San Lucas 14
14
Jesús la scoltay jtul winic te ay ta sijt'ubel
1Ta sc'aalelal cux-o'tan bajt' Jesús ta we'el ta bay sna jtul jwolwanej yu'un te fariseoetic. Te yantic fariseoetique tal stsajtay yilic te Jesuse. 2Ay jtul winic tey a te ay ta sijt'ubele. 3Te Jesús la sjojc'obey te maestroetic yu'un te mandalile soc te fariseoetique:
—¿Lec bal te ya yich' coltayel jtuluc chamel ta sc'aalelal cux-o'tan, o ma lecuc? —xi'.
4Ja'uc me to, ma c'opojic. Jich te Jesús la yic' tel te jchamele. La slamantesbey xchamel soc la sticun bael. 5Soc jich la yalbey xan yaiyic te fariseoetique:
—¿Ma bal yacuc aloq'uesic ta ora aburroic soc awacaxic teme ch'ay coel cojt'uc ta pozo manchuc teme sc'aalelal cux-o'tan?#Mt 12.11. —xi' te Jesuse.
6Ma ju' yu'unic sujt'esel te bila albotique.
Te mach'atic ic'bilic ta il-nujbinel
7Jesús la yil te yacalic ta stsael te sbabial nactijibal ta swenta ich'el ta muc' te mach'atic ic'bilic ta we'el ta mesa. Jich la yalbey yaiyic ta seña-c'op:
8—Teme ay mach'a ya yic'at ta yilel q'uin nujbinel, ma me xba anajc'an aba tey a ta bay swenta ich'el ta muc'. Teme ya xtal yan te c'ax jich ich'bil ta muc' te bit'ilate, 9te mach'a yic'ojat soque ya me yalbat: “Wocoluc jajch'an, yu'un ja' ya xnajc'aj tey a in winic to”, ya me yutat. Jich me bayal q'uexlal ya awaiy yu'un te ya xba anajc'an aba tey a ta bay ma'yuc sc'oplale. 10Jich yu'un, te c'alal ya x'ic'otate, tey xnajc'ajat a te bay te slajibale. Yu'un te c'alal ya xtal te mach'a yic'ojate, jich me ya yalbat: “Tatic, la' moan tel. Naclan li'to”, ya me yutat. Jich te mach'atic sjoinejat ta mesae ya me yilic te bit'il ich'bilat ta muq'ue.#Pr 25.6-7. 11Melel te mach'a ya yac' sba ta ich'el ta muq'ue, ma'yuc sc'oplal ya xc'ot. Yan te mach'a peq'uel ya yac' sbae, ja' me ya x'ich'ot ta muc' stuquel#Pr 29.23; Mt 23.12; Lc 18.14. —xi' te Jesuse.
12Soc la yalbey te mach'a ic'awan ta we'ele:
—Te c'alal ya x'ic'awanat ta we'ele, ma me ja'uc x'awic' ta we'el te mach'a c'ux ya awaiy aba ta awo'tan soque, soc te apat-axujq'ue, soc te achapomale, soc te jc'ulejetic te nopol awiloj aba soque. Melel ya me yic'at ta we'el ta patil uuc. Ja' nax me sjelol ya xc'ot te ya yic'at ta we'ele. 13Jich yu'un te c'alal ya apas q'uine, ja' me x'awic' tel ta we'el te mach'a ma'yuc bi ay yu'unique, soc jc'ojc'ol-c'abetic, soc coxoetic, soc ma'sitetic. 14Jich me bin nax awutsil yu'un, melel ma xju' yu'un te ya yac'bey spacol te ya yic'at ta we'ele. Ja'uc me to, ya me awich'bey stojol te c'alal ya xcha'cuxat soc spisil te mach'atic toj awo'tan soc ta stojol te Diose —xi' te Jesuse.
Seña-c'op te muc'ul q'uine
(Mt 22.1-14)
15Ay jtul winic te pajal nacal ta mesa soc te Jesuse te c'alal la yaiy stojol te bila la yale, jich la yal:
—Bin nax me yutsil te mach'a ya x'ic'ot ta we'el ta banti ay ta ajwalinel te Diose —xi'.
16Te Jesús jich la yalbey:
—Ay jtul winic te la xchajban we'elil te la yic' ta we'el tsobol ta jtul. 17Te c'alal la sta yorail te we'ele, la sticun bael yabat te ya xba yic' tel te mach'atic ic'bilique. Jich c'o yal te abate: “La'ic me. Yu'un chapalix spisil”, la yut. 18Ja'uc me to, spisilic ay bila la smaquic a. La yal te jtule: “Ay jmanbel to jq'uinal. Jich yu'un puersa ya xba quil te bi yilele. Ya me apasbon perdón”, xi'. 19La yal te yane: “Ay jmanoj jo'eb mancuerno jwacax. Ya xba quil te bi yilel ya x'at'ejique. Ya me apasbon perdón”, xi'. 20La yal te yane: “Ach' to nax nujbinon. Jich ma xju' cu'un te ya xboone”, xi'. 21Te abate sujt' bael. Spisil c'o xcholbey yaiy te winique. Jich ilin yo'tan yu'un. Jich la yalbey te abate: “Baan ta ora ta muc'ul calleetic soc ta ch'in calleetic ta bay spamal te lume. Ic'a tel te mach'a ma'yuc bi ay yu'unique, soc uuc te jc'ojc'ol-c'abetic, soc coxoetic, soc ma'sitetic”, la yut. 22Patil tal yal te abate: “Cajwal, la jpasix te bit'il la awalbon mandale, ja'uc me to, ay to jochol te nactijibale”, xi'. 23Te winique la yalbey te yabate: “Baan ta bebetic soc ta pat corraletic. Ic'a tel ta jyalel te jayeb mach'a ya atae. Jich me ya xnoj te jnae. 24Melel xcalbeyex, te mach'atic la quic' ta neelale, jtul ma x'ac'bot smulanic te we'elil te chapal cu'une”, xi' te winique —xi' ta yalel te Jesuse.
Ay swocolil ta ts'aclinel te Cristoe
(Mt 10.37-38)
25Ay tsobol ants-winiquetic la sts'aclinic ta beel te Jesuse. La sujt'es sba sc'opon:
26—Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.#Mt 10.37. 27Te mach'a ma sc'an ya xcuch scruz te ya sts'aclinone, ma xju' te jnopojel ya xc'ot cu'une.#Mt 10.38; 16.24; Mr 8.34; Lc 9.23; Jn 12.24. 28Teme ay jtul te ja'ex te ya ac'an ya apas muc'ul toyol ts'ajc', ¿ma bal neeluc ya anajc'an aba ta snopel teme tic' ya xju' a te jayeb taq'uin atsoboje? 29Melel teme ja' nax ya ajajch'es te yiptajibe, teme patil ma xju' awu'une, ya me slabanat spisil te mach'a ya yilique. 30Ya me yalic: “Te winique ma ju' yu'un sju'tesel te ts'ajq'ue”, xiic me. 31Soc teme ay muc' ajwalil te ya sc'an ya xba spas guerra soc te yan muc' ajwalile, ¿ma bal neeluc ya snajc'an sba ta snopel teme ya xju' yu'un soc te lajunmil (10,000) yajsoldado te ya stsal ta guerra te jtab ta jmil (20,000) soldadoetic yu'un te yajcontroe? 32Teme ma xju' yu'un ya yaiye, ya me sticun bael abatetic te c'alal najt' to ma xtaot yu'un te yajcontroe, swenta yu'un ya xba yalbey wocol te ya xlamaj a te c'ope. 33Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.
C'alal ya xch'ay xchi'il te ats'ame
(Mt 5.13; Mr 9.50)
34“Te ats'ame lec ta tuuntesel, ja'uc me to, teme laj te xchi'ile, ¿ya to bal xtuun xan? 35Ma xtuunix yu'un te lumq'uinale, soc ma xtuunix yu'un te c'a'al c'a'bale. Ja' xanix te ya yich' ch'ojel baele. Te mach'a ay xchiquine, ac'a me yaiy stojol ta lec —xi' te Jesuse.
Currently Selected:
San Lucas 14: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.
San Lucas 14
14
Jesús la scoltay jtul winic te ay ta sijt'ubel
1Ta sc'aalelal cux-o'tan bajt' Jesús ta we'el ta bay sna jtul jwolwanej yu'un te fariseoetic. Te yantic fariseoetique tal stsajtay yilic te Jesuse. 2Ay jtul winic tey a te ay ta sijt'ubele. 3Te Jesús la sjojc'obey te maestroetic yu'un te mandalile soc te fariseoetique:
—¿Lec bal te ya yich' coltayel jtuluc chamel ta sc'aalelal cux-o'tan, o ma lecuc? —xi'.
4Ja'uc me to, ma c'opojic. Jich te Jesús la yic' tel te jchamele. La slamantesbey xchamel soc la sticun bael. 5Soc jich la yalbey xan yaiyic te fariseoetique:
—¿Ma bal yacuc aloq'uesic ta ora aburroic soc awacaxic teme ch'ay coel cojt'uc ta pozo manchuc teme sc'aalelal cux-o'tan?#Mt 12.11. —xi' te Jesuse.
6Ma ju' yu'unic sujt'esel te bila albotique.
Te mach'atic ic'bilic ta il-nujbinel
7Jesús la yil te yacalic ta stsael te sbabial nactijibal ta swenta ich'el ta muc' te mach'atic ic'bilic ta we'el ta mesa. Jich la yalbey yaiyic ta seña-c'op:
8—Teme ay mach'a ya yic'at ta yilel q'uin nujbinel, ma me xba anajc'an aba tey a ta bay swenta ich'el ta muc'. Teme ya xtal yan te c'ax jich ich'bil ta muc' te bit'ilate, 9te mach'a yic'ojat soque ya me yalbat: “Wocoluc jajch'an, yu'un ja' ya xnajc'aj tey a in winic to”, ya me yutat. Jich me bayal q'uexlal ya awaiy yu'un te ya xba anajc'an aba tey a ta bay ma'yuc sc'oplale. 10Jich yu'un, te c'alal ya x'ic'otate, tey xnajc'ajat a te bay te slajibale. Yu'un te c'alal ya xtal te mach'a yic'ojate, jich me ya yalbat: “Tatic, la' moan tel. Naclan li'to”, ya me yutat. Jich te mach'atic sjoinejat ta mesae ya me yilic te bit'il ich'bilat ta muq'ue.#Pr 25.6-7. 11Melel te mach'a ya yac' sba ta ich'el ta muq'ue, ma'yuc sc'oplal ya xc'ot. Yan te mach'a peq'uel ya yac' sbae, ja' me ya x'ich'ot ta muc' stuquel#Pr 29.23; Mt 23.12; Lc 18.14. —xi' te Jesuse.
12Soc la yalbey te mach'a ic'awan ta we'ele:
—Te c'alal ya x'ic'awanat ta we'ele, ma me ja'uc x'awic' ta we'el te mach'a c'ux ya awaiy aba ta awo'tan soque, soc te apat-axujq'ue, soc te achapomale, soc te jc'ulejetic te nopol awiloj aba soque. Melel ya me yic'at ta we'el ta patil uuc. Ja' nax me sjelol ya xc'ot te ya yic'at ta we'ele. 13Jich yu'un te c'alal ya apas q'uine, ja' me x'awic' tel ta we'el te mach'a ma'yuc bi ay yu'unique, soc jc'ojc'ol-c'abetic, soc coxoetic, soc ma'sitetic. 14Jich me bin nax awutsil yu'un, melel ma xju' yu'un te ya yac'bey spacol te ya yic'at ta we'ele. Ja'uc me to, ya me awich'bey stojol te c'alal ya xcha'cuxat soc spisil te mach'atic toj awo'tan soc ta stojol te Diose —xi' te Jesuse.
Seña-c'op te muc'ul q'uine
(Mt 22.1-14)
15Ay jtul winic te pajal nacal ta mesa soc te Jesuse te c'alal la yaiy stojol te bila la yale, jich la yal:
—Bin nax me yutsil te mach'a ya x'ic'ot ta we'el ta banti ay ta ajwalinel te Diose —xi'.
16Te Jesús jich la yalbey:
—Ay jtul winic te la xchajban we'elil te la yic' ta we'el tsobol ta jtul. 17Te c'alal la sta yorail te we'ele, la sticun bael yabat te ya xba yic' tel te mach'atic ic'bilique. Jich c'o yal te abate: “La'ic me. Yu'un chapalix spisil”, la yut. 18Ja'uc me to, spisilic ay bila la smaquic a. La yal te jtule: “Ay jmanbel to jq'uinal. Jich yu'un puersa ya xba quil te bi yilele. Ya me apasbon perdón”, xi'. 19La yal te yane: “Ay jmanoj jo'eb mancuerno jwacax. Ya xba quil te bi yilel ya x'at'ejique. Ya me apasbon perdón”, xi'. 20La yal te yane: “Ach' to nax nujbinon. Jich ma xju' cu'un te ya xboone”, xi'. 21Te abate sujt' bael. Spisil c'o xcholbey yaiy te winique. Jich ilin yo'tan yu'un. Jich la yalbey te abate: “Baan ta ora ta muc'ul calleetic soc ta ch'in calleetic ta bay spamal te lume. Ic'a tel te mach'a ma'yuc bi ay yu'unique, soc uuc te jc'ojc'ol-c'abetic, soc coxoetic, soc ma'sitetic”, la yut. 22Patil tal yal te abate: “Cajwal, la jpasix te bit'il la awalbon mandale, ja'uc me to, ay to jochol te nactijibale”, xi'. 23Te winique la yalbey te yabate: “Baan ta bebetic soc ta pat corraletic. Ic'a tel ta jyalel te jayeb mach'a ya atae. Jich me ya xnoj te jnae. 24Melel xcalbeyex, te mach'atic la quic' ta neelale, jtul ma x'ac'bot smulanic te we'elil te chapal cu'une”, xi' te winique —xi' ta yalel te Jesuse.
Ay swocolil ta ts'aclinel te Cristoe
(Mt 10.37-38)
25Ay tsobol ants-winiquetic la sts'aclinic ta beel te Jesuse. La sujt'es sba sc'opon:
26—Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.#Mt 10.37. 27Te mach'a ma sc'an ya xcuch scruz te ya sts'aclinone, ma xju' te jnopojel ya xc'ot cu'une.#Mt 10.38; 16.24; Mr 8.34; Lc 9.23; Jn 12.24. 28Teme ay jtul te ja'ex te ya ac'an ya apas muc'ul toyol ts'ajc', ¿ma bal neeluc ya anajc'an aba ta snopel teme tic' ya xju' a te jayeb taq'uin atsoboje? 29Melel teme ja' nax ya ajajch'es te yiptajibe, teme patil ma xju' awu'une, ya me slabanat spisil te mach'a ya yilique. 30Ya me yalic: “Te winique ma ju' yu'un sju'tesel te ts'ajq'ue”, xiic me. 31Soc teme ay muc' ajwalil te ya sc'an ya xba spas guerra soc te yan muc' ajwalile, ¿ma bal neeluc ya snajc'an sba ta snopel teme ya xju' yu'un soc te lajunmil (10,000) yajsoldado te ya stsal ta guerra te jtab ta jmil (20,000) soldadoetic yu'un te yajcontroe? 32Teme ma xju' yu'un ya yaiye, ya me sticun bael abatetic te c'alal najt' to ma xtaot yu'un te yajcontroe, swenta yu'un ya xba yalbey wocol te ya xlamaj a te c'ope. 33Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.
C'alal ya xch'ay xchi'il te ats'ame
(Mt 5.13; Mr 9.50)
34“Te ats'ame lec ta tuuntesel, ja'uc me to, teme laj te xchi'ile, ¿ya to bal xtuun xan? 35Ma xtuunix yu'un te lumq'uinale, soc ma xtuunix yu'un te c'a'al c'a'bale. Ja' xanix te ya yich' ch'ojel baele. Te mach'a ay xchiquine, ac'a me yaiy stojol ta lec —xi' te Jesuse.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.