Madeo 15
15
Mlandu ghwa ikanisa Jerusalemu
1Nao wandu wamoju wekeja Antiokia kufuma Judea na wakadyowa kuwafundisa wana wakwetu wekeghora, “Simudimagha kukila kungi ikakala simochwilo kuirimana na Sheria ya Musa.” 2Paulo na Baranaba wakawadeila nganyi na wakalegha kusikilana nawo, kwa hung'u ikaoneka ni kirani Paulo na Baranaba na wazima wa Antiokia waghende Jerusalemu kuonana na watumo na waghosi ighulu ya ilagho ilyi.
3Nao wakatumo ni ikanisa, wakaghenda wekeitila Foinike na Samaria, wekewaghorera wandu selyi wandu wa mbari nzima wamghalukile Mlungu; nawo wana wakwetu wose wakaboelo na ndighi. 4Nao wafika Jerusalemu, wakahokero ni ikanisa, watumo na waghosi, wakawaghorera ghore zose Mlungu adeile kuitila kwawe. 5Ela wamoju wa awa wedumuse wa kigojo cha Wafarisayo wakauka wakaghora, “Ni suti wachwigho na kuuzo wairime sheria ya Musa.”
6Nao watumo na waghosi wakakoghanika andu kumojori kuririkanya ilagho ilyi. 7Nyuma ya maheleo malele, Petro kakala kimusi kawauza, “Wana wakwetu, Inyo mwamanya kamba ngelo ziitile Mlungu onisaghule imi ghati yenyu eri nichile Ilagho Lyaloli kwa mbari nzima, wapate kusikila na kudumusa. 8Naye Mlungu aweni ngolo za wadamu, kawadumusila wandu wa mbari nzima kwa kuwahawa Roho wa Kuela selyi kwenyi atihawile. 9Hata sasaghule ghati yetu nawo, ela kawaelesa ngolo zawe kwa kukala wanadumuse. 10Ndamu kudani mwashaya kumutima Mlungu kwa kushaya kuwatukisa misigo awa wadumusa, ikakala isi wenyi na wana ake sitedimile kutuka? 11Siko kungi hung'u, ela tadumusa kamba isi ngila mojori nawo takizo ni mbazi ya Bwana Jesu.”
12Nao ikoghano lyose lyikanyamala, na kumusikizila Baranaba na Paulo wekewaghorera gha mashiniko na wana mwakilimbita Mlungu adeile ghati ya mbari nzima kwa mikonu yawe. 13Nawo wamalila kughora, Jakobo katumbulila, “Wana wakwetu nisikizileni! 14Simoni wamalila kutighorera selyi Mlungu awonyeze mashayo ghake kwa wandu wa mbari nzima ko hambiri, kwa kusaghula wandu wamoju wakale wake. 15Agha ghaghoriro ni wana tondolo gheo karakara na ilagho ilyi, selyi Mawandiko gha Kuela gheghora.
16‘Nyuma ya agha nijewuya,
nemi nijeiwaghala nyumba ya Daudi igwile
Nijeboesa izo zifuchuke
na kuziwaghala sena.
17Na aho wandu wazima wose wejemuhada Bwana,
Na wandu wa mbari nzima zose niwapang'ile wejekala wangu.
18Hung'u niko aghora Bwana uyu amanyise agha ko kale.’”
19Jakobo kajuzila kughora, “Selyi imi nionagha, sitawasirimise wandu wa mbari nzima awa wemughalukila Mlungu. 20Ela imi nionagha tiwawandikile barua yewauza siwalye vindu viluwe kwa kukala vanafunyilo sadaka kwa milungu; sena wakulinde na kuzinga; na siwalye nyama ya nyamandu inyoriro, na siwalye bighati. 21Kwani sheria za Musa zashomo ngelo nyingi kele sinagogi kila ijua lya Sabato, na malagho ghake ghachilo kila muzi.”
Barua kwa wandu wa mbari nzima awa wadumuse
22Nao watumo na waghosi, ngila mojori na ikanisa lyose wakadumusilana kusaghula wandu kele ikoghano lyawe na wawatume hata Antiokia ngila mojori na Paulo na Baranaba. Wakawasaghula Juda aitogho Baranaba na Silasi, wandu waili weluo wekehawo ishima ni wana wakwetu, 23Wakawatuma na barua iyi:
“Isi watumo na waghosi, wana wakwenyu, tatuma maroghowi kwa wana wakwetu wose wa kivali cha mbari nzima wakalagha Antiokia, Siria na Kilikia. 24Tasikila kamba wandu wamoju wafumile kwetu wanajile wakamusirimisa na kumuhakila ngolo zenyu kwa agha wamughorere. Nesi sitewatumile wadee hung'o kungi. 25Kwa hung'u, takoghana, tikadumusilana kusaghula na kutuma wanguchi kwenyu. Nawo wejanyagha na washayo wetu wana Baranaba na Paulo 26wafunyile umana ghwawe kwa undu ghwa utumishi ghwa Bwana wetu Jesu Kristo. 27Kwa hung'u tawatuma Juda na Silasi awa wejemghorera wenyi malagho agha tawandika. 28Roho wa Kuela nesi tadumusilana sitamtukise musigo ghungi sala sheria izi za suti. 29Simwalye vindu vifunyilo sadaka kwa milungu, simwalye bighati, simwalye nyama ya nyamandu inyoriro; na kukulinda inyo wenyi na uzingi. Mjedea kirani ilyi mwakulinda na malagho agha. Kaleni banana.”
30Nao wanguchi wakalago, wakaghenda Antiokia, nawo wakakoghanya wose wedumuse andu kumojori na kuwahawa ilya barua. 31Nawo wandu waghenda waishoma ilya barua, wakaboelo ni uvoro ghowakumba ngolo. 32Juda na Silasi wo wenyi weluo ni wana tondolo, wakahelea luma na wana wakwetu, wekewakumba ngolo na kuwahawa ndighi. 33Nao nyuma yekalanya nawo luma, wakalago ni wana wakwetu kwa sere, wakawuya kwa walye wandu wewatumile. [ 34Ela Silasi kaona akale anyalye.]
35Paulo na Baranaba wakakala Antiokia kwa ngelo, wekefundisa na kuchila ilagho lya Bwana ngila mojori na wazima wengi.
Paulo na Baranaba kutaghana
36Nao ko nyuma Paulo kamuza Baranaba, “Sitiwuye kwa wana wakwetu wa kila muzi tichilile ilagho lya Bwana tiwaone selyi weo.” 37Baranaba oshaile waghendanye na Johana Marko. 38Ela Paulo seonile ni kirani waghendanye naye, kwa kukala sakalanye nawo hata kuduweni kwa charo chechila, ela wanauyile kawasigha Pamfulia. 39Kwa hung'u, wakakala na nganyi nyingi hata wakasarana. Baranaba kawatana na Marko wakaghenda Kupro kwa bahari. 40Naye Paulo kamsaghula Silasi waghendanye; nawo waghenda walombelo ni wana wakwetu na kuiko kele ulindiri ghwa mbazi ya Bwana, wakaghenda. 41Naye kaghendela keitila Siria na Kilikia keghamangisa makanisa gha alye.
Currently Selected:
Madeo 15: SAGALLANT
Highlight
Share
Copy
Want to have your highlights saved across all your devices? Sign up or sign in
(C) The Bible Society of Kenya, 1993
Madeo 15
15
Mlandu ghwa ikanisa Jerusalemu
1Nao wandu wamoju wekeja Antiokia kufuma Judea na wakadyowa kuwafundisa wana wakwetu wekeghora, “Simudimagha kukila kungi ikakala simochwilo kuirimana na Sheria ya Musa.” 2Paulo na Baranaba wakawadeila nganyi na wakalegha kusikilana nawo, kwa hung'u ikaoneka ni kirani Paulo na Baranaba na wazima wa Antiokia waghende Jerusalemu kuonana na watumo na waghosi ighulu ya ilagho ilyi.
3Nao wakatumo ni ikanisa, wakaghenda wekeitila Foinike na Samaria, wekewaghorera wandu selyi wandu wa mbari nzima wamghalukile Mlungu; nawo wana wakwetu wose wakaboelo na ndighi. 4Nao wafika Jerusalemu, wakahokero ni ikanisa, watumo na waghosi, wakawaghorera ghore zose Mlungu adeile kuitila kwawe. 5Ela wamoju wa awa wedumuse wa kigojo cha Wafarisayo wakauka wakaghora, “Ni suti wachwigho na kuuzo wairime sheria ya Musa.”
6Nao watumo na waghosi wakakoghanika andu kumojori kuririkanya ilagho ilyi. 7Nyuma ya maheleo malele, Petro kakala kimusi kawauza, “Wana wakwetu, Inyo mwamanya kamba ngelo ziitile Mlungu onisaghule imi ghati yenyu eri nichile Ilagho Lyaloli kwa mbari nzima, wapate kusikila na kudumusa. 8Naye Mlungu aweni ngolo za wadamu, kawadumusila wandu wa mbari nzima kwa kuwahawa Roho wa Kuela selyi kwenyi atihawile. 9Hata sasaghule ghati yetu nawo, ela kawaelesa ngolo zawe kwa kukala wanadumuse. 10Ndamu kudani mwashaya kumutima Mlungu kwa kushaya kuwatukisa misigo awa wadumusa, ikakala isi wenyi na wana ake sitedimile kutuka? 11Siko kungi hung'u, ela tadumusa kamba isi ngila mojori nawo takizo ni mbazi ya Bwana Jesu.”
12Nao ikoghano lyose lyikanyamala, na kumusikizila Baranaba na Paulo wekewaghorera gha mashiniko na wana mwakilimbita Mlungu adeile ghati ya mbari nzima kwa mikonu yawe. 13Nawo wamalila kughora, Jakobo katumbulila, “Wana wakwetu nisikizileni! 14Simoni wamalila kutighorera selyi Mlungu awonyeze mashayo ghake kwa wandu wa mbari nzima ko hambiri, kwa kusaghula wandu wamoju wakale wake. 15Agha ghaghoriro ni wana tondolo gheo karakara na ilagho ilyi, selyi Mawandiko gha Kuela gheghora.
16‘Nyuma ya agha nijewuya,
nemi nijeiwaghala nyumba ya Daudi igwile
Nijeboesa izo zifuchuke
na kuziwaghala sena.
17Na aho wandu wazima wose wejemuhada Bwana,
Na wandu wa mbari nzima zose niwapang'ile wejekala wangu.
18Hung'u niko aghora Bwana uyu amanyise agha ko kale.’”
19Jakobo kajuzila kughora, “Selyi imi nionagha, sitawasirimise wandu wa mbari nzima awa wemughalukila Mlungu. 20Ela imi nionagha tiwawandikile barua yewauza siwalye vindu viluwe kwa kukala vanafunyilo sadaka kwa milungu; sena wakulinde na kuzinga; na siwalye nyama ya nyamandu inyoriro, na siwalye bighati. 21Kwani sheria za Musa zashomo ngelo nyingi kele sinagogi kila ijua lya Sabato, na malagho ghake ghachilo kila muzi.”
Barua kwa wandu wa mbari nzima awa wadumuse
22Nao watumo na waghosi, ngila mojori na ikanisa lyose wakadumusilana kusaghula wandu kele ikoghano lyawe na wawatume hata Antiokia ngila mojori na Paulo na Baranaba. Wakawasaghula Juda aitogho Baranaba na Silasi, wandu waili weluo wekehawo ishima ni wana wakwetu, 23Wakawatuma na barua iyi:
“Isi watumo na waghosi, wana wakwenyu, tatuma maroghowi kwa wana wakwetu wose wa kivali cha mbari nzima wakalagha Antiokia, Siria na Kilikia. 24Tasikila kamba wandu wamoju wafumile kwetu wanajile wakamusirimisa na kumuhakila ngolo zenyu kwa agha wamughorere. Nesi sitewatumile wadee hung'o kungi. 25Kwa hung'u, takoghana, tikadumusilana kusaghula na kutuma wanguchi kwenyu. Nawo wejanyagha na washayo wetu wana Baranaba na Paulo 26wafunyile umana ghwawe kwa undu ghwa utumishi ghwa Bwana wetu Jesu Kristo. 27Kwa hung'u tawatuma Juda na Silasi awa wejemghorera wenyi malagho agha tawandika. 28Roho wa Kuela nesi tadumusilana sitamtukise musigo ghungi sala sheria izi za suti. 29Simwalye vindu vifunyilo sadaka kwa milungu, simwalye bighati, simwalye nyama ya nyamandu inyoriro; na kukulinda inyo wenyi na uzingi. Mjedea kirani ilyi mwakulinda na malagho agha. Kaleni banana.”
30Nao wanguchi wakalago, wakaghenda Antiokia, nawo wakakoghanya wose wedumuse andu kumojori na kuwahawa ilya barua. 31Nawo wandu waghenda waishoma ilya barua, wakaboelo ni uvoro ghowakumba ngolo. 32Juda na Silasi wo wenyi weluo ni wana tondolo, wakahelea luma na wana wakwetu, wekewakumba ngolo na kuwahawa ndighi. 33Nao nyuma yekalanya nawo luma, wakalago ni wana wakwetu kwa sere, wakawuya kwa walye wandu wewatumile. [ 34Ela Silasi kaona akale anyalye.]
35Paulo na Baranaba wakakala Antiokia kwa ngelo, wekefundisa na kuchila ilagho lya Bwana ngila mojori na wazima wengi.
Paulo na Baranaba kutaghana
36Nao ko nyuma Paulo kamuza Baranaba, “Sitiwuye kwa wana wakwetu wa kila muzi tichilile ilagho lya Bwana tiwaone selyi weo.” 37Baranaba oshaile waghendanye na Johana Marko. 38Ela Paulo seonile ni kirani waghendanye naye, kwa kukala sakalanye nawo hata kuduweni kwa charo chechila, ela wanauyile kawasigha Pamfulia. 39Kwa hung'u, wakakala na nganyi nyingi hata wakasarana. Baranaba kawatana na Marko wakaghenda Kupro kwa bahari. 40Naye Paulo kamsaghula Silasi waghendanye; nawo waghenda walombelo ni wana wakwetu na kuiko kele ulindiri ghwa mbazi ya Bwana, wakaghenda. 41Naye kaghendela keitila Siria na Kilikia keghamangisa makanisa gha alye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(C) The Bible Society of Kenya, 1993