ꤗꤢꤞꤢꤧ 25
25
ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤋꤚꤝꤢ꤭ꤋꤚꤝꤥ꤭ ꤢꤨ꤭ ꤢ꤬ꤖꤚꤢꤩ꤬ꤏꤣꤧ ꤢ꤬ꤚꤤ꤬ꤢ꤬ꤊꤢꤧ꤭
1“ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬, ꤢ꤬ꤞꤢꤧꤔꤢꤧ ꤖꤚꤢꤩ꤬ꤗꤢꤪ꤬ ꤋꤚꤝꤢ꤭ꤋꤚꤝꤥ꤭ ꤢꤨ꤭ ꤢ꤬ꤖꤚꤢꤩ꤬ꤏꤣꤧ ꤖꤛꤢꤔ꤫ꤤ꤬ ꤗꤤ꤬ꤊꤢꤪ꤭ ꤚꤣꤧ꤬ ꤡꤝꤢꤥ꤬ꤕ꤫ꤢꤪ꤬ ꤗꤢꤧꤏꤢꤦ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤟꤢꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤟꤣꤧ꤯#ꤜꤢꤨꤊꤢ꤬ ꤁꤂:꤃꤅ 2ꤍꤢꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤕꤜꤥ꤭ꤖꤢꤩ, ꤍꤢꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤕꤜꤥ꤭ꤖꤢꤩ ꤊꤣꤧ꤭ꤢꤨ꤭ ꤒꤥ꤬꤯ 3ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤕꤜꤥ꤭ꤖꤢꤩ ꤊꤣꤧ꤭ꤢꤨ꤭ ꤒꤥ꤬ ꤣꤧ꤭ꤞꤤꤍꤢꤧ꤭ ꤔꤣꤧ꤬, ꤢ꤬ ꤖꤛꤢꤟꤢꤧ꤭ ꤔ꤫ꤤ꤬ꤊꤣꤧ꤭ ꤢ꤬ꤗꤤ꤬ꤊꤢꤪ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤖꤛꤢꤟꤢꤧ꤭ ꤔ꤫ꤤ꤬ꤜꤣ ꤊꤣꤧ꤭ꤕ꤫ꤥ꤬ ꤗꤤ꤬ꤓꤣꤧ꤭ ꤒꤥ꤬꤯ 4ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤕꤜꤥ꤭ꤖꤢꤩ ꤣꤧ꤭ꤞꤤꤍꤢꤧ꤭ ꤔꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤢ꤬ꤗꤤ꤬ꤊꤢꤪ꤭ ꤚꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ꤜꤣ ꤕ꤫ꤥ꤬ ꤗꤤ꤬ꤓꤣꤧ꤭ ꤔꤢꤧ ꤕꤢꤧ꤭ ꤒꤣꤧ꤬ꤟꤢꤩ꤬꤯ 5ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤟꤢꤧ꤭ꤒ꤫ꤥ꤬ ꤕꤣꤧ꤬ꤛꤢꤪ꤭ꤕꤣꤧ꤬ꤛ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤥ꤬ꤗꤣꤧ꤭ꤋꤢ꤭ꤥ꤬ꤗꤣꤧ꤭ꤔꤥ꤬ ꤓꤥ꤭ꤚꤣꤧ꤬ ꤢ꤬ ꤥ꤬ꤗꤣꤧ꤭ꤔ꤫ꤤ꤬ ꤜꤢꤪ꤭ ꤜꤢ꤭ꤋꤢꤧ꤭꤯
6“ꤙꤣꤧ ꤗ꤫ꤢꤪ꤬ꤔꤢꤩ꤬ꤋꤢꤩ꤭ ꤔꤣꤧ꤬, ꤢꤨ꤭ ꤢꤩꤓꤥ꤭ ꤔꤢꤧ, ‘ꤊꤣ꤮ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤟꤢꤧ꤭ꤟꤣꤧ, ꤓꤢꤩ꤬ꤡꤝꤢ ꤗꤢꤧꤏꤢꤦ꤬ ꤗꤣꤧ꤭ ꤜꤢ꤭ꤋꤢꤧ꤭꤯’
7“ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤋꤚꤝꤢ꤭ꤋꤚꤝꤥ꤭ ꤢꤨ꤭ ꤣꤧ꤭ꤜꤢꤪ꤭꤮ ꤕꤜꤤ꤭ ꤊꤣꤧ꤬ꤓꤢꤪ꤬ ꤚꤣꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤜꤢ꤭ꤋꤢꤧ꤭ ꤢ꤬ꤗꤤ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯ 8ꤖꤚꤢꤩ꤬ꤗꤢꤪ꤬ ꤕꤜꤥ꤭ꤖꤢꤩ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ ꤟꤢꤩ ꤖꤚꤢꤩ꤬ꤗꤢꤪ꤬ ꤕꤜꤥ꤭ꤖꤢꤩ ꤒꤣꤧ꤬ꤟꤢꤩ꤬ ꤔꤢꤧ, ‘ꤘꤣꤧꤊꤣꤧ꤭ ꤕꤢꤩ꤬ ꤞꤤ꤭ꤗꤤ꤬ꤓꤣꤧ꤭, ꤕꤢꤩ꤬ꤗꤤ꤬ ꤊ꤫ꤢꤦ꤬ꤚꤢꤩ꤭ ꤕꤤ꤭ꤟꤣꤧ꤯’
9“ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤔꤢꤧ, ‘ꤒꤥ꤬ꤊꤢꤪ꤭, ꤢ꤬ ꤕꤥ꤬ꤕ꤫ꤢꤩ꤬ ꤒ꤫ꤥ꤬ꤊꤣꤧ꤭ ꤕꤢ꤬ ꤞꤤ꤭ꤑꤢꤩ꤭ ꤒꤥ꤬, ꤢ꤬ꤚꤢꤧꤜꤣ ꤗꤢ꤬ ꤞꤤ꤭ ꤡꤝꤢꤤ꤬ꤖꤚꤤ꤬ ꤋꤢꤪ꤬ ꤚꤣꤧꤘꤢꤦ꤬ ꤞꤤ꤭ꤑꤢꤩ꤭ ꤘꤣ ꤢꤨ꤭ ꤜ꤫ꤢꤩ꤬ꤤ꤬ꤏꤢꤩ꤭ ꤗꤤ꤬ꤓꤣꤧ꤭ ꤜ꤫ꤢꤩ꤬ꤥ꤬ꤔꤣꤧ꤬꤯’
10“ꤙꤣꤧ ꤛꤢꤩ꤬ꤞꤤ꤭ ꤡꤝꤢꤕꤢ꤬ꤖꤢꤧ ꤘꤣ ꤊꤜꤢꤧꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤟꤢꤧ꤭ꤒ꤫ꤥ꤬ ꤜꤢꤩꤟꤣꤧ, ꤖꤚꤢꤩ꤬ꤗꤢꤪ꤬ ꤕꤜꤥ꤭ꤖꤢꤩ ꤘꤣ ꤢ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤢ꤬ꤔ꤫ꤢꤩ꤬ ꤒꤣꤧ꤬ꤟꤢꤩ꤬ ꤟꤢꤧ꤭ꤔꤥ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤘꤣ ꤊꤢ꤬ꤏꤥ꤭ꤘꤢꤧ꤬ꤏꤥ꤭ꤗꤢꤩ꤭ ꤢ꤬ ꤒꤢꤩ꤬ꤢꤩ꤬ꤒꤢꤩ꤬ꤥ꤭ ꤜ꤫ꤢꤩ꤬ꤥ꤬ ꤚꤣꤧ꤬ ꤢꤨ꤭ ꤗꤢꤩ꤬ꤙꤤꤊꤢꤧ꤭ ꤊꤣꤧ꤬ꤘꤢ꤭꤯
11“ꤘꤣꤋꤛꤢ꤭ ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤕꤜꤥ꤭ꤖꤢꤩ ꤊꤣꤧ꤭ꤢꤨ꤭ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤊꤢ꤬ꤒ꤫ꤥ꤬ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, ‘ꤙꤢꤧ꤬ꤡꤢꤩ꤬, ꤙꤢꤧ꤬ꤡꤢꤩ꤬, ꤙꤢꤗꤥ꤭ ꤕ꤫ꤢꤩ꤬ꤊꤣꤧ꤭ ꤚꤣꤧ ꤕꤢꤩ꤬ ꤊꤣꤧ꤬ꤘꤢ꤭꤯’#ꤜꤢꤨꤊꤢ꤬ ꤁꤃:꤂꤅
12“ꤒꤣꤧ꤬ꤘꤢꤦꤚꤣꤧ꤬ ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤋꤢꤨ꤭ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤟꤢꤩꤔꤤꤔꤢꤧ꤬ ꤡꤣꤧ ꤞꤤ꤭, ꤠꤢꤧ꤭ ꤞꤤꤑꤢꤩ꤭ꤔꤢꤪ ꤞꤤ꤭ ꤒꤥ꤬꤯’
13“ꤟꤢꤨꤔꤣꤧ꤬ꤚꤣꤧ꤬ ꤥ꤬ꤞꤢ꤬ꤞꤢꤩ꤭ ꤜꤢ꤭ꤋꤢꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤘꤣ ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ ꤊ꤫ꤢꤦ꤬ ꤟꤢꤧ꤭ꤋꤛꤢ꤭ꤞꤢꤧ ꤙꤢꤪꤋꤢꤩ꤭ꤒꤢꤩ꤭ ꤕꤢ꤭ꤔꤣꤧ꤬ ꤞꤤ꤭ ꤞꤤꤑꤢꤩ꤭ꤡ꤫ꤢꤧ꤬ꤒꤥ꤬꤯
ꤘꤢꤧ ꤋꤢꤋꤥ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤞꤤꤞꤥ꤭ ꤢ꤬ꤚꤤ꤬ꤢ꤬ꤊꤢꤧ꤭
(ꤜꤢꤨꤊꤢ꤬ ꤁꤉:꤁꤁-꤂꤇)
14“ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬ ꤢ꤬ ꤞꤢꤧ ꤊꤣꤧ꤭ꤕ꤫ꤥ꤬ꤘꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤓꤢꤩ꤬ꤡꤝꤢ ꤊꤜꤢꤧ ꤚꤣꤧ꤬ ꤢꤩꤕꤜꤢꤪ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤘꤣꤧꤊꤢꤧ꤭ ꤢ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯#ꤜꤢꤨꤊꤢ꤬ ꤁꤉:꤁꤁-꤂꤇ 15ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤘꤣꤧꤊꤢꤧ꤭ ꤜꤢꤨ꤭ ꤓꤢꤩ꤭ ꤍꤢꤧ꤭ꤡꤝ꤫ꤢꤩ꤬, ꤒꤣ꤬ꤖꤚꤢꤩ꤬ꤕ꤫ꤥ꤬ ꤚꤣꤧ꤬ ꤒꤣ꤬ꤊꤥ꤬, ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬ ꤒꤣ꤬ꤡꤝ꤫ꤢꤩ꤬, ꤟꤢꤨ ꤛꤢꤩ꤬ꤞꤤ꤭ ꤥ꤬ꤔꤢꤧ ꤢ꤬ ꤒꤢꤩ꤬ꤡ꤫ꤢꤧ꤬ ꤔꤣꤧ꤬ ꤢ꤬ ꤙꤢꤩ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤓꤥ꤭ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤊꤜꤢꤧ꤯ 16ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤍꤢꤧ꤭ꤡꤝ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤟꤣꤧꤟꤣꤧ ꤔꤢꤧ ꤢ꤬ ꤓꤢꤩ꤬ꤡꤝꤢ ꤗꤢꤩ꤬ꤊ꤫ꤢꤦ꤬ ꤚꤣꤧ꤬ ꤢ꤬ ꤡꤝꤢ ꤗꤢꤩ꤬ꤓꤢꤩ꤬ꤔ꤫ꤤ꤬ ꤢꤩꤜꤣꤕ꤫ꤥ꤬ ꤍꤢꤧ꤭ꤡꤝ꤫ꤢꤩ꤬꤯ 17ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤊꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤡꤝꤢ ꤗꤢꤩ꤬ꤊ꤫ꤢꤦ꤬ꤓꤢꤩ꤬ ꤢꤩꤓꤢꤧ꤬ꤜꤣ ꤕ꤫ꤥ꤬ ꤔꤣꤧ꤭ꤡꤝ꤫ꤢꤩ꤬꤯ 18ꤗꤢ꤬ꤔꤢꤧꤚꤣꤧ꤬ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤡꤝ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤓꤢꤩ꤬ꤡꤝꤢ ꤚꤣꤧ꤬ ꤢ꤬ ꤡꤝꤢ ꤠꤢꤩ꤭ ꤟꤢꤩ꤬ꤊꤢꤨ꤭ ꤒꤣ꤬ꤊꤢꤨ꤭ ꤚꤣꤧ꤬ ꤢ꤬ ꤡꤝꤢ ꤕꤜꤢꤦ꤭ ꤥꤙꤤꤊꤢꤧ꤭ ꤢ꤬ꤙꤢꤧ꤬ꤡꤢꤩ꤬ ꤓꤢꤩ꤭ꤣꤧ꤭ ꤘꤣ ꤟꤢꤩ꤬ꤜꤢꤩ꤭꤯
19“ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤑꤢ꤭ꤟꤢꤧ꤭ꤟꤣꤧ ꤚꤣꤧ꤬ ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤊꤢ꤬ꤒ꤫ꤥ꤬ ꤚꤣꤧ꤬ ꤢ꤬ ꤊꤢ꤬ꤘꤣꤧꤟꤣꤧ꤭ ꤕꤜꤥ꤭ꤋꤛꤢ꤭ ꤓꤢꤩ꤭ ꤘꤣ ꤢ꤬ ꤘꤣꤧꤊꤢꤧ꤭ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ 20ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤍꤢꤧ꤭ꤡꤝ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤖꤛꤢꤟꤢꤧ꤭ ꤢꤩꤓꤢꤧ꤬ꤕ꤫ꤥ꤬ ꤍꤢꤧ꤭ꤡꤝ꤫ꤢꤩ꤬ ꤚꤣꤧ꤬ ꤢ꤬ ꤟꤢꤩ ꤢ꤬ꤙꤢꤧ꤬ꤡꤢꤩ꤬ ꤔꤢꤧ, ‘ꤙꤢꤧ꤬ꤡꤢꤩ꤬, ꤔꤢꤧ꤬ ꤘꤣꤧꤊꤢꤧ꤭ ꤠꤢꤧ꤭ ꤓꤢꤩ꤭ꤢ꤬ꤗ꤫ꤥ꤬ꤚꤢ꤭ ꤍꤢꤧ꤭ꤡꤝ꤫ꤢꤩ꤬꤯ ꤚꤣꤧ꤬ ꤣꤧ꤭ꤜꤢꤩ꤭꤮, ꤠꤢꤧ꤭ ꤗꤢꤩ꤬ꤓꤢꤩ꤬ꤔ꤫ꤤ꤬ ꤢꤩꤜꤣꤕ꤫ꤥ꤬ ꤟꤣꤧ ꤍꤢꤧ꤭ꤡꤝ꤫ꤢꤩ꤬ ꤟꤣꤧ꤯’
21“ꤢ꤬ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤢꤪ꤬, ꤢ꤬ꤚꤢꤧ ꤔꤢꤧ꤬ꤡꤣꤧ, ꤔꤢꤧ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤚꤢꤧ ꤚꤣꤧ꤬ ꤢ꤬ꤡꤢꤪ ꤔꤢꤧ ꤠꤢꤧ꤭, ꤔꤢꤧ꤬ ꤡꤢꤪ ꤔꤢꤧ ꤠꤢꤧ꤭ ꤘꤣꤧ ꤔꤢꤧ꤬ ꤒꤢꤩ꤬ꤕꤣꤧ꤬ꤒꤤꤟꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤊ꤫ꤢꤦ꤬ ꤘꤣꤧ ꤢꤩꤓꤢꤧ꤬ ꤜꤣ꤮ ꤕ꤫ꤥ꤬ ꤔꤢꤧ꤬ ꤒꤢꤩ꤬ꤗꤢꤩ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤕꤣꤒꤣꤧ꤬ꤚꤤ꤬ ꤢꤩꤜꤣ ꤕ꤫ꤥ꤬ ꤔꤢꤧ ꤣꤧ꤭ꤔꤣꤧ꤬ ꤕꤢ꤭꤯ ꤟꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤚ꤫ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤠꤢꤧ꤭꤯’
22“ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤊꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤖꤛꤢꤟꤢꤧ꤭ ꤢꤩꤓꤢꤧ꤬ꤕ꤫ꤥ꤬ ꤒꤣ꤬ꤊꤥ꤬ ꤚꤣꤧ꤬ ꤢ꤬ ꤟꤢꤩ ꤢ꤬ꤙꤢꤧ꤬ꤡꤢꤩ꤬ ꤔꤢꤧ, ‘ꤙꤢꤧ꤬ꤡꤢꤩ꤬, ꤔꤢꤧ꤬ ꤘꤣꤧ ꤠꤢꤧ꤭ ꤓꤢꤩ꤭ ꤢ꤬ꤗ꤫ꤥ꤬ꤚꤢ꤭ ꤒꤣ꤬ꤊꤥ꤬, ꤚꤣꤧ꤬ ꤣꤧ꤭ꤜꤢꤩ꤭꤮, ꤠꤢꤧ꤭ ꤗꤢꤩ꤬ ꤓꤢꤩ꤬ꤔ꤫ꤤ꤬ ꤢꤩꤜꤣꤕ꤫ꤥ꤬ ꤟꤣꤧ ꤒꤣ꤬ꤊꤥ꤬ ꤟꤣꤧ꤯’
23“ꤚꤣꤧ꤬ ꤢ꤬ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤢꤪ꤬, ꤢ꤬ꤚꤢꤧ ꤔꤢꤧ꤬ꤡꤣꤧ꤯ ꤔꤢꤧ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤚꤢꤧ ꤚꤣꤧ꤬ ꤢ꤬ꤡꤢꤪ ꤔꤢꤧ ꤠꤢꤧ꤭꤯ ꤔꤢꤧ꤬ ꤡꤢꤪ ꤔꤢꤧ ꤒꤢꤩ꤬ ꤘꤣ ꤠꤢꤧ꤭ ꤘꤣꤧ ꤔꤢꤧ꤬ ꤕꤣꤧ꤬ꤒꤤꤟꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤊ꤫ꤢꤦ꤬ ꤘꤣꤧ ꤢꤩꤓꤢꤧ꤬ ꤜꤣ꤮ ꤕ꤫ꤥ꤬ ꤔꤢꤧ꤬ ꤒꤢꤩ꤬ꤗꤢꤩ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤕꤣꤒꤣꤧ꤬ꤚꤤ꤬ ꤢꤩꤜꤣ ꤕ꤫ꤥ꤬ ꤔꤢꤧ ꤣꤧ꤭ꤔꤣꤧ꤬ ꤕꤢ꤭꤯ ꤟꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤚ꤫ꤥ꤬ꤊꤣꤧ꤭ꤗꤣꤧ꤭ ꤔꤢꤧ ꤠꤢꤧ꤭!’
24“ꤣꤧ꤭ꤒꤣ꤬ꤖꤥꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤡꤝ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤧ꤭ꤟꤢꤩ ꤢ꤬ꤙꤢꤧ꤬ꤡꤢꤩ꤬ ꤔꤢꤧ, ‘ꤙꤢꤧ꤬ꤡꤢꤩ꤬, ꤠꤢꤧ꤭ ꤞꤤꤑꤢꤩ꤭ ꤔꤢꤧ ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤕ꤫ꤢꤧ꤬ ꤔꤢꤧ꤬ꤡꤣꤧ ꤒꤣ꤬ꤖꤚꤢꤩ꤬꤯ ꤙꤥ ꤘꤣ ꤔꤢꤧ꤬ ꤤ꤬ꤏꤢꤪ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ꤬ ꤡꤝꤢ ꤊꤢꤩꤊꤢ꤬ ꤘꤢꤦ꤬ꤑꤢꤩ꤭, ꤙꤥ ꤘꤣ ꤔꤢꤧ꤬ ꤤ꤬ꤜ꤫ꤥ꤬ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ꤬ ꤡꤝꤢꤕꤢꤪ꤬ꤊꤢ꤬ꤕꤜꤢꤪ ꤘꤢꤦ꤬ꤑꤢꤩ꤭꤯ 25ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤞꤤꤤ꤬ꤏꤢꤩ꤭ ꤚꤣꤧ꤬ ꤠꤢꤧ꤭ ꤡꤝꤢ ꤕꤜꤢꤦ꤭ ꤥꤊꤢꤧ꤭ ꤔꤢꤧ꤬ꤓꤢꤩ꤭ ꤣꤧ꤭ꤒꤣ꤬ꤡꤝ꤫ꤢꤩ꤬ ꤘꤣ ꤟꤢꤩ꤬ꤜꤢꤩ꤭, ꤗꤢꤧꤗꤣꤧ꤭, ꤣꤧ꤭ꤜꤢꤩ꤭꤮ ꤓꤢꤩ꤭ ꤘꤣ ꤔꤢꤧ꤬ ꤘꤣꤧꤊꤢꤧ꤭ ꤠꤢꤧ꤭ ꤔꤣꤧ꤬꤯’
26“ꤚꤣꤧ꤬ ꤢ꤬ꤙꤢꤧ꤬ꤡꤢꤩ꤬ ꤟꤢꤩꤊꤢ꤬ꤋꤛꤢ꤬ꤏꤢꤦ꤬ ꤜꤢꤨ꤭ ꤔꤢꤧ, ‘ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬, ꤊꤣꤧ꤬ꤛꤢꤧ꤭ꤒꤣꤧ꤬ꤊꤜꤢꤩ꤭ ꤊꤣꤧ꤬ꤛꤢꤧ꤭ꤜꤢꤩ꤭ꤙꤢꤧ, ꤔꤢꤧ꤬ ꤞꤤꤑꤢꤩ꤭ ꤔꤢꤧ ꤙꤥ ꤘꤣ ꤠꤢꤧ꤭ ꤤ꤬ꤏꤢꤪ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤡꤝꤢ ꤊꤢꤩꤊꤢ꤬ ꤘꤢꤦ꤬ꤑꤢꤩ꤭, ꤙꤥ ꤘꤣ ꤠꤢꤧ꤭ ꤤ꤬ꤜ꤫ꤥ꤬ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤠꤢꤧ꤭ ꤡꤝꤢ ꤕꤢꤪ꤬ꤊꤢ꤬ꤕꤜꤢꤪ ꤘꤢꤦ꤬ꤑꤢꤩ꤭ ꤠꤢꤧ꤭ꤟꤢꤩ? 27ꤔꤢꤧ꤬ ꤊꤢꤩ꤬ ꤞꤤꤑꤢꤩ꤭ ꤟꤢꤨꤔꤣꤧ꤬ꤚꤣꤧ꤬ ꤔꤢꤧ꤬ ꤘꤣꤧꤙꤢꤪ꤬ꤊꤢꤧ꤭ ꤠꤢꤧ꤭ ꤓꤢꤩ꤭ꤣꤧ꤭ ꤘꤣ ꤖꤚꤢꤩ꤬ ꤖꤛꤢꤙꤢꤪ꤬ꤖꤛꤢꤜ꤫ꤥ꤬ ꤓꤢꤩ꤭ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤒꤥ꤬ ꤗꤢꤩ꤬ꤒꤢꤩ꤭? ꤔꤢꤧ꤬ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤏꤢ꤮ ꤠꤢꤧ꤭ ꤊꤢ꤬ꤋꤛꤢ꤭ ꤕꤢ꤭ꤔꤣꤧ꤬ ꤠꤢꤧ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤢ꤬ꤖꤢꤨꤖꤢꤨ ꤢ꤬ꤗ꤫ꤥ꤬ꤗ꤫ꤥ꤬ ꤕꤢ꤭ ꤊꤢꤪ꤭ꤊꤢꤪ꤭꤯
28“‘ꤖꤛꤢ ꤊꤢ꤬ꤋꤛꤢ꤭ꤘꤝꤢ ꤋꤛꤢ꤭ꤞꤢꤧ ꤓꤢꤩ꤭ꤔꤣꤧ꤬ ꤒꤣ꤬ꤡꤝ꤫ꤢꤩ꤬ ꤚꤣꤧ꤬ ꤘꤣꤧ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤢ꤬ꤡꤝ꤫ꤢꤩ꤬ꤏꤣꤧ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯ 29ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤛ꤫ꤢꤦ꤬ꤢꤩ꤬ꤚꤣꤧ ꤜꤢꤨ꤭ ꤚꤣꤧ꤬ ꤢꤨ꤭ ꤘꤢꤧ꤬ꤥ꤬ꤚꤣꤧ ꤒꤢ꤭ꤒꤢꤩ꤬ ꤘꤣ ꤜꤢꤨ꤭ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤘꤣꤧꤢꤩꤓꤢꤧ꤬ ꤜꤣ꤮ ꤕ꤫ꤥ꤬ ꤜꤢꤨ꤭ ꤕꤢ꤭꤯ ꤚꤣꤧ꤬ ꤢ꤬ꤒꤢꤩ꤬ ꤊ꤫ꤢꤦ꤬ ꤥ꤬ ꤒꤢ꤭ꤕꤢꤪ꤬ꤒꤢ꤭ꤕꤢꤩ꤭ ꤡꤣꤧ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤘꤢꤧ꤬ꤥ꤬ ꤒꤢ꤭ꤒꤢꤩ꤬ ꤕꤣꤧ꤬ꤒꤤꤟꤢꤨꤖꤢꤧ ꤘꤣ ꤜꤢꤨ꤭ꤥ꤬ ꤚꤣꤧ꤬ ꤢꤨ꤭ ꤛ꤫ꤢꤦ꤬ꤢꤩ꤬ꤚꤣꤧ ꤜꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤖꤛꤢꤊꤢ꤬ꤋꤛꤢ꤭ ꤜꤢꤪ꤭ꤖꤢꤩ꤬ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤕꤢ꤭꤯#ꤗꤢꤞꤢꤧ ꤁꤃:꤁꤂, ꤗꤢ꤬ꤊꤢꤨ ꤄:꤂꤅, ꤜꤢꤨꤊꤢ꤬ ꤈:꤁꤈ 30ꤒ꤫ꤢ꤬ꤓꤢꤩ꤬ꤊꤢꤧ꤭ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤥ꤬ꤜꤣꤥ꤬ꤊꤜꤢꤪ꤭ ꤣꤧ꤭ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤢ꤬ꤊꤜꤢꤩ꤭ ꤔꤣꤧ꤬꤯ ꤙꤣꤧꤔꤣꤧ꤬ꤒꤣ꤬ꤖꤥ꤬ꤔꤣꤧ꤬ ꤢꤨ꤭ ꤊ꤫ꤢꤦ꤬ ꤡꤝꤢꤍ꤫ꤥ꤬ꤡꤝꤢꤟꤢꤩ꤬, ꤢꤨ꤭ ꤊ꤫ꤢꤦ꤬ ꤢ꤫ꤢ꤬ ꤒꤣꤧ꤬ꤡꤤ꤭ꤒꤣꤧ꤬ꤡꤢ ꤡꤣꤧ ꤢꤨ꤭ꤊꤢꤨ꤬ꤋꤣꤧ꤭ ꤕꤢ꤭꤯’#ꤗꤢꤞꤢꤧ ꤈:꤁꤂, ꤂꤂:꤁꤃, ꤜꤢꤨꤊꤢ꤬ ꤁꤃:꤂꤈
ꤒꤢꤩ꤬ꤘꤣꤧꤡꤢ꤭ ꤘꤣꤋꤛꤢ꤭ ꤒꤣꤧ꤬ꤘꤢꤦ꤬
31“ꤏꤢ꤮ ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤊ꤫ꤢꤦ꤬ ꤟꤢꤧ꤭ ꤔꤢꤧ ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭ ꤕꤢ꤭ ꤚꤣꤧ꤬ ꤢ꤬ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤜꤢꤨ꤭ ꤢ꤬ꤋꤢꤩ꤭ꤕꤢ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤔꤢꤧ꤭ꤥ꤬ ꤘꤣ ꤢ꤬ ꤊꤢꤨ꤬ꤊꤜꤢꤧꤓꤢꤧ꤬ꤜꤥ꤭ ꤒꤣꤧ꤬ꤋꤢꤩ꤭ ꤢ꤬ꤋꤢꤨ꤬ ꤕꤢ꤭꤯#ꤗꤢꤞꤢꤧ ꤁꤆:꤂꤇, ꤗꤢꤞꤢꤧ ꤁꤉:꤂꤈ 32ꤗꤤ꤭ꤡꤣ꤬ ꤜꤢꤪ꤭꤮ ꤕꤜꤤ꤭ ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤥ꤬ꤕꤜꤢꤪꤜꤢꤪ꤭ ꤘꤣ ꤜꤢꤨ꤭ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ ꤚꤣꤧ꤬ ꤟꤢꤨ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ꤖꤢꤨ ꤙꤢꤩ꤭ꤋꤥ ꤚꤣꤧꤘꤢꤦ꤬ ꤢ꤬ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤔꤢꤧ ꤕ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤙꤢꤩ꤭ ꤋꤥꤜꤢꤪ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭꤯ 33ꤢ꤬ ꤊ꤫ꤢꤦ꤬ ꤘꤢꤧ꤬ꤋꤥ ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭ ꤕꤢ꤭ ꤚꤣꤧ꤬ ꤕ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧ꤬ ꤋꤥ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤡꤤ꤬ ꤒꤣ꤬ꤊꤛꤢ꤭ ꤕꤢ꤭꤯
34“ꤙꤣꤧꤔꤣꤧ꤬ꤢ꤬ꤋꤢꤩ꤭ ꤕꤢ꤭ꤔꤣꤧ꤬, ꤋꤝꤤ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤟꤢꤩ ꤊꤣꤧ꤬ꤛꤢꤧ꤭ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭ ꤔꤢꤧ, ‘ꤟꤢꤧ꤭ꤗꤣꤧ꤭ ꤜꤢ꤭ꤋꤢꤧ꤭, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤠꤢꤧ꤭ꤖꤢꤩ꤭ ꤢ꤬ ꤒꤢꤩ꤬ꤏꤢꤪ꤭ꤚꤤ꤬ ꤒꤣꤧ꤬ꤟꤢꤩ꤬, ꤟꤢꤧ꤭ꤔꤥ꤭ ꤖꤛꤢꤘꤝꤢ ꤜꤢ꤭ꤋꤢꤧ꤭ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤘꤣ ꤢ꤬ ꤗ꤫ꤢ꤬ꤟꤣꤧ ꤔꤢꤧ꤬ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤘꤣ ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤕ꤫ꤢꤩ꤬ ꤞꤤ꤭ ꤘꤣ ꤗꤢꤪꤋꤢꤨ꤬ ꤓꤝꤢ꤭ꤜꤢꤨ ꤟꤢꤩ꤬ꤋꤢꤨ꤬ ꤓꤝꤢ꤭ꤞꤢꤩ꤭ꤕꤢ꤬ ꤢ꤬ꤋꤢꤩ꤭ꤣꤧ꤭ ꤔꤣꤧ꤬꤯ 35ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤠꤢꤧ꤭ ꤞꤤꤢꤩ꤬ꤞꤤꤥ꤭ ꤢ꤬ꤋꤢꤩ꤭ ꤞꤤ꤭ ꤘꤣꤧꤢꤩ꤬ꤘꤣꤧꤥ꤭ ꤠꤢꤧ꤭, ꤙꤣꤧ ꤠꤢꤧ꤭ ꤞꤤꤥ꤭ꤓꤣꤧ꤭ ꤢ꤬ꤋꤢꤩ꤭ ꤞꤤ꤭ ꤘꤣꤧꤥ꤭ ꤠꤢꤧ꤭, ꤙꤣꤧ ꤠꤢꤧ꤭ ꤡꤝꤢꤓꤝꤢ꤭ ꤞꤤꤖꤚ꤫ꤢꤩ꤬ ꤢ꤬ꤋꤢꤩ꤭ ꤞꤤ꤭ ꤢꤩꤥ꤬ꤗꤣꤧ꤭ ꤗꤥ꤬ꤏꤢꤦ꤬ ꤠꤢꤧ꤭꤯ 36ꤙꤣꤧ ꤠꤢꤧ꤭ ꤥ꤬ꤒ꤫ꤢꤧ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤢ꤬ꤋꤢꤩ꤭, ꤞꤤ꤭ ꤘꤣꤧꤊꤢꤦ꤭ꤘꤣꤧꤞꤢꤧ ꤠꤢꤧ꤭, ꤙꤣꤧ ꤠꤢꤧ꤭ꤏꤝꤤꤠꤢꤧ꤭ꤏꤢꤩ꤭ ꤢ꤬ꤋꤢꤩ꤭, ꤞꤤ꤭ꤗꤢꤧꤞꤤ꤭ꤡꤢꤧ꤬ ꤚꤣꤧꤘꤢꤦ꤬ ꤠꤢꤧ꤭꤯ ꤙꤣꤧ ꤢꤨ꤭ ꤘꤢꤪꤒꤢ꤭ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤠꤢꤧ꤭꤯’
37“ꤚꤣꤧ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤩꤏꤢꤦ꤬ ꤢ꤬ ꤔꤢꤧ, ‘ꤙꤢꤧ꤬ꤡꤢꤩ꤬, ꤕꤢꤩ꤬ ꤡꤝꤢꤗꤢꤧꤓ꤫ꤣꤧ꤬ꤔꤢꤪ ꤔꤢꤧ꤬ ꤞꤤꤢꤩ꤬ꤞꤤꤥ꤭ ꤚꤣꤧ꤬ ꤕꤢꤩ꤬ ꤡꤝꤢ ꤘꤣꤧꤢꤩ꤬ꤔꤢꤪ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭? ꤔꤢꤧ꤬ ꤞꤤꤥ꤭ꤓꤣꤧ꤭ ꤚꤣꤧ꤬ ꤕꤢꤩ꤬ ꤡꤝꤢ ꤘꤣꤧꤥ꤭ꤔꤢꤪ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭ꤒꤢꤩ꤭? 38ꤔꤢꤧ꤬ ꤓꤝꤢ꤭ ꤞꤤꤖꤚ꤫ꤢꤩ꤬ ꤚꤣꤧ꤬ ꤕꤢꤩ꤬ ꤡꤝꤢ ꤢꤩꤏꤢꤦ꤬ꤔꤢꤪ ꤔꤢꤧ꤬, ꤒꤥ꤬ꤗꤢ꤬ꤔꤢꤧ ꤔꤢꤧ꤬ ꤥ꤬ꤒ꤫ꤢꤧ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤚꤣꤧ꤬ ꤕꤢꤩ꤬ ꤡꤝꤢ ꤘꤣꤧꤊꤢꤦ꤭ꤘꤣꤧꤞꤢꤧꤔꤢꤪ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭ꤒꤢꤩ꤭? 39ꤙꤣꤧ ꤔꤢꤧ꤬ ꤏꤝꤤꤏꤢꤩ꤭ ꤢ꤬ꤋꤢꤩ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤙꤣꤧ ꤢꤨ꤭ ꤘꤢꤪꤒꤢ꤭ ꤔꤢꤧ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ ꤔꤣꤧ꤬ꤙꤢꤩ꤬ꤙꤢꤩ꤬ ꤕꤢꤩ꤬ ꤡꤝꤢ ꤟꤢꤧ꤭ ꤥ꤬ꤜꤢꤩ꤭ꤔꤢꤪ ꤊꤣꤧ꤭ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭?’
40“ꤋꤝꤤ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤟꤢꤩꤔꤤꤔꤢꤧ꤬ ꤡꤣꤧ ꤞꤤ꤭, ꤘꤣ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭, ꤞꤤ꤭ ꤗꤢꤩ꤬ꤡꤝ꤫ꤢ꤬ꤔꤢꤪ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤꤜꤣ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤗꤢꤩ꤬ꤡꤝ꤫ꤢ꤬ ꤠꤢꤧ꤭ ꤟꤣꤧ꤯’
41“ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤜꤢ꤭ꤒꤢꤩ꤬ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤡꤤ꤬ ꤒꤣꤧ꤬ꤟꤢꤩ꤬ ꤔꤢꤧ, ‘ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤠꤢꤧ꤭, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤟꤢ꤭ ꤒꤣꤧ꤬ꤟꤢꤩ꤬, ꤡꤝꤢꤔꤥ꤭ ꤊꤣꤧ꤭ ꤜꤢ꤭ꤋꤢꤧ꤭ ꤘꤣ ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤕ꤫ꤢꤩ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤔꤣꤧ꤬ꤒꤣ꤬ꤘꤥ꤭ ꤔꤢꤧ ꤢ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤘꤣ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤡꤝꤢꤥ꤬ ꤙꤣꤧ ꤗꤤ꤬ ꤘꤣ ꤢ꤬ ꤕꤤ꤭ꤕ꤫ꤢꤩ꤬ ꤒꤣ꤬ꤖꤥ꤮ ꤒꤥ꤬ ꤔꤣꤧ꤬ꤒꤣ꤬ꤖꤢꤩ꤬ ꤢ꤬ꤊꤢꤨ꤭ ꤔꤣꤧ꤬꤯ 42ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤠꤢꤧ꤭ ꤞꤤꤢꤩ꤬ꤞꤤꤥ꤭ ꤢ꤬ꤋꤢꤩ꤭, ꤞꤤ꤭ ꤘꤣꤧꤢꤩ꤬ꤘꤣꤧꤥ꤭ ꤠꤢꤧ꤭ ꤒꤥ꤬꤯ 43ꤙꤣꤧ ꤠꤢꤧ꤭ ꤓꤝꤢ꤭ ꤞꤤꤖꤚ꤫ꤢꤩ꤬ ꤢ꤬ꤋꤢꤩ꤭, ꤞꤤ꤭ ꤢꤩꤏꤢꤦ꤬ ꤠꤢꤧ꤭ ꤒꤥ꤬꤯ ꤙꤣꤧ ꤠꤢꤧ꤭ ꤥ꤬ꤒ꤫ꤢꤧ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤢ꤬ꤋꤢꤩ꤭, ꤞꤤ꤭ ꤘꤣꤧꤊꤢꤦ꤭ꤘꤣꤧꤞꤢꤧ ꤠꤢꤧ꤭ ꤒꤥ꤬꤯ ꤙꤣꤧ ꤠꤢꤧ꤭ꤏꤝꤤꤠꤢꤧ꤭ꤏꤢꤩ꤭ ꤢ꤬ꤋꤢꤩ꤭, ꤓꤥ꤭ꤒꤥ꤬ ꤙꤣꤧ ꤢꤨ꤭ ꤘꤢꤪꤥ꤬ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭, ꤞꤤ꤭ ꤟꤢꤧ꤭ꤗꤢꤧꤟꤢꤧ꤭ꤡꤢꤧ꤬ ꤠꤢꤧ꤭ ꤒꤥ꤬꤯’
44“ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤙꤢꤧ꤬ꤡꤢꤩ꤬, ꤔꤢꤧ꤬ ꤞꤤꤢꤩ꤬ꤞꤤꤥ꤭ ꤙꤢꤩ꤬ꤙꤢꤩ꤬, ꤔꤢꤧ꤬ ꤞꤤꤥ꤭ꤓꤣꤧ꤭ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤔꤢꤧ꤬ ꤡꤝꤢ ꤓꤝꤢ꤭ ꤞꤤꤖꤚ꤫ꤢꤩ꤬ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤔꤢꤧ꤬ ꤥ꤬ꤒ꤫ꤢꤧ꤬ꤊꤢꤦ꤭ ꤥ꤬ꤒ꤫ꤢꤧ꤬ꤞꤢꤧ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤔꤢꤧ꤬ꤏꤝꤤꤔꤢꤧ꤬ꤏꤢꤩ꤭ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤢꤨ꤭ ꤘꤢꤪꤒꤢ꤭ ꤔꤢꤧ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤕꤢꤩ꤬ ꤡꤝꤢꤗꤢꤧꤓ꤫ꤣꤧ꤬ ꤔꤢꤧ꤬ ꤚꤣꤧ꤬ ꤕꤢꤩ꤬ ꤗꤢꤩ꤬ꤡꤝ꤫ꤢ꤬ ꤔꤢꤧ꤬ ꤒꤥ꤬ ꤙꤢꤪꤋꤢꤩ꤭ꤒꤢꤩ꤭?’
45“ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤟꤢꤩꤔꤤꤔꤢꤧ꤬ ꤡꤣꤧ ꤞꤤ꤭, ꤘꤣ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭, ꤞꤤ꤭ ꤊꤢꤩ꤬ ꤗꤢꤩ꤬ꤡꤝ꤫ꤢ꤬ꤔꤢꤪ ꤊꤣꤧ꤭ꤢꤨ꤭ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤꤜꤣ ꤜꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬꤮ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤗꤢꤩ꤬ꤡꤝ꤫ꤢ꤬ ꤠꤢꤧ꤭ ꤒꤥ꤬ ꤟꤣꤧ꤯’
46“ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤋꤢꤧꤙꤢꤩ꤬ ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤡꤢꤪ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤡꤝꤢ ꤔꤥ꤭ꤔ꤫ꤤ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯”#ꤘꤢ꤬ꤔꤤ꤬ꤢꤩꤜꤢ꤬ ꤁꤂:꤂
Currently Selected:
ꤗꤢꤞꤢꤧ 25: eky-Kali-MM
Highlight
Share
Copy
Want to have your highlights saved across all your devices? Sign up or sign in
Wycliffe USA
ꤗꤢꤞꤢꤧ 25
25
ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤋꤚꤝꤢ꤭ꤋꤚꤝꤥ꤭ ꤢꤨ꤭ ꤢ꤬ꤖꤚꤢꤩ꤬ꤏꤣꤧ ꤢ꤬ꤚꤤ꤬ꤢ꤬ꤊꤢꤧ꤭
1“ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬, ꤢ꤬ꤞꤢꤧꤔꤢꤧ ꤖꤚꤢꤩ꤬ꤗꤢꤪ꤬ ꤋꤚꤝꤢ꤭ꤋꤚꤝꤥ꤭ ꤢꤨ꤭ ꤢ꤬ꤖꤚꤢꤩ꤬ꤏꤣꤧ ꤖꤛꤢꤔ꤫ꤤ꤬ ꤗꤤ꤬ꤊꤢꤪ꤭ ꤚꤣꤧ꤬ ꤡꤝꤢꤥ꤬ꤕ꤫ꤢꤪ꤬ ꤗꤢꤧꤏꤢꤦ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤟꤢꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤟꤣꤧ꤯#ꤜꤢꤨꤊꤢ꤬ ꤁꤂:꤃꤅ 2ꤍꤢꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤕꤜꤥ꤭ꤖꤢꤩ, ꤍꤢꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤕꤜꤥ꤭ꤖꤢꤩ ꤊꤣꤧ꤭ꤢꤨ꤭ ꤒꤥ꤬꤯ 3ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤕꤜꤥ꤭ꤖꤢꤩ ꤊꤣꤧ꤭ꤢꤨ꤭ ꤒꤥ꤬ ꤣꤧ꤭ꤞꤤꤍꤢꤧ꤭ ꤔꤣꤧ꤬, ꤢ꤬ ꤖꤛꤢꤟꤢꤧ꤭ ꤔ꤫ꤤ꤬ꤊꤣꤧ꤭ ꤢ꤬ꤗꤤ꤬ꤊꤢꤪ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤖꤛꤢꤟꤢꤧ꤭ ꤔ꤫ꤤ꤬ꤜꤣ ꤊꤣꤧ꤭ꤕ꤫ꤥ꤬ ꤗꤤ꤬ꤓꤣꤧ꤭ ꤒꤥ꤬꤯ 4ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤕꤜꤥ꤭ꤖꤢꤩ ꤣꤧ꤭ꤞꤤꤍꤢꤧ꤭ ꤔꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤢ꤬ꤗꤤ꤬ꤊꤢꤪ꤭ ꤚꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ꤜꤣ ꤕ꤫ꤥ꤬ ꤗꤤ꤬ꤓꤣꤧ꤭ ꤔꤢꤧ ꤕꤢꤧ꤭ ꤒꤣꤧ꤬ꤟꤢꤩ꤬꤯ 5ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤟꤢꤧ꤭ꤒ꤫ꤥ꤬ ꤕꤣꤧ꤬ꤛꤢꤪ꤭ꤕꤣꤧ꤬ꤛ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤥ꤬ꤗꤣꤧ꤭ꤋꤢ꤭ꤥ꤬ꤗꤣꤧ꤭ꤔꤥ꤬ ꤓꤥ꤭ꤚꤣꤧ꤬ ꤢ꤬ ꤥ꤬ꤗꤣꤧ꤭ꤔ꤫ꤤ꤬ ꤜꤢꤪ꤭ ꤜꤢ꤭ꤋꤢꤧ꤭꤯
6“ꤙꤣꤧ ꤗ꤫ꤢꤪ꤬ꤔꤢꤩ꤬ꤋꤢꤩ꤭ ꤔꤣꤧ꤬, ꤢꤨ꤭ ꤢꤩꤓꤥ꤭ ꤔꤢꤧ, ‘ꤊꤣ꤮ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤟꤢꤧ꤭ꤟꤣꤧ, ꤓꤢꤩ꤬ꤡꤝꤢ ꤗꤢꤧꤏꤢꤦ꤬ ꤗꤣꤧ꤭ ꤜꤢ꤭ꤋꤢꤧ꤭꤯’
7“ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤋꤚꤝꤢ꤭ꤋꤚꤝꤥ꤭ ꤢꤨ꤭ ꤣꤧ꤭ꤜꤢꤪ꤭꤮ ꤕꤜꤤ꤭ ꤊꤣꤧ꤬ꤓꤢꤪ꤬ ꤚꤣꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤜꤢ꤭ꤋꤢꤧ꤭ ꤢ꤬ꤗꤤ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯ 8ꤖꤚꤢꤩ꤬ꤗꤢꤪ꤬ ꤕꤜꤥ꤭ꤖꤢꤩ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ ꤟꤢꤩ ꤖꤚꤢꤩ꤬ꤗꤢꤪ꤬ ꤕꤜꤥ꤭ꤖꤢꤩ ꤒꤣꤧ꤬ꤟꤢꤩ꤬ ꤔꤢꤧ, ‘ꤘꤣꤧꤊꤣꤧ꤭ ꤕꤢꤩ꤬ ꤞꤤ꤭ꤗꤤ꤬ꤓꤣꤧ꤭, ꤕꤢꤩ꤬ꤗꤤ꤬ ꤊ꤫ꤢꤦ꤬ꤚꤢꤩ꤭ ꤕꤤ꤭ꤟꤣꤧ꤯’
9“ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤔꤢꤧ, ‘ꤒꤥ꤬ꤊꤢꤪ꤭, ꤢ꤬ ꤕꤥ꤬ꤕ꤫ꤢꤩ꤬ ꤒ꤫ꤥ꤬ꤊꤣꤧ꤭ ꤕꤢ꤬ ꤞꤤ꤭ꤑꤢꤩ꤭ ꤒꤥ꤬, ꤢ꤬ꤚꤢꤧꤜꤣ ꤗꤢ꤬ ꤞꤤ꤭ ꤡꤝꤢꤤ꤬ꤖꤚꤤ꤬ ꤋꤢꤪ꤬ ꤚꤣꤧꤘꤢꤦ꤬ ꤞꤤ꤭ꤑꤢꤩ꤭ ꤘꤣ ꤢꤨ꤭ ꤜ꤫ꤢꤩ꤬ꤤ꤬ꤏꤢꤩ꤭ ꤗꤤ꤬ꤓꤣꤧ꤭ ꤜ꤫ꤢꤩ꤬ꤥ꤬ꤔꤣꤧ꤬꤯’
10“ꤙꤣꤧ ꤛꤢꤩ꤬ꤞꤤ꤭ ꤡꤝꤢꤕꤢ꤬ꤖꤢꤧ ꤘꤣ ꤊꤜꤢꤧꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤟꤢꤧ꤭ꤒ꤫ꤥ꤬ ꤜꤢꤩꤟꤣꤧ, ꤖꤚꤢꤩ꤬ꤗꤢꤪ꤬ ꤕꤜꤥ꤭ꤖꤢꤩ ꤘꤣ ꤢ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤢ꤬ꤔ꤫ꤢꤩ꤬ ꤒꤣꤧ꤬ꤟꤢꤩ꤬ ꤟꤢꤧ꤭ꤔꤥ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤘꤣ ꤊꤢ꤬ꤏꤥ꤭ꤘꤢꤧ꤬ꤏꤥ꤭ꤗꤢꤩ꤭ ꤢ꤬ ꤒꤢꤩ꤬ꤢꤩ꤬ꤒꤢꤩ꤬ꤥ꤭ ꤜ꤫ꤢꤩ꤬ꤥ꤬ ꤚꤣꤧ꤬ ꤢꤨ꤭ ꤗꤢꤩ꤬ꤙꤤꤊꤢꤧ꤭ ꤊꤣꤧ꤬ꤘꤢ꤭꤯
11“ꤘꤣꤋꤛꤢ꤭ ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤕꤜꤥ꤭ꤖꤢꤩ ꤊꤣꤧ꤭ꤢꤨ꤭ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤊꤢ꤬ꤒ꤫ꤥ꤬ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, ‘ꤙꤢꤧ꤬ꤡꤢꤩ꤬, ꤙꤢꤧ꤬ꤡꤢꤩ꤬, ꤙꤢꤗꤥ꤭ ꤕ꤫ꤢꤩ꤬ꤊꤣꤧ꤭ ꤚꤣꤧ ꤕꤢꤩ꤬ ꤊꤣꤧ꤬ꤘꤢ꤭꤯’#ꤜꤢꤨꤊꤢ꤬ ꤁꤃:꤂꤅
12“ꤒꤣꤧ꤬ꤘꤢꤦꤚꤣꤧ꤬ ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤋꤢꤨ꤭ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤟꤢꤩꤔꤤꤔꤢꤧ꤬ ꤡꤣꤧ ꤞꤤ꤭, ꤠꤢꤧ꤭ ꤞꤤꤑꤢꤩ꤭ꤔꤢꤪ ꤞꤤ꤭ ꤒꤥ꤬꤯’
13“ꤟꤢꤨꤔꤣꤧ꤬ꤚꤣꤧ꤬ ꤥ꤬ꤞꤢ꤬ꤞꤢꤩ꤭ ꤜꤢ꤭ꤋꤢꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤘꤣ ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ ꤊ꤫ꤢꤦ꤬ ꤟꤢꤧ꤭ꤋꤛꤢ꤭ꤞꤢꤧ ꤙꤢꤪꤋꤢꤩ꤭ꤒꤢꤩ꤭ ꤕꤢ꤭ꤔꤣꤧ꤬ ꤞꤤ꤭ ꤞꤤꤑꤢꤩ꤭ꤡ꤫ꤢꤧ꤬ꤒꤥ꤬꤯
ꤘꤢꤧ ꤋꤢꤋꤥ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤞꤤꤞꤥ꤭ ꤢ꤬ꤚꤤ꤬ꤢ꤬ꤊꤢꤧ꤭
(ꤜꤢꤨꤊꤢ꤬ ꤁꤉:꤁꤁-꤂꤇)
14“ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬ ꤢ꤬ ꤞꤢꤧ ꤊꤣꤧ꤭ꤕ꤫ꤥ꤬ꤘꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤓꤢꤩ꤬ꤡꤝꤢ ꤊꤜꤢꤧ ꤚꤣꤧ꤬ ꤢꤩꤕꤜꤢꤪ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤘꤣꤧꤊꤢꤧ꤭ ꤢ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯#ꤜꤢꤨꤊꤢ꤬ ꤁꤉:꤁꤁-꤂꤇ 15ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤘꤣꤧꤊꤢꤧ꤭ ꤜꤢꤨ꤭ ꤓꤢꤩ꤭ ꤍꤢꤧ꤭ꤡꤝ꤫ꤢꤩ꤬, ꤒꤣ꤬ꤖꤚꤢꤩ꤬ꤕ꤫ꤥ꤬ ꤚꤣꤧ꤬ ꤒꤣ꤬ꤊꤥ꤬, ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬ ꤒꤣ꤬ꤡꤝ꤫ꤢꤩ꤬, ꤟꤢꤨ ꤛꤢꤩ꤬ꤞꤤ꤭ ꤥ꤬ꤔꤢꤧ ꤢ꤬ ꤒꤢꤩ꤬ꤡ꤫ꤢꤧ꤬ ꤔꤣꤧ꤬ ꤢ꤬ ꤙꤢꤩ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤓꤥ꤭ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤊꤜꤢꤧ꤯ 16ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤍꤢꤧ꤭ꤡꤝ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤟꤣꤧꤟꤣꤧ ꤔꤢꤧ ꤢ꤬ ꤓꤢꤩ꤬ꤡꤝꤢ ꤗꤢꤩ꤬ꤊ꤫ꤢꤦ꤬ ꤚꤣꤧ꤬ ꤢ꤬ ꤡꤝꤢ ꤗꤢꤩ꤬ꤓꤢꤩ꤬ꤔ꤫ꤤ꤬ ꤢꤩꤜꤣꤕ꤫ꤥ꤬ ꤍꤢꤧ꤭ꤡꤝ꤫ꤢꤩ꤬꤯ 17ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤊꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤡꤝꤢ ꤗꤢꤩ꤬ꤊ꤫ꤢꤦ꤬ꤓꤢꤩ꤬ ꤢꤩꤓꤢꤧ꤬ꤜꤣ ꤕ꤫ꤥ꤬ ꤔꤣꤧ꤭ꤡꤝ꤫ꤢꤩ꤬꤯ 18ꤗꤢ꤬ꤔꤢꤧꤚꤣꤧ꤬ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤡꤝ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤓꤢꤩ꤬ꤡꤝꤢ ꤚꤣꤧ꤬ ꤢ꤬ ꤡꤝꤢ ꤠꤢꤩ꤭ ꤟꤢꤩ꤬ꤊꤢꤨ꤭ ꤒꤣ꤬ꤊꤢꤨ꤭ ꤚꤣꤧ꤬ ꤢ꤬ ꤡꤝꤢ ꤕꤜꤢꤦ꤭ ꤥꤙꤤꤊꤢꤧ꤭ ꤢ꤬ꤙꤢꤧ꤬ꤡꤢꤩ꤬ ꤓꤢꤩ꤭ꤣꤧ꤭ ꤘꤣ ꤟꤢꤩ꤬ꤜꤢꤩ꤭꤯
19“ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤑꤢ꤭ꤟꤢꤧ꤭ꤟꤣꤧ ꤚꤣꤧ꤬ ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤊꤢ꤬ꤒ꤫ꤥ꤬ ꤚꤣꤧ꤬ ꤢ꤬ ꤊꤢ꤬ꤘꤣꤧꤟꤣꤧ꤭ ꤕꤜꤥ꤭ꤋꤛꤢ꤭ ꤓꤢꤩ꤭ ꤘꤣ ꤢ꤬ ꤘꤣꤧꤊꤢꤧ꤭ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ 20ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤍꤢꤧ꤭ꤡꤝ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤖꤛꤢꤟꤢꤧ꤭ ꤢꤩꤓꤢꤧ꤬ꤕ꤫ꤥ꤬ ꤍꤢꤧ꤭ꤡꤝ꤫ꤢꤩ꤬ ꤚꤣꤧ꤬ ꤢ꤬ ꤟꤢꤩ ꤢ꤬ꤙꤢꤧ꤬ꤡꤢꤩ꤬ ꤔꤢꤧ, ‘ꤙꤢꤧ꤬ꤡꤢꤩ꤬, ꤔꤢꤧ꤬ ꤘꤣꤧꤊꤢꤧ꤭ ꤠꤢꤧ꤭ ꤓꤢꤩ꤭ꤢ꤬ꤗ꤫ꤥ꤬ꤚꤢ꤭ ꤍꤢꤧ꤭ꤡꤝ꤫ꤢꤩ꤬꤯ ꤚꤣꤧ꤬ ꤣꤧ꤭ꤜꤢꤩ꤭꤮, ꤠꤢꤧ꤭ ꤗꤢꤩ꤬ꤓꤢꤩ꤬ꤔ꤫ꤤ꤬ ꤢꤩꤜꤣꤕ꤫ꤥ꤬ ꤟꤣꤧ ꤍꤢꤧ꤭ꤡꤝ꤫ꤢꤩ꤬ ꤟꤣꤧ꤯’
21“ꤢ꤬ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤢꤪ꤬, ꤢ꤬ꤚꤢꤧ ꤔꤢꤧ꤬ꤡꤣꤧ, ꤔꤢꤧ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤚꤢꤧ ꤚꤣꤧ꤬ ꤢ꤬ꤡꤢꤪ ꤔꤢꤧ ꤠꤢꤧ꤭, ꤔꤢꤧ꤬ ꤡꤢꤪ ꤔꤢꤧ ꤠꤢꤧ꤭ ꤘꤣꤧ ꤔꤢꤧ꤬ ꤒꤢꤩ꤬ꤕꤣꤧ꤬ꤒꤤꤟꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤊ꤫ꤢꤦ꤬ ꤘꤣꤧ ꤢꤩꤓꤢꤧ꤬ ꤜꤣ꤮ ꤕ꤫ꤥ꤬ ꤔꤢꤧ꤬ ꤒꤢꤩ꤬ꤗꤢꤩ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤕꤣꤒꤣꤧ꤬ꤚꤤ꤬ ꤢꤩꤜꤣ ꤕ꤫ꤥ꤬ ꤔꤢꤧ ꤣꤧ꤭ꤔꤣꤧ꤬ ꤕꤢ꤭꤯ ꤟꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤚ꤫ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤠꤢꤧ꤭꤯’
22“ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤊꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤖꤛꤢꤟꤢꤧ꤭ ꤢꤩꤓꤢꤧ꤬ꤕ꤫ꤥ꤬ ꤒꤣ꤬ꤊꤥ꤬ ꤚꤣꤧ꤬ ꤢ꤬ ꤟꤢꤩ ꤢ꤬ꤙꤢꤧ꤬ꤡꤢꤩ꤬ ꤔꤢꤧ, ‘ꤙꤢꤧ꤬ꤡꤢꤩ꤬, ꤔꤢꤧ꤬ ꤘꤣꤧ ꤠꤢꤧ꤭ ꤓꤢꤩ꤭ ꤢ꤬ꤗ꤫ꤥ꤬ꤚꤢ꤭ ꤒꤣ꤬ꤊꤥ꤬, ꤚꤣꤧ꤬ ꤣꤧ꤭ꤜꤢꤩ꤭꤮, ꤠꤢꤧ꤭ ꤗꤢꤩ꤬ ꤓꤢꤩ꤬ꤔ꤫ꤤ꤬ ꤢꤩꤜꤣꤕ꤫ꤥ꤬ ꤟꤣꤧ ꤒꤣ꤬ꤊꤥ꤬ ꤟꤣꤧ꤯’
23“ꤚꤣꤧ꤬ ꤢ꤬ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤢꤪ꤬, ꤢ꤬ꤚꤢꤧ ꤔꤢꤧ꤬ꤡꤣꤧ꤯ ꤔꤢꤧ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤚꤢꤧ ꤚꤣꤧ꤬ ꤢ꤬ꤡꤢꤪ ꤔꤢꤧ ꤠꤢꤧ꤭꤯ ꤔꤢꤧ꤬ ꤡꤢꤪ ꤔꤢꤧ ꤒꤢꤩ꤬ ꤘꤣ ꤠꤢꤧ꤭ ꤘꤣꤧ ꤔꤢꤧ꤬ ꤕꤣꤧ꤬ꤒꤤꤟꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤊ꤫ꤢꤦ꤬ ꤘꤣꤧ ꤢꤩꤓꤢꤧ꤬ ꤜꤣ꤮ ꤕ꤫ꤥ꤬ ꤔꤢꤧ꤬ ꤒꤢꤩ꤬ꤗꤢꤩ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤕꤣꤒꤣꤧ꤬ꤚꤤ꤬ ꤢꤩꤜꤣ ꤕ꤫ꤥ꤬ ꤔꤢꤧ ꤣꤧ꤭ꤔꤣꤧ꤬ ꤕꤢ꤭꤯ ꤟꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤚ꤫ꤥ꤬ꤊꤣꤧ꤭ꤗꤣꤧ꤭ ꤔꤢꤧ ꤠꤢꤧ꤭!’
24“ꤣꤧ꤭ꤒꤣ꤬ꤖꤥꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤡꤝ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤧ꤭ꤟꤢꤩ ꤢ꤬ꤙꤢꤧ꤬ꤡꤢꤩ꤬ ꤔꤢꤧ, ‘ꤙꤢꤧ꤬ꤡꤢꤩ꤬, ꤠꤢꤧ꤭ ꤞꤤꤑꤢꤩ꤭ ꤔꤢꤧ ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤕ꤫ꤢꤧ꤬ ꤔꤢꤧ꤬ꤡꤣꤧ ꤒꤣ꤬ꤖꤚꤢꤩ꤬꤯ ꤙꤥ ꤘꤣ ꤔꤢꤧ꤬ ꤤ꤬ꤏꤢꤪ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ꤬ ꤡꤝꤢ ꤊꤢꤩꤊꤢ꤬ ꤘꤢꤦ꤬ꤑꤢꤩ꤭, ꤙꤥ ꤘꤣ ꤔꤢꤧ꤬ ꤤ꤬ꤜ꤫ꤥ꤬ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ꤬ ꤡꤝꤢꤕꤢꤪ꤬ꤊꤢ꤬ꤕꤜꤢꤪ ꤘꤢꤦ꤬ꤑꤢꤩ꤭꤯ 25ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤞꤤꤤ꤬ꤏꤢꤩ꤭ ꤚꤣꤧ꤬ ꤠꤢꤧ꤭ ꤡꤝꤢ ꤕꤜꤢꤦ꤭ ꤥꤊꤢꤧ꤭ ꤔꤢꤧ꤬ꤓꤢꤩ꤭ ꤣꤧ꤭ꤒꤣ꤬ꤡꤝ꤫ꤢꤩ꤬ ꤘꤣ ꤟꤢꤩ꤬ꤜꤢꤩ꤭, ꤗꤢꤧꤗꤣꤧ꤭, ꤣꤧ꤭ꤜꤢꤩ꤭꤮ ꤓꤢꤩ꤭ ꤘꤣ ꤔꤢꤧ꤬ ꤘꤣꤧꤊꤢꤧ꤭ ꤠꤢꤧ꤭ ꤔꤣꤧ꤬꤯’
26“ꤚꤣꤧ꤬ ꤢ꤬ꤙꤢꤧ꤬ꤡꤢꤩ꤬ ꤟꤢꤩꤊꤢ꤬ꤋꤛꤢ꤬ꤏꤢꤦ꤬ ꤜꤢꤨ꤭ ꤔꤢꤧ, ‘ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬, ꤊꤣꤧ꤬ꤛꤢꤧ꤭ꤒꤣꤧ꤬ꤊꤜꤢꤩ꤭ ꤊꤣꤧ꤬ꤛꤢꤧ꤭ꤜꤢꤩ꤭ꤙꤢꤧ, ꤔꤢꤧ꤬ ꤞꤤꤑꤢꤩ꤭ ꤔꤢꤧ ꤙꤥ ꤘꤣ ꤠꤢꤧ꤭ ꤤ꤬ꤏꤢꤪ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤡꤝꤢ ꤊꤢꤩꤊꤢ꤬ ꤘꤢꤦ꤬ꤑꤢꤩ꤭, ꤙꤥ ꤘꤣ ꤠꤢꤧ꤭ ꤤ꤬ꤜ꤫ꤥ꤬ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤠꤢꤧ꤭ ꤡꤝꤢ ꤕꤢꤪ꤬ꤊꤢ꤬ꤕꤜꤢꤪ ꤘꤢꤦ꤬ꤑꤢꤩ꤭ ꤠꤢꤧ꤭ꤟꤢꤩ? 27ꤔꤢꤧ꤬ ꤊꤢꤩ꤬ ꤞꤤꤑꤢꤩ꤭ ꤟꤢꤨꤔꤣꤧ꤬ꤚꤣꤧ꤬ ꤔꤢꤧ꤬ ꤘꤣꤧꤙꤢꤪ꤬ꤊꤢꤧ꤭ ꤠꤢꤧ꤭ ꤓꤢꤩ꤭ꤣꤧ꤭ ꤘꤣ ꤖꤚꤢꤩ꤬ ꤖꤛꤢꤙꤢꤪ꤬ꤖꤛꤢꤜ꤫ꤥ꤬ ꤓꤢꤩ꤭ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤒꤥ꤬ ꤗꤢꤩ꤬ꤒꤢꤩ꤭? ꤔꤢꤧ꤬ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤏꤢ꤮ ꤠꤢꤧ꤭ ꤊꤢ꤬ꤋꤛꤢ꤭ ꤕꤢ꤭ꤔꤣꤧ꤬ ꤠꤢꤧ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤢ꤬ꤖꤢꤨꤖꤢꤨ ꤢ꤬ꤗ꤫ꤥ꤬ꤗ꤫ꤥ꤬ ꤕꤢ꤭ ꤊꤢꤪ꤭ꤊꤢꤪ꤭꤯
28“‘ꤖꤛꤢ ꤊꤢ꤬ꤋꤛꤢ꤭ꤘꤝꤢ ꤋꤛꤢ꤭ꤞꤢꤧ ꤓꤢꤩ꤭ꤔꤣꤧ꤬ ꤒꤣ꤬ꤡꤝ꤫ꤢꤩ꤬ ꤚꤣꤧ꤬ ꤘꤣꤧ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤢ꤬ꤡꤝ꤫ꤢꤩ꤬ꤏꤣꤧ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯ 29ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤛ꤫ꤢꤦ꤬ꤢꤩ꤬ꤚꤣꤧ ꤜꤢꤨ꤭ ꤚꤣꤧ꤬ ꤢꤨ꤭ ꤘꤢꤧ꤬ꤥ꤬ꤚꤣꤧ ꤒꤢ꤭ꤒꤢꤩ꤬ ꤘꤣ ꤜꤢꤨ꤭ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤘꤣꤧꤢꤩꤓꤢꤧ꤬ ꤜꤣ꤮ ꤕ꤫ꤥ꤬ ꤜꤢꤨ꤭ ꤕꤢ꤭꤯ ꤚꤣꤧ꤬ ꤢ꤬ꤒꤢꤩ꤬ ꤊ꤫ꤢꤦ꤬ ꤥ꤬ ꤒꤢ꤭ꤕꤢꤪ꤬ꤒꤢ꤭ꤕꤢꤩ꤭ ꤡꤣꤧ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤘꤢꤧ꤬ꤥ꤬ ꤒꤢ꤭ꤒꤢꤩ꤬ ꤕꤣꤧ꤬ꤒꤤꤟꤢꤨꤖꤢꤧ ꤘꤣ ꤜꤢꤨ꤭ꤥ꤬ ꤚꤣꤧ꤬ ꤢꤨ꤭ ꤛ꤫ꤢꤦ꤬ꤢꤩ꤬ꤚꤣꤧ ꤜꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤖꤛꤢꤊꤢ꤬ꤋꤛꤢ꤭ ꤜꤢꤪ꤭ꤖꤢꤩ꤬ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤕꤢ꤭꤯#ꤗꤢꤞꤢꤧ ꤁꤃:꤁꤂, ꤗꤢ꤬ꤊꤢꤨ ꤄:꤂꤅, ꤜꤢꤨꤊꤢ꤬ ꤈:꤁꤈ 30ꤒ꤫ꤢ꤬ꤓꤢꤩ꤬ꤊꤢꤧ꤭ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤥ꤬ꤜꤣꤥ꤬ꤊꤜꤢꤪ꤭ ꤣꤧ꤭ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤢ꤬ꤊꤜꤢꤩ꤭ ꤔꤣꤧ꤬꤯ ꤙꤣꤧꤔꤣꤧ꤬ꤒꤣ꤬ꤖꤥ꤬ꤔꤣꤧ꤬ ꤢꤨ꤭ ꤊ꤫ꤢꤦ꤬ ꤡꤝꤢꤍ꤫ꤥ꤬ꤡꤝꤢꤟꤢꤩ꤬, ꤢꤨ꤭ ꤊ꤫ꤢꤦ꤬ ꤢ꤫ꤢ꤬ ꤒꤣꤧ꤬ꤡꤤ꤭ꤒꤣꤧ꤬ꤡꤢ ꤡꤣꤧ ꤢꤨ꤭ꤊꤢꤨ꤬ꤋꤣꤧ꤭ ꤕꤢ꤭꤯’#ꤗꤢꤞꤢꤧ ꤈:꤁꤂, ꤂꤂:꤁꤃, ꤜꤢꤨꤊꤢ꤬ ꤁꤃:꤂꤈
ꤒꤢꤩ꤬ꤘꤣꤧꤡꤢ꤭ ꤘꤣꤋꤛꤢ꤭ ꤒꤣꤧ꤬ꤘꤢꤦ꤬
31“ꤏꤢ꤮ ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤊ꤫ꤢꤦ꤬ ꤟꤢꤧ꤭ ꤔꤢꤧ ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭ ꤕꤢ꤭ ꤚꤣꤧ꤬ ꤢ꤬ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤜꤢꤨ꤭ ꤢ꤬ꤋꤢꤩ꤭ꤕꤢ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤔꤢꤧ꤭ꤥ꤬ ꤘꤣ ꤢ꤬ ꤊꤢꤨ꤬ꤊꤜꤢꤧꤓꤢꤧ꤬ꤜꤥ꤭ ꤒꤣꤧ꤬ꤋꤢꤩ꤭ ꤢ꤬ꤋꤢꤨ꤬ ꤕꤢ꤭꤯#ꤗꤢꤞꤢꤧ ꤁꤆:꤂꤇, ꤗꤢꤞꤢꤧ ꤁꤉:꤂꤈ 32ꤗꤤ꤭ꤡꤣ꤬ ꤜꤢꤪ꤭꤮ ꤕꤜꤤ꤭ ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤥ꤬ꤕꤜꤢꤪꤜꤢꤪ꤭ ꤘꤣ ꤜꤢꤨ꤭ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ ꤚꤣꤧ꤬ ꤟꤢꤨ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ꤖꤢꤨ ꤙꤢꤩ꤭ꤋꤥ ꤚꤣꤧꤘꤢꤦ꤬ ꤢ꤬ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤔꤢꤧ ꤕ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤙꤢꤩ꤭ ꤋꤥꤜꤢꤪ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭꤯ 33ꤢ꤬ ꤊ꤫ꤢꤦ꤬ ꤘꤢꤧ꤬ꤋꤥ ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭ ꤕꤢ꤭ ꤚꤣꤧ꤬ ꤕ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧ꤬ ꤋꤥ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤡꤤ꤬ ꤒꤣ꤬ꤊꤛꤢ꤭ ꤕꤢ꤭꤯
34“ꤙꤣꤧꤔꤣꤧ꤬ꤢ꤬ꤋꤢꤩ꤭ ꤕꤢ꤭ꤔꤣꤧ꤬, ꤋꤝꤤ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤟꤢꤩ ꤊꤣꤧ꤬ꤛꤢꤧ꤭ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭ ꤔꤢꤧ, ‘ꤟꤢꤧ꤭ꤗꤣꤧ꤭ ꤜꤢ꤭ꤋꤢꤧ꤭, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤠꤢꤧ꤭ꤖꤢꤩ꤭ ꤢ꤬ ꤒꤢꤩ꤬ꤏꤢꤪ꤭ꤚꤤ꤬ ꤒꤣꤧ꤬ꤟꤢꤩ꤬, ꤟꤢꤧ꤭ꤔꤥ꤭ ꤖꤛꤢꤘꤝꤢ ꤜꤢ꤭ꤋꤢꤧ꤭ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤘꤣ ꤢ꤬ ꤗ꤫ꤢ꤬ꤟꤣꤧ ꤔꤢꤧ꤬ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤘꤣ ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤕ꤫ꤢꤩ꤬ ꤞꤤ꤭ ꤘꤣ ꤗꤢꤪꤋꤢꤨ꤬ ꤓꤝꤢ꤭ꤜꤢꤨ ꤟꤢꤩ꤬ꤋꤢꤨ꤬ ꤓꤝꤢ꤭ꤞꤢꤩ꤭ꤕꤢ꤬ ꤢ꤬ꤋꤢꤩ꤭ꤣꤧ꤭ ꤔꤣꤧ꤬꤯ 35ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤠꤢꤧ꤭ ꤞꤤꤢꤩ꤬ꤞꤤꤥ꤭ ꤢ꤬ꤋꤢꤩ꤭ ꤞꤤ꤭ ꤘꤣꤧꤢꤩ꤬ꤘꤣꤧꤥ꤭ ꤠꤢꤧ꤭, ꤙꤣꤧ ꤠꤢꤧ꤭ ꤞꤤꤥ꤭ꤓꤣꤧ꤭ ꤢ꤬ꤋꤢꤩ꤭ ꤞꤤ꤭ ꤘꤣꤧꤥ꤭ ꤠꤢꤧ꤭, ꤙꤣꤧ ꤠꤢꤧ꤭ ꤡꤝꤢꤓꤝꤢ꤭ ꤞꤤꤖꤚ꤫ꤢꤩ꤬ ꤢ꤬ꤋꤢꤩ꤭ ꤞꤤ꤭ ꤢꤩꤥ꤬ꤗꤣꤧ꤭ ꤗꤥ꤬ꤏꤢꤦ꤬ ꤠꤢꤧ꤭꤯ 36ꤙꤣꤧ ꤠꤢꤧ꤭ ꤥ꤬ꤒ꤫ꤢꤧ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤢ꤬ꤋꤢꤩ꤭, ꤞꤤ꤭ ꤘꤣꤧꤊꤢꤦ꤭ꤘꤣꤧꤞꤢꤧ ꤠꤢꤧ꤭, ꤙꤣꤧ ꤠꤢꤧ꤭ꤏꤝꤤꤠꤢꤧ꤭ꤏꤢꤩ꤭ ꤢ꤬ꤋꤢꤩ꤭, ꤞꤤ꤭ꤗꤢꤧꤞꤤ꤭ꤡꤢꤧ꤬ ꤚꤣꤧꤘꤢꤦ꤬ ꤠꤢꤧ꤭꤯ ꤙꤣꤧ ꤢꤨ꤭ ꤘꤢꤪꤒꤢ꤭ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤠꤢꤧ꤭꤯’
37“ꤚꤣꤧ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤩꤏꤢꤦ꤬ ꤢ꤬ ꤔꤢꤧ, ‘ꤙꤢꤧ꤬ꤡꤢꤩ꤬, ꤕꤢꤩ꤬ ꤡꤝꤢꤗꤢꤧꤓ꤫ꤣꤧ꤬ꤔꤢꤪ ꤔꤢꤧ꤬ ꤞꤤꤢꤩ꤬ꤞꤤꤥ꤭ ꤚꤣꤧ꤬ ꤕꤢꤩ꤬ ꤡꤝꤢ ꤘꤣꤧꤢꤩ꤬ꤔꤢꤪ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭? ꤔꤢꤧ꤬ ꤞꤤꤥ꤭ꤓꤣꤧ꤭ ꤚꤣꤧ꤬ ꤕꤢꤩ꤬ ꤡꤝꤢ ꤘꤣꤧꤥ꤭ꤔꤢꤪ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭ꤒꤢꤩ꤭? 38ꤔꤢꤧ꤬ ꤓꤝꤢ꤭ ꤞꤤꤖꤚ꤫ꤢꤩ꤬ ꤚꤣꤧ꤬ ꤕꤢꤩ꤬ ꤡꤝꤢ ꤢꤩꤏꤢꤦ꤬ꤔꤢꤪ ꤔꤢꤧ꤬, ꤒꤥ꤬ꤗꤢ꤬ꤔꤢꤧ ꤔꤢꤧ꤬ ꤥ꤬ꤒ꤫ꤢꤧ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤚꤣꤧ꤬ ꤕꤢꤩ꤬ ꤡꤝꤢ ꤘꤣꤧꤊꤢꤦ꤭ꤘꤣꤧꤞꤢꤧꤔꤢꤪ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭ꤒꤢꤩ꤭? 39ꤙꤣꤧ ꤔꤢꤧ꤬ ꤏꤝꤤꤏꤢꤩ꤭ ꤢ꤬ꤋꤢꤩ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤙꤣꤧ ꤢꤨ꤭ ꤘꤢꤪꤒꤢ꤭ ꤔꤢꤧ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ ꤔꤣꤧ꤬ꤙꤢꤩ꤬ꤙꤢꤩ꤬ ꤕꤢꤩ꤬ ꤡꤝꤢ ꤟꤢꤧ꤭ ꤥ꤬ꤜꤢꤩ꤭ꤔꤢꤪ ꤊꤣꤧ꤭ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭?’
40“ꤋꤝꤤ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤟꤢꤩꤔꤤꤔꤢꤧ꤬ ꤡꤣꤧ ꤞꤤ꤭, ꤘꤣ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭, ꤞꤤ꤭ ꤗꤢꤩ꤬ꤡꤝ꤫ꤢ꤬ꤔꤢꤪ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤꤜꤣ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤗꤢꤩ꤬ꤡꤝ꤫ꤢ꤬ ꤠꤢꤧ꤭ ꤟꤣꤧ꤯’
41“ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤜꤢ꤭ꤒꤢꤩ꤬ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤡꤤ꤬ ꤒꤣꤧ꤬ꤟꤢꤩ꤬ ꤔꤢꤧ, ‘ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤠꤢꤧ꤭, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤟꤢ꤭ ꤒꤣꤧ꤬ꤟꤢꤩ꤬, ꤡꤝꤢꤔꤥ꤭ ꤊꤣꤧ꤭ ꤜꤢ꤭ꤋꤢꤧ꤭ ꤘꤣ ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤕ꤫ꤢꤩ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤔꤣꤧ꤬ꤒꤣ꤬ꤘꤥ꤭ ꤔꤢꤧ ꤢ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤘꤣ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤡꤝꤢꤥ꤬ ꤙꤣꤧ ꤗꤤ꤬ ꤘꤣ ꤢ꤬ ꤕꤤ꤭ꤕ꤫ꤢꤩ꤬ ꤒꤣ꤬ꤖꤥ꤮ ꤒꤥ꤬ ꤔꤣꤧ꤬ꤒꤣ꤬ꤖꤢꤩ꤬ ꤢ꤬ꤊꤢꤨ꤭ ꤔꤣꤧ꤬꤯ 42ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤠꤢꤧ꤭ ꤞꤤꤢꤩ꤬ꤞꤤꤥ꤭ ꤢ꤬ꤋꤢꤩ꤭, ꤞꤤ꤭ ꤘꤣꤧꤢꤩ꤬ꤘꤣꤧꤥ꤭ ꤠꤢꤧ꤭ ꤒꤥ꤬꤯ 43ꤙꤣꤧ ꤠꤢꤧ꤭ ꤓꤝꤢ꤭ ꤞꤤꤖꤚ꤫ꤢꤩ꤬ ꤢ꤬ꤋꤢꤩ꤭, ꤞꤤ꤭ ꤢꤩꤏꤢꤦ꤬ ꤠꤢꤧ꤭ ꤒꤥ꤬꤯ ꤙꤣꤧ ꤠꤢꤧ꤭ ꤥ꤬ꤒ꤫ꤢꤧ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤢ꤬ꤋꤢꤩ꤭, ꤞꤤ꤭ ꤘꤣꤧꤊꤢꤦ꤭ꤘꤣꤧꤞꤢꤧ ꤠꤢꤧ꤭ ꤒꤥ꤬꤯ ꤙꤣꤧ ꤠꤢꤧ꤭ꤏꤝꤤꤠꤢꤧ꤭ꤏꤢꤩ꤭ ꤢ꤬ꤋꤢꤩ꤭, ꤓꤥ꤭ꤒꤥ꤬ ꤙꤣꤧ ꤢꤨ꤭ ꤘꤢꤪꤥ꤬ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭, ꤞꤤ꤭ ꤟꤢꤧ꤭ꤗꤢꤧꤟꤢꤧ꤭ꤡꤢꤧ꤬ ꤠꤢꤧ꤭ ꤒꤥ꤬꤯’
44“ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤙꤢꤧ꤬ꤡꤢꤩ꤬, ꤔꤢꤧ꤬ ꤞꤤꤢꤩ꤬ꤞꤤꤥ꤭ ꤙꤢꤩ꤬ꤙꤢꤩ꤬, ꤔꤢꤧ꤬ ꤞꤤꤥ꤭ꤓꤣꤧ꤭ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤔꤢꤧ꤬ ꤡꤝꤢ ꤓꤝꤢ꤭ ꤞꤤꤖꤚ꤫ꤢꤩ꤬ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤔꤢꤧ꤬ ꤥ꤬ꤒ꤫ꤢꤧ꤬ꤊꤢꤦ꤭ ꤥ꤬ꤒ꤫ꤢꤧ꤬ꤞꤢꤧ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤔꤢꤧ꤬ꤏꤝꤤꤔꤢꤧ꤬ꤏꤢꤩ꤭ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤢꤨ꤭ ꤘꤢꤪꤒꤢ꤭ ꤔꤢꤧ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ ꤙꤢꤩ꤬ꤙꤢꤩ꤬, ꤕꤢꤩ꤬ ꤡꤝꤢꤗꤢꤧꤓ꤫ꤣꤧ꤬ ꤔꤢꤧ꤬ ꤚꤣꤧ꤬ ꤕꤢꤩ꤬ ꤗꤢꤩ꤬ꤡꤝ꤫ꤢ꤬ ꤔꤢꤧ꤬ ꤒꤥ꤬ ꤙꤢꤪꤋꤢꤩ꤭ꤒꤢꤩ꤭?’
45“ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤟꤢꤩꤔꤤꤔꤢꤧ꤬ ꤡꤣꤧ ꤞꤤ꤭, ꤘꤣ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭, ꤞꤤ꤭ ꤊꤢꤩ꤬ ꤗꤢꤩ꤬ꤡꤝ꤫ꤢ꤬ꤔꤢꤪ ꤊꤣꤧ꤭ꤢꤨ꤭ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤꤜꤣ ꤜꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬꤮ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤗꤢꤩ꤬ꤡꤝ꤫ꤢ꤬ ꤠꤢꤧ꤭ ꤒꤥ꤬ ꤟꤣꤧ꤯’
46“ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤋꤢꤧꤙꤢꤩ꤬ ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤡꤢꤪ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤡꤝꤢ ꤔꤥ꤭ꤔ꤫ꤤ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯”#ꤘꤢ꤬ꤔꤤ꤬ꤢꤩꤜꤢ꤬ ꤁꤂:꤂
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wycliffe USA