Luka 2
2
Ngga' ima Si Al Yeso Ta
1Ta mukonan ani, Makai Agostus, makai mbai i naya fa anggut nyai, ɓa si wa si mbe' ɗufal shak ima si mata kaitat ti Rom. 2Mai, ayis mii ambe' i bya' ima si masi myan ima Kwirinyus yis i makunggul i ta' ti Sirya. 3Unai shak ɗufal si wa ashwaha ames ɓa si mbe'us.
4Unai Josep hwak lang ta Nazaret ta ta' ti Galili, ɗu ta Betelehem ashwa i Devid ta ta' ti Judya, ɓurti mii ta gung i Devid. 5Wa akul hu Uryam, yamwan ti wom asus ɓa si mbe'us. Myani ti kat ndyong i al. 6Sin ɗiri ta Betelehem, unai myan i al amet ndok. 7Ti al al i mala amet, ti nggi' ta kwaa', ti kin ta kwang wi, ɓurti si dun ahom i muɗorkyel i mwalmwat ta ashwai.
Som i Ɗing ti Ɗam hu Som Lu' i DeeƁwe
8Ta ɓwai i ashwai, som i ɗing ti ɗam shini sin ta, sin kwanan ta ya, sin ɗing ti tutwai ames ta. 9Malu' i DeeƁwe pwakus hai, unai cinjangat i mbaitat i Deembai matkof ta kyeli, myanat ka'us fwet. 10Unai malu' i DeeƁwe nyus, “Ka hu mwen kwa! I kolu muro maɗesi, ima ma wa kinti ɗufal shak si jakak fwet. 11Kwai si alu Mabum ta ashwa i Devid, ayis mii Kristi Deembai. 12Mai ma wa kofsu nyai, findel mai a awei, hu wa wisi si nggi' ali ta kwaa', yis raki ta kwang wi.”
13Fo abet som i ɓwol i fit hyang si pwak ya akul hu malu' i DeeƁwe, si tong nakwai nyai,
14“Mbaitat wa kyel i DeeƁwe ta fit,
mute cala na naya, wa kyel i ɗufal
ima maɗesi i DeeƁwe ma akul hu sin.”
15Myan ima som lu' i DeeƁwe si honus si humuskyel ta fit, unai som i ɗing ti ɗami si lak ɗiyai nyai, “Ka wa Betelehem ka ɗing aɗeng ima fur amai, ima Deembai lakan ti.”
16Unai som ɗing ti ɗami si ka' fisel kaang si wa si wis Uryam hu Josep, si ɗing ali hwak yis ɗarak ta kwang wi. 17Myan ima si ɗing ali, si but findel ima si hali ta si ali hai. 18Unai shak ɗufal si shok na fo ti hal ti aɗeng ima som i ɗing ti ɗami si lak. 19Unai Uryam ti kin ɗamam mii shak ta mulut, yit maas ti ambe' i hai. 20Som ɗing ti ɗami si humkyel ta ɗing ti ali, sin jakak, sin lak ti adorai i ha' ti asum i DeeƁwe fit. Shak ɗamam ima si hali ta fo i malu' i DeeƁwe, si ɗingi ti shishat ames, si hya ta ngga' ima si lakus ta.
Si Kin Yeso Asum
21Mwen mumyarfu', myan si ru ɓa si masus mukwen, unai si kinus asum ii Yeso ta ngga' ima malu' i DeeƁwe lak ta, kaciwa' ti ti kaf haar ames.
Si Wa Ti Yeso Kofti Palang Wa Kyel DeeƁwe
22Myan si ru ɓa si sapa haisus ya, ta ngga' ima anggut i Mosis lak ta, unai Josep hu Uryam si wa ti ali ta Yerushalima, ɓa si kof palang wa kyel i Deembai. 23Fota ngga' ima mata worong i anggut i Deembai nyai, “Shak al marei i mala, si sapa hus ya, si fa Deembai.”#2:23 Ɗing huni hwak: Mul 13:2-12. 24Si fa mal ɓa si lyaf, ta ngga' ima anggut i Deembai lak ta, “mali a gurgutaha i wur apil, na andi kwa, si fa boɓwob apil.”#2:24 Ɗing huni hwak: Koc 12:8.
Simyon Lak Findel i DeeƁwe Si Lyauwi Hai
25Ai maɗufal nin yis ta Yerushalima, asum ames a Simyon, a maɗufal manderei ima mwen DeeƁwe fo. Ma kintiɓwi ɓa u ɗing mwen ima DeeƁwe ma wa bum ti Isar'ila. Rin Masapai ma akul hu yis. 26Rin Masapai lakus ni ma wa mot kwa, na ɗing Kristi i Deembai tawe. 27Rin Masapai ha'us kolus ta Wur i DeeƁwe. Myan ima dees hu nasus si lang ti Yeso ta, ɓa si masus aɗeng ima si mana ti maasani ta ngga' ima anggut i Mosis lak ɓa si masi, 28unai Simyon mat ali ta ra ames, palang DeeƁwe, nyai,
29“Deembai, fota ngga' ima ha lak ta,
mwashi ɓa yere ama u wa u lafos cala.
30Shishat amen si ɗing abum ama,
31ima ha fa na shishat i ɗufal shak,
32kweneng ɓa ha kof haisa wa kyel i ramam,
cinjangat wa kyel som ama Isar'ila.”
33Dee hu nasus ti ali, si shok na fo nasi ɗamam ima Simyon lak na hai i ali. 34Unai Simyon kinus maɗesi hai, lak Uryam nasus ti ali nyut, “Al mai ma wa kinti mufur hu muluk fit i ɗufal hyang na Isar'ila, ma wa mute i ɗama ima DeeƁwe kof, ima ɗufal hyang si yus wa ɗanggwya ti. 35Mai aɗengi ma wa kinti ambe' i mulut ames u kof ya. Mangga' i al mai ma wa han shush ta ti ambas, fota si tor shush tasi mulut ti awal.”
Uhanatu ti Lak Findel i DeeƁwe Si Lyauwi Hai
36Ai, mushit nin mu asum Uhanatu, al ti Fanuel ta gung i Asha. Ti mute i kunggo i wilial pyoron je, 37re amet motus. Wilial amet a hure myarfu' tau ɓarasi. Ti hwan Wur i DeeƁwe kwa, yit a mu cwai ti DeeƁwe afut fo' ta reni yit ka'ti fo ya ɓurti fwal ti DeeƁwe. 38Nasi myan mai, ti lang ta kyel ima si mata, yit ha' ti asum i DeeƁwe fit, yit findel hwak tasi yis ali, wa kyel i ɗufal ima si shwaiti DeeƁwe u fa Yerushalima mute i haisut.
Josep hu Uryam Si Humkyel ta Wur Ames ta Nazaret
39Myan ima Josep hu Uryam si mbit masti ɗamam shak ima anggut i Deembai lak, si humkyel ta wur ames ta ashwa i Nazaret ta Galili. 40Unai ali ngye yis ti njeng, hya ti piris, hu maɗesi i DeeƁwe ma akul hu yis.
Yeso hu Som i Kofti Anggut i DeeƁwe
41Shak wilyali, dees hu nasus si wayan Yerushalima ɓurti Got i Pissihai. 42Myan ima yis ti wil hure mulang apil, si wa kyel i Gotti, ta ngga' ima si mana ti ta. 43Myan ima si mbit Got i Pissihai, si ka' fisel i wa wur, shak ta andi Yeso katus ya ta Yerushalima, kaciwa' shangi i dees hu nasus. 44Si ni ashang ma akul hu anggum i som ima si fi ati tikul, ango ti mas unai si lang farsus ta saa ti gung ames hu myayus, 45si ɗingus kwa. Ɓurti andi, si humkyel ta Yerushalima ɓa si farus ta. 46Takfai ti mukonan ataat si wisus ta Wur i DeeƁwe, yis amun hu som i kofti anggut i DeeƁwe, yis halsus yis masus lulal hwak. 47Shak som ima si halus si shok na fo, ti musut i shangi ima kof, hu ngga' ima humuskyel ti findelal ta. 48Myan ima hu dees hu nasus si ɗingus, aɗengi lumus fo ya, unai nasus ti nyus, “A al amen, a ɓurti mi ha mas nin mai aɗengi ya? Dya hu yin ni tirim fwet, ni ka' farsa wet.”
49Unai lakus ni, “Hu faarsun ti amiya? Hu shangi nyai ɗat ɓa i te ta wur i Deen kwani?”
50Findel ima lakus, tes hai ti maɓing. 51Unai luk fit, kolfai asussi si wa Nazaret akul, yis hal ti findel i dees hu nasus. Unai nasus ti kin ɗamam mii shak ta mulut amet. 52Unai Yeso ngye ya na lo' ta pirisi, yis wis ti matɓwet i DeeƁwe ta i ɗufali hwak.
Currently Selected:
Luka 2: AlisIRonNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018
Luka 2
2
Ngga' ima Si Al Yeso Ta
1Ta mukonan ani, Makai Agostus, makai mbai i naya fa anggut nyai, ɓa si wa si mbe' ɗufal shak ima si mata kaitat ti Rom. 2Mai, ayis mii ambe' i bya' ima si masi myan ima Kwirinyus yis i makunggul i ta' ti Sirya. 3Unai shak ɗufal si wa ashwaha ames ɓa si mbe'us.
4Unai Josep hwak lang ta Nazaret ta ta' ti Galili, ɗu ta Betelehem ashwa i Devid ta ta' ti Judya, ɓurti mii ta gung i Devid. 5Wa akul hu Uryam, yamwan ti wom asus ɓa si mbe'us. Myani ti kat ndyong i al. 6Sin ɗiri ta Betelehem, unai myan i al amet ndok. 7Ti al al i mala amet, ti nggi' ta kwaa', ti kin ta kwang wi, ɓurti si dun ahom i muɗorkyel i mwalmwat ta ashwai.
Som i Ɗing ti Ɗam hu Som Lu' i DeeƁwe
8Ta ɓwai i ashwai, som i ɗing ti ɗam shini sin ta, sin kwanan ta ya, sin ɗing ti tutwai ames ta. 9Malu' i DeeƁwe pwakus hai, unai cinjangat i mbaitat i Deembai matkof ta kyeli, myanat ka'us fwet. 10Unai malu' i DeeƁwe nyus, “Ka hu mwen kwa! I kolu muro maɗesi, ima ma wa kinti ɗufal shak si jakak fwet. 11Kwai si alu Mabum ta ashwa i Devid, ayis mii Kristi Deembai. 12Mai ma wa kofsu nyai, findel mai a awei, hu wa wisi si nggi' ali ta kwaa', yis raki ta kwang wi.”
13Fo abet som i ɓwol i fit hyang si pwak ya akul hu malu' i DeeƁwe, si tong nakwai nyai,
14“Mbaitat wa kyel i DeeƁwe ta fit,
mute cala na naya, wa kyel i ɗufal
ima maɗesi i DeeƁwe ma akul hu sin.”
15Myan ima som lu' i DeeƁwe si honus si humuskyel ta fit, unai som i ɗing ti ɗami si lak ɗiyai nyai, “Ka wa Betelehem ka ɗing aɗeng ima fur amai, ima Deembai lakan ti.”
16Unai som ɗing ti ɗami si ka' fisel kaang si wa si wis Uryam hu Josep, si ɗing ali hwak yis ɗarak ta kwang wi. 17Myan ima si ɗing ali, si but findel ima si hali ta si ali hai. 18Unai shak ɗufal si shok na fo ti hal ti aɗeng ima som i ɗing ti ɗami si lak. 19Unai Uryam ti kin ɗamam mii shak ta mulut, yit maas ti ambe' i hai. 20Som ɗing ti ɗami si humkyel ta ɗing ti ali, sin jakak, sin lak ti adorai i ha' ti asum i DeeƁwe fit. Shak ɗamam ima si hali ta fo i malu' i DeeƁwe, si ɗingi ti shishat ames, si hya ta ngga' ima si lakus ta.
Si Kin Yeso Asum
21Mwen mumyarfu', myan si ru ɓa si masus mukwen, unai si kinus asum ii Yeso ta ngga' ima malu' i DeeƁwe lak ta, kaciwa' ti ti kaf haar ames.
Si Wa Ti Yeso Kofti Palang Wa Kyel DeeƁwe
22Myan si ru ɓa si sapa haisus ya, ta ngga' ima anggut i Mosis lak ta, unai Josep hu Uryam si wa ti ali ta Yerushalima, ɓa si kof palang wa kyel i Deembai. 23Fota ngga' ima mata worong i anggut i Deembai nyai, “Shak al marei i mala, si sapa hus ya, si fa Deembai.”#2:23 Ɗing huni hwak: Mul 13:2-12. 24Si fa mal ɓa si lyaf, ta ngga' ima anggut i Deembai lak ta, “mali a gurgutaha i wur apil, na andi kwa, si fa boɓwob apil.”#2:24 Ɗing huni hwak: Koc 12:8.
Simyon Lak Findel i DeeƁwe Si Lyauwi Hai
25Ai maɗufal nin yis ta Yerushalima, asum ames a Simyon, a maɗufal manderei ima mwen DeeƁwe fo. Ma kintiɓwi ɓa u ɗing mwen ima DeeƁwe ma wa bum ti Isar'ila. Rin Masapai ma akul hu yis. 26Rin Masapai lakus ni ma wa mot kwa, na ɗing Kristi i Deembai tawe. 27Rin Masapai ha'us kolus ta Wur i DeeƁwe. Myan ima dees hu nasus si lang ti Yeso ta, ɓa si masus aɗeng ima si mana ti maasani ta ngga' ima anggut i Mosis lak ɓa si masi, 28unai Simyon mat ali ta ra ames, palang DeeƁwe, nyai,
29“Deembai, fota ngga' ima ha lak ta,
mwashi ɓa yere ama u wa u lafos cala.
30Shishat amen si ɗing abum ama,
31ima ha fa na shishat i ɗufal shak,
32kweneng ɓa ha kof haisa wa kyel i ramam,
cinjangat wa kyel som ama Isar'ila.”
33Dee hu nasus ti ali, si shok na fo nasi ɗamam ima Simyon lak na hai i ali. 34Unai Simyon kinus maɗesi hai, lak Uryam nasus ti ali nyut, “Al mai ma wa kinti mufur hu muluk fit i ɗufal hyang na Isar'ila, ma wa mute i ɗama ima DeeƁwe kof, ima ɗufal hyang si yus wa ɗanggwya ti. 35Mai aɗengi ma wa kinti ambe' i mulut ames u kof ya. Mangga' i al mai ma wa han shush ta ti ambas, fota si tor shush tasi mulut ti awal.”
Uhanatu ti Lak Findel i DeeƁwe Si Lyauwi Hai
36Ai, mushit nin mu asum Uhanatu, al ti Fanuel ta gung i Asha. Ti mute i kunggo i wilial pyoron je, 37re amet motus. Wilial amet a hure myarfu' tau ɓarasi. Ti hwan Wur i DeeƁwe kwa, yit a mu cwai ti DeeƁwe afut fo' ta reni yit ka'ti fo ya ɓurti fwal ti DeeƁwe. 38Nasi myan mai, ti lang ta kyel ima si mata, yit ha' ti asum i DeeƁwe fit, yit findel hwak tasi yis ali, wa kyel i ɗufal ima si shwaiti DeeƁwe u fa Yerushalima mute i haisut.
Josep hu Uryam Si Humkyel ta Wur Ames ta Nazaret
39Myan ima Josep hu Uryam si mbit masti ɗamam shak ima anggut i Deembai lak, si humkyel ta wur ames ta ashwa i Nazaret ta Galili. 40Unai ali ngye yis ti njeng, hya ti piris, hu maɗesi i DeeƁwe ma akul hu yis.
Yeso hu Som i Kofti Anggut i DeeƁwe
41Shak wilyali, dees hu nasus si wayan Yerushalima ɓurti Got i Pissihai. 42Myan ima yis ti wil hure mulang apil, si wa kyel i Gotti, ta ngga' ima si mana ti ta. 43Myan ima si mbit Got i Pissihai, si ka' fisel i wa wur, shak ta andi Yeso katus ya ta Yerushalima, kaciwa' shangi i dees hu nasus. 44Si ni ashang ma akul hu anggum i som ima si fi ati tikul, ango ti mas unai si lang farsus ta saa ti gung ames hu myayus, 45si ɗingus kwa. Ɓurti andi, si humkyel ta Yerushalima ɓa si farus ta. 46Takfai ti mukonan ataat si wisus ta Wur i DeeƁwe, yis amun hu som i kofti anggut i DeeƁwe, yis halsus yis masus lulal hwak. 47Shak som ima si halus si shok na fo, ti musut i shangi ima kof, hu ngga' ima humuskyel ti findelal ta. 48Myan ima hu dees hu nasus si ɗingus, aɗengi lumus fo ya, unai nasus ti nyus, “A al amen, a ɓurti mi ha mas nin mai aɗengi ya? Dya hu yin ni tirim fwet, ni ka' farsa wet.”
49Unai lakus ni, “Hu faarsun ti amiya? Hu shangi nyai ɗat ɓa i te ta wur i Deen kwani?”
50Findel ima lakus, tes hai ti maɓing. 51Unai luk fit, kolfai asussi si wa Nazaret akul, yis hal ti findel i dees hu nasus. Unai nasus ti kin ɗamam mii shak ta mulut amet. 52Unai Yeso ngye ya na lo' ta pirisi, yis wis ti matɓwet i DeeƁwe ta i ɗufali hwak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018