Zwz Nduq 25
25
Yaqboahlazhanq Raep Jiztuxlaz Hoak Mez
1 Yaqboahlazhanq daeuq raep goanz mawq, goanz nyingz naeh minxzwh rongx hoak Jiztuxlaz. 2Jiztuxlaz saeh Yaqboahlazhanq zowngx Cinzlanh, Yoahsanz, Mixdanq, Mixdenq, Yixswzbaz daj Suzyaq. 3Yoahsanz miz Sowqbaz daj Dixdanq, daeklaeng luglan Dixdanq zawh dij goanz puj Yaqsuzliq, dij goanz puj Liqduzsowq, daj dij goanz puj Liq'uzmix. 4Lug zaiz Mixdenq zawh Yixfah, Yixfuh, Haznoah, Yaqbixdaq daj Yixlowhdaq. Suq hax naeh, daengz suq baihnaj naeh, daengzle zawh luglan yah Jiztuxlaz naeh. 5Yaqboahlazhanq gaj yowngh gaj aeu hawj lug zaiz dix Yitsaeg nauq. 6Zwz dix naengz zaeu naeh, dix aeu i za'hoq ux hawj paenq lug zaiz yah mezlaeng dix zowngx naeh, yaq nemz paenqdix ni Yitsaeg, hawj paenqdix bae baih tang'vaenz og naeh.
7-8 Yaqboahlazhanq zaeu jeq taeuq, yuq ndae'ndaengq. Zwz dix ndaej baeg-ux-laeng-jiatsip-haj bi naeh, dix mboq miz, tai vangqdangh, dix mwz daj puj jeq rownz dix zaemh yuq. 9Lug zaiz dix Yitsaeg daj Yixswhmaxliq aeu dix bae moak ndaw ngomz Mowhbixlaz. Aen ngomz naeh yuq Manqliq baih tang'vaenz og naeh. Yuq ndaw oaxraeh mbaed nduq zawh oax Yixfuhlunh naeh. Yixfuhlunh zawh dij goanz puj Howx, lug zaiz Soaxcah. 10Oax raeh naeh zawh Yaqboahlazhanq swx daeq ndaw mungz dix maz. Yaqboahlazhanq daj mez dix Sazlaz zaemh moak dih naeh. 11Yaqboahlazhanq tai yaq, dij Sen gumx Yitsaeg goanz lug zaiz Yaqboahlazhanq naeh. Yitsaeg yuq haenzhenz aen mboq Lazhaixlaih naeh ndowj.
Luglan Yixswhmaxliq
12Caqzah goanz puj koij Sazlaz goanz dij goanz ndawAizjih naeh saeh Yaqboahlazhanq zowngx goanz lug zaiz ux minxzwh rongx hoak Yixswhmaxliq. Baihdawj inxnaeh zawh luglan Yixswhmaxliq. 13Minxzwh paenqdix zawh hax puj bih goj bae bae: Nihbaiqyoah goanz lug zaiz to naeh, Jizdah, Yaqdowhbyeh, Mixbixsangz, 14Mixsowzmax, Duqmax, Maxsax, 15Hazdaq, Tihmax, Yiztuh, Nahfaezsowz, Jizdixmax. 16Suq naeh zawh minxzwh lug zaiz Yixswhmaxliq. Sowh longq paenqdix ndowj naeh daj sowh dih paenqdix daengj zangjpungh ndowj naeh zawh aeu minxzwh paenqdix nyaek. Paenqdix dangq goanz dangq hoak zaeuj changz hoakri. 17Zwz Yixswhmaxliq ndaej baeg-ux-laeng-samsip-jiat bi naeh, dix kaedzaw, mwz daj puj jeq rownz dix zaemh yuq. 18Dih luglan dix ndowj naeh daeq Hazfaezlaz bae taeng baihnaj Aizjih, dih Suzex naeh, zoq zawh yuq ndaw ka loh bae Yaqsuh naeh. Paenqdix daj bihnongx paenqdix yuq dangqbaih, yuq baih tang'vaenz og naeh.
Luglan Yitsaeg
19 Yitsaeg zawh lug zaiz Yaqboahlazhanq. Baihdawj inxnaeh zawh laemh Yitsaeg daj luglan dix. 20Zwz Yitsaeg raep Liqbowhzaz hoak mez naeh, Yitsaeg ndaej siqsip bi. Liqbowhzaz zawh lug nyingz Pihtuxliq, nongx nyingz Lazbanz. Pihtuxliq daj Lazbanz zawh dij goanz ndaw Bazdanq-yaqlanh, zawh puj Yaqlanh. 21Liqbowhzaz mboq rux miz lug. Yitsaeg zoq saeh dix vanz Yez'hoahhuah, Yez'hoahhuah zoq awj dix, hawj mijmez dix Liqbowhzaz rux miz lug. 22Doiq lug Liqbowhzaz yuq ndaw dongx dungznyenj. Dix hax: "Gux baenzzaqrawz yuqraix baenzzaqnaeh mux?" Gaenq dix zoq cham Yez'hoahhuah. 23Yez'hoahhuah yaeng dix:
"Song maeng lug ndaw dongx mawz naeh rux baenz song aen goh,
doiq lug ndaw dongx mawz rux baenz song yowngh dij goanz,
song yowngh dij goanz naeh yowngh ux haen nyeuz, yowngh ux peaq nyeuz,
goanz dwx naeh kvej hawj goanz ix naeh."
24Daeklaeng dix zowngx doiq lugsoah ux zaeh. 25Maeng zowngx daeuj daekgoanq naeh, ndaw ndang dix ndiang, daengz ndang kwnj gaj koan, koan dix buk taeuq. Bohmeh dix zoq nyaek minxzwh dix hoak Yixsaux. "Yixsaux" zoq zawh hax: "miz koan lai." 26Gau maeng daih ngih zowngx daeuj naeh, mungz dix jenj oangjjeuj Yixsaux. Bohmeh dix zoq nyaek minxzwh dix hoak Yaqgowh. "Yaqgowh" zoq zawh hax: "Oangjjeuj." Zwz Liqbowhzaz zowngx doiq lug zaiz naeh, Yitsaeg ndaej choaksip bi.
Cho Ndaej Jin Mwngx Ngaiz Ux Yixsaux Hawj Yaqgowh Hoak Lug zaiz To
27Doiq lug naeh gaj laeng gaj baenz puj dwx yaq. Yixsaux zawh goanz ux saeuh do'bo liauq taeuq, dix kwnz yuq baihnog. Yaqgowh zawh goanz ux ngaiq yuq dih byaek, kwnzkwnz yuq ndaw zangjpungh. 28Yixsaux saeh dez dix Yitsaeg saeuh do'bo, maz hoak pyaek, dez dix ngaiq jin, dez dix zoq ngaiq Yixsaux nyeuz. Gaj Liqbowhzaz ngaiq Yaqgowh nyeuz.
29Miz vaenz ux, Yaqgowh tung chaengj, Yixsaux mwz saeuh do'bo dauh daeuj dongxyaeg daengz ta laiz nauq. 30Yixsaux zoq daj Yaqgowh hax: "Gux dongxyaeg daengz ta laiz nauq, vanz mawz aeu i chaengj ndiang inxnaeh hawj gux jin mah!" Baenzzaqnaeh minxzwh Yixsaux goj rongx hoak Yixdungz. "Yixdungz" zoq zawh hax: "ndiang." 31Yaqgowh yaeng dix: "Laugaj daeq gannaeh mwz mawz hawj gux hoak lug zaiz to rajnaeuh!"#25:31 Yuq sowh baih naeh, gawz hoak lug zaiz to, gawz zoq ndaej za'hoq bohmeh lai nyeuz. 32Yixsaux hax: "Awh, awh, gux yaeg daengz zaekgaj tai nauq, gux hoak lug zaiz to hoak gaeng mux?" 33Yaqgowh yaeng dix: "Mawz daj gux haxgoak daekgoanq, gux zux hawj mawz jin." Yixsaux zoq daj Yaqgowh haxgoak daekgoanq, hawj Yaqgowh hoak lug zaiz to. 34Yaqgowh zoq aeu binx daj chaengj ndiang hawj Yixsaux. Yixsaux jin yaq, ndut yaq, zoq dwnq ni. Yixsaux hoakzaqnaeh hoak, yumq mboq aeu diauq ndaej hoak lug zaiz to naeh nyaengxzaw saek'i.
Currently Selected:
Zwz Nduq 25: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Zwz Nduq 25
25
Yaqboahlazhanq Raep Jiztuxlaz Hoak Mez
1 Yaqboahlazhanq daeuq raep goanz mawq, goanz nyingz naeh minxzwh rongx hoak Jiztuxlaz. 2Jiztuxlaz saeh Yaqboahlazhanq zowngx Cinzlanh, Yoahsanz, Mixdanq, Mixdenq, Yixswzbaz daj Suzyaq. 3Yoahsanz miz Sowqbaz daj Dixdanq, daeklaeng luglan Dixdanq zawh dij goanz puj Yaqsuzliq, dij goanz puj Liqduzsowq, daj dij goanz puj Liq'uzmix. 4Lug zaiz Mixdenq zawh Yixfah, Yixfuh, Haznoah, Yaqbixdaq daj Yixlowhdaq. Suq hax naeh, daengz suq baihnaj naeh, daengzle zawh luglan yah Jiztuxlaz naeh. 5Yaqboahlazhanq gaj yowngh gaj aeu hawj lug zaiz dix Yitsaeg nauq. 6Zwz dix naengz zaeu naeh, dix aeu i za'hoq ux hawj paenq lug zaiz yah mezlaeng dix zowngx naeh, yaq nemz paenqdix ni Yitsaeg, hawj paenqdix bae baih tang'vaenz og naeh.
7-8 Yaqboahlazhanq zaeu jeq taeuq, yuq ndae'ndaengq. Zwz dix ndaej baeg-ux-laeng-jiatsip-haj bi naeh, dix mboq miz, tai vangqdangh, dix mwz daj puj jeq rownz dix zaemh yuq. 9Lug zaiz dix Yitsaeg daj Yixswhmaxliq aeu dix bae moak ndaw ngomz Mowhbixlaz. Aen ngomz naeh yuq Manqliq baih tang'vaenz og naeh. Yuq ndaw oaxraeh mbaed nduq zawh oax Yixfuhlunh naeh. Yixfuhlunh zawh dij goanz puj Howx, lug zaiz Soaxcah. 10Oax raeh naeh zawh Yaqboahlazhanq swx daeq ndaw mungz dix maz. Yaqboahlazhanq daj mez dix Sazlaz zaemh moak dih naeh. 11Yaqboahlazhanq tai yaq, dij Sen gumx Yitsaeg goanz lug zaiz Yaqboahlazhanq naeh. Yitsaeg yuq haenzhenz aen mboq Lazhaixlaih naeh ndowj.
Luglan Yixswhmaxliq
12Caqzah goanz puj koij Sazlaz goanz dij goanz ndawAizjih naeh saeh Yaqboahlazhanq zowngx goanz lug zaiz ux minxzwh rongx hoak Yixswhmaxliq. Baihdawj inxnaeh zawh luglan Yixswhmaxliq. 13Minxzwh paenqdix zawh hax puj bih goj bae bae: Nihbaiqyoah goanz lug zaiz to naeh, Jizdah, Yaqdowhbyeh, Mixbixsangz, 14Mixsowzmax, Duqmax, Maxsax, 15Hazdaq, Tihmax, Yiztuh, Nahfaezsowz, Jizdixmax. 16Suq naeh zawh minxzwh lug zaiz Yixswhmaxliq. Sowh longq paenqdix ndowj naeh daj sowh dih paenqdix daengj zangjpungh ndowj naeh zawh aeu minxzwh paenqdix nyaek. Paenqdix dangq goanz dangq hoak zaeuj changz hoakri. 17Zwz Yixswhmaxliq ndaej baeg-ux-laeng-samsip-jiat bi naeh, dix kaedzaw, mwz daj puj jeq rownz dix zaemh yuq. 18Dih luglan dix ndowj naeh daeq Hazfaezlaz bae taeng baihnaj Aizjih, dih Suzex naeh, zoq zawh yuq ndaw ka loh bae Yaqsuh naeh. Paenqdix daj bihnongx paenqdix yuq dangqbaih, yuq baih tang'vaenz og naeh.
Luglan Yitsaeg
19 Yitsaeg zawh lug zaiz Yaqboahlazhanq. Baihdawj inxnaeh zawh laemh Yitsaeg daj luglan dix. 20Zwz Yitsaeg raep Liqbowhzaz hoak mez naeh, Yitsaeg ndaej siqsip bi. Liqbowhzaz zawh lug nyingz Pihtuxliq, nongx nyingz Lazbanz. Pihtuxliq daj Lazbanz zawh dij goanz ndaw Bazdanq-yaqlanh, zawh puj Yaqlanh. 21Liqbowhzaz mboq rux miz lug. Yitsaeg zoq saeh dix vanz Yez'hoahhuah, Yez'hoahhuah zoq awj dix, hawj mijmez dix Liqbowhzaz rux miz lug. 22Doiq lug Liqbowhzaz yuq ndaw dongx dungznyenj. Dix hax: "Gux baenzzaqrawz yuqraix baenzzaqnaeh mux?" Gaenq dix zoq cham Yez'hoahhuah. 23Yez'hoahhuah yaeng dix:
"Song maeng lug ndaw dongx mawz naeh rux baenz song aen goh,
doiq lug ndaw dongx mawz rux baenz song yowngh dij goanz,
song yowngh dij goanz naeh yowngh ux haen nyeuz, yowngh ux peaq nyeuz,
goanz dwx naeh kvej hawj goanz ix naeh."
24Daeklaeng dix zowngx doiq lugsoah ux zaeh. 25Maeng zowngx daeuj daekgoanq naeh, ndaw ndang dix ndiang, daengz ndang kwnj gaj koan, koan dix buk taeuq. Bohmeh dix zoq nyaek minxzwh dix hoak Yixsaux. "Yixsaux" zoq zawh hax: "miz koan lai." 26Gau maeng daih ngih zowngx daeuj naeh, mungz dix jenj oangjjeuj Yixsaux. Bohmeh dix zoq nyaek minxzwh dix hoak Yaqgowh. "Yaqgowh" zoq zawh hax: "Oangjjeuj." Zwz Liqbowhzaz zowngx doiq lug zaiz naeh, Yitsaeg ndaej choaksip bi.
Cho Ndaej Jin Mwngx Ngaiz Ux Yixsaux Hawj Yaqgowh Hoak Lug zaiz To
27Doiq lug naeh gaj laeng gaj baenz puj dwx yaq. Yixsaux zawh goanz ux saeuh do'bo liauq taeuq, dix kwnz yuq baihnog. Yaqgowh zawh goanz ux ngaiq yuq dih byaek, kwnzkwnz yuq ndaw zangjpungh. 28Yixsaux saeh dez dix Yitsaeg saeuh do'bo, maz hoak pyaek, dez dix ngaiq jin, dez dix zoq ngaiq Yixsaux nyeuz. Gaj Liqbowhzaz ngaiq Yaqgowh nyeuz.
29Miz vaenz ux, Yaqgowh tung chaengj, Yixsaux mwz saeuh do'bo dauh daeuj dongxyaeg daengz ta laiz nauq. 30Yixsaux zoq daj Yaqgowh hax: "Gux dongxyaeg daengz ta laiz nauq, vanz mawz aeu i chaengj ndiang inxnaeh hawj gux jin mah!" Baenzzaqnaeh minxzwh Yixsaux goj rongx hoak Yixdungz. "Yixdungz" zoq zawh hax: "ndiang." 31Yaqgowh yaeng dix: "Laugaj daeq gannaeh mwz mawz hawj gux hoak lug zaiz to rajnaeuh!"#25:31 Yuq sowh baih naeh, gawz hoak lug zaiz to, gawz zoq ndaej za'hoq bohmeh lai nyeuz. 32Yixsaux hax: "Awh, awh, gux yaeg daengz zaekgaj tai nauq, gux hoak lug zaiz to hoak gaeng mux?" 33Yaqgowh yaeng dix: "Mawz daj gux haxgoak daekgoanq, gux zux hawj mawz jin." Yixsaux zoq daj Yaqgowh haxgoak daekgoanq, hawj Yaqgowh hoak lug zaiz to. 34Yaqgowh zoq aeu binx daj chaengj ndiang hawj Yixsaux. Yixsaux jin yaq, ndut yaq, zoq dwnq ni. Yixsaux hoakzaqnaeh hoak, yumq mboq aeu diauq ndaej hoak lug zaiz to naeh nyaengxzaw saek'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.