Génesis 25
25
Sts'umbal Abraham soc Cetura
(1 Cr 1.32-33)
1Te Abraham la sle yan yinam, Cetura sbiil. 2Alajnich'naj soc, jich sbiil te alaletic yu'une: Zimram, Jocsán, Medán, Madián, Isbac soc Súa. 3Te Jocsán ja' stat te Seba soc Dedán. Te Dedán ja' stat te asureoetic, letuseoetic, soc leumeoetic. 4Te Madián ja' stat te Efá, Efer, Hanoc, Abida soc Elda. Ja' te yal-snich'nab te Cetura. 5Ja'uc me to, te Abraham ja' la yac'bey jilel Isaac spisil te bitic ay yu'une. 6Yan te yalatac te yan antsetic la yic' yinamin te Abraham, ja' nax la yac'bey smajt'anic stuquelic, jich la sticun bael ta stojol sloq'uib c'aal te c'alal cuxul to a. Ma la yac' sjoin sba soc Isaac te yantic snich'nabe.
Laj Abraham
7Te jayeb ja'wil cuxin te Abraham, jo'lajuneb sbalunwinic (175) ja'wil. 8Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une. 9Te snich'nab Abraham, ja' te Isaac soc Ismael, la smuquic ta nailch'en Macpela, te ay ta sq'uinal Efrón te snich'an Zohar te heteo-winique. Te sq'uinal Efrón nopol ay ta Mamre ta stojol sloq'uib c'aal. 10Ja' te q'uinal te chonbot yu'un sts'umbal Het te Abrahame.#Gn 23.3-16. Tey mujc' a te Abraham te bay nix mucul te Sarae. 11Lajemix a te Abraham, ac'bot bayal bendición yu'un Dios te Isaaque. Nain ta bay pozo: “Ya yilon te cuxul Dios”, te xi' sbiile.
Sts'umbal Ismael
(1 Cr 1.28-31)
12Jich sbiilic te snich'nab Ismael te snich'an Abraham, te ja' yal te Agar te scriada Sara. 13Jich sbiilic te jayeb snich'nab te Ismaele: Te sba snich'an Ismael Nebaiot sbiil. Ayinic xan te Cedar, soc Adbeel, Mibsam, 14Mismá, Duma, Massa, 15Hadar, Tema, Jetur, Nafis soc Cedema. 16Ja'ic te snich'nab Ismael, jich ay te sbiilic, soc nix sbiilic te sq'uinalic soc te scampamentoique. Te lajchaytulique lajchaychajp loq'uemic a.
17Te Ismael juclajuneb sjucwinic (137) ja'wil cuxin ta balumilal c'alal laj, jich ba sjoin te mach'atic neel lajemic yu'une. 18Te mach'atic jayeb ay yu'un, la spuc sbaic c'alal Havila c'alal to ta Shur te ay ta stojol Egipto ta sbelal Asiria. Tey nainic ta spisilic manchuc me controinot yu'un te yermanotaque.
Ayin Jacob soc Esaú
19Yan te Isaac te snich'an Abraham, jich ay sc'oplal stuquel. 20Cha'winic (40) ya'wilal a te Isaac te la yic' yinamin Rebeca, te yantsil-nich'an Betuel te arameo-winic te nainem ta Padan-aram. Ja' xi'lel te Labán sbiile. 21Te Rebeca ma x'alaj, ja' yu'un te Isaac la sc'oponbey Dios te yiname. Tsacbot sc'op yu'un te Diose, jich la yic' yal te Rebeca. 22La yac'bey sbaic guerra te cheb alaletic ta xch'ujt'. Jich yu'un la yal te Rebeca: “¿Teme jich aye, bistuc te cuxulon to?” xi'. Jich yu'un ba sc'opon te Cajwaltique. 23Albot yu'un:
—Cha'chajp nación ya xloc' a te alaletic awic'oje,
cha'chajp lum te ay to ta ach'ujt' a te scontroinej sbaique.
Te jtule c'ax jich ya xju' yu'un te bit'il te yane,
te banquilale abatil ya xc'ot yu'un te ijts'inale —xi' sc'oplal yu'un te Cajwaltique.#Ro 9.12.
24Te c'alal la sta yorail ayin yal te Rebeca, lo'alaletic la yalatay. 25Te mach'a neel ayin, tsajal alal soc scojt'ol ay stsotsil, jich yu'un Esaú sbiil c'ot yu'unic. 26Te c'alal ayin te yijts'ine, stsacojbey te yit yacan te Esaú, Jacob sbiil c'ot yu'unic stuquel. Oxwinic (60) ya'wilal a te Isaac te c'alal ayin te snich'nabe.
Esaú la xchon te bila ay ta swenta yich'el
27Muc'ubic te alaletique. Te Esaú yat'elinej beel ta witstiquil, la sna' ta lec nutsojel stuquel. Yan te Jacob la smulan te ya x'ain ta sna. 28Te Isaac ja' c'ux ta yo'tan te Esaú, yu'un ya x'ac'bot ti'bal sti' yu'un. Yan te Rebeca ja' c'ux ta yo'tan te Jacob stuquel.
29Ay la spay tsajal chenec' te Jacob. Yan te Esaú luben sujt'el tel ta beel ta witstiquil stuquel. 30Jich yu'un la yalbey te Jacob:
—Yacuc awac'bon jtebuc jwe' te atsajal cheneq'ue, yu'un ya xlajon ta wi'nal —xi'.
(Ja' swentail te bit'il Edom sbiil a c'ot te Esaú.)
31La sjac' te Jacob:
—Jeltic ta chenec' jiche te bila ay ta awenta te bit'il ba alalat atuquele —xi'.
32La yal te Esaú:
—Lajelonix ta wi'nal, ¿bistuc cu'un te bila ay ta jwenta te bit'il ba alalone? —xi'.
33La yal te Jacob:
—Albon ta jamal ta stojol Dios te bit'il puersa ya awac'bone —la yut.
Jich yu'un la yal ta jamal ta stojol Dios te Esaú te bit'il ya yac'bey Jacob te bitic ay ta swenta yich'ele.#Heb 12.16. 34Te Jacob la yac'bey waj swe' soc chenec', jich we' te Esaú. Laj yo'tan ta we'el-uch'ajel, jajch', loc' bael. Jich ma'yuc sc'oplal c'ot ta yo'tan Esaú te bitic ay ta swenta yich'el te ba alal stuquele.
Currently Selected:
Génesis 25: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Génesis 25
25
Sts'umbal Abraham soc Cetura
(1 Cr 1.32-33)
1Te Abraham la sle yan yinam, Cetura sbiil. 2Alajnich'naj soc, jich sbiil te alaletic yu'une: Zimram, Jocsán, Medán, Madián, Isbac soc Súa. 3Te Jocsán ja' stat te Seba soc Dedán. Te Dedán ja' stat te asureoetic, letuseoetic, soc leumeoetic. 4Te Madián ja' stat te Efá, Efer, Hanoc, Abida soc Elda. Ja' te yal-snich'nab te Cetura. 5Ja'uc me to, te Abraham ja' la yac'bey jilel Isaac spisil te bitic ay yu'une. 6Yan te yalatac te yan antsetic la yic' yinamin te Abraham, ja' nax la yac'bey smajt'anic stuquelic, jich la sticun bael ta stojol sloq'uib c'aal te c'alal cuxul to a. Ma la yac' sjoin sba soc Isaac te yantic snich'nabe.
Laj Abraham
7Te jayeb ja'wil cuxin te Abraham, jo'lajuneb sbalunwinic (175) ja'wil. 8Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une. 9Te snich'nab Abraham, ja' te Isaac soc Ismael, la smuquic ta nailch'en Macpela, te ay ta sq'uinal Efrón te snich'an Zohar te heteo-winique. Te sq'uinal Efrón nopol ay ta Mamre ta stojol sloq'uib c'aal. 10Ja' te q'uinal te chonbot yu'un sts'umbal Het te Abrahame.#Gn 23.3-16. Tey mujc' a te Abraham te bay nix mucul te Sarae. 11Lajemix a te Abraham, ac'bot bayal bendición yu'un Dios te Isaaque. Nain ta bay pozo: “Ya yilon te cuxul Dios”, te xi' sbiile.
Sts'umbal Ismael
(1 Cr 1.28-31)
12Jich sbiilic te snich'nab Ismael te snich'an Abraham, te ja' yal te Agar te scriada Sara. 13Jich sbiilic te jayeb snich'nab te Ismaele: Te sba snich'an Ismael Nebaiot sbiil. Ayinic xan te Cedar, soc Adbeel, Mibsam, 14Mismá, Duma, Massa, 15Hadar, Tema, Jetur, Nafis soc Cedema. 16Ja'ic te snich'nab Ismael, jich ay te sbiilic, soc nix sbiilic te sq'uinalic soc te scampamentoique. Te lajchaytulique lajchaychajp loq'uemic a.
17Te Ismael juclajuneb sjucwinic (137) ja'wil cuxin ta balumilal c'alal laj, jich ba sjoin te mach'atic neel lajemic yu'une. 18Te mach'atic jayeb ay yu'un, la spuc sbaic c'alal Havila c'alal to ta Shur te ay ta stojol Egipto ta sbelal Asiria. Tey nainic ta spisilic manchuc me controinot yu'un te yermanotaque.
Ayin Jacob soc Esaú
19Yan te Isaac te snich'an Abraham, jich ay sc'oplal stuquel. 20Cha'winic (40) ya'wilal a te Isaac te la yic' yinamin Rebeca, te yantsil-nich'an Betuel te arameo-winic te nainem ta Padan-aram. Ja' xi'lel te Labán sbiile. 21Te Rebeca ma x'alaj, ja' yu'un te Isaac la sc'oponbey Dios te yiname. Tsacbot sc'op yu'un te Diose, jich la yic' yal te Rebeca. 22La yac'bey sbaic guerra te cheb alaletic ta xch'ujt'. Jich yu'un la yal te Rebeca: “¿Teme jich aye, bistuc te cuxulon to?” xi'. Jich yu'un ba sc'opon te Cajwaltique. 23Albot yu'un:
—Cha'chajp nación ya xloc' a te alaletic awic'oje,
cha'chajp lum te ay to ta ach'ujt' a te scontroinej sbaique.
Te jtule c'ax jich ya xju' yu'un te bit'il te yane,
te banquilale abatil ya xc'ot yu'un te ijts'inale —xi' sc'oplal yu'un te Cajwaltique.#Ro 9.12.
24Te c'alal la sta yorail ayin yal te Rebeca, lo'alaletic la yalatay. 25Te mach'a neel ayin, tsajal alal soc scojt'ol ay stsotsil, jich yu'un Esaú sbiil c'ot yu'unic. 26Te c'alal ayin te yijts'ine, stsacojbey te yit yacan te Esaú, Jacob sbiil c'ot yu'unic stuquel. Oxwinic (60) ya'wilal a te Isaac te c'alal ayin te snich'nabe.
Esaú la xchon te bila ay ta swenta yich'el
27Muc'ubic te alaletique. Te Esaú yat'elinej beel ta witstiquil, la sna' ta lec nutsojel stuquel. Yan te Jacob la smulan te ya x'ain ta sna. 28Te Isaac ja' c'ux ta yo'tan te Esaú, yu'un ya x'ac'bot ti'bal sti' yu'un. Yan te Rebeca ja' c'ux ta yo'tan te Jacob stuquel.
29Ay la spay tsajal chenec' te Jacob. Yan te Esaú luben sujt'el tel ta beel ta witstiquil stuquel. 30Jich yu'un la yalbey te Jacob:
—Yacuc awac'bon jtebuc jwe' te atsajal cheneq'ue, yu'un ya xlajon ta wi'nal —xi'.
(Ja' swentail te bit'il Edom sbiil a c'ot te Esaú.)
31La sjac' te Jacob:
—Jeltic ta chenec' jiche te bila ay ta awenta te bit'il ba alalat atuquele —xi'.
32La yal te Esaú:
—Lajelonix ta wi'nal, ¿bistuc cu'un te bila ay ta jwenta te bit'il ba alalone? —xi'.
33La yal te Jacob:
—Albon ta jamal ta stojol Dios te bit'il puersa ya awac'bone —la yut.
Jich yu'un la yal ta jamal ta stojol Dios te Esaú te bit'il ya yac'bey Jacob te bitic ay ta swenta yich'ele.#Heb 12.16. 34Te Jacob la yac'bey waj swe' soc chenec', jich we' te Esaú. Laj yo'tan ta we'el-uch'ajel, jajch', loc' bael. Jich ma'yuc sc'oplal c'ot ta yo'tan Esaú te bitic ay ta swenta yich'el te ba alal stuquele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.