Madeo 2
2
Kuja kwa Roho wa Kuela
1Nao ifika ijua lya Pentekosto, awa wose wedumuse wekoghane andu kumojori. 2Nao shwa ng'ori, lukasikilika lwaka kufuma mlunguni; loluo sa mbeo mbwaa, lukaijuza nyumba yose wekalile kitembo. 3Nao wakaona nyumi sa nyumili za moto, zikasarikana na kumkalila kila mumoju wawe. 4Nawo wose wakajulo ni Roho wa kuela na kudyowa kughora kwa viteto vizima selyi Roho awadimise kughora.
5Nao koluo alye Jerusalemu Wayahudi, wandu wa dini, wejile kufuma kila isanga urumenguni. 6Nao waghenda wasikila ulo lwaka, wakakoghanyika wandu wengi, wakashinika kwa kukala kila mumoju wa walye wedumuse, weluo wekeghora kwa kiteto chake chenyi. 7Nawo kwa mashiniko mabwaa wakaghora, “Ado awa wandu wose weghoragha si Wagalilaya? 8Ndamu yakalaije isi isose kusikila wekeghora kwa kiteto cha kimunzawe. 9Waparthi, Wamedi na Waelami, wandu wafumile Mesopotamia, Judea na Kapadokia, Wafumile Ponto na Asia, 10Wafumile Frigia na Pamfulia, wafumile Misri na gasi ya Libya kavui na Kurene; wamoju ni wagheni kufuma Roma, 11Wayahudi na wandu waghaluke dini ya Wayahudi, na wamoju wafuma Krete na Arabia. Nesi isose tawasikila wekeghora kwa viteto vetu venyi, malagho mabwaa Mlungu adeile.” 12Na kwa kushinika wose wakakotelana, “Agha ni gheo?” 13Ela wamoju wakawaghora laghelaghe kwa kughamba, “Wandu awa wanarua!”
Machilo gha Petro
14Nao Petro kauka kimusi ngila mojori na walye watumo ikumi na moju; kaghora nawo na lwaka lubwaa, “Wana wakwetu Wayahudi, na inyose mkalagha Jerusalemu, sikizileni nimughorere kutambula kwake ichi nini. 15Simwaririkanye kamba awa wandu wendenarua, kwani indakwenyi ni saa ndatu za ikesho kiro. 16Kwani agha nigho ghaghoriro ni tondolo Joeli:
17‘Kele majua gha kudua, aghamba Bwana,
Nijetila Roho wangu kwa wandu wose.
Wana wenyu wa kialume na wa kiwake wejetondola, watawana wenyu wejeona maono.
Na waghosi wejelota maloteso.
18Nao watumishi wangu wa walume na wa wake
Nijewangiza Roho wangu majua ghalye, nawo wejetondola.
19Nemi nijeonyeza mashiniko uko ighulu mlunguni,
Na alama msangeni na isi;
Kujekala na Bighati na moto na mosi mubwaa.
20Ijua lyijeghaluka kiza,
na mwezi ghujekusuwa sa bighati,
Hambiri ya kuja lyilya Ijua Ibwaa lya Bwana.
21Na aho ijekala uwo wose elombagha kwa izina lya Bwana ujekizo.’
22“Ee Waisraeli, Nisikizileni! Jesu wa Nazareti oluo ni mundu musaghulilo ni Mlungu na ehawilo udimo kudea mwakilimbita na alama ghati yenyu, nenyo mwamanya agha, kwani ghanadeike ghati yenyu. 23Naye Mlungu kwa kushaya mwenyi, omanyile kamba Jesu ufunyogho kwenyu; na mwanamulaghe kwa kuwasigha wandu wa kaung'a wamwambe msalabeni na misumari. 24Ela Mlungu kamuzusa kufuma kwa wafwa, kamfungula kufuma usungu ghwa kifwa, kwani siyedimike afungo ni kifwa. 25Kwani Daudi waghora hung'u ighulu yake,
‘Nanamwonile Bwana hambiri yangu majua ghose;
Kwani uwo kele mkonu ghwangu ghwa kijo, eri sanyavurike.
26Kwa hung'u ngolo yangu ikabwelo;
na nikakwita lukalaghala kwa maboelo
na imi mundu wa muli munyonge nikalagha kele
ikosereo lyaloli.
27Kwani susighagha roho yangu urumengu ghwa kifwa;
Hata sumusighagha mtumishi wako avunde kungi.
28Uwe wanionyeza ngila ya umana, na kwa kukalanya newe
nijulogho ni maboelo.’
29“Wana wakwetu sigheni nimughorere mwazi mwazi ighulu ya Ake Daudi. Iye wanafwile, kaziko na mbira yake tio nayo hata lelo. 30Daudi oluo tondolo, kwani omanyile kamba Mlungu omughemelele kukala mumoju wa Kivali chake ukalagha mzuri kibalo chake. 31Daudi owonile selyi Mlungu ejedea na kwa hung'u kahelea ighulu ya kuzuka kwake Masihi keghamba,
‘Naye sasighilo kele urumengu ghwa kifwa
Muli ghwake sighuvundile.’
32Mlungu wanamzusile uyu Jesu kufuma kwa wafwa. Nesi isose nisi washahidi wa iyi fulo. 33Naye aghenda anulo hata mkonu ghwa kijo ghwa Mlungu na kupata kwake Roho wa Kuela selyi Tatie elaghize, katitilila inosi ilyi muonagha na kusikila. 34Kwani Daudi mwenyi, sajokile mlunguni, ela waghora,
‘Bwana wanamuzile Bwana wangu,
kala aha kele mkonu ghwangu ghwa kijo.
35Hata niwaike wamaiza wako wakale kifumbi, cheika maghulu ghako!’
36“Kwa hung'u Waisraeli wose wamanye fulo kamba uyu Jesu, mumuwambile, Mlungu wanamdeile kukala Bwana na Masihi!”
37Nao wandu waghenda wasikila hung'u, wakangilongilo ngoloni, wakamuza Petro na watumo wambawe, “Tidee ije wana wakwetu?” 38Petro kawauza, “Riheni na kila mumoju wenyu abatizo kwa izina lya Jesu Kristo eri mufwilo waya kaung'a zenyu na mpate inosi lya Mlungu lya Roho wa Kuela. 39Kwani ilagano lya Mlungu lyanadeilo kwa undu ghwenyu na kwa wana wenyu na kwa wose weo kulele, na wose Bwana Mlungu wetu ejewaita kwake.”
40Petro kawavoya kwa malagho mengi, kaghamba, “Kukizeni inyo wenyi na kutaghanyo kujilagha wandu awa wa laghelaghe.” 41Wengi wakadumusa malagho ghake na wakabatizo, na ijua lyilya wakajuzilika wandu elfu ndatu. 42Nawo wakatumia ngelo zawe kukufundisa kufuma kwa watumo, wekekala ngila mojori, wekevunja mkate na kulomba.
Selyi wandu wadumuse weluo wekekala
43Wana mwakilimbita na mashiniko ghakadeika kwa mikonu ya watumo, na kila mundu kangilo ni wogha. 44Wose wedumuse wakaendelea kukala na umojori, wakatumia mali na vindu vawe ngaro. 45Kwa hung'u wakatagha mali na vindu vawe, na pesa wakasara kuirimana na selyi kila mumoju efweni apate. 46Na kila ijua, weluo wekekughana ngila mojori Hekaluni; na kuvunja mkate nyumba kwawe, wekelya chakulya kwa kuboelo na kwa ngolo ya ishima. 47Wakamlika Mlungu, na wandu wose wakaboelanyo nawo. Na kila ijua Bwana kajuzila wandu awa weluo wekekila.
Currently Selected:
Madeo 2: SAGALLANT
Highlight
Share
Copy
Want to have your highlights saved across all your devices? Sign up or sign in
(C) The Bible Society of Kenya, 1993
Madeo 2
2
Kuja kwa Roho wa Kuela
1Nao ifika ijua lya Pentekosto, awa wose wedumuse wekoghane andu kumojori. 2Nao shwa ng'ori, lukasikilika lwaka kufuma mlunguni; loluo sa mbeo mbwaa, lukaijuza nyumba yose wekalile kitembo. 3Nao wakaona nyumi sa nyumili za moto, zikasarikana na kumkalila kila mumoju wawe. 4Nawo wose wakajulo ni Roho wa kuela na kudyowa kughora kwa viteto vizima selyi Roho awadimise kughora.
5Nao koluo alye Jerusalemu Wayahudi, wandu wa dini, wejile kufuma kila isanga urumenguni. 6Nao waghenda wasikila ulo lwaka, wakakoghanyika wandu wengi, wakashinika kwa kukala kila mumoju wa walye wedumuse, weluo wekeghora kwa kiteto chake chenyi. 7Nawo kwa mashiniko mabwaa wakaghora, “Ado awa wandu wose weghoragha si Wagalilaya? 8Ndamu yakalaije isi isose kusikila wekeghora kwa kiteto cha kimunzawe. 9Waparthi, Wamedi na Waelami, wandu wafumile Mesopotamia, Judea na Kapadokia, Wafumile Ponto na Asia, 10Wafumile Frigia na Pamfulia, wafumile Misri na gasi ya Libya kavui na Kurene; wamoju ni wagheni kufuma Roma, 11Wayahudi na wandu waghaluke dini ya Wayahudi, na wamoju wafuma Krete na Arabia. Nesi isose tawasikila wekeghora kwa viteto vetu venyi, malagho mabwaa Mlungu adeile.” 12Na kwa kushinika wose wakakotelana, “Agha ni gheo?” 13Ela wamoju wakawaghora laghelaghe kwa kughamba, “Wandu awa wanarua!”
Machilo gha Petro
14Nao Petro kauka kimusi ngila mojori na walye watumo ikumi na moju; kaghora nawo na lwaka lubwaa, “Wana wakwetu Wayahudi, na inyose mkalagha Jerusalemu, sikizileni nimughorere kutambula kwake ichi nini. 15Simwaririkanye kamba awa wandu wendenarua, kwani indakwenyi ni saa ndatu za ikesho kiro. 16Kwani agha nigho ghaghoriro ni tondolo Joeli:
17‘Kele majua gha kudua, aghamba Bwana,
Nijetila Roho wangu kwa wandu wose.
Wana wenyu wa kialume na wa kiwake wejetondola, watawana wenyu wejeona maono.
Na waghosi wejelota maloteso.
18Nao watumishi wangu wa walume na wa wake
Nijewangiza Roho wangu majua ghalye, nawo wejetondola.
19Nemi nijeonyeza mashiniko uko ighulu mlunguni,
Na alama msangeni na isi;
Kujekala na Bighati na moto na mosi mubwaa.
20Ijua lyijeghaluka kiza,
na mwezi ghujekusuwa sa bighati,
Hambiri ya kuja lyilya Ijua Ibwaa lya Bwana.
21Na aho ijekala uwo wose elombagha kwa izina lya Bwana ujekizo.’
22“Ee Waisraeli, Nisikizileni! Jesu wa Nazareti oluo ni mundu musaghulilo ni Mlungu na ehawilo udimo kudea mwakilimbita na alama ghati yenyu, nenyo mwamanya agha, kwani ghanadeike ghati yenyu. 23Naye Mlungu kwa kushaya mwenyi, omanyile kamba Jesu ufunyogho kwenyu; na mwanamulaghe kwa kuwasigha wandu wa kaung'a wamwambe msalabeni na misumari. 24Ela Mlungu kamuzusa kufuma kwa wafwa, kamfungula kufuma usungu ghwa kifwa, kwani siyedimike afungo ni kifwa. 25Kwani Daudi waghora hung'u ighulu yake,
‘Nanamwonile Bwana hambiri yangu majua ghose;
Kwani uwo kele mkonu ghwangu ghwa kijo, eri sanyavurike.
26Kwa hung'u ngolo yangu ikabwelo;
na nikakwita lukalaghala kwa maboelo
na imi mundu wa muli munyonge nikalagha kele
ikosereo lyaloli.
27Kwani susighagha roho yangu urumengu ghwa kifwa;
Hata sumusighagha mtumishi wako avunde kungi.
28Uwe wanionyeza ngila ya umana, na kwa kukalanya newe
nijulogho ni maboelo.’
29“Wana wakwetu sigheni nimughorere mwazi mwazi ighulu ya Ake Daudi. Iye wanafwile, kaziko na mbira yake tio nayo hata lelo. 30Daudi oluo tondolo, kwani omanyile kamba Mlungu omughemelele kukala mumoju wa Kivali chake ukalagha mzuri kibalo chake. 31Daudi owonile selyi Mlungu ejedea na kwa hung'u kahelea ighulu ya kuzuka kwake Masihi keghamba,
‘Naye sasighilo kele urumengu ghwa kifwa
Muli ghwake sighuvundile.’
32Mlungu wanamzusile uyu Jesu kufuma kwa wafwa. Nesi isose nisi washahidi wa iyi fulo. 33Naye aghenda anulo hata mkonu ghwa kijo ghwa Mlungu na kupata kwake Roho wa Kuela selyi Tatie elaghize, katitilila inosi ilyi muonagha na kusikila. 34Kwani Daudi mwenyi, sajokile mlunguni, ela waghora,
‘Bwana wanamuzile Bwana wangu,
kala aha kele mkonu ghwangu ghwa kijo.
35Hata niwaike wamaiza wako wakale kifumbi, cheika maghulu ghako!’
36“Kwa hung'u Waisraeli wose wamanye fulo kamba uyu Jesu, mumuwambile, Mlungu wanamdeile kukala Bwana na Masihi!”
37Nao wandu waghenda wasikila hung'u, wakangilongilo ngoloni, wakamuza Petro na watumo wambawe, “Tidee ije wana wakwetu?” 38Petro kawauza, “Riheni na kila mumoju wenyu abatizo kwa izina lya Jesu Kristo eri mufwilo waya kaung'a zenyu na mpate inosi lya Mlungu lya Roho wa Kuela. 39Kwani ilagano lya Mlungu lyanadeilo kwa undu ghwenyu na kwa wana wenyu na kwa wose weo kulele, na wose Bwana Mlungu wetu ejewaita kwake.”
40Petro kawavoya kwa malagho mengi, kaghamba, “Kukizeni inyo wenyi na kutaghanyo kujilagha wandu awa wa laghelaghe.” 41Wengi wakadumusa malagho ghake na wakabatizo, na ijua lyilya wakajuzilika wandu elfu ndatu. 42Nawo wakatumia ngelo zawe kukufundisa kufuma kwa watumo, wekekala ngila mojori, wekevunja mkate na kulomba.
Selyi wandu wadumuse weluo wekekala
43Wana mwakilimbita na mashiniko ghakadeika kwa mikonu ya watumo, na kila mundu kangilo ni wogha. 44Wose wedumuse wakaendelea kukala na umojori, wakatumia mali na vindu vawe ngaro. 45Kwa hung'u wakatagha mali na vindu vawe, na pesa wakasara kuirimana na selyi kila mumoju efweni apate. 46Na kila ijua, weluo wekekughana ngila mojori Hekaluni; na kuvunja mkate nyumba kwawe, wekelya chakulya kwa kuboelo na kwa ngolo ya ishima. 47Wakamlika Mlungu, na wandu wose wakaboelanyo nawo. Na kila ijua Bwana kajuzila wandu awa weluo wekekila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(C) The Bible Society of Kenya, 1993