लुका 11
11
प्रार्थनान शिक्षा
(मत्ती 6:9-15)
1एक दाहळे येसु प्रार्थना कोरतू होतु. जेतार चु प्रार्थना कोर लेदू, ती तेरा चेला मायलु एक जोणु तीना काजे कोयू, “हे प्रभू, जोसू योहान तेरा चेला काजे प्रार्थना कोरणे सिकाळ्यु तोसुच आमु काजे बी तू सिकाळ दे.”
2चू तीनु काजे कोयू, “जेतार तुमु प्रार्थना कोरसू ती कोयू
‘हे बासो,
तारो नाव चुखो मानाय जाय,
तारो राज आवे.
3आमरा आखा दाहळान रुटू दाहळीन आमुक आप्या कोर,
4एने आमरा पापे माफ कोर,
काहाकि आमु बी आपना होर एक गुणा वावाक माफ कोरतेला,
एने आमुक परीक्षामा झुन लावतू.’”
मांगता रोयू
(मत्ती 7:7-11)
5जेतार चू तीनु काजे कोयू, “तुमरेमा गोथू कुन छे कि तेरु एक दुस्तीदार रोये, एने चू आदी राती तेरेनचा जायीन तीनाक कोये, ‘हे दोस्ता; मेसेक तीन रूटा आप. 6काहाकि एक यात्री दुस्तीदार मारेंचा आव रोयू, एने तीनाक आपनेन कोरता मारे जुव काहीन नि होय.’ 7एने चू माहाय गोथू जोवाब आपे, ‘मेसेक तोकलीतमा देये; हीमी ते झोपलू बोंद छे एने मारा पुऱ्यु मारे साते आथरून पोर छे, इनान कोरता मे उठीन तुसेक आपी नी सोकतू?’ 8‘मे तुमु काजे कोयो कि अगर तेरु दुस्तीदार होयीन बी तीनाक उठीन नि आपे, ते बी तेरी लाज छुळीन मांगणेन वजेसी तीनाक जोतरो जोरूरोत छे तोतरो उठीन आपसे. 9एने मे तुमु काजे कोयो कि मांगू, ती तुमुक आपायसे; हेरु ती तुमुक जोळसे; ठुकू ती तुमरेन कोरीन उगोळसे.’ 10‘काहाकि जू कुदू मांगतलु, तीनाक आपनेमा आवतेलो; एने जू हेरतलु, तीनाक जोळसे; एने जू ठूकतलु, तिनान कोरता उगळी जासे. 11तुमरेमा गोथू कून ओसू बास होसे, कि जेतार तेरु पुऱ्यु रुटू मांगे, ती तीनाक दोगोळू आपे; एने माछो मांगे, ती माछान बोदले घोळसु आपे? 12एने आंडो मांगे ती तीनाक विछु आपे? 13आखरी जेतार तुमु भुंडला होयीन बी तुमरा पुऱ्या काजे वारली चीज आपने जानतला, ती सोरगो मायलु बास आपना मांगणे वावा काजे पवित्र आत्मा काहा नी आपे.’”
येसु एने भुंडली आत्मान अगवा
(मत्ती 12:22-30; मरकुस 3:20-27)
14ओवतेन चू एक मुकी भुंडली आत्मा काजे निकाव्यू जेतार भुंडली आत्मा नीकवी गोयी ती चू मुकु बुलणे बाज गोयू; एने माणसो काजे नोवलाय लागी. 15बाकीन तिंदरे मायला काहनास कोया, “यु ते बालजबलुन नावोन भुंडली आत्मान प्रधानो सहारासी भुत काजे निकावतलु.” 16दिसरा तेरी पोरीक्षा लेनेन कोरता तीना जुव सोरगोन एक चिन्ह मांग्या. 17बाकीन चू तिंदरा मोनो मायला वाते जानीन, तीनुक कोयू, “जीना-जीना राजमा फुट होयतेली चो राज उजळी जातलो छे; एने जीना घोरोमा फुट पोळतेली, चो नाश होय जातलो छे. 18अगर भुतडू तेरेत खिलाप होय जाय, ती तेरो राज कोसो बोनलो रोयसे? काहाकि तुमु मार बारामा कोयतेला कि यु भुतडान सहारासी भुंडली आत्मा निकावतलु. 19भोलेत अगर मे भुतडान न सहारासी भुंडली आत्मा काजे निकावतलु, ती तुमरा पुऱ्या कुनीन सहारासी निकावतला? इनान कोरता चे तुमरू न्याय कोरसे. 20बाकीन अगर मे परमेश्वरोन ताकतसी भुंडली आत्मा काजे निकावतलु, ती परमेश्वरोन राज तुमरे साते आव लागलो छे.”
21जेतार ताकतवान माणूस हत्यार लीन तिंदरा घोरोन राखवावी कोरे, ती तेरो धोन वाच जातलो. 22बाकीन तेरेसी बोळीन कुदू ओवी ताकत वावू लोळाय कोरीन तीनाक जीक लेये, ती तेरो चो हत्यार जीना पोर तेरु भुरसू होतु, हापकी लेतलु एने तेरो धोन लुटीन वाट देतलु. 23जू मारे साते नि होय चू मारे खिलापमा छे, एने जू मारे साते नि टूवू कोरतेलु चू वेरवी देतलू.
भुंडली आत्मान घरोन हेरे
(मत्ती 12:43-45)
24“जेतार भुंडली आत्मा माणसोमा गोथी निकवी जातली ती सुकली जागामा आराम हेरती फिरतली, एने जेतार नि जोळे ती कोयतली, ‘मे आपना तीनात घोरमा जीनामा गोथी निकोवली होती पोछि जात रोयीस.’ 25एने जायीन तीनाक बाहारलो सापसुतरो एने घाटावो देखतेली. 26तेत्यार ची जायीन आपने गोथी सात भुंडली आत्मा काजे आपने साते लीयावतेली, एने चे तीनामा भोरायन रोयतली, एने तीना माणसोन पोछली हालोत पेहेले गोथी बी भुंडी होय जातली.” 27जेतार चू ये वाते कोयनेत बाज रोयू होतु ती गोरदीमा गोथी काहनीस एक बाय जुरेत ओवाजमा कोयी, “सोयावा छे ची कुख जीनामा तू रोयलू एने चे छात्या जे तू चुसलु.” 28चू कोयू, “होव; बाकीन सोयावा चे छे जे परमेश्वरोन वचन सोमवतला एने मानतला.”
सोरगोन चिन्हान मांग
(मत्ती 12:38-42; मरकुस 8:12)
29जेतार मोटीत गोरदी एखठी होयने बाज रोयी होती ती चू कोयने बाज गोयू, “इनी पिढीन माणसे भुंडला छे; ये चिन्ह हेरतेला; बाकीन योनान चिन्ह काजे छुळीन दिसरो ओवी चिन्ह नी आपाये. 30जोसू योना, नीनवेन माणसोन कोरता चिन्ह ठेऱ्यू, तोसुच माणसोन पुऱ्यु बी इनी पिढीन माणसोन कोरता ठेरायसे.” 31दोक्षीनोन राणी नियावोन दाहळे इनी टेमेन माणसोन साते उठीन तीनुक गुणावा ठेरावसे, काहाकि ची शलमोनोन ग्यान सोमवने कोरीन धोरतीन पोरले धोळे गोथी आवी, एने देखू, न्या चू छे जू सुलेमान गोथू बी मोटू छे. 32नीनवेन माणसे न्यायोन दाहळे इनी टेमोन माणसो पुठी साते उबरोयीन, तीनुक गुणावा ठेरावसे; काहाकि चे योनान प्रचार सोमवीन मोन फिराव्या, एने देखू न्या चू छे जू योना गोथू बी मोटू छे.
डीलोन दिवू
(मत्ती 5:15; 6:22-23)
33“काहनु माणूस दिवू धोपाळीन तोव घोरमा नीती मापो तोवे नि मेकतेलु बाकीन पाटळी पोर मेकतलु कि माहाय आवने वावाक विजावो देखाये.” 34तारा डीलोन दिवू तारू डूवू छे, इनान कोरता तारू डूवू साफ छे ती तारो आखो डील बी विजावो छे; बाकीन जेतार चू भुंडलु होय ती तारो डील बी आंदारलो छे. 35इनान कोरता हुशारीमा रोयजू कि जो विजावो तारेमा छे चो आंदारलो नि होय जाय. 36इनान कोरता अगर तारो आखो डील विजावो होसे एने तेरु काहनु हीस्सू आंदारामा नि रोये ती सोब काय आखो ओसो विजावो रोयसे, जोसो तिनी टेमे होयतेलो जेतार दिवू आपना धोपला दिवासी विजावो आपतलो.
शास्त्री एने फरुशी काजे लोळनो
(मत्ती 23:1-36; मरकुस 12:38-40; लुका 20:45-47)
37जेतार येसु वाते कोरणे बाज रोयू होतु ती एक काहनुस फरुशी विनता कोऱ्यु कि मारेंचा खाणो खा चू माही जायीन खाणो खाणे बोश्यू. 38फरुशी काजे यो देखीन नोवलाय लागी कि चू खाणो खाणेन पेहेले उंगव्यू नी. 39प्रभू तीना काजे कोयू, “हे फरुशी तुमु कोवशु एने थाविक उपोर-उपोर गोथा उजावतला, बाकीन तुमरे महाय आंदारो एने रीस भोरली छे.” 40हे बिना ग्यानोन जू बारथे वावु हिस्सू बोनाव्यू, काय चू महाय वावु हिस्सू नि बोनाव्यू? 41बाकीन होव, महाय वावी चीजो काजे दान कोर देवू, ती देखू, सोब काय तुमरेन कोरता चुखो होय जासे.
42“बाकीन हे फरुशी, तुमरे पोर हाय तुमु पुदिना एने सुदाबोन एने आखा भातीन भाजी पालान दसवू हिस्सू आपतला, बाकीन न्याय काजे एने परमेश्वरोन मोंग काजे टाव देतेला; जुवतो ते होतो कि तीनाक कोरता रोयतेला एने तीनुक बी नि छुळतला. 43हे फरुशी, तुमरा मोंग पोर हाय! तुमु प्रार्थना घोरोमा मोटी-मोटी बोसनेण जागा एने हाटोमा नमस्कार हेरतेला. 44हाय तुमरे पोर! काहाकि तुमु इना डूकायला मोळवाट्या सारका छे, जीना पोर माणसे चालतला बाकीन नि जानतला.”
45तेत्यार एक शास्त्रध्यापक तीना काजे जोवाब आप्यू, “हे गुरु, इनी वातो काजे कोयीन तू आमरी नींदा कोरतेलु.” 46चू कोयू, “हे शास्त्रध्यापक तुमरे पोर बी हाय! तुमु ओसा भार जीनु काजे हाकेलनो काठो छे, माणसो पोर मेकतला बाकीन तुमु खुद इना बुजा काजे आपनी एक आंगवे कोरीन बि नी छिमतेला.” 47हाय तुमरे पोर! तुमु तीनु भविष्य कोरतान मोळवाट्या बोनावतेला, जीनु काजे तुमरात बाप दादा मार नाखला होता. 48आखरी तुमु गोवा छे, एने तुमरा बाप दादान कामोमा मेवायला छे! काहाकि चे तीनुक मार नाखला एने तुमु तिंदरा मोळवाट्या बोनावतला. 49इनान कोरता परमेश्वरोन ओकोल बी कोयली छे, “मे तिंदरेनचा भविष्य कोरता काजे एने प्रेषितोन काजे मुकलीस, एने चे तिंदरे मायला काहनास काजे मार नाखसे, एने काहनास काजे तोकलीत देसे.” 50काहाकि जोतरा भविष्य कोरतान लुय जोग बोननेन टेमे वोयलो छे, आखान हिसाब इना कोवीन माणसोसी लेवायसे. 51हाबिलोन होत्त्यान चा गोथो लीन जखऱ्यान होत्त्यान चा तोक, जो वेदीन एने मंदीरोन इचमा खुन कोऱ्या मे तुमु काजे छाचलीन कोयो, “इना आखान लेख इनी टेमोन माणसोसी लेवायसे. 52हाय तुमरे शास्त्रध्यापक पोर! तुमु ग्यानोन कुची ली ते लेदला, बाकीन तुमु खुद भोराया नी, एने भोरायने वावा काजे बी रुक देदा.”
53जेतार येसु चा गोथू निकव्यू ती शास्त्री एने फरुशी घोणा तेरे पोछोव पोळ्या एने छेळने बाज गोया कि चू लोकेत वातोन बारामा कोये, 54एने मारनेन कोरता टीपता रोया कि तेरा मुयोन कानली वात धोरजे.
Currently Selected:
लुका 11: BFBNT
Highlight
Share
Copy
Want to have your highlights saved across all your devices? Sign up or sign in
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.
लुका 11
11
प्रार्थनान शिक्षा
(मत्ती 6:9-15)
1एक दाहळे येसु प्रार्थना कोरतू होतु. जेतार चु प्रार्थना कोर लेदू, ती तेरा चेला मायलु एक जोणु तीना काजे कोयू, “हे प्रभू, जोसू योहान तेरा चेला काजे प्रार्थना कोरणे सिकाळ्यु तोसुच आमु काजे बी तू सिकाळ दे.”
2चू तीनु काजे कोयू, “जेतार तुमु प्रार्थना कोरसू ती कोयू
‘हे बासो,
तारो नाव चुखो मानाय जाय,
तारो राज आवे.
3आमरा आखा दाहळान रुटू दाहळीन आमुक आप्या कोर,
4एने आमरा पापे माफ कोर,
काहाकि आमु बी आपना होर एक गुणा वावाक माफ कोरतेला,
एने आमुक परीक्षामा झुन लावतू.’”
मांगता रोयू
(मत्ती 7:7-11)
5जेतार चू तीनु काजे कोयू, “तुमरेमा गोथू कुन छे कि तेरु एक दुस्तीदार रोये, एने चू आदी राती तेरेनचा जायीन तीनाक कोये, ‘हे दोस्ता; मेसेक तीन रूटा आप. 6काहाकि एक यात्री दुस्तीदार मारेंचा आव रोयू, एने तीनाक आपनेन कोरता मारे जुव काहीन नि होय.’ 7एने चू माहाय गोथू जोवाब आपे, ‘मेसेक तोकलीतमा देये; हीमी ते झोपलू बोंद छे एने मारा पुऱ्यु मारे साते आथरून पोर छे, इनान कोरता मे उठीन तुसेक आपी नी सोकतू?’ 8‘मे तुमु काजे कोयो कि अगर तेरु दुस्तीदार होयीन बी तीनाक उठीन नि आपे, ते बी तेरी लाज छुळीन मांगणेन वजेसी तीनाक जोतरो जोरूरोत छे तोतरो उठीन आपसे. 9एने मे तुमु काजे कोयो कि मांगू, ती तुमुक आपायसे; हेरु ती तुमुक जोळसे; ठुकू ती तुमरेन कोरीन उगोळसे.’ 10‘काहाकि जू कुदू मांगतलु, तीनाक आपनेमा आवतेलो; एने जू हेरतलु, तीनाक जोळसे; एने जू ठूकतलु, तिनान कोरता उगळी जासे. 11तुमरेमा गोथू कून ओसू बास होसे, कि जेतार तेरु पुऱ्यु रुटू मांगे, ती तीनाक दोगोळू आपे; एने माछो मांगे, ती माछान बोदले घोळसु आपे? 12एने आंडो मांगे ती तीनाक विछु आपे? 13आखरी जेतार तुमु भुंडला होयीन बी तुमरा पुऱ्या काजे वारली चीज आपने जानतला, ती सोरगो मायलु बास आपना मांगणे वावा काजे पवित्र आत्मा काहा नी आपे.’”
येसु एने भुंडली आत्मान अगवा
(मत्ती 12:22-30; मरकुस 3:20-27)
14ओवतेन चू एक मुकी भुंडली आत्मा काजे निकाव्यू जेतार भुंडली आत्मा नीकवी गोयी ती चू मुकु बुलणे बाज गोयू; एने माणसो काजे नोवलाय लागी. 15बाकीन तिंदरे मायला काहनास कोया, “यु ते बालजबलुन नावोन भुंडली आत्मान प्रधानो सहारासी भुत काजे निकावतलु.” 16दिसरा तेरी पोरीक्षा लेनेन कोरता तीना जुव सोरगोन एक चिन्ह मांग्या. 17बाकीन चू तिंदरा मोनो मायला वाते जानीन, तीनुक कोयू, “जीना-जीना राजमा फुट होयतेली चो राज उजळी जातलो छे; एने जीना घोरोमा फुट पोळतेली, चो नाश होय जातलो छे. 18अगर भुतडू तेरेत खिलाप होय जाय, ती तेरो राज कोसो बोनलो रोयसे? काहाकि तुमु मार बारामा कोयतेला कि यु भुतडान सहारासी भुंडली आत्मा निकावतलु. 19भोलेत अगर मे भुतडान न सहारासी भुंडली आत्मा काजे निकावतलु, ती तुमरा पुऱ्या कुनीन सहारासी निकावतला? इनान कोरता चे तुमरू न्याय कोरसे. 20बाकीन अगर मे परमेश्वरोन ताकतसी भुंडली आत्मा काजे निकावतलु, ती परमेश्वरोन राज तुमरे साते आव लागलो छे.”
21जेतार ताकतवान माणूस हत्यार लीन तिंदरा घोरोन राखवावी कोरे, ती तेरो धोन वाच जातलो. 22बाकीन तेरेसी बोळीन कुदू ओवी ताकत वावू लोळाय कोरीन तीनाक जीक लेये, ती तेरो चो हत्यार जीना पोर तेरु भुरसू होतु, हापकी लेतलु एने तेरो धोन लुटीन वाट देतलु. 23जू मारे साते नि होय चू मारे खिलापमा छे, एने जू मारे साते नि टूवू कोरतेलु चू वेरवी देतलू.
भुंडली आत्मान घरोन हेरे
(मत्ती 12:43-45)
24“जेतार भुंडली आत्मा माणसोमा गोथी निकवी जातली ती सुकली जागामा आराम हेरती फिरतली, एने जेतार नि जोळे ती कोयतली, ‘मे आपना तीनात घोरमा जीनामा गोथी निकोवली होती पोछि जात रोयीस.’ 25एने जायीन तीनाक बाहारलो सापसुतरो एने घाटावो देखतेली. 26तेत्यार ची जायीन आपने गोथी सात भुंडली आत्मा काजे आपने साते लीयावतेली, एने चे तीनामा भोरायन रोयतली, एने तीना माणसोन पोछली हालोत पेहेले गोथी बी भुंडी होय जातली.” 27जेतार चू ये वाते कोयनेत बाज रोयू होतु ती गोरदीमा गोथी काहनीस एक बाय जुरेत ओवाजमा कोयी, “सोयावा छे ची कुख जीनामा तू रोयलू एने चे छात्या जे तू चुसलु.” 28चू कोयू, “होव; बाकीन सोयावा चे छे जे परमेश्वरोन वचन सोमवतला एने मानतला.”
सोरगोन चिन्हान मांग
(मत्ती 12:38-42; मरकुस 8:12)
29जेतार मोटीत गोरदी एखठी होयने बाज रोयी होती ती चू कोयने बाज गोयू, “इनी पिढीन माणसे भुंडला छे; ये चिन्ह हेरतेला; बाकीन योनान चिन्ह काजे छुळीन दिसरो ओवी चिन्ह नी आपाये. 30जोसू योना, नीनवेन माणसोन कोरता चिन्ह ठेऱ्यू, तोसुच माणसोन पुऱ्यु बी इनी पिढीन माणसोन कोरता ठेरायसे.” 31दोक्षीनोन राणी नियावोन दाहळे इनी टेमेन माणसोन साते उठीन तीनुक गुणावा ठेरावसे, काहाकि ची शलमोनोन ग्यान सोमवने कोरीन धोरतीन पोरले धोळे गोथी आवी, एने देखू, न्या चू छे जू सुलेमान गोथू बी मोटू छे. 32नीनवेन माणसे न्यायोन दाहळे इनी टेमोन माणसो पुठी साते उबरोयीन, तीनुक गुणावा ठेरावसे; काहाकि चे योनान प्रचार सोमवीन मोन फिराव्या, एने देखू न्या चू छे जू योना गोथू बी मोटू छे.
डीलोन दिवू
(मत्ती 5:15; 6:22-23)
33“काहनु माणूस दिवू धोपाळीन तोव घोरमा नीती मापो तोवे नि मेकतेलु बाकीन पाटळी पोर मेकतलु कि माहाय आवने वावाक विजावो देखाये.” 34तारा डीलोन दिवू तारू डूवू छे, इनान कोरता तारू डूवू साफ छे ती तारो आखो डील बी विजावो छे; बाकीन जेतार चू भुंडलु होय ती तारो डील बी आंदारलो छे. 35इनान कोरता हुशारीमा रोयजू कि जो विजावो तारेमा छे चो आंदारलो नि होय जाय. 36इनान कोरता अगर तारो आखो डील विजावो होसे एने तेरु काहनु हीस्सू आंदारामा नि रोये ती सोब काय आखो ओसो विजावो रोयसे, जोसो तिनी टेमे होयतेलो जेतार दिवू आपना धोपला दिवासी विजावो आपतलो.
शास्त्री एने फरुशी काजे लोळनो
(मत्ती 23:1-36; मरकुस 12:38-40; लुका 20:45-47)
37जेतार येसु वाते कोरणे बाज रोयू होतु ती एक काहनुस फरुशी विनता कोऱ्यु कि मारेंचा खाणो खा चू माही जायीन खाणो खाणे बोश्यू. 38फरुशी काजे यो देखीन नोवलाय लागी कि चू खाणो खाणेन पेहेले उंगव्यू नी. 39प्रभू तीना काजे कोयू, “हे फरुशी तुमु कोवशु एने थाविक उपोर-उपोर गोथा उजावतला, बाकीन तुमरे महाय आंदारो एने रीस भोरली छे.” 40हे बिना ग्यानोन जू बारथे वावु हिस्सू बोनाव्यू, काय चू महाय वावु हिस्सू नि बोनाव्यू? 41बाकीन होव, महाय वावी चीजो काजे दान कोर देवू, ती देखू, सोब काय तुमरेन कोरता चुखो होय जासे.
42“बाकीन हे फरुशी, तुमरे पोर हाय तुमु पुदिना एने सुदाबोन एने आखा भातीन भाजी पालान दसवू हिस्सू आपतला, बाकीन न्याय काजे एने परमेश्वरोन मोंग काजे टाव देतेला; जुवतो ते होतो कि तीनाक कोरता रोयतेला एने तीनुक बी नि छुळतला. 43हे फरुशी, तुमरा मोंग पोर हाय! तुमु प्रार्थना घोरोमा मोटी-मोटी बोसनेण जागा एने हाटोमा नमस्कार हेरतेला. 44हाय तुमरे पोर! काहाकि तुमु इना डूकायला मोळवाट्या सारका छे, जीना पोर माणसे चालतला बाकीन नि जानतला.”
45तेत्यार एक शास्त्रध्यापक तीना काजे जोवाब आप्यू, “हे गुरु, इनी वातो काजे कोयीन तू आमरी नींदा कोरतेलु.” 46चू कोयू, “हे शास्त्रध्यापक तुमरे पोर बी हाय! तुमु ओसा भार जीनु काजे हाकेलनो काठो छे, माणसो पोर मेकतला बाकीन तुमु खुद इना बुजा काजे आपनी एक आंगवे कोरीन बि नी छिमतेला.” 47हाय तुमरे पोर! तुमु तीनु भविष्य कोरतान मोळवाट्या बोनावतेला, जीनु काजे तुमरात बाप दादा मार नाखला होता. 48आखरी तुमु गोवा छे, एने तुमरा बाप दादान कामोमा मेवायला छे! काहाकि चे तीनुक मार नाखला एने तुमु तिंदरा मोळवाट्या बोनावतला. 49इनान कोरता परमेश्वरोन ओकोल बी कोयली छे, “मे तिंदरेनचा भविष्य कोरता काजे एने प्रेषितोन काजे मुकलीस, एने चे तिंदरे मायला काहनास काजे मार नाखसे, एने काहनास काजे तोकलीत देसे.” 50काहाकि जोतरा भविष्य कोरतान लुय जोग बोननेन टेमे वोयलो छे, आखान हिसाब इना कोवीन माणसोसी लेवायसे. 51हाबिलोन होत्त्यान चा गोथो लीन जखऱ्यान होत्त्यान चा तोक, जो वेदीन एने मंदीरोन इचमा खुन कोऱ्या मे तुमु काजे छाचलीन कोयो, “इना आखान लेख इनी टेमोन माणसोसी लेवायसे. 52हाय तुमरे शास्त्रध्यापक पोर! तुमु ग्यानोन कुची ली ते लेदला, बाकीन तुमु खुद भोराया नी, एने भोरायने वावा काजे बी रुक देदा.”
53जेतार येसु चा गोथू निकव्यू ती शास्त्री एने फरुशी घोणा तेरे पोछोव पोळ्या एने छेळने बाज गोया कि चू लोकेत वातोन बारामा कोये, 54एने मारनेन कोरता टीपता रोया कि तेरा मुयोन कानली वात धोरजे.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.