Ro i Som Muro 5
5
Hananya hu Usafira
1Unai maɗufal nin ma asum Hananya hu mborsus Usafira, si juwil ɗama ames ya. 2Ti shangi i mborsus, shit ɗama ya ɓurti haisus, yes ti anggum i cefi kin ta mabel i som muro i Yeso.
3Unai Pita nyus, “Hananya, ami kin ha hon Shatan lang ta mulut ya ti, kina ha lak Rin Masapai fyarat ya? Kin ha shit ɗama ya ta saa ti cef ima ha juwil ti yang ama ya ya? 4Yit yangi a sa kwani? Takfai tima ha juwil ya, cefi ama kwani? Ami danga, ha mas musut i ambe' ima kol ha mas mai i maɗengi ya? Ha lak a ɗufal fyarat kwa, a DeeƁwe.”
5Ti hal ti findeli mai, Hananya fur motus. Unai myanat ka' ɗufal shak ti hal ti aɗeng ima wis Hananya. 6Unai zalang si wa si ha' funati, si nggi' ta rukul i lai wi, si lang ti ya, si wa si lai.
7Takfai ti shitam ataat, mbor ti Hananya ti lang ta, kaciwa' shang ti aɗeng ima wis remet. 8Unai Pita lul lut fo ni, “Lak shi na, a cef ima si talu, hu mat tasi yangi mai je haa?” Unai ti nyus, “Hei, a cefi nai je.”
9Unai Pita nyut, “Ami kin hu fut foya hu re amesh ɓa hu mba Rin i Deembai ya? Halshii! Sisai i zalang ima si lai re amesh nai ta fo i mahom, si wa ha' shush hwak si langti ya.”
10Abet ti fur ta mabel ames, ti motut. Ti mulang ta i zalangi si wisut i funat. Unai si ha ut si lang ti ya, si wa si lai ta si ɓwai, nggas ti remet. 11Unai myanat ka' som koltifai ti ambas, hu shak ɗufal ima si hal ɗamam mii.
Som i Muro i Yeso Si Fa Ɗufal Hyang Cala
12Som i muro i Yeso si mas ɗamam i lum na fwai, hu shok na fwai hyang ngang, ta saa ti ɗufal wi. Shak som koltifai si suɓwatan ta muru' i Solomon ta wii Wur i DeeƁwe. 13Ɗeng wis njeng herus nggas kwa fweng, shak ta andiyi ɗufali si fas ngye fwet. 14Shak ta andi, ɗufal hyang, arya ta arofi, si cu wei ti fati mwawei wa kyel i Deembai, mute hyang ames cu wei ti muɓal. 15Kolus ta kyel ima ɗufal si rangya ti som i mwatanan ta fiselal, si rak tus si kikyal i marak hu lapanan. Si kintiɓwi nyai, na Pita te musata, mashilim ames u sas hai. 16Ɗufal hyang si cu wei ti suɓut ta ashwaha ima si ta ɓwayai i Yerushalima. Sin yes ti som i mwatanan, hu som ima rin mufwashani si fa sus shum, shak asussi si wis cala.
Si Kin Som i Muro i Yeso Shit Hai
17Unai mbai i kocokak hu fei ro ames, ima si mii ta ɓwai i Sadukiyawa, si mas nadon fwet tasi som muro i Yeso. 18Si ka' Som Muroi si vos ta wur i shitam i mashwai. 19Unai tafo', malu' i Deembai ɓuus fwai i mahwami ya, rang tus ya, nyus,
20“Ɓu hu te mangrai ta Wur i DeeƁwe, hu lak findel i mupwet mamwai, wa kyel ɗufal shak.”
21Ti hal ti mai, si rang ta Wur i DeeƁwe tamwen si cu wei ti kofiti.
Myan ima mbayai i kocokak hu som i ro ames si ru, si lai mbayai i mashwa, hu shak kocokak i Isar'ila, si ro muro ta wur i shitam nyai, ɓa si yes ti som muro i Yeso ani. 22Ti muru i som muroi ta wur i shitam, si wis ɗeng ta kwa. Unai si hum kyel si wa si lakus ti nyai, 23“Ni wis wur i shitami si ti' ya, som i ɗing ti kyel ya sin ta fwai i mahwami reket, ti ɓwaiya, ni wis ɗeng ta wii kwa.” 24Ti hal ti mai findeli, mbai i som ɗing ti kyel ya ta Wur i DeeƁwe, hu mbai i kocokak si far ti fwaiyi wet, sin mbe'i nyai, ami ma wa koltifai ti mai i maɗengi ɗak.
25Unai ɗeng yes nyus, “Hu hali ha! Ɗufal ima hu vos ta wur i shitam ani, sima mangrai ta Wur i DeeƁwe, si kofti ɗufal.” 26Ti hal ti mai, mbai i som i ɗing ti kyel yai, hu som i ro ames si wa si yes ti som muro i Yesoi. Si kofus njeng ti hai kwa, ɓurti si mwen kandok ɗufal si hwyayus ti afyai.
27Myan ima si yes ti som muro i Yesoi, si kinus si te mangrai ta wei i kaya. Makunggul i kocoki masus lulal, 28ni, “Ni dulu mwal nati nyai, ka hu hum cwai ti wei ti kofti ɗufal ɗamanin ti asum mai kwa! Shak ta andi, hu hya shak Yerushalima ya ti ɓwai ti som shishat ya ti findel amu. Hu ma ɓata kinti hai ɓa hu tuk nin ale' i wash i maɗufal mai hai.”
29Unai Pita hu anggum i som muro i Yeso si humuskyel ti findel nyai, “A kpak ni hal findel i DeeƁwe hu ima ni hal i maɗufal! 30DeeƁwe i kaya amukan i ɓele ha' Yeso fit ta fiyai, ima hu for hu nggwakus tasi yit hai. 31Shak ta andi DeeƁwe ha'us fit, fas mbaitat ta rai ucwa ames, te ii Makai hu Mabum, ɓa u te i fisel ima Isar'ila ti kabuk, hu fwal ti shwaiti mafwashani ya. 32Ni mii mawet i ɗamam mii, angga'i nai hwak Rin Masapai, ima DeeƁwe fa som ima si halsus.”
33Myan ima mbayai si hal findel mai, si mas futut ti ambas sin ɓweti fwaransus ya. 34Unai maɗufal nin ta saa ti Farisiyawa ma asum Gamalyel, makofiti si anggut hai, ima shak ɗufal si fasus ngye, luk fit ta saa ti mbayaiyi, kin ɓa si rang ti ɗufali ya tawe. 35Ɗak lak mbayaiyi nyus, “A shunun ɗufal i Isar'ila, tab hun ɗyu, ta si aɗeng ima hu ɓweti masti ɗufal a mii. 36Wilyal i fai, Tyodus pwak ya ha' haisus a ɗama, ɗufal si kol ndik ɓaras, sin koltifai ames. Shak ta andi si forus ya, som koltifai ames si ɓaasus, shak ɗamam si tes i gbya'. 37Takfai ti yis, ma asum Judas maɗufal i Galili, pwak ya si mukonan i mbe' ti ɗufal, zul ɗufal nzong hwak. Yis hwak si forus ya, unai shak som ima si koltifai ames si ɓaasus.
38“Ɓurti andi nasi puɓwar mai, ima taɓaksu, har hun ra mu ya nasi ɗufal mii hai, hon hu yus si wis. Na aɗeng ima si kin ta wei ahun na a ro ti maɗufal kyek, ma wa mufur. 39Ɓurti andi, na ii DeeƁwe hu ndok hu kat ti ɗufal mii ya kwa. Hu wa ɗing ti haisu hu maɓwol ti DeeƁwe!”
40Findel ames si langus ta mbweret shak asussi. Unai si lai som muro i Yeso ta wi si saramus. Si dulus mwal nyai, kandok si hum findel ta si asum i Yeso kwa, ɗak si honus si wis. 41Som i muro i Yesoi si hon mabel i mbayaiyi ti jakak, sin nyai, si ɗingus si ndok ɓa si wo shusho ɓurti asum i Yeso. 42Unai ngang si wayan ta Wur i DeeƁwe, hu wurai i ɗufal. Si nggwes i katya, sin yus a ɓata lak ti muro maɗesi i Yeso nyai, ayis mii Kristii.
Currently Selected:
Ro i Som Muro 5: AlisIRonNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018
Ro i Som Muro 5
5
Hananya hu Usafira
1Unai maɗufal nin ma asum Hananya hu mborsus Usafira, si juwil ɗama ames ya. 2Ti shangi i mborsus, shit ɗama ya ɓurti haisus, yes ti anggum i cefi kin ta mabel i som muro i Yeso.
3Unai Pita nyus, “Hananya, ami kin ha hon Shatan lang ta mulut ya ti, kina ha lak Rin Masapai fyarat ya? Kin ha shit ɗama ya ta saa ti cef ima ha juwil ti yang ama ya ya? 4Yit yangi a sa kwani? Takfai tima ha juwil ya, cefi ama kwani? Ami danga, ha mas musut i ambe' ima kol ha mas mai i maɗengi ya? Ha lak a ɗufal fyarat kwa, a DeeƁwe.”
5Ti hal ti findeli mai, Hananya fur motus. Unai myanat ka' ɗufal shak ti hal ti aɗeng ima wis Hananya. 6Unai zalang si wa si ha' funati, si nggi' ta rukul i lai wi, si lang ti ya, si wa si lai.
7Takfai ti shitam ataat, mbor ti Hananya ti lang ta, kaciwa' shang ti aɗeng ima wis remet. 8Unai Pita lul lut fo ni, “Lak shi na, a cef ima si talu, hu mat tasi yangi mai je haa?” Unai ti nyus, “Hei, a cefi nai je.”
9Unai Pita nyut, “Ami kin hu fut foya hu re amesh ɓa hu mba Rin i Deembai ya? Halshii! Sisai i zalang ima si lai re amesh nai ta fo i mahom, si wa ha' shush hwak si langti ya.”
10Abet ti fur ta mabel ames, ti motut. Ti mulang ta i zalangi si wisut i funat. Unai si ha ut si lang ti ya, si wa si lai ta si ɓwai, nggas ti remet. 11Unai myanat ka' som koltifai ti ambas, hu shak ɗufal ima si hal ɗamam mii.
Som i Muro i Yeso Si Fa Ɗufal Hyang Cala
12Som i muro i Yeso si mas ɗamam i lum na fwai, hu shok na fwai hyang ngang, ta saa ti ɗufal wi. Shak som koltifai si suɓwatan ta muru' i Solomon ta wii Wur i DeeƁwe. 13Ɗeng wis njeng herus nggas kwa fweng, shak ta andiyi ɗufali si fas ngye fwet. 14Shak ta andi, ɗufal hyang, arya ta arofi, si cu wei ti fati mwawei wa kyel i Deembai, mute hyang ames cu wei ti muɓal. 15Kolus ta kyel ima ɗufal si rangya ti som i mwatanan ta fiselal, si rak tus si kikyal i marak hu lapanan. Si kintiɓwi nyai, na Pita te musata, mashilim ames u sas hai. 16Ɗufal hyang si cu wei ti suɓut ta ashwaha ima si ta ɓwayai i Yerushalima. Sin yes ti som i mwatanan, hu som ima rin mufwashani si fa sus shum, shak asussi si wis cala.
Si Kin Som i Muro i Yeso Shit Hai
17Unai mbai i kocokak hu fei ro ames, ima si mii ta ɓwai i Sadukiyawa, si mas nadon fwet tasi som muro i Yeso. 18Si ka' Som Muroi si vos ta wur i shitam i mashwai. 19Unai tafo', malu' i Deembai ɓuus fwai i mahwami ya, rang tus ya, nyus,
20“Ɓu hu te mangrai ta Wur i DeeƁwe, hu lak findel i mupwet mamwai, wa kyel ɗufal shak.”
21Ti hal ti mai, si rang ta Wur i DeeƁwe tamwen si cu wei ti kofiti.
Myan ima mbayai i kocokak hu som i ro ames si ru, si lai mbayai i mashwa, hu shak kocokak i Isar'ila, si ro muro ta wur i shitam nyai, ɓa si yes ti som muro i Yeso ani. 22Ti muru i som muroi ta wur i shitam, si wis ɗeng ta kwa. Unai si hum kyel si wa si lakus ti nyai, 23“Ni wis wur i shitami si ti' ya, som i ɗing ti kyel ya sin ta fwai i mahwami reket, ti ɓwaiya, ni wis ɗeng ta wii kwa.” 24Ti hal ti mai findeli, mbai i som ɗing ti kyel ya ta Wur i DeeƁwe, hu mbai i kocokak si far ti fwaiyi wet, sin mbe'i nyai, ami ma wa koltifai ti mai i maɗengi ɗak.
25Unai ɗeng yes nyus, “Hu hali ha! Ɗufal ima hu vos ta wur i shitam ani, sima mangrai ta Wur i DeeƁwe, si kofti ɗufal.” 26Ti hal ti mai, mbai i som i ɗing ti kyel yai, hu som i ro ames si wa si yes ti som muro i Yesoi. Si kofus njeng ti hai kwa, ɓurti si mwen kandok ɗufal si hwyayus ti afyai.
27Myan ima si yes ti som muro i Yesoi, si kinus si te mangrai ta wei i kaya. Makunggul i kocoki masus lulal, 28ni, “Ni dulu mwal nati nyai, ka hu hum cwai ti wei ti kofti ɗufal ɗamanin ti asum mai kwa! Shak ta andi, hu hya shak Yerushalima ya ti ɓwai ti som shishat ya ti findel amu. Hu ma ɓata kinti hai ɓa hu tuk nin ale' i wash i maɗufal mai hai.”
29Unai Pita hu anggum i som muro i Yeso si humuskyel ti findel nyai, “A kpak ni hal findel i DeeƁwe hu ima ni hal i maɗufal! 30DeeƁwe i kaya amukan i ɓele ha' Yeso fit ta fiyai, ima hu for hu nggwakus tasi yit hai. 31Shak ta andi DeeƁwe ha'us fit, fas mbaitat ta rai ucwa ames, te ii Makai hu Mabum, ɓa u te i fisel ima Isar'ila ti kabuk, hu fwal ti shwaiti mafwashani ya. 32Ni mii mawet i ɗamam mii, angga'i nai hwak Rin Masapai, ima DeeƁwe fa som ima si halsus.”
33Myan ima mbayai si hal findel mai, si mas futut ti ambas sin ɓweti fwaransus ya. 34Unai maɗufal nin ta saa ti Farisiyawa ma asum Gamalyel, makofiti si anggut hai, ima shak ɗufal si fasus ngye, luk fit ta saa ti mbayaiyi, kin ɓa si rang ti ɗufali ya tawe. 35Ɗak lak mbayaiyi nyus, “A shunun ɗufal i Isar'ila, tab hun ɗyu, ta si aɗeng ima hu ɓweti masti ɗufal a mii. 36Wilyal i fai, Tyodus pwak ya ha' haisus a ɗama, ɗufal si kol ndik ɓaras, sin koltifai ames. Shak ta andi si forus ya, som koltifai ames si ɓaasus, shak ɗamam si tes i gbya'. 37Takfai ti yis, ma asum Judas maɗufal i Galili, pwak ya si mukonan i mbe' ti ɗufal, zul ɗufal nzong hwak. Yis hwak si forus ya, unai shak som ima si koltifai ames si ɓaasus.
38“Ɓurti andi nasi puɓwar mai, ima taɓaksu, har hun ra mu ya nasi ɗufal mii hai, hon hu yus si wis. Na aɗeng ima si kin ta wei ahun na a ro ti maɗufal kyek, ma wa mufur. 39Ɓurti andi, na ii DeeƁwe hu ndok hu kat ti ɗufal mii ya kwa. Hu wa ɗing ti haisu hu maɓwol ti DeeƁwe!”
40Findel ames si langus ta mbweret shak asussi. Unai si lai som muro i Yeso ta wi si saramus. Si dulus mwal nyai, kandok si hum findel ta si asum i Yeso kwa, ɗak si honus si wis. 41Som i muro i Yesoi si hon mabel i mbayaiyi ti jakak, sin nyai, si ɗingus si ndok ɓa si wo shusho ɓurti asum i Yeso. 42Unai ngang si wayan ta Wur i DeeƁwe, hu wurai i ɗufal. Si nggwes i katya, sin yus a ɓata lak ti muro maɗesi i Yeso nyai, ayis mii Kristii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018