ลูกา 12
12
เตเด๊อะรอ แกแย จ่าจ๊อจ่าเต บย่าแพ๊อาเหน่ เต๊เห่ อาหรี่อาแก
1เบ๊อะเนอเค แกแย เบ๊หมู่ เด๊อ อารี๊กู แฮ โอ่ปล๊อโอ่ปลู บาตีปี๊ ลอ เจ๊อ, อาโต่ เจ๊อ เด๊อ เตเพร เร๊อ เตเพร หยิเบ่ คยา เจ๊อ ลู เบ๊อะเนอ, เหย่ซู่ เฮ๊โฉ่หนื่ออื่อ อา โคเจ่ เต๊เห่ เน๊อ, “รอหนิ แลแค ซีเหน่ เร๊อ ฟาริสี เต๊เห่ อาโฮหมื่อกลุย เด๊อ เหย่ซี จ่าจ๊อจ่าเต บย่าแพ๊ อาเหน่ เนอเต๊เห่ อาหรี่อาแก.#มัทธิว ๑๖:๖, มาระโก ๘:๑๕ 2ล๋อ เต ด๊อโอ๊ด๊อบี๊ เต๊เห่เนอ, จอแปแหร่โบ๊โมเถ่ โลลอ อา ปา, เร๊อ ล๋อ เตเมโห่เมเซ๊ เต๊เห่เนอ, จอแปแหร่ อา เมเถ่โลลอ อา ปา.#มาระโก ๔:๒๒, ลูกา ๘:๑๗ 3ฮู๊เนอ อาขว่าอาคยา โหง่ เด๊อ เน เฮ๊เบ่ เด๊อ เหมาะคี๊ เต๊เห่เนอ, อู เก่ หนิโฮเกอลาติอา เด๊อ เหมาะเชเกล ปา. โทเร๊อ โหง่ เด๊อ เน เฮ๊เบ่โห่เฮ๊เบ่เซ๊ อา เด๊อ หี่ด๊อกู เต๊เห่เนอ, อู เก่ แถ่ เอ๊โทโล อา เด๊อ หี่ขุกู๊โก่ ปา.
แกแย เด๊อ เป โตเบ่ ซิอิเช อา
(มัทธิว ๑๐:๒๘-๓๑)
4“แว โคแบ๊ซว๊า ซี๋, แว เฮ๊ ซี, แกแย เด๊อ อา เมเซอ แจ่ ซี เหน่กล่อ ตื๊อดื่อเรอ เด๊อเงเนอ, อา เมจาเมจือ แจ่ ปา ซี โต่ เต๊เห่เนอ, ซิอิเช แต่ อา แต่เหม่. 5ซี โตเบ่ ซิอิเช อูเป เนอ, แว เก่ เด๊อะโล เหร่อเป่ ซี. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ช๊าเนอปา ปาเนออาโอ่เต่อ เร๊อ อา เตโพรเตเตอเรอ เด๊อ อา เก่ วีตา ซี เด๊อ หง่าหร่าปอรากยากู ปา เออเนอ เตเพร นี๋. แว เก่ เฮ๊ โป่ คยาแซ๊ ซี เร๊อ ซิอิเช แลแค อา นี๋. 6ถู่เผระฮู๊ แงเบ่เนอ อู อิเช แพ๊ ลู เร๊อ รือหย่า เนอเม๊ แพ๊ แวเฮ๊? หม่าแน๊เรอ จอแปแหร่ โซตาปา เหย่ซี เตเบ๋ โต่. 7ล๋อ ซี กู๊โล เด๊อ ซี กู่กล๊อลู เนอเต๊เห่ เจ๊อเรอ, จอแปแหร่ แด๊เบ่ หนื่ออื่อ โทลอปลี เจ๊อเฮ๊อ. ซิอิเช แต่เหม่! ซี งูดุ งูชอ เล๊อ เจ๊อ เร๊อ ถู่เพร่ฮู๊ เนอ ตูปลูเต๊เผ่ เจ๊อ.
เตอ๊อแล พย๊าฉื่อ เร๊อ ฉู่โม๊แก แบ่เจ่ครี๊
(มัทธิว ๑๐:๓๒-๓๓, ๑๒:๓๒, ๑๐:๑๙-๒๐)
8“แว เฮ๊ ซี, อูเปเป๋ เบ่เบ่ อา เก่ อ๊อแล เด๊อ เหย่ซู่ครี๊ หม่า แว แบ่เจ่ เด๊อ แกแย โอ่โร๊ อา เป๊เส่เง เฮ๊เนอ, แกแยพู๊คู หม่าเฮ๊อ แวเออ, แว เก่ อ๊อแลเกอดื่อ อา ฮู๊เนอเด๊อ จอแปแหร่ อา เตเน่วม๊อขุ เต๊เห่ อา เป๊เส่เง ปา. 9หม่าแน๊เรอ อูเปเป๋ เบ่เบ่ อา เก่ โชโม๊บิแก แว เร๊อ อา หยื่อเอ่ แว โต่ เด๊อ แกแย โอ่โร๊ อา เป๊เส่เง เฮ๊เนอ, แกแยพู๊คู หม่าเฮ๊อ แวเออ, แว เก่ โชโม๊บิแก เกอ อา เด๊อ จอแปแหร่ อา เตเน่วม๊อขุ เต๊เห่ อา เป๊เส่เง ปา. 10ล๋อ แกแย เด๊อ อา เฮ๊ซื๊อ แกแยพู๊คู หม่าเฮ๊อ แว เออเนอ, จอแปแหร่ เก่ ปลวาแก ลูเตซื๊อ แพ๊. หม่าแน๊เรอ แกแย เด๊อ อา เฮ๊ซื๊อ แหย่โยบูโพ๊แบ่เจ่ เนอ, จอแปแหร่ ปลวาแก แจ่ ปา เหย่ซี เตซื๊อ โต่.#มัทธิว ๑๒:๓๒, มาระโก ๓:๒๙
11“ช๋า อู ปื่อซูจว๊า ซี เด๊อ เตจ๊อเบโฮกู ปา เบ๊อะเนอ เบ่เบ่, เด๊อ คุ๊ยดุ เต๊เห่ อาเป๊เส่เง ปาเนอ เบ่เบ่, เร๊อ เด๊อ เพรเป๊อเทอเป๊อเก่ เต๊เห่ อา เป๊เส่เง อาเบ๊อะเนอปาเนอ ปาเบ่เบ่, เน โตเบ่ เฮ๊เบ่ เตเกบี๊ เกอเร๊อ เนเหน่ ฮู๊เต เร๊อ เน โตเบ่ เฮ๊ฉื่อ ฮู๊เตเนอ เบ่กู่เบ่แก แต่เหม่ นี๋.#มัทธิว ๑๐:๑๙-๒๐, มาระโก ๑๓:๑๑, ลูกา ๒๑:๑๔-๑๕ 12เมเตเฮ๊เรอ ช๋า เน โต เฮ๊เบ่เฮ๊อ เบ๊อะปาเนอ, แหย่โยบูโพ๊แบ่เจ่ เก่ อิซว๊าตา ดื่อ เน เร๊อ เน โตเบ่ เฮ๊เบ่ ฮู๊เต ปา เนอ ปา.”
เตเฮ๊เบ่ค๊าโข่ แกแยดุแย เด๊อ อาซิปล่อ ลีแม เกออู โต่ เตเพร
13เด๊อ แกแย โอ่โร๊ อาเกล เตเพรเนอ อา เฮ๊ แบ่เจ่ เหย่ซู่ เน๊อ, “ซ๊าร๋า เฮ๊ เป่เกอ แว แหม่เพรคู เร๊อ อา เก่ เบ เป่เกอ แว อู่เจเต๊เหย่ เด๊อ เปเพ แด่แก เป่ เปเนอ เต๊เห่.”
14เร๊อ เหย่ซู่ เฮ๊ฉื่อ อา เน๊อ, “หม่า อูเป แด่แถ่ แว เร๊อ แว ทวา เป่ ซี เพรเฮ๊เบ่เมโตเต, หม่าโต่เรอ เพร เฮ๊เบ่ เป่ ซี อู่เจเต๊เหย่ เด๊อ ซี ซิเนอ อาเปล่กู เนอ เป.” 15โทเร๊อ อา เฮ๊ โป่ เหย่ซี เน๊อ, “โอ่รอโอ่เร แลแค, จว๊าวอ เควอแก แลแค เตแม๊ปู กู๊หว่ากู๊เวเอ่ #12:15 แกแย เต๊เห่เห่ เร๊อ อา เฮ๊ เร๊อ “ลอพา,” แซ่เน๊อ แมโหง่ เนอ หม่าโต่เรอ “ซิหยื่อซิลอ อูเต” เกอเร๊อ ดื่อเง เนอเต๊เห่ นี๋, เมเตเฮ๊เรอ แกแย เตเพรเนอ, อา ดุแหย่แถ่เซ เจ๊อบ๋า เต๋ เบ่เบ่, อา เตดุแหย่แถ่เซ เออเนอ อา เมแร๊ จว่าแจ่ ลู เตโอ่เซอเพร เตอเจ๋อ โต่.”
16โทเร๊อ เหย่ซู่ เฮ๊ เหย่ซี เร๊อ โหง่ค๊าโข่ ตือมื๊อ, “เบ๊อะโต่โพ๊เนอ แกแย ดุแหย่แถ่เซ โอ่ เตเพร, เร๊อ อา โอ่ เกอเร๊อ เน๊อ อาหี่อาเพร๊ เต๊เหล่ เร๊อ อา เตเหมาะเตโบ เต๊เห่เนอ, อา เส่ตว่าเส่แร๊ แหน่เจ๊อ. 17เร๊อ อา เตเนเกอเร๊ออาเหน่ เร๊อ แวเหล่แด่ปล๊อ ส่อเส่เหว่โพ, แวโบ๊แวโฮ เออเต๊เห่ อาเหล่โอ่เหล่แบ่ อาโอ่ปาโต่เฮ๊อ. เร๊อแวเบ่เมฮู๊เต.
18“เออโตโพ๊เรอ อา เฮ๊ เน๊อ, ‘แว เก่ เมพู๊เออ ปา เฮ๊เนอ, แว เก่ เมโพร๊แก แว แจ เออเต๊เห่ เร๊อ แว เก่ ช๊อแถ่ดุ ช๊อแถ่แหล่ เต๊เปล่ เล๊อ เร๊อ อาเลอเออเต๊เห่, เร๊อ แว อา กลอปล๊อแด่ปล๊อ ลอ เร๊อ แว ส่อเส่เหว่โพ, แวโบ๊แวโฮ เร๊อ แว ตาหมื่อตาเต เต๊เห่ เบ๊อะเนอ ปา เฮ๊หนิ. 19โทเร๊อ แว เก่ เฮ๊ เกอเร๊อ แวเหน่ เน๊อ, “เพบุ๊ยแร๊, เน แด่โอ่ปล๊อ ลอ เฮ๊อ เตปว๋า เต๊อเจ่อ เด๊อ เน เก่ เอ่โอหนิ งยา เกอเร๊อ เจ๊อ อา เอ๊หน่าเอ๊เล เจ๊อ ปา. โอ่เมอเร๊อ เอ่ มอ, เอ่ก๊อโอบา มอ, เอ่โมโอเจ่ มอ.”’
20“หม่าแน๊เรอ จอแปแหร่ เฮ๊ ลู เน๊อ, ‘เพโอ่เล๊อโอ่กลอ, เออเตเซ ปา หม่า แว เก่ พย๊าเถ่แก เฮ๊อ เน ซิปล่อเซอเพร ปา. ฮู๊เนอเรอ ล๋อ เต เด๊อ เน แด่ปล๊อ หนื่ออื่อ เด๊อ เนเง เออเต๊เห่เนอ อูเป เตเพร อา พย๊าหนิ ปา เป?’”
21เร๊อ เหย่ซู่ เฮ๊ เน๊อ, “แกแย เตเพร เพร เด๊อ อา แด่ปล๊อ เกอเร๊อดื่อ อา เตดุแหย่แถ่เซ เด๊อ อาเง, หม่าแน๊เรอ เด๊อ จอแปแหร่ อา เป๊เส่เงเนอ, อา เก่ โซพ๊าโซแร เฮ๊เนอ อา เก่ ทวาแถ่ แซ่แกแยดุแย่ เออตเพร ปา.”
เตหยื่อเอ่ จอแปแหร่
(มัทธิว ๖:๒๕-๓๔)
22โทเรอ เหย่ซู่ เฮ๊ อา โคเจ่ เต๊เห่ เน๊อ, “ฮู๊เนอ อาขว่าอาคยา แว เฮ๊ ซี, เบ่กู่เบ่แก เต เด๊อ ซี เตโอ่เซอเพร อาเงเนอ แต่เหม่. ซี โหล่เอ่โหล่โอ อาเง เบ่เบ่, ซี โหล่กือโหล่แซ๊ บี๊เร๊อ ซี เหน่กล่อ อาเง เบ่เบ่, เบ่กู่เบ่แก แต่ แลแค แต่เหม่ นี๋. 23เมเตเฮ๊เรอ ซี เตโอ่เซอเพร เนอ อา โหล่ดุเล๊อเล๊อ ปา เจ๊อ เร๊อ ซี เหล่เอ่เหล่โอ เจ๊อ, เร๊อ ซี เหน่กล่อ เออเนอ อา โหล่ดุเล๊อเล๊อ ปา เจ๊อ เร๊อ ซี เหล่กือเหล่แซ๊ เต๊เห่ เจ๊อ. 24เตเนแม๊ แลแค จ๊อเหว่ เต๊เห่เนอ, เหย่ซี อาโหล่อาช๊อ เกออู เตกลุยเตลุ๊ย โต่, อา เก๊ปล๊อแด่ดว๊า เกออู เตเส่เตโพ โต่โต่. อา เหล่แด่ปล๊อ เหล่เอ่เหล่โอ เหล่โอ่ โอ่ เกออู โต่โต่, อา เหล่แด่ปล๊อ โบ๊แจ โอ่ เกออู โต่โต่. ตื๊อดื่อเรอ จอแปแหร่ โบ่เอ่โบ่โอ่ เหย่ซี. ฮู๊เนอเรอ, ซี เออเต๊เห่เนอ, ซี งูดุงูชอ เล๊อเล๊อ เจ๊อ. เร๊อ ถู เออเต๊เห่ เจ๊อ. 25เด๊อ ซีเตเนกู่แก อาขว่าอาคยาเร๊อ, ซี จุ่ยทูแฮ เอ๊แถ่ แจ่ เล๊อเล๊อ โป่ ซี ม๊อเนอม๊อเซ ตี๊กิ แพ๊ เนอ อา โอ่ เตเพร่ว โต่. 26จุ่ยทูแฮ โป่ ม๊อเนอ ฮู๊เออ ตี๊กิ แพ๊ เนอ, ซี เก่ เมแจ่โต่ เฮ๊เนอ ซี จ๊าเตเนกู่แก โต่ เต เด๊อ อาโร เต๊เห่ เมเต?
27“เตโพเตกี เนอเต๊เห่ อา เพ๊แถ่โพแถ่ แลแค ฮู๊เตเนอ, เตเน แม๊มอ แลแค. เหย่ซี เอ่แร เกออู เตอเจ๋อ โต่, อา อิฮี๊ เกออู แตแพ๊ โต่ ตื๊อดื่อเรอ แว เฮ๊ ซี๋, คุ๊ยซาโลมอน เด๊อ อา โอ่ เจ๊อ เร๊อ อา เตดุแหย่แถ่เซ ล๋อ ปลี เจ๊อ เออเตเพรเนอ, อา เห่อจ่า เด๊อ อาตว่า ครือแนเล๊ เร๊อ เตโพ เนอโตโพ แพ๊เนอ อา โอ่ ตือปื๋อ โต่.#คุ๊ย อาเหร่อเล๊อ ต๊าบ่า ๑๐:๔-๗, ราม๊าราแด เนอบ่า ต๊าบ่า ๙:๓-๖ 28เก๋อ แกแย เตหยื่อปีตี๊ ซี๋, มี ออ เหมาะ เต๊เห่เนอ, เออเตอเนอ อา โอ่ แลแค เด๊อ ตอกูเนอ, ช๊าป่าโรปา อู ชื๊อโน๊แก อา เด๊อ หมิกู แพ๊ ตื๊อดื่อเรอ จอแปแหร่ เด๊อะกือเด๊อะแซ๊ อา เก่เฮ๊เรอ อา เก่ เด๊อะกือเด๊อะแซ๊ แร๊ เล๊อเล๊อ ปา เจ๊อ ซี เร๊อ เนอ ปา. 29ฮู๊เนอ อาขว่าอาคยา, ซีเตเนเบ่กู่เบ่แก เบ่ยอเบ่สี่ แต่ แลแค แต่เหม่. โต เอ่แคร๊ ปา อิเต, โต โอแคร๊ ปา อิเตเนอ, เตเน แต่ แลแค แต่เหม่ นี๋. 30เมเตเฮ๊เรอ, แกแย เด๊อ อา หยื่อเอ่แหน่ เกออู จอแปแหร่ โต่ เต๊เห่เนอ, อากู่อาแก, อา แม๊ปูแม๊แหว่ แลแค ฮู๊เนอเฮ๊อ. เต เด๊อ ซี โหล่ เต๊เห่เนอ ซี เพ ซิเงดื่อ เฮ๊อ. 31เบ่ยอเบ่สี่ แต่ แลแค ฮู๊เนอ แต่เหม่! แม๊ปู แลแค เต เด๊อ อา โหล่ดุ เด๊อ จอแปแหร่ อาเทออาเก่กู เนอเต๊เห่ เร๊อ ล๋อ เตเด๊อ ซี โหล่ เออเต๊เห่เนอ, จอแปแหร่ อา เด๊อ เกอโป่ดื่อ ซี ปา.
เตดุแหย่แถ่เซ เด๊อ ม๊อขุ
(มัทธิว ๖:๑๙-๒๑)
32“เก๋อ ซิหมิ#12:32 ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ. 33อิเชแก ซี ตาหมื่อตาเต เต๊เห่ เร๊อ เด๊อะหลู่ เร๊อ แกแย โซพ๊าโซแรพู๊ เนอเต๊เห่. ซี เก่ เมฮู๊เนอ เฮ๊เรอ ซี แด่โน โอ่ปล๊อ แลแค เฮ๊อ ซี เตดุแหย่แถ่เซ เด๊อ รือปยา เด๊อ อา แลยา เป่โต่ เออเนอเต๊เห่ อากู เฮ๊อ. เด๊อ ซี เด๊อ แกแย โซพ๊าโซแรพู๊ เต๊เห่ ฮู๊เนอ ขว่าคยา, อา เก่ ทวาแถ่ เป่ ซี เตดุแหย่แถ่เซ เด๊อ ม๊อขุ ปา. ซี เก่ แด่โอ่ปล๊อ เด๊อ ม๊อขุ เฮ๊เนอหม่า, ซี เตดุแหย่แถ่เซ เออเต๊เห่เนอ อา ยว๊ากาแล โตแจ่ โตโพ๋ โต่, เพรเอ่โห่เอ่ฮี๊ เต๊เห่ เอ่โห่แจ่โต่, อาเขร่อาโถ่ เมปย๊า แจ่ โต่ อาขว่าอาคยา, แด่โอ่ปล๊อ แลแค เด๊อ ม๊อขุเนอ. 34เมเตเฮ๊เรอ, ซี เตดุแหย่แถ่เซ โอ่เบ๊อะโต๊โผ่เนอ, ซี ซิปล่อ โอ่เต่อเกอ เบ๊อะเนอ.
หลู่เล๊ เด๊อ อา ส่าเซ เต๊เห่
(มัทธิว ๒๔:๔๕-๕๑)
35“โอ่ตี๊หรี่แตเร หนื่ออื่อ แลแค ซีเหน่ เด๊อ ซี เก่แรเต อาเง, เร๊อ แรแถ่ หนื่ออื่อ แลแค ซีฮ๊อท๊อ, ส่าเซ เร๊อ ชีลี หนื่ออื่อ แลแค ซีหมิ เต๊เห่.#มัทธิว ๒๕:๑-๑๓ 36เม แลแค ฮู๊ หี่แบ่เจ่ โอ่ เด๊อ ป่วย พย๊าพู๊พย๊าเม กา เร๊อ อาหลู่เล๊ เต๊เห่ โอ่ป่อฉื่อเกอเร๊อ ลูเนอ. เบ๊อะอา กา ด่อโน กู่ดา เบ๊อะเนอ, อาหลู่เล๊ เต๊เห่ บ๊าโม เป่ ลู กู่ดา โตโพ๊โต.#มาระโก ๑๓:๓๔-๓๖ 37หลู่ เด๊อ อาแบ่เจ่ กาแม๊เถอะ เหย่ซี เร๊อ อา โอ่ส่าเซ, อา โอ่ตี๊หรี่แตเร หนื่ออื่อ แลแค อาเหน่ เต๊เห่เนอ, อา พย๊าหนิ แลแค เตบุ๊ยเตเตอเรอ. แว เฮ๊ หม่าแหน่ เจ๊อ ซี, แบ่เจ่ เออเตเพรเนอ อา เก่ กือแถ่แซ๊แถ่ เพรเมเออเนอ อาเห่อจา เร๊อ อา เก่ นอโอ่แนโอ่ เหย่ซี แซ่เร๊อ ซิเผระ เต๊เห่เนอ ปา, เร๊อ อา เก่ โบ่เอ่โบ่โอ่ เหย่ซี ปา. 38อา เก่ กา เด๊อ เหมาะเนเค เบ่เบ่, หม่าโต่เรอ เด๊อ เหมาะลีโรมื่อ อู โอ่เมอปา เบ๊อะเนอ เบ่เบ่, อา เก่ กาแม๊เถอะ เร๊อ เหย่ซี โอ่เซเร หนื่ออื่อ อาเหน่ เฮ๊เนอหม่า, เหย่ซี เก่ พย๊าหนิ แหน่ เจ๊อ เตบุ๊ย เต เตอเรอปา. 39หม่าแน๊เรอ ซิเงแถ่เบ่ แลแค แว เก่ เฮ๊ เป่ ซี เออเนอ นี๋. หี่แบ่เจ่ เก่ ซิเง เร๊อ เพรเอ่โห่ เตเร แฮ เบ๊อะเฮ๊เนอหม่า อา เก่ โอ่ป่อฉื่อ เร๊อ เพรเอ่โห่ แฮโนบื่อ โต่.#มัทธิว ๒๔:๔๓-๔๔ 40เร๊อ ซี เออเต๊เห่เนอ เบ่เบ่, โอ่เซเร หนื่ออื่อ เกอ แลแค ซีเหน่ นี๋, เมเตเฮ๊เรอ เบ๊อะซี เตเนเต่อ โต่ ปาเนอ, แกแย อาพู๊ หม่าเฮ๊อ แวเออ เก่ แฮ ปา.”
หลู่เล๊ เด๊อ อา ซิปล่อจ๊อ เร๊อ หลู่เล๊ เด๊อ อาซิปล่อ ตากา
41คูเปโตร เฮ๊ เน๊อ, “แบ่เจ๋ เน เฮ๊ โหง่ค๊าโข่ เออเนอหมา เด๊อ เปเง แอ? หม่าโต่หม่า, แกแย ปว๋า เตเพร อาเง แอ?”
42แบ่เจ่ เหย่ซู่ เฮ๊ฉื่อ ลู เน๊อ, “ฮู๊เนอเรอ, อา ทวา หลู่เล๊กู่กล๊อ เด๊อ อาจ๊อ เร๊อ อา โอ่ เร๊อ เตลีแม เตเพรหม่า อูเป? หลู่เล๊กู่กล๊อ เด๊อ อาจ๊อ เออเตเพร เนอหม่า หม่าเฮ๊อ อาแบ่เจ่ เด๊อะตา ลอ อาหลู่เล๊ เด๊อ อาโรเต๊เห่ เด๊อ ลู กู๊ยากู เนอเตเพร เฮ๊อ. เร๊อ อา เก่ นอแม๊นอตู่หนิ ลู เร๊อ เหย่ซี, เร๊อ อา เก่ เด๊อะเอ่โตเด๊อะโอเบ่ เป่ อู เบ๊อะโตโพ๊ เร๊อ โตโพ๊ เนอเตเพร ปา หม่าโต่ แอ? 43อาแบ่เจ่ เก่ กาแม๊เถอะ เร๊อ อา หลู่กู่กล๊อ เออเตเพร อา แรเต เก่เฮ๊เรอ อา เก่ เด๊อ ลู แรเตหนิคว๊าเก่ ปา. 44แว เฮ๊จ๊อจ๋อ เจ๊อ ซี, แบ่เจ่ เออเตเพร อา ตาหมื่อตาเต ล๋อ ปลีเนอ อา เก่ เด๊อะตาลอ เด๊อ ลู กู๊ยากู ปา เร๊อ อา เก่ นอแม๊นอตู่ หนิ เร๊อ ลู ปา. 45หม่าแน๊เรอ หลู่กู่กล๊อ เออเตเพร เก่ เฮ๊ เกอเร๊อ อาเหน่ เน๊อ, ‘พื๋อ เร๊อ แวแบ่เจ่ กาคยาหม่า อา งย๋า ลา ปา เกอเหล่,’ อา เฮ๊ เร๊อ อามืออาปอหนิ หลู่ เพรเหมาะเพรคู เต๊เห่, โทเร๊อ อา เอ่มือโอแพร๊. 46เร๊อ ม๊อเนอม๊อเซ โตเบ๊อะอา เตเน เต่อโต่ เร๊อ อาเอ่โอ โชตาปา เบ๊อะเนอ, อา แบ่เจ่ เก่ กาคยาโต เบ๊อะเนอ เตอเนอ ปา. อาแบ่เจ่ เก่ เมจากาคยา ลู ปา เร๊อ อา เก่ แด่โน เต่อแก ลู เร๊อ แกแย เด๊อ อา หยื่อเอ่ เกออู จอแปแหร่ โต่ เนอเต๊เห่ ปา.
47“หลู่ กู่กล๊อ เด๊อ อา ซิเงเฮ๊อ อาแบ่เจ่ อา เตซิหยื่อ ตื๊อดื่อเรอ อา เก่ โอ่ เซเร หนื่ออื่อ อาเหน่ โต่, โท๊โต่ อา เก่ เมฮู๊ อาแบ่เจ่ อา เตซิหยื่อเนอ โต่ เฮ๊เนอ, อาแบ่เจ่ เก่ เมจากาคยา แหน่เจ๊อ ลู ปา. 48หม่าแน๊เรอ หลู่ กู่กล๊อ เด๊อ อา ซิเง อาแบ่เจ่ อา เตซิหยื่อ โต่ เตเพร เนอ, อา เก่ เมซื๊อ เต๊อเจ่อเจ่อ เด๊อ อา โตเบ่ ปลี๊ ลู เฮ๊เนอ, อาแบ่เจ่ เก่ เมจากาคยา ปลี๊เช หย่าเข่เล๊อ ลู ปา. แกแย เด๊อ อา พย๊าหนิ เอ๊ เตลีแมลีเพ๊ เตเพรเพรเนอ, จอแปแหร่ แม๊ชือหนิ ลู เด๊อ อา เก่ เบ่เม เอ๊เล๊อ เร๊อ อู. แกแย เด๊อ จอแปแหร่ หยื่อเอ่หนิ ลู เร๊อ อา เด๊อ เอ๊เล๊อ ลู เตเพรเนอ, จอแปแหร่ กุย เอ๊เล๊อ ลู ปา.
เหย่ซู่ เด๊อะโอ่ ทวาแถ่ เตลูโพร๊ลูแพร
(มัทธิว ๑๐:๓๔-๓๖)
49“แว พย๊าแฮ เตจาเตจือ ตื๊อดื่อ เด๊อ อา แก แซ่ เร๊อ หมิ เด๊อเห่ขุเออ เฮ๊อ. แว ซิหยื่อ นออือแถ่ ลอ เฮ๊อ ลู. 50หม่าแน๊เรอ เตเจเทอ เด๊อ แว โหล่ เจ เนอ อา โอ่ปา เต๊อเจ่อ. เตเม เออเต๊อเจอะ เก่ โทตาลว๊า ล๋ายโต่ เร๊อ แว ซิปล่อ เบ่กู่เบ่แก แหน่เจ๊อ.#มาระโก ๑๐:๓๘ 51หม่า ซี เตเน เร๊อ แว พย๊าแฮ เตเปเตดวา เด๊อ เห่ขุ เออเนอ แอ? แว เฮ๊ ซี๋, แว พย๊าแฮ เตเปเตดวา หม่าโต่. แว แฮแหล่ เมโพร๊เมแพร เต แพ๊. 52เป๊อแถ่ กู๊แหน่เออ ตาเป่แฮ เนอ, แกแย โต๊โหมะ เร๊อ อา เก่ โอ่ ซิแง เฮ๊เรอ ซิโซ เร๊อ อา เก่ โอ่ ตากยา ปา, เด๊อ เออ ซิเนอ เร๊อ อา เก่ โอ่ ตากยา ปา, เร๊อ เหย่ซี เนอ เหย่ซี เก่ ซิเถ่ซิฮา เกอเร๊อ คยาแซ๊ดื่อ ลู ปา. 53เหย่ซี เร๊อ เหย่ซี เก่ ลูโพร๊ลูแพร ลอ ลู ปา. เพ เต๊เห่ เก่ ซิเถ่ เกอเร๊อ อา พู๊เพรคู เต๊เห่ ปา, เร๊อ พู๊เพรคู เต๊เห่ เก่ ซิเถ่ เกอเร๊อ อาเพ เต๊เห่ ปา. โหมะ เต๊เห่ อา ซิเถ่ เกอเร๊อ พู๊เหมาะ เต๊เห่ ปา, เร๊อ พู๊เหมาะ เต๊เห่ อา ซิเถ่ เกอเร๊อ อาโหมะ เต๊เห่ ปา, เผร่เพรเหมาะ เต๊เห่ อา ซิเถ่ เกอเร๊อ อาแด่ เต๊เห่ ปา, เร๊อ อาแด่ เต๊เห่ อา ซิเถ่ เกอเร๊อ อา เผระเพรเหมาะ เต๊เห่ ปา.”#มีคาห์ ๗:๖
ซิเง ตาโตตาเบ่
(มัทธิว ๑๖:๒-๓, ๕:๒๕-๒๖)
54เหย่ซู่ เฮ๊ เป่ แกแย เบ๊หมู่ เต๊เห่ เน๊อ, “เบ๊อะซี แม๊เถอะ อ๊อโหล่เต๊เห่ แถ่ เด๊อ ชี๊โน ตากยา เบ๊อะเนอ, โตโพ๊โต ซี เฮ๊ ดื่อ เน๊อ, ‘เก่ เตเร จือ เฮ๊อ,’ เร๊อ เก๊จือ หม่าแหน่ เจ๊อ. 55เร๊อ เบ๊อะเก่แลเซ๊ แฮ เด๊อ ชี๊แล ตากยา เบ๊อะเนอ, ซี เฮ๊ เน๊อ, ‘เก๊กู่ เฮ๊อ ปา,’ เร๊อ เก๊กู่ หม่าแหน่ เจ๊อ. 56เพรจ่าจ๊อจ่าเต บย่าแพ๊ อาเหน่ ซิ, ซี๋ แม๊ เห่ขุ เร๊อ ม๊อเล เร๊อ เต เก่ ทวาแถ่ ฮู๊เต ปาเนอ ซี แม๊ลว๊า ซิเงหนื่อื่อ เหร่อ เจ๊อ ตื๊อดื่อเรอ จอแปแหร่ เมทวาแถ่ เต กู๊แหน่เออ เต๊เห่ อาโหง่แลช๊าเนอ, ซี แม๊ลว๊า ซิเงหนื่อื่อ เหร่อ แจ่โต่ เมเต?
เมโครเมโม เกอ เร๊อ เพร เด๊อ อา ซิเถ่ เน เต๊เห่
57“เต เด๊อ อา โตเม เร๊อ อา โตเมโต่ เนอ, ซี เบ่ แด๊เฮอ เกอเร๊อดื่อ ซี ซิปล่อ. 58เบ๊อะแกแย เด๊อ อา ซิเถ่ เน เตเพร เอ๊แถ่ เน เด๊อ โป่ก๊าหี่ เบ๊อะเนอ, จ่าเพรอแอ๊จื๊อ เมโครเมโม เหล่แพรมอลู เด๊อ แกล๊ลูเนอ. ปาหม่า อา เก่ เอ๊แถ่ เน เด๊อ โป่ก๊าหี่ เร๊อ เพรเฮ๊เบ่เมโตเต เก่ เด๊อะตา แฮเง เน เด๊อเพรแรเต อา กู๊ยากู ปา เร๊อ อา เก่ ด๊อโนแก เน เด๊อ ทอกู ปา. 59แว เฮ๊ ซี๋, เน เก่ ปล๊าลอเบ๊ เนฉู่ เออเนอ โต่ เฮ๊เนอหม่า, เน เถ่เบ๊ โต่.”
Currently Selected:
ลูกา 12: EKTNTGEN
Highlight
Share
Copy
Want to have your highlights saved across all your devices? Sign up or sign in
Wycliffe USA
ลูกา 12
12
เตเด๊อะรอ แกแย จ่าจ๊อจ่าเต บย่าแพ๊อาเหน่ เต๊เห่ อาหรี่อาแก
1เบ๊อะเนอเค แกแย เบ๊หมู่ เด๊อ อารี๊กู แฮ โอ่ปล๊อโอ่ปลู บาตีปี๊ ลอ เจ๊อ, อาโต่ เจ๊อ เด๊อ เตเพร เร๊อ เตเพร หยิเบ่ คยา เจ๊อ ลู เบ๊อะเนอ, เหย่ซู่ เฮ๊โฉ่หนื่ออื่อ อา โคเจ่ เต๊เห่ เน๊อ, “รอหนิ แลแค ซีเหน่ เร๊อ ฟาริสี เต๊เห่ อาโฮหมื่อกลุย เด๊อ เหย่ซี จ่าจ๊อจ่าเต บย่าแพ๊ อาเหน่ เนอเต๊เห่ อาหรี่อาแก.#มัทธิว ๑๖:๖, มาระโก ๘:๑๕ 2ล๋อ เต ด๊อโอ๊ด๊อบี๊ เต๊เห่เนอ, จอแปแหร่โบ๊โมเถ่ โลลอ อา ปา, เร๊อ ล๋อ เตเมโห่เมเซ๊ เต๊เห่เนอ, จอแปแหร่ อา เมเถ่โลลอ อา ปา.#มาระโก ๔:๒๒, ลูกา ๘:๑๗ 3ฮู๊เนอ อาขว่าอาคยา โหง่ เด๊อ เน เฮ๊เบ่ เด๊อ เหมาะคี๊ เต๊เห่เนอ, อู เก่ หนิโฮเกอลาติอา เด๊อ เหมาะเชเกล ปา. โทเร๊อ โหง่ เด๊อ เน เฮ๊เบ่โห่เฮ๊เบ่เซ๊ อา เด๊อ หี่ด๊อกู เต๊เห่เนอ, อู เก่ แถ่ เอ๊โทโล อา เด๊อ หี่ขุกู๊โก่ ปา.
แกแย เด๊อ เป โตเบ่ ซิอิเช อา
(มัทธิว ๑๐:๒๘-๓๑)
4“แว โคแบ๊ซว๊า ซี๋, แว เฮ๊ ซี, แกแย เด๊อ อา เมเซอ แจ่ ซี เหน่กล่อ ตื๊อดื่อเรอ เด๊อเงเนอ, อา เมจาเมจือ แจ่ ปา ซี โต่ เต๊เห่เนอ, ซิอิเช แต่ อา แต่เหม่. 5ซี โตเบ่ ซิอิเช อูเป เนอ, แว เก่ เด๊อะโล เหร่อเป่ ซี. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ช๊าเนอปา ปาเนออาโอ่เต่อ เร๊อ อา เตโพรเตเตอเรอ เด๊อ อา เก่ วีตา ซี เด๊อ หง่าหร่าปอรากยากู ปา เออเนอ เตเพร นี๋. แว เก่ เฮ๊ โป่ คยาแซ๊ ซี เร๊อ ซิอิเช แลแค อา นี๋. 6ถู่เผระฮู๊ แงเบ่เนอ อู อิเช แพ๊ ลู เร๊อ รือหย่า เนอเม๊ แพ๊ แวเฮ๊? หม่าแน๊เรอ จอแปแหร่ โซตาปา เหย่ซี เตเบ๋ โต่. 7ล๋อ ซี กู๊โล เด๊อ ซี กู่กล๊อลู เนอเต๊เห่ เจ๊อเรอ, จอแปแหร่ แด๊เบ่ หนื่ออื่อ โทลอปลี เจ๊อเฮ๊อ. ซิอิเช แต่เหม่! ซี งูดุ งูชอ เล๊อ เจ๊อ เร๊อ ถู่เพร่ฮู๊ เนอ ตูปลูเต๊เผ่ เจ๊อ.
เตอ๊อแล พย๊าฉื่อ เร๊อ ฉู่โม๊แก แบ่เจ่ครี๊
(มัทธิว ๑๐:๓๒-๓๓, ๑๒:๓๒, ๑๐:๑๙-๒๐)
8“แว เฮ๊ ซี, อูเปเป๋ เบ่เบ่ อา เก่ อ๊อแล เด๊อ เหย่ซู่ครี๊ หม่า แว แบ่เจ่ เด๊อ แกแย โอ่โร๊ อา เป๊เส่เง เฮ๊เนอ, แกแยพู๊คู หม่าเฮ๊อ แวเออ, แว เก่ อ๊อแลเกอดื่อ อา ฮู๊เนอเด๊อ จอแปแหร่ อา เตเน่วม๊อขุ เต๊เห่ อา เป๊เส่เง ปา. 9หม่าแน๊เรอ อูเปเป๋ เบ่เบ่ อา เก่ โชโม๊บิแก แว เร๊อ อา หยื่อเอ่ แว โต่ เด๊อ แกแย โอ่โร๊ อา เป๊เส่เง เฮ๊เนอ, แกแยพู๊คู หม่าเฮ๊อ แวเออ, แว เก่ โชโม๊บิแก เกอ อา เด๊อ จอแปแหร่ อา เตเน่วม๊อขุ เต๊เห่ อา เป๊เส่เง ปา. 10ล๋อ แกแย เด๊อ อา เฮ๊ซื๊อ แกแยพู๊คู หม่าเฮ๊อ แว เออเนอ, จอแปแหร่ เก่ ปลวาแก ลูเตซื๊อ แพ๊. หม่าแน๊เรอ แกแย เด๊อ อา เฮ๊ซื๊อ แหย่โยบูโพ๊แบ่เจ่ เนอ, จอแปแหร่ ปลวาแก แจ่ ปา เหย่ซี เตซื๊อ โต่.#มัทธิว ๑๒:๓๒, มาระโก ๓:๒๙
11“ช๋า อู ปื่อซูจว๊า ซี เด๊อ เตจ๊อเบโฮกู ปา เบ๊อะเนอ เบ่เบ่, เด๊อ คุ๊ยดุ เต๊เห่ อาเป๊เส่เง ปาเนอ เบ่เบ่, เร๊อ เด๊อ เพรเป๊อเทอเป๊อเก่ เต๊เห่ อา เป๊เส่เง อาเบ๊อะเนอปาเนอ ปาเบ่เบ่, เน โตเบ่ เฮ๊เบ่ เตเกบี๊ เกอเร๊อ เนเหน่ ฮู๊เต เร๊อ เน โตเบ่ เฮ๊ฉื่อ ฮู๊เตเนอ เบ่กู่เบ่แก แต่เหม่ นี๋.#มัทธิว ๑๐:๑๙-๒๐, มาระโก ๑๓:๑๑, ลูกา ๒๑:๑๔-๑๕ 12เมเตเฮ๊เรอ ช๋า เน โต เฮ๊เบ่เฮ๊อ เบ๊อะปาเนอ, แหย่โยบูโพ๊แบ่เจ่ เก่ อิซว๊าตา ดื่อ เน เร๊อ เน โตเบ่ เฮ๊เบ่ ฮู๊เต ปา เนอ ปา.”
เตเฮ๊เบ่ค๊าโข่ แกแยดุแย เด๊อ อาซิปล่อ ลีแม เกออู โต่ เตเพร
13เด๊อ แกแย โอ่โร๊ อาเกล เตเพรเนอ อา เฮ๊ แบ่เจ่ เหย่ซู่ เน๊อ, “ซ๊าร๋า เฮ๊ เป่เกอ แว แหม่เพรคู เร๊อ อา เก่ เบ เป่เกอ แว อู่เจเต๊เหย่ เด๊อ เปเพ แด่แก เป่ เปเนอ เต๊เห่.”
14เร๊อ เหย่ซู่ เฮ๊ฉื่อ อา เน๊อ, “หม่า อูเป แด่แถ่ แว เร๊อ แว ทวา เป่ ซี เพรเฮ๊เบ่เมโตเต, หม่าโต่เรอ เพร เฮ๊เบ่ เป่ ซี อู่เจเต๊เหย่ เด๊อ ซี ซิเนอ อาเปล่กู เนอ เป.” 15โทเร๊อ อา เฮ๊ โป่ เหย่ซี เน๊อ, “โอ่รอโอ่เร แลแค, จว๊าวอ เควอแก แลแค เตแม๊ปู กู๊หว่ากู๊เวเอ่ #12:15 แกแย เต๊เห่เห่ เร๊อ อา เฮ๊ เร๊อ “ลอพา,” แซ่เน๊อ แมโหง่ เนอ หม่าโต่เรอ “ซิหยื่อซิลอ อูเต” เกอเร๊อ ดื่อเง เนอเต๊เห่ นี๋, เมเตเฮ๊เรอ แกแย เตเพรเนอ, อา ดุแหย่แถ่เซ เจ๊อบ๋า เต๋ เบ่เบ่, อา เตดุแหย่แถ่เซ เออเนอ อา เมแร๊ จว่าแจ่ ลู เตโอ่เซอเพร เตอเจ๋อ โต่.”
16โทเร๊อ เหย่ซู่ เฮ๊ เหย่ซี เร๊อ โหง่ค๊าโข่ ตือมื๊อ, “เบ๊อะโต่โพ๊เนอ แกแย ดุแหย่แถ่เซ โอ่ เตเพร, เร๊อ อา โอ่ เกอเร๊อ เน๊อ อาหี่อาเพร๊ เต๊เหล่ เร๊อ อา เตเหมาะเตโบ เต๊เห่เนอ, อา เส่ตว่าเส่แร๊ แหน่เจ๊อ. 17เร๊อ อา เตเนเกอเร๊ออาเหน่ เร๊อ แวเหล่แด่ปล๊อ ส่อเส่เหว่โพ, แวโบ๊แวโฮ เออเต๊เห่ อาเหล่โอ่เหล่แบ่ อาโอ่ปาโต่เฮ๊อ. เร๊อแวเบ่เมฮู๊เต.
18“เออโตโพ๊เรอ อา เฮ๊ เน๊อ, ‘แว เก่ เมพู๊เออ ปา เฮ๊เนอ, แว เก่ เมโพร๊แก แว แจ เออเต๊เห่ เร๊อ แว เก่ ช๊อแถ่ดุ ช๊อแถ่แหล่ เต๊เปล่ เล๊อ เร๊อ อาเลอเออเต๊เห่, เร๊อ แว อา กลอปล๊อแด่ปล๊อ ลอ เร๊อ แว ส่อเส่เหว่โพ, แวโบ๊แวโฮ เร๊อ แว ตาหมื่อตาเต เต๊เห่ เบ๊อะเนอ ปา เฮ๊หนิ. 19โทเร๊อ แว เก่ เฮ๊ เกอเร๊อ แวเหน่ เน๊อ, “เพบุ๊ยแร๊, เน แด่โอ่ปล๊อ ลอ เฮ๊อ เตปว๋า เต๊อเจ่อ เด๊อ เน เก่ เอ่โอหนิ งยา เกอเร๊อ เจ๊อ อา เอ๊หน่าเอ๊เล เจ๊อ ปา. โอ่เมอเร๊อ เอ่ มอ, เอ่ก๊อโอบา มอ, เอ่โมโอเจ่ มอ.”’
20“หม่าแน๊เรอ จอแปแหร่ เฮ๊ ลู เน๊อ, ‘เพโอ่เล๊อโอ่กลอ, เออเตเซ ปา หม่า แว เก่ พย๊าเถ่แก เฮ๊อ เน ซิปล่อเซอเพร ปา. ฮู๊เนอเรอ ล๋อ เต เด๊อ เน แด่ปล๊อ หนื่ออื่อ เด๊อ เนเง เออเต๊เห่เนอ อูเป เตเพร อา พย๊าหนิ ปา เป?’”
21เร๊อ เหย่ซู่ เฮ๊ เน๊อ, “แกแย เตเพร เพร เด๊อ อา แด่ปล๊อ เกอเร๊อดื่อ อา เตดุแหย่แถ่เซ เด๊อ อาเง, หม่าแน๊เรอ เด๊อ จอแปแหร่ อา เป๊เส่เงเนอ, อา เก่ โซพ๊าโซแร เฮ๊เนอ อา เก่ ทวาแถ่ แซ่แกแยดุแย่ เออตเพร ปา.”
เตหยื่อเอ่ จอแปแหร่
(มัทธิว ๖:๒๕-๓๔)
22โทเรอ เหย่ซู่ เฮ๊ อา โคเจ่ เต๊เห่ เน๊อ, “ฮู๊เนอ อาขว่าอาคยา แว เฮ๊ ซี, เบ่กู่เบ่แก เต เด๊อ ซี เตโอ่เซอเพร อาเงเนอ แต่เหม่. ซี โหล่เอ่โหล่โอ อาเง เบ่เบ่, ซี โหล่กือโหล่แซ๊ บี๊เร๊อ ซี เหน่กล่อ อาเง เบ่เบ่, เบ่กู่เบ่แก แต่ แลแค แต่เหม่ นี๋. 23เมเตเฮ๊เรอ ซี เตโอ่เซอเพร เนอ อา โหล่ดุเล๊อเล๊อ ปา เจ๊อ เร๊อ ซี เหล่เอ่เหล่โอ เจ๊อ, เร๊อ ซี เหน่กล่อ เออเนอ อา โหล่ดุเล๊อเล๊อ ปา เจ๊อ เร๊อ ซี เหล่กือเหล่แซ๊ เต๊เห่ เจ๊อ. 24เตเนแม๊ แลแค จ๊อเหว่ เต๊เห่เนอ, เหย่ซี อาโหล่อาช๊อ เกออู เตกลุยเตลุ๊ย โต่, อา เก๊ปล๊อแด่ดว๊า เกออู เตเส่เตโพ โต่โต่. อา เหล่แด่ปล๊อ เหล่เอ่เหล่โอ เหล่โอ่ โอ่ เกออู โต่โต่, อา เหล่แด่ปล๊อ โบ๊แจ โอ่ เกออู โต่โต่. ตื๊อดื่อเรอ จอแปแหร่ โบ่เอ่โบ่โอ่ เหย่ซี. ฮู๊เนอเรอ, ซี เออเต๊เห่เนอ, ซี งูดุงูชอ เล๊อเล๊อ เจ๊อ. เร๊อ ถู เออเต๊เห่ เจ๊อ. 25เด๊อ ซีเตเนกู่แก อาขว่าอาคยาเร๊อ, ซี จุ่ยทูแฮ เอ๊แถ่ แจ่ เล๊อเล๊อ โป่ ซี ม๊อเนอม๊อเซ ตี๊กิ แพ๊ เนอ อา โอ่ เตเพร่ว โต่. 26จุ่ยทูแฮ โป่ ม๊อเนอ ฮู๊เออ ตี๊กิ แพ๊ เนอ, ซี เก่ เมแจ่โต่ เฮ๊เนอ ซี จ๊าเตเนกู่แก โต่ เต เด๊อ อาโร เต๊เห่ เมเต?
27“เตโพเตกี เนอเต๊เห่ อา เพ๊แถ่โพแถ่ แลแค ฮู๊เตเนอ, เตเน แม๊มอ แลแค. เหย่ซี เอ่แร เกออู เตอเจ๋อ โต่, อา อิฮี๊ เกออู แตแพ๊ โต่ ตื๊อดื่อเรอ แว เฮ๊ ซี๋, คุ๊ยซาโลมอน เด๊อ อา โอ่ เจ๊อ เร๊อ อา เตดุแหย่แถ่เซ ล๋อ ปลี เจ๊อ เออเตเพรเนอ, อา เห่อจ่า เด๊อ อาตว่า ครือแนเล๊ เร๊อ เตโพ เนอโตโพ แพ๊เนอ อา โอ่ ตือปื๋อ โต่.#คุ๊ย อาเหร่อเล๊อ ต๊าบ่า ๑๐:๔-๗, ราม๊าราแด เนอบ่า ต๊าบ่า ๙:๓-๖ 28เก๋อ แกแย เตหยื่อปีตี๊ ซี๋, มี ออ เหมาะ เต๊เห่เนอ, เออเตอเนอ อา โอ่ แลแค เด๊อ ตอกูเนอ, ช๊าป่าโรปา อู ชื๊อโน๊แก อา เด๊อ หมิกู แพ๊ ตื๊อดื่อเรอ จอแปแหร่ เด๊อะกือเด๊อะแซ๊ อา เก่เฮ๊เรอ อา เก่ เด๊อะกือเด๊อะแซ๊ แร๊ เล๊อเล๊อ ปา เจ๊อ ซี เร๊อ เนอ ปา. 29ฮู๊เนอ อาขว่าอาคยา, ซีเตเนเบ่กู่เบ่แก เบ่ยอเบ่สี่ แต่ แลแค แต่เหม่. โต เอ่แคร๊ ปา อิเต, โต โอแคร๊ ปา อิเตเนอ, เตเน แต่ แลแค แต่เหม่ นี๋. 30เมเตเฮ๊เรอ, แกแย เด๊อ อา หยื่อเอ่แหน่ เกออู จอแปแหร่ โต่ เต๊เห่เนอ, อากู่อาแก, อา แม๊ปูแม๊แหว่ แลแค ฮู๊เนอเฮ๊อ. เต เด๊อ ซี โหล่ เต๊เห่เนอ ซี เพ ซิเงดื่อ เฮ๊อ. 31เบ่ยอเบ่สี่ แต่ แลแค ฮู๊เนอ แต่เหม่! แม๊ปู แลแค เต เด๊อ อา โหล่ดุ เด๊อ จอแปแหร่ อาเทออาเก่กู เนอเต๊เห่ เร๊อ ล๋อ เตเด๊อ ซี โหล่ เออเต๊เห่เนอ, จอแปแหร่ อา เด๊อ เกอโป่ดื่อ ซี ปา.
เตดุแหย่แถ่เซ เด๊อ ม๊อขุ
(มัทธิว ๖:๑๙-๒๑)
32“เก๋อ ซิหมิ#12:32 ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ. 33อิเชแก ซี ตาหมื่อตาเต เต๊เห่ เร๊อ เด๊อะหลู่ เร๊อ แกแย โซพ๊าโซแรพู๊ เนอเต๊เห่. ซี เก่ เมฮู๊เนอ เฮ๊เรอ ซี แด่โน โอ่ปล๊อ แลแค เฮ๊อ ซี เตดุแหย่แถ่เซ เด๊อ รือปยา เด๊อ อา แลยา เป่โต่ เออเนอเต๊เห่ อากู เฮ๊อ. เด๊อ ซี เด๊อ แกแย โซพ๊าโซแรพู๊ เต๊เห่ ฮู๊เนอ ขว่าคยา, อา เก่ ทวาแถ่ เป่ ซี เตดุแหย่แถ่เซ เด๊อ ม๊อขุ ปา. ซี เก่ แด่โอ่ปล๊อ เด๊อ ม๊อขุ เฮ๊เนอหม่า, ซี เตดุแหย่แถ่เซ เออเต๊เห่เนอ อา ยว๊ากาแล โตแจ่ โตโพ๋ โต่, เพรเอ่โห่เอ่ฮี๊ เต๊เห่ เอ่โห่แจ่โต่, อาเขร่อาโถ่ เมปย๊า แจ่ โต่ อาขว่าอาคยา, แด่โอ่ปล๊อ แลแค เด๊อ ม๊อขุเนอ. 34เมเตเฮ๊เรอ, ซี เตดุแหย่แถ่เซ โอ่เบ๊อะโต๊โผ่เนอ, ซี ซิปล่อ โอ่เต่อเกอ เบ๊อะเนอ.
หลู่เล๊ เด๊อ อา ส่าเซ เต๊เห่
(มัทธิว ๒๔:๔๕-๕๑)
35“โอ่ตี๊หรี่แตเร หนื่ออื่อ แลแค ซีเหน่ เด๊อ ซี เก่แรเต อาเง, เร๊อ แรแถ่ หนื่ออื่อ แลแค ซีฮ๊อท๊อ, ส่าเซ เร๊อ ชีลี หนื่ออื่อ แลแค ซีหมิ เต๊เห่.#มัทธิว ๒๕:๑-๑๓ 36เม แลแค ฮู๊ หี่แบ่เจ่ โอ่ เด๊อ ป่วย พย๊าพู๊พย๊าเม กา เร๊อ อาหลู่เล๊ เต๊เห่ โอ่ป่อฉื่อเกอเร๊อ ลูเนอ. เบ๊อะอา กา ด่อโน กู่ดา เบ๊อะเนอ, อาหลู่เล๊ เต๊เห่ บ๊าโม เป่ ลู กู่ดา โตโพ๊โต.#มาระโก ๑๓:๓๔-๓๖ 37หลู่ เด๊อ อาแบ่เจ่ กาแม๊เถอะ เหย่ซี เร๊อ อา โอ่ส่าเซ, อา โอ่ตี๊หรี่แตเร หนื่ออื่อ แลแค อาเหน่ เต๊เห่เนอ, อา พย๊าหนิ แลแค เตบุ๊ยเตเตอเรอ. แว เฮ๊ หม่าแหน่ เจ๊อ ซี, แบ่เจ่ เออเตเพรเนอ อา เก่ กือแถ่แซ๊แถ่ เพรเมเออเนอ อาเห่อจา เร๊อ อา เก่ นอโอ่แนโอ่ เหย่ซี แซ่เร๊อ ซิเผระ เต๊เห่เนอ ปา, เร๊อ อา เก่ โบ่เอ่โบ่โอ่ เหย่ซี ปา. 38อา เก่ กา เด๊อ เหมาะเนเค เบ่เบ่, หม่าโต่เรอ เด๊อ เหมาะลีโรมื่อ อู โอ่เมอปา เบ๊อะเนอ เบ่เบ่, อา เก่ กาแม๊เถอะ เร๊อ เหย่ซี โอ่เซเร หนื่ออื่อ อาเหน่ เฮ๊เนอหม่า, เหย่ซี เก่ พย๊าหนิ แหน่ เจ๊อ เตบุ๊ย เต เตอเรอปา. 39หม่าแน๊เรอ ซิเงแถ่เบ่ แลแค แว เก่ เฮ๊ เป่ ซี เออเนอ นี๋. หี่แบ่เจ่ เก่ ซิเง เร๊อ เพรเอ่โห่ เตเร แฮ เบ๊อะเฮ๊เนอหม่า อา เก่ โอ่ป่อฉื่อ เร๊อ เพรเอ่โห่ แฮโนบื่อ โต่.#มัทธิว ๒๔:๔๓-๔๔ 40เร๊อ ซี เออเต๊เห่เนอ เบ่เบ่, โอ่เซเร หนื่ออื่อ เกอ แลแค ซีเหน่ นี๋, เมเตเฮ๊เรอ เบ๊อะซี เตเนเต่อ โต่ ปาเนอ, แกแย อาพู๊ หม่าเฮ๊อ แวเออ เก่ แฮ ปา.”
หลู่เล๊ เด๊อ อา ซิปล่อจ๊อ เร๊อ หลู่เล๊ เด๊อ อาซิปล่อ ตากา
41คูเปโตร เฮ๊ เน๊อ, “แบ่เจ๋ เน เฮ๊ โหง่ค๊าโข่ เออเนอหมา เด๊อ เปเง แอ? หม่าโต่หม่า, แกแย ปว๋า เตเพร อาเง แอ?”
42แบ่เจ่ เหย่ซู่ เฮ๊ฉื่อ ลู เน๊อ, “ฮู๊เนอเรอ, อา ทวา หลู่เล๊กู่กล๊อ เด๊อ อาจ๊อ เร๊อ อา โอ่ เร๊อ เตลีแม เตเพรหม่า อูเป? หลู่เล๊กู่กล๊อ เด๊อ อาจ๊อ เออเตเพร เนอหม่า หม่าเฮ๊อ อาแบ่เจ่ เด๊อะตา ลอ อาหลู่เล๊ เด๊อ อาโรเต๊เห่ เด๊อ ลู กู๊ยากู เนอเตเพร เฮ๊อ. เร๊อ อา เก่ นอแม๊นอตู่หนิ ลู เร๊อ เหย่ซี, เร๊อ อา เก่ เด๊อะเอ่โตเด๊อะโอเบ่ เป่ อู เบ๊อะโตโพ๊ เร๊อ โตโพ๊ เนอเตเพร ปา หม่าโต่ แอ? 43อาแบ่เจ่ เก่ กาแม๊เถอะ เร๊อ อา หลู่กู่กล๊อ เออเตเพร อา แรเต เก่เฮ๊เรอ อา เก่ เด๊อ ลู แรเตหนิคว๊าเก่ ปา. 44แว เฮ๊จ๊อจ๋อ เจ๊อ ซี, แบ่เจ่ เออเตเพร อา ตาหมื่อตาเต ล๋อ ปลีเนอ อา เก่ เด๊อะตาลอ เด๊อ ลู กู๊ยากู ปา เร๊อ อา เก่ นอแม๊นอตู่ หนิ เร๊อ ลู ปา. 45หม่าแน๊เรอ หลู่กู่กล๊อ เออเตเพร เก่ เฮ๊ เกอเร๊อ อาเหน่ เน๊อ, ‘พื๋อ เร๊อ แวแบ่เจ่ กาคยาหม่า อา งย๋า ลา ปา เกอเหล่,’ อา เฮ๊ เร๊อ อามืออาปอหนิ หลู่ เพรเหมาะเพรคู เต๊เห่, โทเร๊อ อา เอ่มือโอแพร๊. 46เร๊อ ม๊อเนอม๊อเซ โตเบ๊อะอา เตเน เต่อโต่ เร๊อ อาเอ่โอ โชตาปา เบ๊อะเนอ, อา แบ่เจ่ เก่ กาคยาโต เบ๊อะเนอ เตอเนอ ปา. อาแบ่เจ่ เก่ เมจากาคยา ลู ปา เร๊อ อา เก่ แด่โน เต่อแก ลู เร๊อ แกแย เด๊อ อา หยื่อเอ่ เกออู จอแปแหร่ โต่ เนอเต๊เห่ ปา.
47“หลู่ กู่กล๊อ เด๊อ อา ซิเงเฮ๊อ อาแบ่เจ่ อา เตซิหยื่อ ตื๊อดื่อเรอ อา เก่ โอ่ เซเร หนื่ออื่อ อาเหน่ โต่, โท๊โต่ อา เก่ เมฮู๊ อาแบ่เจ่ อา เตซิหยื่อเนอ โต่ เฮ๊เนอ, อาแบ่เจ่ เก่ เมจากาคยา แหน่เจ๊อ ลู ปา. 48หม่าแน๊เรอ หลู่ กู่กล๊อ เด๊อ อา ซิเง อาแบ่เจ่ อา เตซิหยื่อ โต่ เตเพร เนอ, อา เก่ เมซื๊อ เต๊อเจ่อเจ่อ เด๊อ อา โตเบ่ ปลี๊ ลู เฮ๊เนอ, อาแบ่เจ่ เก่ เมจากาคยา ปลี๊เช หย่าเข่เล๊อ ลู ปา. แกแย เด๊อ อา พย๊าหนิ เอ๊ เตลีแมลีเพ๊ เตเพรเพรเนอ, จอแปแหร่ แม๊ชือหนิ ลู เด๊อ อา เก่ เบ่เม เอ๊เล๊อ เร๊อ อู. แกแย เด๊อ จอแปแหร่ หยื่อเอ่หนิ ลู เร๊อ อา เด๊อ เอ๊เล๊อ ลู เตเพรเนอ, จอแปแหร่ กุย เอ๊เล๊อ ลู ปา.
เหย่ซู่ เด๊อะโอ่ ทวาแถ่ เตลูโพร๊ลูแพร
(มัทธิว ๑๐:๓๔-๓๖)
49“แว พย๊าแฮ เตจาเตจือ ตื๊อดื่อ เด๊อ อา แก แซ่ เร๊อ หมิ เด๊อเห่ขุเออ เฮ๊อ. แว ซิหยื่อ นออือแถ่ ลอ เฮ๊อ ลู. 50หม่าแน๊เรอ เตเจเทอ เด๊อ แว โหล่ เจ เนอ อา โอ่ปา เต๊อเจ่อ. เตเม เออเต๊อเจอะ เก่ โทตาลว๊า ล๋ายโต่ เร๊อ แว ซิปล่อ เบ่กู่เบ่แก แหน่เจ๊อ.#มาระโก ๑๐:๓๘ 51หม่า ซี เตเน เร๊อ แว พย๊าแฮ เตเปเตดวา เด๊อ เห่ขุ เออเนอ แอ? แว เฮ๊ ซี๋, แว พย๊าแฮ เตเปเตดวา หม่าโต่. แว แฮแหล่ เมโพร๊เมแพร เต แพ๊. 52เป๊อแถ่ กู๊แหน่เออ ตาเป่แฮ เนอ, แกแย โต๊โหมะ เร๊อ อา เก่ โอ่ ซิแง เฮ๊เรอ ซิโซ เร๊อ อา เก่ โอ่ ตากยา ปา, เด๊อ เออ ซิเนอ เร๊อ อา เก่ โอ่ ตากยา ปา, เร๊อ เหย่ซี เนอ เหย่ซี เก่ ซิเถ่ซิฮา เกอเร๊อ คยาแซ๊ดื่อ ลู ปา. 53เหย่ซี เร๊อ เหย่ซี เก่ ลูโพร๊ลูแพร ลอ ลู ปา. เพ เต๊เห่ เก่ ซิเถ่ เกอเร๊อ อา พู๊เพรคู เต๊เห่ ปา, เร๊อ พู๊เพรคู เต๊เห่ เก่ ซิเถ่ เกอเร๊อ อาเพ เต๊เห่ ปา. โหมะ เต๊เห่ อา ซิเถ่ เกอเร๊อ พู๊เหมาะ เต๊เห่ ปา, เร๊อ พู๊เหมาะ เต๊เห่ อา ซิเถ่ เกอเร๊อ อาโหมะ เต๊เห่ ปา, เผร่เพรเหมาะ เต๊เห่ อา ซิเถ่ เกอเร๊อ อาแด่ เต๊เห่ ปา, เร๊อ อาแด่ เต๊เห่ อา ซิเถ่ เกอเร๊อ อา เผระเพรเหมาะ เต๊เห่ ปา.”#มีคาห์ ๗:๖
ซิเง ตาโตตาเบ่
(มัทธิว ๑๖:๒-๓, ๕:๒๕-๒๖)
54เหย่ซู่ เฮ๊ เป่ แกแย เบ๊หมู่ เต๊เห่ เน๊อ, “เบ๊อะซี แม๊เถอะ อ๊อโหล่เต๊เห่ แถ่ เด๊อ ชี๊โน ตากยา เบ๊อะเนอ, โตโพ๊โต ซี เฮ๊ ดื่อ เน๊อ, ‘เก่ เตเร จือ เฮ๊อ,’ เร๊อ เก๊จือ หม่าแหน่ เจ๊อ. 55เร๊อ เบ๊อะเก่แลเซ๊ แฮ เด๊อ ชี๊แล ตากยา เบ๊อะเนอ, ซี เฮ๊ เน๊อ, ‘เก๊กู่ เฮ๊อ ปา,’ เร๊อ เก๊กู่ หม่าแหน่ เจ๊อ. 56เพรจ่าจ๊อจ่าเต บย่าแพ๊ อาเหน่ ซิ, ซี๋ แม๊ เห่ขุ เร๊อ ม๊อเล เร๊อ เต เก่ ทวาแถ่ ฮู๊เต ปาเนอ ซี แม๊ลว๊า ซิเงหนื่อื่อ เหร่อ เจ๊อ ตื๊อดื่อเรอ จอแปแหร่ เมทวาแถ่ เต กู๊แหน่เออ เต๊เห่ อาโหง่แลช๊าเนอ, ซี แม๊ลว๊า ซิเงหนื่อื่อ เหร่อ แจ่โต่ เมเต?
เมโครเมโม เกอ เร๊อ เพร เด๊อ อา ซิเถ่ เน เต๊เห่
57“เต เด๊อ อา โตเม เร๊อ อา โตเมโต่ เนอ, ซี เบ่ แด๊เฮอ เกอเร๊อดื่อ ซี ซิปล่อ. 58เบ๊อะแกแย เด๊อ อา ซิเถ่ เน เตเพร เอ๊แถ่ เน เด๊อ โป่ก๊าหี่ เบ๊อะเนอ, จ่าเพรอแอ๊จื๊อ เมโครเมโม เหล่แพรมอลู เด๊อ แกล๊ลูเนอ. ปาหม่า อา เก่ เอ๊แถ่ เน เด๊อ โป่ก๊าหี่ เร๊อ เพรเฮ๊เบ่เมโตเต เก่ เด๊อะตา แฮเง เน เด๊อเพรแรเต อา กู๊ยากู ปา เร๊อ อา เก่ ด๊อโนแก เน เด๊อ ทอกู ปา. 59แว เฮ๊ ซี๋, เน เก่ ปล๊าลอเบ๊ เนฉู่ เออเนอ โต่ เฮ๊เนอหม่า, เน เถ่เบ๊ โต่.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wycliffe USA