Génesis 18
18
Albot yu'un Dios Abraham te ya x'ayin snich'an
1Te Cajwaltic la yac' sba ta ilel ta stojol Abraham ta jijte'eltic yu'un Mamre, te bit'il nacal ta sti' snailpac' ta yaiyel axinal yu'un xc'uxul c'aal. 2La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon,#Heb 13.2. la stinan sba coel c'alal ta lum. 3Jich la yal:
—Tatic, teme lecon ta ilel ya awile, wocoluc, ma me xc'axat bael ta stojol te awabate. 4Ya me jc'an tel jtebuc ja' te ya apoc awacanic ae. Cuxa awo'tanic ta yaxinal te te'e. 5Ya xba quich'bat tel jtebuc awe'el, yu'un ma me xcom q'uinal ya awaiyic ta beel. Patil me ya xbaex, melel ja' swentail te talex ta stojol te awabate —la yut.
La sjaq'uic:
—Jichuc, pasa te bit'il la awale —xiic yu'un.
6Jich te Abraham ora ba sc'opon te Sara ta yutil nailpac', jich la yalbey:
—Pasa we'elil ta ora, p'isa loq'uel tel jtabuc kilo harina ya awots', ts'ajana ta ac'al —la yut.
7Animal bajt' ta corral te Abrahame. La stsac jcojt' alal wacax ta bay jujp'ene, la yac'bey spas te yabate, swenta yu'un ya xchajbanbey ta ora. 8Soc la yich' tel queso soc leche, soc te alal wacax te la yich' chajbanel yu'une, la spajch'anbey swe'ic. Soc la stejc'an sba ta nopol ta yet'al te', ochic ta we'el.
9C'alal laj yo'tanic ta we'el, la sjojc'obeyic:
—¿Banti ay te awinam Sara? —xiic.
—Ay ta yutil nailpac' —xi' te Abrahame.
10Albot yu'un te jtule:
—Jamal ya calbat, ya to me xcha'talon xan quilat ta yan ja'wil. Ja' me yorail te ya x'alaj te Sara, ja' te awiname#Ro 9.9. —xi'.
Te Sara ay ta bay sti' nailpac' ta spatic, jich la yaiy stojol te bi la yich' alele. 11Mamalix a te Abraham, soc me'elix a te Sara, ma ba yaquix ta yilel xchamel te Sara te bit'il ya spasbot te antsetique. 12Jich yu'un tse'ej nax la yaiy ta yo'tan te Sarae, jich la yal ta yo'tan: “Te bit'il me'elonix ¿ya to bal caiybey xan yutsilal, melel mamalix uuc te jmamlale?”#1 P 3.6. xi' yu'un. 13Te Cajwaltic jich la yalbey te Abraham:
—¿Bistuc tse'ej nax la yaiy te Sara, soc bistuc la yal: “¿Ya to bal caiybey xan yutsilal te ya x'alajon te bit'il me'elonixe?” te xie? 14Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara#Jer 32.16,27; Lc 1.37; Ro 9.9. —xi'.
15Te Sara la smuc ta yo'tan:
—Ma ba tse'enon —xi' yu'un xiwel.
Ja'uc me to, albot yu'un:
—Tse'enat nax —xi' sc'oplal.
Abraham la sc'anbey Dios scoltayel Sodoma
16Jajch'ic ta beel te winiquetic, bajt'ic ta stojol te Sodoma, joinotic bael yu'un te Abrahame. 17Jich la yal ta yo'tan te Cajwaltique: “Ma ba ya jmuc ta stojol Abraham te bila ya xc'ot ta pasel cu'un, 18te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham. 19Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan. 20Jich la yal Cajwaltic ta stojol Abraham:
—Te yajwal Sodoma soc Gomorra bolobeniquix, esmajix smulic ta jyalel. 21Jich yu'un ya xcoon bael, ya quil teme jich spasojic te bit'il ay sc'oplalic caiyoj stojole. Teme ma jichuque, ya me jna' stojol —xi'.
22Jich bajt'ic te cheb winiquetique, beenic bael ta stojol Sodoma. Yan te Abraham teq'uel to jilel ta stojol Cajwaltic stuquel. 23Noptsaj xan bael te Abraham, jich la sjojc'obey:
—¿Pajal bal ya awac' lajuc soc mach'a amen yo'tan te mach'a toj yo'tane? 24Te ayuc lajuneb yoxwinic (50) tey ta lum te toj yo'tan stuquelic, ¿pajal bal ya ajin? ¿Ma bal yacuc ac'uxtay te lum ta swenta te lajuneb yoxwinic (50) te toj yo'tan stuquelique? 25Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.
26La sjac' te Cajwaltique:
—Teme ay lajuneb yoxwinic (50) te toj yo'tanic ta lum Sodoma ya jtae, ya me jc'uxtay te lum ta swentaic —xi'.
27Te Abraham jich la yal xan:
—Pasbon perdón, Cajwal, melel Diosat atuquel, yan te jo'one ma'yuc cutsil ta q'uinal; ja'uc me to, ya me xc'opojon xan. 28Ja'xan teme ay jo'tul xan sc'an lajuneb yoxwinic (45) te toj yo'tanique, te bit'il jo'tul nax ma stae, ¿ya bal awac' lajuc spamal te lum yu'une? —xi'.
Albot yu'un:
—Teme ay tey a jo'eb yoxwinic (45) ta jtul, ma ba ya cac' lajuc te lume —xi'.
29La xcha'c'opon xan Dios te Abraham:
—¿Ja'xan teme ay nax cha'winic (40) ta jtul te toj yo'tanique? —xi'.
Albot yu'un:
—Ma ba ya cac' lajuc ta swenta te cha'winic (40) ya awale —xi'.
30Soc la yalbey xan wocol:
—Ma me x'ilinat ta jtojol, Cajwal, teme ya jc'oponat xan. ¿Ja'xan teme ay nax lajuneb xcha'winic (30)? —xi'.
Albot yu'un:
—Ma ba ya jpas jich teme ay lajuneb xcha'winic (30) ya jta —xi'.
31La yalbey xan:
—Cajwal, ya me jc'oponat xan: ¿Ja'xan teme ay nax jtab ya ata? —xi'.
Albot yu'un:
—Ta swenta te jtab ya awale, ma ba ya cac' lajuc te lume —xi'.
32La yalbey xan:
—Ma me x'ilinat te ja'at Cajwal, teme ya jc'oponat jun xan buelta: ¿Ja'xan teme ay nax lajuntul ya atae? —xi'.
Albot yu'un:
—Ta scaj te lajuntule, ma ba ya cac' lajuc —xi'.
33Jich laj yo'tan ta c'op soc Abraham te Cajwaltique, jajch' ta beel. Yan te Abraham sujt' bael ta snailpac'.
Currently Selected:
Génesis 18: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Génesis 18
18
Albot yu'un Dios Abraham te ya x'ayin snich'an
1Te Cajwaltic la yac' sba ta ilel ta stojol Abraham ta jijte'eltic yu'un Mamre, te bit'il nacal ta sti' snailpac' ta yaiyel axinal yu'un xc'uxul c'aal. 2La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon,#Heb 13.2. la stinan sba coel c'alal ta lum. 3Jich la yal:
—Tatic, teme lecon ta ilel ya awile, wocoluc, ma me xc'axat bael ta stojol te awabate. 4Ya me jc'an tel jtebuc ja' te ya apoc awacanic ae. Cuxa awo'tanic ta yaxinal te te'e. 5Ya xba quich'bat tel jtebuc awe'el, yu'un ma me xcom q'uinal ya awaiyic ta beel. Patil me ya xbaex, melel ja' swentail te talex ta stojol te awabate —la yut.
La sjaq'uic:
—Jichuc, pasa te bit'il la awale —xiic yu'un.
6Jich te Abraham ora ba sc'opon te Sara ta yutil nailpac', jich la yalbey:
—Pasa we'elil ta ora, p'isa loq'uel tel jtabuc kilo harina ya awots', ts'ajana ta ac'al —la yut.
7Animal bajt' ta corral te Abrahame. La stsac jcojt' alal wacax ta bay jujp'ene, la yac'bey spas te yabate, swenta yu'un ya xchajbanbey ta ora. 8Soc la yich' tel queso soc leche, soc te alal wacax te la yich' chajbanel yu'une, la spajch'anbey swe'ic. Soc la stejc'an sba ta nopol ta yet'al te', ochic ta we'el.
9C'alal laj yo'tanic ta we'el, la sjojc'obeyic:
—¿Banti ay te awinam Sara? —xiic.
—Ay ta yutil nailpac' —xi' te Abrahame.
10Albot yu'un te jtule:
—Jamal ya calbat, ya to me xcha'talon xan quilat ta yan ja'wil. Ja' me yorail te ya x'alaj te Sara, ja' te awiname#Ro 9.9. —xi'.
Te Sara ay ta bay sti' nailpac' ta spatic, jich la yaiy stojol te bi la yich' alele. 11Mamalix a te Abraham, soc me'elix a te Sara, ma ba yaquix ta yilel xchamel te Sara te bit'il ya spasbot te antsetique. 12Jich yu'un tse'ej nax la yaiy ta yo'tan te Sarae, jich la yal ta yo'tan: “Te bit'il me'elonix ¿ya to bal caiybey xan yutsilal, melel mamalix uuc te jmamlale?”#1 P 3.6. xi' yu'un. 13Te Cajwaltic jich la yalbey te Abraham:
—¿Bistuc tse'ej nax la yaiy te Sara, soc bistuc la yal: “¿Ya to bal caiybey xan yutsilal te ya x'alajon te bit'il me'elonixe?” te xie? 14Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara#Jer 32.16,27; Lc 1.37; Ro 9.9. —xi'.
15Te Sara la smuc ta yo'tan:
—Ma ba tse'enon —xi' yu'un xiwel.
Ja'uc me to, albot yu'un:
—Tse'enat nax —xi' sc'oplal.
Abraham la sc'anbey Dios scoltayel Sodoma
16Jajch'ic ta beel te winiquetic, bajt'ic ta stojol te Sodoma, joinotic bael yu'un te Abrahame. 17Jich la yal ta yo'tan te Cajwaltique: “Ma ba ya jmuc ta stojol Abraham te bila ya xc'ot ta pasel cu'un, 18te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham. 19Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan. 20Jich la yal Cajwaltic ta stojol Abraham:
—Te yajwal Sodoma soc Gomorra bolobeniquix, esmajix smulic ta jyalel. 21Jich yu'un ya xcoon bael, ya quil teme jich spasojic te bit'il ay sc'oplalic caiyoj stojole. Teme ma jichuque, ya me jna' stojol —xi'.
22Jich bajt'ic te cheb winiquetique, beenic bael ta stojol Sodoma. Yan te Abraham teq'uel to jilel ta stojol Cajwaltic stuquel. 23Noptsaj xan bael te Abraham, jich la sjojc'obey:
—¿Pajal bal ya awac' lajuc soc mach'a amen yo'tan te mach'a toj yo'tane? 24Te ayuc lajuneb yoxwinic (50) tey ta lum te toj yo'tan stuquelic, ¿pajal bal ya ajin? ¿Ma bal yacuc ac'uxtay te lum ta swenta te lajuneb yoxwinic (50) te toj yo'tan stuquelique? 25Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.
26La sjac' te Cajwaltique:
—Teme ay lajuneb yoxwinic (50) te toj yo'tanic ta lum Sodoma ya jtae, ya me jc'uxtay te lum ta swentaic —xi'.
27Te Abraham jich la yal xan:
—Pasbon perdón, Cajwal, melel Diosat atuquel, yan te jo'one ma'yuc cutsil ta q'uinal; ja'uc me to, ya me xc'opojon xan. 28Ja'xan teme ay jo'tul xan sc'an lajuneb yoxwinic (45) te toj yo'tanique, te bit'il jo'tul nax ma stae, ¿ya bal awac' lajuc spamal te lum yu'une? —xi'.
Albot yu'un:
—Teme ay tey a jo'eb yoxwinic (45) ta jtul, ma ba ya cac' lajuc te lume —xi'.
29La xcha'c'opon xan Dios te Abraham:
—¿Ja'xan teme ay nax cha'winic (40) ta jtul te toj yo'tanique? —xi'.
Albot yu'un:
—Ma ba ya cac' lajuc ta swenta te cha'winic (40) ya awale —xi'.
30Soc la yalbey xan wocol:
—Ma me x'ilinat ta jtojol, Cajwal, teme ya jc'oponat xan. ¿Ja'xan teme ay nax lajuneb xcha'winic (30)? —xi'.
Albot yu'un:
—Ma ba ya jpas jich teme ay lajuneb xcha'winic (30) ya jta —xi'.
31La yalbey xan:
—Cajwal, ya me jc'oponat xan: ¿Ja'xan teme ay nax jtab ya ata? —xi'.
Albot yu'un:
—Ta swenta te jtab ya awale, ma ba ya cac' lajuc te lume —xi'.
32La yalbey xan:
—Ma me x'ilinat te ja'at Cajwal, teme ya jc'oponat jun xan buelta: ¿Ja'xan teme ay nax lajuntul ya atae? —xi'.
Albot yu'un:
—Ta scaj te lajuntule, ma ba ya cac' lajuc —xi'.
33Jich laj yo'tan ta c'op soc Abraham te Cajwaltique, jajch' ta beel. Yan te Abraham sujt' bael ta snailpac'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.