Ro i Som Muro 18
18
Pool ta Korint
1Takfai ti mai, Pool hon Atens wa Korint. 2A ta te'i wis maɗufal i Ju nin ma asum Akila, maɗufal i ashwa i Pontus. Yis hu mborsus Uprisila si yash ti muhumkyel ta Italya kwa, ɓurti Makai Kalaudyus lak ɗufal i Judya ɓa si hon ashwa i Rom. Unai Pool wa ɓa u ɗingus. 3Ɓurti yis a maro i lat ti buk, unai si te sin roi tikul. 4Shak Mwen ti Lafos, Pool wai si mas uɓet ta mare, yis kinti hai ɓa u wo hai i Ju, hu ima a Ju kwa.
5Myan ima Sila hu Timoti si ru ta Makidonya, Pool fa shak myan ames ɓurti mba ti findel i DeeƁwe, yis lak ti som Ju gbak-gbak nyai, Yeso a yis mi Kristi. 6Myan ima som Ju si ha' wei ti yis sin sya'ansus, unai tabwat arom ames ya nyus, “Wash amu u humu hai! I lang ya ta mafwashi amu ndai. Nasi kwai i wa kyel i ɗufal ima a Ju kwa.” 7Unai Pool lang ta mare wa ta wur i maɗufal nin ma asum Titus Justus, ma cwai ti DeeƁwe afut. Wur ames mata fiɗya' i marei. 8Unai Krispus mbai i mare, yis hu shak wur ames si fa mwawei wa kyel i Deembai. Som hyang ta Korint ima si hal findel ima Pool lak si fa mwawei, si masus batisma.
9Nin fo'i ndai, Deembai findel Pool ta fisel ti fiɗyat wi, nyus, “Kan ha mwen kwa. Cwa wei ti mba ti findel amen, kan ha te cakat kwa, 10ɓurti ima akul si ha. Ɗeng ma wa kinsa ra hai ɓa u masa afol kwa, ɓurti i mati ɗufal hyang na mai ashwai.” 11Pool te ta kyeli i wil andek ta ture taani, yis kofsus ti findel i DeeƁwe.
12Myan ima Galyo yis ii mbai makaitat i ta' ti Akaya, som Ju si fut hai si ha' wei ti Pool, si kolus ta mabel i som toti ɓur. 13Si ni, “Maɗufal mai ma woti hai i ɗufal, ɓa si cu DeeƁwe afut ta fisel nin akat hu anggut.”
14Pool ɗak ti kyel ta ɓa u findel ndai, unai Galyo lak Ju ni, “Na ɗing si ni mas al mafwashi nin, njyal mbai mafwashi ima ɗing i halu. 15Na uɓet tasi hai i findelal hu asumam, hu anggut amu, ɓet hun ti ta ɓata hun. I wa tot ti ɓur i musut i ɗamam mii kwa.” 16Unai nggaas ya ta ɗom i ɓuri. 17Unai shak asussi si ka' Sostinus, mbai i mare si ndashus ta fo i mahom i ɓuri. Shak ta andi, Galyo kinus i fo kwa.
Pool humkyel ta Antyok ti Sirya
18Takfai ti mai, Pool yash ta Korint i myan ndyong. Unai lak som koltifai matkaar, ɗak lang kwang i ham ka' fisel wa Sirya, Uprisila hu Akila si vohus mas. Kaciwa' si lang, Pool so hai ames ya ta Kenkirya ɓurti shiɗat ima masi. 19Myan ima si ru ta ta' ti Afisa, Pool hon hu Uprisila hu Akila ta. Pool lang ta mare mas uɓet hu Ju. 20Si fwalus ɓa u hum yash ta, u mas mukonan shini ta, nggwes kwa. 21Myan ima yis yus wa, unai ni, “I wa muhumkyel na DeeƁwe ɓwet.” Unai ka' fisel ta Afisa.
22Myan ima ru ta Kaisarya, unai ɗu wa to' som koltifai, ɗak wa Antyok. 23Takfai tima yash ta Antyok, Pool lang ta kyeli, at ti ashwaha i ta' ti Galatya, hu Firija, yis fati som koltifai njeng i fwaran.
Apolos Mba Muro Maɗesi i Yeso ta Ta' ti Afisa
24Maɗufal i Ju nin ma asum Apolos yes ta Alekzandira wa Afisa. Yis a maɗufal ima mati shangi fwet, shang kaada i DeeƁwe fwet. 25Ai si kofus ti fisel ti Deembai ndere. A ma kinti hai ti njeng fwet si findel i Yeso, yis kofsus ti mwawei si Yeso hai. Shak ta andi, shang a batisma i Jwon je. 26Unai fur lak ti findel ti shak njeng ames ta mare. Myan ima Uprisila hu Akila si halus, unai si laiyus si watus ta wur ames, si ɓus shishat ya ndere ta fisel ti DeeƁwe. 27Takfai ti mai, Apolos yis ɓweti wa ashwa i Akaya. Som i koltifai i Afisa, si worong kaada wa kyel i som koltifai ta ashwa i Akaya ɓa si matus ra apil. Myan ima ru ta, te ii mbai bum wa kyel i ɗufal ima ɓurti mal i DeeƁwe si fa mwawei. 28Ɓweng sai ti njeng gan Ju ta saa ti ɗufal wi, yis kofsus mwawei ta Kaada nyai, Yeso a Kristi.
Currently Selected:
Ro i Som Muro 18: AlisIRonNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018
Ro i Som Muro 18
18
Pool ta Korint
1Takfai ti mai, Pool hon Atens wa Korint. 2A ta te'i wis maɗufal i Ju nin ma asum Akila, maɗufal i ashwa i Pontus. Yis hu mborsus Uprisila si yash ti muhumkyel ta Italya kwa, ɓurti Makai Kalaudyus lak ɗufal i Judya ɓa si hon ashwa i Rom. Unai Pool wa ɓa u ɗingus. 3Ɓurti yis a maro i lat ti buk, unai si te sin roi tikul. 4Shak Mwen ti Lafos, Pool wai si mas uɓet ta mare, yis kinti hai ɓa u wo hai i Ju, hu ima a Ju kwa.
5Myan ima Sila hu Timoti si ru ta Makidonya, Pool fa shak myan ames ɓurti mba ti findel i DeeƁwe, yis lak ti som Ju gbak-gbak nyai, Yeso a yis mi Kristi. 6Myan ima som Ju si ha' wei ti yis sin sya'ansus, unai tabwat arom ames ya nyus, “Wash amu u humu hai! I lang ya ta mafwashi amu ndai. Nasi kwai i wa kyel i ɗufal ima a Ju kwa.” 7Unai Pool lang ta mare wa ta wur i maɗufal nin ma asum Titus Justus, ma cwai ti DeeƁwe afut. Wur ames mata fiɗya' i marei. 8Unai Krispus mbai i mare, yis hu shak wur ames si fa mwawei wa kyel i Deembai. Som hyang ta Korint ima si hal findel ima Pool lak si fa mwawei, si masus batisma.
9Nin fo'i ndai, Deembai findel Pool ta fisel ti fiɗyat wi, nyus, “Kan ha mwen kwa. Cwa wei ti mba ti findel amen, kan ha te cakat kwa, 10ɓurti ima akul si ha. Ɗeng ma wa kinsa ra hai ɓa u masa afol kwa, ɓurti i mati ɗufal hyang na mai ashwai.” 11Pool te ta kyeli i wil andek ta ture taani, yis kofsus ti findel i DeeƁwe.
12Myan ima Galyo yis ii mbai makaitat i ta' ti Akaya, som Ju si fut hai si ha' wei ti Pool, si kolus ta mabel i som toti ɓur. 13Si ni, “Maɗufal mai ma woti hai i ɗufal, ɓa si cu DeeƁwe afut ta fisel nin akat hu anggut.”
14Pool ɗak ti kyel ta ɓa u findel ndai, unai Galyo lak Ju ni, “Na ɗing si ni mas al mafwashi nin, njyal mbai mafwashi ima ɗing i halu. 15Na uɓet tasi hai i findelal hu asumam, hu anggut amu, ɓet hun ti ta ɓata hun. I wa tot ti ɓur i musut i ɗamam mii kwa.” 16Unai nggaas ya ta ɗom i ɓuri. 17Unai shak asussi si ka' Sostinus, mbai i mare si ndashus ta fo i mahom i ɓuri. Shak ta andi, Galyo kinus i fo kwa.
Pool humkyel ta Antyok ti Sirya
18Takfai ti mai, Pool yash ta Korint i myan ndyong. Unai lak som koltifai matkaar, ɗak lang kwang i ham ka' fisel wa Sirya, Uprisila hu Akila si vohus mas. Kaciwa' si lang, Pool so hai ames ya ta Kenkirya ɓurti shiɗat ima masi. 19Myan ima si ru ta ta' ti Afisa, Pool hon hu Uprisila hu Akila ta. Pool lang ta mare mas uɓet hu Ju. 20Si fwalus ɓa u hum yash ta, u mas mukonan shini ta, nggwes kwa. 21Myan ima yis yus wa, unai ni, “I wa muhumkyel na DeeƁwe ɓwet.” Unai ka' fisel ta Afisa.
22Myan ima ru ta Kaisarya, unai ɗu wa to' som koltifai, ɗak wa Antyok. 23Takfai tima yash ta Antyok, Pool lang ta kyeli, at ti ashwaha i ta' ti Galatya, hu Firija, yis fati som koltifai njeng i fwaran.
Apolos Mba Muro Maɗesi i Yeso ta Ta' ti Afisa
24Maɗufal i Ju nin ma asum Apolos yes ta Alekzandira wa Afisa. Yis a maɗufal ima mati shangi fwet, shang kaada i DeeƁwe fwet. 25Ai si kofus ti fisel ti Deembai ndere. A ma kinti hai ti njeng fwet si findel i Yeso, yis kofsus ti mwawei si Yeso hai. Shak ta andi, shang a batisma i Jwon je. 26Unai fur lak ti findel ti shak njeng ames ta mare. Myan ima Uprisila hu Akila si halus, unai si laiyus si watus ta wur ames, si ɓus shishat ya ndere ta fisel ti DeeƁwe. 27Takfai ti mai, Apolos yis ɓweti wa ashwa i Akaya. Som i koltifai i Afisa, si worong kaada wa kyel i som koltifai ta ashwa i Akaya ɓa si matus ra apil. Myan ima ru ta, te ii mbai bum wa kyel i ɗufal ima ɓurti mal i DeeƁwe si fa mwawei. 28Ɓweng sai ti njeng gan Ju ta saa ti ɗufal wi, yis kofsus mwawei ta Kaada nyai, Yeso a Kristi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018