यूहन्ना 17
17
ईशु चो खुद काजे पारथना
1ईशु ऐ गोठमन के बल्लो आउर आपलो आँईकमन बादरी चो बाटे उठाऊन भाती बल्लो, “हे बुआ, हुन समया ऐऊन पोंचली से; आपलो बेटा चो महिमा कर कि बेटा बले तुचो महिमा करो, 2कसनबल्लोने तुय हुनके सपाय जीव जन्तुमन थाने अधिकार दिलीस, कि जोनमन के तुय हुनके दिली सीस हुन सपाय के हुन अमर जीवना देस। 3आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत। 4जोन काम तुय मोके करतो काजे देऊ रलीस, हुनके पुरा करून भाती मय धरतनी थाने तुचो महिमा करले से। 5अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।
ईशु चो आपलो चेलामन काजे पारथना
6“मय तुचो नाव हुन मानेमन थाने उजागर करले से जोन के तुय जगत थानले मोके दिलीस। हुनमन तुचो रवत आउर तुय हुनमन के मोके दिलीस, आउर हुनमन तुचो बचन के मानला सोत। 7अदायं हुनमन जानला सोत कि जोन काई बले तुय मोके दिली सीस हुन सपाय तुचो बाटले आय; 8कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस। 9मय हुनमन काजे गुहार करें से; जगत चो काजे बिनती नी करे मान्तर हुनमन चो काजे जोनमन के तुय मोके दिली सीस, कसनबल्लोने हुनमन तुचो आत; 10आउर जोन काई मोचो आय हुन सपाय तुचो आय, आउर जोन तुचो आय हुन मोचो आय, आउर ऐ मन ले मोचो महिमा उजागर होली से। 11मय अदायं जगत ने नी रयें दे, मान्तर ऐ मन जगत ने रदे, आउर मय तुचो लगे ऐयें से। हे पवितर बुआ, आपलो हुन नाव ले जोन तुय मोके दिली सीस, हुनचो राका कर कि हुनमन आमचो असन गोटक होवत। 12जिदलदाय मय हुनमन चो संगे रये, तेबे मय तुचो हुन नाव ले, जोन तुय मोके दिली सीस हुनचो राका करले। मय हुनचो राका जागा करले, आउर बिनाश चो बेटा के छांडुन हुनमन थानले कोनी नष्ट नी होला, ऐईकाजे कि पवितर शास्त्र ने जोन बोला गेली हुन पुरा होओ। 13अदायं मय तुचो लगे ऐयें से, आउर ऐ गोठमन जगत ने बोलु आय, कि हुनमन मोचो हरिक आपलो थाने पुरा पाओत। 14मय तुचो बचन हुनमन के अमराऊन दिले से; आउर संवसार हुनमन ले बईर करली, कसनबल्लोने जसन मय संवसार चो नुआय, असने ची हुनमन बले संवसार चो नुआत। 15मय ऐ गुहार नी करे कि तुय हुनमन के जगत थानले उठाऊन ने; मान्तर ऐ कि तुय हुनमन के हुन दुष्ट ले बचाऊन संगाव। 16जसन मय संवसार चो नुआय, असने ची हुनमन बले संवसार चो नुआत। 17सत चो दुआरा हुनमन के पवितर कर: तुचो बचन सत आय। 18जसन तुय मोके जगत ने पठालीस, असने ची मय बले हुनमन के जगत ने पठाले; 19आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।
ईशु चो आपलो सपाय बिश्वासीमन काजे पारथना
20“मय मात्र ऐ मन ची काजे गुहार नी करे, मान्तर हुनमन चो काजे बले जोन ऐ मन चो बचन चो दुआरा मोचो उपरे बिश्वास कर दे, 21कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस। 22हुन महिमा जोन तुय मोके दिलीस मय हुनमन के दिले, कि हुनमन असने ची गोटक होओत जसन कि आमी गोटक आंव, 23मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले। 24हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस। 25ऐ धरमी बुआ, संवसार तो मोके नी जानली, मान्तर मय तुके जानले; आउर ऐ मन बले जानला कि तुय ची मोके पठाली सीस। 26मय तुचो नाव हुनमन के सांगले आउर सांगते रयें दे कि जोन मया तुके मोचो ले रयें हुन हुनमन ने रओ, आउर मय हुनमन ने रयें दे।”
Currently Selected:
यूहन्ना 17: HLBNT
Highlight
Share
Copy
Want to have your highlights saved across all your devices? Sign up or sign in
Halbi Bible by The Love Fellowship is licensed under Creative Commons Attribution-ShareAlike 4.0 License.
यूहन्ना 17
17
ईशु चो खुद काजे पारथना
1ईशु ऐ गोठमन के बल्लो आउर आपलो आँईकमन बादरी चो बाटे उठाऊन भाती बल्लो, “हे बुआ, हुन समया ऐऊन पोंचली से; आपलो बेटा चो महिमा कर कि बेटा बले तुचो महिमा करो, 2कसनबल्लोने तुय हुनके सपाय जीव जन्तुमन थाने अधिकार दिलीस, कि जोनमन के तुय हुनके दिली सीस हुन सपाय के हुन अमर जीवना देस। 3आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत। 4जोन काम तुय मोके करतो काजे देऊ रलीस, हुनके पुरा करून भाती मय धरतनी थाने तुचो महिमा करले से। 5अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।
ईशु चो आपलो चेलामन काजे पारथना
6“मय तुचो नाव हुन मानेमन थाने उजागर करले से जोन के तुय जगत थानले मोके दिलीस। हुनमन तुचो रवत आउर तुय हुनमन के मोके दिलीस, आउर हुनमन तुचो बचन के मानला सोत। 7अदायं हुनमन जानला सोत कि जोन काई बले तुय मोके दिली सीस हुन सपाय तुचो बाटले आय; 8कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस। 9मय हुनमन काजे गुहार करें से; जगत चो काजे बिनती नी करे मान्तर हुनमन चो काजे जोनमन के तुय मोके दिली सीस, कसनबल्लोने हुनमन तुचो आत; 10आउर जोन काई मोचो आय हुन सपाय तुचो आय, आउर जोन तुचो आय हुन मोचो आय, आउर ऐ मन ले मोचो महिमा उजागर होली से। 11मय अदायं जगत ने नी रयें दे, मान्तर ऐ मन जगत ने रदे, आउर मय तुचो लगे ऐयें से। हे पवितर बुआ, आपलो हुन नाव ले जोन तुय मोके दिली सीस, हुनचो राका कर कि हुनमन आमचो असन गोटक होवत। 12जिदलदाय मय हुनमन चो संगे रये, तेबे मय तुचो हुन नाव ले, जोन तुय मोके दिली सीस हुनचो राका करले। मय हुनचो राका जागा करले, आउर बिनाश चो बेटा के छांडुन हुनमन थानले कोनी नष्ट नी होला, ऐईकाजे कि पवितर शास्त्र ने जोन बोला गेली हुन पुरा होओ। 13अदायं मय तुचो लगे ऐयें से, आउर ऐ गोठमन जगत ने बोलु आय, कि हुनमन मोचो हरिक आपलो थाने पुरा पाओत। 14मय तुचो बचन हुनमन के अमराऊन दिले से; आउर संवसार हुनमन ले बईर करली, कसनबल्लोने जसन मय संवसार चो नुआय, असने ची हुनमन बले संवसार चो नुआत। 15मय ऐ गुहार नी करे कि तुय हुनमन के जगत थानले उठाऊन ने; मान्तर ऐ कि तुय हुनमन के हुन दुष्ट ले बचाऊन संगाव। 16जसन मय संवसार चो नुआय, असने ची हुनमन बले संवसार चो नुआत। 17सत चो दुआरा हुनमन के पवितर कर: तुचो बचन सत आय। 18जसन तुय मोके जगत ने पठालीस, असने ची मय बले हुनमन के जगत ने पठाले; 19आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।
ईशु चो आपलो सपाय बिश्वासीमन काजे पारथना
20“मय मात्र ऐ मन ची काजे गुहार नी करे, मान्तर हुनमन चो काजे बले जोन ऐ मन चो बचन चो दुआरा मोचो उपरे बिश्वास कर दे, 21कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस। 22हुन महिमा जोन तुय मोके दिलीस मय हुनमन के दिले, कि हुनमन असने ची गोटक होओत जसन कि आमी गोटक आंव, 23मय हुनमन ने आउर तुय मोचो ने कि हुनमन सिद्ध होऊन भाती गोटक होऊन जाओत, आउर संवसार जानो कि तुय ची मोके पठालीस, आउर जसन तुय मचो ले मया संगालीस असने ची हुनमन ले मया संगाले। 24हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस। 25ऐ धरमी बुआ, संवसार तो मोके नी जानली, मान्तर मय तुके जानले; आउर ऐ मन बले जानला कि तुय ची मोके पठाली सीस। 26मय तुचो नाव हुनमन के सांगले आउर सांगते रयें दे कि जोन मया तुके मोचो ले रयें हुन हुनमन ने रओ, आउर मय हुनमन ने रयें दे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Halbi Bible by The Love Fellowship is licensed under Creative Commons Attribution-ShareAlike 4.0 License.