ୍ନାୟା? 61ମାତର୍ ଯୀଶୁ ଚିମ୍ରା ଆଜି ମାନ୍ଞ୍ଜି ଇନାକାପା ଇନ୍ୱାତାନ୍। ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ଆରେରଗ ଯୀଶୁଙ୍ଗ୍ ୱେନ୍ବାତାନ୍, “ଏନେଙ୍ଗ୍ କି ଖ୍ରୀଷ୍ଟ, ଈଶ୍ୱର ମେହି ଇନେରିଙ୍ଗ୍ ଆପେଙ୍ଗ୍ ଆରାଦାନା କିନାପା?”
62ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ତ ହେୱାନ୍। ଆରେ ଏପେଙ୍ଗ୍ ନାଙ୍ଗେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍ଚାକା ଆରେ ସରଗ୍ନି ବାଦାଡ଼୍ତାଙ୍ଗ୍ ୱାନାକା ହୁଡ଼୍ନାଦେର୍।”
63ହେବେତାଙ୍ଗ୍ ଯୀଶୁ ୱେଚ୍ଚି ବେଣ୍ତିଙ୍ଗ୍ ୱେନ୍ଞ୍ଜି ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ରିସାଆଜି ଜାର୍ ଆଙ୍ଗିତିଙ୍ଗ୍ କେଚ୍ଚାନ୍, ଆରେ ହେୱାନ୍ ୱେଚ୍ଚାନ୍ “ମାଙ୍ଗେଙ୍ଗ୍ ଆରେ ସାକି ଦର୍କାର୍ ଆକାୟ୍। 64ଏପେଙ୍ଗ୍ ପା ୱେନାଦେରା ଇୱାନ୍ ଈଶ୍ୱରତିଙ୍ଗ୍ ନିନ୍ଦା କିନାନା, ନଙ୍ଗୟ୍ ଇୱାନିଙ୍ଗ୍ ଏପେଙ୍ଗ୍ ଇନା ବିଚାର୍ନା କିନାଦେରା?” ଇବେତାଙ୍ଗ୍ ବିଚାର୍ ସବାତାକେ ମାନି ୱିଜୁ ମେମ୍ୱରାର୍ ୱେଚ୍ଚାର୍, “ଇୱାନ୍ ଈଶ୍ବରତିଙ୍ଗ୍ ଅପ୍ମାନ୍ କିତାନ୍ନା,” ହେଦାଙ୍ଗ୍ କାଜିଙ୍ଗ୍ ୱିଜାକାର୍ ହେୱାନିଙ୍ଗ୍ ଦସି ଇଞ୍ଜି ମାନିକିତାର୍ ଆରେ ହେୱାନିଙ୍ଗ୍ ହାଃନିଦଣ୍ତ୍ ଆୟେତ୍ ଇଞ୍ଜି ୱେଚ୍ଚାର୍।
65ତାପାଚେ, ଇନେର୍-ଇନେର୍ ଯୀଶୁ ଜପି ଏଉଡ଼ିଙ୍ଗ୍ ଚୁପ୍ଦେଙ୍ଗ୍ ଲାଗାତାର୍, ଆରେ ତା କାଣ୍କୁକାଙ୍ଗ୍ ଗାର୍ଣ୍ଡା ଗାଚ୍ଚି ହେୱାନିଙ୍ଗ୍ ବିଧା ଇଡ଼୍ଜି ହିନସ୍ତାକିଜି ୱେନ୍ବାତାର୍, “ଏନେଙ୍ଗ୍ ଯଦି ର ଭବିଷ୍ଯତବକ୍ତାତି, ଏଲେଙ୍ଗ୍ଇଚି ମାଙ୍ଗେଙ୍ଗ୍ ୱେଚ୍ଚା ନିଙ୍ଗେଙ୍ଗ୍ ନଙ୍ଗୟ୍ ଇନେର୍ ଇଡ଼୍ଦାତାର୍।” ଆରେ ମନ୍ଦିର୍ ଜାଗୁୱାଡ଼ି ହେୱାର୍ତାଙ୍ଗ୍ ପିହିକିଜି ଚାପ୍ଡ଼ା ଇଡ଼୍ଜି-ଇଡ଼୍ଜି ଯୀଶୁଙ୍ଗ୍ ଅତାର୍।
ପିତର ଯୀଶୁଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍ଚାନ୍
(ମାଥି. ୨୬:୬୯-୭୫; ଲୁକ. ୨୨:୫୬-୬୨; ଯୋହନ. ୧୮:୧୫-୧୮,୨୫-୨୭)
66ପିତର ହେ ହାକ୍ଡ଼ିତ ହେପାଦ୍ନା ପାତେକ୍ ନାଣି କାୟ୍ଜି ମାଚାନ୍, ହେପାଦ୍ନା ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରିନି ଚାକ୍ରାଣି ହେୱାନିଙ୍ଗ୍ ହୁଡ଼୍ତାତ୍। 67ଆରେ ପିତରତିଙ୍ଗ୍ ହାରାହାଣ୍କୁ ହୁଡ଼୍ଜି ୱେଚ୍ଚାତ୍, “ଏନେଙ୍ଗ୍ ପା ନାଜରିତ ସହର୍ନି ଯୀଶୁ ହୁଦାଙ୍ଗ୍ ମାଚାୟ୍।”
68ମାତର୍ ପିତର ହେଦେଲିଙ୍ଗ୍ ୱେଚ୍ଚାନ୍, “ହେୱାନିଙ୍ଗ୍ ଆନେଙ୍ଗ୍ ପୁନୁଙ୍ଗ୍, ଆରେ ଏନେଙ୍ଗ୍ ଇନାକା ଇଞ୍ଜ୍ନାୟା ଆନେଙ୍ଗ୍ ବୁଜା ଆଦେଙ୍ଗ୍ ଆଡୁଙ୍ଗା।” ଆରେ ହେ ବାହାତାଙ୍ଗ୍ ଗେଟ୍ତାକେ ହାଚାନ୍। ହେଦାପ୍ରେ କୁଜୁ କେତାତ୍।
69ଆରେ, ହେ ଚାକ୍ରାଣି ହେୱାନିଙ୍ଗ୍ ଗେଟ୍ତାକେ ହୁଡ଼୍ଜି ଲାଗେ ନିଲ୍ତି ମାନାୟ୍ତିଙ୍ଗ୍ ୱେଚ୍ଚାତ୍, “ଇୱାନ୍ପା ତା ଚେଲାହି।” 70ମାତର୍ ହେୱାନ୍ ଆରେରଗ ୱେଚ୍ଚାନ୍, “ଆନେଙ୍ଗ୍ ପୁନୁଙ୍ଗ୍।” ଆରେ ଅଲପ୍ ହାଚି ପାଚେ ଲାଗେ ନିଲ୍ତି ମାନାୟାର୍ ପିତରତିଙ୍ଗ୍ ୱେଚ୍ଚାର୍, “ଏନେଙ୍ଗ୍ ଗାଲିଲୀ ଜିଲ୍ଲାନି ମାନାୟ୍ ଲେକେ ବେଣ୍ କିନାୟା,” ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ପା ରକାୟ୍ ତା ଚେଲାହିତି।
71ମାତର୍ ହେୱାନ୍ ଜାର୍ ରାଣ୍ତିନ୍ଞ୍ଜି ଆରେ ପାର୍ମାଣ୍ କିଜି ୱେଚ୍ଚେଙ୍ଗ୍ ଲାଗାତାନ୍, “ଏପେଙ୍ଗ୍ ଇମ୍ଣି ମାନାୟ୍ ବେଣ୍ ୱେଚ୍ଚାନାଦେରା, ଆନେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍।” 72ହେଦାପ୍ରେ କୁଜୁ ରିହା କେତାତ୍। ପିତରତିଙ୍ଗ୍ ଯୀଶୁ ଆଗେ ଇମ୍ଣିବେଣ୍ ୱେଚିମାଚାନ୍ ହେ ବେଣ୍ ତା ମାନ୍ତ ୱାତିଲେ, “କୁଜୁ ରିହା କେୱି ଆଗେ ନାଙ୍ଗେଙ୍ଗ୍ ତିନ୍ହଟ୍ ପୁଞ୍ଜୁୟ୍ ଇଞ୍ଜି ୱେଚ୍ନାଇ।” ଲାଗିଙ୍ଗ୍ ପିତର ବେସିଦୁକ୍ ଆଜି ଆଡ଼୍ବାତାନ୍।
Currently Selected:
ମାର୍କ 14: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ମାର୍କ 14
14
ଯିହୁଦି ଦରମ୍ନି ନେତାର୍ ଯୀଶୁଙ୍ଗ୍ ଅସ୍ତେଙ୍ଗ୍ ଉପାୟ୍ କିତି ବିଷୟ
(ମାଥି. ୨୬:୧-୫; ଲୁକ. ୨୨:୧,୨; ଯୋହନ. ୧୧:୪୫-୫୩)
1ନିସ୍ତାର୍ ପାର୍ବୁ ଆରେ ସଡ଼ା ମେହଆୱିତି ରୁଟି ପାର୍ବୁଚିଞ୍ଜେଙ୍ଗ୍ ରିଦିନ୍ ଆଗେ ମାନିହିଙ୍ଗ୍, ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ଆରେ ଯିହୁଦି ଦରମ୍ନି ପଣ୍ଡିତାର୍ ମାନାୟାର୍ ପୁନ୍ୱିଲେକେ କିଜି ଯୀଶୁଙ୍ଗ୍ ଆସ୍ତି ମାର୍ନେ ଅସ୍ତେଙ୍ଗ୍ ଉପାୟ୍ ଡେକ୍ଚି ମାଚାର୍। 2ମାତର୍ ହେୱାର୍ ଇଞ୍ଜିମାଚାର୍, “ଆସେଙ୍ଗ୍ ପାର୍ବୁ ତିନିହିଙ୍ଗ୍ ଇୱାନିଙ୍ଗ୍ ଆହୁସ୍, ଇନେସ୍କି ହେବେ ମାନାୟାର୍ ମାଙ୍ଗେଙ୍ଗ୍ ଗଣ୍ଡ୍ଗଲ୍ କିଦ୍ନାର୍।”
ବେଥନିଆ ସହରତ ର କଗ୍ଲେ ଯୀଶୁଙ୍ଗ୍ ସନ୍ମାନ୍ କିତାତ୍
(ମାଥି. ୨୬:୬-୧୩; ଯୋହନ. ୧୨:୧-୮)
3ହେପାଦ୍ନା ଯୀଶୁ ବେଥନିଆ ସହର୍ତାକେ ଶିମୋନ, ଇନେରିଙ୍ଗ୍ ଆଗେ କୁଷ୍ଟରଗ୍ତାଙ୍ଗ୍ ଯୀଶୁ ହାର୍ କିଜି ମାଚାନ୍, ତାଞ୍ଜ ଗତେନ୍ଲେକେ ଆଜି ଚିଞ୍ଜେଙ୍ଗ୍ କୁଚ୍ଚିହିଙ୍ଗ୍ ର କଗ୍ଲେ ଡ଼ିଞ୍ଜ୍ନି କାଲ୍ତିଙ୍ଗ୍ ରସ୍ତି କଣ୍ଡିତ ବାର୍ତିକିଜି ବେସି ଦାମ୍କିୟା ବାସ୍ନା ଚିକାଣ୍ ତାସି ୱାତାତ୍। ଆରେ ହେଦେଲ୍ କଣ୍ଡିନି ଡାବ୍ଣା ରିକ୍ଚି ଯୀଶୁଙ୍ଗ୍ ସନ୍ମାନ୍ କିଦେଙ୍ଗ୍ କାପ୍ଡ଼ାତ ଚିକାଣ୍ ୱିଜୁ ୱାକ୍ଚି ଇତ୍ପାତାତ୍। 4ମାତର୍ ହେବେ ମାଚି କେତେକ୍ ମାନାୟ୍ ହେ କଗ୍ଲେ ବାସ୍ନା ଚିକାଣ୍ ୱାକ୍ତାକା ହୁଡ଼୍ଜି ରିସାଆତାର୍, ଆରେ ହେୱାର୍ ୱେଚ୍ପାଆତାର୍ “ଇଦେଲ୍ ଏଚେକ୍ ଦାମ୍ନି ବାସ୍ନା ଚିକାଣ୍ତିଙ୍ଗ୍ ଇନା କିଦେଙ୍ଗ୍ ଆର୍ଲା କିନାତା? 5ଇ ବାସ୍ନା ଚିକାଣ୍ତିଙ୍ଗ୍ ପାକାପାକି ବାର୍ହେକ୍ କାମାୟ୍ କିତି ଡାବୁଙ୍ଗ୍ (ତିନ୍ଶ ଶାଟେ ପାଞ୍ଚ୍ ରୁପାଡାବୁ) ଏଚେକ୍ ପୟାଆତାତ୍ମା, ଆରେ ହେ ଡାବୁଙ୍ଗ୍ ଗରିବ୍ନିକାରିଙ୍ଗ୍ ହିୟାଆତାତ୍ମା।” ହେଦାଙ୍ଗ୍ କାଜିଙ୍ଗ୍ ହେ କଗ୍ଲେଙ୍ଗ୍ ହେୱାର୍ କେତ୍ତେଙ୍ଗ୍ ଲାଗାତାର୍।
6ଲାଗିଙ୍ଗ୍ ଯୀଶୁ ହେଦେଲିଙ୍ଗ୍ କେତ୍ମାଟ୍ ଇଞ୍ଜି ହେୱାରିଙ୍ଗ୍ ୱେଚ୍ଚାନ୍, “ହେଦେଲିଙ୍ଗ୍ ଏପେଙ୍ଗ୍ କଷ୍ଟ ହିମାଟ୍ ଇଚାନ୍। ହେଦେଲ୍ ନା କାପ୍ଡ଼ାତ ଚିକାଣ୍ ୱାକ୍ଚି ହାର୍ଦି କାମାୟ୍ କିତାତ୍ନା। 7ଇନେସ୍କି ଗରିବ୍ ନିକାର୍ ମିହୁଦାଙ୍ଗ୍ ୱିଜୁଦିନ୍ ମାନ୍ଙ୍ଗାନାର୍। ଏପେଙ୍ଗ୍ ହେୱାରିଙ୍ଗ୍ ଏଚେପାଦ୍ନା ଆଡ଼୍ତିସ୍, ହେପାଦ୍ନା ସାଇଜ କିଦେଙ୍ଗ୍ ଆଡ୍ନାଦେର୍, ମାତର୍ ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନ୍ଗୁଙ୍ଗ୍। 8ହେ କଗ୍ଲେ ଏଚେକ୍ ଆଡ଼୍ତାତ୍ ନା କାଜିଙ୍ଗ୍ ହେ ଏଚେକ୍ କିତାତ୍, ଆରେ ଆନେଙ୍ଗ୍ ହାଃନିଆଗେ ନା ଗାଗାଡ଼୍ତିଙ୍ଗ୍ ଚିକାଣ୍ ୱାକ୍ଚି ଇ କଗ୍ଲେ ନା କାଜିଙ୍ଗ୍ ଦୁଗେର୍ ରହ୍ନାତା। 9ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ପୁର୍ତିନି ୱିଜୁ ବାହାତାକେ ନା ହାର୍ଦିକାବୁର୍ ଶୁଣାୟ୍ କିନିହିଙ୍ଗ୍ ଇ କଗ୍ଲେ କିତି କାମାୟ୍ତିଙ୍ଗ୍ ପା ହେୱାର୍ ଶୁଣାୟ୍ କିନାର୍ ଆରେ ମାନ୍ତ ହେତୁକିନାର୍।”
ଯୀଶୁଙ୍ଗ୍ ଆହିକିଦେଙ୍ଗ୍ ଇଷ୍କାରିତିୟ ଯିହୁଦା ରାଜି ଆତାନ୍
(ମାଥି. ୨୬:୧୪-୧୬; ଲୁକ. ୨୨:୩-୬)
10ଯୀଶୁ ବାଚିକିତି ବାରଜାଣ୍ ଚେଲାହିର୍ ବିତ୍ରେତାଙ୍ଗ୍ ଇଷ୍କାରିତିୟ ଯିହୁଦା ତର୍ଦାକାନ୍ ରକାନ୍ ଚେଲାହି ମାଚାନ୍, ହେ ଚେଲାହି ଯୀଶୁଙ୍ଗ୍ ଆହିକିଦେଙ୍ଗ୍ ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ତାକେ ହାଚାନ୍। 11ହେୱାର୍ ଇଷ୍କାରିତିୟ ଯିହୁଦା ବେଣ୍ ୱେନ୍ଞ୍ଜି ୱାରିୟା ଆତାର୍, ଆରେ ଇଷ୍କାରିତିୟ ଯିହୁଦାଙ୍ଗ୍ ଡାବୁଙ୍ଗ୍ ହିଦ୍ନାପ୍ ଇଞ୍ଜି ଶପତ୍ କିତାର୍। ତାପାଚେ ହେୱାନ୍ ସୁବିଦା ହୁଡ଼୍ଜି ଯୀଶୁଙ୍ଗ୍ ହେୱାନ୍ ଶାତ୍ରୁ କେଇଦ ଆହିକିଦେଙ୍ଗ୍ ହେୱାନ୍ ଉପାୟ୍ ଦାସ୍ତେଙ୍ଗ୍ ଲାଗାତାନ୍।
ଯୀଶୁ ଚେଲାହିର୍ ହୁକେ ହାରିହାରା ବଜିଚିଚାର୍
(ମାଥି. ୨୬:୧୭-୨୫; ଲୁକ. ୨୨:୭-୧୪,୨୧-୩୨; ଯୋହନ. ୧୩:୨୧-୩୦)
12ରିଦିନ୍ ପାଚେ, ସଡ଼ା ମେହାଆୱିତି ରୁଟି ପାର୍ବୁତ ପାର୍ତୁମ୍ ନାଞ୍ଜିଙ୍ଗ୍, ଇନାୱେଡ଼ାଙ୍ଗ୍ ମେଣ୍ଢା ପୁଜାକିଜି ନିସ୍ତାର୍ ପାର୍ବୁ ତିନାର୍। ହେ ନାଞ୍ଜିଙ୍ଗ୍ ଚେଲାହିର୍ ଯୀଶୁଙ୍ଗ୍ ୱେନ୍ବାତାର୍, “ନିସ୍ତାର୍ ପାର୍ବୁ ମାନି କିଦେଙ୍ଗ୍ ଆପେଙ୍ଗ୍ ଇମେତାକେ ବଜି ତିନାସ୍ ଇଞ୍ଜି ମାନ୍ କିନାୟା?”
13ହେବେ ଯୀଶୁ ରିୟାର୍ ଚେଲାହିରିଙ୍ଗ୍ ଇବେଣ୍ ୱେଚ୍ଚି ପକ୍ତାନ୍, “ଏପେଙ୍ଗ୍ ଯିରୁଶାଲାମ ସହର୍ତାକେ ହାଲାଟ୍। ଆରେ ଟାଙ୍ଗାତ ଏଜୁଙ୍ଗ୍ ନିପିତ ପିଣ୍ଜି ହାନାକାନିଙ୍ଗ୍ ଏପେଙ୍ଗ୍ ହୁଡ଼୍ନାଦେର୍, ଏପେଙ୍ଗ୍ ତାପାଚେ ପାଚେ ହାଲାଟ୍। 14ହେ ଏଜୁଙ୍ଗ୍ ଆସ୍ତି ମାନାୟ୍ ଇମ୍ଣି ଇଞ୍ଜ ହଣାନ୍, ହେ ଇଞ୍ଜ ହାଲାଟ୍ ଆରେ ହେଇଞ୍ଜି ମାଲିକ୍ତିଙ୍ଗ୍ ୱେନ୍ବାଟ୍, ଗୁରୁ ୱେନ୍ବାଆଦ୍ନାନା, ‘ନା ଚେଲାର୍ ହୁଦାଙ୍ଗ୍ ଇମ୍ଣି ବାକ୍ରାତ ନିସ୍ତାର୍ ପାର୍ବୁ ତିନାପ୍।’ 15ହେ ଇଲ୍ ମାଲିକ୍ ସପାସୁତ୍ରା ଜପ୍ଣି ପାଉଜ୍ତ ହାର୍ଦି ବାକ୍ରା ଚଚ୍ଚାନାନ୍। ହେ ବାହାତାକେ ଏପେଙ୍ଗ୍ ମା କାଜିଙ୍ଗ୍ ନିସ୍ତାର୍ ପାର୍ବୁନି ଭଜିରହାଟ୍।” 16ତାପାଚେ ରି ଚେଲାହିର୍ ଯିରୁଶାଲାମ ସହର୍ତାକେ ହାଚାର୍। ଆରେ, ଯୀଶୁ ହେୱାରିଙ୍ଗ୍ ଇନେସ୍ ଲେକେ ୱେଚିମାଚାନ୍, ହେଲେକେ ଆତାର୍ ଆରେ ହେୱାର୍ ନିସ୍ତାର୍ ପାର୍ବୁନି ବଜି ରସ୍ତାର୍।
17ମିକାହାରେସ୍ ଯୀଶୁ ଆରେ ତା ବାଚିକିତି ବାରଜାଣ୍ ଚେଲାହିର୍ ହୁଦାଙ୍ଗ୍ ହେ ଇଞ୍ଜ ୱାତାର୍। 18ଆରେ ହେୱାର୍ କୁଚ୍ଚି ତିନିହିଙ୍ଗ୍ ଯୀଶୁ ତା ଚେଲାହିରିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ମି ବିତ୍ରେତାଙ୍ଗ୍ ରକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍ନାନ୍, ହେୱାନ୍ ନା ହୁଦାଙ୍ଗ୍ କୁଚ୍ଚି ତିନାନା।”
19ହେବେ ଚେଲାହିର୍ ଦୁଃକ୍ କିତାର୍। ୱିଜାକାର୍ ଚେଲାହିର୍ ଯୀଶୁଙ୍ଗ୍ ୱେନ୍ବାତାର୍, “ଆନେଙ୍ଗ୍ ଇନାକା ହେୱାନ୍?”
20ଯୀଶୁ ହେୱାରିଙ୍ଗ୍ ୱେଚ୍ଚାନ୍, ବାରଜାଣ୍ ବିତ୍ରେତାଙ୍ଗ୍ ରକାନ୍, “ଇନେର୍କି ନା ତିନି ତାଡ଼ିୟାତ ତିନାନା। 21ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ବିଷୟରେ ସାସ୍ତର୍ତାକେ ଇନେସ୍ ଲେକେ ଲେକା ମାନାତ୍, ହେଲେକେ ହେୱାନ୍ ହାଃନାକା ସତ୍, ମାତର୍ ଇମ୍ଣାକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍ନାନ୍, ହେୱାନ୍ ବୟଙ୍କାର୍ ଦଣ୍ଡ୍ ପାୟା ଆନାନ୍। ହେୱାନ୍ ଜନମ୍ ଆୱାଦାଙ୍ଗ୍ ମାଚିସ୍ ହାର୍ ଆତାତ୍ମା।”
ପ୍ରବୁବଜ୍
(ମାଥି. ୨୬:୨୬-୩୦; ଲୁକ. ୨୨:୧୪-୨୦; ଯୋହନ. ୧୧:୨୩-୨୫)
22ହେୱାର୍ ତିନିହିଙ୍ଗ୍ ଯୀଶୁ ରୁଟିଙ୍ଗ୍ ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍ଚି ଚେଲାହିରିଙ୍ଗ୍ ହିଜି ୱେଚ୍ଚାନ୍, “ଅୱାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”
23ଆରେ, ଯୀଶୁ ଅଙ୍ଗୁର୍ ରାସ୍ ମାନିଗିଲାସ୍ ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ଚେଲାରିଙ୍ଗ୍ ହିଜି ୱେଚ୍ଚାନ୍, ଇ ଗିଲାସ୍ ତାଙ୍ଗ୍ ୱିଜାକାଦେର୍ ଉଣାଟ୍, ଆରେ ହେବେତାଙ୍ଗ୍ ୱିଜାକାର୍ ହେ ଗିଲାସ୍ତ ଉଟାର୍। 24ଆରେ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇ ଅଙ୍ଗୁର୍ ରାସ୍ ନା ନେତେର୍। ଇ ନେତେର୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ଲାହାଙ୍ଗ୍ ପୁନି ନିୟମ୍ କିତାନ୍ନା। ଆନେଙ୍ଗ୍ ଏଚେପାଦ୍ନା ହାଃନାଙ୍ଗ୍ ହେ ନେତେର୍ ୱିଜାକାର୍ ମୁକ୍ତି କାଜିଙ୍ଗ୍ ବଡ଼ାଆନାତ୍। 25ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଆନେଙ୍ଗ୍ ଈଶ୍ୱର ସାସନ୍ କିନି ରାଜିତାକେ ପୁନି ଅଙ୍ଗୁର୍ ରାସ୍ ଉଣ୍ୱାତାଙ୍ଗ୍ନା ହେ ଦିନ୍ ପାତେକ୍ ଆନେଙ୍ଗ୍ ଇନାୱେଡ଼ାଙ୍ଗ୍ ପା ଇ ଅଙ୍ଗୁର୍ ରାସ୍ ଉଣୁଙ୍ଗ୍।” 26ଆରେ, ଯୀଶୁ ଚେଲାହିର୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ନିସ୍ତାର୍ ପାର୍ବୁନି କେର୍କଣ୍ କେର୍ତାର, ଆରେ ଯିରୁଶାଲାମ ସହର୍ ନିପଣ୍ ହସି ଜିତ୍ମାର୍ ମାନି ମାଡ଼ିତାକେ ହାଚାର୍।
ପିତର ଯୀଶୁଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍ନି କାତା
(ମାଥି. ୨୬:୩୧-୩୫; ଲୁକ. ୨୨:୩୧-୩୪; ଯୋହନ. ୧୩:୩୬-୩୮)
27ହେପାଦ୍ନା ଜିତ୍ମାର୍ ମାନି ମାଡ଼ିତ ହାନିହିଙ୍ଗ୍ ଯୀଶୁ ଚେଲାହିରିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ୱିଜାକାଦେର୍ ନାଙ୍ଗେଙ୍ଗ୍ ପିସ୍ତି ହାଞ୍ଜ୍ନାଦେର୍।
ଇନେସ୍କି ନା ବିଷୟରେ ଦରମ୍ ସାସ୍ତର୍ତ ଲେକା ମାନାତ୍,
‘ଆନେଙ୍ଗ୍ ମେଣ୍ଢା ଗଡ଼ିୟାଙ୍ଗ୍ ଅହ୍ନାଙ୍ଗ୍,
ହେ ମେଣ୍ଢାଙ୍ଗ୍ ଅଲଗା ଆଜି ହାନିକ୍।’
28ମାତର୍ ଆନେଙ୍ଗ୍ କବର୍ବାଟାତାଙ୍ଗ୍ ନିଙ୍ଗ୍ତି ପାଚେ ମି ଆଗେ ଗାଲିଲୀ ଜିଲ୍ଲାତ ହାନାଙ୍ଗ୍, ଆରେ ହେବେ ମିହୁଦାଙ୍ଗ୍ ମାହାଆଦ୍ନାଙ୍ଗ୍।”
29ହେଦାପ୍ରେ ପିତର ଯୀଶୁଙ୍ଗ୍ ୱେଚ୍ଚାନ୍, “ୱିଜାକାର୍ ନିଙ୍ଗେଙ୍ଗ୍ ପିସ୍ତି ହାଞ୍ଜ୍ନାର୍ ହିନା ନିଙ୍ଗେଙ୍ଗ୍ ଆନେଙ୍ଗ୍ ଅଲ୍ପପା ପିସ୍ତି ହାଞ୍ଜୁଙ୍ଗ୍।”
30ଯୀଶୁ ପିତରତିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ନେଞ୍ଜେଙ୍ଗ୍ ନାଣା ରିହା କୁଜୁ କେନିହିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ତିନ୍ହଟ୍ ପୁନୁଙ୍ଗ୍ ଇଞ୍ଜି ୱେଚ୍ନାଇ।” 31ମାତର୍ ପିତର ବାଡ଼୍କାସ୍ତାଙ୍ଗ୍ ୱେଚ୍ଚାନ୍, “ନି ହୁଦାଙ୍ଗ୍ ଆନେଙ୍ଗ୍ ହାଃଦେଙ୍ଗ୍ ହାନିତାକେ ପା ଆନେଙ୍ଗ୍ ନିଙ୍ଗେଙ୍ଗ୍ ପୁଞ୍ଜୁଙ୍ଗ୍ ଇଞ୍ଜି ୱେଚ୍ଚେଙ୍ଗ୍ ଆଡୁଙ୍ଗ୍।” ଆରେ ବାକି ଚେଲାହିର୍ ପା ହେଲେକେ ୱେଚ୍ଚାର୍।
ଗେଥ୍ଶିମାନି ବଗିଚାତାକେ ଯୀଶୁ ପାର୍ତାନା
(ମାଥି. ୨୬:୩୬-୪୬; ଲୁକ. ୨୨:୩୯-୪୬)
32ତାପାଚେ ଯୀଶୁ ଆରେ ତା ଚେଲାହିର୍ ଗେଥ୍ଶିମାନି ବଗିଚାତାକେ ହାଚାର୍, ଆରେ ହେୱାନ୍ ତା ଚେଲାହିରିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ଇବେ କୁଚ୍ଚି ମାନାଟ୍ ଆନେଙ୍ଗ୍ ଈଶ୍ୱରତାକେ ପାର୍ତାନା କିଦେଙ୍ଗ୍ ହାନାଙ୍ଗା।” 33ଆରେ, ହେୱାର୍ ର ବଗିଚାତାକେ ହାଚାର୍, ଆରେ ହେୱାନ୍ ତିନ୍ଗଟା ବାହାକାଙ୍ଗ୍ ମାଚାର୍ ର ବାହାତ ନଅଜାଣ୍ ଚେଲାହିର୍ ରବେ ମାଚାର୍, ଆରେ ପିତର, ଯାକୁବ ଆରେ ଯୋହନ ଇ ତିନ୍ଜାଣ୍ତିଙ୍ଗ୍ ଅଜି ଯୀଶୁ ଅଲପ୍ ଦେହା ହାଲ୍ଜି ଅଜଡ଼୍ ଆତାନ୍ ଆରେ କାକୁଲ୍ତି ଆଦେଙ୍ଗ୍ ଲାଗାତାନ୍। 34ହେବେ ଯୀଶୁ ଚେଲାରିଙ୍ଗ୍ ୱେଚ୍ଚାନ୍। “ନା ଜିବୁନ୍ ହସି ହାଃନିଲେକେ ହତ୍ନାତା, ଏପେଙ୍ଗ୍ ଇବେ ମାନ୍ଞ୍ଜି କାସି ମାଞ୍ଜାଟ୍।”
35-36ଆରେ, ଯୀଶୁ ଅଲପ୍ ଦେହା ହାଲ୍ଜି ମେଦ୍ନିତ ମେଣ୍ଡାକୁନ୍ଦିକିଜି ଈଶ୍ୱରତିଙ୍ଗ୍ ପାର୍ତାନା କିଜି ୱେଚ୍ଚାନ୍, “ଯଦି ଆନାତ୍ ୱାନି ଦୁକ୍ତିଙ୍ଗ୍ ନାବେତାଙ୍ଗ୍ ଦେହାକିଦା।” ଆରେ ହେୱାନ୍ ୱେଚ୍ଚାନ୍ “ଏ ଆବା ନାଙ୍ଗେଙ୍ଗ୍ ଇ ଦୁଃକ୍କଷ୍ଟତାଙ୍ଗ୍ ଦେହାକିଦା, ନି କେଇଦ ୱିଜୁଆନାତ୍ ନା ଇଚା ଆକାୟ୍ ମାତର୍ ନି ଇଚାଆଏତ୍।”
37ଆରେ, ଯୀଶୁ ୱାଜି ଚେଲାରିଙ୍ଗ୍ ହୁଞ୍ଚାକାରିଙ୍ଗ୍ ହୁଡ଼୍ତାନ୍, ଆରେ ଶିମୋନ ପିତରତିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ଇନାକା ହୁନ୍ଚାଦେରା? ର ଘଣ୍ଟା ପା କାସିମାଞ୍ଜେଙ୍ଗ୍ ଆଡ଼୍ଦାୱାତାଦେର୍?” 38ଆରେରଗ ଯୀଶୁ ଚେଲାହିରିଙ୍ଗ୍ ୱେଚ୍ଚାନ୍, “ନାଙ୍ଗେଙ୍ଗ୍ କାସି ମାଞ୍ଜାଟ୍, ଆରେ ଏପେଙ୍ଗ୍ ଇନେସ୍କି ପରିକ୍ଷାତାକେ ପଡ଼ାଆଉଦେର୍ ହେଦାଙ୍ଗ୍ କାଜିଙ୍ଗ୍ ପାର୍ତାନା କିୟାଟ୍, ମି ମାନ୍ ସତ୍ କିଦେଙ୍ଗ୍ ଇଚା କିନାତ୍, ମାତର୍ ମି ଗାଗାଡ଼୍ ବାଡ଼୍କାସ୍ ହିଲେତ୍।”
39ଯୀଶୁ ଆରେରଗ ହାଲ୍ଜି ଆଗେଲେକେ ବେଣ୍ ହପ୍ଚି ପାର୍ତାନା କିତାନ୍। 40ଆରେରଗ ଯୀଶୁ ୱାଜି ହେୱାରିଙ୍ଗ୍ ହୁନ୍ଞ୍ଚାକା ହୁଡ଼୍ତାନ୍, ଇନେସ୍କି ହେୱାରିଙ୍ଗ୍ ହୁଚ୍କାଣ୍କୁ ଡାବାଇ କିଜି ମାଚିକ୍, ଆରେ ହେୱାର୍ କାଣ୍କୁ ପା ଜେତେଙ୍ଗ୍ ଆଡ୍ୱାଦାଙ୍ଗ୍ ମାଚାର୍, ହେୱାନିଙ୍ଗ୍ ଇନା ଉତର୍ ହିନାପ୍ ଇଞ୍ଜି, ହେୱାର୍ ପୁନ୍ୱାଦାଙ୍ଗ୍ ମାଚାର୍।
41ଯୀଶୁ ତିନ୍ହଟ୍ ୱାଜି ଚେଲାରିଙ୍ଗ୍ ୱେଚ୍ଚାନ୍, “ନଙ୍ଗୟ୍ ପାତେକ୍ ହୁନ୍ଞ୍ଚାଦେର୍ନା? ଏଚେକ୍ ଆତାତେ! ୱେନାଟ୍! ନା ସମୟ୍ ୱାତାତେ, ଆନେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣାତଙ୍ଗ୍ ପାପିର୍ କେଇଦ ଆହିୟା ଆନାଙ୍ଗ୍। 42ନିଙ୍ଗାଟ୍! ଆସେଙ୍ଗ୍ ହାନାସ୍, ହୁଡ଼ାଟ୍, ଇମ୍ଣି ମାନାୟ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍ନାନ୍, ହେୱାନ୍ ୱାତାନେ।”
ଯୀଶୁ ଶାତ୍ରୁ କେଇଦ ଆହିୟା ଆନାକା
(ମାଥି. ୨୬:୪୭-୫୬; ଲୁକ. ୨୨:୪୭-୫୩; ଯୋହନ. ୧୮:୩-୧୨)
43ଯୀଶୁ ବେଣ୍ ୱେଚ୍ନିହିଙ୍ଗ୍, ବାରଜାଣ୍ ବିତ୍ରେତାଙ୍ଗ୍ ଇଷ୍କାରିତିୟ ଯିହୁଦା ତର୍ଦାକାନ୍ ରକାନ୍ ହେବେ ୱାତାନ୍। ହେୱାନ୍ ହୁଦାଙ୍ଗ୍ ଟେଙ୍ଗା, କାଣ୍ଡାଙ୍ଗ୍ ଆସ୍ତି ର ମାନ୍ଦା ମାନାୟ୍ତିଙ୍ଗ୍ ତାହିୱାତାନ୍। ଈଶ୍ୱର ହେବାକିନି ମୁଡ଼୍ଦି ପୁଜାରିର୍, ଯିହୁଦି ଦରମ୍ନି ପଣ୍ଡିତ୍ ଆରେ ପ୍ରାଚିନ୍ନାର୍ତାଙ୍ଗ୍ ହେୱାରିଙ୍ଗ୍ ପକ୍ଚି ମାଚାର୍। 44ଇଷ୍କାରିତିୟ ଯିହୁଦା ଯୀଶୁଙ୍ଗ୍ ଆହ୍ନାକାରିଙ୍ଗ୍ ଆଗେ ୱେଚିମାଚାନ୍, ଆନେଙ୍ଗ୍ ଇନେରିଙ୍ଗ୍ ଚୁମା ହିନାଙ୍ଗ୍, ହେୱାନ୍ ଇଞ୍ଜି ଏପେଙ୍ଗ୍ ପୁନାଟ୍, ହେୱାନିଙ୍ଗ୍ ଆସ୍ତି ଜାଗ୍ରତ୍ କିଜି ଅୱାଟ୍।
45ଲାଗିଙ୍ଗ୍ ଇଷ୍କାରିତିୟ ଯିହୁଦା ହେଦାପ୍ରେ ଯୀଶୁ ଲାଗେ ହାଲ୍ଜି, ଏ ଗୁରୁ ଇଞ୍ଜି ୱେଚ୍ଚି ଯୀଶୁ ଲାଗାୟ୍ ୱାଜି ର ଚୁମା ହିତାନ୍। 46ହେବେତାଙ୍ଗ୍ ହେୱାର୍ ଯୀଶୁଙ୍ଗ୍ କେଇଦ ଆସ୍ତିଗାଚ୍ଚାର୍। 47ମାତର୍ ଯୀଶୁ ଲାଗେ ନିଲ୍ଚିମାଚି ମାନାୟ୍ ବିତ୍ରେତାଙ୍ଗ୍ ରକାନ୍ ଚେଲାହି ତା କାଣ୍ଡା ହପ୍ଚି ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ଚାକର୍ତିଙ୍ଗ୍ କିତୁଲ୍ ହଣ୍ତାନ୍।
48ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଡାକୁର୍ ବିରଦ୍ତାକେ ହାନିଲେକେ ଆଜି କାଣ୍ଡାଙ୍ଗ୍ ଆରେ କଣାଙ୍ଗ୍ ଆସ୍ତି ଏପେଙ୍ଗ୍ ଇନା କିଦେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍ଚେଦେଙ୍ଗ୍ ୱାତାଦେର୍? 49ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍ଞ୍ଜି ଈଶ୍ୱର ମାନି ମନ୍ଦିର୍ନି ହାକ୍ଡ଼ିତ ହିକ୍ଷାହିଜି ମାନ୍ଚାଙ୍ଗ୍, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତିଗାଚ୍ଚା ୱାତାଦେର୍। ମାତର୍ ଦରମ୍ ସାସ୍ତର୍ନି ବାକ୍ୟତାକେ ଇନେସ୍ ଲେକେ ପୁରାଆନାତ୍, ହେଦାଙ୍ଗ୍ କାଜିଙ୍ଗ୍ ଇୱିଜୁ ଗଟାଆନାତ୍।”
50ହେପାଦ୍ନା ୱିଜାର୍ ଯୀଶୁଙ୍ଗ୍ ପିସ୍ତି ହନ୍ଚିହାଚାର୍। 51ମାତର୍ ର ବେଣ୍ଡିଆ କାଡ଼୍ଦେ ୱାରା ଗାଗାଡ଼୍ତ ଅଲପ୍ ହିରୁ ଶାଲ୍ ପର୍ଚି ହେୱାର୍ ପାଚେ-ପାଚେ ହାଲ୍ଜି ମାଚାନ୍। 52ଆରେ ହେ ବେଣ୍ଡିଆ କାଡ଼୍ଦେଙ୍ଗ୍ ଆସ୍ତେଙ୍ଗ୍ ହାନିହିଙ୍ଗ୍ ହେ ହିରୁ ଶାଲ୍ ପିସ୍ତି ଡୁମ୍ଡା ଆଜି ହନ୍ଚିହାଚାନ୍।
ଯିହୁଦି ଦଳ୍ନି ନେତାର୍ ଯୀଶୁଙ୍ଗ୍ ବିଚାର୍
(ମାଥି. ୨୬:୫୭-୬୮; ଲୁକ. ୨୨:୫୪,୫୫,୬୩-୭୧; ଯୋହନ. ୧୮:୧୩,୧୪,୧୯-୨୪)
53ତାପାଚେ ହେୱାର୍ ଯୀଶୁଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ଇଞ୍ଜ ଅସିହାଚାର୍, ଆରେ, ଈଶ୍ୱର ହେବାକିନି ମୁଡ଼୍ଦି ପୁଜାରିର୍, ପ୍ରାଚିନ୍ ଆରେ ଯିହୁଦି ଦରମ୍ନି ପଣ୍ଡିତାର୍ ୱିଜାର୍ ରବେ ଆତାର୍। 54ପିତର ଅଲପ୍ ଦେହା ମାନ୍ଞ୍ଜି ହେୱାର୍ ପାଚେ-ପାଚେ ହାଚାନ୍ ଆରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ହାକ୍ଡ଼ିତାକେ ହାଚାନ୍। ଆରେ ହେୱାନ୍ ମନ୍ଦିର ଜାଗୁୱାଡ଼ି ହୁଦାଙ୍ଗ୍ କୁଚ୍ଚି ନାଣି କାଇଜି ମାଚାନ୍।
55ଇପାଦ୍ନା ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ଆରେ ଯିହୁଦି ଦଳ୍ନି ବିଚାର୍କିନି ନେତାର୍ ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ସାକି ଦାସ୍ତେଙ୍ଗ୍ ଲାଗାତାର୍, ମାତର୍ ଗାଟା ଆୱାତାର୍। 56କେତେକ୍ ମାନାୟ୍ ତା ବିରତାଙ୍ଗ୍ ମିଚ୍ ସାକି ହିତାର୍, ମାତର୍ ହେୱାନ୍ ସାକି ଆରେ ରକାନ୍ ସାକି ତାକେ ମେହାଆୱାଦାଙ୍ଗ୍ ମାଚାତ୍। 57ପାଚେ କେତେକ୍ ମାନାୟ୍ ନିଙ୍ଗ୍ଞ୍ଜି ତା ବିରୁଦ୍ ତାଙ୍ଗ୍ ମିଚ୍ ସାକି ହିଜି ୱେଚେଙ୍ଗ୍ ଲାଗାତାର୍, 58“ଆପେଙ୍ଗ୍ ଇୱାନ୍ ଇବେଣ୍ ୱେଚ୍ନାକା ୱେଚାପ୍। ‘ଆନେଙ୍ଗ୍ ମାନାୟାର୍ ରସ୍ତି ମନ୍ଦିର୍ତିଙ୍ଗ୍ ଡ୍ରିକ୍ଚି ତିନ୍ଦିନ୍ତାଙ୍ଗ୍ ଆନେଙ୍ଗ୍ ମାନାୟାର୍ ରହ୍ୱିତି ମନ୍ଦିର୍ତିଙ୍ଗ୍ ରହ୍ନାଙ୍ଗ୍।’” 59ମାତର୍ ନଙ୍ଗୟ୍ ପା ରୱାର୍ ସାକି ଆରେ ରୱାର୍ତାକେ ମେହା ଆୱାତାତ୍।
60ହେବେତାଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ବିଚାର୍ ସବା ଆଗେ ନିଲ୍ଚି ଯୀଶୁଙ୍ଗ୍ ୱେନ୍ବାତାନ୍, ନି ବିରଦ୍ତାଙ୍ଗ୍ ଇୱାର୍ ଏଚେକ୍ ଇଞ୍ଜ୍ନାରା, ଏନେଙ୍ଗ୍ ନଙ୍ଗୟ୍ ଇନାକା ଇଞ୍ଜ୍ନାୟା? 61ମାତର୍ ଯୀଶୁ ଚିମ୍ରା ଆଜି ମାନ୍ଞ୍ଜି ଇନାକାପା ଇନ୍ୱାତାନ୍। ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ଆରେରଗ ଯୀଶୁଙ୍ଗ୍ ୱେନ୍ବାତାନ୍, “ଏନେଙ୍ଗ୍ କି ଖ୍ରୀଷ୍ଟ, ଈଶ୍ୱର ମେହି ଇନେରିଙ୍ଗ୍ ଆପେଙ୍ଗ୍ ଆରାଦାନା କିନାପା?”
62ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ତ ହେୱାନ୍। ଆରେ ଏପେଙ୍ଗ୍ ନାଙ୍ଗେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର ତିନିବାଗାଙ୍ଗ୍ କୁଚ୍ଚାକା ଆରେ ସରଗ୍ନି ବାଦାଡ଼୍ତାଙ୍ଗ୍ ୱାନାକା ହୁଡ଼୍ନାଦେର୍।”
63ହେବେତାଙ୍ଗ୍ ଯୀଶୁ ୱେଚ୍ଚି ବେଣ୍ତିଙ୍ଗ୍ ୱେନ୍ଞ୍ଜି ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରି ରିସାଆଜି ଜାର୍ ଆଙ୍ଗିତିଙ୍ଗ୍ କେଚ୍ଚାନ୍, ଆରେ ହେୱାନ୍ ୱେଚ୍ଚାନ୍ “ମାଙ୍ଗେଙ୍ଗ୍ ଆରେ ସାକି ଦର୍କାର୍ ଆକାୟ୍। 64ଏପେଙ୍ଗ୍ ପା ୱେନାଦେରା ଇୱାନ୍ ଈଶ୍ୱରତିଙ୍ଗ୍ ନିନ୍ଦା କିନାନା, ନଙ୍ଗୟ୍ ଇୱାନିଙ୍ଗ୍ ଏପେଙ୍ଗ୍ ଇନା ବିଚାର୍ନା କିନାଦେରା?” ଇବେତାଙ୍ଗ୍ ବିଚାର୍ ସବାତାକେ ମାନି ୱିଜୁ ମେମ୍ୱରାର୍ ୱେଚ୍ଚାର୍, “ଇୱାନ୍ ଈଶ୍ବରତିଙ୍ଗ୍ ଅପ୍ମାନ୍ କିତାନ୍ନା,” ହେଦାଙ୍ଗ୍ କାଜିଙ୍ଗ୍ ୱିଜାକାର୍ ହେୱାନିଙ୍ଗ୍ ଦସି ଇଞ୍ଜି ମାନିକିତାର୍ ଆରେ ହେୱାନିଙ୍ଗ୍ ହାଃନିଦଣ୍ତ୍ ଆୟେତ୍ ଇଞ୍ଜି ୱେଚ୍ଚାର୍।
65ତାପାଚେ, ଇନେର୍-ଇନେର୍ ଯୀଶୁ ଜପି ଏଉଡ଼ିଙ୍ଗ୍ ଚୁପ୍ଦେଙ୍ଗ୍ ଲାଗାତାର୍, ଆରେ ତା କାଣ୍କୁକାଙ୍ଗ୍ ଗାର୍ଣ୍ଡା ଗାଚ୍ଚି ହେୱାନିଙ୍ଗ୍ ବିଧା ଇଡ଼୍ଜି ହିନସ୍ତାକିଜି ୱେନ୍ବାତାର୍, “ଏନେଙ୍ଗ୍ ଯଦି ର ଭବିଷ୍ଯତବକ୍ତାତି, ଏଲେଙ୍ଗ୍ଇଚି ମାଙ୍ଗେଙ୍ଗ୍ ୱେଚ୍ଚା ନିଙ୍ଗେଙ୍ଗ୍ ନଙ୍ଗୟ୍ ଇନେର୍ ଇଡ଼୍ଦାତାର୍।” ଆରେ ମନ୍ଦିର୍ ଜାଗୁୱାଡ଼ି ହେୱାର୍ତାଙ୍ଗ୍ ପିହିକିଜି ଚାପ୍ଡ଼ା ଇଡ଼୍ଜି-ଇଡ଼୍ଜି ଯୀଶୁଙ୍ଗ୍ ଅତାର୍।
ପିତର ଯୀଶୁଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍ଚାନ୍
(ମାଥି. ୨୬:୬୯-୭୫; ଲୁକ. ୨୨:୫୬-୬୨; ଯୋହନ. ୧୮:୧୫-୧୮,୨୫-୨୭)
66ପିତର ହେ ହାକ୍ଡ଼ିତ ହେପାଦ୍ନା ପାତେକ୍ ନାଣି କାୟ୍ଜି ମାଚାନ୍, ହେପାଦ୍ନା ଈଶ୍ୱର ହେବାକିନି ପ୍ରଦାନ୍ ମୁଡ଼୍ଦି ପୁଜାରିନି ଚାକ୍ରାଣି ହେୱାନିଙ୍ଗ୍ ହୁଡ଼୍ତାତ୍। 67ଆରେ ପିତରତିଙ୍ଗ୍ ହାରାହାଣ୍କୁ ହୁଡ଼୍ଜି ୱେଚ୍ଚାତ୍, “ଏନେଙ୍ଗ୍ ପା ନାଜରିତ ସହର୍ନି ଯୀଶୁ ହୁଦାଙ୍ଗ୍ ମାଚାୟ୍।”
68ମାତର୍ ପିତର ହେଦେଲିଙ୍ଗ୍ ୱେଚ୍ଚାନ୍, “ହେୱାନିଙ୍ଗ୍ ଆନେଙ୍ଗ୍ ପୁନୁଙ୍ଗ୍, ଆରେ ଏନେଙ୍ଗ୍ ଇନାକା ଇଞ୍ଜ୍ନାୟା ଆନେଙ୍ଗ୍ ବୁଜା ଆଦେଙ୍ଗ୍ ଆଡୁଙ୍ଗା।” ଆରେ ହେ ବାହାତାଙ୍ଗ୍ ଗେଟ୍ତାକେ ହାଚାନ୍। ହେଦାପ୍ରେ କୁଜୁ କେତାତ୍।
69ଆରେ, ହେ ଚାକ୍ରାଣି ହେୱାନିଙ୍ଗ୍ ଗେଟ୍ତାକେ ହୁଡ଼୍ଜି ଲାଗେ ନିଲ୍ତି ମାନାୟ୍ତିଙ୍ଗ୍ ୱେଚ୍ଚାତ୍, “ଇୱାନ୍ପା ତା ଚେଲାହି।” 70ମାତର୍ ହେୱାନ୍ ଆରେରଗ ୱେଚ୍ଚାନ୍, “ଆନେଙ୍ଗ୍ ପୁନୁଙ୍ଗ୍।” ଆରେ ଅଲପ୍ ହାଚି ପାଚେ ଲାଗେ ନିଲ୍ତି ମାନାୟାର୍ ପିତରତିଙ୍ଗ୍ ୱେଚ୍ଚାର୍, “ଏନେଙ୍ଗ୍ ଗାଲିଲୀ ଜିଲ୍ଲାନି ମାନାୟ୍ ଲେକେ ବେଣ୍ କିନାୟା,” ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ପା ରକାୟ୍ ତା ଚେଲାହିତି।
71ମାତର୍ ହେୱାନ୍ ଜାର୍ ରାଣ୍ତିନ୍ଞ୍ଜି ଆରେ ପାର୍ମାଣ୍ କିଜି ୱେଚ୍ଚେଙ୍ଗ୍ ଲାଗାତାନ୍, “ଏପେଙ୍ଗ୍ ଇମ୍ଣି ମାନାୟ୍ ବେଣ୍ ୱେଚ୍ଚାନାଦେରା, ଆନେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍।” 72ହେଦାପ୍ରେ କୁଜୁ ରିହା କେତାତ୍। ପିତରତିଙ୍ଗ୍ ଯୀଶୁ ଆଗେ ଇମ୍ଣିବେଣ୍ ୱେଚିମାଚାନ୍ ହେ ବେଣ୍ ତା ମାନ୍ତ ୱାତିଲେ, “କୁଜୁ ରିହା କେୱି ଆଗେ ନାଙ୍ଗେଙ୍ଗ୍ ତିନ୍ହଟ୍ ପୁଞ୍ଜୁୟ୍ ଇଞ୍ଜି ୱେଚ୍ନାଇ।” ଲାଗିଙ୍ଗ୍ ପିତର ବେସିଦୁକ୍ ଆଜି ଆଡ଼୍ବାତାନ୍।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.