M. Mattayo 2
2
1APO pechivyalikwa Yesu pa Betelehemu wa Yudaya pa nsiku zya Herode mfumu, ŵonani, anzeru a ku matulilo a zuŵa echiza ku Yerusalemi 2echiti, Ali kuni uyo evyalikwa Mfumu ya Ayuda? pakuti tiŵona ntandara yake ku matulilo, ni patazomlambila. 3Nipo Herode mfumu akamvwe teti ekwima mtima, na wonse Yerusalemi pamo naye. 4Naye akalonganike akuru a ansembe ŵonse na alembi a ŵantu eŵakonsinsha kuti, Kristo uyo avyalikwile kuni? 5Naŵo emnenera, MBetelehemu wa Yudaya: chikomo kwilembewa teti na uyo muŵirizi,
6We Betelehemu, charo cha Yuda,
Suli mtonto ngako yai mwa ambiri a ku Yuda:
Pakuti muli weo ni mwiti ifumile nkanko,
Yamene iti ize iŵetere mlongo wangu Israeli.
7Pamene apo Herode eŵaita kunsei aŵo anzeru, eŵakonsinsha wino nsita yake iiŵonekeramo iyo ntandara. 8Eŵatuma ku Betelehemu echiti, Nkoyani mkasakesake paweme zya aka kamwana; nipo pamene mkakafwanga muniwezizye malizu kuti nize nane kuzokalambila. 9Naŵo akamvwe mfumu echiya; nipo, ŵonani, iyo ntandara yechiŵona ku matulilo iŵatangulila mpaka peichizopanama pamulu pekenze kamwana. 10Ŵeve akaiŵone ntandara esangalala na chimwemwe chikuru ngako. 11Naŵo eloŵa mng'anda ekaŵona kamwana na Mariya anyina, evunama nokalambila; naŵo akamangulule mpango zyaŵo ekatulila mitulo, nivyo goldi na vyonunkila na muro. 12Nipo apo pechisokewa na Mlungu polota asawerera kwa Herode eima kuya ku charo chaŵo njira imbi.
13Lomba akafumeko ŵeve, ŵonani, malaika wa Asikuru emuŵonekera Yosefe pa maloto echiti, Uka uule kamwana na anyina uutukire ku Egupto, ukankale kwamene uko mpaka penti nze nkuuzye: chikomo Herode azakasakesake kamwana kukacheneka. 14Naye euka ekaula kamwana na anyina usiku, eima kuya ku Egupto; 15naye enze kwamene mpaka pechifwa Herode; kuti lisilizike ilo linenewa na Asikuru mwa muŵirizi lakuti, Kufuma ku Egupto nimuita mwana wangu. 16Pamene apo Herode poŵona kuti empusika ŵala anzeru echipya mtima ngako, etuma kuyoŵapaya ŵana analume ŵonse a mBetelehemu, na pa mitala yake yonse, kuyambila a msinku wa vyaka viŵiri na tutonto kumo, mwa nsita iyo yechikonsinsha wino kwa anzeru ŵala. 17Pamene apo lisilizika lamene linenewa na Yeremiya muŵirizi lakuti,
18Zungo limvwika mu Rama,
Malilo nondandaula kukuru,
Rahele kwalilila ŵana ŵake;
Ekanomyalalikiwa, pakuti ŵeve palive.
19Lomba akafwe Herode, ŵonani, malaika wa Asikuru emuŵonekera Yosefe polota ku Egupto 20echiti, Uka ukaule kamwana na anyina, uye ku charo cha Israeli: chifukwa ŵechifwa aŵo ŵenzosaka moyo wa kamwana. 21Naye euka eula kamwana na anyina, echiza mcharo cha Israeli. 22Sembe yeve pechimvwa kuti Arkelayo ni mfumu ya Yudaya pa malo pa awisi Herode eyopoyako kulakwa; nipo akasokewe na Mlungu pa maloto eima kuya ku chitwa cha Galilaya, 23echizonkala ku munzi zina lake Nazarete: kuti lisilizike ilo linenewa na aŵirizi, lakuti azateyewe Mnazarayo.
Currently Selected:
M. Mattayo 2: MA23
Highlight
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
M. Mattayo 2
2
1APO pechivyalikwa Yesu pa Betelehemu wa Yudaya pa nsiku zya Herode mfumu, ŵonani, anzeru a ku matulilo a zuŵa echiza ku Yerusalemi 2echiti, Ali kuni uyo evyalikwa Mfumu ya Ayuda? pakuti tiŵona ntandara yake ku matulilo, ni patazomlambila. 3Nipo Herode mfumu akamvwe teti ekwima mtima, na wonse Yerusalemi pamo naye. 4Naye akalonganike akuru a ansembe ŵonse na alembi a ŵantu eŵakonsinsha kuti, Kristo uyo avyalikwile kuni? 5Naŵo emnenera, MBetelehemu wa Yudaya: chikomo kwilembewa teti na uyo muŵirizi,
6We Betelehemu, charo cha Yuda,
Suli mtonto ngako yai mwa ambiri a ku Yuda:
Pakuti muli weo ni mwiti ifumile nkanko,
Yamene iti ize iŵetere mlongo wangu Israeli.
7Pamene apo Herode eŵaita kunsei aŵo anzeru, eŵakonsinsha wino nsita yake iiŵonekeramo iyo ntandara. 8Eŵatuma ku Betelehemu echiti, Nkoyani mkasakesake paweme zya aka kamwana; nipo pamene mkakafwanga muniwezizye malizu kuti nize nane kuzokalambila. 9Naŵo akamvwe mfumu echiya; nipo, ŵonani, iyo ntandara yechiŵona ku matulilo iŵatangulila mpaka peichizopanama pamulu pekenze kamwana. 10Ŵeve akaiŵone ntandara esangalala na chimwemwe chikuru ngako. 11Naŵo eloŵa mng'anda ekaŵona kamwana na Mariya anyina, evunama nokalambila; naŵo akamangulule mpango zyaŵo ekatulila mitulo, nivyo goldi na vyonunkila na muro. 12Nipo apo pechisokewa na Mlungu polota asawerera kwa Herode eima kuya ku charo chaŵo njira imbi.
13Lomba akafumeko ŵeve, ŵonani, malaika wa Asikuru emuŵonekera Yosefe pa maloto echiti, Uka uule kamwana na anyina uutukire ku Egupto, ukankale kwamene uko mpaka penti nze nkuuzye: chikomo Herode azakasakesake kamwana kukacheneka. 14Naye euka ekaula kamwana na anyina usiku, eima kuya ku Egupto; 15naye enze kwamene mpaka pechifwa Herode; kuti lisilizike ilo linenewa na Asikuru mwa muŵirizi lakuti, Kufuma ku Egupto nimuita mwana wangu. 16Pamene apo Herode poŵona kuti empusika ŵala anzeru echipya mtima ngako, etuma kuyoŵapaya ŵana analume ŵonse a mBetelehemu, na pa mitala yake yonse, kuyambila a msinku wa vyaka viŵiri na tutonto kumo, mwa nsita iyo yechikonsinsha wino kwa anzeru ŵala. 17Pamene apo lisilizika lamene linenewa na Yeremiya muŵirizi lakuti,
18Zungo limvwika mu Rama,
Malilo nondandaula kukuru,
Rahele kwalilila ŵana ŵake;
Ekanomyalalikiwa, pakuti ŵeve palive.
19Lomba akafwe Herode, ŵonani, malaika wa Asikuru emuŵonekera Yosefe polota ku Egupto 20echiti, Uka ukaule kamwana na anyina, uye ku charo cha Israeli: chifukwa ŵechifwa aŵo ŵenzosaka moyo wa kamwana. 21Naye euka eula kamwana na anyina, echiza mcharo cha Israeli. 22Sembe yeve pechimvwa kuti Arkelayo ni mfumu ya Yudaya pa malo pa awisi Herode eyopoyako kulakwa; nipo akasokewe na Mlungu pa maloto eima kuya ku chitwa cha Galilaya, 23echizonkala ku munzi zina lake Nazarete: kuti lisilizike ilo linenewa na aŵirizi, lakuti azateyewe Mnazarayo.
Currently Selected:
:
Highlight
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.