Hechos 7
7
Diidza be'e Esteban
1Le' pxuuz blou bnaab'de le' Esteban xhki leel nak lea tanáke kie'a, 2ati le' bubi'e diidza: «Bë'cha'a len lbi'ili bënni guul guluzenaag: Xuuz'ru Dios xhën'te blui'lau'e len xuuz'xhtau'ru guul Abraham lu yu Mesopotamia kati zia'a tzajsue' yëdz Harán, 3len gudxe le': “Broj laadzu len pka'an'ke bënni dia'dza kiu', len gyaj lu yu le glui'da li'” 4Na' Abraham brooje yëdz ki Caldea len yajsue' yëdz Harán. Gdëëd ni gutie' xuuze, ati Dios pche'e le' lu yu ni, ga lbi'ili zuaali na'a. 5Ati ti bnëëdzje kie' tu latj ga gaki kie', zala ga gzua'z ni'e. San pxënelaadxe'e ki kati chi gutie', gnëëdzje kieke xi'in'xhzue' (zala ti nakui'i'bi bi kie' Abraham dza'a). 6Lekz'ka' Dios gudxe le' ki xi'in'xhzue' ulakua'ke ka bënni zitu lu yëdz yubl. Len ulak'ke ka bënni nado'u'ke len ulusaka'zi'e leke tap'gayua' iz. 7Ati lekz'ka' gudxe le' Dios: “Neda kchuug'be'a ki yëdz'a bënni'a lusaka'ke ka' leke, len tëëd'a leke ulurooje ni' len luune xhchiina lu yu ni.” 8Lu diidza le pxënelaadxe'e, Dios gnabe'i'de Abraham rala luchuuge rui'i ga'ldia' kiek'bi yugute'bi bi'i bënni'du. Lena'a kati guk xuunu dza guulj'bi bi Isaac kie', Abraham pchuuge rui'i ga'ldia' kieebi. Lekz'ka' beene Isaac kieebi bi'i Jacob, len Jacob ni lekz'ka' beene kiek'bi bi'i kie', bënni glake xuuz'ke bënni chin'nu kë'ke xi'in'xhzue' Israel.
9»Bënni xi'ine Jacob ni, bënni glake xuuz'xhtau'ru guul glake xhayeel kieebi bi José bi'i bë'chi'ke ati gluti'i'ke'bi naar guluche'ke'bi Egipto. San Dios gzue' len bi José, 10len busle'bi ki yugute' bagi'i. Len be'ebi yëla nayajni'i, len beene ga bdzag'laadxe'bi faraón, bënni rnabe' ki Egipto, bënni ni bzue'bi ga gnabe'bi Egipto len lekz'ka' lu yulau'i kie'.
11»Len gyu'u gbin len bagi'i xhën gdu Egipto len lu yu Canaán, ati xuuz'xhtau'ru guul ti gu'ta le la'we. 12San kati Jacob gnëëz'de ki Egipto de le ta'we, psë'le'e ni' bënni xi'ine, leke nak'ke xuuz'xhtau'ru guul. Ki guk ati yajake tu lzu ni'. 13Kati burop lzu yajake, José beene ga gulumbe'e le' bënni bë'che'e, ati ka' guk'be'i'de faraón nuxh nakgak dia'dza kie' José. 14Chi nak ka', José gnabe'e ki giide xuuze Jacob len yugute'ke bënni dia'dza kie' lu yëdz Egipto len nak'ke tson'lalj yu chiinu'ke bunach. 15Ka guk yajsue' Jacob Egipto; len ni' gutie' len lekz'ka' ni' glatie' xuuz'xhtau'ru guul. 16Kati gutie' Jacob yajwa'ke le' Siquem len ni' guluka'che'e le' lu ba le gu'uwe Abraham kieke bënni xi'ine Hamor lu yu Siquem.
17»Kati chi zua gdxin gak diidza le pxënelaadxe'e Dios kie' Abraham, bënni yëdz Israel gulayan'tzka'ke lu yëdz Egipto ati glak'ke yëdz xhën. 18Len lu yëdz Egipto gyaazie tue' bënni rnabe' bënni ti bumbe'e José. 19Bënni rnabe' ni gxhi'ye'i'de yëdz kieeru len psaka'zi'e xuuz'xhtau'ru guul; bdayë'li'de leke lusanlaadxi'ke'bi bi'i kieke bi'dau'a zia'a ru'uudx taalj'bi naar lat'bi. 20Larakz dza ni guulj'bi bi'i Moisés len Dios bdzag'laadxe'bi ati xuuz'bi glui'laadxe'bi liidx'ke tson beu'. 21Kati bdxin dza rala lusanlaadxi'ke'bi, nguul xi'ine faraón buzi'nu'bi len buskuul'nu'bi ka bi'i kiekz'nu. 22Ka' guk ati Moisés gdun'gxhëëne len yëla nayajni'i kieke bënni Egipto len guke tue' bënni blou nia'a ki diidza be'e len le beene.
23»Kati guk'de chua' iz Moisés gna kie' tzajyue' bënni Israel, bënni'a rak bënni laadze. 24Ati kati ble'i'de tue' bënni Egipto rsaka'dë'e tue' bënni laadze, Moisés buzi'e bënni laadze'a, ati buzi'le' bënni Egipto len bdëëd'de le'. 25Guki'de Moisés ki bënni bë'chi' lze'e ni ulak'be'i'de ki lu ne'e le' Dios usle' leke; san leke ti gulak'be'i'de. 26Bueikj dza'a Moisés budzëël'de chope' bënni Israel tadil'e, len tzal ubeki'dxie kieke gudxe leke: “Lbi'ili rak bë'chi'li; ¿Bixhkia' rsaka'dë' lza'a'li?” 27Na' bënni'a rsaka'dë'e bënni lze'e bdxi'ge'e Moisés len gudxe le': “¿Nuxh bzua li' gnabe'i'du netu len kchuug'be'u kietu? 28¿Naru re'en'du gdëëd'du neda ka bdëëd'du'ne bënni Egipto niij?” 29Kati byëën'de le ni, Moisés bxhunje len yajsue' yëdz Madián. Ni' gzue' ka bënni zitu len gulakua'bi chop'bi bi'i kie'.
30»Kati gdëëd chua' iz, lu yu biidx ga'la gia'a Sinaí, tue' gbaaz la'ay kie' Dios blui'lau'e lu gi' le raaxh lu bezka. 31Moisés bubaan'de ka nak lea ble'i'de'a, len kati gbiige'e ga'la ki gle'i'de dxia'a, byëën'de chi'e Xan'ru le rna: 32“Neda naka Dios kieke xuuz'xhtau'u guul. Naka Dios kie' Abraham, kie' Isaac len kie' Jacob.” Moisés gzulau'e rxhiizie' yëla raadxi len ti ruwaaxhj'de gyue'. 33Na'ar Xan'ru gudxe le': “Bleikj lëëlu', koma latj la'ay nak ga nuliibu'a 34Dxia'a'du chi ble'i'da ka tutzaage bënni yëdz kia' nakua'ke Egipto. Chi byëën'da tabëëdx'yechi'ke len bdinia naar usla'ka'ne. Na'a, da, ki ksë'la'a li' Egipto.”
35»Zala ti gulayazlaadxi'ke Moisés len gle'ke le': “¿Nuxh bzua li' gnabe'u len kchuug'be'u?”, Dios psë'le'e le' ka bënni gnabe'e len bënni usle' leke, lu ne'e gbaaz la'ay kie' Dios, kati blui'lau'e lu bezka 36Ati Moisés guke bënni bubiije xuuz'xhtau'ru guul yëdz Egipto, gdëëd beene yëla wak xhën lu yëdz'a, len lu nis le nazi' lei' nis xhën gach, len lekz'ka' lu yu biidx, gdu le chua' iz. 37Larakz le' Moisés ni nake bënni gudxe bënni Israel: “Xan'li Dios kchise lu yëdz kieeli tue' bënni gui'e diidza ulaaz kie' ka pchise neda” 38Len kati yëdz Israel nudzaag'ke lu yu biidx, guke Moisés ni bënni be'leene le' diidza gbaaz la'ay kie' Dios lu gia'a Sinaí len bugixhji'i'de xuuz'xhtau'ru guul; le' nake bënni gxhi'e diidza ki yëla naban naar pka'ane kieeru.
39»San xuuz'xhtau'ru guul ti gle'en'de luzenaagi'de le' len ti gulayazlaadxi'ke le' len gle'en'de tzawake Egipto. 40Len gle'ke Aarón: “Ben'ke kietu dios naar luche'ke netu, koma ti nëëzi'tu bixh guk kie' Moisés bënni'a bubiije netu Egipto.” 41Na' glun'ke tue' budou' le nak ka tuuba beedx we'en, guludëëd'de'ba yugu bua'gixi naar lunëëdzje ki, len glun'ke lni ki budou' ni, lea kuin'gakze glun'ke. 42Nia'a ki le ni Dios gliaj'ikje leke len be'e leke latj layiijilaadxi'ke bëëlj ki xhba. Ka nayoj lu gich le guluzooje bënni glui'ke diidza ulaaz kie' Dios:
“Lbi'ili bënni Israel,
keg kia' bdëëdi'li'ba len bzeegi'li'ba bua' beedx kieeli
le chua' iz ni le gdaali lu yu biidx.
43Ziuubl nichu kie' budou' nazi' le' Moloc gdaali bia'li,
bia'li'ba lekz'ka' bëëlj kie' budou' nazi' le' Refán,
lau'lsaki'i ki budou' le kuin'kz'li
ben'li naar tziijilaadxi'li.
Lena'a usë'la'a lbi'ili ga yubl,
zitu'r ga de yu Babilonia.”
44»Xuuz'xhtau'ru guul gzua kieke lu yu biidx yu'u laari ga pxënelaadxi'ke Dios, len Dios gnabe'i'de le' Moisés, ki guune ley ka'teez nak le blui'de le' guune. 45Leke gulazi'ke yu'u ni len guludëëde ki xi'in'ke, len iz kie' Josué, kati gluuni kieke xhyu'ke bënni yëdz yubl, yëdz'a lea Dios bubiije lau'ke, glua'ke yu'u ni len ni' gzua gdu tzal bdxin'te dza gzue' David. 46Dios bdzag'laadxe'e David, ati David bnaab'de Le' lsenz guune tu latj ga zue' Dios len layiijilaadxi'ke Le' xi'in'xhzue' Jacob; 47san guke Salomón bënni beene gdou' kie' Dios. 48Zala Dios xhën'te ti runn sue' lu gdou' le nun'ke bunach. Ka gne' bënni be'e diidza ulaaz kie' Dios:
49“Yewayuba nak ga rë'a rnabe'a
len yëdz'lyu nak xhliibi ni'a'.
¿Bixhkz yu'u gunn gun'li kia'?, Rne' Xan'ru;
¿Gaxh gunn uzi'laadxa'a,
50xhki kuin'kza beena yugute'?”
51»Ati lbi'ili chi guk'tekz'li bënni rzua'ziid, naag'li len laadxi'dau'li nak ka bënni ti ruune le rnabe'e Dios. Rudabaaga'tekz'li'ne Bë' La'ay kie' Dios. Tuuz run'leen'li'ne xuuz'xhtau'li guul. 52Xuuz'xhtau'li guul gulusaka'dë'ke yugute'kze bënni'a glui'ke diidza ulaaz kie' Dios. Leke guludëëd'de bënni'a gulagixhjë'e ki rala giide Le' Bënni Dxia'a, ati na'a chi biide Le', lbi'ili bdëëd'li'ne lu naa'ke bunach len bdëëdi'li'ne. 53Lbi'ili gxhi'li xhba kie' Dios lu naa'ke gbaaz la'ay, len ti rzenaagi'li ley.»
Esteban ratie'
54Yugute'ke bënni nakua'ke ni' guladze'itzki'de len taagu'la'ya'ke kati gulayëën'de le gne' Esteban. 55Ati le' nadze'iz'de Bë' La'ay kie' Dios, byue' lu xhba len ble'i'de yëla xhën kie' Dios, len Jesús ze' kuiti le'e yubeel kie' Dios. 56Na' gne':
—¡Guluyu'tzka! Rle'i'da nayaalj yewayuba, len le' Xi'ine Bënni ze' kuiti le'e yubeel kie' Dios.
57San leke gulusiaj'ke naag'ke len guluskua'ke zidzj len yugute'ke gulabia'niidi'de le'. 58Gulubiije le' ra yëdz'a len gululaadxi'ke le' giaj; ati bënni'a nakua'ke tujxaka'lau'ke len tudxia'ke le' xhgia' guluka'ane xha'ke lu naa'bi bi'i kuidi leebi Saulo.
59Tzal tulaadxi'ke le' giaj, Esteban be'leene diidza Dios len gudxe le': «Xaana Jesús, buzi' bë'du yu'a.» 60Buudx'a bzechu xhiibe len bisku'e zidzj: «¡Xan, ti udxiu' ikj'ke dula ni!»
Kati buudx gne' ki, gutie'.
Currently Selected:
Hechos 7: PZD
Highlight
Share
Copy
Want to have your highlights saved across all your devices? Sign up or sign in
© Sociedad Biblica de México AC
Hechos 7
7
Diidza be'e Esteban
1Le' pxuuz blou bnaab'de le' Esteban xhki leel nak lea tanáke kie'a, 2ati le' bubi'e diidza: «Bë'cha'a len lbi'ili bënni guul guluzenaag: Xuuz'ru Dios xhën'te blui'lau'e len xuuz'xhtau'ru guul Abraham lu yu Mesopotamia kati zia'a tzajsue' yëdz Harán, 3len gudxe le': “Broj laadzu len pka'an'ke bënni dia'dza kiu', len gyaj lu yu le glui'da li'” 4Na' Abraham brooje yëdz ki Caldea len yajsue' yëdz Harán. Gdëëd ni gutie' xuuze, ati Dios pche'e le' lu yu ni, ga lbi'ili zuaali na'a. 5Ati ti bnëëdzje kie' tu latj ga gaki kie', zala ga gzua'z ni'e. San pxënelaadxe'e ki kati chi gutie', gnëëdzje kieke xi'in'xhzue' (zala ti nakui'i'bi bi kie' Abraham dza'a). 6Lekz'ka' Dios gudxe le' ki xi'in'xhzue' ulakua'ke ka bënni zitu lu yëdz yubl. Len ulak'ke ka bënni nado'u'ke len ulusaka'zi'e leke tap'gayua' iz. 7Ati lekz'ka' gudxe le' Dios: “Neda kchuug'be'a ki yëdz'a bënni'a lusaka'ke ka' leke, len tëëd'a leke ulurooje ni' len luune xhchiina lu yu ni.” 8Lu diidza le pxënelaadxe'e, Dios gnabe'i'de Abraham rala luchuuge rui'i ga'ldia' kiek'bi yugute'bi bi'i bënni'du. Lena'a kati guk xuunu dza guulj'bi bi Isaac kie', Abraham pchuuge rui'i ga'ldia' kieebi. Lekz'ka' beene Isaac kieebi bi'i Jacob, len Jacob ni lekz'ka' beene kiek'bi bi'i kie', bënni glake xuuz'ke bënni chin'nu kë'ke xi'in'xhzue' Israel.
9»Bënni xi'ine Jacob ni, bënni glake xuuz'xhtau'ru guul glake xhayeel kieebi bi José bi'i bë'chi'ke ati gluti'i'ke'bi naar guluche'ke'bi Egipto. San Dios gzue' len bi José, 10len busle'bi ki yugute' bagi'i. Len be'ebi yëla nayajni'i, len beene ga bdzag'laadxe'bi faraón, bënni rnabe' ki Egipto, bënni ni bzue'bi ga gnabe'bi Egipto len lekz'ka' lu yulau'i kie'.
11»Len gyu'u gbin len bagi'i xhën gdu Egipto len lu yu Canaán, ati xuuz'xhtau'ru guul ti gu'ta le la'we. 12San kati Jacob gnëëz'de ki Egipto de le ta'we, psë'le'e ni' bënni xi'ine, leke nak'ke xuuz'xhtau'ru guul. Ki guk ati yajake tu lzu ni'. 13Kati burop lzu yajake, José beene ga gulumbe'e le' bënni bë'che'e, ati ka' guk'be'i'de faraón nuxh nakgak dia'dza kie' José. 14Chi nak ka', José gnabe'e ki giide xuuze Jacob len yugute'ke bënni dia'dza kie' lu yëdz Egipto len nak'ke tson'lalj yu chiinu'ke bunach. 15Ka guk yajsue' Jacob Egipto; len ni' gutie' len lekz'ka' ni' glatie' xuuz'xhtau'ru guul. 16Kati gutie' Jacob yajwa'ke le' Siquem len ni' guluka'che'e le' lu ba le gu'uwe Abraham kieke bënni xi'ine Hamor lu yu Siquem.
17»Kati chi zua gdxin gak diidza le pxënelaadxe'e Dios kie' Abraham, bënni yëdz Israel gulayan'tzka'ke lu yëdz Egipto ati glak'ke yëdz xhën. 18Len lu yëdz Egipto gyaazie tue' bënni rnabe' bënni ti bumbe'e José. 19Bënni rnabe' ni gxhi'ye'i'de yëdz kieeru len psaka'zi'e xuuz'xhtau'ru guul; bdayë'li'de leke lusanlaadxi'ke'bi bi'i kieke bi'dau'a zia'a ru'uudx taalj'bi naar lat'bi. 20Larakz dza ni guulj'bi bi'i Moisés len Dios bdzag'laadxe'bi ati xuuz'bi glui'laadxe'bi liidx'ke tson beu'. 21Kati bdxin dza rala lusanlaadxi'ke'bi, nguul xi'ine faraón buzi'nu'bi len buskuul'nu'bi ka bi'i kiekz'nu. 22Ka' guk ati Moisés gdun'gxhëëne len yëla nayajni'i kieke bënni Egipto len guke tue' bënni blou nia'a ki diidza be'e len le beene.
23»Kati guk'de chua' iz Moisés gna kie' tzajyue' bënni Israel, bënni'a rak bënni laadze. 24Ati kati ble'i'de tue' bënni Egipto rsaka'dë'e tue' bënni laadze, Moisés buzi'e bënni laadze'a, ati buzi'le' bënni Egipto len bdëëd'de le'. 25Guki'de Moisés ki bënni bë'chi' lze'e ni ulak'be'i'de ki lu ne'e le' Dios usle' leke; san leke ti gulak'be'i'de. 26Bueikj dza'a Moisés budzëël'de chope' bënni Israel tadil'e, len tzal ubeki'dxie kieke gudxe leke: “Lbi'ili rak bë'chi'li; ¿Bixhkia' rsaka'dë' lza'a'li?” 27Na' bënni'a rsaka'dë'e bënni lze'e bdxi'ge'e Moisés len gudxe le': “¿Nuxh bzua li' gnabe'i'du netu len kchuug'be'u kietu? 28¿Naru re'en'du gdëëd'du neda ka bdëëd'du'ne bënni Egipto niij?” 29Kati byëën'de le ni, Moisés bxhunje len yajsue' yëdz Madián. Ni' gzue' ka bënni zitu len gulakua'bi chop'bi bi'i kie'.
30»Kati gdëëd chua' iz, lu yu biidx ga'la gia'a Sinaí, tue' gbaaz la'ay kie' Dios blui'lau'e lu gi' le raaxh lu bezka. 31Moisés bubaan'de ka nak lea ble'i'de'a, len kati gbiige'e ga'la ki gle'i'de dxia'a, byëën'de chi'e Xan'ru le rna: 32“Neda naka Dios kieke xuuz'xhtau'u guul. Naka Dios kie' Abraham, kie' Isaac len kie' Jacob.” Moisés gzulau'e rxhiizie' yëla raadxi len ti ruwaaxhj'de gyue'. 33Na'ar Xan'ru gudxe le': “Bleikj lëëlu', koma latj la'ay nak ga nuliibu'a 34Dxia'a'du chi ble'i'da ka tutzaage bënni yëdz kia' nakua'ke Egipto. Chi byëën'da tabëëdx'yechi'ke len bdinia naar usla'ka'ne. Na'a, da, ki ksë'la'a li' Egipto.”
35»Zala ti gulayazlaadxi'ke Moisés len gle'ke le': “¿Nuxh bzua li' gnabe'u len kchuug'be'u?”, Dios psë'le'e le' ka bënni gnabe'e len bënni usle' leke, lu ne'e gbaaz la'ay kie' Dios, kati blui'lau'e lu bezka 36Ati Moisés guke bënni bubiije xuuz'xhtau'ru guul yëdz Egipto, gdëëd beene yëla wak xhën lu yëdz'a, len lu nis le nazi' lei' nis xhën gach, len lekz'ka' lu yu biidx, gdu le chua' iz. 37Larakz le' Moisés ni nake bënni gudxe bënni Israel: “Xan'li Dios kchise lu yëdz kieeli tue' bënni gui'e diidza ulaaz kie' ka pchise neda” 38Len kati yëdz Israel nudzaag'ke lu yu biidx, guke Moisés ni bënni be'leene le' diidza gbaaz la'ay kie' Dios lu gia'a Sinaí len bugixhji'i'de xuuz'xhtau'ru guul; le' nake bënni gxhi'e diidza ki yëla naban naar pka'ane kieeru.
39»San xuuz'xhtau'ru guul ti gle'en'de luzenaagi'de le' len ti gulayazlaadxi'ke le' len gle'en'de tzawake Egipto. 40Len gle'ke Aarón: “Ben'ke kietu dios naar luche'ke netu, koma ti nëëzi'tu bixh guk kie' Moisés bënni'a bubiije netu Egipto.” 41Na' glun'ke tue' budou' le nak ka tuuba beedx we'en, guludëëd'de'ba yugu bua'gixi naar lunëëdzje ki, len glun'ke lni ki budou' ni, lea kuin'gakze glun'ke. 42Nia'a ki le ni Dios gliaj'ikje leke len be'e leke latj layiijilaadxi'ke bëëlj ki xhba. Ka nayoj lu gich le guluzooje bënni glui'ke diidza ulaaz kie' Dios:
“Lbi'ili bënni Israel,
keg kia' bdëëdi'li'ba len bzeegi'li'ba bua' beedx kieeli
le chua' iz ni le gdaali lu yu biidx.
43Ziuubl nichu kie' budou' nazi' le' Moloc gdaali bia'li,
bia'li'ba lekz'ka' bëëlj kie' budou' nazi' le' Refán,
lau'lsaki'i ki budou' le kuin'kz'li
ben'li naar tziijilaadxi'li.
Lena'a usë'la'a lbi'ili ga yubl,
zitu'r ga de yu Babilonia.”
44»Xuuz'xhtau'ru guul gzua kieke lu yu biidx yu'u laari ga pxënelaadxi'ke Dios, len Dios gnabe'i'de le' Moisés, ki guune ley ka'teez nak le blui'de le' guune. 45Leke gulazi'ke yu'u ni len guludëëde ki xi'in'ke, len iz kie' Josué, kati gluuni kieke xhyu'ke bënni yëdz yubl, yëdz'a lea Dios bubiije lau'ke, glua'ke yu'u ni len ni' gzua gdu tzal bdxin'te dza gzue' David. 46Dios bdzag'laadxe'e David, ati David bnaab'de Le' lsenz guune tu latj ga zue' Dios len layiijilaadxi'ke Le' xi'in'xhzue' Jacob; 47san guke Salomón bënni beene gdou' kie' Dios. 48Zala Dios xhën'te ti runn sue' lu gdou' le nun'ke bunach. Ka gne' bënni be'e diidza ulaaz kie' Dios:
49“Yewayuba nak ga rë'a rnabe'a
len yëdz'lyu nak xhliibi ni'a'.
¿Bixhkz yu'u gunn gun'li kia'?, Rne' Xan'ru;
¿Gaxh gunn uzi'laadxa'a,
50xhki kuin'kza beena yugute'?”
51»Ati lbi'ili chi guk'tekz'li bënni rzua'ziid, naag'li len laadxi'dau'li nak ka bënni ti ruune le rnabe'e Dios. Rudabaaga'tekz'li'ne Bë' La'ay kie' Dios. Tuuz run'leen'li'ne xuuz'xhtau'li guul. 52Xuuz'xhtau'li guul gulusaka'dë'ke yugute'kze bënni'a glui'ke diidza ulaaz kie' Dios. Leke guludëëd'de bënni'a gulagixhjë'e ki rala giide Le' Bënni Dxia'a, ati na'a chi biide Le', lbi'ili bdëëd'li'ne lu naa'ke bunach len bdëëdi'li'ne. 53Lbi'ili gxhi'li xhba kie' Dios lu naa'ke gbaaz la'ay, len ti rzenaagi'li ley.»
Esteban ratie'
54Yugute'ke bënni nakua'ke ni' guladze'itzki'de len taagu'la'ya'ke kati gulayëën'de le gne' Esteban. 55Ati le' nadze'iz'de Bë' La'ay kie' Dios, byue' lu xhba len ble'i'de yëla xhën kie' Dios, len Jesús ze' kuiti le'e yubeel kie' Dios. 56Na' gne':
—¡Guluyu'tzka! Rle'i'da nayaalj yewayuba, len le' Xi'ine Bënni ze' kuiti le'e yubeel kie' Dios.
57San leke gulusiaj'ke naag'ke len guluskua'ke zidzj len yugute'ke gulabia'niidi'de le'. 58Gulubiije le' ra yëdz'a len gululaadxi'ke le' giaj; ati bënni'a nakua'ke tujxaka'lau'ke len tudxia'ke le' xhgia' guluka'ane xha'ke lu naa'bi bi'i kuidi leebi Saulo.
59Tzal tulaadxi'ke le' giaj, Esteban be'leene diidza Dios len gudxe le': «Xaana Jesús, buzi' bë'du yu'a.» 60Buudx'a bzechu xhiibe len bisku'e zidzj: «¡Xan, ti udxiu' ikj'ke dula ni!»
Kati buudx gne' ki, gutie'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Biblica de México AC