Марк 2
2
Тӕригъӕдтӕ хатыр кӕныны бар
1Цалдӕр боны фӕстӕ Йесо ӕрбаздӕхти Капернауммӕ. Хӕдзары кӕй ис, уый адӕмыл айхъуысти. 2Уый бӕрц адӕм ӕрӕмбырд ис, ӕмӕ дуаргӕрон ӕрлӕууӕн дӕр нал уыди. Йесо сын хъусын кодта Хуыцауы ныхас. 3Ӕмӕ Йӕм мӕнӕ цыппар лӕджы ӕрбахастой ӕндзыгнизӕй хъыгдарды.#Мт 9:2; Лк 5:18. 4Адӕмӕй Йӕм бацӕуӕн кӕй нӕ уыд, уымӕ гӕсгӕ хӕдзары сӕр байгом кодтой, цар ныххуынкъ кодтой ӕмӕ йӕ уырдыгӕй йӕ хуыссӕныл ӕруагътой. 5Йесо сын федта сӕ уырнындзинад ӕмӕ загъта ӕндзыгнизӕй хъыгдардӕн: «Мӕ хъӕбул, хатыр дын сты дӕ тӕригъӕдтӕ». 6Динамонджытӕ цалдӕрӕй уым бадтысты ӕмӕ хинымӕр дзырдтой: 7«Уый цытӕ дзуры? Хуыцауы куы фауы! Иунӕг Хуыцауы йеддӕмӕ тӕригъӕдтӕ хатыр кӕнын кӕй бон у?» 8Йесо сын уайтагъд Йӕ Удӕй базыдта сӕ хъуыдытӕ ӕмӕ сын загъта: «Цӕмӕн афтӕ хъуыды кӕнут?#Ин 2:24; 6:64. 9Ӕндзыгнизӕй хъыгдардӕн цы ӕнцондӕр у зӕгъын: „Хатыр дын сты дӕ тӕригъӕдтӕ“ ӕви: „Сыст, сис дӕ хуыссӕн ӕмӕ райдай цӕуын“?#Мт 9:5; Лк 5:23. 10Фӕлӕ сымах хъуамӕ зонат: Адӕймаджы Фыртӕн ис зӕххыл тӕригъӕдтӕ хатыр кӕныны бар». Ӕмӕ ӕндзыгнизӕй хъыгдардӕн загъта: 11«Дӕумӕ дзурын: сыст, сис дӕ хуыссӕн ӕмӕ цу дӕ хӕдзармӕ». 12Уый фестади, йӕ хуыссӕн систа ӕмӕ ӕппӕт адӕмы раз рацыди. Иууылдӕр дисы бафтыдысты, кад кодтой Хуыцауӕн ӕмӕ дзырдтой: «Ахӕм диссаг никуыма федтам».
Левий ацыди Йесойы фӕдыл
13Йесо та ногӕй рацыди денджызы былмӕ. Уырдӕм Ӕм ӕрбацыди бирӕ адӕм, ӕмӕ сӕ ахуыр кодта. 14Куы фӕцӕйцыди, уӕд хъалонисӕн бынаты бадгӕ федта Алфейы фырт Левийы ӕмӕ йын загъта: «Рацу Мӕ фӕдыл». Уый сыстад ӕмӕ ацыди Йӕ фӕдыл.#Мт 9:9; Лк 5:27. 15Йесо Йӕ ахуыргӕнинӕгтимӕ Левийы хӕдзары куы уыди, уӕд семӕ фынгыл бадти бирӕ хъалонисджытӕ ӕмӕ тӕригъӕдджынтӕ — Йесойы фӕдыл ахӕм адӕм бирӕ цыди. 16Динамонджытӕ ӕмӕ фарисейтӕ Йесойы тӕригъӕдджынтӕ ӕмӕ хъалонисджытимӕ иу фынгыл бадгӕ куы федтой, уӕд Ын Йӕ ахуыргӕнинӕгтӕн загътой: «Уый хъалонисджытӕ ӕмӕ тӕригъӕдджынтимӕ куыд хӕры?» 17Йесо уый куы фехъуыста, уӕд сын загъта: «Дохтыр ӕнӕнизты нӕ, фӕлӕ рынчынты хъӕуы. Ӕз ӕрцыдтӕн рӕстгӕнджытӕм нӕ, фӕлӕ тӕригъӕдджынтӕм фӕсидынмӕ».#Мт 9:13; Лк 5:32; 1 Тим 1:15.
Ног сӕн ног лалымты ныккӕнынц
18Иоанны ахуыргӕнинӕгтӕ ӕмӕ фарисейтӕ ком куы дардтой, уӕд чидӕртӕ Йесомӕ бацыдысты ӕмӕ Йӕ бафарстой: «Иоанны ахуыргӕнинӕгтӕ ӕмӕ фарисейты ахуыргӕнинӕгтӕ ком куы дарынц, уӕд Дӕ ахуыргӕнинӕгтӕ цӕуылнӕ дарынц ком?»#Мт 9:14; Лк 5:33. 19Йесо сын загъта: «Сиахсаг цалынмӕ семӕ вӕййы, уӕдмӕ чындзӕхсӕвы уазджытӕ ком фӕдарынц, мыййаг? Цалынмӕ сиахсаг семӕ вӕййы, уӕдмӕ ком нӕ фӕдарынц. 20Фӕлӕ ралӕудзӕни, сиахсаджы сын се ’хсӕнӕй куы байсой, ахӕм рӕстӕг, ӕмӕ уӕд дардзысты ком.
21Зӕронд дарӕсыл ног хъуымацӕй ӕмпъузӕн ничи ӕвӕры: лӕзӕрд хъуымац ӕй нӕ бауромдзӕн, ӕмӕ скъуыд ноджы фестырдӕр уыдзӕни.#Мт 9:16; Лк 5:36. 22Ногдыгъд сӕн дӕр зӕронд лалымты ничи кӕны: ног сӕн арӕмудздзӕни зӕронд лалымтӕ, ӕмӕ сӕн дӕр акӕлдзӕни, лалымтӕ дӕр фесӕфдзысты. Ногдыгъд сӕн ног лалымты ныккӕнынц».
Йесо — сабаты хицау
23Иу сабаты Йесо фӕцӕйцыди хоры хуымтыл. Йӕ ахуыргӕнинӕгтӕ-иу цӕугӕ-цӕуын ӕфсиртӕ ратыдтой.#Мт 12:1; Лк 6:1. 24Ӕмӕ Йын фарисейтӕ загътой: «Кӕс-ма! Сабаты цы не ’мбӕлы, уый куыд кӕнынц?» 25Йесо сын дзуапп радта: «Давид ӕмӕ йе ’мбӕлттӕ куы сыстонг сты ӕмӕ сын бахӕринаг куы ницы уыди, уӕд цы бакодта, уый тыххӕй нӕ кастыстут, ӕви? 26Авиафар алчер куы уыди, уыцы рӕстӕг бацыди Хуыцауы хӕдзармӕ ӕмӕ бахордта, ӕрмӕстдӕр сауджынтӕн хӕрын кӕмӕй ӕмбӕлди, уыцы нывонды дзултӕй, ӕмӕ ма дзы йе ’мбӕлттӕн дӕр радта».#Мт 12:4; Лк 6:4. 27Йесо ма сын загъта: «Адӕймаджы сабатӕн не сфӕлдыстӕуыд, фӕлӕ сабат — адӕймагӕн. 28Уӕдӕ Адӕймаджы Фырт сабатӕн дӕр хицау у».
Currently Selected:
Марк 2: ИрББЛ2022
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, перевод, комментарии, словарь, 2022
© Институт перевода Библии, перевод, комментарии, словарь, 2022
© Оформление. Российское Библейское Общество, 2022
Марк 2
2
Тӕригъӕдтӕ хатыр кӕныны бар
1Цалдӕр боны фӕстӕ Йесо ӕрбаздӕхти Капернауммӕ. Хӕдзары кӕй ис, уый адӕмыл айхъуысти. 2Уый бӕрц адӕм ӕрӕмбырд ис, ӕмӕ дуаргӕрон ӕрлӕууӕн дӕр нал уыди. Йесо сын хъусын кодта Хуыцауы ныхас. 3Ӕмӕ Йӕм мӕнӕ цыппар лӕджы ӕрбахастой ӕндзыгнизӕй хъыгдарды.#Мт 9:2; Лк 5:18. 4Адӕмӕй Йӕм бацӕуӕн кӕй нӕ уыд, уымӕ гӕсгӕ хӕдзары сӕр байгом кодтой, цар ныххуынкъ кодтой ӕмӕ йӕ уырдыгӕй йӕ хуыссӕныл ӕруагътой. 5Йесо сын федта сӕ уырнындзинад ӕмӕ загъта ӕндзыгнизӕй хъыгдардӕн: «Мӕ хъӕбул, хатыр дын сты дӕ тӕригъӕдтӕ». 6Динамонджытӕ цалдӕрӕй уым бадтысты ӕмӕ хинымӕр дзырдтой: 7«Уый цытӕ дзуры? Хуыцауы куы фауы! Иунӕг Хуыцауы йеддӕмӕ тӕригъӕдтӕ хатыр кӕнын кӕй бон у?» 8Йесо сын уайтагъд Йӕ Удӕй базыдта сӕ хъуыдытӕ ӕмӕ сын загъта: «Цӕмӕн афтӕ хъуыды кӕнут?#Ин 2:24; 6:64. 9Ӕндзыгнизӕй хъыгдардӕн цы ӕнцондӕр у зӕгъын: „Хатыр дын сты дӕ тӕригъӕдтӕ“ ӕви: „Сыст, сис дӕ хуыссӕн ӕмӕ райдай цӕуын“?#Мт 9:5; Лк 5:23. 10Фӕлӕ сымах хъуамӕ зонат: Адӕймаджы Фыртӕн ис зӕххыл тӕригъӕдтӕ хатыр кӕныны бар». Ӕмӕ ӕндзыгнизӕй хъыгдардӕн загъта: 11«Дӕумӕ дзурын: сыст, сис дӕ хуыссӕн ӕмӕ цу дӕ хӕдзармӕ». 12Уый фестади, йӕ хуыссӕн систа ӕмӕ ӕппӕт адӕмы раз рацыди. Иууылдӕр дисы бафтыдысты, кад кодтой Хуыцауӕн ӕмӕ дзырдтой: «Ахӕм диссаг никуыма федтам».
Левий ацыди Йесойы фӕдыл
13Йесо та ногӕй рацыди денджызы былмӕ. Уырдӕм Ӕм ӕрбацыди бирӕ адӕм, ӕмӕ сӕ ахуыр кодта. 14Куы фӕцӕйцыди, уӕд хъалонисӕн бынаты бадгӕ федта Алфейы фырт Левийы ӕмӕ йын загъта: «Рацу Мӕ фӕдыл». Уый сыстад ӕмӕ ацыди Йӕ фӕдыл.#Мт 9:9; Лк 5:27. 15Йесо Йӕ ахуыргӕнинӕгтимӕ Левийы хӕдзары куы уыди, уӕд семӕ фынгыл бадти бирӕ хъалонисджытӕ ӕмӕ тӕригъӕдджынтӕ — Йесойы фӕдыл ахӕм адӕм бирӕ цыди. 16Динамонджытӕ ӕмӕ фарисейтӕ Йесойы тӕригъӕдджынтӕ ӕмӕ хъалонисджытимӕ иу фынгыл бадгӕ куы федтой, уӕд Ын Йӕ ахуыргӕнинӕгтӕн загътой: «Уый хъалонисджытӕ ӕмӕ тӕригъӕдджынтимӕ куыд хӕры?» 17Йесо уый куы фехъуыста, уӕд сын загъта: «Дохтыр ӕнӕнизты нӕ, фӕлӕ рынчынты хъӕуы. Ӕз ӕрцыдтӕн рӕстгӕнджытӕм нӕ, фӕлӕ тӕригъӕдджынтӕм фӕсидынмӕ».#Мт 9:13; Лк 5:32; 1 Тим 1:15.
Ног сӕн ног лалымты ныккӕнынц
18Иоанны ахуыргӕнинӕгтӕ ӕмӕ фарисейтӕ ком куы дардтой, уӕд чидӕртӕ Йесомӕ бацыдысты ӕмӕ Йӕ бафарстой: «Иоанны ахуыргӕнинӕгтӕ ӕмӕ фарисейты ахуыргӕнинӕгтӕ ком куы дарынц, уӕд Дӕ ахуыргӕнинӕгтӕ цӕуылнӕ дарынц ком?»#Мт 9:14; Лк 5:33. 19Йесо сын загъта: «Сиахсаг цалынмӕ семӕ вӕййы, уӕдмӕ чындзӕхсӕвы уазджытӕ ком фӕдарынц, мыййаг? Цалынмӕ сиахсаг семӕ вӕййы, уӕдмӕ ком нӕ фӕдарынц. 20Фӕлӕ ралӕудзӕни, сиахсаджы сын се ’хсӕнӕй куы байсой, ахӕм рӕстӕг, ӕмӕ уӕд дардзысты ком.
21Зӕронд дарӕсыл ног хъуымацӕй ӕмпъузӕн ничи ӕвӕры: лӕзӕрд хъуымац ӕй нӕ бауромдзӕн, ӕмӕ скъуыд ноджы фестырдӕр уыдзӕни.#Мт 9:16; Лк 5:36. 22Ногдыгъд сӕн дӕр зӕронд лалымты ничи кӕны: ног сӕн арӕмудздзӕни зӕронд лалымтӕ, ӕмӕ сӕн дӕр акӕлдзӕни, лалымтӕ дӕр фесӕфдзысты. Ногдыгъд сӕн ног лалымты ныккӕнынц».
Йесо — сабаты хицау
23Иу сабаты Йесо фӕцӕйцыди хоры хуымтыл. Йӕ ахуыргӕнинӕгтӕ-иу цӕугӕ-цӕуын ӕфсиртӕ ратыдтой.#Мт 12:1; Лк 6:1. 24Ӕмӕ Йын фарисейтӕ загътой: «Кӕс-ма! Сабаты цы не ’мбӕлы, уый куыд кӕнынц?» 25Йесо сын дзуапп радта: «Давид ӕмӕ йе ’мбӕлттӕ куы сыстонг сты ӕмӕ сын бахӕринаг куы ницы уыди, уӕд цы бакодта, уый тыххӕй нӕ кастыстут, ӕви? 26Авиафар алчер куы уыди, уыцы рӕстӕг бацыди Хуыцауы хӕдзармӕ ӕмӕ бахордта, ӕрмӕстдӕр сауджынтӕн хӕрын кӕмӕй ӕмбӕлди, уыцы нывонды дзултӕй, ӕмӕ ма дзы йе ’мбӕлттӕн дӕр радта».#Мт 12:4; Лк 6:4. 27Йесо ма сын загъта: «Адӕймаджы сабатӕн не сфӕлдыстӕуыд, фӕлӕ сабат — адӕймагӕн. 28Уӕдӕ Адӕймаджы Фырт сабатӕн дӕр хицау у».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, перевод, комментарии, словарь, 2022
© Институт перевода Библии, перевод, комментарии, словарь, 2022
© Оформление. Российское Библейское Общество, 2022