ลูกา 18
18
แด๊ค๊าโข่ เพรเหมาะโอ่แคร๊ เร๊อ เพรเฮ๊เบ่เมโตเต
1โทเรอ เหย่ซู่ ซิหยื่อ เร๊อ อา โคเจ่ เต๊เห่ เก่ กุยจ๊อเบ แลแค ปว๋า โตโพ๊. เร๊อ เหย่ซี เก่ ซิปล่อปย๊า แต่ ตีกี๋ แต่เหม่ เนอเรอ, อา แด๊ค๊าโข่ เป่ อา โคเจ่ เต๊เห่ เน๊อ โหง่ ตือมือ. 2เหย่ซู่ เฮ๊เบ่ เป่ เหย่ซี ฮู๊เต เฮ๊เรอ, “เด๊อ เมอตีวี อากูเนอ, เพรเฮ๊เบ่เมโตเต โอ่ เตเพร. แกแย เตเพรเนอ อา ซิอิเช เบ่หยื่อเบ่แหน่ เกออู จอแปแหร่ โต่โต่, เบ่หยื่อเบ่แหน่ เกออู แกแย โต่โต่. 3เบ๊อะเมอ เนอตีวี อากู เนอแพ๊, เพรเหมาะโอ่แคร๊ โอ่ เตเพร. เร๊อ อา แฮ กุยซิยอ โตโมโม เพรเฮ๊เบ่เมโตเต เออเตเพร เน๊อ, ‘เมจว่า เป่เหร่อ แว เร๊อ เฮ๊เบ่เมโต จ๊อจ๊อ เป่เหร่อ แว เน๊อ เพร เด๊อ อา ซิเถ่ แว เออเนอ.’
4“อา จูเกอ เพรเหมาะโอ่แคร๊ เออเตเพรโต่ ตื๊อดื่อเรอ เด๊อคยาเนอ อา เตเนแล เกอเร๊อ อาเหน่ เน๊อ, ‘แว หม่า แกแย เด๊อ อา ซิอิเช เกออู จอแปแหร่ โต่, เบ่หยื่อเบ่แหน่ เกออู แกแย โต่ ตื๊อดื่อเรอ, 5เพรเหมาะโอ่แคร๊ เออเตเพรเนอ, อา ล๋อ แฮเมซู๊ซ๊า โตโมโตโม แว เร๊อ แว เก่ แม๊ ตี๊หรี่แตแร เป่แก อา ปา. แว เก่ เมฮู๊เนอ โต่ เฮ๊หม่า, อา แฮ เมซู๊ซ๊า โตโมโตโม แว ปา เร๊อ ตือดื๋อ ตื๊อดื่อ หม่า. แว แลแด๊แลดา แกเด แพ๊.’”
6โทเรอ แบ่เจ่ เฮ๊ เน๊อ, “ซี หนิดา แม๊แม๊ เพรเฮ๊เบ่เมโตเต เด๊อ อา จ๊อเกออูโต่ เออเตเพร เฮ๊ โหง่ เออตือมือ เนอ. 7แกแย เด๊อ จอแปแหร่ นว๊าแถ่ อา เต๊เห่เนอ, เก่ อา กุย เตเมจว่า ปวาเนอปวาเซ เฮ๊เรอ, จอแปแหร่ เด๊อะโตเด๊อะเบ่ เป่ เหย่ซี โต่หม่า อา โอ่แจ่ แหน่ แอ? แซ่ฮู๊ อา เก่ เมจว่า เป่ อู อาเง เนอเร๊อ อา เก่ เมคอเมยอ ปา แอ? 8แว เฮ๊ ซี, จอแปแหร่ เก่ เด๊อะจ๊อเต แพรแพร เป่ เหย่ซี ปา. หม่าแน๊เรอ เบ๊อะแกแยพู๊คู หม่าเฮ๊อ แวเออ แฮ ปา เบ๊อะเนอ, เด๊อ เห่ขุเออ ปา แว แม๊เถอะ แม๊ปู แกแย เต๊เห่ เก่ โอ่ปา แลแค เร๊อ เตหยื่อเตแหน่ ปา แอ?”
แด๊ค๊าโข่ดื่อ ฟาริสี เตเพร เร๊อ เพรกุ่ยอาหมู่อาร๊า เตเพร
9แกแย เด๊อ อา หยื่อเอ่ เกอเร๊อ อาเหน่ เน๊อ อาจ๊ออาเต เร๊อ อา เตเนปีตี๊ อูโร เต๊เห่เนอ, เหย่ซู่ แด๊ เป่ เหย่ซี เร๊อ เตแด๊ค๊าโข่ โต๊โต่. 10“แกแย ซิเนอ จว๊าแถ่ กุยจ๊อเบ เด๊อ เตหลู่แตโฮกู. เตเพร เร๊อ ฟาริสี, เด๊อ อาโรเตเพร เร๊อ เพรกุยอาหมู่อาร๊า. 11ฟาริสี เตเพร จว๊า ก๊อถ่อโอ่ กุยจ๊อเบ เร๊อ อา เฮ๊ เน๊อ, ‘เก๋อ จอแปแหร่, แว เฮ๊บุ๊ยเฮ๊เตอเรอ เน, เมเตเฮ๊เรอ ฮู๊ อูโร เต๊เห่ จว๊าปื่อเผ่ แหย่เปล๊ เอ่ อูเต่, แลโฮแลแห่ อู, จว๊าซื๊อ อูพู๊อูเม เนอ แว เมน๊อ เกออู โต่. แว แซ่เกอ เร๊อ เพรกุยเอ่ อาหมู่อาร๊า เนอเตเพร โต่ อาขว่าอาคยา. แว เฮ๊บุ๊ยเฮ๊เตอเรอ แหน่เจ๊อ เน. 12โซซว๊าเตอเนอ อากูเนอ, แว โด่เอ่ เหล่เอ่เหล่โอ เนอเนอ ปว๋า โตโพ๊ เจ๊อ, โทเร๊อ ล๋อ แว พย๊าหนิ เต เต๊เห่เนอ, แว เด๊อ กาคยา เจ๊อ เน ปุ๊ยเฉ๊อ ตีปุ๊ย เจ๊อ.’
13“หม่าแน๊เรอ เพรกุ่ยอาหมู่อาร๊า เออเตเพรเนอ, อา จว๊าก๊อถ่อโอ่ โล เด๊อ อายา, เร๊อ อา แม๊แถ่ บื่อ เจ๊อ อาเป๊เส่ เด๊อ ม๊อขุ โต่. อา ซิเปล เร๊อ อา แปล่แล เกอเร๊อ อาโตโอ่. เร๊อ อา เฮ๊ เน๊อ, ‘เก๋อ จอแปแหร่ ซิยอเกอเร๊อ แว. แว หม่า เพรเตเหล่ซื๊อพู๊ เตเพร.’”
14เร๊อ เหย่ซู่ เฮ๊ เหย่ซี เน๊อ, “แว เฮ๊ ซี, แกแย เด๊อ อาจ๊ออาเต เด๊อ จอแปแหร่ อา เป๊เส่เง เนอหม่า ฟาริสี เออเตเพรเนอ หม่าโต่, เพรกุยอาหมู่อาร๊า เออเตเพรเนอ, เบ๊อะอา กา เด๊อ อาหี่ เบ๊อะเนอ, อาจ๊ออาเต เด๊อ จอแปแหร่ อา เป๊เส่เง เฮ๊อ, เมเตเฮ๊เรอ แกแย เด๊อ อา แด่แถ่โล อาเหน่ เตเพรเนอ, จอแปแหร่ แด่ หยว่า ลู ปา. เร๊อ แกแย เด๊อ ถู่แหล่เต๊เปล่กา อาซิปล่อ เตเพรเนอ, จอแปแหร่ เก่ แด่แถ่โล อา ปา.”#มัทธิว ๒๓:๑๒, ลูกา ๑๔:๑๑
เหย่ซู่ เด๊อะบุ๊ยเด๊อะเตอเรอ เป๊เจ่ฮู๊ เต๊เห่
(มัทธิว ๑๙:๑๓-๑๕, มาระโก ๑๐:๑๓-๑๖)
15แกแย เต๊เห่ เอ๊แฮ อาพู๊ปีตี๊ เต๊เห่ เด๊อ เหย่ซู่ อา โอ่ เร๊อ อา ซิหยื่อ นอแด่แถ่ เหย่ซู่ กู๊ขุ เด๊อ เป๊เจ่ฮู๊ เออเต๊เห่ อาโหล่, หม่าแน๊เรอ อา โคเจ่ เต๊เห่ แม๊เถอะ เร๊อ อา ซิพรวาฉื่อ เหย่ซี. 16หม่าแน๊เรอ เหย่ซู่ เอ๊แฮ เป๊เจ่ฮู๊ ซีเต๊เห่ เด๊อ อา โอ่ เร๊อ อา เฮ๊ เน๊อ, “ปลวาแฮ เป๊เจ่ฮู๊ เนอเต๊เห่ เด๊อ แวโอ่เออ. เมตาตือ แต่ เหย่ซี แต่เหม่, เมเตเฮ๊เรอ จอแปแหร่ อาเทออาเก่ เนอหม่า แกแย เด๊อ อา แด่หยว่า ซิปล่อ แซ่เน๊อ เป๊เจ่ฮู๊ เออเนอเต๊เห่ อาเตเฮ๊อ. 17แว เฮ๊จ๊อจ๊อ ซี, ซี เก่ นอเป๊อ ซีเหน่ เร๊อ จอแปแหร่ ฮู๊ เป๊เจ่ฮู๊ เต๊เห่ นอเป๊อหนิ อาเหน่ เนอโต่ เฮ๊เนอ, ซี โน หนิ แจ่ เด๊อ จอแปแหร่ เทอเลเก่กู แตแค๋ โต.”
แกแย ดุแหย่แถ่เซ เตเพร
(มัทธิว ๑๙:๑๖-๓๐, มาระโก ๑๐:๑๗-๓๑)
18แกแย ทวา กู่กล๊อ เตเพร แด๊เฮอ เหย่ซู่ เน๊อ, “เก๋อ, ซ๊าร๊าแร๋ แซ่ฮู๊ แว เก่ พย๊าหนิ เกออู ซิปล่อเซอเพร ตูจูเพร ตาแลเคร๊ เนอเรอ, แว โตเบ่ เมแคร๋ หม่าอิเต?”
19เหย่ซู่ แด๊เฮอ ลู เน๊อ, “เน จว๊าเอ๊ โต่ แว เด๊อ ซ๊าร๊าแร๊ เมเต? แกแยแร๊ โอ่ เตเพร่ว โต่, อา โอ่ แพ๊ตื่อ จอแปแหร่ เตเพรแพ๋. 20เน ซิเง จอแปแหร่ โหง่เฮ๊แก เต๊เห่ เฮ๊ เน๊อ, ‘จว๊าซื๊อ แต่ อูพู๊อูเม แต่เหม่,#เถ่จว๊าแลเปล๊ ๒๐:๑๔, โด่แน ๕:๑๘ เมเซอ แต่ แกแย แต่เหม่,#เถ่จว๊าแลเปล๊ ๒๐:๑๓, โด่แน ๕:๑๗ เอ่โห่เอ่ฮี๊ แต่ อูเต่ แต่เหม่,#เถ่จว๊าแลเปล๊ ๒๐:๑๕, โด่แน ๕:๑๙ ข่า แลโฮแลแห่ แต่ เต แต่เหม่,#เถ่จว๊าแลเปล๊ ๒๐:๑๖, โด่แน ๕:๒๐ เบ่หยื่อเบ่แหน่ เนโหมะเนเพ#เถ่จว๊าแลเปล๊ ๒๐:๑๒, โด่แน ๕:๑๖.’”
21เร๊อ แกแยเพ เออเตเพร เฮ๊ฉื่อ ลู เน๊อ, “ล๋อ เออเต๊เห่เนอ แว โตม๊าโทลอเฮ๊อ เร๊อ แว ครวาเม โทลอเฮ๊อ เด๊อ แว พู๊เจ่เค เนอ ปา เจ๊อเฮ๊อ.”
22เบ๊อะเหย่ซู่ หนิโฮ อา เฮ๊ ฮู๊เออ เบ๊อะเนอ, อา เฮ๊ ลู เน๊อ, “เต เด๊อ เน โหล่เม เนอ อา โอ่ปา เต๊อเจ่อ. กา อิเชแกลอ เน ตาหมื่อตาเต เนอเต๊เห่ เร๊อ เด๊อะจว๊า เป่ ลอ เร๊อ แกแย โซพ๊าโซแรพู๊ เนอเต๊เห่. เน เก่ เมฮู๊เนอ เฮ๊เรอ เน เก่ พย๊าหนิ เตดุแหย่แถ่เซ เด๊อ ม๊อขุ ปา. กาเมโท ฮู๊เนอ เร๊อ แฮ ครวา เกอแวคยา.”
23แกแยเพ เออเตเพรเนอ, อา ย๋อ ดุแหย่ ตาป่อตาเป เจ๊อ อาขว่าอาคยา, เบ๊อะอา หนิโฮ โหง่ เออตือมือ เบ๊อะเนอ, อา ซิเปล แหน่เจ๊อ. 24เหย่ซู่ แม๊ตาต๊า โท ลู เร๊อ อา เฮ๊ เน๊อ, “แกแย ดุแหย่แถ่เซ เต๊เห่ เตเร โน เด๊อ จอแปแหร่ อาเทออาเก่กู เนอ, อาแหย่ แหน่เจ๊อ เด๊อ เหยซีเง เจ๊อ! 25ตีซิโบดุ โตโด เตเร ปย๊าโน เด๊อ เท๊หลิกูเนอ อายู เล๊อปา เจ๊อ เร๊อ แกแย ดุแหย่แถ่เซ เตเพร เตเร โน เด๊อ ม๊อขุ เทอเลเก่กู เนอ เจ๊อ.”
26แกแย เด๊อ อา หนิโฮ เหย่ซู่ เตเฮ๊เบ่ เออเต๊เห่เนอ, อา แด๊เฮอ ลู เน๊อ, “เก่ เมฮู๊เนอเรอ อูเป เตเพร เตเร พย๊าหนิ แจ่ปา เตเมแลเปล๊กา เป?”
27เร๊อ เหย่ซู่ เฮ๊ฉื่อ เน๊อ, “เต เด๊อ แกแย เมแจ่โต่เนอ, จอแปแหร่ เมแจ่ แพ๊.”
28คูเปโตร เฮ๊ เน๊อ, “แม๊มอ, เป แด่แก ลอ เจ๊อ เฮ๊อ เปหี่เปแพ เต๊เห่ เร๊อ เป ครวาเกอเฮ๊อ เนคยา เฮ๊อ.”
29เร๊อ เหย่ซู่ เฮ๊ เหย่ซี เน๊อ, “แว เฮ๊หม่าแหน่ เจ๊อ ซี เจ๊อ, เด๊อ จอแปแหร่ อาเทออาเก่ อาเงเนอ, แกแย เตพร เพร เก่ แด่แก อาหี่อาแพ เบ่เบ่, อาพู๊อาเม เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่ เฮ๊เนอหม่า, 30จอแปแหร่ อา เด๊อะปลูเด๊อเผ่ เอ๊เล๊อ ปา เจ๊อ ซี เน๊อ เออตือทือเนอ ปา. โท๊โต่ ช๋า เนอปา ตือทือเนอ, จอแปแหร่ เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”
เหย่ซู่ แด๊โฉ่โล คยาแซ๊ อาเตเซอ อาหรี่อาแก
(มัทธิว ๒๐:๑๗-๑๙, มาระโก ๑๐:๓๒-๓๔)
31เหย่ซู่ เอ๊หนิ ตื๊อแพ๊ เพรโด่แนพู๊ เต๊เห่ เช๊อซิเนอ, เร๊อ อา เฮ๊โห เหย่ซี เน๊อ, “เป เก่ แถ่ ลอ เด๊อ วีเยรูซาเล็ม. เร๊อ ลอ เตหรี่เตแก เด๊อ เพรโพร เต๊เห่ รา หนื่ออื่อแก แกแย อาพู๊ อาหรี่อาแก เออเต๊เห่เนอ, อา เก่ เล๊อแถ่บาแถ่ ปา. 32วีเยรูซาเล็มพู๊ เต๊เห่ เก่ เด๊อะตาแก แว เด๊อ แกแยยิวพู๊ หม่าโต่ เต๊เห่ อา กู๊ยากู ปา. เร๊อ เหย่ซี เก่ เป๊อเจ่อ งยาโคร ลอ แว เร๊อ ถู่ปล๊า ลอ แว เร๊อ ปลีเทอ ปา. 33เหย่ซี เก่ ปลี๊ แว เร๊อ เมเซอ แว ปา ตื๊อดื่อเรอ โซเนอ เตอเนอ ปา เนอ, แว ก๊อถ่อเซอเพร กาคยา คยาแซ๊ ปา.”
34หม่าแน๊เรอ อา โคเจ่ เต๊เห่ ซิเงโปล ลู เตเฮ๊เบ่ เออตือมื๋อ โต่. เตเฮ๊เบ่เออ อาโหง่แลช๊า เออเนอ, อู แด่ ด๊อโอ๊ด๊อบี๊ เป่ เหย่ซี อาขว่าอาคยา, เหย่ซี ซิเงโปล แลแค อา เฮ๊ เป่ เหย่ซี เออเนอ โต่.
เหย่ซู่ แหย่โอ่เหม่ กาคยา เป่ เพรกุยเอเฉ่ เด๊อ อา เป๊เส่คี๊ เตเพร๊
(มัทธิว ๒๐:๒๙-๓๔, มาระโก ๑๐:๔๖-๕๒)
35เบ๊อะเหย่ซู่ แฮโต่ผื่อเฮ๊อ เด๊อ วีเยรีโค เบ๊อะเนอ, แกแย เป๊เส่คี๊ กุยเอ่เฉ่ โอ่แนโอ่ เด๊อ แกล๊ทือ เตเพร. 36เบ๊อะอา หนิโฮ แกแย เบ๊หมู่ จว๊า เบ๊อะลูช๊า เบ๊อะเนอ, อา แด๊เฮออู เน๊อ, “อู เม แคร๋ อิเต?” 37เร๊อ เหย่ซี แด๊โฉ่ เป่ ลู เน๊อ, “วีนาซาเร็ธอาพู๊ เหย่ซู่ แฮโน จว๊าล๊อปลู๊ เบ๊อะวีกูเออ แพ๊.”
38เร๊อ อา เอ๊โทแถ่ เน๊อ, “เก๋อ ดาวิด อากลุยแล เหย่ซู๋, ซิยอเกอเร๊อ แว นี๋!”
39แกแย จว๊า เหร่อ เด๊อ เง เต๊เห่เนอ อา ซิพรวา ลู เนอ, อา นอ โซ๊โซ๋โอ่ ลู ตื๊อดื่อเรอ อา ลื๊อลื๊อ เอ๊โท พราฉว่า แร๊แร๊ เน๊อ, “เก๋อ เพดาวิด อาพู๊คู เหย่ซู่, ซิยอเกอ เกอเร๊อดื่อ แว นี๋.”
40ฮู๊เนอ อาขว่าอาคยา, เหย่ซู่ โอ่โก๊ เร๊อ อา นอเอ๊แฮ อู เร๊อ แกแย เป๊เส่คี๊ เออเนอ เตเพร เด๊อ อา โอ่. เบ๊อะอา แฮโต่เฮ๊อ เบ๊อะเนอ, เหย่ซู่ แด๊เฮอ ลู เนอ, 41“เน ซิหยื่อ นอเม แว หม่าอิเต?”
เร๊อ อา เฮ๊ฉื่อ ลู เน๊อ, “แบ่เจ่, แว ซิหยื่อ แม๊เถอะ แจ่ เกออู.”
42เหย่ซู่ เฮ๊ อา เน๊อ, “เป๊เส่ปล๋อ, ลี ม๋อ. เน เตหยื่อ แหย่โอ่เหม่เฮ๊อ เน เฮ๊อ.” 43โตโพ๊โต อา แม๊เถอะ แจ่ เร๊อ อา ครวาเกอ เหย่ซู่ อาคยา, เร๊อ อา เฮ๊บุ๊ยเฮ๊เตอเรอ จอแปแหร่, เร๊อ เบ๊อะแกแย เบ๊หมู่ แม๊เถอะ เตเมทวาแถ่ ฮู๊เออ เบ๊อะเนอ, อา ถู่เซ๊แถ่ ลอปลี เจ๊อ จอแปแหร่ ปว๋า เตเพร เจ๊อ.
Currently Selected:
ลูกา 18: EKTNTGEN
Highlight
Share
Copy
Want to have your highlights saved across all your devices? Sign up or sign in
Wycliffe USA
ลูกา 18
18
แด๊ค๊าโข่ เพรเหมาะโอ่แคร๊ เร๊อ เพรเฮ๊เบ่เมโตเต
1โทเรอ เหย่ซู่ ซิหยื่อ เร๊อ อา โคเจ่ เต๊เห่ เก่ กุยจ๊อเบ แลแค ปว๋า โตโพ๊. เร๊อ เหย่ซี เก่ ซิปล่อปย๊า แต่ ตีกี๋ แต่เหม่ เนอเรอ, อา แด๊ค๊าโข่ เป่ อา โคเจ่ เต๊เห่ เน๊อ โหง่ ตือมือ. 2เหย่ซู่ เฮ๊เบ่ เป่ เหย่ซี ฮู๊เต เฮ๊เรอ, “เด๊อ เมอตีวี อากูเนอ, เพรเฮ๊เบ่เมโตเต โอ่ เตเพร. แกแย เตเพรเนอ อา ซิอิเช เบ่หยื่อเบ่แหน่ เกออู จอแปแหร่ โต่โต่, เบ่หยื่อเบ่แหน่ เกออู แกแย โต่โต่. 3เบ๊อะเมอ เนอตีวี อากู เนอแพ๊, เพรเหมาะโอ่แคร๊ โอ่ เตเพร. เร๊อ อา แฮ กุยซิยอ โตโมโม เพรเฮ๊เบ่เมโตเต เออเตเพร เน๊อ, ‘เมจว่า เป่เหร่อ แว เร๊อ เฮ๊เบ่เมโต จ๊อจ๊อ เป่เหร่อ แว เน๊อ เพร เด๊อ อา ซิเถ่ แว เออเนอ.’
4“อา จูเกอ เพรเหมาะโอ่แคร๊ เออเตเพรโต่ ตื๊อดื่อเรอ เด๊อคยาเนอ อา เตเนแล เกอเร๊อ อาเหน่ เน๊อ, ‘แว หม่า แกแย เด๊อ อา ซิอิเช เกออู จอแปแหร่ โต่, เบ่หยื่อเบ่แหน่ เกออู แกแย โต่ ตื๊อดื่อเรอ, 5เพรเหมาะโอ่แคร๊ เออเตเพรเนอ, อา ล๋อ แฮเมซู๊ซ๊า โตโมโตโม แว เร๊อ แว เก่ แม๊ ตี๊หรี่แตแร เป่แก อา ปา. แว เก่ เมฮู๊เนอ โต่ เฮ๊หม่า, อา แฮ เมซู๊ซ๊า โตโมโตโม แว ปา เร๊อ ตือดื๋อ ตื๊อดื่อ หม่า. แว แลแด๊แลดา แกเด แพ๊.’”
6โทเรอ แบ่เจ่ เฮ๊ เน๊อ, “ซี หนิดา แม๊แม๊ เพรเฮ๊เบ่เมโตเต เด๊อ อา จ๊อเกออูโต่ เออเตเพร เฮ๊ โหง่ เออตือมือ เนอ. 7แกแย เด๊อ จอแปแหร่ นว๊าแถ่ อา เต๊เห่เนอ, เก่ อา กุย เตเมจว่า ปวาเนอปวาเซ เฮ๊เรอ, จอแปแหร่ เด๊อะโตเด๊อะเบ่ เป่ เหย่ซี โต่หม่า อา โอ่แจ่ แหน่ แอ? แซ่ฮู๊ อา เก่ เมจว่า เป่ อู อาเง เนอเร๊อ อา เก่ เมคอเมยอ ปา แอ? 8แว เฮ๊ ซี, จอแปแหร่ เก่ เด๊อะจ๊อเต แพรแพร เป่ เหย่ซี ปา. หม่าแน๊เรอ เบ๊อะแกแยพู๊คู หม่าเฮ๊อ แวเออ แฮ ปา เบ๊อะเนอ, เด๊อ เห่ขุเออ ปา แว แม๊เถอะ แม๊ปู แกแย เต๊เห่ เก่ โอ่ปา แลแค เร๊อ เตหยื่อเตแหน่ ปา แอ?”
แด๊ค๊าโข่ดื่อ ฟาริสี เตเพร เร๊อ เพรกุ่ยอาหมู่อาร๊า เตเพร
9แกแย เด๊อ อา หยื่อเอ่ เกอเร๊อ อาเหน่ เน๊อ อาจ๊ออาเต เร๊อ อา เตเนปีตี๊ อูโร เต๊เห่เนอ, เหย่ซู่ แด๊ เป่ เหย่ซี เร๊อ เตแด๊ค๊าโข่ โต๊โต่. 10“แกแย ซิเนอ จว๊าแถ่ กุยจ๊อเบ เด๊อ เตหลู่แตโฮกู. เตเพร เร๊อ ฟาริสี, เด๊อ อาโรเตเพร เร๊อ เพรกุยอาหมู่อาร๊า. 11ฟาริสี เตเพร จว๊า ก๊อถ่อโอ่ กุยจ๊อเบ เร๊อ อา เฮ๊ เน๊อ, ‘เก๋อ จอแปแหร่, แว เฮ๊บุ๊ยเฮ๊เตอเรอ เน, เมเตเฮ๊เรอ ฮู๊ อูโร เต๊เห่ จว๊าปื่อเผ่ แหย่เปล๊ เอ่ อูเต่, แลโฮแลแห่ อู, จว๊าซื๊อ อูพู๊อูเม เนอ แว เมน๊อ เกออู โต่. แว แซ่เกอ เร๊อ เพรกุยเอ่ อาหมู่อาร๊า เนอเตเพร โต่ อาขว่าอาคยา. แว เฮ๊บุ๊ยเฮ๊เตอเรอ แหน่เจ๊อ เน. 12โซซว๊าเตอเนอ อากูเนอ, แว โด่เอ่ เหล่เอ่เหล่โอ เนอเนอ ปว๋า โตโพ๊ เจ๊อ, โทเร๊อ ล๋อ แว พย๊าหนิ เต เต๊เห่เนอ, แว เด๊อ กาคยา เจ๊อ เน ปุ๊ยเฉ๊อ ตีปุ๊ย เจ๊อ.’
13“หม่าแน๊เรอ เพรกุ่ยอาหมู่อาร๊า เออเตเพรเนอ, อา จว๊าก๊อถ่อโอ่ โล เด๊อ อายา, เร๊อ อา แม๊แถ่ บื่อ เจ๊อ อาเป๊เส่ เด๊อ ม๊อขุ โต่. อา ซิเปล เร๊อ อา แปล่แล เกอเร๊อ อาโตโอ่. เร๊อ อา เฮ๊ เน๊อ, ‘เก๋อ จอแปแหร่ ซิยอเกอเร๊อ แว. แว หม่า เพรเตเหล่ซื๊อพู๊ เตเพร.’”
14เร๊อ เหย่ซู่ เฮ๊ เหย่ซี เน๊อ, “แว เฮ๊ ซี, แกแย เด๊อ อาจ๊ออาเต เด๊อ จอแปแหร่ อา เป๊เส่เง เนอหม่า ฟาริสี เออเตเพรเนอ หม่าโต่, เพรกุยอาหมู่อาร๊า เออเตเพรเนอ, เบ๊อะอา กา เด๊อ อาหี่ เบ๊อะเนอ, อาจ๊ออาเต เด๊อ จอแปแหร่ อา เป๊เส่เง เฮ๊อ, เมเตเฮ๊เรอ แกแย เด๊อ อา แด่แถ่โล อาเหน่ เตเพรเนอ, จอแปแหร่ แด่ หยว่า ลู ปา. เร๊อ แกแย เด๊อ ถู่แหล่เต๊เปล่กา อาซิปล่อ เตเพรเนอ, จอแปแหร่ เก่ แด่แถ่โล อา ปา.”#มัทธิว ๒๓:๑๒, ลูกา ๑๔:๑๑
เหย่ซู่ เด๊อะบุ๊ยเด๊อะเตอเรอ เป๊เจ่ฮู๊ เต๊เห่
(มัทธิว ๑๙:๑๓-๑๕, มาระโก ๑๐:๑๓-๑๖)
15แกแย เต๊เห่ เอ๊แฮ อาพู๊ปีตี๊ เต๊เห่ เด๊อ เหย่ซู่ อา โอ่ เร๊อ อา ซิหยื่อ นอแด่แถ่ เหย่ซู่ กู๊ขุ เด๊อ เป๊เจ่ฮู๊ เออเต๊เห่ อาโหล่, หม่าแน๊เรอ อา โคเจ่ เต๊เห่ แม๊เถอะ เร๊อ อา ซิพรวาฉื่อ เหย่ซี. 16หม่าแน๊เรอ เหย่ซู่ เอ๊แฮ เป๊เจ่ฮู๊ ซีเต๊เห่ เด๊อ อา โอ่ เร๊อ อา เฮ๊ เน๊อ, “ปลวาแฮ เป๊เจ่ฮู๊ เนอเต๊เห่ เด๊อ แวโอ่เออ. เมตาตือ แต่ เหย่ซี แต่เหม่, เมเตเฮ๊เรอ จอแปแหร่ อาเทออาเก่ เนอหม่า แกแย เด๊อ อา แด่หยว่า ซิปล่อ แซ่เน๊อ เป๊เจ่ฮู๊ เออเนอเต๊เห่ อาเตเฮ๊อ. 17แว เฮ๊จ๊อจ๊อ ซี, ซี เก่ นอเป๊อ ซีเหน่ เร๊อ จอแปแหร่ ฮู๊ เป๊เจ่ฮู๊ เต๊เห่ นอเป๊อหนิ อาเหน่ เนอโต่ เฮ๊เนอ, ซี โน หนิ แจ่ เด๊อ จอแปแหร่ เทอเลเก่กู แตแค๋ โต.”
แกแย ดุแหย่แถ่เซ เตเพร
(มัทธิว ๑๙:๑๖-๓๐, มาระโก ๑๐:๑๗-๓๑)
18แกแย ทวา กู่กล๊อ เตเพร แด๊เฮอ เหย่ซู่ เน๊อ, “เก๋อ, ซ๊าร๊าแร๋ แซ่ฮู๊ แว เก่ พย๊าหนิ เกออู ซิปล่อเซอเพร ตูจูเพร ตาแลเคร๊ เนอเรอ, แว โตเบ่ เมแคร๋ หม่าอิเต?”
19เหย่ซู่ แด๊เฮอ ลู เน๊อ, “เน จว๊าเอ๊ โต่ แว เด๊อ ซ๊าร๊าแร๊ เมเต? แกแยแร๊ โอ่ เตเพร่ว โต่, อา โอ่ แพ๊ตื่อ จอแปแหร่ เตเพรแพ๋. 20เน ซิเง จอแปแหร่ โหง่เฮ๊แก เต๊เห่ เฮ๊ เน๊อ, ‘จว๊าซื๊อ แต่ อูพู๊อูเม แต่เหม่,#เถ่จว๊าแลเปล๊ ๒๐:๑๔, โด่แน ๕:๑๘ เมเซอ แต่ แกแย แต่เหม่,#เถ่จว๊าแลเปล๊ ๒๐:๑๓, โด่แน ๕:๑๗ เอ่โห่เอ่ฮี๊ แต่ อูเต่ แต่เหม่,#เถ่จว๊าแลเปล๊ ๒๐:๑๕, โด่แน ๕:๑๙ ข่า แลโฮแลแห่ แต่ เต แต่เหม่,#เถ่จว๊าแลเปล๊ ๒๐:๑๖, โด่แน ๕:๒๐ เบ่หยื่อเบ่แหน่ เนโหมะเนเพ#เถ่จว๊าแลเปล๊ ๒๐:๑๒, โด่แน ๕:๑๖.’”
21เร๊อ แกแยเพ เออเตเพร เฮ๊ฉื่อ ลู เน๊อ, “ล๋อ เออเต๊เห่เนอ แว โตม๊าโทลอเฮ๊อ เร๊อ แว ครวาเม โทลอเฮ๊อ เด๊อ แว พู๊เจ่เค เนอ ปา เจ๊อเฮ๊อ.”
22เบ๊อะเหย่ซู่ หนิโฮ อา เฮ๊ ฮู๊เออ เบ๊อะเนอ, อา เฮ๊ ลู เน๊อ, “เต เด๊อ เน โหล่เม เนอ อา โอ่ปา เต๊อเจ่อ. กา อิเชแกลอ เน ตาหมื่อตาเต เนอเต๊เห่ เร๊อ เด๊อะจว๊า เป่ ลอ เร๊อ แกแย โซพ๊าโซแรพู๊ เนอเต๊เห่. เน เก่ เมฮู๊เนอ เฮ๊เรอ เน เก่ พย๊าหนิ เตดุแหย่แถ่เซ เด๊อ ม๊อขุ ปา. กาเมโท ฮู๊เนอ เร๊อ แฮ ครวา เกอแวคยา.”
23แกแยเพ เออเตเพรเนอ, อา ย๋อ ดุแหย่ ตาป่อตาเป เจ๊อ อาขว่าอาคยา, เบ๊อะอา หนิโฮ โหง่ เออตือมือ เบ๊อะเนอ, อา ซิเปล แหน่เจ๊อ. 24เหย่ซู่ แม๊ตาต๊า โท ลู เร๊อ อา เฮ๊ เน๊อ, “แกแย ดุแหย่แถ่เซ เต๊เห่ เตเร โน เด๊อ จอแปแหร่ อาเทออาเก่กู เนอ, อาแหย่ แหน่เจ๊อ เด๊อ เหยซีเง เจ๊อ! 25ตีซิโบดุ โตโด เตเร ปย๊าโน เด๊อ เท๊หลิกูเนอ อายู เล๊อปา เจ๊อ เร๊อ แกแย ดุแหย่แถ่เซ เตเพร เตเร โน เด๊อ ม๊อขุ เทอเลเก่กู เนอ เจ๊อ.”
26แกแย เด๊อ อา หนิโฮ เหย่ซู่ เตเฮ๊เบ่ เออเต๊เห่เนอ, อา แด๊เฮอ ลู เน๊อ, “เก่ เมฮู๊เนอเรอ อูเป เตเพร เตเร พย๊าหนิ แจ่ปา เตเมแลเปล๊กา เป?”
27เร๊อ เหย่ซู่ เฮ๊ฉื่อ เน๊อ, “เต เด๊อ แกแย เมแจ่โต่เนอ, จอแปแหร่ เมแจ่ แพ๊.”
28คูเปโตร เฮ๊ เน๊อ, “แม๊มอ, เป แด่แก ลอ เจ๊อ เฮ๊อ เปหี่เปแพ เต๊เห่ เร๊อ เป ครวาเกอเฮ๊อ เนคยา เฮ๊อ.”
29เร๊อ เหย่ซู่ เฮ๊ เหย่ซี เน๊อ, “แว เฮ๊หม่าแหน่ เจ๊อ ซี เจ๊อ, เด๊อ จอแปแหร่ อาเทออาเก่ อาเงเนอ, แกแย เตพร เพร เก่ แด่แก อาหี่อาแพ เบ่เบ่, อาพู๊อาเม เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่ เฮ๊เนอหม่า, 30จอแปแหร่ อา เด๊อะปลูเด๊อเผ่ เอ๊เล๊อ ปา เจ๊อ ซี เน๊อ เออตือทือเนอ ปา. โท๊โต่ ช๋า เนอปา ตือทือเนอ, จอแปแหร่ เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”
เหย่ซู่ แด๊โฉ่โล คยาแซ๊ อาเตเซอ อาหรี่อาแก
(มัทธิว ๒๐:๑๗-๑๙, มาระโก ๑๐:๓๒-๓๔)
31เหย่ซู่ เอ๊หนิ ตื๊อแพ๊ เพรโด่แนพู๊ เต๊เห่ เช๊อซิเนอ, เร๊อ อา เฮ๊โห เหย่ซี เน๊อ, “เป เก่ แถ่ ลอ เด๊อ วีเยรูซาเล็ม. เร๊อ ลอ เตหรี่เตแก เด๊อ เพรโพร เต๊เห่ รา หนื่ออื่อแก แกแย อาพู๊ อาหรี่อาแก เออเต๊เห่เนอ, อา เก่ เล๊อแถ่บาแถ่ ปา. 32วีเยรูซาเล็มพู๊ เต๊เห่ เก่ เด๊อะตาแก แว เด๊อ แกแยยิวพู๊ หม่าโต่ เต๊เห่ อา กู๊ยากู ปา. เร๊อ เหย่ซี เก่ เป๊อเจ่อ งยาโคร ลอ แว เร๊อ ถู่ปล๊า ลอ แว เร๊อ ปลีเทอ ปา. 33เหย่ซี เก่ ปลี๊ แว เร๊อ เมเซอ แว ปา ตื๊อดื่อเรอ โซเนอ เตอเนอ ปา เนอ, แว ก๊อถ่อเซอเพร กาคยา คยาแซ๊ ปา.”
34หม่าแน๊เรอ อา โคเจ่ เต๊เห่ ซิเงโปล ลู เตเฮ๊เบ่ เออตือมื๋อ โต่. เตเฮ๊เบ่เออ อาโหง่แลช๊า เออเนอ, อู แด่ ด๊อโอ๊ด๊อบี๊ เป่ เหย่ซี อาขว่าอาคยา, เหย่ซี ซิเงโปล แลแค อา เฮ๊ เป่ เหย่ซี เออเนอ โต่.
เหย่ซู่ แหย่โอ่เหม่ กาคยา เป่ เพรกุยเอเฉ่ เด๊อ อา เป๊เส่คี๊ เตเพร๊
(มัทธิว ๒๐:๒๙-๓๔, มาระโก ๑๐:๔๖-๕๒)
35เบ๊อะเหย่ซู่ แฮโต่ผื่อเฮ๊อ เด๊อ วีเยรีโค เบ๊อะเนอ, แกแย เป๊เส่คี๊ กุยเอ่เฉ่ โอ่แนโอ่ เด๊อ แกล๊ทือ เตเพร. 36เบ๊อะอา หนิโฮ แกแย เบ๊หมู่ จว๊า เบ๊อะลูช๊า เบ๊อะเนอ, อา แด๊เฮออู เน๊อ, “อู เม แคร๋ อิเต?” 37เร๊อ เหย่ซี แด๊โฉ่ เป่ ลู เน๊อ, “วีนาซาเร็ธอาพู๊ เหย่ซู่ แฮโน จว๊าล๊อปลู๊ เบ๊อะวีกูเออ แพ๊.”
38เร๊อ อา เอ๊โทแถ่ เน๊อ, “เก๋อ ดาวิด อากลุยแล เหย่ซู๋, ซิยอเกอเร๊อ แว นี๋!”
39แกแย จว๊า เหร่อ เด๊อ เง เต๊เห่เนอ อา ซิพรวา ลู เนอ, อา นอ โซ๊โซ๋โอ่ ลู ตื๊อดื่อเรอ อา ลื๊อลื๊อ เอ๊โท พราฉว่า แร๊แร๊ เน๊อ, “เก๋อ เพดาวิด อาพู๊คู เหย่ซู่, ซิยอเกอ เกอเร๊อดื่อ แว นี๋.”
40ฮู๊เนอ อาขว่าอาคยา, เหย่ซู่ โอ่โก๊ เร๊อ อา นอเอ๊แฮ อู เร๊อ แกแย เป๊เส่คี๊ เออเนอ เตเพร เด๊อ อา โอ่. เบ๊อะอา แฮโต่เฮ๊อ เบ๊อะเนอ, เหย่ซู่ แด๊เฮอ ลู เนอ, 41“เน ซิหยื่อ นอเม แว หม่าอิเต?”
เร๊อ อา เฮ๊ฉื่อ ลู เน๊อ, “แบ่เจ่, แว ซิหยื่อ แม๊เถอะ แจ่ เกออู.”
42เหย่ซู่ เฮ๊ อา เน๊อ, “เป๊เส่ปล๋อ, ลี ม๋อ. เน เตหยื่อ แหย่โอ่เหม่เฮ๊อ เน เฮ๊อ.” 43โตโพ๊โต อา แม๊เถอะ แจ่ เร๊อ อา ครวาเกอ เหย่ซู่ อาคยา, เร๊อ อา เฮ๊บุ๊ยเฮ๊เตอเรอ จอแปแหร่, เร๊อ เบ๊อะแกแย เบ๊หมู่ แม๊เถอะ เตเมทวาแถ่ ฮู๊เออ เบ๊อะเนอ, อา ถู่เซ๊แถ่ ลอปลี เจ๊อ จอแปแหร่ ปว๋า เตเพร เจ๊อ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wycliffe USA