Matius 9
9
Nolingasan i Tulun Kimai
(Mar. 2:1-12; Luk. 5:17-26)
1Om sakono dii oi Yisus si talud do sumondipau kavagu di botung tagajo do muli siri kampungJo.#9:1 kampungJo: irino Kaparnaum (antangai si 4:13). 2Korikot nopo dii iolo siri, kivaro piipiro tulun do minongovit diri iso tulun kimai do poingodop siri pinaadapanjo. Nga kaantangai nopo dii di Yisus iolo do aparsaya marong Disido, om kaDisido di tulun kimai, “Apa, ada kosusa do noompunanno ino dusonu maino,” kadi Yisus.
3Nga kivaro nogi siri i monunuduk do Undang-undang Ugama do Joudi minsoromo daa do, “Tulun diti mangararaat di Kinoringan do rumantai Isido do Kinoringan,” kadi ginavo diolo.
4Nga nuka do oilaani di Yisus iri sinoromo diolo, om pitangarno dii Isido diolo do, “Nokuro do araat ino sinoromo muju? 5Inombono agaan tangaronKu, nong mitangar Okupo do, ‘Noompunanno i dusonu,’ kangKupo ko, ‘Tungagno om pampanauno muli,’ kangKupo disido? 6LingasanKu iti tulun kimai do poontong Oku dikovu supaya oilaan muju do kikuasa Oku do mangampun do duso siti vonuvo do Iokuno i Sinumiliu do Tulun,” kadi Yisus. Om mitangar Isido diri tulun kimai do, “Tungagno pogi, om kakatono ino inonododoponnu om pampanauno muli,” kadi Yisus.
7Tungagno dii i tulun kimai om pampanauno dii muli. 8Koontong nopo dii i tongotulun siri do inong dii, rumosii, mangarajoui iolo di Kinoringan do noonuan Disido i tulun do kuasa tagajo do mongolingos do toruol irad diri.
Minongoloou i Yisus di Matius
(Mar. 2:13-17; Luk. 5:27-32)
9Pampanauno dii i Yisus mantad pantok diri om ontok do manau-panau naantangan oku dii Disido do poingogom siri upis pangatadan di tongotulun do sukai. Ngaranku nopo nga i Matius. Om kaantangaiku dii di Yisus om kaDisido do, “Kayo, vaja Dogo,” ka. Om ingkakatokuno dii do maja di Yisus.
10Korikot nopo dii i Yisus om ikoi tongotulunJo siri valaiku om paakanokuno dii iolo. Nga di pintangaan di Yisus om ikoi tongotulunJo mangakan siri valaiku#9:10 valaiku di Matius: ko: valaijo (irino valai ijonon di Yisus) di Matius om oguu nogi dii i tongotulun nokorikot do pinouruk dagai do mangakan. Iolo nopo nga i tulun momumumpung do sukai om i tongotulun kiduso i au maja di Undang-undang Ugama do Joudi. 11Om ontok diri kivaro kumpulan do Porisi siri, om koontong nopo dii iolo do irad diri, pongoduatno dii dagai, kadiolo, “Nokuro ilo Guru muju do muruk mangakan di tongotulun momumumpung do sukai om iri tulun kiduso?” ka.
12Nga korongou nopo dii i Yisus di tangar diolo, om minaganu Isido do iso poiradan do ka, “I tulun do au kataru mokiubat do duktur, okonko i tulun do apangkau. 13Orotio mujuno nong onu komoion diri tangar saralom Kitab irad diti, ‘KouvanganKu nopo om moisusuli osianan, om okoniko manaak noopo do dupot isogit Dogo,’ kadi Kinoringan. Rinumikot Oku diti do mongoloou di tulun kiduso do pavaja Dogo. Okoniko i tulun minsoromo do abanar isido do loovonKu,” kadi Yisus.#Antangai Usia 6:6.
Mogpuasa om Ponudukan Kavavagu
(Mar. 2:18-22; Luk. 5:33-39)
14Koopod nopo dii iri, om rikotno dii i tongotulun di Yaya Mamamatis#9:14 Mamamatis: Momomonsu siri do mongoduat di Yisus do ka, “Soumur ikoi dagai om iolo kumpulan Porisi do mogpuasa. Nga nokuro ilo tongotulunNu do au mogpuasa?” ka.
15Nga minaganu i Yisus do iso poiradan do Isidono irad di kumawin om kaDisido, “Kasaramaanan muju nopo om moginupus i sumapul di kawin ontokpo do poirunggumpo diolo i kinumawin? SoromononKu au, kon! Nga orikotpo iri tadau do kapanangkapan di tongotulun diri kusai di kumawin do patajon, om ampa nogi dino do mogpuasa i sumapul di kawin. Om irad nogi dino, salaid#9:15 salaid: salama do siti Okupo di tongotulunKu au mogpuasa iolo,” kadi Yisus.
16Om minaganu kavagu i Yisus do iso poiradan do ponudukanJo nopo kavavagu nga irad do kain om kinomol kavavagu, do kaDisido, “Ausoi tulun do mangampil#9:16 mangampil: monompong di sabung laid diri kain kavavagu, do nong ompilan#9:16 ompilan: tampangan do kain vagu kumongkong iri om kanogi dino do araradan i noruak. 17Om auso nogi tulun papaasu diri kinomol kavavagu siri poijanan i vinaal mantad do kulit do kambing di navaal laid, nga siri poijanan di vagupo. Do nong siri poijanan laid poosuan kanogi dino do tumudak i kulit pinoijanan sabap do okoris, om obubus i kinomol kavavagu om i pinoijanan nga noruakno dii. Nga iri nopo kinomol kavavagu om vaguno iri poijanan supaya auno orubat iri kinomol om iri pinoijanan,” kadi Yisus.
I Tanak di Kotua do Sasambayangan om i Tongondu di Kinumombit di Yisus
(Mar. 5:21-43; Luk. 8:40-56)
18Nga ontokpo di Yisus mitangar diolo, om kivaro iso kotua do valai sasambayangan rinumikot sumingkotud siri gotuvang Disido do mokitulung Disido do ka, “Kapapatai diri tanakku tongondu. Nga ongoiopo kamawo ilo kojuvanjo supaya ovijau isido,” ka.
19Ingkakatno dii i Yisus do minaja disido, om ikoi i tongotulun di Yisus nogi nga minaja.
20-21Nga kivaropo dii iso tongondu siri do opuluno om duvo toun au kataru do au otoduan di raajo, om soriatno dii isido di tongotulun do minsomok marong ponong likud di Yisus do kadi ginavo di tongondu, “Olingasan okui bo diti insan kumombit noopo dilo sabungJo,” ka. Koromut nopo dii isido siri likud di Yisus om kombitno dii di soririg sabungJo.
22Nga kovili nopo dii i Yisus om naantangan dii i tongondu siri touriJo, om pitangarno dii Isido do ka, “Abu, ada kosusa. Nolingasankono di toruolnu do aparsayako Dogo,” ka. Om turus do nolingasan isido.
23Korikot dii i Yisus siri valai di kotua diri, om kaantangai dii Disido iri tongotulun di popouni di suling do posodia mongolobong, om iri tongotulun songurau-urau do moginupus di tanak napatai. 24Nga kadi Yisus, “Labus koupo kasangkat pogi, do okoniko napatai ilo tanak dilo, nga nokoodop noopo!” ka. Nga irak-irakai nogi dii diolo Isido. 25Nga koidupo dii i tongotulun om asuno dii i Yisus siri kinoodopo di tanak napatai, om kuutaino dii Disido i longonjo, om i tanak nga tinumungag do novijau vagu. 26Om abar nopo diri nga nokotongkopno dii siri saralom vonuvo diri.
Minongolingos i Yisus di Duvo Tulun Bolou
27Om tilombusno dii i Yisus mantad si pantok diri, kivaro dii duvo tulun bolou do sinumambat maja Disido. Om luvapno dii iolo di Yisus do irad diti, “Uu Tuan, Ikano koturunan di Daud, kosianaino dagai,” ka.
28Nga kaasu nopo dii i Yisus siri iso valai, ongoino dii iolo minsomok Disido. Nga kadi Yisus, “Aparsaya kovi batoi do kolingos Oku dino toruol muju?” ka.
“Tuan, aparsaya ikoji,” ka.
29Om kamawono dii di Yisus iolo om pitangarno dii do, “Koontong kouno irad dino kaparsayaan muju,” ka. 30Iolo nga nokoontongno dii irad di pongongontong togina. Om potingkod marong dii i Yisus diolo do, “Adano marong popoilo do vokon,” ka.
31Nga di nakapanauno dii iolo, kikinampo dii iolo pitongkop-tongkop mangaabar di tongotulun siri vonuvo diri.
Liningasan di Yisus i Tulun Bobou
(Mat. 12:22-24)
32Diri tumilombus kavagu i Yisus om ikoi i tongotulunJo, kivaro piipiro tulun mangangat paatod si Disido diri tulun pinobobou do rogon. 33Nga sunsubono dii di Yisus i rogon om i tulun nga kavantangno dii mitangar kavagu. Nga osumboijan dii marong i tongotulun do koontong irad diri, om kadiolo, “Atuuk! Aupo dii insan ikoi koontong do tulun mongolingos do toruol inong diti siti Vonuvo Israil,” ka.
34Nga kadi kumpulan do Porisi, “Kotua do rogonno minanaak di Yisus do kuasa monunsub do tongorogon dilo,” ka.
Nosianan i Yisus di Tulun Toguu
(Luk. 10:1-2)
35Om ongoino dii pitongkop-tongkop i Yisus si kababandaran om kokokompungan do monuduk Isido si tongovalai sasambayangan do tulun Joudi, om papaabar diolo diri Abar do Aandai nong potingkuro i Kinoringan monguasa di tongotulunJo, om mongolingos nogi di moisosondiang toruol. 36Nga koontong nopo dii i Yisus diri oguu tulun do osusa marong om au koopud irad diri kambing biri-biri do auso momimiara, osianan dii marong Isido diolo. 37Om pitangarno dii i Yisus dagai di tongotulunJo do iso poiradan do oguu tulun do sirongou di Abar do Aandai irad do parai naansak, do kaDisido, “Agajo daa iti tomoton nga okuyak i tongotulun do mongomot. 38Sabap diri do pokianu kouno do Tuhan, i sanganu di tomoton, pangamatan supaya monuu Isido di tongotulun vokon do mongoi mongomot siri dumoJo,” kadi Yisus.
Currently Selected:
Matius 9: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Matius 9
9
Nolingasan i Tulun Kimai
(Mar. 2:1-12; Luk. 5:17-26)
1Om sakono dii oi Yisus si talud do sumondipau kavagu di botung tagajo do muli siri kampungJo.#9:1 kampungJo: irino Kaparnaum (antangai si 4:13). 2Korikot nopo dii iolo siri, kivaro piipiro tulun do minongovit diri iso tulun kimai do poingodop siri pinaadapanjo. Nga kaantangai nopo dii di Yisus iolo do aparsaya marong Disido, om kaDisido di tulun kimai, “Apa, ada kosusa do noompunanno ino dusonu maino,” kadi Yisus.
3Nga kivaro nogi siri i monunuduk do Undang-undang Ugama do Joudi minsoromo daa do, “Tulun diti mangararaat di Kinoringan do rumantai Isido do Kinoringan,” kadi ginavo diolo.
4Nga nuka do oilaani di Yisus iri sinoromo diolo, om pitangarno dii Isido diolo do, “Nokuro do araat ino sinoromo muju? 5Inombono agaan tangaronKu, nong mitangar Okupo do, ‘Noompunanno i dusonu,’ kangKupo ko, ‘Tungagno om pampanauno muli,’ kangKupo disido? 6LingasanKu iti tulun kimai do poontong Oku dikovu supaya oilaan muju do kikuasa Oku do mangampun do duso siti vonuvo do Iokuno i Sinumiliu do Tulun,” kadi Yisus. Om mitangar Isido diri tulun kimai do, “Tungagno pogi, om kakatono ino inonododoponnu om pampanauno muli,” kadi Yisus.
7Tungagno dii i tulun kimai om pampanauno dii muli. 8Koontong nopo dii i tongotulun siri do inong dii, rumosii, mangarajoui iolo di Kinoringan do noonuan Disido i tulun do kuasa tagajo do mongolingos do toruol irad diri.
Minongoloou i Yisus di Matius
(Mar. 2:13-17; Luk. 5:27-32)
9Pampanauno dii i Yisus mantad pantok diri om ontok do manau-panau naantangan oku dii Disido do poingogom siri upis pangatadan di tongotulun do sukai. Ngaranku nopo nga i Matius. Om kaantangaiku dii di Yisus om kaDisido do, “Kayo, vaja Dogo,” ka. Om ingkakatokuno dii do maja di Yisus.
10Korikot nopo dii i Yisus om ikoi tongotulunJo siri valaiku om paakanokuno dii iolo. Nga di pintangaan di Yisus om ikoi tongotulunJo mangakan siri valaiku#9:10 valaiku di Matius: ko: valaijo (irino valai ijonon di Yisus) di Matius om oguu nogi dii i tongotulun nokorikot do pinouruk dagai do mangakan. Iolo nopo nga i tulun momumumpung do sukai om i tongotulun kiduso i au maja di Undang-undang Ugama do Joudi. 11Om ontok diri kivaro kumpulan do Porisi siri, om koontong nopo dii iolo do irad diri, pongoduatno dii dagai, kadiolo, “Nokuro ilo Guru muju do muruk mangakan di tongotulun momumumpung do sukai om iri tulun kiduso?” ka.
12Nga korongou nopo dii i Yisus di tangar diolo, om minaganu Isido do iso poiradan do ka, “I tulun do au kataru mokiubat do duktur, okonko i tulun do apangkau. 13Orotio mujuno nong onu komoion diri tangar saralom Kitab irad diti, ‘KouvanganKu nopo om moisusuli osianan, om okoniko manaak noopo do dupot isogit Dogo,’ kadi Kinoringan. Rinumikot Oku diti do mongoloou di tulun kiduso do pavaja Dogo. Okoniko i tulun minsoromo do abanar isido do loovonKu,” kadi Yisus.#Antangai Usia 6:6.
Mogpuasa om Ponudukan Kavavagu
(Mar. 2:18-22; Luk. 5:33-39)
14Koopod nopo dii iri, om rikotno dii i tongotulun di Yaya Mamamatis#9:14 Mamamatis: Momomonsu siri do mongoduat di Yisus do ka, “Soumur ikoi dagai om iolo kumpulan Porisi do mogpuasa. Nga nokuro ilo tongotulunNu do au mogpuasa?” ka.
15Nga minaganu i Yisus do iso poiradan do Isidono irad di kumawin om kaDisido, “Kasaramaanan muju nopo om moginupus i sumapul di kawin ontokpo do poirunggumpo diolo i kinumawin? SoromononKu au, kon! Nga orikotpo iri tadau do kapanangkapan di tongotulun diri kusai di kumawin do patajon, om ampa nogi dino do mogpuasa i sumapul di kawin. Om irad nogi dino, salaid#9:15 salaid: salama do siti Okupo di tongotulunKu au mogpuasa iolo,” kadi Yisus.
16Om minaganu kavagu i Yisus do iso poiradan do ponudukanJo nopo kavavagu nga irad do kain om kinomol kavavagu, do kaDisido, “Ausoi tulun do mangampil#9:16 mangampil: monompong di sabung laid diri kain kavavagu, do nong ompilan#9:16 ompilan: tampangan do kain vagu kumongkong iri om kanogi dino do araradan i noruak. 17Om auso nogi tulun papaasu diri kinomol kavavagu siri poijanan i vinaal mantad do kulit do kambing di navaal laid, nga siri poijanan di vagupo. Do nong siri poijanan laid poosuan kanogi dino do tumudak i kulit pinoijanan sabap do okoris, om obubus i kinomol kavavagu om i pinoijanan nga noruakno dii. Nga iri nopo kinomol kavavagu om vaguno iri poijanan supaya auno orubat iri kinomol om iri pinoijanan,” kadi Yisus.
I Tanak di Kotua do Sasambayangan om i Tongondu di Kinumombit di Yisus
(Mar. 5:21-43; Luk. 8:40-56)
18Nga ontokpo di Yisus mitangar diolo, om kivaro iso kotua do valai sasambayangan rinumikot sumingkotud siri gotuvang Disido do mokitulung Disido do ka, “Kapapatai diri tanakku tongondu. Nga ongoiopo kamawo ilo kojuvanjo supaya ovijau isido,” ka.
19Ingkakatno dii i Yisus do minaja disido, om ikoi i tongotulun di Yisus nogi nga minaja.
20-21Nga kivaropo dii iso tongondu siri do opuluno om duvo toun au kataru do au otoduan di raajo, om soriatno dii isido di tongotulun do minsomok marong ponong likud di Yisus do kadi ginavo di tongondu, “Olingasan okui bo diti insan kumombit noopo dilo sabungJo,” ka. Koromut nopo dii isido siri likud di Yisus om kombitno dii di soririg sabungJo.
22Nga kovili nopo dii i Yisus om naantangan dii i tongondu siri touriJo, om pitangarno dii Isido do ka, “Abu, ada kosusa. Nolingasankono di toruolnu do aparsayako Dogo,” ka. Om turus do nolingasan isido.
23Korikot dii i Yisus siri valai di kotua diri, om kaantangai dii Disido iri tongotulun di popouni di suling do posodia mongolobong, om iri tongotulun songurau-urau do moginupus di tanak napatai. 24Nga kadi Yisus, “Labus koupo kasangkat pogi, do okoniko napatai ilo tanak dilo, nga nokoodop noopo!” ka. Nga irak-irakai nogi dii diolo Isido. 25Nga koidupo dii i tongotulun om asuno dii i Yisus siri kinoodopo di tanak napatai, om kuutaino dii Disido i longonjo, om i tanak nga tinumungag do novijau vagu. 26Om abar nopo diri nga nokotongkopno dii siri saralom vonuvo diri.
Minongolingos i Yisus di Duvo Tulun Bolou
27Om tilombusno dii i Yisus mantad si pantok diri, kivaro dii duvo tulun bolou do sinumambat maja Disido. Om luvapno dii iolo di Yisus do irad diti, “Uu Tuan, Ikano koturunan di Daud, kosianaino dagai,” ka.
28Nga kaasu nopo dii i Yisus siri iso valai, ongoino dii iolo minsomok Disido. Nga kadi Yisus, “Aparsaya kovi batoi do kolingos Oku dino toruol muju?” ka.
“Tuan, aparsaya ikoji,” ka.
29Om kamawono dii di Yisus iolo om pitangarno dii do, “Koontong kouno irad dino kaparsayaan muju,” ka. 30Iolo nga nokoontongno dii irad di pongongontong togina. Om potingkod marong dii i Yisus diolo do, “Adano marong popoilo do vokon,” ka.
31Nga di nakapanauno dii iolo, kikinampo dii iolo pitongkop-tongkop mangaabar di tongotulun siri vonuvo diri.
Liningasan di Yisus i Tulun Bobou
(Mat. 12:22-24)
32Diri tumilombus kavagu i Yisus om ikoi i tongotulunJo, kivaro piipiro tulun mangangat paatod si Disido diri tulun pinobobou do rogon. 33Nga sunsubono dii di Yisus i rogon om i tulun nga kavantangno dii mitangar kavagu. Nga osumboijan dii marong i tongotulun do koontong irad diri, om kadiolo, “Atuuk! Aupo dii insan ikoi koontong do tulun mongolingos do toruol inong diti siti Vonuvo Israil,” ka.
34Nga kadi kumpulan do Porisi, “Kotua do rogonno minanaak di Yisus do kuasa monunsub do tongorogon dilo,” ka.
Nosianan i Yisus di Tulun Toguu
(Luk. 10:1-2)
35Om ongoino dii pitongkop-tongkop i Yisus si kababandaran om kokokompungan do monuduk Isido si tongovalai sasambayangan do tulun Joudi, om papaabar diolo diri Abar do Aandai nong potingkuro i Kinoringan monguasa di tongotulunJo, om mongolingos nogi di moisosondiang toruol. 36Nga koontong nopo dii i Yisus diri oguu tulun do osusa marong om au koopud irad diri kambing biri-biri do auso momimiara, osianan dii marong Isido diolo. 37Om pitangarno dii i Yisus dagai di tongotulunJo do iso poiradan do oguu tulun do sirongou di Abar do Aandai irad do parai naansak, do kaDisido, “Agajo daa iti tomoton nga okuyak i tongotulun do mongomot. 38Sabap diri do pokianu kouno do Tuhan, i sanganu di tomoton, pangamatan supaya monuu Isido di tongotulun vokon do mongoi mongomot siri dumoJo,” kadi Yisus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.