Si do Aposela ki kera ilidaki 11
11
1Ma aposela ki ma baree wai doorana nai Judia kera roṉoa na Jenetaele ki kera ṉalia lau boo bae lana tha God. 2Ma lalae tha Pita e tae uri Jerusalema, toa eki ana kwai kakali la keka ṉata ni firua bi nia, 3Keka una eri, O kotho isana wane kesi kwai kalidaki, mo faṉa bi kera. 4Ma tha Pita ka ṉata, ka faaroṉo teefau asi do eri ita u bomai ana thafali lana, ka una eri, 5Nau ku toto i la toaa susu i Jopa, ku foa: ma si maṉa na bubunoto la e fulatooku, ku rikia ana si na kera fatai lalaa ania, tee butee do ne sifo mai, ’uria ta maku ne baita, na kera sifolaṉai nia faisia thalo lo ana fai susui do ki; ma lalae mai ka fula isaku: 6Ma si maṉa maaku e tede ana si do eri, ku onotoona, ma ku rikia do maruki ana fai ae nai fanua nei iano ki ma do maruki na kera kwasi ki ma do na kai aṉo ki ma thaaro i mamatalea ki. 7Ma nau ku roṉoa lau boo liṉana ṉata la e una eri isaku, Tatae, Pita; oki thauṉia ma oki ania. 8Ma nau ku sorea, E ai, Lord: sulaania ita mai inao ka fula asi maṉa eri e ai ta do ne ai si lea ma do ne sua si tatha u i fokoku. 9Ma liṉana ṉata la ruana lau ka luu nau i thalo mai, Si do na tha God e faafalua naa, osi alaṉia asi do ne ai si lea. 10Ma kera ulu fa ade la una eri: sui kera lafua si do eki sui boo ka oli uri thalo. 11Ma rikia fasi, si maṉa eri u boo ulu nonii wane kera takwe luana biu eri na nau ku ni iei, na kera arasida too mai i Sesaria keka lae mai isaku. 12Ma tha Spirit e soree isaku kwa lae bida, manataku si rurua. Ma ono doorakulua nai ki kera lae lau boo bi nau; ma mili kotho i biu wane eri: 13Ma nia faaroṉo kamilia na nia rikia tee angel kai takwe i biu nia, ma ka soree isana, Oki kwaiarasi uri Jopa, keki talaia mai tha Saimona, na ruana thata nia tha Pita; 14Wane na kai faaroṉo oe asi baea, na keki faamaruki oe ania, oe bia toa eki sui boo ana maafera oe. 15Ma si maṉa ku thafalii ṉata, tha Spirit Abu e sifo fafida, ’uria lau boo ne sifo fafi kulu inao na ba. 16Ma nau ku onotoona bae lana ṉa Lord, ne sorea na ba, Tha Jone e babataesi boo ana kafo; ma ni kamulua keki babataesi kamulua atha Spirit Abu. 17Mania mada sa tha God e tona falea boo si do eri ifada ’uria lau boo ne falea ifakulua, si maṉa kulu fitoona tha Lord Jesus Christ, nau ni tei, fasi kwa firu bia tha God? 18Ma si maṉa na kera roṉoa si do eki, keka bona bada, sui kera taṉoa tha God, keka una eri, O ma Jenetaele ki lau boo tha God e falea manata akele la ifada uria marukia.
19Mania toa na kera faaseesula iada keka lae tataka si maṉa ana unii fualaṉa ne tae mai sulia tha Sitifini na ba kera lalae keka fula ana Fenisi, ma Saeporasi, ma Adioko, kesi ṉata sulia si baea isana ta toa eeta, isana talitoona Ju ki. 20Ma sui tei toa iada wane i Saeporasi ma i Saerini ki, na si maṉa na kera fula i Adioko, keka ṉata isana toa i Girisi ki, keka ṉata sulia tha Lord Jesus. 21Ma abana tha Lord e to bida: ma toa ooro ka oro kera fitoo ma keka akele uria ṉa Lord. 22Ma si faaroṉoa sulia toa eki e talo i aliṉana figua nai Jerusalema: ma kera arasia kau tha Banabasi kai lae uri Adioko: 23Nia lalae mai e fula, me rikia lea la tha God, ka seethathala; ma nia soree isada sui, keki susuu ana ruruuda, keki rau ṉado ana ṉa Lord: 24Sulaania nia wane abula lane lea, ma ka fuṉu atha Spirit Abu ma ana fitooa: ma toa na kera lae mai isana ṉa Lord kera oro. 25Ma tha Banabasi e lae kau uri Tasasi fasi kai rofe uria tha Solo: 26Ma lalae rofetoona naa, ka talai nia uri Adioko. Ma sui sulia tee fa ṉali laulau, kero to ofu bia figua eri, keko kwaifamanatai isana toa oro; ma toa na tha Jesus e toleda kera alaṉida ana Christian ki totonao i Adioko.
27Ma afa boṉi eki porofeta ki kera sifo mai i Jerusalema, keka fula i Adioko. 28Ma tee wane iada, thatana tha Agabasi, ka takwe ia, ka fatai nia atha Spirit na toto unii thaofa baita kai fula ana fanua nei iano ni sui bana: na ka mamana asi maṉa na tha Kilodiasi Sisa e to u bana. 29Ma toa na tha Jesus e toleda, ta wane u boo i talaana ma ta wane u boo i talaana sulia si do ne rikidaki, kera sorea keki falea e ai si ei boo si do ana adomi lana baree wai doorana nai Judia: 30Si do na kera ilia boo, keka falea kau isana toa ulunao ki ana abana tha Banabasi ma tha Solo.
Currently Selected:
Si do Aposela ki kera ilidaki 11: MLU1949
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951
Si do Aposela ki kera ilidaki 11
11
1Ma aposela ki ma baree wai doorana nai Judia kera roṉoa na Jenetaele ki kera ṉalia lau boo bae lana tha God. 2Ma lalae tha Pita e tae uri Jerusalema, toa eki ana kwai kakali la keka ṉata ni firua bi nia, 3Keka una eri, O kotho isana wane kesi kwai kalidaki, mo faṉa bi kera. 4Ma tha Pita ka ṉata, ka faaroṉo teefau asi do eri ita u bomai ana thafali lana, ka una eri, 5Nau ku toto i la toaa susu i Jopa, ku foa: ma si maṉa na bubunoto la e fulatooku, ku rikia ana si na kera fatai lalaa ania, tee butee do ne sifo mai, ’uria ta maku ne baita, na kera sifolaṉai nia faisia thalo lo ana fai susui do ki; ma lalae mai ka fula isaku: 6Ma si maṉa maaku e tede ana si do eri, ku onotoona, ma ku rikia do maruki ana fai ae nai fanua nei iano ki ma do maruki na kera kwasi ki ma do na kai aṉo ki ma thaaro i mamatalea ki. 7Ma nau ku roṉoa lau boo liṉana ṉata la e una eri isaku, Tatae, Pita; oki thauṉia ma oki ania. 8Ma nau ku sorea, E ai, Lord: sulaania ita mai inao ka fula asi maṉa eri e ai ta do ne ai si lea ma do ne sua si tatha u i fokoku. 9Ma liṉana ṉata la ruana lau ka luu nau i thalo mai, Si do na tha God e faafalua naa, osi alaṉia asi do ne ai si lea. 10Ma kera ulu fa ade la una eri: sui kera lafua si do eki sui boo ka oli uri thalo. 11Ma rikia fasi, si maṉa eri u boo ulu nonii wane kera takwe luana biu eri na nau ku ni iei, na kera arasida too mai i Sesaria keka lae mai isaku. 12Ma tha Spirit e soree isaku kwa lae bida, manataku si rurua. Ma ono doorakulua nai ki kera lae lau boo bi nau; ma mili kotho i biu wane eri: 13Ma nia faaroṉo kamilia na nia rikia tee angel kai takwe i biu nia, ma ka soree isana, Oki kwaiarasi uri Jopa, keki talaia mai tha Saimona, na ruana thata nia tha Pita; 14Wane na kai faaroṉo oe asi baea, na keki faamaruki oe ania, oe bia toa eki sui boo ana maafera oe. 15Ma si maṉa ku thafalii ṉata, tha Spirit Abu e sifo fafida, ’uria lau boo ne sifo fafi kulu inao na ba. 16Ma nau ku onotoona bae lana ṉa Lord, ne sorea na ba, Tha Jone e babataesi boo ana kafo; ma ni kamulua keki babataesi kamulua atha Spirit Abu. 17Mania mada sa tha God e tona falea boo si do eri ifada ’uria lau boo ne falea ifakulua, si maṉa kulu fitoona tha Lord Jesus Christ, nau ni tei, fasi kwa firu bia tha God? 18Ma si maṉa na kera roṉoa si do eki, keka bona bada, sui kera taṉoa tha God, keka una eri, O ma Jenetaele ki lau boo tha God e falea manata akele la ifada uria marukia.
19Mania toa na kera faaseesula iada keka lae tataka si maṉa ana unii fualaṉa ne tae mai sulia tha Sitifini na ba kera lalae keka fula ana Fenisi, ma Saeporasi, ma Adioko, kesi ṉata sulia si baea isana ta toa eeta, isana talitoona Ju ki. 20Ma sui tei toa iada wane i Saeporasi ma i Saerini ki, na si maṉa na kera fula i Adioko, keka ṉata isana toa i Girisi ki, keka ṉata sulia tha Lord Jesus. 21Ma abana tha Lord e to bida: ma toa ooro ka oro kera fitoo ma keka akele uria ṉa Lord. 22Ma si faaroṉoa sulia toa eki e talo i aliṉana figua nai Jerusalema: ma kera arasia kau tha Banabasi kai lae uri Adioko: 23Nia lalae mai e fula, me rikia lea la tha God, ka seethathala; ma nia soree isada sui, keki susuu ana ruruuda, keki rau ṉado ana ṉa Lord: 24Sulaania nia wane abula lane lea, ma ka fuṉu atha Spirit Abu ma ana fitooa: ma toa na kera lae mai isana ṉa Lord kera oro. 25Ma tha Banabasi e lae kau uri Tasasi fasi kai rofe uria tha Solo: 26Ma lalae rofetoona naa, ka talai nia uri Adioko. Ma sui sulia tee fa ṉali laulau, kero to ofu bia figua eri, keko kwaifamanatai isana toa oro; ma toa na tha Jesus e toleda kera alaṉida ana Christian ki totonao i Adioko.
27Ma afa boṉi eki porofeta ki kera sifo mai i Jerusalema, keka fula i Adioko. 28Ma tee wane iada, thatana tha Agabasi, ka takwe ia, ka fatai nia atha Spirit na toto unii thaofa baita kai fula ana fanua nei iano ni sui bana: na ka mamana asi maṉa na tha Kilodiasi Sisa e to u bana. 29Ma toa na tha Jesus e toleda, ta wane u boo i talaana ma ta wane u boo i talaana sulia si do ne rikidaki, kera sorea keki falea e ai si ei boo si do ana adomi lana baree wai doorana nai Judia: 30Si do na kera ilia boo, keka falea kau isana toa ulunao ki ana abana tha Banabasi ma tha Solo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951