Si do Aposela ki kera ilidaki 5
5
1Ma tee nonii wane thatana tha Ananiasi, bia kwaina na ni Safira, kero usi asi do na kero rikia, 2Ma ta bali ana malefo eri e alua mana ifana, ma kwaina e thaitoomana lau boo ade la eri, sui e ṉalia mai ta bali, ka alua isana aaena aposela ki. 3Ma tha Pita ka sorea, Ananiasi, uria ta na tha Satan ka faafuṉua ruruumu oki lolea tha Spirit Abu, oko alua mai ta bali ana malefo no usia ana gano eri ifamu? 4Si maṉa ne to u bana, ta na sa do oe i talaamu neri, mado? ma buriana no usi ania, osi inoto ania? Uria ta na oko manataia si do eri i ruruumu? imole e ai no lolea, tha God. 5Ma tha Ananiasi e roṉoa si baea eri, ka asi nia iano ma ka nofi: ma mau la baita e toea toa eki sui bana na kera roṉoa. 6Ma kala wane ki kera tae mai, keka afu nia, keka ṉalia i maa, keka kwaiṉei nia.
7Ma fuliṉana ulu si kadee maṉa iburiana, kwaina, ne ai si thaitoomana bana si do na kera ilia, e kotho mai. 8Ma tha Pita e luua, ka una eri, Oki faaroṉo nau mai sa mado e ai moro usi ana gano ba ana malefo eri. Ma nia sorea, Iu, ana malefo eri boo. 9Sui tha Pita ka soree isana, Nifana ade lana ni kamaroa moro ṉata ofu na moka ilitoona Spirit tha Lord? rikia fasi, aaena toa na kera kwaiṉei nia kwaimu ni maa, ma keki ṉali oe kau. 10Ma nia asi nia si maṉa eri u boo isana aaena, ka nofi: ma kala wane eki kera kotho mai, kera fulatoona ne mae naa, keka ṉalia i maa, keka kwaiṉei nia karaṉia kwaina. 11Ma mau la baita ka toea figua eri sui boo, ma toa ni sui bana na kera roṉoa si do eki.
12Ma ana abana aposela ki kera ilia bala si do oro ki ma do ni kwele la ania ki i maalutana toa eki; ma kera figu ana tee si lio i la taofa tha Solomona. 13Sui ana toa na kesi lae u mai, e ai ta wane si seeraa fasi kai safuda: una ena mena, toa eki kera fare baita ani kera; 14Ma toa na kera fitoona ṉa Lord keka oro alaa, toa ooro ka oro, wane ki ma kini ki lau boo; 15Adedea keka ṉalia naa mataia ki uria sula tale ki, keka aluda keki teo i la thamataia ki ma do ni teo la ki, fasi, si maṉa nia tatha, boro sa nuna mena tha Pita kai nunufia ta imole iada. 16Ma malului wane eki ana toaa susu na ni kakalia Jerusalema ki kera figu lau bomai, keka tolea mai mataia ki, ma toa spirit taa ki e thauṉida: ma kera faamarukida ka sui boo.
17Sui aofia ni foa e tae mai, bia toa eki sui bana na kera to bi nia (toa na kera faamamanea kwaifamanatai lana Sadiusi ki neri), kera fuṉu ana uga la, 18Ma keka aba aposela ki, keka aluda i la lokafu ne to maakwalia toa na kera abula taa ki. 19Ma sui angel tha Lord e ifinia maana lokafu eri la rodo, ka toleda kau, ka sorea, 20Muki lae, muki takwe, muki ṉata i la biu baita tha God isana toa eki sulia si baea sui bana sulia Marukia eri. 21Ma si maṉa na kera roṉoa, keka kotho i la biu eri si maṉa fanua e thafalii dani, keka kwaifamanatai. Sui aofia ni foa e lae mai, bia toa na kera to isana, ka ailia mai ofu la eri, ma figu la eri sui bana ana wane inoto kwalafa tha Isirela ki, ka kwaiarasi uri lokafu sa keka toleda mai. 22Ma toa eki ana ili lana si do ki na kera lae e ai kesi fulatooda i la lokafu; ma kera oli, keka faaroṉo ania, 23Keka una eri, Lokafu eri mili fulatoona na kera fono lea ania ka ala, ma toa ni kwaisuusi la faisia kera takwe i maana olofolo ki: sui lalae mili ifi, misi rikia ta wane i lala. 24Mania si maṉa na aofia ni foa ma wane ne inoto ana biu baita tha God ma wane inoto ni foa ki kera roṉoa si baea eri, manatade nai rua anida ma asi do na kai fula mai buriana si do eri. 25Ma tee wane e lae mai, ka faaroṉoda, Rikia fasi, wane ba ki na mulu aluda i la lokafu kera ni la biu baita tha God, keki takwe, keki kwaifamanatai isana toa eki. 26Sui wane ne inoto ana biu eri bia toa eki ana ili lana si do ki kera lae, keka tole marabibi anida; uria na kera mau ana toa eki ada keka ufauda. 27Ma buriana na kera toleda mai, keka aluda keka takwe inaofana ofu la eri. Ma aofia ni foa e soetooda, 28Ka una eri, Kamilia misi ṉata fifi, misi lufi kamulua faisia kwaifamanatai la ana thata eri? ma rikia fasi, mulu faafuṉua i Jerusalema ana kwaifamanatai la kamulua, manatamulua sa muki alaṉi kamilia ana abuna wane eri. 29Sui tha Pita ma aposela eki kera luua, keka sorea, Tha God ana na miki ade sulia e ai si ei boo, imole ki e ai. 30Ṉa God maka kulu ba inao ki e tataea tha Jesus, Wane na mulu thauṉia, muka tarufai nia sulia rebee ’ai. 31Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki. 32Ma ni kamilia toa ni faamamane lana si do mili thaitoomana sulia si do eki; ma tha Spirit Abu lau boo, na tha God e falea ana toa na kera ade suli nia.
33Si maṉa na kera roṉoa si do eri, ka fi i ruruuda ’uria sa kera furia, manatada sa keki thauṉia wane eki. 34Ma sui tee nonii wane e takwe ia ana ofu la eri, na Farisi, thatana tha Gamaliele, wane ni kwaifamanatai ana ṉa lo, na toa eki sui bana kera fare baita ani nia, ka sorea keka alua wane eki i maa ta kasi maṉa seseka. 35Ma nia soree isada, Kamulua wane Isirela ki, muki beta suli kamulua asi do na muki ilia sulia wane eki. 36Sulaania tha Thiudasi e tae mai dini na ba, ka alaṉi nia ana wane baita; ma wane oro, fuliṉana fai taleṉee wane ki, kera to ani nia: ma lalae kera thauṉia wane eri, toa eki sui bana na kera ade suli nia kera lae tataka, ma keka aana. 37Buriana wane eri tha Judasi, wane i Galili, e tae mai asi maṉa ana keda lana thatana imole ki na ba, ka tole garo ana tei toa keka lae iburiana: wane eri e sui lau boo; ma toa eki sui bana na kera ade suli nia kera foatata anida. 38Ma si maṉa eri ku soree isamulua, Muki to faisia wane nai ki, muki alamatanida keki to: sulaania mada sa si do eri na kera thathamii ilia mado si ra eri do imole ni bana, toto keki labatania: 39Ma mada sa do ita mai atha God, kamulua sa muka talaana labatai lana e ai; ada mado e ai keka fulatoomulua na muki firu bia tha God. 40Ma ni nia kera ala fafia ṉata lana: ma buriana na kera ailia mai aposela ki, ma kera kwaeda, keka ṉata fifi isada, keka lufida faisia ṉata la ana thatana tha Jesus, sui keka alamatanida keka lae. 41Mania kera lae faisia ofu la eri ana seethathala la, uria na manatana tha God e thaitoomana na kera farana to la ana fare faekwa la uria Thatana. 42Ma sulia boṉi, i la biu baita tha God ma i maafera kera ki, keka kwaifamanatai si sui ma keka ṉata sulia tha Jesus Christ.
Currently Selected:
Si do Aposela ki kera ilidaki 5: MLU1949
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951
Si do Aposela ki kera ilidaki 5
5
1Ma tee nonii wane thatana tha Ananiasi, bia kwaina na ni Safira, kero usi asi do na kero rikia, 2Ma ta bali ana malefo eri e alua mana ifana, ma kwaina e thaitoomana lau boo ade la eri, sui e ṉalia mai ta bali, ka alua isana aaena aposela ki. 3Ma tha Pita ka sorea, Ananiasi, uria ta na tha Satan ka faafuṉua ruruumu oki lolea tha Spirit Abu, oko alua mai ta bali ana malefo no usia ana gano eri ifamu? 4Si maṉa ne to u bana, ta na sa do oe i talaamu neri, mado? ma buriana no usi ania, osi inoto ania? Uria ta na oko manataia si do eri i ruruumu? imole e ai no lolea, tha God. 5Ma tha Ananiasi e roṉoa si baea eri, ka asi nia iano ma ka nofi: ma mau la baita e toea toa eki sui bana na kera roṉoa. 6Ma kala wane ki kera tae mai, keka afu nia, keka ṉalia i maa, keka kwaiṉei nia.
7Ma fuliṉana ulu si kadee maṉa iburiana, kwaina, ne ai si thaitoomana bana si do na kera ilia, e kotho mai. 8Ma tha Pita e luua, ka una eri, Oki faaroṉo nau mai sa mado e ai moro usi ana gano ba ana malefo eri. Ma nia sorea, Iu, ana malefo eri boo. 9Sui tha Pita ka soree isana, Nifana ade lana ni kamaroa moro ṉata ofu na moka ilitoona Spirit tha Lord? rikia fasi, aaena toa na kera kwaiṉei nia kwaimu ni maa, ma keki ṉali oe kau. 10Ma nia asi nia si maṉa eri u boo isana aaena, ka nofi: ma kala wane eki kera kotho mai, kera fulatoona ne mae naa, keka ṉalia i maa, keka kwaiṉei nia karaṉia kwaina. 11Ma mau la baita ka toea figua eri sui boo, ma toa ni sui bana na kera roṉoa si do eki.
12Ma ana abana aposela ki kera ilia bala si do oro ki ma do ni kwele la ania ki i maalutana toa eki; ma kera figu ana tee si lio i la taofa tha Solomona. 13Sui ana toa na kesi lae u mai, e ai ta wane si seeraa fasi kai safuda: una ena mena, toa eki kera fare baita ani kera; 14Ma toa na kera fitoona ṉa Lord keka oro alaa, toa ooro ka oro, wane ki ma kini ki lau boo; 15Adedea keka ṉalia naa mataia ki uria sula tale ki, keka aluda keki teo i la thamataia ki ma do ni teo la ki, fasi, si maṉa nia tatha, boro sa nuna mena tha Pita kai nunufia ta imole iada. 16Ma malului wane eki ana toaa susu na ni kakalia Jerusalema ki kera figu lau bomai, keka tolea mai mataia ki, ma toa spirit taa ki e thauṉida: ma kera faamarukida ka sui boo.
17Sui aofia ni foa e tae mai, bia toa eki sui bana na kera to bi nia (toa na kera faamamanea kwaifamanatai lana Sadiusi ki neri), kera fuṉu ana uga la, 18Ma keka aba aposela ki, keka aluda i la lokafu ne to maakwalia toa na kera abula taa ki. 19Ma sui angel tha Lord e ifinia maana lokafu eri la rodo, ka toleda kau, ka sorea, 20Muki lae, muki takwe, muki ṉata i la biu baita tha God isana toa eki sulia si baea sui bana sulia Marukia eri. 21Ma si maṉa na kera roṉoa, keka kotho i la biu eri si maṉa fanua e thafalii dani, keka kwaifamanatai. Sui aofia ni foa e lae mai, bia toa na kera to isana, ka ailia mai ofu la eri, ma figu la eri sui bana ana wane inoto kwalafa tha Isirela ki, ka kwaiarasi uri lokafu sa keka toleda mai. 22Ma toa eki ana ili lana si do ki na kera lae e ai kesi fulatooda i la lokafu; ma kera oli, keka faaroṉo ania, 23Keka una eri, Lokafu eri mili fulatoona na kera fono lea ania ka ala, ma toa ni kwaisuusi la faisia kera takwe i maana olofolo ki: sui lalae mili ifi, misi rikia ta wane i lala. 24Mania si maṉa na aofia ni foa ma wane ne inoto ana biu baita tha God ma wane inoto ni foa ki kera roṉoa si baea eri, manatade nai rua anida ma asi do na kai fula mai buriana si do eri. 25Ma tee wane e lae mai, ka faaroṉoda, Rikia fasi, wane ba ki na mulu aluda i la lokafu kera ni la biu baita tha God, keki takwe, keki kwaifamanatai isana toa eki. 26Sui wane ne inoto ana biu eri bia toa eki ana ili lana si do ki kera lae, keka tole marabibi anida; uria na kera mau ana toa eki ada keka ufauda. 27Ma buriana na kera toleda mai, keka aluda keka takwe inaofana ofu la eri. Ma aofia ni foa e soetooda, 28Ka una eri, Kamilia misi ṉata fifi, misi lufi kamulua faisia kwaifamanatai la ana thata eri? ma rikia fasi, mulu faafuṉua i Jerusalema ana kwaifamanatai la kamulua, manatamulua sa muki alaṉi kamilia ana abuna wane eri. 29Sui tha Pita ma aposela eki kera luua, keka sorea, Tha God ana na miki ade sulia e ai si ei boo, imole ki e ai. 30Ṉa God maka kulu ba inao ki e tataea tha Jesus, Wane na mulu thauṉia, muka tarufai nia sulia rebee ’ai. 31Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki. 32Ma ni kamilia toa ni faamamane lana si do mili thaitoomana sulia si do eki; ma tha Spirit Abu lau boo, na tha God e falea ana toa na kera ade suli nia.
33Si maṉa na kera roṉoa si do eri, ka fi i ruruuda ’uria sa kera furia, manatada sa keki thauṉia wane eki. 34Ma sui tee nonii wane e takwe ia ana ofu la eri, na Farisi, thatana tha Gamaliele, wane ni kwaifamanatai ana ṉa lo, na toa eki sui bana kera fare baita ani nia, ka sorea keka alua wane eki i maa ta kasi maṉa seseka. 35Ma nia soree isada, Kamulua wane Isirela ki, muki beta suli kamulua asi do na muki ilia sulia wane eki. 36Sulaania tha Thiudasi e tae mai dini na ba, ka alaṉi nia ana wane baita; ma wane oro, fuliṉana fai taleṉee wane ki, kera to ani nia: ma lalae kera thauṉia wane eri, toa eki sui bana na kera ade suli nia kera lae tataka, ma keka aana. 37Buriana wane eri tha Judasi, wane i Galili, e tae mai asi maṉa ana keda lana thatana imole ki na ba, ka tole garo ana tei toa keka lae iburiana: wane eri e sui lau boo; ma toa eki sui bana na kera ade suli nia kera foatata anida. 38Ma si maṉa eri ku soree isamulua, Muki to faisia wane nai ki, muki alamatanida keki to: sulaania mada sa si do eri na kera thathamii ilia mado si ra eri do imole ni bana, toto keki labatania: 39Ma mada sa do ita mai atha God, kamulua sa muka talaana labatai lana e ai; ada mado e ai keka fulatoomulua na muki firu bia tha God. 40Ma ni nia kera ala fafia ṉata lana: ma buriana na kera ailia mai aposela ki, ma kera kwaeda, keka ṉata fifi isada, keka lufida faisia ṉata la ana thatana tha Jesus, sui keka alamatanida keka lae. 41Mania kera lae faisia ofu la eri ana seethathala la, uria na manatana tha God e thaitoomana na kera farana to la ana fare faekwa la uria Thatana. 42Ma sulia boṉi, i la biu baita tha God ma i maafera kera ki, keka kwaifamanatai si sui ma keka ṉata sulia tha Jesus Christ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951