ᤗᤠᤶᤍᤡᤰ 25
25
ᤛᤣᤛᤣ ᤛᤠ᤺ᤱᤃᤠᤜᤡᤶᤗᤧ ᤗᤠᤃᤡ ᤗᤧᤳᤋᤡ
(ᤗᤠ ᥉᥋:᥊-᥏)
1ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. 2“ᤀᤠᤱᤃᤠ᤹ ᤀᤠᤗᤠᤃᤡ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤜᤢᤰᤘᤠ ᤔᤧᤍᤠᤖᤢᤖ ᤑᤠ᤹ᤀᤠᤱ ᤂᤧᤱᤜᤠ᤹ ᤔᤧᤳᤋᤧᤛᤧ᤹॥ ᤁᤧᤖᤧᤰᤗᤧ ᤀᤠᤒᤠᤅᤣ ᤂᤢᤴᤇᤡ᤹ ᤏᤡᤱᤘᤠ᤹ ᤜᤧᤰᤁᤣ ᤔᤧᤍᤥᤴᤍᤢᤒᤠ ᤜᤢᤰᤘᤠᤴ ᤂᤧᤏᤧ᤹ ᤀᤠᤱᤃᤠ᤹ ᤀᤠᤗᤠᤃᤡ ᤋᤠ᤺ᤰᤋᤧ᤹॥ 3ᤂᤧᤱᤜᤠ᤹ᤗᤠᤶᤒᤠ ᤋᤠ᤺ᤰᤔᤠ ᤁᤧᤒᤥᤱᤒᤠ ᤜᤢᤰᤘᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣ ᤐᤥᤱᤗᤥ—ᤛᤠᤶᤔᤩᤠᤱ. ᤕᤢᤵᤐᤠ. ᤁᤠᤛᤠ. 4ᤗᤡᤵᤗᤡᤱᤃᤣ ᤂᤡᤗᤠᤶ ᤌᤠᤰᤔᤏᤠᤒᤠ ᤆᤡᤖᤡᤰ. ᤜᤡ᤺ᤰᤕᤱᤕᤱᤒᤠ. ᤐᤠᤖᤠᤴᤗᤠ ᤏᤢ ᤜᤧ᤺ᤳᤋᤠᤱᤒᤠ ᤛᤧᤔᤢᤖᤡᤰ. ᤔᤧ᤺ᤴᤍᤠᤰ ᤔᤢᤖᤡᤰᤗᤠᤶ ᤌᤠᤰᤔᤏᤠᤒᤠ ᤆᤡᤖᤡᤰ. 5ᤜᤧ᤺ᤳᤋᤠᤱᤒᤠ ᤆᤠ᤺ᤶᤔᤏᤠᤒᤠ ᤔᤧᤸᤗᤢᤰ ᤜᤥᤖᤡᤰᤜᤠ᤹. ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤛᤠᤜᤥᤖᤡᤰᤐᤠᤜᤠ᤹. ᤛᤡᤖᤡᤛ ᤛᤡᤱ. 6ᤛᤣᤔᤡ ᤜᤠ᤺ᤶᤔᤠᤖᤧ ᤗᤠᤃᤡ ᤆᤤᤋᤢᤏ ᤏᤡ᤺ᤱᤃᤣ᤹. ᤔᤠᤱᤌᤥ᤺ᤰᤏᤠ ᤆᤥ᤺ᤰᤔᤠ ᤏᤡ᤺ᤱᤃᤣ᤹ᤖᤧ ᤗᤠᤃᤡ ᤔᤠᤖᤢᤰᤜᤠ᤹ ᤏᤢ ᤁᤢᤏᤠᤶ ᤁᤧᤏᤢ᤹ᤒᤠ ᤛᤢᤰᤐᤠᤖᤧ ᤗᤠᤃᤡ ᤔᤠᤖᤢᤰᤜᤠ᤹ 7ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤁᤢᤗᤠᤃᤡ ᤀᤣᤐᤥᤍ ᤜᤧᤰᤁᤩᤠᤱ ᤛᤠ᤺ᤱᤒᤣ ᤛᤧ᤺ᤵᤆᤠᤱᤅᤥ ᤘᤠ᤺ᤵᤔᤏᤠᤒᤠ ᤀᤏᤡᤰᤛ ᤔᤢᤎᤡᤱᤗᤢᤱ ᤏᤢ ᤘᤣ᤹ ᤁᤢᤔᤧᤴ ᤁᤧᤄᤡ᤺ᤰᤐᤠ ᤔᤢᤎᤡᤱᤗᤢᤱᤜᤠ᤹॥
8“ᤀᤠᤱᤃᤠ᤹ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤘᤠ᤹ᤔᤠᤖᤧ ᤗᤠᤃᤡ ᤂᤧᤱᤜᤠ᤹ᤖᤧ ᤛᤣᤛᤣᤍᤧᤴ ᤌᤡᤰ ᤔᤧᤈᤥᤃᤢᤖ ᤐᤥᤱ᤹॥ 9ᤀᤠᤱᤃᤠ᤹ ᤂᤧᤏᤧ᤹ ᤀᤥ᤺ᤴᤎᤠᤰᤏᤧᤒᤠ ᤁᤢᤒᤡ ᤁᤢᤀᤡᤛᤡᤰ ᤂᤧᤏᤧ᤹ ᤛᤣᤛᤣᤍᤧᤴ ᤏᤢ ᤂᤧᤸᤗᤧ ᤁᤢᤄᤧᤶᤛᤡᤱᤔᤠ ᤁᤧᤖᤧᤰ ᤛᤠᤔᤠ ᤐᤢᤔᤠᤜᤠ᤹ ᤆᤥᤃᤧ᤹ᤀᤥ॥
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤢᤵ ᤛᤴᤍᤥᤰ
(ᤗᤠ ᥉᥍:᥇-᥏)
10“ᤂᤧᤱᤜᤠ᤹ᤖᤧ ᤒᤒᤢᤗ ᤛᤡᤱᤅᤡᤸᤗᤧᤴ ᤗᤳᤇᤠ ᤛᤴᤍᤥᤰ ᤔᤧᤃᤠᤶᤛᤢᤖ॥ ᤂᤧᤸᤗᤧ ᤁᤢᤗᤠᤶᤋᤡ᤺ᤴ ᤜᤢᤰᤛᤡᤰ ᤏᤧᤳᤇᤡᤀᤠᤱ ᤁᤢᤓᤪᤧ᤺ᤱ. ᤁᤢᤓᤧᤖᤧᤴ ᤜᤢᤰᤛᤡᤰ ᤌᤡᤰᤁᤠᤱ ᤁᤢᤓᤪᤧ᤺ᤱ ᤏᤢ ᤁᤢᤗᤡᤱᤃᤧᤴᤏᤡᤴ ᤜᤢᤰᤛᤡᤰ ᤌᤡᤰᤁᤠᤱ ᤁᤢᤓᤪᤧ᤺ᤱᤒᤠ ᤐᤥᤱᤗ॥ 11ᤂᤧᤴ ᤂᤧᤏᤧ᤹ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤸᤗᤧ ᤛᤢ᤺ᤵᤋᤧ᤹॥ ᤛᤡᤃᤠᤱ. ᤗᤠ᤺ᤰᤁᤠᤳ ᤂᤧᤏᤧ᤹ ᤂᤧᤴ ᤛᤢ᤺ᤵᤋᤧ᤹॥ ᤂᤧᤸᤗᤧ ᤁᤧᤖᤧᤰ ᤐᤡᤛᤠᤱ ᤁᤢᤃ᤺ᤱᤃᤩᤠ ᤑᤳᤇᤧ᤹॥ 12ᤂᤧᤸᤗᤧ ᤗᤠᤃᤡ ᤗᤡᤛᤡ ᤛᤠᤶᤔᤩᤠᤱ ᤁᤢᤴᤍᤢᤸᤗᤥᤜᤠ᤹ ᤕᤥ᤺ᤴᤍᤧ᤹ᤀᤠᤱ ᤂᤧᤸᤗᤧ ᤗᤡᤛᤡ ᤁᤢᤗᤠᤱᤜᤠ᤹ᤀᤥ ᤑᤳᤇᤧ᤹. ᤁᤢᤴᤍᤢᤸᤗᤥ ᤏᤧᤳᤇᤡ ᤁᤳᤏᤠᤜᤠᤱ ᤏᤢ ᤁᤢᤴᤍᤢᤸᤗᤥ ᤏᤧᤳᤇᤡ ᤏᤠᤜᤠᤱ ᤐᤳᤗ ᤐᤥᤱ᤹॥ 13ᤂᤧᤒᤩᤠᤱ ᤂᤧᤏᤧ᤹ ᤒᤒᤢᤗ ᤛᤡᤱᤅᤡᤸᤗᤧᤴ ᤋᤰᤗᤠᤱᤜᤠ᤹ ᤆᤥᤃᤧ᤹ᤀᤠᤱ ᤂᤧᤱᤜᤠ᤹ ᤛᤠᤶᤔᤩᤠᤱᤅᤡᤸᤗᤧ ᤛᤢ᤺ᤵᤋᤧ᤹॥ 14ᤂᤧᤴ ᤋᤰᤗᤠᤱᤜᤠ᤹ ᤛᤴᤍᤥᤰᤁᤥ ᤏᤠᤜᤠᤱ ᤁᤳᤏᤠᤜᤠᤱ ᤁᤧᤒᤵᤐᤠ ᤁᤢᤴᤍᤢᤸᤗᤥᤜᤠ᤹ᤀᤥ ᤛᤴᤍᤥᤰᤁᤡᤴ ᤐᤱᤔᤠᤖᤧ ᤗᤠᤃᤡ ᤕᤠᤰᤋᤧ᤹॥ 15ᤂᤧᤴ ᤋᤰᤗᤠᤱᤜᤠ᤹ ᤛᤴᤍᤥ᤺ᤰᤁᤥᤒᤠ ᤁᤢᤴᤍᤢᤸᤗᤥᤜᤠ᤹ᤀᤥᤀᤣ ᤐᤳᤗ ᤐᤥᤱ᤹. ᤂᤧᤴ ᤋᤰᤗᤠᤱᤜᤠ᤹ ᤂᤧᤵᤔᤥᤗᤠᤶᤒᤠ ᤔᤧᤗ᤺ᤳᤋᤧᤴᤏᤧ᤹॥ 16ᤀᤠᤱᤃᤠ᤹ ᤂᤧᤏᤧ᤹ ᤏᤧᤳᤇᤡ ᤛᤠᤵᤗᤢᤱᤜᤠ᤹ ᤐᤡᤏᤧ॥ ᤂᤧᤒᤩᤠᤱ ᤂᤧᤴ ᤛᤠᤵᤗᤢᤱᤜᤠ᤹ ᤂᤧᤴ ᤛᤴᤍᤥᤰᤁᤥ ᤕᤠᤰᤋᤧ᤹॥ ᤂᤧᤴ ᤛᤠᤵᤗᤢᤱᤜᤠ᤹ᤀᤥ ᤀᤠᤱᤃᤠ᤹ ᤀᤠᤀᤡᤱᤈᤠᤱᤜᤠ᤹ ᤛᤠᤵᤋᤧᤀᤠᤱ ᤐᤳ॥
17“ᤜᤧᤰᤁᤩᤠᤱ ᤛᤠᤶᤔᤩᤠᤱ ᤀᤡᤛᤣ᤺ᤱᤒᤠ ᤗᤳᤇᤠ ᤔᤠᤱᤜᤢᤵ ᤛᤴᤍᤥᤰᤁᤡᤸᤗᤧ ᤁᤢᤍᤧᤵᤑᤣ᤹ ᤌᤡᤰ ᤆᤥᤃᤧ᤹॥ ᤂᤧᤸᤗᤧ ᤁᤢᤗᤠᤶᤋᤡ᤺ᤴ ᤜᤢᤰᤛᤡᤰ ᤏᤧᤳᤇᤡᤀᤠᤱ ᤁᤢᤓᤪᤧ᤺ᤱ ᤏᤢ ᤁᤢᤓᤧᤖᤧᤴ ᤜᤢᤰᤛᤡᤰ ᤌᤡᤰᤁᤠᤱ ᤁᤢᤓᤪᤧ᤺ᤱ ᤐᤥᤱᤗ॥ 18ᤌᤘᤠ᤺ᤸᤗᤧ ᤜᤡᤵᤔᤏᤠ ᤗ᤺ᤵᤔᤏᤠᤒᤠ ᤏᤧᤳᤇᤡ ᤛᤠᤶᤔᤩᤠᤱ ᤁᤖᤢᤒᤜᤠ᤹ ᤔᤠᤱᤜᤢᤵ ᤛᤴᤍᤥᤰᤁᤡᤸᤗᤧ ᤁᤢᤍᤧᤵᤑᤣᤀᤥᤒᤠ ᤁᤢᤕᤠ ᤏᤧᤵᤔᤠᤱ ᤗᤧᤵᤔᤠᤱ ᤕᤢᤱᤛᤡᤖ ᤐᤥᤱ᤹— 19ᤜᤧᤰᤁᤩᤠᤱ ᤔᤠᤱᤜᤢᤵ ᤛᤴᤍᤥᤰᤁᤡᤸᤗᤧ ᤁᤢᤍᤧᤵᤑᤣ᤺ᤸᤗᤧ ᤁᤢᤗᤠᤶᤋᤡ ᤐᤡᤛᤠᤱ ᤏᤧᤵᤔᤠᤱ ᤁᤢᤕᤠ ᤗᤧᤵᤔᤠᤱ ᤂᤧᤴ ᤁᤖᤢᤒᤜᤠ᤹ ᤑᤳᤇᤧᤛᤧ᤹॥ ᤂᤧᤴ ᤁᤖᤢᤒᤜᤠ᤹ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤁᤢᤍᤧᤵᤑᤣᤴᤏᤢ ᤋᤢᤶᤛᤧ᤹ᤀᤠᤱ ᤗᤳᤇᤠ ᤛᤠᤶᤔᤩᤠᤱ ᤁᤢᤀᤠ᤺ᤳ ᤜᤧᤰᤁᤣ ᤏᤡᤍᤧᤳᤗ ᤆᤥᤃᤧ᤹॥ 20ᤂᤧᤴ ᤁᤖᤢᤒᤜᤠ᤹ ᤋᤰ ᤏᤢ ᤋᤰ ᤆᤥᤃᤧᤛᤧ᤹ᤀᤠᤱ ᤁᤢᤍᤧᤵᤑᤣᤀᤥ ᤕᤢᤰᤂᤧᤛᤧ᤹॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤵᤜᤠ᤹ ᤌᤠ᤺ᤱ ᤗᤧᤵᤔᤠᤱ ᤜᤵᤑᤧ ᤑᤧᤛᤢᤒᤠ ᤏᤢ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤁᤢᤍᤧᤵᤑᤣᤴ ᤀᤥᤔᤧᤳᤇᤢᤀᤠᤱ ᤂᤢᤴᤇᤡ᤹ ᤗᤠᤵᤐᤡᤸᤗᤧ ᤛᤢ᤺ᤵᤛᤢᤖ ᤐᤥᤱ᤹॥ 21ᤏᤧᤳᤇᤡ ᤛᤠᤵᤗᤢᤱᤜᤠ᤹ ᤛᤴᤍᤥᤰᤁᤥ ᤕᤠᤰᤋᤧᤛᤧ᤹ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤛᤶᤎᤠᤱ ᤁᤢᤍᤧᤵᤑᤣ᤺ᤸᤗᤧ ᤋᤧᤵᤋᤧ᤹॥ 22ᤜᤠᤒᤠ ᤂᤧᤵᤔᤥ ᤀᤠᤱᤃᤠ᤹ ᤂᤧᤏᤧ᤹ ᤋᤢᤶᤏᤧ. ᤜᤧᤰᤁᤩᤠᤱ ᤔᤠᤱᤜᤢᤵ ᤛᤠᤵᤗᤢᤱ ᤁᤧᤕᤠᤰᤐᤠ ᤛᤴᤍᤥᤰᤁᤡᤸᤗᤧ ᤁᤢᤛᤶᤎᤠᤱ ᤏᤧᤳᤇᤡ ᤁᤖᤢᤒᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥᤗᤠᤶ ᤀᤠᤱᤃᤠ᤹ ᤀᤡᤛᤪᤠᤀᤡᤗᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤀᤠᤱᤃᤠ᤹ ᤁᤧᤖᤧᤰ ᤀᤠᤎᤡᤶᤜᤠ᤹ ᤂᤧᤏᤧ᤹ ᤐᤡᤏᤧᤖᤥ॥
ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤏᤠᤒᤠ ᤂᤖᤧ᤺ᤱ ᤏᤧᤔᤠ ᤆᤵᤋᤧᤴ
(ᤗᤠ ᥉᥍:᥇᥆-᥇᥌)
23“ᤂᤧᤏᤧ᤹ ᤒᤒᤢᤗ ᤛᤡᤱᤅᤡᤸᤗᤧᤴ ᤗᤳᤇᤠ ᤆᤵᤋᤧᤴ ᤆᤥᤃᤧ᤹॥ ᤂᤧᤸᤗᤧ ᤁᤢᤗᤠᤶᤋᤡ᤺ᤴ ᤜᤢᤰᤛᤡᤰ ᤏᤧᤳᤇᤡ. ᤁᤢᤓᤧᤖᤧᤴ ᤜᤢᤰᤛᤡᤰᤌᤡᤰ ᤏᤢ ᤁᤢᤗᤡᤱᤃᤧᤴᤏᤡᤴ ᤜᤢᤰᤛᤡᤰ ᤌᤡᤰᤁᤠᤱ ᤁᤢᤓᤪᤧ᤺ᤱ ᤐᤥᤱᤔᤠ ᤐᤥᤱ᤹॥ 24ᤂᤧᤴ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤸᤗᤧ ᤛᤢ᤺ᤵᤋᤧ᤹ ᤜᤧᤰᤁᤩᤠᤱ ᤁᤧᤖᤧᤰ ᤐᤡᤛᤠᤱ ᤛᤠᤶᤔᤩᤠᤱ ᤁᤢᤃ᤺ᤱᤃᤩᤠ ᤑᤳᤇᤧ᤹॥ 25ᤂᤧᤴ ᤁᤧᤖᤧᤰ ᤐᤡᤛᤠᤱ ᤜᤢᤰᤋᤠᤵᤐᤣ᤹ ᤌᤡᤰ ᤁᤢᤓᤧᤖᤧ ᤁᤧᤒᤵᤐᤠ ᤗᤳᤇᤠ ᤁᤢᤃ᤺ᤱᤃᤩᤠ ᤆᤥᤃᤧ᤹. ᤜᤧᤰᤁᤩᤠᤱ ᤂᤧᤴ ᤁᤒᤪᤡᤱ ᤐᤡᤛᤠᤱ ᤂᤧᤵᤔᤥ ᤁᤢᤃ᤺ᤱᤃᤩᤠ ᤑᤳᤇᤧ᤹॥ 26ᤆᤵᤋᤧᤏᤡᤸᤗᤧ ᤁᤢᤗᤠᤃᤡ ᤗᤡᤛᤡ ᤛᤠᤶᤔᤩᤠᤱ ᤁᤢᤴᤍᤢᤸᤗᤥᤜᤠ᤹ ᤆᤥᤃᤧ᤹. ᤜᤧᤰᤁᤩᤠᤱ ᤂᤧᤴ ᤗᤡᤛᤡ ᤁᤢᤴᤍᤢᤸᤗᤥᤜᤠ᤹ ᤂᤧᤸᤗᤧ ᤗᤡᤛᤡᤀᤣ ᤁᤢᤗᤠᤱᤜᤠ᤹ᤖᤧ ᤁᤢᤛᤢᤰᤐᤥ ᤑᤳᤇᤧ᤹॥ 27ᤆᤵᤋᤧᤴ ᤐᤱᤔᤠ ᤋᤰᤗᤠᤱᤜᤠ᤹ ᤕᤠᤰᤔᤠ ᤁᤢᤴᤍᤢᤸᤗᤥᤜᤠ᤹ ᤁᤢᤃ᤺ᤱᤃᤩᤠ᤺ᤸᤗᤧ ᤁᤢᤒᤣᤛᤠᤱ ᤑᤳᤇᤧ᤹॥ 28ᤂᤧᤴ ᤋᤰᤗᤠᤱᤜᤠ᤹ ᤒᤒᤢᤗ ᤛᤡᤱᤅᤡᤸᤗᤧᤴ ᤐᤥᤱᤗ॥ ᤛᤠᤶᤔᤩᤠᤱᤅᤡᤸᤗᤧ ᤂᤧᤴ ᤛᤢ᤺ᤵᤋᤧ᤹. ᤜᤧᤰᤁᤩᤠᤱ ᤂᤧᤴ ᤛᤴᤍᤥᤰᤁᤡᤸᤗᤧ ᤁᤢᤒᤱᤔᤠ ᤐᤥᤱᤗ॥ 29ᤆᤵᤋᤧᤴᤏᤡᤸᤗᤧ ᤁᤢᤗᤠᤃᤡ ᤂᤧᤏᤧ᤹ ᤛᤠᤶᤔᤩᤠᤱ ᤀᤡᤛᤣ᤺ᤱᤒᤠ ᤆᤩᤧᤳᤌᤩᤠᤜᤠ᤹. ᤛᤠᤱᤋᤧᤖᤧᤱᤜᤠ᤹. ᤜᤧᤰᤁᤩᤠᤱ ᤁᤢᤘᤠ ᤛᤡᤍᤢᤱᤈᤓᤠ ᤜᤢᤱᤔᤠᤖᤧ ᤗᤠᤃᤡ ᤑᤱᤏᤠ ᤏᤢ ᤂᤥᤷᤕᤠᤜᤠ᤹ ᤌᤃᤧ᤹॥ 30ᤛᤴᤍᤥᤰᤁᤡᤸᤗᤧ ᤁᤢᤍᤃᤡ ᤗᤧᤵᤔᤠᤱ ᤆᤵᤋᤧᤴᤏᤧᤴ ᤕᤢᤰᤂᤧ᤹ ᤜᤧᤰᤁᤩᤠᤱ ᤀᤠᤱᤃᤠ᤹ᤀᤥ ᤔᤧᤍᤥᤴᤍᤢᤒᤠ ᤂᤖᤧ᤺ᤱᤜᤠ᤹ ᤀᤠᤓᤧᤸᤗᤧᤛᤠᤱ ᤆᤵᤋᤧᤴ ᤛᤶᤎᤠᤱ ᤔᤧᤏᤧᤛ᤻ᤛᤢᤖᤖᤥ॥
ᤛᤣᤔᤡᤕᤢᤱᤍᤧᤴ
(ᤗᤠ ᥉᥍:᥇᥍-᥈᥊)
31“ᤂᤧᤏᤧ᤹ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤴ ᤑᤧ᤺ᤳᤇᤧ᤹ᤀᤠᤱ ᤛᤣᤔᤡᤕᤢᤱᤍᤧᤴ ᤌᤡᤰ ᤆᤥᤃᤧ᤹॥ ᤂᤧᤸᤗᤧ ᤁᤢᤕᤢᤰᤏᤠᤴ ᤏᤢ ᤁᤢᤗᤠᤱᤜᤠ᤹ ᤛᤠᤶᤔᤩᤠᤱᤅᤡᤸᤗᤧᤴ ᤆᤥᤃᤧ᤹. ᤂᤧᤸᤗᤧ ᤁᤢᤄᤧᤶᤔᤠᤖᤧ ᤗᤠᤃᤡ ᤆᤥ᤺ᤰᤔᤏᤠᤒᤠ ᤑᤢᤱ. ᤑᤢᤱᤑᤧᤰᤔᤧ᤺ᤳᤋᤡᤴ ᤏᤢ ᤆᤸᤗᤠᤱᤏᤠ ᤂᤥᤷᤕᤠᤜᤠ᤹ ᤗᤳᤇᤠ ᤛᤠᤶᤔᤩᤠᤱ ᤁᤢᤗ᤺ᤵᤗᤠᤗᤠᤶᤒᤠ ᤆᤥᤃᤧ᤹॥ 32ᤂᤧᤸᤗᤧ ᤋᤢᤰᤛᤡ ᤁᤢᤒᤥᤖᤠᤰᤜᤠ᤹ᤀᤥ ᤛᤢᤶᤛᤡ ᤁᤢᤒᤥᤖᤠᤰᤜᤠ᤹ ᤛᤣᤔᤡᤕᤢᤱᤍᤧᤴ ᤌᤡᤰᤗᤧᤵᤔᤠᤱ ᤏᤢ ᤛᤢᤶᤛᤡ ᤁᤢᤒᤥᤖᤠᤰᤜᤠ᤹ ᤘᤣ᤹ ᤗᤧᤵᤔᤠᤱ ᤁᤧᤗ᤺ᤶᤒᤠ ᤐᤥᤱᤗ ᤐᤥᤱ᤹॥ 33ᤗᤳᤇᤠ ᤁᤢᤒᤥᤖᤠᤰᤁᤥ ᤂᤈᤱᤛᤣ᤹ ᤑᤢᤱ ᤜᤧᤰᤋᤱᤒᤠ ᤛᤢᤶᤛᤡ ᤆᤸᤗᤠᤱᤏᤠ ᤂᤥᤷᤕᤠ. ᤜᤧᤰᤁᤩᤠᤱ ᤂᤧᤴᤏᤢ ᤛᤥᤛᤥᤖᤡᤰ ᤁᤢᤓᤧᤰᤔᤧᤳ ᤏᤢ ᤁᤢᤓᤢᤱᤜᤠ᤹ ᤐᤳᤗ ᤐᤥᤱ᤹॥ ᤘᤣ᤹ ᤁᤢᤒᤥᤖᤠᤰᤁᤥᤀᤠᤱ ᤛᤢᤶᤛᤡᤀᤣ ᤁᤢᤓᤧᤰᤔᤧᤳ ᤏᤢ ᤁᤢᤓᤢᤱᤜᤠ᤹ ᤐᤳᤗ ᤐᤥᤱ᤹॥ ᤛᤣᤔᤡ ᤕᤢᤱᤍᤧᤴᤗᤠᤶᤒᤠ ᤁᤧᤗ᤺ᤶᤒᤠ ᤂᤧᤴ ᤋᤢᤰᤛᤡᤀᤣ ᤁᤢᤒᤥᤖᤠᤰᤜᤠ᤹ᤀᤥ ᤀᤰᤋᤱᤒᤠᤀᤣ ᤐᤥᤱᤗ॥ 34ᤂᤧᤴᤏᤢ ᤛᤥᤛᤥᤖᤡᤰ. ᤛᤣᤔᤡ ᤕᤢᤱᤍᤧᤴᤏᤡᤸᤗᤧ ᤁᤢᤗᤠᤱᤅᤥ ᤂᤈᤱᤛᤣ᤹ ᤑᤢᤱ ᤜᤧᤰᤋᤱᤒᤠ ᤗᤡᤛᤡ ᤆᤸᤗᤠᤱᤏᤠ ᤂᤥᤷᤕᤠ. ᤂᤧᤸᤗᤧ ᤀᤠᤵᤑᤣᤰ ᤁᤢᤓᤧᤰᤔᤧᤳ ᤏᤢ ᤁᤢᤓᤢᤱᤅᤠᤱ ᤐᤳᤗ ᤐᤥᤱ᤹॥ 35ᤛᤣᤔᤡ ᤕᤢᤱᤍᤧᤏᤗᤠᤶ ᤁᤧᤗ᤺ᤶᤒᤠ ᤌᤡᤰᤛᤡᤃᤣᤰᤐᤠ ᤁᤢᤃᤠᤵ ᤐᤥᤖᤠ᤺ᤰᤁᤡᤸᤗᤧ ᤁᤢᤛᤡᤱᤃᤠᤱ ᤗᤳᤇᤠ ᤁᤢᤓᤧᤰᤔᤧᤳ. ᤏᤡᤛᤡᤃᤣᤰᤐᤠ ᤁᤢᤃᤠᤵ ᤛᤡᤃᤠᤱ ᤏᤡᤛᤡᤃᤣᤰᤐᤠ ᤁᤢᤓᤧᤰᤔᤧᤳ. ᤛᤢᤶᤛᤡᤃᤣᤰᤐᤠ ᤁᤢᤃᤠᤵ ᤛᤡᤃᤠᤱ ᤛᤢᤶᤛᤡᤃᤣᤰᤐᤠ ᤁᤢᤓᤧᤰᤔᤧᤳ ᤋᤢᤰᤛᤡ ᤁᤢᤒᤥᤖᤠᤰᤜᤠ᤹ᤀᤥᤒᤠ ᤏᤧᤳᤇᤡ ᤏᤧᤳᤇᤡ ᤁᤢᤒᤥᤖᤠᤰ ᤛᤡᤃᤠᤱ ᤗᤳᤇᤠ ᤗᤳᤇᤠ ᤁᤢᤓᤧᤰᤔᤧᤳ ᤐᤳᤗ॥ 36ᤛᤣᤔᤡᤕᤢᤱᤍᤧᤴ. ᤁᤢᤓᤧᤰᤔᤧᤳ ᤏᤢ ᤁᤢᤒᤥᤖᤠᤰᤜᤠ᤹ ᤁᤧᤖᤧᤰ ᤌᤰᤔᤏᤠᤒᤠ ᤗᤳᤇᤠ ᤛᤠᤶᤔᤩᤠᤱ ᤁᤢᤗ᤺ᤵᤗᤠᤗᤠᤶ ᤆᤥᤃᤧ᤹॥
37“ᤛᤣᤔᤡ ᤕᤢᤱᤍᤧᤴᤗᤧ ᤗᤠᤃᤡ ᤏᤢᤛᤡ ᤇᤰᤁᤱᤜᤠ᤹ ᤆᤥᤃᤧ᤹॥ ᤂᤧᤴ ᤇᤰᤁᤱᤜᤠ᤹ ᤛᤣᤔᤡᤕᤢᤱᤍᤧᤴ ᤋᤃᤡ ᤗᤧᤵᤔᤠᤱ ᤌᤥ᤹ᤔᤠᤖᤧ ᤗᤠᤃᤡ ᤜᤠ᤺ᤴᤍᤧ ᤕᤢᤰᤂᤧ॥ 38ᤂᤧᤵᤔᤥᤒᤠ ᤋ᤺ᤱᤃᤪᤣ᤺ᤸᤗᤧ ᤁᤢᤓᤡ᤺ᤵᤔᤠ ᤗᤠᤓᤡ᤺ᤳᤜᤠ᤹ ᤏᤢ ᤂᤧᤵᤔᤥᤒᤠ ᤔᤠᤰᤛᤢ᤺ᤴᤍᤠ ᤋᤠ᤺ᤰᤔᤧᤴ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤸᤗᤧᤴ ᤆᤥᤃᤧ᤹॥ 39ᤛᤣᤔᤡᤕᤢᤱᤍᤧᤴ. ᤇᤰᤁᤱ ᤏᤢ ᤁᤴ ᤁᤧᤖᤧᤰ ᤂᤧᤶᤛᤡᤱᤗ ᤆᤥ᤺ᤰᤔᤠᤖᤧ ᤗᤠᤃᤡ ᤋᤥᤖᤠ#᥈᥋:᥉᥏ ᤋᤥᤖᤠ ᤌᤡᤰᤁᤡᤴ ᤛᤢᤶᤒᤥᤱᤅᤠᤱ ᤅᤠᤛᤡ ᤁᤡᤗᤥᤃᤪᤠᤔ ᤐᤥᤱ᤹॥ ᤌᤡᤰ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱ ᤕᤠᤱᤛᤡᤱᤅᤧ᤹॥ 40ᤀᤠᤱᤃᤠ᤹ ᤂᤧᤏᤧ᤹ ᤁᤥ᤺ᤰᤔᤠᤀᤥ ᤌᤥ ᤀᤥ᤺ᤴᤎᤠᤰᤏᤧᤒᤠ ᤁᤢᤈᤥᤱ ᤁᤢᤀᤡᤛᤡᤰ ᤁᤴᤜᤠ᤹ ᤁᤧᤖᤧᤰ ᤛᤡᤱᤛᤡᤱ ᤕᤧᤰᤕᤧᤰᤁᤠᤱ ᤆᤥᤃᤧ᤹ᤀᤥ॥
Currently Selected:
ᤗᤠᤶᤍᤡᤰ 25: LIFOTNT
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.
ᤗᤠᤶᤍᤡᤰ 25
25
ᤛᤣᤛᤣ ᤛᤠ᤺ᤱᤃᤠᤜᤡᤶᤗᤧ ᤗᤠᤃᤡ ᤗᤧᤳᤋᤡ
(ᤗᤠ ᥉᥋:᥊-᥏)
1ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. 2“ᤀᤠᤱᤃᤠ᤹ ᤀᤠᤗᤠᤃᤡ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤜᤢᤰᤘᤠ ᤔᤧᤍᤠᤖᤢᤖ ᤑᤠ᤹ᤀᤠᤱ ᤂᤧᤱᤜᤠ᤹ ᤔᤧᤳᤋᤧᤛᤧ᤹॥ ᤁᤧᤖᤧᤰᤗᤧ ᤀᤠᤒᤠᤅᤣ ᤂᤢᤴᤇᤡ᤹ ᤏᤡᤱᤘᤠ᤹ ᤜᤧᤰᤁᤣ ᤔᤧᤍᤥᤴᤍᤢᤒᤠ ᤜᤢᤰᤘᤠᤴ ᤂᤧᤏᤧ᤹ ᤀᤠᤱᤃᤠ᤹ ᤀᤠᤗᤠᤃᤡ ᤋᤠ᤺ᤰᤋᤧ᤹॥ 3ᤂᤧᤱᤜᤠ᤹ᤗᤠᤶᤒᤠ ᤋᤠ᤺ᤰᤔᤠ ᤁᤧᤒᤥᤱᤒᤠ ᤜᤢᤰᤘᤠᤜᤠ᤹ ᤜᤠᤒᤠ ᤁᤴᤜᤠ᤹ᤀᤣ ᤐᤥᤱᤗᤥ—ᤛᤠᤶᤔᤩᤠᤱ. ᤕᤢᤵᤐᤠ. ᤁᤠᤛᤠ. 4ᤗᤡᤵᤗᤡᤱᤃᤣ ᤂᤡᤗᤠᤶ ᤌᤠᤰᤔᤏᤠᤒᤠ ᤆᤡᤖᤡᤰ. ᤜᤡ᤺ᤰᤕᤱᤕᤱᤒᤠ. ᤐᤠᤖᤠᤴᤗᤠ ᤏᤢ ᤜᤧ᤺ᤳᤋᤠᤱᤒᤠ ᤛᤧᤔᤢᤖᤡᤰ. ᤔᤧ᤺ᤴᤍᤠᤰ ᤔᤢᤖᤡᤰᤗᤠᤶ ᤌᤠᤰᤔᤏᤠᤒᤠ ᤆᤡᤖᤡᤰ. 5ᤜᤧ᤺ᤳᤋᤠᤱᤒᤠ ᤆᤠ᤺ᤶᤔᤏᤠᤒᤠ ᤔᤧᤸᤗᤢᤰ ᤜᤥᤖᤡᤰᤜᤠ᤹. ᤁᤧᤖᤧᤰᤏᤢ᤺ᤸᤗᤧ ᤏᤢᤒᤠ ᤛᤠᤜᤥᤖᤡᤰᤐᤠᤜᤠ᤹. ᤛᤡᤖᤡᤛ ᤛᤡᤱ. 6ᤛᤣᤔᤡ ᤜᤠ᤺ᤶᤔᤠᤖᤧ ᤗᤠᤃᤡ ᤆᤤᤋᤢᤏ ᤏᤡ᤺ᤱᤃᤣ᤹. ᤔᤠᤱᤌᤥ᤺ᤰᤏᤠ ᤆᤥ᤺ᤰᤔᤠ ᤏᤡ᤺ᤱᤃᤣ᤹ᤖᤧ ᤗᤠᤃᤡ ᤔᤠᤖᤢᤰᤜᤠ᤹ ᤏᤢ ᤁᤢᤏᤠᤶ ᤁᤧᤏᤢ᤹ᤒᤠ ᤛᤢᤰᤐᤠᤖᤧ ᤗᤠᤃᤡ ᤔᤠᤖᤢᤰᤜᤠ᤹ 7ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤁᤢᤗᤠᤃᤡ ᤀᤣᤐᤥᤍ ᤜᤧᤰᤁᤩᤠᤱ ᤛᤠ᤺ᤱᤒᤣ ᤛᤧ᤺ᤵᤆᤠᤱᤅᤥ ᤘᤠ᤺ᤵᤔᤏᤠᤒᤠ ᤀᤏᤡᤰᤛ ᤔᤢᤎᤡᤱᤗᤢᤱ ᤏᤢ ᤘᤣ᤹ ᤁᤢᤔᤧᤴ ᤁᤧᤄᤡ᤺ᤰᤐᤠ ᤔᤢᤎᤡᤱᤗᤢᤱᤜᤠ᤹॥
8“ᤀᤠᤱᤃᤠ᤹ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤘᤠ᤹ᤔᤠᤖᤧ ᤗᤠᤃᤡ ᤂᤧᤱᤜᤠ᤹ᤖᤧ ᤛᤣᤛᤣᤍᤧᤴ ᤌᤡᤰ ᤔᤧᤈᤥᤃᤢᤖ ᤐᤥᤱ᤹॥ 9ᤀᤠᤱᤃᤠ᤹ ᤂᤧᤏᤧ᤹ ᤀᤥ᤺ᤴᤎᤠᤰᤏᤧᤒᤠ ᤁᤢᤒᤡ ᤁᤢᤀᤡᤛᤡᤰ ᤂᤧᤏᤧ᤹ ᤛᤣᤛᤣᤍᤧᤴ ᤏᤢ ᤂᤧᤸᤗᤧ ᤁᤢᤄᤧᤶᤛᤡᤱᤔᤠ ᤁᤧᤖᤧᤰ ᤛᤠᤔᤠ ᤐᤢᤔᤠᤜᤠ᤹ ᤆᤥᤃᤧ᤹ᤀᤥ॥
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤢᤵ ᤛᤴᤍᤥᤰ
(ᤗᤠ ᥉᥍:᥇-᥏)
10“ᤂᤧᤱᤜᤠ᤹ᤖᤧ ᤒᤒᤢᤗ ᤛᤡᤱᤅᤡᤸᤗᤧᤴ ᤗᤳᤇᤠ ᤛᤴᤍᤥᤰ ᤔᤧᤃᤠᤶᤛᤢᤖ॥ ᤂᤧᤸᤗᤧ ᤁᤢᤗᤠᤶᤋᤡ᤺ᤴ ᤜᤢᤰᤛᤡᤰ ᤏᤧᤳᤇᤡᤀᤠᤱ ᤁᤢᤓᤪᤧ᤺ᤱ. ᤁᤢᤓᤧᤖᤧᤴ ᤜᤢᤰᤛᤡᤰ ᤌᤡᤰᤁᤠᤱ ᤁᤢᤓᤪᤧ᤺ᤱ ᤏᤢ ᤁᤢᤗᤡᤱᤃᤧᤴᤏᤡᤴ ᤜᤢᤰᤛᤡᤰ ᤌᤡᤰᤁᤠᤱ ᤁᤢᤓᤪᤧ᤺ᤱᤒᤠ ᤐᤥᤱᤗ॥ 11ᤂᤧᤴ ᤂᤧᤏᤧ᤹ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤸᤗᤧ ᤛᤢ᤺ᤵᤋᤧ᤹॥ ᤛᤡᤃᤠᤱ. ᤗᤠ᤺ᤰᤁᤠᤳ ᤂᤧᤏᤧ᤹ ᤂᤧᤴ ᤛᤢ᤺ᤵᤋᤧ᤹॥ ᤂᤧᤸᤗᤧ ᤁᤧᤖᤧᤰ ᤐᤡᤛᤠᤱ ᤁᤢᤃ᤺ᤱᤃᤩᤠ ᤑᤳᤇᤧ᤹॥ 12ᤂᤧᤸᤗᤧ ᤗᤠᤃᤡ ᤗᤡᤛᤡ ᤛᤠᤶᤔᤩᤠᤱ ᤁᤢᤴᤍᤢᤸᤗᤥᤜᤠ᤹ ᤕᤥ᤺ᤴᤍᤧ᤹ᤀᤠᤱ ᤂᤧᤸᤗᤧ ᤗᤡᤛᤡ ᤁᤢᤗᤠᤱᤜᤠ᤹ᤀᤥ ᤑᤳᤇᤧ᤹. ᤁᤢᤴᤍᤢᤸᤗᤥ ᤏᤧᤳᤇᤡ ᤁᤳᤏᤠᤜᤠᤱ ᤏᤢ ᤁᤢᤴᤍᤢᤸᤗᤥ ᤏᤧᤳᤇᤡ ᤏᤠᤜᤠᤱ ᤐᤳᤗ ᤐᤥᤱ᤹॥ 13ᤂᤧᤒᤩᤠᤱ ᤂᤧᤏᤧ᤹ ᤒᤒᤢᤗ ᤛᤡᤱᤅᤡᤸᤗᤧᤴ ᤋᤰᤗᤠᤱᤜᤠ᤹ ᤆᤥᤃᤧ᤹ᤀᤠᤱ ᤂᤧᤱᤜᤠ᤹ ᤛᤠᤶᤔᤩᤠᤱᤅᤡᤸᤗᤧ ᤛᤢ᤺ᤵᤋᤧ᤹॥ 14ᤂᤧᤴ ᤋᤰᤗᤠᤱᤜᤠ᤹ ᤛᤴᤍᤥᤰᤁᤥ ᤏᤠᤜᤠᤱ ᤁᤳᤏᤠᤜᤠᤱ ᤁᤧᤒᤵᤐᤠ ᤁᤢᤴᤍᤢᤸᤗᤥᤜᤠ᤹ᤀᤥ ᤛᤴᤍᤥᤰᤁᤡᤴ ᤐᤱᤔᤠᤖᤧ ᤗᤠᤃᤡ ᤕᤠᤰᤋᤧ᤹॥ 15ᤂᤧᤴ ᤋᤰᤗᤠᤱᤜᤠ᤹ ᤛᤴᤍᤥ᤺ᤰᤁᤥᤒᤠ ᤁᤢᤴᤍᤢᤸᤗᤥᤜᤠ᤹ᤀᤥᤀᤣ ᤐᤳᤗ ᤐᤥᤱ᤹. ᤂᤧᤴ ᤋᤰᤗᤠᤱᤜᤠ᤹ ᤂᤧᤵᤔᤥᤗᤠᤶᤒᤠ ᤔᤧᤗ᤺ᤳᤋᤧᤴᤏᤧ᤹॥ 16ᤀᤠᤱᤃᤠ᤹ ᤂᤧᤏᤧ᤹ ᤏᤧᤳᤇᤡ ᤛᤠᤵᤗᤢᤱᤜᤠ᤹ ᤐᤡᤏᤧ॥ ᤂᤧᤒᤩᤠᤱ ᤂᤧᤴ ᤛᤠᤵᤗᤢᤱᤜᤠ᤹ ᤂᤧᤴ ᤛᤴᤍᤥᤰᤁᤥ ᤕᤠᤰᤋᤧ᤹॥ ᤂᤧᤴ ᤛᤠᤵᤗᤢᤱᤜᤠ᤹ᤀᤥ ᤀᤠᤱᤃᤠ᤹ ᤀᤠᤀᤡᤱᤈᤠᤱᤜᤠ᤹ ᤛᤠᤵᤋᤧᤀᤠᤱ ᤐᤳ॥
17“ᤜᤧᤰᤁᤩᤠᤱ ᤛᤠᤶᤔᤩᤠᤱ ᤀᤡᤛᤣ᤺ᤱᤒᤠ ᤗᤳᤇᤠ ᤔᤠᤱᤜᤢᤵ ᤛᤴᤍᤥᤰᤁᤡᤸᤗᤧ ᤁᤢᤍᤧᤵᤑᤣ᤹ ᤌᤡᤰ ᤆᤥᤃᤧ᤹॥ ᤂᤧᤸᤗᤧ ᤁᤢᤗᤠᤶᤋᤡ᤺ᤴ ᤜᤢᤰᤛᤡᤰ ᤏᤧᤳᤇᤡᤀᤠᤱ ᤁᤢᤓᤪᤧ᤺ᤱ ᤏᤢ ᤁᤢᤓᤧᤖᤧᤴ ᤜᤢᤰᤛᤡᤰ ᤌᤡᤰᤁᤠᤱ ᤁᤢᤓᤪᤧ᤺ᤱ ᤐᤥᤱᤗ॥ 18ᤌᤘᤠ᤺ᤸᤗᤧ ᤜᤡᤵᤔᤏᤠ ᤗ᤺ᤵᤔᤏᤠᤒᤠ ᤏᤧᤳᤇᤡ ᤛᤠᤶᤔᤩᤠᤱ ᤁᤖᤢᤒᤜᤠ᤹ ᤔᤠᤱᤜᤢᤵ ᤛᤴᤍᤥᤰᤁᤡᤸᤗᤧ ᤁᤢᤍᤧᤵᤑᤣᤀᤥᤒᤠ ᤁᤢᤕᤠ ᤏᤧᤵᤔᤠᤱ ᤗᤧᤵᤔᤠᤱ ᤕᤢᤱᤛᤡᤖ ᤐᤥᤱ᤹— 19ᤜᤧᤰᤁᤩᤠᤱ ᤔᤠᤱᤜᤢᤵ ᤛᤴᤍᤥᤰᤁᤡᤸᤗᤧ ᤁᤢᤍᤧᤵᤑᤣ᤺ᤸᤗᤧ ᤁᤢᤗᤠᤶᤋᤡ ᤐᤡᤛᤠᤱ ᤏᤧᤵᤔᤠᤱ ᤁᤢᤕᤠ ᤗᤧᤵᤔᤠᤱ ᤂᤧᤴ ᤁᤖᤢᤒᤜᤠ᤹ ᤑᤳᤇᤧᤛᤧ᤹॥ ᤂᤧᤴ ᤁᤖᤢᤒᤜᤠ᤹ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤁᤢᤍᤧᤵᤑᤣᤴᤏᤢ ᤋᤢᤶᤛᤧ᤹ᤀᤠᤱ ᤗᤳᤇᤠ ᤛᤠᤶᤔᤩᤠᤱ ᤁᤢᤀᤠ᤺ᤳ ᤜᤧᤰᤁᤣ ᤏᤡᤍᤧᤳᤗ ᤆᤥᤃᤧ᤹॥ 20ᤂᤧᤴ ᤁᤖᤢᤒᤜᤠ᤹ ᤋᤰ ᤏᤢ ᤋᤰ ᤆᤥᤃᤧᤛᤧ᤹ᤀᤠᤱ ᤁᤢᤍᤧᤵᤑᤣᤀᤥ ᤕᤢᤰᤂᤧᤛᤧ᤹॥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤗᤠᤵᤜᤠ᤹ ᤌᤠ᤺ᤱ ᤗᤧᤵᤔᤠᤱ ᤜᤵᤑᤧ ᤑᤧᤛᤢᤒᤠ ᤏᤢ ᤗᤠᤕᤥᤗᤠᤶ ᤗᤧᤵᤔᤡ ᤂᤥᤔᤠ ᤁᤢᤍᤧᤵᤑᤣᤴ ᤀᤥᤔᤧᤳᤇᤢᤀᤠᤱ ᤂᤢᤴᤇᤡ᤹ ᤗᤠᤵᤐᤡᤸᤗᤧ ᤛᤢ᤺ᤵᤛᤢᤖ ᤐᤥᤱ᤹॥ 21ᤏᤧᤳᤇᤡ ᤛᤠᤵᤗᤢᤱᤜᤠ᤹ ᤛᤴᤍᤥᤰᤁᤥ ᤕᤠᤰᤋᤧᤛᤧ᤹ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤛᤶᤎᤠᤱ ᤁᤢᤍᤧᤵᤑᤣ᤺ᤸᤗᤧ ᤋᤧᤵᤋᤧ᤹॥ 22ᤜᤠᤒᤠ ᤂᤧᤵᤔᤥ ᤀᤠᤱᤃᤠ᤹ ᤂᤧᤏᤧ᤹ ᤋᤢᤶᤏᤧ. ᤜᤧᤰᤁᤩᤠᤱ ᤔᤠᤱᤜᤢᤵ ᤛᤠᤵᤗᤢᤱ ᤁᤧᤕᤠᤰᤐᤠ ᤛᤴᤍᤥᤰᤁᤡᤸᤗᤧ ᤁᤢᤛᤶᤎᤠᤱ ᤏᤧᤳᤇᤡ ᤁᤖᤢᤒᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥᤗᤠᤶ ᤀᤠᤱᤃᤠ᤹ ᤀᤡᤛᤪᤠᤀᤡᤗᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤀᤠᤱᤃᤠ᤹ ᤁᤧᤖᤧᤰ ᤀᤠᤎᤡᤶᤜᤠ᤹ ᤂᤧᤏᤧ᤹ ᤐᤡᤏᤧᤖᤥ॥
ᤏᤡᤱᤘᤠ᤹ᤑᤢᤔᤠᤱᤅᤥ ᤋᤥ᤺ᤶᤔᤏᤠᤒᤠ ᤂᤖᤧ᤺ᤱ ᤏᤧᤔᤠ ᤆᤵᤋᤧᤴ
(ᤗᤠ ᥉᥍:᥇᥆-᥇᥌)
23“ᤂᤧᤏᤧ᤹ ᤒᤒᤢᤗ ᤛᤡᤱᤅᤡᤸᤗᤧᤴ ᤗᤳᤇᤠ ᤆᤵᤋᤧᤴ ᤆᤥᤃᤧ᤹॥ ᤂᤧᤸᤗᤧ ᤁᤢᤗᤠᤶᤋᤡ᤺ᤴ ᤜᤢᤰᤛᤡᤰ ᤏᤧᤳᤇᤡ. ᤁᤢᤓᤧᤖᤧᤴ ᤜᤢᤰᤛᤡᤰᤌᤡᤰ ᤏᤢ ᤁᤢᤗᤡᤱᤃᤧᤴᤏᤡᤴ ᤜᤢᤰᤛᤡᤰ ᤌᤡᤰᤁᤠᤱ ᤁᤢᤓᤪᤧ᤺ᤱ ᤐᤥᤱᤔᤠ ᤐᤥᤱ᤹॥ 24ᤂᤧᤴ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤸᤗᤧ ᤛᤢ᤺ᤵᤋᤧ᤹ ᤜᤧᤰᤁᤩᤠᤱ ᤁᤧᤖᤧᤰ ᤐᤡᤛᤠᤱ ᤛᤠᤶᤔᤩᤠᤱ ᤁᤢᤃ᤺ᤱᤃᤩᤠ ᤑᤳᤇᤧ᤹॥ 25ᤂᤧᤴ ᤁᤧᤖᤧᤰ ᤐᤡᤛᤠᤱ ᤜᤢᤰᤋᤠᤵᤐᤣ᤹ ᤌᤡᤰ ᤁᤢᤓᤧᤖᤧ ᤁᤧᤒᤵᤐᤠ ᤗᤳᤇᤠ ᤁᤢᤃ᤺ᤱᤃᤩᤠ ᤆᤥᤃᤧ᤹. ᤜᤧᤰᤁᤩᤠᤱ ᤂᤧᤴ ᤁᤒᤪᤡᤱ ᤐᤡᤛᤠᤱ ᤂᤧᤵᤔᤥ ᤁᤢᤃ᤺ᤱᤃᤩᤠ ᤑᤳᤇᤧ᤹॥ 26ᤆᤵᤋᤧᤏᤡᤸᤗᤧ ᤁᤢᤗᤠᤃᤡ ᤗᤡᤛᤡ ᤛᤠᤶᤔᤩᤠᤱ ᤁᤢᤴᤍᤢᤸᤗᤥᤜᤠ᤹ ᤆᤥᤃᤧ᤹. ᤜᤧᤰᤁᤩᤠᤱ ᤂᤧᤴ ᤗᤡᤛᤡ ᤁᤢᤴᤍᤢᤸᤗᤥᤜᤠ᤹ ᤂᤧᤸᤗᤧ ᤗᤡᤛᤡᤀᤣ ᤁᤢᤗᤠᤱᤜᤠ᤹ᤖᤧ ᤁᤢᤛᤢᤰᤐᤥ ᤑᤳᤇᤧ᤹॥ 27ᤆᤵᤋᤧᤴ ᤐᤱᤔᤠ ᤋᤰᤗᤠᤱᤜᤠ᤹ ᤕᤠᤰᤔᤠ ᤁᤢᤴᤍᤢᤸᤗᤥᤜᤠ᤹ ᤁᤢᤃ᤺ᤱᤃᤩᤠ᤺ᤸᤗᤧ ᤁᤢᤒᤣᤛᤠᤱ ᤑᤳᤇᤧ᤹॥ 28ᤂᤧᤴ ᤋᤰᤗᤠᤱᤜᤠ᤹ ᤒᤒᤢᤗ ᤛᤡᤱᤅᤡᤸᤗᤧᤴ ᤐᤥᤱᤗ॥ ᤛᤠᤶᤔᤩᤠᤱᤅᤡᤸᤗᤧ ᤂᤧᤴ ᤛᤢ᤺ᤵᤋᤧ᤹. ᤜᤧᤰᤁᤩᤠᤱ ᤂᤧᤴ ᤛᤴᤍᤥᤰᤁᤡᤸᤗᤧ ᤁᤢᤒᤱᤔᤠ ᤐᤥᤱᤗ॥ 29ᤆᤵᤋᤧᤴᤏᤡᤸᤗᤧ ᤁᤢᤗᤠᤃᤡ ᤂᤧᤏᤧ᤹ ᤛᤠᤶᤔᤩᤠᤱ ᤀᤡᤛᤣ᤺ᤱᤒᤠ ᤆᤩᤧᤳᤌᤩᤠᤜᤠ᤹. ᤛᤠᤱᤋᤧᤖᤧᤱᤜᤠ᤹. ᤜᤧᤰᤁᤩᤠᤱ ᤁᤢᤘᤠ ᤛᤡᤍᤢᤱᤈᤓᤠ ᤜᤢᤱᤔᤠᤖᤧ ᤗᤠᤃᤡ ᤑᤱᤏᤠ ᤏᤢ ᤂᤥᤷᤕᤠᤜᤠ᤹ ᤌᤃᤧ᤹॥ 30ᤛᤴᤍᤥᤰᤁᤡᤸᤗᤧ ᤁᤢᤍᤃᤡ ᤗᤧᤵᤔᤠᤱ ᤆᤵᤋᤧᤴᤏᤧᤴ ᤕᤢᤰᤂᤧ᤹ ᤜᤧᤰᤁᤩᤠᤱ ᤀᤠᤱᤃᤠ᤹ᤀᤥ ᤔᤧᤍᤥᤴᤍᤢᤒᤠ ᤂᤖᤧ᤺ᤱᤜᤠ᤹ ᤀᤠᤓᤧᤸᤗᤧᤛᤠᤱ ᤆᤵᤋᤧᤴ ᤛᤶᤎᤠᤱ ᤔᤧᤏᤧᤛ᤻ᤛᤢᤖᤖᤥ॥
ᤛᤣᤔᤡᤕᤢᤱᤍᤧᤴ
(ᤗᤠ ᥉᥍:᥇᥍-᥈᥊)
31“ᤂᤧᤏᤧ᤹ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤴ ᤑᤧ᤺ᤳᤇᤧ᤹ᤀᤠᤱ ᤛᤣᤔᤡᤕᤢᤱᤍᤧᤴ ᤌᤡᤰ ᤆᤥᤃᤧ᤹॥ ᤂᤧᤸᤗᤧ ᤁᤢᤕᤢᤰᤏᤠᤴ ᤏᤢ ᤁᤢᤗᤠᤱᤜᤠ᤹ ᤛᤠᤶᤔᤩᤠᤱᤅᤡᤸᤗᤧᤴ ᤆᤥᤃᤧ᤹. ᤂᤧᤸᤗᤧ ᤁᤢᤄᤧᤶᤔᤠᤖᤧ ᤗᤠᤃᤡ ᤆᤥ᤺ᤰᤔᤏᤠᤒᤠ ᤑᤢᤱ. ᤑᤢᤱᤑᤧᤰᤔᤧ᤺ᤳᤋᤡᤴ ᤏᤢ ᤆᤸᤗᤠᤱᤏᤠ ᤂᤥᤷᤕᤠᤜᤠ᤹ ᤗᤳᤇᤠ ᤛᤠᤶᤔᤩᤠᤱ ᤁᤢᤗ᤺ᤵᤗᤠᤗᤠᤶᤒᤠ ᤆᤥᤃᤧ᤹॥ 32ᤂᤧᤸᤗᤧ ᤋᤢᤰᤛᤡ ᤁᤢᤒᤥᤖᤠᤰᤜᤠ᤹ᤀᤥ ᤛᤢᤶᤛᤡ ᤁᤢᤒᤥᤖᤠᤰᤜᤠ᤹ ᤛᤣᤔᤡᤕᤢᤱᤍᤧᤴ ᤌᤡᤰᤗᤧᤵᤔᤠᤱ ᤏᤢ ᤛᤢᤶᤛᤡ ᤁᤢᤒᤥᤖᤠᤰᤜᤠ᤹ ᤘᤣ᤹ ᤗᤧᤵᤔᤠᤱ ᤁᤧᤗ᤺ᤶᤒᤠ ᤐᤥᤱᤗ ᤐᤥᤱ᤹॥ 33ᤗᤳᤇᤠ ᤁᤢᤒᤥᤖᤠᤰᤁᤥ ᤂᤈᤱᤛᤣ᤹ ᤑᤢᤱ ᤜᤧᤰᤋᤱᤒᤠ ᤛᤢᤶᤛᤡ ᤆᤸᤗᤠᤱᤏᤠ ᤂᤥᤷᤕᤠ. ᤜᤧᤰᤁᤩᤠᤱ ᤂᤧᤴᤏᤢ ᤛᤥᤛᤥᤖᤡᤰ ᤁᤢᤓᤧᤰᤔᤧᤳ ᤏᤢ ᤁᤢᤓᤢᤱᤜᤠ᤹ ᤐᤳᤗ ᤐᤥᤱ᤹॥ ᤘᤣ᤹ ᤁᤢᤒᤥᤖᤠᤰᤁᤥᤀᤠᤱ ᤛᤢᤶᤛᤡᤀᤣ ᤁᤢᤓᤧᤰᤔᤧᤳ ᤏᤢ ᤁᤢᤓᤢᤱᤜᤠ᤹ ᤐᤳᤗ ᤐᤥᤱ᤹॥ ᤛᤣᤔᤡ ᤕᤢᤱᤍᤧᤴᤗᤠᤶᤒᤠ ᤁᤧᤗ᤺ᤶᤒᤠ ᤂᤧᤴ ᤋᤢᤰᤛᤡᤀᤣ ᤁᤢᤒᤥᤖᤠᤰᤜᤠ᤹ᤀᤥ ᤀᤰᤋᤱᤒᤠᤀᤣ ᤐᤥᤱᤗ॥ 34ᤂᤧᤴᤏᤢ ᤛᤥᤛᤥᤖᤡᤰ. ᤛᤣᤔᤡ ᤕᤢᤱᤍᤧᤴᤏᤡᤸᤗᤧ ᤁᤢᤗᤠᤱᤅᤥ ᤂᤈᤱᤛᤣ᤹ ᤑᤢᤱ ᤜᤧᤰᤋᤱᤒᤠ ᤗᤡᤛᤡ ᤆᤸᤗᤠᤱᤏᤠ ᤂᤥᤷᤕᤠ. ᤂᤧᤸᤗᤧ ᤀᤠᤵᤑᤣᤰ ᤁᤢᤓᤧᤰᤔᤧᤳ ᤏᤢ ᤁᤢᤓᤢᤱᤅᤠᤱ ᤐᤳᤗ ᤐᤥᤱ᤹॥ 35ᤛᤣᤔᤡ ᤕᤢᤱᤍᤧᤏᤗᤠᤶ ᤁᤧᤗ᤺ᤶᤒᤠ ᤌᤡᤰᤛᤡᤃᤣᤰᤐᤠ ᤁᤢᤃᤠᤵ ᤐᤥᤖᤠ᤺ᤰᤁᤡᤸᤗᤧ ᤁᤢᤛᤡᤱᤃᤠᤱ ᤗᤳᤇᤠ ᤁᤢᤓᤧᤰᤔᤧᤳ. ᤏᤡᤛᤡᤃᤣᤰᤐᤠ ᤁᤢᤃᤠᤵ ᤛᤡᤃᤠᤱ ᤏᤡᤛᤡᤃᤣᤰᤐᤠ ᤁᤢᤓᤧᤰᤔᤧᤳ. ᤛᤢᤶᤛᤡᤃᤣᤰᤐᤠ ᤁᤢᤃᤠᤵ ᤛᤡᤃᤠᤱ ᤛᤢᤶᤛᤡᤃᤣᤰᤐᤠ ᤁᤢᤓᤧᤰᤔᤧᤳ ᤋᤢᤰᤛᤡ ᤁᤢᤒᤥᤖᤠᤰᤜᤠ᤹ᤀᤥᤒᤠ ᤏᤧᤳᤇᤡ ᤏᤧᤳᤇᤡ ᤁᤢᤒᤥᤖᤠᤰ ᤛᤡᤃᤠᤱ ᤗᤳᤇᤠ ᤗᤳᤇᤠ ᤁᤢᤓᤧᤰᤔᤧᤳ ᤐᤳᤗ॥ 36ᤛᤣᤔᤡᤕᤢᤱᤍᤧᤴ. ᤁᤢᤓᤧᤰᤔᤧᤳ ᤏᤢ ᤁᤢᤒᤥᤖᤠᤰᤜᤠ᤹ ᤁᤧᤖᤧᤰ ᤌᤰᤔᤏᤠᤒᤠ ᤗᤳᤇᤠ ᤛᤠᤶᤔᤩᤠᤱ ᤁᤢᤗ᤺ᤵᤗᤠᤗᤠᤶ ᤆᤥᤃᤧ᤹॥
37“ᤛᤣᤔᤡ ᤕᤢᤱᤍᤧᤴᤗᤧ ᤗᤠᤃᤡ ᤏᤢᤛᤡ ᤇᤰᤁᤱᤜᤠ᤹ ᤆᤥᤃᤧ᤹॥ ᤂᤧᤴ ᤇᤰᤁᤱᤜᤠ᤹ ᤛᤣᤔᤡᤕᤢᤱᤍᤧᤴ ᤋᤃᤡ ᤗᤧᤵᤔᤠᤱ ᤌᤥ᤹ᤔᤠᤖᤧ ᤗᤠᤃᤡ ᤜᤠ᤺ᤴᤍᤧ ᤕᤢᤰᤂᤧ॥ 38ᤂᤧᤵᤔᤥᤒᤠ ᤋ᤺ᤱᤃᤪᤣ᤺ᤸᤗᤧ ᤁᤢᤓᤡ᤺ᤵᤔᤠ ᤗᤠᤓᤡ᤺ᤳᤜᤠ᤹ ᤏᤢ ᤂᤧᤵᤔᤥᤒᤠ ᤔᤠᤰᤛᤢ᤺ᤴᤍᤠ ᤋᤠ᤺ᤰᤔᤧᤴ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱᤅᤡᤸᤗᤧᤴ ᤆᤥᤃᤧ᤹॥ 39ᤛᤣᤔᤡᤕᤢᤱᤍᤧᤴ. ᤇᤰᤁᤱ ᤏᤢ ᤁᤴ ᤁᤧᤖᤧᤰ ᤂᤧᤶᤛᤡᤱᤗ ᤆᤥ᤺ᤰᤔᤠᤖᤧ ᤗᤠᤃᤡ ᤋᤥᤖᤠ#᥈᥋:᥉᥏ ᤋᤥᤖᤠ ᤌᤡᤰᤁᤡᤴ ᤛᤢᤶᤒᤥᤱᤅᤠᤱ ᤅᤠᤛᤡ ᤁᤡᤗᤥᤃᤪᤠᤔ ᤐᤥᤱ᤹॥ ᤌᤡᤰ ᤀᤡᤛᤣ᤺ᤱᤒᤠ ᤛᤠᤶᤔᤩᤠᤱ ᤕᤠᤱᤛᤡᤱᤅᤧ᤹॥ 40ᤀᤠᤱᤃᤠ᤹ ᤂᤧᤏᤧ᤹ ᤁᤥ᤺ᤰᤔᤠᤀᤥ ᤌᤥ ᤀᤥ᤺ᤴᤎᤠᤰᤏᤧᤒᤠ ᤁᤢᤈᤥᤱ ᤁᤢᤀᤡᤛᤡᤰ ᤁᤴᤜᤠ᤹ ᤁᤧᤖᤧᤰ ᤛᤡᤱᤛᤡᤱ ᤕᤧᤰᤕᤧᤰᤁᤠᤱ ᤆᤥᤃᤧ᤹ᤀᤥ॥
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.