GÉNESIS 39
39
Josemandapash, Potifarpaj huarmimandapash
1Ismaelita runacuna, Joseta Egiptoman apajpica, mandaj Faraonbaj mandana huasipi ricuj runacunata mandaj Potifar runami, Josetaca randirca. 2Mandaj Taita Dios paihuan cajpimi, José imata rurashcapash tucui alipacha llujshijurca. Shinami, Egiptomanda paita mandaj runapaj huasipi paica causajurca. 3Mandaj Dios Josehuan cajpi, José imata rurashcapash tucui alipacha llujshijujtami Potifar runaca ricurca. 4Joseca, Potifar runa alicachijpimi tucuita paiman rurashpa causajurca. Shinamandami, paipaj huasipi tucuita ricushpa mandachun, Josepaj maquipi saquirca. 5Huasipi ima tiyashcatapash, ashtahuan imata charishcatapash, Josepaj maquipi churashca punllamandami Mandaj Diosca ninanda bendiciajurca. Shina cashpami, huasipi, pambapi tucui ima tiyashcacunatapash, Mandaj Diosca Josemandalla ninanda bendiciajurca. 6Potifar runaca tucuita Josepaj maquipi saquishpami, micuna tiyanatalla yarishpa, cungailla causajurca.
Joseca, ali juyailla huambragumi carca. 7Ña unai huatacunata chaipi causajujpimi, Josetaca ninanda munashpa Potifar runapaj huarmica: “Jacu ñucahuan puñushun” nirca. 8Shina nijpimi paica: “Ñucata mandajca, cai huasipica tucuita ricushpa mandachun ñucaman saquishca cashpami cungailla purijun. 9Cai huasipi tucuita ricushpa mandajca pipash na ashtahuan tiyanllu. Ashtahuangarin tucuitami ñuca maquipi churashca. Shina cashpapash, canga paipaj huarmi cajpimi, na imata rurana cani. Shina cajpica, ¿imashpata chashna jatun juchata rurashpa, ñuca Taita Diostapash fiñachishayari?” nirca. 10Chai huarmica Josetaca punllandimi chashna nijurcalla. Chashna nijujpipash Joseca napacha uyashpami, chai na alitaca napacha rurarca.
11Shuj punllami Joseca, huasi ucupi ima ruranacunata rurangapa yaicurca. Chai huasi ucupica pipash illarcami. 12Chaipimi Josetaca: “Ñucahuan puñushun” nishpa, churajushcamanda chaririyajurca. Shina nijujpimi Joseca churajunataca chaipi saquishpa, calpashpa llujshirca. 13Paipaj maquipi churajunata saquishpa pacajushpa calpajpimi, chai huarmica, 14huasipi causajcunata cayashpa, cashna nijurca: “Ricuichi, hebreopura chai runatami, ñucanchita na alita rurachun cai huasiman apamushca. Chai runaca, ñucahuan puñungapa munashpami quimirimurca. Chaimandami, ninandapacha caparircani. 15Chashna ninanda caparijpimi, paipaj churajunata caipi saquishpa calpashpa llujshirca” nircami. 16Josepaj churajunataca paipaj cusa shamungacamanmi, charijurca. 17Cusa chayamujpica, huasipi causajcunaman villashcashnami cashna nijurca: “Ñucanchipajta rurachun can apamushca hebreo runaca, ñucata na alita rurashpa llaquichijuchunmi apamushcangui 18Paica ñuca ninanda caparijpimi, cai churajunataca caipi saquishpa calparca” nijurcami.
19Cambajta ruraj runaca cashnami rurahuan nijpimi, mandaj Potifarca, Josehuanga ninanda fiñarirca. 20Shinamandami Joseta japishpaca, jatun mandaj prezu churana ucupi vicharca. Chaipimi, chaishuj prezu tiyajcunahuan vichai tucushpa causajurca.
21Ashtahuangarin Mandaj Taita Diosca, Josetaca ninanda llaquishpa, juyashpami charijurca. Shinamandami, prezuna huasipi mandaj runapaj ñaupajpipash alipi ricurijurca. 22Shina cajpimi prezuna huasipi mandaj runaca, tucuita ricuchun Josepaj maquipi saquijpi, tucui imata ruranatapash pai ricujurca. 23Josepaj maquipi tucuita saquishca cashpami, prezuna huasipi mandaj runaca cungailla purijurca. Manda Taita Diosca, Josehuan cajpimi tucui imata rurashcapash, Mandaj Dios bendiciajpi alipacha llujshijurca.
Currently Selected:
GÉNESIS 39: QVI16
Highlight
Share
Copy
Want to have your highlights saved across all your devices? Sign up or sign in
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.
GÉNESIS 39
39
Josemandapash, Potifarpaj huarmimandapash
1Ismaelita runacuna, Joseta Egiptoman apajpica, mandaj Faraonbaj mandana huasipi ricuj runacunata mandaj Potifar runami, Josetaca randirca. 2Mandaj Taita Dios paihuan cajpimi, José imata rurashcapash tucui alipacha llujshijurca. Shinami, Egiptomanda paita mandaj runapaj huasipi paica causajurca. 3Mandaj Dios Josehuan cajpi, José imata rurashcapash tucui alipacha llujshijujtami Potifar runaca ricurca. 4Joseca, Potifar runa alicachijpimi tucuita paiman rurashpa causajurca. Shinamandami, paipaj huasipi tucuita ricushpa mandachun, Josepaj maquipi saquirca. 5Huasipi ima tiyashcatapash, ashtahuan imata charishcatapash, Josepaj maquipi churashca punllamandami Mandaj Diosca ninanda bendiciajurca. Shina cashpami, huasipi, pambapi tucui ima tiyashcacunatapash, Mandaj Diosca Josemandalla ninanda bendiciajurca. 6Potifar runaca tucuita Josepaj maquipi saquishpami, micuna tiyanatalla yarishpa, cungailla causajurca.
Joseca, ali juyailla huambragumi carca. 7Ña unai huatacunata chaipi causajujpimi, Josetaca ninanda munashpa Potifar runapaj huarmica: “Jacu ñucahuan puñushun” nirca. 8Shina nijpimi paica: “Ñucata mandajca, cai huasipica tucuita ricushpa mandachun ñucaman saquishca cashpami cungailla purijun. 9Cai huasipi tucuita ricushpa mandajca pipash na ashtahuan tiyanllu. Ashtahuangarin tucuitami ñuca maquipi churashca. Shina cashpapash, canga paipaj huarmi cajpimi, na imata rurana cani. Shina cajpica, ¿imashpata chashna jatun juchata rurashpa, ñuca Taita Diostapash fiñachishayari?” nirca. 10Chai huarmica Josetaca punllandimi chashna nijurcalla. Chashna nijujpipash Joseca napacha uyashpami, chai na alitaca napacha rurarca.
11Shuj punllami Joseca, huasi ucupi ima ruranacunata rurangapa yaicurca. Chai huasi ucupica pipash illarcami. 12Chaipimi Josetaca: “Ñucahuan puñushun” nishpa, churajushcamanda chaririyajurca. Shina nijujpimi Joseca churajunataca chaipi saquishpa, calpashpa llujshirca. 13Paipaj maquipi churajunata saquishpa pacajushpa calpajpimi, chai huarmica, 14huasipi causajcunata cayashpa, cashna nijurca: “Ricuichi, hebreopura chai runatami, ñucanchita na alita rurachun cai huasiman apamushca. Chai runaca, ñucahuan puñungapa munashpami quimirimurca. Chaimandami, ninandapacha caparircani. 15Chashna ninanda caparijpimi, paipaj churajunata caipi saquishpa calpashpa llujshirca” nircami. 16Josepaj churajunataca paipaj cusa shamungacamanmi, charijurca. 17Cusa chayamujpica, huasipi causajcunaman villashcashnami cashna nijurca: “Ñucanchipajta rurachun can apamushca hebreo runaca, ñucata na alita rurashpa llaquichijuchunmi apamushcangui 18Paica ñuca ninanda caparijpimi, cai churajunataca caipi saquishpa calparca” nijurcami.
19Cambajta ruraj runaca cashnami rurahuan nijpimi, mandaj Potifarca, Josehuanga ninanda fiñarirca. 20Shinamandami Joseta japishpaca, jatun mandaj prezu churana ucupi vicharca. Chaipimi, chaishuj prezu tiyajcunahuan vichai tucushpa causajurca.
21Ashtahuangarin Mandaj Taita Diosca, Josetaca ninanda llaquishpa, juyashpami charijurca. Shinamandami, prezuna huasipi mandaj runapaj ñaupajpipash alipi ricurijurca. 22Shina cajpimi prezuna huasipi mandaj runaca, tucuita ricuchun Josepaj maquipi saquijpi, tucui imata ruranatapash pai ricujurca. 23Josepaj maquipi tucuita saquishca cashpami, prezuna huasipi mandaj runaca cungailla purijurca. Manda Taita Diosca, Josehuan cajpimi tucui imata rurashcapash, Mandaj Dios bendiciajpi alipacha llujshijurca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.