Madeo 22
22
1“Wana wakwetu na wana aba sikizileni selyi nikutetelagha hambiri yenyu!” 2Nao waghenda wamsikila keghora nawo Kihebrania, wakajuzila kunyamala, nao Paulo kajuzila kughora: 3“Imi nimi Myahudi, nivalilo Tarso ya Kilikia, ela nanazeguile anyaha Jerusalemu na nanafundiso ni Gamalieli. Nanafundiso karakara kamare sheria ya wana ake na nekufunyile kwa Mlungu kwa ngolo yose selyi wengi wenyu muwo lelo. 4Nanawatirire hata kuwaulagha wandu weluo wekeirima iyi Ngila. Nikawawata walume na wake na kuwangiza kifungoni. 5Mkohani Mubwaa na waghosi wa Baraza wamanya kamba nendeghora fulo. Nanapatile barua kwawe iwandikilo wana wakwetu Wayahudi weluo Damasko, kwa hung'u nikaghenda alye kuwawata wandu na kuwaleta na minyororo hata Jerusalemu eri watiriro.
Paulo kughora selyi aghaluke
(Madeo 9:1-19; 26:12-18)
6“Nao ilyi neluo niketamba, nifika avui na Damasko ngelo ya msenya ghati, iyo shwa yenyi mlangazi mubwaa kufuma mlunguni ghukaning'alila gasi zose. 7Na alyenyi nikagwa msangeni na nikasikila lwaka lukeniuza, Saulo, Saulo! Kudani unitiriragha? 8Nikakotela, Nuwe ani Bwana? Naye kaniuza, ‘Nimi Jesu wa Nazareti uyu umutiriragha.’ 9Walye wandu tekezanye wanaonile mlangazi, ela siwasikile lwaka lwa ulya eluo keghora nemi. 10Nikakotela, ‘Nidee ije Bwana?’ Na Bwana kaniuza, ‘Uka na ungile Damasko, na alye ujeghorero ghose uikililo udee.’ 11Nikakala seonagha kwa undu ghwa ghulya mlangazi mubwaa, na kwa hung'u walye wambetu wakaniwata mikonu tikangila Damasko.
12“Nao koluo na mundu mumoju aitogho Anania, mundu wa Mlungu, eluo kewata Sheria yetu na eluo kehawo ishima ni Wayahudi wose weluo wekekala Damasko. 13Keja kakala kimusi kavui nemi kaniuza, ‘Wakwetu Saulo, ona sena!’ Nao iyo ngelo yenyi nikaona sena, nikamlola. 14Naye kaniuza, Mlungu wa wana ake wamalila kukusaghula umanye mashayo ghake na kumwona mhachi wake na kusikila lwaka lwake lwenyi. 15Kwani ujekala mshahidi wake owaghorera wandu wose agha waona na kusikila. 16Na ndamu nini udafwagha? Uka ubatizo na kuoghesho kaung'a zako, kwa kulyighora Izina lyake
Paulo kuchilila mbari nzima
17“Nao nikawuya Jerusalemu, na ilyi neluo nikelomba Hekaluni nikaona iwono 18na kele ilyo iwono nikamwona Bwana kenuza, ‘Wanguisa, fuma Jerusalemu shashowa, kwani wandu wa aha siwedimagha kudumusa ushuhuda ghwako ighulu yangu.’ 19Nikatumbulila, ‘Bwana, wo wenyi wamanya kamba nanaghendile kele kila sinagogi nikawawata na kuwariba walye wekudumuse. 20Na ngelo mshahidi wako Stefano eluo keulagho, neluo awenyi nikadumusilana nawo aulagho, nemi neluo nikelinda nguo za walye wamuulaghe.’ 21Nao Bwana kaniuza, ‘Ghenda, kwa kukala nikutumagha andu kwa kulele kwa mbari nzima.’”
22Wandu wanamusikizile Paulo mpaka kaghora ilagho ilyi niko wakadyowa kuoda na ndighi, “Mufunye urumenguni! Safweni kukala moyo.” 23Wakakema, wakaghungudula nguo zawe na kukumba vumbi mbeoni. 24Nao mubwaa wa askari wa Kiroma kawauza wandu wake wamungize Paulo ngomeni na kuwauza wamchape eri amanye nini Wayahudi wekemelagha hung'u ighulu yake. 25Ela waghenda wamufunga eri wamchape, Paulo kamuza ulya askari mubwaa eluo kimusi, “Ado ni hachi kwako kumchapa raia wa Roma hambiri setaghanyo?” 26Nao ulya askari aghenda asikila agha, kaghenda kwa mubwaa wa askari kamukotela, “Nini icho ushaile kudea? Ulya mundu ni raia wa Roma.” 27Nao mubwaa wa askari kaghenda kwa Paulo na kumukotela “Nighorere, nuwe raia wa Roma.” Paulo katumbulila “Hii” 28Mubwaa wa askari kaghora, “Imi nanaghulile uraia ghwa Roma kwa kulipa mali nyingi.” Paulo katumbulila, “Ela imi nimi raia wa Roma kwa kuvalo.” 29Nao iyo ngelo yenyi walye wandu weluo wekemkotela Paulo makotelo wakauya na nyuma, na mubwaa wa askari kamwogha Paulo aghenda amanya ni raia wa Roma, naye wamufunga na minyororo.
Paulo hambiri ya Baraza
30Nao ilyo ikesho, mubwaa wa askari oshaile kumanya uhachi ghwa walye Wayahudi weluo wekemghora, kwa hung'u kamufungula Paulo minyororo na kafunya mlomu Wakohani wabwaa na Baraza ikoghane. Naye kamghenza Paulo na kumwika hambiri yawe.
Currently Selected:
Madeo 22: SAGALLANT
Highlight
Share
Copy
Want to have your highlights saved across all your devices? Sign up or sign in
(C) The Bible Society of Kenya, 1993
Madeo 22
22
1“Wana wakwetu na wana aba sikizileni selyi nikutetelagha hambiri yenyu!” 2Nao waghenda wamsikila keghora nawo Kihebrania, wakajuzila kunyamala, nao Paulo kajuzila kughora: 3“Imi nimi Myahudi, nivalilo Tarso ya Kilikia, ela nanazeguile anyaha Jerusalemu na nanafundiso ni Gamalieli. Nanafundiso karakara kamare sheria ya wana ake na nekufunyile kwa Mlungu kwa ngolo yose selyi wengi wenyu muwo lelo. 4Nanawatirire hata kuwaulagha wandu weluo wekeirima iyi Ngila. Nikawawata walume na wake na kuwangiza kifungoni. 5Mkohani Mubwaa na waghosi wa Baraza wamanya kamba nendeghora fulo. Nanapatile barua kwawe iwandikilo wana wakwetu Wayahudi weluo Damasko, kwa hung'u nikaghenda alye kuwawata wandu na kuwaleta na minyororo hata Jerusalemu eri watiriro.
Paulo kughora selyi aghaluke
(Madeo 9:1-19; 26:12-18)
6“Nao ilyi neluo niketamba, nifika avui na Damasko ngelo ya msenya ghati, iyo shwa yenyi mlangazi mubwaa kufuma mlunguni ghukaning'alila gasi zose. 7Na alyenyi nikagwa msangeni na nikasikila lwaka lukeniuza, Saulo, Saulo! Kudani unitiriragha? 8Nikakotela, Nuwe ani Bwana? Naye kaniuza, ‘Nimi Jesu wa Nazareti uyu umutiriragha.’ 9Walye wandu tekezanye wanaonile mlangazi, ela siwasikile lwaka lwa ulya eluo keghora nemi. 10Nikakotela, ‘Nidee ije Bwana?’ Na Bwana kaniuza, ‘Uka na ungile Damasko, na alye ujeghorero ghose uikililo udee.’ 11Nikakala seonagha kwa undu ghwa ghulya mlangazi mubwaa, na kwa hung'u walye wambetu wakaniwata mikonu tikangila Damasko.
12“Nao koluo na mundu mumoju aitogho Anania, mundu wa Mlungu, eluo kewata Sheria yetu na eluo kehawo ishima ni Wayahudi wose weluo wekekala Damasko. 13Keja kakala kimusi kavui nemi kaniuza, ‘Wakwetu Saulo, ona sena!’ Nao iyo ngelo yenyi nikaona sena, nikamlola. 14Naye kaniuza, Mlungu wa wana ake wamalila kukusaghula umanye mashayo ghake na kumwona mhachi wake na kusikila lwaka lwake lwenyi. 15Kwani ujekala mshahidi wake owaghorera wandu wose agha waona na kusikila. 16Na ndamu nini udafwagha? Uka ubatizo na kuoghesho kaung'a zako, kwa kulyighora Izina lyake
Paulo kuchilila mbari nzima
17“Nao nikawuya Jerusalemu, na ilyi neluo nikelomba Hekaluni nikaona iwono 18na kele ilyo iwono nikamwona Bwana kenuza, ‘Wanguisa, fuma Jerusalemu shashowa, kwani wandu wa aha siwedimagha kudumusa ushuhuda ghwako ighulu yangu.’ 19Nikatumbulila, ‘Bwana, wo wenyi wamanya kamba nanaghendile kele kila sinagogi nikawawata na kuwariba walye wekudumuse. 20Na ngelo mshahidi wako Stefano eluo keulagho, neluo awenyi nikadumusilana nawo aulagho, nemi neluo nikelinda nguo za walye wamuulaghe.’ 21Nao Bwana kaniuza, ‘Ghenda, kwa kukala nikutumagha andu kwa kulele kwa mbari nzima.’”
22Wandu wanamusikizile Paulo mpaka kaghora ilagho ilyi niko wakadyowa kuoda na ndighi, “Mufunye urumenguni! Safweni kukala moyo.” 23Wakakema, wakaghungudula nguo zawe na kukumba vumbi mbeoni. 24Nao mubwaa wa askari wa Kiroma kawauza wandu wake wamungize Paulo ngomeni na kuwauza wamchape eri amanye nini Wayahudi wekemelagha hung'u ighulu yake. 25Ela waghenda wamufunga eri wamchape, Paulo kamuza ulya askari mubwaa eluo kimusi, “Ado ni hachi kwako kumchapa raia wa Roma hambiri setaghanyo?” 26Nao ulya askari aghenda asikila agha, kaghenda kwa mubwaa wa askari kamukotela, “Nini icho ushaile kudea? Ulya mundu ni raia wa Roma.” 27Nao mubwaa wa askari kaghenda kwa Paulo na kumukotela “Nighorere, nuwe raia wa Roma.” Paulo katumbulila “Hii” 28Mubwaa wa askari kaghora, “Imi nanaghulile uraia ghwa Roma kwa kulipa mali nyingi.” Paulo katumbulila, “Ela imi nimi raia wa Roma kwa kuvalo.” 29Nao iyo ngelo yenyi walye wandu weluo wekemkotela Paulo makotelo wakauya na nyuma, na mubwaa wa askari kamwogha Paulo aghenda amanya ni raia wa Roma, naye wamufunga na minyororo.
Paulo hambiri ya Baraza
30Nao ilyo ikesho, mubwaa wa askari oshaile kumanya uhachi ghwa walye Wayahudi weluo wekemghora, kwa hung'u kamufungula Paulo minyororo na kafunya mlomu Wakohani wabwaa na Baraza ikoghane. Naye kamghenza Paulo na kumwika hambiri yawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(C) The Bible Society of Kenya, 1993