Ro i Som Muro 25
25
Pool ta mabel i Festus
1Takfai ti mukonan ataat ti muru ta ɓwayai mai, Festus ɗuya ta Kaisarya wa Yerushalima. 2Unai mbayai i kocokak hu kaya i Ju si wa ti puɓwar i Pool ta mabel ames. 3Si fwal Festus ɓa u kin si wa ti Pool ta Yerushalima, ɓurti si ɓetti hu shini si shwaiyus ta fisel i mufot, na si yes si for ya. 4Festus humuskyel ti findel ni, “Si fwang ti Pool ta Kaisarya, yin ti haisun mwash i wa ta kyeli. 5Ɓurti andi, kin hun mbayai amu ni wa tikul. Na mas mafwashi, si wa totsus ɓur ta kyeli.”
6Takfai tima mas mukonan myarfu' wa hure ta kyel ames, unai ɗor humkyel ta ta' ti Kaisarya.
Mwen ti ɓu, Festus te amun tasi kunggul ti kaitat asus, kin si yes ti Pool ta mabel ames. 7Myan ima Pool pwak ya, Ju ima si ɗor ta Yerushalima si nggar Pool ya ta saa, sin lak ti findelal munjengani i tuk ti puɓwar hyang si yis hai, ɗamami si yus a ci fo. 8Unai Pool ɓweng haisus ni, “Yin i mas anggut i Ju mafwashi kwa, i mas Wur i DeeƁwe mafwashi kwa, i mas wur i makai mafwashi kwa.”
9Festus ma ɓweti u wis asum ta kyel i som Ju, unai lak Pool ni, “Ha ɓweti ha wa ta Yerushalima si totta ɓur ta mabel amen si ɗamam mii hai waak?”
10Unai Pool ni, “Mwashi i ma mangra na wei, kyel i totti ɓur i Makai, a kyel ima ɗat ɓa si tottun ɓur na mai. I mas Ju ɗama mafwashi kwa, fota ngga' ima hati haisa ha shangi ta ndere. 11Na yin i mas mafwashi ima kol ɓa si forun, i tital ti moti fo kwa. Na findelal ima Ju si lak na hai yunti a mwawei kwa, ɗeng ndok u fas yin ta ra yusti kwa. I ha' ɓur amen fit wa ta mabel i Makai!”
12Takfai tima Festus si ka' man hu mbayai i ro ames, unai lak ni, “Ha ha' ɓur asa fit wa mabel i Makai, a kyel i Makai ha wa!”
Festus Far Ka'ti Man hu Makai Agripa
13Takfai ti mukonan ndyong Makai Agripa Herod hu Ubanis si ru ta Kaisarya ɓa si to' Festus. 14Ɓurti si wa yash ta, unai Festus lak makai puɓwar ima si ti si Pool hai ni, “Maɗufal nin mana nati ima Feliks hon na shitam wi. 15Myan ima i wa Yerushalima, mbayai i kocokak hu kaya i Ju si kolun findel i puɓwar si maɗufal mai hai, si fwalun ɓa i lefus ɓur.
16“I lakus i ni, lakan ti Rom tini, si twat maɗufal ɓur kaciwa' si tong mbasus kwa. A kpang si fas myan ɓa si shwai shishat hu shishat hu som ima si ti tirim si yis hai, ɓa u ɓweng haisus. 17Ɓurti andi myan ima ni humkyel tikul, i zan myan kwa. Mwen ti ɓu, i lai lai i ɗu si kunggul i toti ɓur hai, i kin ɓa si yes ti maɗufali. 18Myan ima som ima si yes ti ɓuri, si lukfit si findel, shak aɗeng ima si lak i wis ɗama nin ima a mafwashi ta hai yusti kwa, ta ngga' ima i kinɓwi si findeli hai. 19Si yus ti a findelal shini si hai yusti, si mangga' i koltifai ames, hu mangga' i maɗufal nin ima motus ma asum Yeso, ima Pool ma nyai mati mupwet. 20I far ngga' ima ɓa i bene foi findeli ta wet, unai i lulus ahun ma ɓweti ɓa si wa Yerushalima, ɓa si totus ɓur si ɗamam mii hai waak? 21Myan ima Pool fwal ɓa si hon findeli, ɓa Makai Mbai u at i hai tawe, unai i kin ɓa si fwangus yes myan ima i wa tuksus ta kyel i Makai Mbai.”#25:21 Siza ayis mii Makai ti Alis i Ron.
22Unai Makai Agripa Herod lak Festus ni, “I ɓweti i hal maɗufal mai ti haisun.”
Festus nyus, “Ha wa halsus wasan.”
Pool ta Mabel i Makai Agripa
23Mwen ti ɓu, Makai Agripa Herod hu Ubanis si rang ta kyel i aturi ti andok, hu mbayai i som ɓwol, hu kaya i ashwa. Unai Festus kin si lang ti Pool ta. 24Unai Festus ni, “Makai Agripa Herod, hu shak ɗufal ima kama nati tikul. Hu ɗing maɗufal mai haa! Shak ɗufal i Ju ta Yerushalima hu Kaisarya, si kolun ɓur nasi maɗufal mai hai. Sin gwa'anti rafo nyai, ɗat maɗufal mai u pwet na kwa fweng. 25Shak ta andi, i wis ɗama nin ima masi, ima ndok ɓa u mot kwa. Ɓurti yis ha' ɓur ames fit wa mabel i Makai Mbai, a yis nai i ni i wa tusus wa mbai ashwa ti Rom. 26I ɗing ɗama nin kwa fweng, ima ɓa i worong si yis hai, wa kyel i makaitat. Ɓurti andi i yes tus na mabel amu shak, fota ha Makai Agripa Herod, ɓurti takfai ti bene sus, ashang i wis ɗama i worongi. 27Ɓurti ima ɗingi mandere ɓa si ti' maɗufal ima mata shitam wi wa Rom, kaciwa' kofti mafwashi ima masi kwa.”
Currently Selected:
Ro i Som Muro 25: AlisIRonNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018
Ro i Som Muro 25
25
Pool ta mabel i Festus
1Takfai ti mukonan ataat ti muru ta ɓwayai mai, Festus ɗuya ta Kaisarya wa Yerushalima. 2Unai mbayai i kocokak hu kaya i Ju si wa ti puɓwar i Pool ta mabel ames. 3Si fwal Festus ɓa u kin si wa ti Pool ta Yerushalima, ɓurti si ɓetti hu shini si shwaiyus ta fisel i mufot, na si yes si for ya. 4Festus humuskyel ti findel ni, “Si fwang ti Pool ta Kaisarya, yin ti haisun mwash i wa ta kyeli. 5Ɓurti andi, kin hun mbayai amu ni wa tikul. Na mas mafwashi, si wa totsus ɓur ta kyeli.”
6Takfai tima mas mukonan myarfu' wa hure ta kyel ames, unai ɗor humkyel ta ta' ti Kaisarya.
Mwen ti ɓu, Festus te amun tasi kunggul ti kaitat asus, kin si yes ti Pool ta mabel ames. 7Myan ima Pool pwak ya, Ju ima si ɗor ta Yerushalima si nggar Pool ya ta saa, sin lak ti findelal munjengani i tuk ti puɓwar hyang si yis hai, ɗamami si yus a ci fo. 8Unai Pool ɓweng haisus ni, “Yin i mas anggut i Ju mafwashi kwa, i mas Wur i DeeƁwe mafwashi kwa, i mas wur i makai mafwashi kwa.”
9Festus ma ɓweti u wis asum ta kyel i som Ju, unai lak Pool ni, “Ha ɓweti ha wa ta Yerushalima si totta ɓur ta mabel amen si ɗamam mii hai waak?”
10Unai Pool ni, “Mwashi i ma mangra na wei, kyel i totti ɓur i Makai, a kyel ima ɗat ɓa si tottun ɓur na mai. I mas Ju ɗama mafwashi kwa, fota ngga' ima hati haisa ha shangi ta ndere. 11Na yin i mas mafwashi ima kol ɓa si forun, i tital ti moti fo kwa. Na findelal ima Ju si lak na hai yunti a mwawei kwa, ɗeng ndok u fas yin ta ra yusti kwa. I ha' ɓur amen fit wa ta mabel i Makai!”
12Takfai tima Festus si ka' man hu mbayai i ro ames, unai lak ni, “Ha ha' ɓur asa fit wa mabel i Makai, a kyel i Makai ha wa!”
Festus Far Ka'ti Man hu Makai Agripa
13Takfai ti mukonan ndyong Makai Agripa Herod hu Ubanis si ru ta Kaisarya ɓa si to' Festus. 14Ɓurti si wa yash ta, unai Festus lak makai puɓwar ima si ti si Pool hai ni, “Maɗufal nin mana nati ima Feliks hon na shitam wi. 15Myan ima i wa Yerushalima, mbayai i kocokak hu kaya i Ju si kolun findel i puɓwar si maɗufal mai hai, si fwalun ɓa i lefus ɓur.
16“I lakus i ni, lakan ti Rom tini, si twat maɗufal ɓur kaciwa' si tong mbasus kwa. A kpang si fas myan ɓa si shwai shishat hu shishat hu som ima si ti tirim si yis hai, ɓa u ɓweng haisus. 17Ɓurti andi myan ima ni humkyel tikul, i zan myan kwa. Mwen ti ɓu, i lai lai i ɗu si kunggul i toti ɓur hai, i kin ɓa si yes ti maɗufali. 18Myan ima som ima si yes ti ɓuri, si lukfit si findel, shak aɗeng ima si lak i wis ɗama nin ima a mafwashi ta hai yusti kwa, ta ngga' ima i kinɓwi si findeli hai. 19Si yus ti a findelal shini si hai yusti, si mangga' i koltifai ames, hu mangga' i maɗufal nin ima motus ma asum Yeso, ima Pool ma nyai mati mupwet. 20I far ngga' ima ɓa i bene foi findeli ta wet, unai i lulus ahun ma ɓweti ɓa si wa Yerushalima, ɓa si totus ɓur si ɗamam mii hai waak? 21Myan ima Pool fwal ɓa si hon findeli, ɓa Makai Mbai u at i hai tawe, unai i kin ɓa si fwangus yes myan ima i wa tuksus ta kyel i Makai Mbai.”#25:21 Siza ayis mii Makai ti Alis i Ron.
22Unai Makai Agripa Herod lak Festus ni, “I ɓweti i hal maɗufal mai ti haisun.”
Festus nyus, “Ha wa halsus wasan.”
Pool ta Mabel i Makai Agripa
23Mwen ti ɓu, Makai Agripa Herod hu Ubanis si rang ta kyel i aturi ti andok, hu mbayai i som ɓwol, hu kaya i ashwa. Unai Festus kin si lang ti Pool ta. 24Unai Festus ni, “Makai Agripa Herod, hu shak ɗufal ima kama nati tikul. Hu ɗing maɗufal mai haa! Shak ɗufal i Ju ta Yerushalima hu Kaisarya, si kolun ɓur nasi maɗufal mai hai. Sin gwa'anti rafo nyai, ɗat maɗufal mai u pwet na kwa fweng. 25Shak ta andi, i wis ɗama nin ima masi, ima ndok ɓa u mot kwa. Ɓurti yis ha' ɓur ames fit wa mabel i Makai Mbai, a yis nai i ni i wa tusus wa mbai ashwa ti Rom. 26I ɗing ɗama nin kwa fweng, ima ɓa i worong si yis hai, wa kyel i makaitat. Ɓurti andi i yes tus na mabel amu shak, fota ha Makai Agripa Herod, ɓurti takfai ti bene sus, ashang i wis ɗama i worongi. 27Ɓurti ima ɗingi mandere ɓa si ti' maɗufal ima mata shitam wi wa Rom, kaciwa' kofti mafwashi ima masi kwa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018