ମାର୍କ 6
6
ନାଜରିତ ସହର୍ନି ମାନାୟ୍ ଯୀଶୁଙ୍ଗ୍ ପାର୍ତି କିୱାତାର୍
(ମାଥି. ୧୩:୫୩-୫୮; ଲୁକ. ୪:୧୬-୩୦)
1ଯୀଶୁ କପୁର୍ନାହୁମ୍ ସହର୍ ବାହା ପିସ୍ତି ତା ନାଜରିତ ସହର୍ତାକେ ହାଚାନ୍। ଆରେ ତା ଚେଲାହିର୍ ଯୀଶୁ ପାଚେ-ପାଚେ ହାଚାର୍। 2ହେବେ ଯିହୁଦିର୍ ଜମ୍ନିଦିନ୍ ହେୱାର୍ ପାର୍ତାନା ଇଞ୍ଜ ଯୀଶୁ ହାଲ୍ଜି ଈଶ୍ୱର କାତା ହିକ୍ଷାହିଜି ମାଚାନ୍, ହେବେ ବେସିହେନି ମାନାୟ୍ ମାଚାର୍। ତା ବେଣ୍ ୱେନ୍ଞ୍ଜି ହେୱାର୍ ଚାନିଆ ଆଜି ଜାର୍ ଜାର୍ବିତ୍ରେ ୱେନ୍ବାଆତାର୍, “ଇୱାନ୍ ଇମେତାଙ୍ଗ୍ ଇବେଣ୍ ପୁଚାନ୍? ଆରେ ଏଚେକ୍ ବୁଦି ଇମେତାଙ୍ଗ୍ ପାୟାଆତାନ୍? ଇୱିଜୁ ସାକ୍ତିନି କାମାୟ୍ ଇୱାନ୍ ଇନେସ୍ କିଜି କିନାନା?” 3ହେୱାନିଙ୍ଗ୍ ଅପ୍ମାନ୍ ହିଜି ୱେଚ୍ଚାର୍, “ଇୱାନ୍ତ ର ବାଡାଇ, ମରିୟମ ମେହି, ଆରେ ଯାକୁବ, ଯୋଷେପ୍, ଯିହୁଦା ଆରେ ଶିମୋନ ଟଣ୍ତାହି, ଆରେ ତା ତଣ୍ଦେହିକ୍ ପା ମା ଲାହାଙ୍ଗ୍ ଇବେ ମାନିକା।” ଏନେଙ୍ଗ୍ ୱେଚ୍ଚି ଯୀଶୁଙ୍ଗ୍ ପାର୍ତି କିୱାତାର୍।
4ହେବେତାଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଭବିଷ୍ଯତବକ୍ତା ଇମେତାକେ ହାଚିସ୍ ପା ସନ୍ମାନ୍ ପାୟା ଆନାନ୍, ମାତର୍ ଜାର୍ ନାଟାକାର୍ତାକେ ଜାର୍ ଜାତି କୁଟୁମ୍ତାକେ ଜାର୍ ପରିବାର୍ତାକେ ସନ୍ମାନ୍ ପାୟା ଆଉନ୍।” 5ହେଦାଙ୍ଗ୍ କାଜିଙ୍ଗ୍ ଅଲପ୍ ମାନାୟ୍ତିଙ୍ଗ୍ ହେୱାନ୍ କେଇ ତିଗ୍ଜି ହାର୍କିତାନ୍, ଇଦାଙ୍ଗ୍ ପିସ୍ତି ଆରେ ବେସି ଚାନିଆଆନି କାମାୟ୍ କିଦେଙ୍ଗ୍ ହେୱାନ୍ ଆଡ୍ୱାତାନ୍। 6ହେୱାର୍ ହେୱାନିଙ୍ଗ୍ ପାର୍ତି କିୱିତିଲେ, ଯୀଶୁ ଚାନିଆ ଆତାନ୍। ତାପାଚେ, ଯୀଶୁ ପାଡ଼୍ହା ପାଡ଼୍ହି ନାସ୍କୁକାଙ୍ଗ୍ ହାଲ୍ଜି ଈଶ୍ୱର କାତା ମାନାୟାରିଙ୍ଗ୍ ୱେଚ୍ଚାନ୍।
ଯୀଶୁ ବାଚିକିତି ବାରଜାଣ୍ ଚେଲାହିରିଙ୍ଗ୍ ପକ୍ତାନ୍
(ମାଥି. ୧୦:୫-୧୫; ଲୁକ. ୯:୧-୬)
7କେତ୍ଦିନ୍ ହାଚି ପାଚେ ହେୱାନ୍ ବାରଜାଣ୍ ଚେଲାହିରିଙ୍ଗ୍ ହିର୍ବାତାନ୍, ବୁତ୍ଆତ୍ମା ପିହିକିଦେଙ୍ଗ୍ ହେୱାରିଙ୍ଗ୍ ଆଦିକାର୍ ହିତାନ୍, ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ରିୟା ରିୟାରିଙ୍ଗ୍ କିଜି ଇ ଆଦେସ୍ ହିଜି ପକ୍ତାନ୍। 8ଏଚେକାଡ଼୍ଦ ଏପେଙ୍ଗ୍ ଈଶ୍ୱର ବେଣ୍ ୱେଚ୍ଚି ବୁଲାଆନିହିଙ୍ଗ୍, ର କୁତାବେଡ୍ଗା ପିସ୍ତି କାଦି କି ଡାବୁଙ୍ଗ୍ ଇଟ୍ନି ଜାଲି ଆରେ ମଣା ପା ଅମାଟ୍। 9ପାଣ୍ଡାୟ୍ ତୁସ୍ଜି ଅୱାଟ୍, ମାତର୍ ହେନ୍ଦ୍ରାପାଟା ରିଣ୍ଡାଙ୍ଗ୍ ପା ଆଗ୍ଡ଼ା ଅମାଟ୍। 10ଯୀଶୁ ଆରେରଗ ହେୱାରିଙ୍ଗ୍ ୱେଚ୍ଚାନ୍, “ଏଚେପାଦ୍ନା ଏପେଙ୍ଗ୍ ଇମ୍ଣି ସହର୍ତ ହାନାଦେର୍, ଆରେ ଇମ୍ଣି ମାନାୟ୍ ପା ମିଙ୍ଗେଙ୍ଗ୍ ତାଞ୍ଜ କୁକ୍ତିତିସ୍ ଗତାଙ୍ଗ୍ଲେକେ ଆଜି ତାଞ୍ଜ ମାନାଟ୍, ଏଚେକ୍ ଦିନ୍ ପାତେକ୍ ହେ ସହର୍ତାକେ ଏପେଙ୍ଗ୍ ମାନାଦେର୍। 11ଇମ୍ଣି ସହର୍ତାକେ ମିଙ୍ଗେଙ୍ଗ୍ ହେୱାର୍ ଆସ୍ତୁର୍, ଆରେ ମି ବେଣ୍ ୱେନ୍ୱିତିସ୍ ଏପେଙ୍ଗ୍ ହାନିହିଙ୍ଗ୍ କାଲ୍ ପାନାନି ଦୁଡ଼ି ଡ଼ାତାଟ୍, ଇଦାଙ୍ଗ୍ ସହର୍ନି ମାନାୟାରିଙ୍ଗ୍ ଚଚ୍ନାତ୍ କି ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାତ୍।”
12ତାପାଚେ ବାଚିକିତି ଚେଲାହିର୍ ହାଲ୍ଜି ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି ବେଣ୍ ୱେଚ୍ଚାର୍, 13ଆରେ ହେୱାର୍ କେତେକ୍ ବୁତ୍ଆତ୍ମାକାଙ୍ଗ୍ ପିହିକିତାର୍, ଆରେ କାପ୍ଡ଼ାତ ଚିକାଣ୍ ଇତ୍ପି ପାର୍ତାନା କିଜି କେତେକ୍ ରଗ୍ କାଟାକାରିଙ୍ଗ୍ ହାର୍କିତାର୍।
ଡୁବନ୍ହିନି ଯୋହନ୍ ହାତାକା
(ମାଥି. ୧୪:୧-୧୨; ଲୁକ. ୯:୭-୯)
14ନଙ୍ଗୟ୍ ହେରୋଦ ରାଜା ଯୀଶୁ ଇନା ଇନାକା କାମାୟ୍ କିତାକା ୱେଚାନ୍, ମାନାୟାର୍ ଯୀଶୁ ବିଷୟ ପୁନ୍ଞ୍ଜି ତା ବିଷୟରେ ବେଣ୍କିଜି ମାଚାର୍। କେତେକ୍ ମାନାୟ୍ ଇଞ୍ଜିମାଚାର୍, “ଡୁବନ୍ହିନି ଯୋହନ ହାଃଜି ଆରେରଗ ଜିତାନ୍ନା। ହେଦାଙ୍ଗ୍ କାଜିଙ୍ଗ୍ ତା ସାକ୍ତି ଯୀଶୁତାକେ ମାନାତ୍ ଲାଗିଙ୍ଗ୍ ହିନା ଇୱାନ୍ ଚାନିଆଆନି କାମାୟ୍ କିନାନା।” 15ମାତର୍ ଜେକନି ଲକ୍ ୱେଚ୍ଚି ମାଚାର୍, “ଇୱାନ୍ ହେ ଭବିଷ୍ଯତବକ୍ତା ଏଲିୟ।” ମାତର୍ ଆରେ କେତେକ୍ ଲକ୍ ଇଞ୍ଜିମାଚାର୍, “ଇୱାନ୍ପା ଈଶ୍ୱରତାଙ୍ଗ୍ ୱେଚିବେଣ୍ ୱେଚ୍ନି ର ମାନାୟ୍। ଇମ୍ଣାକାର୍ ଆଗେ ଈଶ୍ୱରତାଙ୍ଗ୍ ୱେଚିବେଣ୍ ୱେଚ୍ନି ମାନାୟାର୍ ବିତ୍ରେତାଙ୍ଗ୍ ରକାନ୍।” 16ମାତର୍ ହେରୋଦ ରାଜା ଯୀଶୁ ବେଣ୍ ୱେନ୍ଞ୍ଜି ୱେଚ୍ଚାନ୍, “ଇୱାନ୍ ହାତ୍ପା ଡୁବନ୍ହିନି ଯୋହନ! ଆନେଙ୍ଗ୍ ତ ଯୋହନ କାପ୍ଡ଼ା ହଣ୍ଜି ମାଚାଙ୍ଗ୍, ମାତର୍ ହେୱାନ୍ ହାଃତାକାନ୍ ଜିତାନ୍ନା।” 17ହେରୋଦ ରାଜା ତା ଟଣ୍ଡାହି ପିଲିପ ଡକ୍ରୁହିଙ୍ଗ୍ ରାଣି ହେରଦିୟାଙ୍ଗ୍ ବିବାଆଜି ମାଚାନ୍। 18ହେଦାଙ୍ଗ୍ କାଜିଙ୍ଗ୍ ଯୋହନ ହେରୋଦ ରାଜାଙ୍ଗ୍ ଇଞ୍ଜି ମାଚାନ୍, “ନି ଟଣ୍ଡାଦି ଡକ୍ରିଙ୍ଗ୍ ବିବାଆନି ବିଦି ହିଲେତ୍।” 19ହେଦାଙ୍ଗ୍ କାଜିଙ୍ଗ୍ ରାଣି ହେରଦିୟା ଯୋହନତିଙ୍ଗ୍ ରିସା ଇଡ଼୍ଜି ଅସ୍ତେଙ୍ଗ୍ ଉପାଇକିଜି ମାଚାତ୍, ମାତର୍ ଯୋହନତିଙ୍ଗ୍ ଅସ୍ତେଙ୍ଗ୍ ଆଡ୍ୱାଦାଙ୍ଗ୍ ମାଚାତ୍। ରାଣିଙ୍ଗ୍ ୱାରି କିଦେଙ୍ଗ୍ ହେରୋଦ ରାଜା ଯୋହନ୍ତିଙ୍ଗ୍ ଜଇଲ୍ ଇଞ୍ଜ ଗେସ୍ପାତାନ୍। 20ମାତର୍ ହେରୋଦ ଯୋହନତିଙ୍ଗ୍ ମାନିକିଜି ମାଚାନ୍, ଇନେସ୍କି ହେୱାନ୍ ସଦ୍ଦରମ୍ ଆରେ ଦରମ୍ ମାନାୟ୍ ଇଞ୍ଜି ପୁନ୍ଞ୍ଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ହେରୋଦ ରାଜା ଯୋହନ୍ତିଙ୍ଗ୍ ଜଇଲ୍ ଇଞ୍ଜ ହାର୍ଦାଙ୍ଗ୍ ଇଡ଼୍ଜି ମାଚାନ୍। ଏଚେପାଦ୍ନା ଯୋହନ ହିକ୍ଷା ହିନାକା ୱେନ୍ଞ୍ଜି ହେରୋଦ ରାଜା ବାଙ୍ଗାଆଜି ମାଚିସ୍ ପା ତା ବେଣ୍ ୱେଞ୍ଜେଙ୍ଗ୍ ମାନ୍ କିଜି ମାଚାନ୍।
21କେତ୍ଦିନ୍ ହାଚି ପାଚେ ହେରୋଦ ରାଜା ଜନମ୍ଦିନ୍ ମାନି କିନିହିଙ୍ଗ୍ ହେୱାନ୍ ତା ମୁଡ଼୍ଦି ଅପିସରକୁକାଙ୍ଗ୍, ଆରେ ତା ଦଳ୍ନି ମୁଡ଼୍ଦାକାରିଙ୍ଗ୍ ଆରେ ଗାଲିଲୀ ଜିଲ୍ଲାନି ମୁଡ଼୍ଦାକାରିଙ୍ଗ୍ ଭଜିତାକେ ହିର୍ବି ମାଚାନ୍। ହେ ବଜିୱେଡ଼ାଙ୍ଗ୍ ହେରଦିୟା ରାଣି ଯୋହନତିଙ୍ଗ୍ ଅସ୍ତେଙ୍ଗ୍ ସୁଯଗ୍ ଗାଟାଆତାତ୍। 22ହେବେ ରାଣି ହେରଦିୟା ଗାଡ଼୍ହି ବିତ୍ରେ ୱାଜି ଏନ୍ତାତ୍, ହେରୋଦ ହୁଦାଙ୍ଗ୍ କୁଚ୍ଚି ମାଚି ମାନାୟାର୍ ୱାରିୟା ଆତାର୍ ହେଦାଙ୍ଗ୍ କାଜିଙ୍ଗ୍ ହେରୋଦ ରାଜା ଗାଡ଼୍ହିଙ୍ଗ୍ ୱେନ୍ବାତାନ୍, “ନିଙ୍ଗେଙ୍ଗ୍ ଇନାକା ଦରକାର୍ ନାଙ୍ଗେଙ୍ଗ୍ ୱେଚ୍ଚା ଆନେଙ୍ଗ୍ ନିଙ୍ଗେଙ୍ଗ୍ ହିଦ୍ନାଙ୍ଗ୍।” 23ରାଜା ପାର୍ମାଣ୍ କିଜି ଗାଡ଼୍ଚେଙ୍ଗ୍ ୱେଚ୍ଚାନ୍, “ଆନେଙ୍ଗ୍ ରାଣ୍ତିନ୍ଞ୍ଜି ୱେଚ୍ଚାନାଙ୍ଗା ଏନେଙ୍ଗ୍ ଇନାକା ଏନ୍ତିତିସ୍ ହେଦାଙ୍ଗ୍ ହିଦ୍ନାଙ୍ଗ୍, ଇନେସ୍କି ନା ଦେସ୍ନି ଅଦା ବାଗ୍ ଏନ୍ତିତିସ୍ ପା ଆନେଙ୍ଗ୍ ନିଙ୍ଗେଙ୍ଗ୍ ହିଦ୍ନାଙ୍ଗ୍।”
24ତାପାଚେ ଗାଡ଼୍ହି ତେହି ଲାଗାୟ୍ ହାଲ୍ଜି ୱେନ୍ବାତାତ୍, “ଆୟା ଆନେଙ୍ଗ୍ ଇନାକା ଏନ୍ନାଙ୍ଗ୍?”
ସାଙ୍ଗେ-ସାଙ୍ଗେ ତେହି ହେରଦିୟା ଗାଡ଼୍ହିଙ୍ଗ୍ ୱେଚ୍ଚାତ୍, “ଡୁବନ୍ହିନି ଯୋହନ କାପ୍ଡ଼ା ଏନା।”
25ହେଦାପ୍ରେ ଗାଡ଼୍ହି ହନ୍ଚି ହାଲ୍ଜି ରାଜା ହେରୋଦତିଙ୍ଗ୍ ୱେଚ୍ଚାତ୍, “ନଙ୍ଗୟ୍ ନାଙ୍ଗେଙ୍ଗ୍ ଡୁବନ୍ହିନି ଯୋହନ କାପ୍ଡ଼ା ହଣ୍ଜି ର ତାଡ଼ିଆତାକେ ନାଙ୍ଗେଙ୍ଗ୍ ହିଦା।”
26ଇବେଣ୍ ୱେନ୍ଞ୍ଜି ରାଜା ବେସି ଦୁଃକ୍ ଆତାନ୍, ମାତର୍ ତା ଗତାଙ୍ଗ୍ ମୁମ୍ଦ ପାର୍ମାଣ୍ କିଜି ମାଚାନ୍ ହେଦାଙ୍ଗ୍ କାଜିଙ୍ଗ୍ ରାଜା ମୁନା କିଦେଙ୍ଗ୍ ଆଡ୍ୱାତାନ୍। 27ଆରେ ହେରୋଦ ରାଜା ତା ର ସେନାଙ୍ଗ୍ ପକ୍ତାନ୍ ହାଲା ଯୋହନ କାପ୍ଡ଼ା ହଣ୍ଜି ନାବେ ତାହିୱା। 28ହେୱାନ୍ ଜଇଲ୍ ଇଞ୍ଜ ହାଲ୍ଜି ଯୋହନତିଙ୍ଗ୍ କାପ୍ଡ଼ା ହଣ୍ଜି ର ତାଡ଼ିଆତାକେ ତାହିୱାଜି ରାଜା ଗାଡ଼୍ହିଙ୍ଗ୍ ହିତାନ୍, ଗାଡ଼୍ହି ଯୋହନ କାପ୍ଡ଼ା ଅଜି ତେହିଙ୍ଗ୍ ହିତାତ୍। 29ଡୁବନ୍ହିନି ଯୋହନ ହାଃତାନ୍ ଇଞ୍ଜି କାବୁର୍ ୱେନ୍ଞ୍ଜି ଚେଲାହିର୍ ୱାତାର୍, ଆରେ ତା ମାଡ଼ା ଦୁଗେର୍ତାକେ ଅଜି ମୁଚ୍ଚାର୍।
ଯୀଶୁ ବାଚିକିଜି ପକ୍ତି ଚେଲାର୍ ରବେ ଆତାର୍
(ମାଥି. ୧୪:୧୩,୧୪; ଲୁକ. ୯:୧୦)
30ପାଚେ ଯୀଶୁ ବାଚିକିତି ଚେଲାହିର୍ ଲେଉଟା ଆଜି ଯୀଶୁତାକେ ରୁଣ୍ଡାଆତାର୍, ଆରେ ହେୱାର୍ ଇନା ଇନାକା କିଜି ମାଚାର୍ ଆରେ ଇନା ହିକ୍ଷାହିଜି ମାଚାର୍, ହେ ୱିଜୁବେଣ୍ ଯୀଶୁଙ୍ଗ୍ ୱେଚ୍ଚାର୍। 31ଯୀଶୁ ତା ବାଚିକିତି ଚେଲାହିରିଙ୍ଗ୍ ୱେଚ୍ଚାନ୍, “ଜାଡ ଆସେଙ୍ଗ୍ ର ଟାଙ୍ଗ୍ରାବାହାତାକେ ହାନାସ୍, ଆରେ ହେବେ ଅଲପ୍ ଜମ୍ଦେଙ୍ଗ୍ ଆଡ୍ନାସ୍।” ଇନେସ୍କି ହେବେ ମାନାୟ୍ ଗଉଲି କାଜିଙ୍ଗ୍ ଚିଞ୍ଜେଙ୍ଗ୍ ପା ଆଡ୍ୱାଦାଙ୍ଗ୍ ମାଚାସ୍। 32ଲାଗିଙ୍ଗ୍ ଯୀଶୁ ଆରେ ତା ଚେଲାହିର୍ ଡଙ୍ଗାତାକେ କୁଚ୍ଚି ର ଟାଙ୍ଗ୍ରାବାହାତାକେ ହାଚାର୍।
ପାଞ୍ଚ୍ଗଟା ରୁଟିଙ୍ଗ୍ ରିଣ୍ଡାଙ୍ଗ୍ ମିନ୍କୁ
(ମାଥି. ୧୪:୧୫-୨୧; ଲୁକ. ୯:୧୧-୧୭; ଯୋହନ. ୬:୧-୧୪)
33ମାତର୍ କେତେକ୍ ମାନାୟ୍ ହେୱାନ୍ ହାନାକା ହୁଡ଼୍ତାର୍, ଆରେ ଇମେତାକେ ହାନାରା ଇଞ୍ଜି ପୁନ୍ଞ୍ଜି, ହେୱାର୍ ପାଡ଼୍ହା ପାଡ଼୍ହି ସହର୍ନି ମାନାୟାର୍ ତାଙ୍ଗ୍ଜି-ତାଙ୍ଗ୍ଜି ହାଲ୍ଜି ଯୀଶୁ ଆରେ ତା ଚେଲାହିର୍ ଏକାୱାଦାଙ୍ଗ୍ ହେୱାର୍ ଆଗେ ଏକାତାର୍। 34ଯୀଶୁ ଡଙ୍ଗାତାଙ୍ଗ୍ ଜୁଜି ବେସିହେନି ମାନାୟାରିଙ୍ଗ୍ ହୁଡ଼୍ତାନ୍, ଆରେ କାର୍ମାଆଜି ହେୱାରିଙ୍ଗ୍ ଜାତୁନ୍ କିତାନ୍। ଇନେସ୍କି ହେୱାର୍ ଗଡ଼ିୟା ହିଲ୍ୱି ମେଣ୍ଢାଙ୍ଗ୍ ଲେକେ ମାଚାର୍, ହେବେ ଯୀଶୁ ହେୱାରିଙ୍ଗ୍ ମାପୃବେଣ୍ କେତେକ୍ ହିକ୍ଷା ହିତାନ୍।
35ୱେଡ଼ାଆର୍ଜି ୱାନିହିଙ୍ଗ୍ ଚେଲାହିର୍ ତା ଲାଗାୟ୍ ୱାଜି ୱେଚ୍ଚାର୍, “ବେସି ବିଲମ୍ ଆତାତେ, ଆରେ ଇବାହା ବେସି ଟାଙ୍ଗ୍ରାବାହା। 36ଇଦାଙ୍ଗ୍ କାଜିଙ୍ଗ୍ ଇୱାରିଙ୍ଗ୍ ପକାମ୍ଦେ, ହେୱାର୍ ଲାଗେନି ହିରୁ ନାସ୍କୁକାଙ୍ଗ୍ ଆରେ ଜେକନି ନାସ୍କୁକାଙ୍ଗ୍ ହାଲ୍ଜି କାଦି କଡ଼୍ଜି ତିନେର୍।”
37ମାତର୍ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ନିଜେ ହେୱାରିଙ୍ଗ୍ ଇଚ୍କେ ତିନାକା ହିୟାଟ୍।” ଚେଲାହିର୍ ଯୀଶୁଙ୍ଗ୍ ୱେଚ୍ଚାର୍, “ଏନେଙ୍ଗ୍ ଇନାକା ଇଞ୍ଜ୍ନାୟା? ଆସେଙ୍ଗ୍ ଇୱାରିଙ୍ଗ୍ ଚିଚ୍ପେଦେଙ୍ଗ୍ ଦୁଇଶ ଦିନ୍ତି ହାଜ୍ରି ଡାବୁଙ୍ଗ୍ ୱିଜ୍ଦିନିକ୍!”
38ଯୀଶୁ ଚେଲାହିରିଙ୍ଗ୍ ୱେନ୍ବାତାନ୍, “ମିବେ ଏଚେଗଟା ରୁଟିଙ୍ଗ୍ ମାନିକ୍? ହାଲ୍ଜି ହୁଡ଼ାଟ୍।” ଚେଲାହିର୍ ହୁଡ଼୍ଗିସ୍ ୱାତାର୍ ଆରେ ଯୀଶୁଙ୍ଗ୍ ୱେଚ୍ଚାର୍, “ପାଞ୍ଚ୍ଗଟା ରୁଟି ଆରେ ରିଣ୍ଡାଙ୍ଗ୍ ମିନ୍କୁ ମାନିକ୍।” 39ପାଚେ ଯୀଶୁ ତା ଚେଲାହିରିଙ୍ଗ୍ ୱେଚ୍ଚାନ୍, ହେ ମାନାୟାରିଙ୍ଗ୍ ବାଗ୍ ବାଗ୍କିଜି କାଚ୍ରା ଜପି କୁଚିକିୟାଟ୍। 40ହେବେତାଙ୍ଗ୍ ହେ ମାନାୟାର୍ ଶହେ-ଶହେ ଆରେ ପଚାସ୍-ପଚାସ୍ ଜାଣ୍ ବାଗ୍-ବାଗ୍ ଆଜି କୁଚ୍ଚାର୍।
41ଯୀଶୁ ହେ ପାଞ୍ଚ୍ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍କୁକାଙ୍ଗ୍ ଆସ୍ତି, ବାଦାଡ଼୍ଜପି ହୁଡ଼୍ଜି ଈଶ୍ୱରତାଙ୍ଗ୍ ଦନ୍ଯବାଦ୍କିଜି, ରୁଟିଙ୍ଗ୍ ଡ୍ରିପ୍କିସ୍ ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ତା ଚେଲାହିରିଙ୍ଗ୍ ହିତାନ୍। ହେ ରିଣ୍ଡାଙ୍ଗ୍ ମିନ୍କୁ ପା ଡ୍ରିପ୍କିସ୍ ୱିଜାରିଙ୍ଗ୍ ବାଟାକିଜି ହିତାର୍। 42ହେବେତାଙ୍ଗ୍ ୱିଜାର୍ ତିନ୍ଞ୍ଜି ପଟ ପାଞ୍ଚାର୍, 43ତାପାଚେ ଯୀଶୁ ଚେଲାହିର୍ ୱିଜାକାର୍ ତିନ୍ଞ୍ଜି ଉବ୍ରାଆତି ରୁଟି ଆରେ ମିନ୍କୁ ପେସ୍ଦି ବାରଗଟା ଟପାକାଙ୍ଗ୍ ବାର୍ତିକିତାର୍। 44ହେବେ ପାଞ୍ଚ୍ ହାଜାର୍ ଆଣ୍ଡ୍ରାଙ୍ଗ୍ ପା ଚିଚାର୍ ଆରେ କଗ୍ଲେକ୍ ଆରେ ହିମ୍ଣାୱାକ୍ଡ଼ା ପା ରୁଟି ଚିଚାର୍।
ଯୀଶୁ ଏଜୁଙ୍ଗ୍ ଜପି ତାଙ୍ଗ୍ତାନ୍
(ମାଥି. ୧୪:୨୨-୩୩; ଯୋହନ. ୬:୧୫-୨୧)
45ହେଦାପ୍ରେ ଯୀଶୁ ତା ଚେଲାରିଙ୍ଗ୍ ଗାଲିଲୀ ହାମ୍ଦୁର୍ ଆରେ ର ପାଡ଼୍କା ବେଥ୍ସାଇଦା ସହର୍ ନିପଣ୍ ହାଞ୍ଜେଙ୍ଗ୍ ଆଗେ ଡଙ୍ଗାତାକେ ପକ୍ତାନ୍। ଯୀଶୁ ହେବେ ମାନ୍ଞ୍ଜି ହେବେ ମାଚି ମାନାୟ୍ତିଙ୍ଗ୍ ପକ୍ତାନ୍। 46ଯୀଶୁ ୱିଜାରିଙ୍ଗ୍ ପକ୍ତିପାଚେ ହେୱାନ୍ ପାର୍ତାନା କିଦେଙ୍ଗ୍ ମାଡ଼ିଜପି ହାଚାନ୍।
47ମିସି ୱାନିହିଙ୍ଗ୍ ଯୀଶୁ ରକାନ୍ ହେବାହାତ ମାଚାନ୍, ଆରେ ଡଙ୍ଗା ହାମ୍ଦୁର୍ ମାଦି ମାଚାତ୍। 48ଯୀଶୁ ତା ଚେଲାରିଙ୍ଗ୍ ହୁଡ଼୍ତାନ୍ ଡଙ୍ଗା ଆଗେ ଅଦେଙ୍ଗ୍ ଆବ୍ଡ଼ୁ ଆଜି ମାଚାର୍, ଇନେସ୍କି ଅପ୍ରାବଲ୍ ଡ଼ୁଇ ଆଜିମାଚାତ୍। ଆରେ କୁଜୁକେପା ଯୀଶୁ ହାମ୍ଦୁର୍ନି ଏଜୁଙ୍ଗ୍ ଜପି ତାଙ୍ଗ୍ଜି-ତାଙ୍ଗ୍ଜି ଚେଲାହିର୍ତାକେ ହାଚାନ୍, ଆରେ ହେୱାରିଙ୍ଗ୍ ପାଗ୍ ଇଡ଼୍ଜି ଆଗେ ହାଲ୍ଜି ମାଚାନ୍। 49ମାତର୍ ଯୀଶୁଙ୍ଗ୍ ହାମ୍ଦୁର୍ ଏଜୁକାଙ୍ଗ୍ ତାଙ୍ଗ୍ଜି-ତାଙ୍ଗ୍ଜି ୱାନାକା ହୁଡ଼୍ଜି ବୁତ୍ ଇଞ୍ଜି ବାବିକିଜି ଆଲାତାର୍, 50ଇନେସ୍କି ୱିଜାକାର୍ ଯୀଶୁଙ୍ଗ୍ ହୁଡ଼୍ଜି କାବା ଆତାର୍। ମାତର୍ ହେଦାପ୍ରେ ଯୀଶୁ ଚେଲାହିରିଙ୍ଗ୍ ୱେଚ୍ଚାନ୍, “ଶାସ୍ କିୟାଟ୍ ପାଣ୍ଡ୍ରା ଆମାଟ୍!, ଆନେଙ୍ଗ୍ ଯୀଶୁ।” 51ଆରେ ଯୀଶୁ ଏନେଙ୍ଗ୍ ଇଚାନ୍ ଆରେ ଡଙ୍ଗାତାକେ ଦୁମ୍ତାନ୍, ହେଦାପ୍ରେ ଡ଼ୁଇଟେବା ଆତାତ୍। ହେଦାଙ୍ଗ୍ ହୁଡ଼୍ଜି ଚେଲାହିର୍ କାବା ଆତାର୍, 52ଯୀଶୁ ପାଞ୍ଚ୍ ହାଜାର୍ ମାନାୟ୍ତିଙ୍ଗ୍ ପାଞ୍ଚ୍ଗଟା ରୁଟିଙ୍ଗ୍ ଆରେ ରି ମିନ୍କୁ ଚିଚ୍ପିତି ଗଟ୍ନା ହୁଡ଼୍ଜି ପା ହେୱାର୍ ଯୀଶୁଙ୍ଗ୍ ପାର୍ତି କିୱାତାର୍, ଇନେସ୍କି ହେୱାରିଙ୍ଗ୍ ବୁଜାଆନି ସାକ୍ତି ହିଲାତାତ୍।
ଯୀଶୁ ଗିନେସରତ ସହର୍ନି ରଗ୍ଦାକାରିଙ୍ଗ୍ ହାର୍କିତାନ୍
(ମାଥି. ୧୪:୩୪-୩୬)
53ଗାଲିଲୀ ହାମ୍ଦୁର୍ ନାସି ଯୀଶୁ ଆରେ ତା ଚେଲାହିର୍ ଗିନେସରତ ସହର୍ ନିପ୍ଣି କାଣ୍ଡିତ ଇକି ଡଙ୍ଗା ଗାଚ୍ଚାର୍। 54ହେୱାର୍ ଡଙ୍ଗାତାଙ୍ଗ୍ ଜୁତିଦାପ୍ରେ, ମାନାୟାର୍ ଯୀଶୁଙ୍ଗ୍ ପୁଚାର୍, 55ଆରେ ହେ ମାନାୟାର୍ ଜିଲ୍ଲାନି ପାଡ଼୍ହା ପାଡ଼୍ହି ସହର୍ ନିପଣ୍ ବେଗି-ବେଗି ହାଚାର୍, ଯୀଶୁ ୱାତାକା ପୁନ୍ଞ୍ଜି ରଗିୟାରିଙ୍ଗ୍ ଟାଟିତାକେ ତା ଲାଗାୟ୍ ପିଣ୍ଜି ତାତାର୍। 56ଯୀଶୁ ଇମ୍ଣିନାସ୍, ସହର୍ କି ହିରୁ ନାସ୍କୁକାଙ୍ଗ୍ ଇକାତାନ୍। ହେବେ ଆଟ୍ ବାଜାର୍ତାକେ ପା ରଗିରିଙ୍ଗ୍ ଇଡ଼୍ତାର୍, ଆରେ ଯୀଶୁଙ୍ଗ୍ ତା ହେନ୍ଦ୍ରାନି ଗାଟିଙ୍ଗ୍ ଆସ୍ପେଦେଙ୍ଗ୍ ଗୁୱାରି କିଦେଙ୍ଗ୍ ଲାଗାତାର୍, ଆରେ ହେନ୍ଦ୍ରା ଗାଟିଙ୍ଗ୍ ଆସ୍ପିତି ଦାପ୍ରେ ରଗିୟାର୍ ହାର୍ଆତାର୍।
Currently Selected:
ମାର୍କ 6: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ମାର୍କ 6
6
ନାଜରିତ ସହର୍ନି ମାନାୟ୍ ଯୀଶୁଙ୍ଗ୍ ପାର୍ତି କିୱାତାର୍
(ମାଥି. ୧୩:୫୩-୫୮; ଲୁକ. ୪:୧୬-୩୦)
1ଯୀଶୁ କପୁର୍ନାହୁମ୍ ସହର୍ ବାହା ପିସ୍ତି ତା ନାଜରିତ ସହର୍ତାକେ ହାଚାନ୍। ଆରେ ତା ଚେଲାହିର୍ ଯୀଶୁ ପାଚେ-ପାଚେ ହାଚାର୍। 2ହେବେ ଯିହୁଦିର୍ ଜମ୍ନିଦିନ୍ ହେୱାର୍ ପାର୍ତାନା ଇଞ୍ଜ ଯୀଶୁ ହାଲ୍ଜି ଈଶ୍ୱର କାତା ହିକ୍ଷାହିଜି ମାଚାନ୍, ହେବେ ବେସିହେନି ମାନାୟ୍ ମାଚାର୍। ତା ବେଣ୍ ୱେନ୍ଞ୍ଜି ହେୱାର୍ ଚାନିଆ ଆଜି ଜାର୍ ଜାର୍ବିତ୍ରେ ୱେନ୍ବାଆତାର୍, “ଇୱାନ୍ ଇମେତାଙ୍ଗ୍ ଇବେଣ୍ ପୁଚାନ୍? ଆରେ ଏଚେକ୍ ବୁଦି ଇମେତାଙ୍ଗ୍ ପାୟାଆତାନ୍? ଇୱିଜୁ ସାକ୍ତିନି କାମାୟ୍ ଇୱାନ୍ ଇନେସ୍ କିଜି କିନାନା?” 3ହେୱାନିଙ୍ଗ୍ ଅପ୍ମାନ୍ ହିଜି ୱେଚ୍ଚାର୍, “ଇୱାନ୍ତ ର ବାଡାଇ, ମରିୟମ ମେହି, ଆରେ ଯାକୁବ, ଯୋଷେପ୍, ଯିହୁଦା ଆରେ ଶିମୋନ ଟଣ୍ତାହି, ଆରେ ତା ତଣ୍ଦେହିକ୍ ପା ମା ଲାହାଙ୍ଗ୍ ଇବେ ମାନିକା।” ଏନେଙ୍ଗ୍ ୱେଚ୍ଚି ଯୀଶୁଙ୍ଗ୍ ପାର୍ତି କିୱାତାର୍।
4ହେବେତାଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଭବିଷ୍ଯତବକ୍ତା ଇମେତାକେ ହାଚିସ୍ ପା ସନ୍ମାନ୍ ପାୟା ଆନାନ୍, ମାତର୍ ଜାର୍ ନାଟାକାର୍ତାକେ ଜାର୍ ଜାତି କୁଟୁମ୍ତାକେ ଜାର୍ ପରିବାର୍ତାକେ ସନ୍ମାନ୍ ପାୟା ଆଉନ୍।” 5ହେଦାଙ୍ଗ୍ କାଜିଙ୍ଗ୍ ଅଲପ୍ ମାନାୟ୍ତିଙ୍ଗ୍ ହେୱାନ୍ କେଇ ତିଗ୍ଜି ହାର୍କିତାନ୍, ଇଦାଙ୍ଗ୍ ପିସ୍ତି ଆରେ ବେସି ଚାନିଆଆନି କାମାୟ୍ କିଦେଙ୍ଗ୍ ହେୱାନ୍ ଆଡ୍ୱାତାନ୍। 6ହେୱାର୍ ହେୱାନିଙ୍ଗ୍ ପାର୍ତି କିୱିତିଲେ, ଯୀଶୁ ଚାନିଆ ଆତାନ୍। ତାପାଚେ, ଯୀଶୁ ପାଡ଼୍ହା ପାଡ଼୍ହି ନାସ୍କୁକାଙ୍ଗ୍ ହାଲ୍ଜି ଈଶ୍ୱର କାତା ମାନାୟାରିଙ୍ଗ୍ ୱେଚ୍ଚାନ୍।
ଯୀଶୁ ବାଚିକିତି ବାରଜାଣ୍ ଚେଲାହିରିଙ୍ଗ୍ ପକ୍ତାନ୍
(ମାଥି. ୧୦:୫-୧୫; ଲୁକ. ୯:୧-୬)
7କେତ୍ଦିନ୍ ହାଚି ପାଚେ ହେୱାନ୍ ବାରଜାଣ୍ ଚେଲାହିରିଙ୍ଗ୍ ହିର୍ବାତାନ୍, ବୁତ୍ଆତ୍ମା ପିହିକିଦେଙ୍ଗ୍ ହେୱାରିଙ୍ଗ୍ ଆଦିକାର୍ ହିତାନ୍, ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ରିୟା ରିୟାରିଙ୍ଗ୍ କିଜି ଇ ଆଦେସ୍ ହିଜି ପକ୍ତାନ୍। 8ଏଚେକାଡ଼୍ଦ ଏପେଙ୍ଗ୍ ଈଶ୍ୱର ବେଣ୍ ୱେଚ୍ଚି ବୁଲାଆନିହିଙ୍ଗ୍, ର କୁତାବେଡ୍ଗା ପିସ୍ତି କାଦି କି ଡାବୁଙ୍ଗ୍ ଇଟ୍ନି ଜାଲି ଆରେ ମଣା ପା ଅମାଟ୍। 9ପାଣ୍ଡାୟ୍ ତୁସ୍ଜି ଅୱାଟ୍, ମାତର୍ ହେନ୍ଦ୍ରାପାଟା ରିଣ୍ଡାଙ୍ଗ୍ ପା ଆଗ୍ଡ଼ା ଅମାଟ୍। 10ଯୀଶୁ ଆରେରଗ ହେୱାରିଙ୍ଗ୍ ୱେଚ୍ଚାନ୍, “ଏଚେପାଦ୍ନା ଏପେଙ୍ଗ୍ ଇମ୍ଣି ସହର୍ତ ହାନାଦେର୍, ଆରେ ଇମ୍ଣି ମାନାୟ୍ ପା ମିଙ୍ଗେଙ୍ଗ୍ ତାଞ୍ଜ କୁକ୍ତିତିସ୍ ଗତାଙ୍ଗ୍ଲେକେ ଆଜି ତାଞ୍ଜ ମାନାଟ୍, ଏଚେକ୍ ଦିନ୍ ପାତେକ୍ ହେ ସହର୍ତାକେ ଏପେଙ୍ଗ୍ ମାନାଦେର୍। 11ଇମ୍ଣି ସହର୍ତାକେ ମିଙ୍ଗେଙ୍ଗ୍ ହେୱାର୍ ଆସ୍ତୁର୍, ଆରେ ମି ବେଣ୍ ୱେନ୍ୱିତିସ୍ ଏପେଙ୍ଗ୍ ହାନିହିଙ୍ଗ୍ କାଲ୍ ପାନାନି ଦୁଡ଼ି ଡ଼ାତାଟ୍, ଇଦାଙ୍ଗ୍ ସହର୍ନି ମାନାୟାରିଙ୍ଗ୍ ଚଚ୍ନାତ୍ କି ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାତ୍।”
12ତାପାଚେ ବାଚିକିତି ଚେଲାହିର୍ ହାଲ୍ଜି ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି ବେଣ୍ ୱେଚ୍ଚାର୍, 13ଆରେ ହେୱାର୍ କେତେକ୍ ବୁତ୍ଆତ୍ମାକାଙ୍ଗ୍ ପିହିକିତାର୍, ଆରେ କାପ୍ଡ଼ାତ ଚିକାଣ୍ ଇତ୍ପି ପାର୍ତାନା କିଜି କେତେକ୍ ରଗ୍ କାଟାକାରିଙ୍ଗ୍ ହାର୍କିତାର୍।
ଡୁବନ୍ହିନି ଯୋହନ୍ ହାତାକା
(ମାଥି. ୧୪:୧-୧୨; ଲୁକ. ୯:୭-୯)
14ନଙ୍ଗୟ୍ ହେରୋଦ ରାଜା ଯୀଶୁ ଇନା ଇନାକା କାମାୟ୍ କିତାକା ୱେଚାନ୍, ମାନାୟାର୍ ଯୀଶୁ ବିଷୟ ପୁନ୍ଞ୍ଜି ତା ବିଷୟରେ ବେଣ୍କିଜି ମାଚାର୍। କେତେକ୍ ମାନାୟ୍ ଇଞ୍ଜିମାଚାର୍, “ଡୁବନ୍ହିନି ଯୋହନ ହାଃଜି ଆରେରଗ ଜିତାନ୍ନା। ହେଦାଙ୍ଗ୍ କାଜିଙ୍ଗ୍ ତା ସାକ୍ତି ଯୀଶୁତାକେ ମାନାତ୍ ଲାଗିଙ୍ଗ୍ ହିନା ଇୱାନ୍ ଚାନିଆଆନି କାମାୟ୍ କିନାନା।” 15ମାତର୍ ଜେକନି ଲକ୍ ୱେଚ୍ଚି ମାଚାର୍, “ଇୱାନ୍ ହେ ଭବିଷ୍ଯତବକ୍ତା ଏଲିୟ।” ମାତର୍ ଆରେ କେତେକ୍ ଲକ୍ ଇଞ୍ଜିମାଚାର୍, “ଇୱାନ୍ପା ଈଶ୍ୱରତାଙ୍ଗ୍ ୱେଚିବେଣ୍ ୱେଚ୍ନି ର ମାନାୟ୍। ଇମ୍ଣାକାର୍ ଆଗେ ଈଶ୍ୱରତାଙ୍ଗ୍ ୱେଚିବେଣ୍ ୱେଚ୍ନି ମାନାୟାର୍ ବିତ୍ରେତାଙ୍ଗ୍ ରକାନ୍।” 16ମାତର୍ ହେରୋଦ ରାଜା ଯୀଶୁ ବେଣ୍ ୱେନ୍ଞ୍ଜି ୱେଚ୍ଚାନ୍, “ଇୱାନ୍ ହାତ୍ପା ଡୁବନ୍ହିନି ଯୋହନ! ଆନେଙ୍ଗ୍ ତ ଯୋହନ କାପ୍ଡ଼ା ହଣ୍ଜି ମାଚାଙ୍ଗ୍, ମାତର୍ ହେୱାନ୍ ହାଃତାକାନ୍ ଜିତାନ୍ନା।” 17ହେରୋଦ ରାଜା ତା ଟଣ୍ଡାହି ପିଲିପ ଡକ୍ରୁହିଙ୍ଗ୍ ରାଣି ହେରଦିୟାଙ୍ଗ୍ ବିବାଆଜି ମାଚାନ୍। 18ହେଦାଙ୍ଗ୍ କାଜିଙ୍ଗ୍ ଯୋହନ ହେରୋଦ ରାଜାଙ୍ଗ୍ ଇଞ୍ଜି ମାଚାନ୍, “ନି ଟଣ୍ଡାଦି ଡକ୍ରିଙ୍ଗ୍ ବିବାଆନି ବିଦି ହିଲେତ୍।” 19ହେଦାଙ୍ଗ୍ କାଜିଙ୍ଗ୍ ରାଣି ହେରଦିୟା ଯୋହନତିଙ୍ଗ୍ ରିସା ଇଡ଼୍ଜି ଅସ୍ତେଙ୍ଗ୍ ଉପାଇକିଜି ମାଚାତ୍, ମାତର୍ ଯୋହନତିଙ୍ଗ୍ ଅସ୍ତେଙ୍ଗ୍ ଆଡ୍ୱାଦାଙ୍ଗ୍ ମାଚାତ୍। ରାଣିଙ୍ଗ୍ ୱାରି କିଦେଙ୍ଗ୍ ହେରୋଦ ରାଜା ଯୋହନ୍ତିଙ୍ଗ୍ ଜଇଲ୍ ଇଞ୍ଜ ଗେସ୍ପାତାନ୍। 20ମାତର୍ ହେରୋଦ ଯୋହନତିଙ୍ଗ୍ ମାନିକିଜି ମାଚାନ୍, ଇନେସ୍କି ହେୱାନ୍ ସଦ୍ଦରମ୍ ଆରେ ଦରମ୍ ମାନାୟ୍ ଇଞ୍ଜି ପୁନ୍ଞ୍ଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ହେରୋଦ ରାଜା ଯୋହନ୍ତିଙ୍ଗ୍ ଜଇଲ୍ ଇଞ୍ଜ ହାର୍ଦାଙ୍ଗ୍ ଇଡ଼୍ଜି ମାଚାନ୍। ଏଚେପାଦ୍ନା ଯୋହନ ହିକ୍ଷା ହିନାକା ୱେନ୍ଞ୍ଜି ହେରୋଦ ରାଜା ବାଙ୍ଗାଆଜି ମାଚିସ୍ ପା ତା ବେଣ୍ ୱେଞ୍ଜେଙ୍ଗ୍ ମାନ୍ କିଜି ମାଚାନ୍।
21କେତ୍ଦିନ୍ ହାଚି ପାଚେ ହେରୋଦ ରାଜା ଜନମ୍ଦିନ୍ ମାନି କିନିହିଙ୍ଗ୍ ହେୱାନ୍ ତା ମୁଡ଼୍ଦି ଅପିସରକୁକାଙ୍ଗ୍, ଆରେ ତା ଦଳ୍ନି ମୁଡ଼୍ଦାକାରିଙ୍ଗ୍ ଆରେ ଗାଲିଲୀ ଜିଲ୍ଲାନି ମୁଡ଼୍ଦାକାରିଙ୍ଗ୍ ଭଜିତାକେ ହିର୍ବି ମାଚାନ୍। ହେ ବଜିୱେଡ଼ାଙ୍ଗ୍ ହେରଦିୟା ରାଣି ଯୋହନତିଙ୍ଗ୍ ଅସ୍ତେଙ୍ଗ୍ ସୁଯଗ୍ ଗାଟାଆତାତ୍। 22ହେବେ ରାଣି ହେରଦିୟା ଗାଡ଼୍ହି ବିତ୍ରେ ୱାଜି ଏନ୍ତାତ୍, ହେରୋଦ ହୁଦାଙ୍ଗ୍ କୁଚ୍ଚି ମାଚି ମାନାୟାର୍ ୱାରିୟା ଆତାର୍ ହେଦାଙ୍ଗ୍ କାଜିଙ୍ଗ୍ ହେରୋଦ ରାଜା ଗାଡ଼୍ହିଙ୍ଗ୍ ୱେନ୍ବାତାନ୍, “ନିଙ୍ଗେଙ୍ଗ୍ ଇନାକା ଦରକାର୍ ନାଙ୍ଗେଙ୍ଗ୍ ୱେଚ୍ଚା ଆନେଙ୍ଗ୍ ନିଙ୍ଗେଙ୍ଗ୍ ହିଦ୍ନାଙ୍ଗ୍।” 23ରାଜା ପାର୍ମାଣ୍ କିଜି ଗାଡ଼୍ଚେଙ୍ଗ୍ ୱେଚ୍ଚାନ୍, “ଆନେଙ୍ଗ୍ ରାଣ୍ତିନ୍ଞ୍ଜି ୱେଚ୍ଚାନାଙ୍ଗା ଏନେଙ୍ଗ୍ ଇନାକା ଏନ୍ତିତିସ୍ ହେଦାଙ୍ଗ୍ ହିଦ୍ନାଙ୍ଗ୍, ଇନେସ୍କି ନା ଦେସ୍ନି ଅଦା ବାଗ୍ ଏନ୍ତିତିସ୍ ପା ଆନେଙ୍ଗ୍ ନିଙ୍ଗେଙ୍ଗ୍ ହିଦ୍ନାଙ୍ଗ୍।”
24ତାପାଚେ ଗାଡ଼୍ହି ତେହି ଲାଗାୟ୍ ହାଲ୍ଜି ୱେନ୍ବାତାତ୍, “ଆୟା ଆନେଙ୍ଗ୍ ଇନାକା ଏନ୍ନାଙ୍ଗ୍?”
ସାଙ୍ଗେ-ସାଙ୍ଗେ ତେହି ହେରଦିୟା ଗାଡ଼୍ହିଙ୍ଗ୍ ୱେଚ୍ଚାତ୍, “ଡୁବନ୍ହିନି ଯୋହନ କାପ୍ଡ଼ା ଏନା।”
25ହେଦାପ୍ରେ ଗାଡ଼୍ହି ହନ୍ଚି ହାଲ୍ଜି ରାଜା ହେରୋଦତିଙ୍ଗ୍ ୱେଚ୍ଚାତ୍, “ନଙ୍ଗୟ୍ ନାଙ୍ଗେଙ୍ଗ୍ ଡୁବନ୍ହିନି ଯୋହନ କାପ୍ଡ଼ା ହଣ୍ଜି ର ତାଡ଼ିଆତାକେ ନାଙ୍ଗେଙ୍ଗ୍ ହିଦା।”
26ଇବେଣ୍ ୱେନ୍ଞ୍ଜି ରାଜା ବେସି ଦୁଃକ୍ ଆତାନ୍, ମାତର୍ ତା ଗତାଙ୍ଗ୍ ମୁମ୍ଦ ପାର୍ମାଣ୍ କିଜି ମାଚାନ୍ ହେଦାଙ୍ଗ୍ କାଜିଙ୍ଗ୍ ରାଜା ମୁନା କିଦେଙ୍ଗ୍ ଆଡ୍ୱାତାନ୍। 27ଆରେ ହେରୋଦ ରାଜା ତା ର ସେନାଙ୍ଗ୍ ପକ୍ତାନ୍ ହାଲା ଯୋହନ କାପ୍ଡ଼ା ହଣ୍ଜି ନାବେ ତାହିୱା। 28ହେୱାନ୍ ଜଇଲ୍ ଇଞ୍ଜ ହାଲ୍ଜି ଯୋହନତିଙ୍ଗ୍ କାପ୍ଡ଼ା ହଣ୍ଜି ର ତାଡ଼ିଆତାକେ ତାହିୱାଜି ରାଜା ଗାଡ଼୍ହିଙ୍ଗ୍ ହିତାନ୍, ଗାଡ଼୍ହି ଯୋହନ କାପ୍ଡ଼ା ଅଜି ତେହିଙ୍ଗ୍ ହିତାତ୍। 29ଡୁବନ୍ହିନି ଯୋହନ ହାଃତାନ୍ ଇଞ୍ଜି କାବୁର୍ ୱେନ୍ଞ୍ଜି ଚେଲାହିର୍ ୱାତାର୍, ଆରେ ତା ମାଡ଼ା ଦୁଗେର୍ତାକେ ଅଜି ମୁଚ୍ଚାର୍।
ଯୀଶୁ ବାଚିକିଜି ପକ୍ତି ଚେଲାର୍ ରବେ ଆତାର୍
(ମାଥି. ୧୪:୧୩,୧୪; ଲୁକ. ୯:୧୦)
30ପାଚେ ଯୀଶୁ ବାଚିକିତି ଚେଲାହିର୍ ଲେଉଟା ଆଜି ଯୀଶୁତାକେ ରୁଣ୍ଡାଆତାର୍, ଆରେ ହେୱାର୍ ଇନା ଇନାକା କିଜି ମାଚାର୍ ଆରେ ଇନା ହିକ୍ଷାହିଜି ମାଚାର୍, ହେ ୱିଜୁବେଣ୍ ଯୀଶୁଙ୍ଗ୍ ୱେଚ୍ଚାର୍। 31ଯୀଶୁ ତା ବାଚିକିତି ଚେଲାହିରିଙ୍ଗ୍ ୱେଚ୍ଚାନ୍, “ଜାଡ ଆସେଙ୍ଗ୍ ର ଟାଙ୍ଗ୍ରାବାହାତାକେ ହାନାସ୍, ଆରେ ହେବେ ଅଲପ୍ ଜମ୍ଦେଙ୍ଗ୍ ଆଡ୍ନାସ୍।” ଇନେସ୍କି ହେବେ ମାନାୟ୍ ଗଉଲି କାଜିଙ୍ଗ୍ ଚିଞ୍ଜେଙ୍ଗ୍ ପା ଆଡ୍ୱାଦାଙ୍ଗ୍ ମାଚାସ୍। 32ଲାଗିଙ୍ଗ୍ ଯୀଶୁ ଆରେ ତା ଚେଲାହିର୍ ଡଙ୍ଗାତାକେ କୁଚ୍ଚି ର ଟାଙ୍ଗ୍ରାବାହାତାକେ ହାଚାର୍।
ପାଞ୍ଚ୍ଗଟା ରୁଟିଙ୍ଗ୍ ରିଣ୍ଡାଙ୍ଗ୍ ମିନ୍କୁ
(ମାଥି. ୧୪:୧୫-୨୧; ଲୁକ. ୯:୧୧-୧୭; ଯୋହନ. ୬:୧-୧୪)
33ମାତର୍ କେତେକ୍ ମାନାୟ୍ ହେୱାନ୍ ହାନାକା ହୁଡ଼୍ତାର୍, ଆରେ ଇମେତାକେ ହାନାରା ଇଞ୍ଜି ପୁନ୍ଞ୍ଜି, ହେୱାର୍ ପାଡ଼୍ହା ପାଡ଼୍ହି ସହର୍ନି ମାନାୟାର୍ ତାଙ୍ଗ୍ଜି-ତାଙ୍ଗ୍ଜି ହାଲ୍ଜି ଯୀଶୁ ଆରେ ତା ଚେଲାହିର୍ ଏକାୱାଦାଙ୍ଗ୍ ହେୱାର୍ ଆଗେ ଏକାତାର୍। 34ଯୀଶୁ ଡଙ୍ଗାତାଙ୍ଗ୍ ଜୁଜି ବେସିହେନି ମାନାୟାରିଙ୍ଗ୍ ହୁଡ଼୍ତାନ୍, ଆରେ କାର୍ମାଆଜି ହେୱାରିଙ୍ଗ୍ ଜାତୁନ୍ କିତାନ୍। ଇନେସ୍କି ହେୱାର୍ ଗଡ଼ିୟା ହିଲ୍ୱି ମେଣ୍ଢାଙ୍ଗ୍ ଲେକେ ମାଚାର୍, ହେବେ ଯୀଶୁ ହେୱାରିଙ୍ଗ୍ ମାପୃବେଣ୍ କେତେକ୍ ହିକ୍ଷା ହିତାନ୍।
35ୱେଡ଼ାଆର୍ଜି ୱାନିହିଙ୍ଗ୍ ଚେଲାହିର୍ ତା ଲାଗାୟ୍ ୱାଜି ୱେଚ୍ଚାର୍, “ବେସି ବିଲମ୍ ଆତାତେ, ଆରେ ଇବାହା ବେସି ଟାଙ୍ଗ୍ରାବାହା। 36ଇଦାଙ୍ଗ୍ କାଜିଙ୍ଗ୍ ଇୱାରିଙ୍ଗ୍ ପକାମ୍ଦେ, ହେୱାର୍ ଲାଗେନି ହିରୁ ନାସ୍କୁକାଙ୍ଗ୍ ଆରେ ଜେକନି ନାସ୍କୁକାଙ୍ଗ୍ ହାଲ୍ଜି କାଦି କଡ଼୍ଜି ତିନେର୍।”
37ମାତର୍ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ନିଜେ ହେୱାରିଙ୍ଗ୍ ଇଚ୍କେ ତିନାକା ହିୟାଟ୍।” ଚେଲାହିର୍ ଯୀଶୁଙ୍ଗ୍ ୱେଚ୍ଚାର୍, “ଏନେଙ୍ଗ୍ ଇନାକା ଇଞ୍ଜ୍ନାୟା? ଆସେଙ୍ଗ୍ ଇୱାରିଙ୍ଗ୍ ଚିଚ୍ପେଦେଙ୍ଗ୍ ଦୁଇଶ ଦିନ୍ତି ହାଜ୍ରି ଡାବୁଙ୍ଗ୍ ୱିଜ୍ଦିନିକ୍!”
38ଯୀଶୁ ଚେଲାହିରିଙ୍ଗ୍ ୱେନ୍ବାତାନ୍, “ମିବେ ଏଚେଗଟା ରୁଟିଙ୍ଗ୍ ମାନିକ୍? ହାଲ୍ଜି ହୁଡ଼ାଟ୍।” ଚେଲାହିର୍ ହୁଡ଼୍ଗିସ୍ ୱାତାର୍ ଆରେ ଯୀଶୁଙ୍ଗ୍ ୱେଚ୍ଚାର୍, “ପାଞ୍ଚ୍ଗଟା ରୁଟି ଆରେ ରିଣ୍ଡାଙ୍ଗ୍ ମିନ୍କୁ ମାନିକ୍।” 39ପାଚେ ଯୀଶୁ ତା ଚେଲାହିରିଙ୍ଗ୍ ୱେଚ୍ଚାନ୍, ହେ ମାନାୟାରିଙ୍ଗ୍ ବାଗ୍ ବାଗ୍କିଜି କାଚ୍ରା ଜପି କୁଚିକିୟାଟ୍। 40ହେବେତାଙ୍ଗ୍ ହେ ମାନାୟାର୍ ଶହେ-ଶହେ ଆରେ ପଚାସ୍-ପଚାସ୍ ଜାଣ୍ ବାଗ୍-ବାଗ୍ ଆଜି କୁଚ୍ଚାର୍।
41ଯୀଶୁ ହେ ପାଞ୍ଚ୍ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍କୁକାଙ୍ଗ୍ ଆସ୍ତି, ବାଦାଡ଼୍ଜପି ହୁଡ଼୍ଜି ଈଶ୍ୱରତାଙ୍ଗ୍ ଦନ୍ଯବାଦ୍କିଜି, ରୁଟିଙ୍ଗ୍ ଡ୍ରିପ୍କିସ୍ ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ତା ଚେଲାହିରିଙ୍ଗ୍ ହିତାନ୍। ହେ ରିଣ୍ଡାଙ୍ଗ୍ ମିନ୍କୁ ପା ଡ୍ରିପ୍କିସ୍ ୱିଜାରିଙ୍ଗ୍ ବାଟାକିଜି ହିତାର୍। 42ହେବେତାଙ୍ଗ୍ ୱିଜାର୍ ତିନ୍ଞ୍ଜି ପଟ ପାଞ୍ଚାର୍, 43ତାପାଚେ ଯୀଶୁ ଚେଲାହିର୍ ୱିଜାକାର୍ ତିନ୍ଞ୍ଜି ଉବ୍ରାଆତି ରୁଟି ଆରେ ମିନ୍କୁ ପେସ୍ଦି ବାରଗଟା ଟପାକାଙ୍ଗ୍ ବାର୍ତିକିତାର୍। 44ହେବେ ପାଞ୍ଚ୍ ହାଜାର୍ ଆଣ୍ଡ୍ରାଙ୍ଗ୍ ପା ଚିଚାର୍ ଆରେ କଗ୍ଲେକ୍ ଆରେ ହିମ୍ଣାୱାକ୍ଡ଼ା ପା ରୁଟି ଚିଚାର୍।
ଯୀଶୁ ଏଜୁଙ୍ଗ୍ ଜପି ତାଙ୍ଗ୍ତାନ୍
(ମାଥି. ୧୪:୨୨-୩୩; ଯୋହନ. ୬:୧୫-୨୧)
45ହେଦାପ୍ରେ ଯୀଶୁ ତା ଚେଲାରିଙ୍ଗ୍ ଗାଲିଲୀ ହାମ୍ଦୁର୍ ଆରେ ର ପାଡ଼୍କା ବେଥ୍ସାଇଦା ସହର୍ ନିପଣ୍ ହାଞ୍ଜେଙ୍ଗ୍ ଆଗେ ଡଙ୍ଗାତାକେ ପକ୍ତାନ୍। ଯୀଶୁ ହେବେ ମାନ୍ଞ୍ଜି ହେବେ ମାଚି ମାନାୟ୍ତିଙ୍ଗ୍ ପକ୍ତାନ୍। 46ଯୀଶୁ ୱିଜାରିଙ୍ଗ୍ ପକ୍ତିପାଚେ ହେୱାନ୍ ପାର୍ତାନା କିଦେଙ୍ଗ୍ ମାଡ଼ିଜପି ହାଚାନ୍।
47ମିସି ୱାନିହିଙ୍ଗ୍ ଯୀଶୁ ରକାନ୍ ହେବାହାତ ମାଚାନ୍, ଆରେ ଡଙ୍ଗା ହାମ୍ଦୁର୍ ମାଦି ମାଚାତ୍। 48ଯୀଶୁ ତା ଚେଲାରିଙ୍ଗ୍ ହୁଡ଼୍ତାନ୍ ଡଙ୍ଗା ଆଗେ ଅଦେଙ୍ଗ୍ ଆବ୍ଡ଼ୁ ଆଜି ମାଚାର୍, ଇନେସ୍କି ଅପ୍ରାବଲ୍ ଡ଼ୁଇ ଆଜିମାଚାତ୍। ଆରେ କୁଜୁକେପା ଯୀଶୁ ହାମ୍ଦୁର୍ନି ଏଜୁଙ୍ଗ୍ ଜପି ତାଙ୍ଗ୍ଜି-ତାଙ୍ଗ୍ଜି ଚେଲାହିର୍ତାକେ ହାଚାନ୍, ଆରେ ହେୱାରିଙ୍ଗ୍ ପାଗ୍ ଇଡ଼୍ଜି ଆଗେ ହାଲ୍ଜି ମାଚାନ୍। 49ମାତର୍ ଯୀଶୁଙ୍ଗ୍ ହାମ୍ଦୁର୍ ଏଜୁକାଙ୍ଗ୍ ତାଙ୍ଗ୍ଜି-ତାଙ୍ଗ୍ଜି ୱାନାକା ହୁଡ଼୍ଜି ବୁତ୍ ଇଞ୍ଜି ବାବିକିଜି ଆଲାତାର୍, 50ଇନେସ୍କି ୱିଜାକାର୍ ଯୀଶୁଙ୍ଗ୍ ହୁଡ଼୍ଜି କାବା ଆତାର୍। ମାତର୍ ହେଦାପ୍ରେ ଯୀଶୁ ଚେଲାହିରିଙ୍ଗ୍ ୱେଚ୍ଚାନ୍, “ଶାସ୍ କିୟାଟ୍ ପାଣ୍ଡ୍ରା ଆମାଟ୍!, ଆନେଙ୍ଗ୍ ଯୀଶୁ।” 51ଆରେ ଯୀଶୁ ଏନେଙ୍ଗ୍ ଇଚାନ୍ ଆରେ ଡଙ୍ଗାତାକେ ଦୁମ୍ତାନ୍, ହେଦାପ୍ରେ ଡ଼ୁଇଟେବା ଆତାତ୍। ହେଦାଙ୍ଗ୍ ହୁଡ଼୍ଜି ଚେଲାହିର୍ କାବା ଆତାର୍, 52ଯୀଶୁ ପାଞ୍ଚ୍ ହାଜାର୍ ମାନାୟ୍ତିଙ୍ଗ୍ ପାଞ୍ଚ୍ଗଟା ରୁଟିଙ୍ଗ୍ ଆରେ ରି ମିନ୍କୁ ଚିଚ୍ପିତି ଗଟ୍ନା ହୁଡ଼୍ଜି ପା ହେୱାର୍ ଯୀଶୁଙ୍ଗ୍ ପାର୍ତି କିୱାତାର୍, ଇନେସ୍କି ହେୱାରିଙ୍ଗ୍ ବୁଜାଆନି ସାକ୍ତି ହିଲାତାତ୍।
ଯୀଶୁ ଗିନେସରତ ସହର୍ନି ରଗ୍ଦାକାରିଙ୍ଗ୍ ହାର୍କିତାନ୍
(ମାଥି. ୧୪:୩୪-୩୬)
53ଗାଲିଲୀ ହାମ୍ଦୁର୍ ନାସି ଯୀଶୁ ଆରେ ତା ଚେଲାହିର୍ ଗିନେସରତ ସହର୍ ନିପ୍ଣି କାଣ୍ଡିତ ଇକି ଡଙ୍ଗା ଗାଚ୍ଚାର୍। 54ହେୱାର୍ ଡଙ୍ଗାତାଙ୍ଗ୍ ଜୁତିଦାପ୍ରେ, ମାନାୟାର୍ ଯୀଶୁଙ୍ଗ୍ ପୁଚାର୍, 55ଆରେ ହେ ମାନାୟାର୍ ଜିଲ୍ଲାନି ପାଡ଼୍ହା ପାଡ଼୍ହି ସହର୍ ନିପଣ୍ ବେଗି-ବେଗି ହାଚାର୍, ଯୀଶୁ ୱାତାକା ପୁନ୍ଞ୍ଜି ରଗିୟାରିଙ୍ଗ୍ ଟାଟିତାକେ ତା ଲାଗାୟ୍ ପିଣ୍ଜି ତାତାର୍। 56ଯୀଶୁ ଇମ୍ଣିନାସ୍, ସହର୍ କି ହିରୁ ନାସ୍କୁକାଙ୍ଗ୍ ଇକାତାନ୍। ହେବେ ଆଟ୍ ବାଜାର୍ତାକେ ପା ରଗିରିଙ୍ଗ୍ ଇଡ଼୍ତାର୍, ଆରେ ଯୀଶୁଙ୍ଗ୍ ତା ହେନ୍ଦ୍ରାନି ଗାଟିଙ୍ଗ୍ ଆସ୍ପେଦେଙ୍ଗ୍ ଗୁୱାରି କିଦେଙ୍ଗ୍ ଲାଗାତାର୍, ଆରେ ହେନ୍ଦ୍ରା ଗାଟିଙ୍ଗ୍ ଆସ୍ପିତି ଦାପ୍ରେ ରଗିୟାର୍ ହାର୍ଆତାର୍।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.