GÉNESIS 15
15
Taita Diosca, Abramman shuj churita carasha nishcamanda
1Chaicunapaj jipami Mandaj Diosca, Abrahamman muscuipishna ricurishpaca:
“Abram, ama manllaichu. Ñucami, can jarcarina escudoshna cani. Ñuca carajpimi tucuita ninanda charingui” nirca.
2Shina nijpimi Abramga:
“Jatun Mandaj Dioslla, ¿imagutata caragrihuangui? huahuatapash na charipanichu. Ñuca imata charishcatapash, Damasco pueblomanda Eliezer runami japinga” nircami.
3Cashnatapashmi Abramga nirca:
“Huahuataca na carahuashcanguichu. Chaimandami, ñuca imata charishcatapash, ñuca huasipi huacharishca gañan runa japinga” nircami.
4Chai jipami Mandaj Diosca, Abramda cashna nirca:
“Can imata charishcatapash paica na japingachu, ashtahuangarin, cambaj churipachami, can imata charishcatapash japinga” nirca.
5Shina nishpami Abramdaca canllaman pushashpa, cashna nirca:
“Cunanga, jahua pachata ricui. Chai luzerocunata yupai ushashpaca, yupailla” nircami.
Shinallata cashnatapashmi nirca:
“Cambaj miraicunapash, chai luzerocunashnami canga” nircami.
6Mandaj Dios villashcata crijpimi, Abramdaca alicachishpa chasquirca. 7Paitaca cashnami nirca:
“Ñucami, Mandaj Dios cani. Caldeo gentecunapaj, Ur shuti pueblomandami candaca, cai llactata cungapa llujchimurcani” nircami.
8Shina nijpimi Abramga:
“Mandaj Jatun Dioslla, ¿ñucaman carajpi japina cashcataca imashnata yachapashayari?” nirca.
9Shina nijpimi, cashna nirca:
“Quimsa huatata charij shuj huarmi huagrata, quimsa huatata charij shuj huarmi chivota, quimsa huatata charij shuj jari llamata, shinallata, shuj urpitapash, shuj palomatapash, Ñucaman apamungui” nircami.
10Shina nijpimi Abramga, animalcunata apamushpa, chaupishpa, shuj chaupitaca caiman, shuj chaupitaca chaiman churarca. Ashtahuangarin, urpitapash, palomatapash na chaupircachu. 11Chai aichacunata micungapa munashpa, angacunaca shamujpimi, Abramga calpachijurca. 12Ashtahuangarin, ña indi huashajunallapimi, Abramga ninanda puñunayachirca. Chaipimi, yana tuta ñapash japij shamujpi ninanda manllarijurca. 13Chashna manllarijujpimi Mandaj Diosca, Abramdaca cashna nirca:
“Cambaj mirai huahuacuna shujcunapaj llactapi causagrinataca yachanami cangui. Chai llactapimi, gañan tucushpa causanga. Paicunaca, chuscu patsaj huatacamanmi, llaquichi tucushpa causanga. 14Ashtahuangarin, gañanda rurashpa llaquichishpa charishcamandaca, Ñucami chai llactatapash llaquichisha. Shina rurajpimi cambaj miraicunaca, tucui imatapash ashtacatapacha apashpa chai llactamandaca llujshimunga. 15Shinallata canga, aliguta causashpa, rucuyashpa huañushpami, cambaj ñaupa taitacunanahuan tandanajugringui. 16Cambaj miraicunaca, chuscu miraicaman mirashca jipami cutin caiman tigramunga. Amorreo gentecuna, jatun na alicunataca nara rurashcamandami, cambaj miraicunaca nara tigramunga” nijurcami.
17Ña indi huashajushpa amsayajujpimi Abrahamga: Shuj hornomanda cushni llujshijujta ricurca. Shinallata, animalcunata chaupishpa churashca chaupita, michumbi ninata japichishca yalijujtapashmi ricurca. 18Chai punllami Mandaj Diosca, Abramhuan pactachingapa ari nishpa cashna nirca:
“Cai llactataca, cambaj miraicunamanmi carasha. Egipto llactata rijuj jatun yacumandaca, Éufrates shuti jatun yacucamanmi carasha. 19Ceneo, cenezeo, cadmoneo gentecunapaj llactatapash, 20heteo, ferezeo, refaíta, 21amorreo, cananeo, gergeseo, jebuseo gentecunapaj llactatapashmi carasha” nircami.
Currently Selected:
GÉNESIS 15: QVI16
Highlight
Share
Copy
Want to have your highlights saved across all your devices? Sign up or sign in
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.
GÉNESIS 15
15
Taita Diosca, Abramman shuj churita carasha nishcamanda
1Chaicunapaj jipami Mandaj Diosca, Abrahamman muscuipishna ricurishpaca:
“Abram, ama manllaichu. Ñucami, can jarcarina escudoshna cani. Ñuca carajpimi tucuita ninanda charingui” nirca.
2Shina nijpimi Abramga:
“Jatun Mandaj Dioslla, ¿imagutata caragrihuangui? huahuatapash na charipanichu. Ñuca imata charishcatapash, Damasco pueblomanda Eliezer runami japinga” nircami.
3Cashnatapashmi Abramga nirca:
“Huahuataca na carahuashcanguichu. Chaimandami, ñuca imata charishcatapash, ñuca huasipi huacharishca gañan runa japinga” nircami.
4Chai jipami Mandaj Diosca, Abramda cashna nirca:
“Can imata charishcatapash paica na japingachu, ashtahuangarin, cambaj churipachami, can imata charishcatapash japinga” nirca.
5Shina nishpami Abramdaca canllaman pushashpa, cashna nirca:
“Cunanga, jahua pachata ricui. Chai luzerocunata yupai ushashpaca, yupailla” nircami.
Shinallata cashnatapashmi nirca:
“Cambaj miraicunapash, chai luzerocunashnami canga” nircami.
6Mandaj Dios villashcata crijpimi, Abramdaca alicachishpa chasquirca. 7Paitaca cashnami nirca:
“Ñucami, Mandaj Dios cani. Caldeo gentecunapaj, Ur shuti pueblomandami candaca, cai llactata cungapa llujchimurcani” nircami.
8Shina nijpimi Abramga:
“Mandaj Jatun Dioslla, ¿ñucaman carajpi japina cashcataca imashnata yachapashayari?” nirca.
9Shina nijpimi, cashna nirca:
“Quimsa huatata charij shuj huarmi huagrata, quimsa huatata charij shuj huarmi chivota, quimsa huatata charij shuj jari llamata, shinallata, shuj urpitapash, shuj palomatapash, Ñucaman apamungui” nircami.
10Shina nijpimi Abramga, animalcunata apamushpa, chaupishpa, shuj chaupitaca caiman, shuj chaupitaca chaiman churarca. Ashtahuangarin, urpitapash, palomatapash na chaupircachu. 11Chai aichacunata micungapa munashpa, angacunaca shamujpimi, Abramga calpachijurca. 12Ashtahuangarin, ña indi huashajunallapimi, Abramga ninanda puñunayachirca. Chaipimi, yana tuta ñapash japij shamujpi ninanda manllarijurca. 13Chashna manllarijujpimi Mandaj Diosca, Abramdaca cashna nirca:
“Cambaj mirai huahuacuna shujcunapaj llactapi causagrinataca yachanami cangui. Chai llactapimi, gañan tucushpa causanga. Paicunaca, chuscu patsaj huatacamanmi, llaquichi tucushpa causanga. 14Ashtahuangarin, gañanda rurashpa llaquichishpa charishcamandaca, Ñucami chai llactatapash llaquichisha. Shina rurajpimi cambaj miraicunaca, tucui imatapash ashtacatapacha apashpa chai llactamandaca llujshimunga. 15Shinallata canga, aliguta causashpa, rucuyashpa huañushpami, cambaj ñaupa taitacunanahuan tandanajugringui. 16Cambaj miraicunaca, chuscu miraicaman mirashca jipami cutin caiman tigramunga. Amorreo gentecuna, jatun na alicunataca nara rurashcamandami, cambaj miraicunaca nara tigramunga” nijurcami.
17Ña indi huashajushpa amsayajujpimi Abrahamga: Shuj hornomanda cushni llujshijujta ricurca. Shinallata, animalcunata chaupishpa churashca chaupita, michumbi ninata japichishca yalijujtapashmi ricurca. 18Chai punllami Mandaj Diosca, Abramhuan pactachingapa ari nishpa cashna nirca:
“Cai llactataca, cambaj miraicunamanmi carasha. Egipto llactata rijuj jatun yacumandaca, Éufrates shuti jatun yacucamanmi carasha. 19Ceneo, cenezeo, cadmoneo gentecunapaj llactatapash, 20heteo, ferezeo, refaíta, 21amorreo, cananeo, gergeseo, jebuseo gentecunapaj llactatapashmi carasha” nircami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.