Matius 17
17
Minundaliu i Kojuvan di Yisus
(Mar. 9:2-13; Luk. 9:28-36)
1Om katalibpo dii onom tadau mantad di pinampanaanja, om angataino dii di Yisus i Pitrus, om i Yakub duvo diadijo i Yaya, do tinumakad siri kulud#17:1 kulud: kotud tasavat om bubugol dii iolo siri. 2Om korikot siri minundaliu dii i kojuvan di Yisus diri kaantangan diolo. Om pamarasan#17:2 pamarasan: vuros Disido nga irad do garau tadau, om sabung Disido nga opurak do okilop irad do vinaang. 3Om kivaro dii naantangan diolo duvo tulun mimvulai do kumituturan di Yisus. Ngaran nopo diolo nga i Musa om i nabi Ilia, i popolombus di tinangaran do Kinoringan di pogulu. 4Om pitangarnom dii i Pitrus di Yisus do, “Tuhan! Songkuro kaandai do siti tokou nogi! Nong aandaianKo, mamaal oku daa do tolu sulap siti, iso Dika, iso di Musa om iso diIlia,” ka.
5Om ontok di pitangar i Pitrus, tigogi do rinumunduk i kavut di avaang marong do tinumopuk diolo. Om kivaro dii norongou diolo di dolou mantad si kavut minitangar do ka, “Itino TanakKu do au kojuuanKu om Isidono kouvanganKu. Pongkinongou kouno di tangar Disido!” kadi Kinoringan.
6Om pogrongou#17:6 pogrongou: pagrongou diolo turus do nokotungub iolo si tana do nokorosi marong. 7Kaantangai nopo dii di Yisus do irad diri iolo, ongoiono dii kombito om kadii Disido, “Ada kou rumosi, ingkakat kouno,” ka. 8Om pogtingaa diolo, ausono dii tulun aantangan diolo, nga tinggalpo i Yisus kondiri do poingkakat siri.
9Om ontok diri rumuuk iolo mantad siri kulud, om bilinaino dii di Yisus iolo do, “Ioku nopo nga i Sinumiliu do Tulun. Nong aupo povijauon Oku kavagu mantad si pialatan di tulun nongapatai, nga ada mujupo sangkaabarai di tongotulun iri nipoontong sino dikovu,” kaDisido.
10Om pongoduatno dii iolo di Yisus do, “Nong irad dino, nokuro naku do minitangar iri tulun monunuduk do Undang-undang Ugama do misti rumikot iIlia mogulu mantad di Koristus?” kadi tongotulun di Yisus.
11Om jawapno dii i Yisus diolo, “Oinomodno do rumikot iri iso tulun irad di nabi Ilia do poposiap diri ginavo do tulun. 12Om oinomod nogi do nokorikotno iri tulun irad diIlia siti nga au notutunan diolo. Nga mangaraat iolo disido do onuu nopo iri kouvangan diolo. Irad nogi Dogo maino do sansarawon Oku dii diolo,” kadi Yisus. 13Om ampa nogi norotijan diolo do iIlia nopo nga i Yaya Mamamatis#17:13 Mamamatis: Momomonsu komoion di Yisus.
Minonunsub i Yisus do Rogon siri Tanak
(Mar. 9:14-29; Luk. 9:37-43; 17:5-6)
14Nga kogungguli nopo dii i Yisus om i tolu tulunJo siri kinoguuan do tulun, om kivaro dii iso tulun minongoi sumingkotud siri gotuvang di Yisus. 15Kadisido, “Tuan, tulungopo dogo ilo tanakku kusai, osusa marong i tanakku do kitoruol do tumadan, irino sabap do asarok kalapos silo tapui om silo vaig. 16Om noovitkuno iti tanakku siri di tulunNu do pokilingasanku daa diolo nga aui iolo kadapat,” kadiamojo#17:16 kadiamo: kadiapa di tanak.
17Nga jawapno dii i Yisus, “Ikovuno tulun do maso maino do au aparsaya Dogo, om nokoombo mantad diri oinomod! Komuropo linaidKu do poirunggum dikovu? Om komuropo linaidKu do asabar dikovu? Pokoyo siti Dogo ino tanaknu,” kadi Yisus. 18Om sunsubono dii di Yisus i rogon, om ii dii rogon nga minogidu mantad si kojuvan di tanak om turus do aandaino dii ontoki diri.
19Kobubugol nopo dii ikoi i tongotulun di Yisus siri Disido, om ongoino dii ikoi mongoduat Disido, do kadagai, “Nokuro naku do au kosunsub ikoi di rogon?” kanja.
20Nga kadi Yisus dagai, “Irino do au kou songkuro aparsaya. Nga patangaronKu marong dikovu iti, nong kivaro kaparsayaan muju, insan opoyok irad di sayat do sansam pun, om tangaron muju ilo kulud#17:20 kulud: kotud do, ‘Imban mantad siti,’ kamuju, misti do mimban ilo kulud do auso do au maja dino tangar muju. 21[Nga bansa nopo do rogon do irad diri nga au moilo sunsubon nong au sumambayang marong om au piompoton do mogpuasa],”#17:21 Kivaro piipiro solinan di poguluupo popioput diti ayat 21. Antangai Mar. 9:29. kadi Yisus.
Kumoinduvo di Yisus Popoilo diri KapatajanJo
(Mar. 9:30-32; Luk. 9:43-45)
22Om kountunpo dii ikoi i tongotulun di Yisus silo Vonuvo Golilia, om pitangarno kavagu i Yisus dagai do, “Iokuno i Sinumiliu do Tulun do pataakon Oku di tongotulun taraat, 23om patajon Oku nogi dino diolo, om kotolu tadau om vijauon Oku kavagu,” ka. Nga sumurauno dii marong i ginavoja do nokorongou diri tangar di Yisus.
Manaak i Yisus do Sukai si Valai Sasambayangan Tagajo
24Nga ontok di korikot i Yisus om ikoi i tongotulunJo siri Bandar do Kaparnaum, nga ongoino dii i karani momumumpung do sukai sumamung di Pitrus do mongoduat, kadisido, “Mamaraipo naku i Guru muju di sukai do pataakon siri Valai Sasambayangan Tagajo?” ka.
25Kadi Pitrus, “Mamaraii,” ka.
Om kaasu dii i Pitrus siri valai, duatopo dii mogulu di Yisus isido, kadi Yisus, “Simun, potingkuro pomuandamannu? Isai naku pokibarajan do tongoraja siti vonuvo do sukai, tulunjo kondiri ko iripo tulun sondiang porintawonjo?” ka.
26Kadi Pitrus, “Mantad diri tulun sondiang i kinuasajo,” ka.
Nga kadi Yisus kavagu, “Nong irad dino obojouno i tulunjo kondiri. 27Nga insan irad dino, ada do kosinduol kito do ginavo diolo. Nga ongoipo pangapon silo vaig, om onuono i sada naaponnu togina, om potingkabangono i sada, om koontongko nopo do siin siri om onuono iri siin om barajai iri sukaito,” kadi Yisus.
Currently Selected:
Matius 17: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Matius 17
17
Minundaliu i Kojuvan di Yisus
(Mar. 9:2-13; Luk. 9:28-36)
1Om katalibpo dii onom tadau mantad di pinampanaanja, om angataino dii di Yisus i Pitrus, om i Yakub duvo diadijo i Yaya, do tinumakad siri kulud#17:1 kulud: kotud tasavat om bubugol dii iolo siri. 2Om korikot siri minundaliu dii i kojuvan di Yisus diri kaantangan diolo. Om pamarasan#17:2 pamarasan: vuros Disido nga irad do garau tadau, om sabung Disido nga opurak do okilop irad do vinaang. 3Om kivaro dii naantangan diolo duvo tulun mimvulai do kumituturan di Yisus. Ngaran nopo diolo nga i Musa om i nabi Ilia, i popolombus di tinangaran do Kinoringan di pogulu. 4Om pitangarnom dii i Pitrus di Yisus do, “Tuhan! Songkuro kaandai do siti tokou nogi! Nong aandaianKo, mamaal oku daa do tolu sulap siti, iso Dika, iso di Musa om iso diIlia,” ka.
5Om ontok di pitangar i Pitrus, tigogi do rinumunduk i kavut di avaang marong do tinumopuk diolo. Om kivaro dii norongou diolo di dolou mantad si kavut minitangar do ka, “Itino TanakKu do au kojuuanKu om Isidono kouvanganKu. Pongkinongou kouno di tangar Disido!” kadi Kinoringan.
6Om pogrongou#17:6 pogrongou: pagrongou diolo turus do nokotungub iolo si tana do nokorosi marong. 7Kaantangai nopo dii di Yisus do irad diri iolo, ongoiono dii kombito om kadii Disido, “Ada kou rumosi, ingkakat kouno,” ka. 8Om pogtingaa diolo, ausono dii tulun aantangan diolo, nga tinggalpo i Yisus kondiri do poingkakat siri.
9Om ontok diri rumuuk iolo mantad siri kulud, om bilinaino dii di Yisus iolo do, “Ioku nopo nga i Sinumiliu do Tulun. Nong aupo povijauon Oku kavagu mantad si pialatan di tulun nongapatai, nga ada mujupo sangkaabarai di tongotulun iri nipoontong sino dikovu,” kaDisido.
10Om pongoduatno dii iolo di Yisus do, “Nong irad dino, nokuro naku do minitangar iri tulun monunuduk do Undang-undang Ugama do misti rumikot iIlia mogulu mantad di Koristus?” kadi tongotulun di Yisus.
11Om jawapno dii i Yisus diolo, “Oinomodno do rumikot iri iso tulun irad di nabi Ilia do poposiap diri ginavo do tulun. 12Om oinomod nogi do nokorikotno iri tulun irad diIlia siti nga au notutunan diolo. Nga mangaraat iolo disido do onuu nopo iri kouvangan diolo. Irad nogi Dogo maino do sansarawon Oku dii diolo,” kadi Yisus. 13Om ampa nogi norotijan diolo do iIlia nopo nga i Yaya Mamamatis#17:13 Mamamatis: Momomonsu komoion di Yisus.
Minonunsub i Yisus do Rogon siri Tanak
(Mar. 9:14-29; Luk. 9:37-43; 17:5-6)
14Nga kogungguli nopo dii i Yisus om i tolu tulunJo siri kinoguuan do tulun, om kivaro dii iso tulun minongoi sumingkotud siri gotuvang di Yisus. 15Kadisido, “Tuan, tulungopo dogo ilo tanakku kusai, osusa marong i tanakku do kitoruol do tumadan, irino sabap do asarok kalapos silo tapui om silo vaig. 16Om noovitkuno iti tanakku siri di tulunNu do pokilingasanku daa diolo nga aui iolo kadapat,” kadiamojo#17:16 kadiamo: kadiapa di tanak.
17Nga jawapno dii i Yisus, “Ikovuno tulun do maso maino do au aparsaya Dogo, om nokoombo mantad diri oinomod! Komuropo linaidKu do poirunggum dikovu? Om komuropo linaidKu do asabar dikovu? Pokoyo siti Dogo ino tanaknu,” kadi Yisus. 18Om sunsubono dii di Yisus i rogon, om ii dii rogon nga minogidu mantad si kojuvan di tanak om turus do aandaino dii ontoki diri.
19Kobubugol nopo dii ikoi i tongotulun di Yisus siri Disido, om ongoino dii ikoi mongoduat Disido, do kadagai, “Nokuro naku do au kosunsub ikoi di rogon?” kanja.
20Nga kadi Yisus dagai, “Irino do au kou songkuro aparsaya. Nga patangaronKu marong dikovu iti, nong kivaro kaparsayaan muju, insan opoyok irad di sayat do sansam pun, om tangaron muju ilo kulud#17:20 kulud: kotud do, ‘Imban mantad siti,’ kamuju, misti do mimban ilo kulud do auso do au maja dino tangar muju. 21[Nga bansa nopo do rogon do irad diri nga au moilo sunsubon nong au sumambayang marong om au piompoton do mogpuasa],”#17:21 Kivaro piipiro solinan di poguluupo popioput diti ayat 21. Antangai Mar. 9:29. kadi Yisus.
Kumoinduvo di Yisus Popoilo diri KapatajanJo
(Mar. 9:30-32; Luk. 9:43-45)
22Om kountunpo dii ikoi i tongotulun di Yisus silo Vonuvo Golilia, om pitangarno kavagu i Yisus dagai do, “Iokuno i Sinumiliu do Tulun do pataakon Oku di tongotulun taraat, 23om patajon Oku nogi dino diolo, om kotolu tadau om vijauon Oku kavagu,” ka. Nga sumurauno dii marong i ginavoja do nokorongou diri tangar di Yisus.
Manaak i Yisus do Sukai si Valai Sasambayangan Tagajo
24Nga ontok di korikot i Yisus om ikoi i tongotulunJo siri Bandar do Kaparnaum, nga ongoino dii i karani momumumpung do sukai sumamung di Pitrus do mongoduat, kadisido, “Mamaraipo naku i Guru muju di sukai do pataakon siri Valai Sasambayangan Tagajo?” ka.
25Kadi Pitrus, “Mamaraii,” ka.
Om kaasu dii i Pitrus siri valai, duatopo dii mogulu di Yisus isido, kadi Yisus, “Simun, potingkuro pomuandamannu? Isai naku pokibarajan do tongoraja siti vonuvo do sukai, tulunjo kondiri ko iripo tulun sondiang porintawonjo?” ka.
26Kadi Pitrus, “Mantad diri tulun sondiang i kinuasajo,” ka.
Nga kadi Yisus kavagu, “Nong irad dino obojouno i tulunjo kondiri. 27Nga insan irad dino, ada do kosinduol kito do ginavo diolo. Nga ongoipo pangapon silo vaig, om onuono i sada naaponnu togina, om potingkabangono i sada, om koontongko nopo do siin siri om onuono iri siin om barajai iri sukaito,” kadi Yisus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.