यूहन्ना 8
8
बेबीचारीनी के छमा
1मान्तर ईशु जैतून चो डोंगरी थाने गेलो। 2बिहाने हुन फेर मंदिर ने ईलो; सपाय लोग हुनचो लगे ईला आउर हुन बसुन भाती हुनमन के उपदेश देऊक मुरयालो। 3तेबे शास्तरी आउर फरीसी गोटक बायले लेकी के आनला जोन बेबीचार ने धरा जाऊ रली, आउर हुनके मंजी ने उबा करून भाती ईशु ले बल्ला, 4“हे गुरू, ये बायले लेकी बेबीचार करते धरा गेली से। 5नियम ने मूसा आमके हुकुम दिलो से कि असन बायले लेकी उपरे पखना मारा। आउर तुय ऐ बायले लेकी चो बारे ने काय बलसीस?” 6हुनमन हुनके परकतो काजे ऐ गोठ बल्ला बल्ले हुनचो उपरे दोष लगातो काजे कोनी गोठ पाओत। मान्तर ईशु लोऊन भाती अंडकी ले भूईं थाने लिकुक मुरयालो। 7जिदलदाय हुनमन हुनचो ले पचारते ची रला, तेबे हुन सीदा होऊन भाती हुनमन ले बल्लो, “तुमनमन ने जोन पाप नी करलोर होओ, हुनी पयले हुनके पकना मारो।” 8आउर फेर लोऊन भाती भूईं थाने अंडकी ले लिकुक मुरयालो। 9मान्तर हुनमन ऐ सुनुन भाती बड़े ले धरून भाती नानी तक, गोटक-गोटक करून निकरून गेला, आउर ईशु एकला रऊन गेलो, आउर बायले लेकी हुताय मंजी ने उबा रऊन गेली। 10ईशु सीदा होऊन भाती हुनचो ले बल्लो, “हे नारी, हुनमन काहां गेला? काय कोनी तुचो उपरे डण्ड चो हुकुम नी दिला?” 11हुन बल्ली, “हे परबु, कोनी ची नाई।” ईशु बल्लो, “मय बले तुचो उपरे डण्ड चो हुकुम नी देये; जा, आउर फेर पाप नी कर।”
ईशु जगत चो उजर
12ईशु फेर लोगमन ले बल्लो, “जगत चो उजर मय आंय; जोन मोचो पाटे होये दे हुन अंधार ने नी चले दे मान्तर जीवना चो उजर पाये दे।” 13फरीसीमन हुनचो ले बल्ला, “तुय आपलो गोहई खुद देऊ आस, तुचो गोहई नगत नुआय।” 14ईशु हुनमन के जबाप दिलो, “अच्छा मय ची आपलो गोहई खुद देऊ आय, फेर बले मोचो गोहई नगत आय, कसनबल्लोने मय जाने से कि मय काहां ले ईले से आउर काहां जाऊ आंय? मान्तर तुमी नी जानास कि मय काहां ले ऐयें सें नाहले काहां जाऊ आंय। 15तुमी देंह चो अनुसार नियाय करू आहास; मय काचीई नियाय नी करे। 16आउर अगर मय नियाय करें दें बले, तो मोचो नियाय सत आय; कसनबल्लोने मय ऐकला नाई, मान्तर मय आंय, आउर बुआ आय जोन मोके पठालो। 17तुमचो नियम ने बले लिकलोर आसे कि दुई झान चो गोहई मिलुन भाती ठीक होऊ आय; 18गोटक तो मय खुद आपलो गोहई देऊ आंय, आउर दुसर बुआ मोचो गोहई देऊ आय जोन मोके पठालो।” 19हुनमन हुनचो ले बल्ला, “तुचो बुआ काहां आसे?” ईशु जबाप दिलो, “ना तुमी मोके जानास, ना मोचो बुआ के, अगर मोके जानतास तो मोचो बुआ के बले जानतास।” 20ऐ गोठमन हुन मंदिर ने उपदेश देते-देते भण्डार घर ने बल्लो, आउर कोनी हुनके नी धरला, कसनबल्लोने हुनचो समया ऐबे तक नी ऐऊन रली।
आपलो बारे ने ईशु चो गोठ
21हुन फेर हुनमन ले बल्लो, “मय जायें सें, आउर तुमी मोके डगराहा से आउर आपलो पाप ने मरा से; जाहां मय जायें सें, हुन थाने तुमी नी ऐऊक सकास।” 22ऐ थाने यहूदीमन बल्ला, “काय हुन आपन खुद के मारून देयें दें, जोन बोलु आय, ‘जाहां मय जायें सें हुन थाने तुमी नी ऐऊक सकास’?” 23हुन हुनमन ले बल्लो, “तुमी खाले चो आहास, मय उपर चो आंय; तुमी संवसार चो आहास, मय संवसार चो नुआय। 24ऐईकाजे मय तुमचो ले बल्ले कि तुमी आपलो पापमन ने मरा से, कसनबल्लोने अगर तुमी बिश्वास नी करा से कि मय हुनी आंय तेबे आपलो पापमन ने मरा से।” 25हुनमन हुनचो ले बल्ला, “तुय कोन आस?” ईशु हुनमन ले बल्लो, “हुनी आय जोन मुर ले तुमचो ले बोलते ईले से। 26तुमचो बारे ने मोके खुबे काई बोलतोर आउर फयसला करतोर आसे; मान्तर मोचो पटाऊ बिता सते आय, आउर जोन मय हुनचो ले सुनले से हुनी जगत ले बलें सें।” 27हुनमन ऐ नी समजोत कि आमचो ले बुआ चो बारे ने बले से। 28तेबे ईशु बल्लो, “जिदलदाय तुमी माने चो बेटा के डेंग थाने चेगाहा से, तेबे जाना से कि मय हुनी आंय; मय आपन खुद ले काई नी करे मान्तर जसन मोचो बुआ मोके सिका लो असने ची ऐ गोठमन बलें सें। 29मोचो पटाऊ बिता मोचो संगे आसे; हुन मोके ऐकला नी छांडलो कसनबल्लोने मय सबुदाय हुनी कामकरू आंय जेचो ले हुन हरिक होऊ आय।” 30हुन ऐ गोठमन बोलते ची रये कि खुबेमन हुनचो उपरे बिश्वास करला।
सत तुमके छुट छंड़ा ये दे
31तेबे ईशु हुन यहूदीमन ले जोनमन हुनचो उपरे बिश्वास करू रला, बल्लो, “अगर तुमी मोचो बचन ने बनुन राहा से, तेबे सते मोचो चेलामन ठेबा से। 32तुमी सत के जाना से, आउर सत तुमके छुटछाड़ा करेदे।” 33हुनमन हुनके जबाप दिला, “आमी तो अब्राहाम चो बंश ले आंव, आउर केबीई काचीई दास नी होलु। फेर तुय कसन बोले सीस कि तुमी छुटछाड़ा होऊन जाहा से?” 34ईशु हुनमन के जबाप दिलो, “मय तुमचो ले सत-सत बलें सें कि जोन कोनी पाप करू आय हुन पाप चो दास आय। 35दास हरमेशा घरे नी रये; बेटा हरमेशा रऊ आय। 36ऐईकाजे अगर बेटा तुमके छुटछाड़ा करेदे, तेबे सते तुमी छुटछाड़ा होऊन जाहा से। 37मय जाने से कि तुमी अब्राहाम चो बंश ले आहास; तेबले बले मोचो बचन तुमचो मन ने जगा नी पाए, ऐईकाजे तुमी मोके मारून देतोर चाहाय साहास। 38मय हुनी बलें सें, जोन आपलो बुआ चो थाने दकले से; आउर तुमी हुनी करते रऊ आहास जोन तुमी आपलो बुआ ले सुनलासास।” 39हुनमन हुनके जबाप दिला, “आमचो बुआ तो अब्राहाम आय।” ईशु हुनमन ले बल्लो, “अगर तुमी अब्राहाम चो पिला होतास, तो अब्राहाम चो असन काम करतास। 40मान्तर अदायं तुमी मोचो असन माने के मारून देऊक चाहाय साहास, जोन तुमके हुन सते बचन सांगलो जोन माहापुरू ले सुनलो; असन तो अब्राहाम नी करून रलो। 41तुमी आपलो बुआ चो असन काम करू आहास।” हुनमन हुनचो ले बल्ला, “आमी बेबीचार ले नी जनमलु, आमचो गोटक बुआ आसे बल्लोने माहापुरू।” 42ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो। 43तुमी मोचो गोठ केंव नी समजास? ऐईकाजे कि तुमी मोचो बचन सुनुक नी सकास। 44तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय। 45मान्तर मय जोन सत बोलु आय, ऐईकाजे तुमी मोचो बिश्वास नी करास। 46तुमीमन थानले कोन मोके पापी ठेबाऊ आय? अगर मय सते बलें सें, तो तुमी मोचो बिश्वास केंव नी करास? 47जोन माहापुरू ले होऊ आय, हुन माहापुरू चो गोठमन सुनु आय; आउर तुमी ऐईकाजे नी सुनास कि माहापुरू चो बाटले नुआहास।”
ईशु आउर अब्राहाम
48ऐ सुनुन भाती यहूदीमन हुनचो ले बल्ला, “काय आमी नुकु नी बोलु से कि तुय सामरी आस, आउर तुचो थाने दुष्टआत्मा आसे?” 49ईशु जबाप दिलो, “मोचो थाने दुष्टआत्मा निआय; मान्तर मय आपलो बुआ चो मान करू आय, आउर तुमी मोचो बेईजित करू आहास। 50मान्तर मय आपलो बड़ाई नी चाहायें; हव, गोटक आसे जोन चाहाऊ आय आउर नियाय करू आय। 51मय तुमचो ले सत-सत बलेंसें कि अगर कोनी माने मोचो बचन थाने चलेदे, तेबे हुन केबीई मरना के नी दकेदे।” 52यहूदीमन हुनचो ले बल्ला, “अदायं आमी जानलु से कि तुचो थाने दुष्टआत्मा आसे। अब्राहाम मरून गेलो, आउर अगम गिआनी बले मरून गेलो से; आउर तुय बोल सीस, ‘अगर कोनी मोचो बचन थाने चले दे तो हुन केबीई मरना चो सुआद नी चाके दे।’ 53आमचो बुआ अब्राहाम तो मरून गेलो। काय तुय हुनचो ले बड़े आस? आउर अगम गिआनी बले मरून गेला। तुय आपन खुद के काय ठेबाय सीस?” 54ईशु जबाप दिलो, “अगर मय खुद आपलो महिमा करें दें, तो मोचो महिमा काई नुआय; मान्तर मोचो महिमा करतो बिता मोचो बुआ आय, जोन के तुमी बोलु आहास कि हुन तुमचो माहापुरू आय। 55तुमी तो हुनके नी जानलास: मान्तर मय हुनके जाने; अगर मय बलें दें कि मय हुनके नी जाने, तेबे मय तुमचो असन फंदी ठेबेंदे: मान्तर मय हुनके जाने, आउर हुनचो बचन थाने चलु आंय। 56तुमचो बुआ अब्राहाम मोचो दिन दकतो चो आशा ले खुबे मगन रये; आउर हुन दकलो आउर हरिक होलो।” 57यहूदीमन हुनचो ले बल्ला, “ऐबे तक तुय पचास बरक चो निआस, फेर बले तुय अब्राहाम के दकली सीस?” 58ईशु हुनमन ले बल्लो, “मय तुमचो ले सत-सत बलेंसें, कि पयले ऐचो ले कि अब्राहाम उपजास होलो, मय आंय।” 59तेबे हुनमन हुनके मारतो काजे पकना उठाला, मान्तर ईशु लुकुन भाती मंदिर ले निकरून गेलो।
Currently Selected:
यूहन्ना 8: HLBNT
Highlight
Share
Copy
Want to have your highlights saved across all your devices? Sign up or sign in
Halbi Bible by The Love Fellowship is licensed under Creative Commons Attribution-ShareAlike 4.0 License.
यूहन्ना 8
8
बेबीचारीनी के छमा
1मान्तर ईशु जैतून चो डोंगरी थाने गेलो। 2बिहाने हुन फेर मंदिर ने ईलो; सपाय लोग हुनचो लगे ईला आउर हुन बसुन भाती हुनमन के उपदेश देऊक मुरयालो। 3तेबे शास्तरी आउर फरीसी गोटक बायले लेकी के आनला जोन बेबीचार ने धरा जाऊ रली, आउर हुनके मंजी ने उबा करून भाती ईशु ले बल्ला, 4“हे गुरू, ये बायले लेकी बेबीचार करते धरा गेली से। 5नियम ने मूसा आमके हुकुम दिलो से कि असन बायले लेकी उपरे पखना मारा। आउर तुय ऐ बायले लेकी चो बारे ने काय बलसीस?” 6हुनमन हुनके परकतो काजे ऐ गोठ बल्ला बल्ले हुनचो उपरे दोष लगातो काजे कोनी गोठ पाओत। मान्तर ईशु लोऊन भाती अंडकी ले भूईं थाने लिकुक मुरयालो। 7जिदलदाय हुनमन हुनचो ले पचारते ची रला, तेबे हुन सीदा होऊन भाती हुनमन ले बल्लो, “तुमनमन ने जोन पाप नी करलोर होओ, हुनी पयले हुनके पकना मारो।” 8आउर फेर लोऊन भाती भूईं थाने अंडकी ले लिकुक मुरयालो। 9मान्तर हुनमन ऐ सुनुन भाती बड़े ले धरून भाती नानी तक, गोटक-गोटक करून निकरून गेला, आउर ईशु एकला रऊन गेलो, आउर बायले लेकी हुताय मंजी ने उबा रऊन गेली। 10ईशु सीदा होऊन भाती हुनचो ले बल्लो, “हे नारी, हुनमन काहां गेला? काय कोनी तुचो उपरे डण्ड चो हुकुम नी दिला?” 11हुन बल्ली, “हे परबु, कोनी ची नाई।” ईशु बल्लो, “मय बले तुचो उपरे डण्ड चो हुकुम नी देये; जा, आउर फेर पाप नी कर।”
ईशु जगत चो उजर
12ईशु फेर लोगमन ले बल्लो, “जगत चो उजर मय आंय; जोन मोचो पाटे होये दे हुन अंधार ने नी चले दे मान्तर जीवना चो उजर पाये दे।” 13फरीसीमन हुनचो ले बल्ला, “तुय आपलो गोहई खुद देऊ आस, तुचो गोहई नगत नुआय।” 14ईशु हुनमन के जबाप दिलो, “अच्छा मय ची आपलो गोहई खुद देऊ आय, फेर बले मोचो गोहई नगत आय, कसनबल्लोने मय जाने से कि मय काहां ले ईले से आउर काहां जाऊ आंय? मान्तर तुमी नी जानास कि मय काहां ले ऐयें सें नाहले काहां जाऊ आंय। 15तुमी देंह चो अनुसार नियाय करू आहास; मय काचीई नियाय नी करे। 16आउर अगर मय नियाय करें दें बले, तो मोचो नियाय सत आय; कसनबल्लोने मय ऐकला नाई, मान्तर मय आंय, आउर बुआ आय जोन मोके पठालो। 17तुमचो नियम ने बले लिकलोर आसे कि दुई झान चो गोहई मिलुन भाती ठीक होऊ आय; 18गोटक तो मय खुद आपलो गोहई देऊ आंय, आउर दुसर बुआ मोचो गोहई देऊ आय जोन मोके पठालो।” 19हुनमन हुनचो ले बल्ला, “तुचो बुआ काहां आसे?” ईशु जबाप दिलो, “ना तुमी मोके जानास, ना मोचो बुआ के, अगर मोके जानतास तो मोचो बुआ के बले जानतास।” 20ऐ गोठमन हुन मंदिर ने उपदेश देते-देते भण्डार घर ने बल्लो, आउर कोनी हुनके नी धरला, कसनबल्लोने हुनचो समया ऐबे तक नी ऐऊन रली।
आपलो बारे ने ईशु चो गोठ
21हुन फेर हुनमन ले बल्लो, “मय जायें सें, आउर तुमी मोके डगराहा से आउर आपलो पाप ने मरा से; जाहां मय जायें सें, हुन थाने तुमी नी ऐऊक सकास।” 22ऐ थाने यहूदीमन बल्ला, “काय हुन आपन खुद के मारून देयें दें, जोन बोलु आय, ‘जाहां मय जायें सें हुन थाने तुमी नी ऐऊक सकास’?” 23हुन हुनमन ले बल्लो, “तुमी खाले चो आहास, मय उपर चो आंय; तुमी संवसार चो आहास, मय संवसार चो नुआय। 24ऐईकाजे मय तुमचो ले बल्ले कि तुमी आपलो पापमन ने मरा से, कसनबल्लोने अगर तुमी बिश्वास नी करा से कि मय हुनी आंय तेबे आपलो पापमन ने मरा से।” 25हुनमन हुनचो ले बल्ला, “तुय कोन आस?” ईशु हुनमन ले बल्लो, “हुनी आय जोन मुर ले तुमचो ले बोलते ईले से। 26तुमचो बारे ने मोके खुबे काई बोलतोर आउर फयसला करतोर आसे; मान्तर मोचो पटाऊ बिता सते आय, आउर जोन मय हुनचो ले सुनले से हुनी जगत ले बलें सें।” 27हुनमन ऐ नी समजोत कि आमचो ले बुआ चो बारे ने बले से। 28तेबे ईशु बल्लो, “जिदलदाय तुमी माने चो बेटा के डेंग थाने चेगाहा से, तेबे जाना से कि मय हुनी आंय; मय आपन खुद ले काई नी करे मान्तर जसन मोचो बुआ मोके सिका लो असने ची ऐ गोठमन बलें सें। 29मोचो पटाऊ बिता मोचो संगे आसे; हुन मोके ऐकला नी छांडलो कसनबल्लोने मय सबुदाय हुनी कामकरू आंय जेचो ले हुन हरिक होऊ आय।” 30हुन ऐ गोठमन बोलते ची रये कि खुबेमन हुनचो उपरे बिश्वास करला।
सत तुमके छुट छंड़ा ये दे
31तेबे ईशु हुन यहूदीमन ले जोनमन हुनचो उपरे बिश्वास करू रला, बल्लो, “अगर तुमी मोचो बचन ने बनुन राहा से, तेबे सते मोचो चेलामन ठेबा से। 32तुमी सत के जाना से, आउर सत तुमके छुटछाड़ा करेदे।” 33हुनमन हुनके जबाप दिला, “आमी तो अब्राहाम चो बंश ले आंव, आउर केबीई काचीई दास नी होलु। फेर तुय कसन बोले सीस कि तुमी छुटछाड़ा होऊन जाहा से?” 34ईशु हुनमन के जबाप दिलो, “मय तुमचो ले सत-सत बलें सें कि जोन कोनी पाप करू आय हुन पाप चो दास आय। 35दास हरमेशा घरे नी रये; बेटा हरमेशा रऊ आय। 36ऐईकाजे अगर बेटा तुमके छुटछाड़ा करेदे, तेबे सते तुमी छुटछाड़ा होऊन जाहा से। 37मय जाने से कि तुमी अब्राहाम चो बंश ले आहास; तेबले बले मोचो बचन तुमचो मन ने जगा नी पाए, ऐईकाजे तुमी मोके मारून देतोर चाहाय साहास। 38मय हुनी बलें सें, जोन आपलो बुआ चो थाने दकले से; आउर तुमी हुनी करते रऊ आहास जोन तुमी आपलो बुआ ले सुनलासास।” 39हुनमन हुनके जबाप दिला, “आमचो बुआ तो अब्राहाम आय।” ईशु हुनमन ले बल्लो, “अगर तुमी अब्राहाम चो पिला होतास, तो अब्राहाम चो असन काम करतास। 40मान्तर अदायं तुमी मोचो असन माने के मारून देऊक चाहाय साहास, जोन तुमके हुन सते बचन सांगलो जोन माहापुरू ले सुनलो; असन तो अब्राहाम नी करून रलो। 41तुमी आपलो बुआ चो असन काम करू आहास।” हुनमन हुनचो ले बल्ला, “आमी बेबीचार ले नी जनमलु, आमचो गोटक बुआ आसे बल्लोने माहापुरू।” 42ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो। 43तुमी मोचो गोठ केंव नी समजास? ऐईकाजे कि तुमी मोचो बचन सुनुक नी सकास। 44तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय। 45मान्तर मय जोन सत बोलु आय, ऐईकाजे तुमी मोचो बिश्वास नी करास। 46तुमीमन थानले कोन मोके पापी ठेबाऊ आय? अगर मय सते बलें सें, तो तुमी मोचो बिश्वास केंव नी करास? 47जोन माहापुरू ले होऊ आय, हुन माहापुरू चो गोठमन सुनु आय; आउर तुमी ऐईकाजे नी सुनास कि माहापुरू चो बाटले नुआहास।”
ईशु आउर अब्राहाम
48ऐ सुनुन भाती यहूदीमन हुनचो ले बल्ला, “काय आमी नुकु नी बोलु से कि तुय सामरी आस, आउर तुचो थाने दुष्टआत्मा आसे?” 49ईशु जबाप दिलो, “मोचो थाने दुष्टआत्मा निआय; मान्तर मय आपलो बुआ चो मान करू आय, आउर तुमी मोचो बेईजित करू आहास। 50मान्तर मय आपलो बड़ाई नी चाहायें; हव, गोटक आसे जोन चाहाऊ आय आउर नियाय करू आय। 51मय तुमचो ले सत-सत बलेंसें कि अगर कोनी माने मोचो बचन थाने चलेदे, तेबे हुन केबीई मरना के नी दकेदे।” 52यहूदीमन हुनचो ले बल्ला, “अदायं आमी जानलु से कि तुचो थाने दुष्टआत्मा आसे। अब्राहाम मरून गेलो, आउर अगम गिआनी बले मरून गेलो से; आउर तुय बोल सीस, ‘अगर कोनी मोचो बचन थाने चले दे तो हुन केबीई मरना चो सुआद नी चाके दे।’ 53आमचो बुआ अब्राहाम तो मरून गेलो। काय तुय हुनचो ले बड़े आस? आउर अगम गिआनी बले मरून गेला। तुय आपन खुद के काय ठेबाय सीस?” 54ईशु जबाप दिलो, “अगर मय खुद आपलो महिमा करें दें, तो मोचो महिमा काई नुआय; मान्तर मोचो महिमा करतो बिता मोचो बुआ आय, जोन के तुमी बोलु आहास कि हुन तुमचो माहापुरू आय। 55तुमी तो हुनके नी जानलास: मान्तर मय हुनके जाने; अगर मय बलें दें कि मय हुनके नी जाने, तेबे मय तुमचो असन फंदी ठेबेंदे: मान्तर मय हुनके जाने, आउर हुनचो बचन थाने चलु आंय। 56तुमचो बुआ अब्राहाम मोचो दिन दकतो चो आशा ले खुबे मगन रये; आउर हुन दकलो आउर हरिक होलो।” 57यहूदीमन हुनचो ले बल्ला, “ऐबे तक तुय पचास बरक चो निआस, फेर बले तुय अब्राहाम के दकली सीस?” 58ईशु हुनमन ले बल्लो, “मय तुमचो ले सत-सत बलेंसें, कि पयले ऐचो ले कि अब्राहाम उपजास होलो, मय आंय।” 59तेबे हुनमन हुनके मारतो काजे पकना उठाला, मान्तर ईशु लुकुन भाती मंदिर ले निकरून गेलो।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Halbi Bible by The Love Fellowship is licensed under Creative Commons Attribution-ShareAlike 4.0 License.