တမန်တော် နိဒါန်း
နိဒါန်း
စာရွီးဆရာ အကြောင်း
စာရွီးဆရာ နာမည် ဆီးဆရာ လုကာ ဖြစ်ပါရေ။ သူစာ သျှင်လုကာ၏ သတင်းကောင်းကိုလည်း ရွီးလီပါရေ။ စာရွီးဆရာ အကြောင်းကို အလှပ သိချင်ရေဆိုကေ သျှင်လုကာ၏ သတင်းကောင်း နိဒါန်းမာ ကြည့်ပါ။
စာရွီးစာ အချိန်န နေရာ
ခရစ်သက္ကရာဇ် ၆၀-၆၅ နှစ်အထဲတွင်းမာ ရောမမြို့ကနီရို့ ဒေ စာအုပ်ကို ရွီးလီစာ ဖြစ်နိုင်ပါရေ။ ယင်းအချိန်မာ တမန်တော် ပေါလု ရောမမြို့မာ ထောင်ကျရို့ ဟိလီပါရေ (တမန်တော် ၂၈:၃၀)။
စာရွီးဆရာ၏ ရွယ်မှတ်ချက်
အသျှင်ယေရှု ဂေါင်းခင်ဘုံတို့ ကြွလားခပြီးရေနောက် ပထမ အသင်းတော် တည်ဆောက်ခြင်း၊ ကျုံသူရို့မာ ကျုံခြင်းတရား ခိုင်မာခြင်း၊ ကျုံသူရို့ သတင်းကောင်း၏ ကောင်းမြတ်စာ သက်သီခံအဖြစ် သက်သီပီးခြင်း၊ ယုဒမဟုတ်သူရို့လည်း ကယ်တင်ခြင်းကို ရခြင်း အရာ ကမ္ဘာတစ်လုံးမာ ကွဲကြင်းရို့ သတင်းကောင်းကို ဟောပြောခြင်း အကြောင်းကို အသိပီးဖို့အတွက် ဒေ တမန်တော် စာအုပ်ကို ရွီးလီပါရေ။
စာအုပ် ခွဲခြားမှု
ဒေ စာအုပ်ကို သမိုင်း စာအုပ်ပိုင် ရွီးလီစာ ဖြစ်ပါရေ။ ဒေ စာအုပ်မာ အသင်းတော်၏ သမိုင်း၊ တမန်တော်ရို့ သမိုင်း အရာ သန့်ရှင်းသောဝိညာဉ်တော်၏ သမိုင်း အကြောင်းကို ရွီးလီပါရေ။ သန့်ရှင်းသောဝိညာဉ်တော် ကျရောက်ပြီးရေနောက် ကျုံသူရို့ ညှဉ်းဆဲခံရစာ အကြောင်းကို အများ ဂရုစိုက်ရို့ ရွီးလီပါရေ (တမန်တော် ၂:၁-၁၃၊ ၅:၁၇-၄၁၊ ၆:၈-၈:၃)။
အခြားစာအုပ်န ဆက်သွေမှု
ဒေ စာအုပ်စာ သျှင်လုကာ သတင်းကောင်း၏ အဆက်အဖြစ် ကောင်းကောင်း အရေးကြီးစာ စာအုပ် ဖြစ်ပါရေ၊ အကြောင်းကား သျှင်လုကာ သတင်းကောင်း အပြုတ်က ဒေ စာအုပ်ကို မရွီးလီဆိုကေ ခရစ်တော်၏ အသင်းတော် တည်ဆောက်စာ သမိုင်းကို သိရလီဖို့ မဟုတ်ပါ။ ဒေ စာအုပ်ကို ရွီးလီရေအတွက်န အသျှင်ယေရှု ဂေါင်းခင်ဘုံတို့ ကြွလားခပြီးရေနောက် ပထမ အသင်းတော် တည်ဆောက်လီစာ သမိုင်းကို သိရပါရေ။
အဓိက စကားလုံး
ရက်ပေါင်းငါးဆယ်ပွဲ ယုဒလူမျိုးရို့မာ ကောက်သီးကောက်နှံ ရိတ်သိမ်းစာ ပွဲကို ခေါ်ပါရေ။ လွတ်မြောက်ခြင်းပွဲ ပြီးဆုံးရို့ ရက်ပေါင်းငါးဆယ်ပြည့်ရေနိမာ ယုဒလူမျိုးရို့ ဒေ ပွဲကို ကျင့်ပနီကတ်ပါရေ၊ မဟုတ်ကေ သိနာတောင်ထက်မာ ထာဝရဘုရားက ပညှတ်ချက်ဆယ်ပါး ရလီစာနိမာ ကျင့်ပနီကတ်ပါရေ။ ယုဒလူမျိုးရို့စာ ဒေ ပွဲနိမာ ကောက်သီးကောက်နှံတိကို ယေရုရှလင်မြို့မာဟိစာ ဝိပဿနာကျောင်းတို့ ယူလာလီကတ်ပါရေ (ဝတ်ပြုရာကျမ်း ၂၃:၁၅-၂၁၊ တောလည်ရာကျမ်း ၂၈:၂၆-၃၁)။ ဒေ ပွဲစာ ယုဒလူမျိုးရို့မာ ထာဝရဘုရားကို ကျေးဇူးတင်စာပွဲ ဖြစ်ပါရေ။ ဓမ္မဟောင်းကျမ်းမာ ဒေ ပွဲကို ခုနစ်သတင်းပွဲလည်း ခေါ်ပါရေ။
တမန်တော် အသျှင်ယေရှုစာ လူတစ်ဆယ့်နှစ်ယောက်ကို အရေးကြီးဆုံး တပည့်အဖြစ် ရွီးကောက်လီပါရေ အရာ သူရို့ကို အမျိုးမျိုး တန်ခိုးပီးရို့ တရားဟောဖို့အတွက် ရွှတ်လိုက်လီပါရေ (မဿဲ ၁၀:၁-၁၅၊ ၂၀:၁၇၊ မာကု ၆:၇-၁၃၊ လုကာ ၉:၁-၅)။ သူရို့ အားကုံးသူကို တမန်တော် ဟို့ ခေါ်ပါရေ။ သူရို့စာ ယေရှုကို ကိုယ်တိုင် မြင်ဖူးလီကတ်ပါရေ။ သူရို့စာ အမြဲတိုင်း ယေရှုနအတူ ဟိလီကတ်ပါရေ (မာကု ၃:၁၃-၁၅)၊ အရာ သူရို့စာ အခြားတပည့်ရို့ထက် ယေရှုက သွန်သင်ချက် အများကြီး ရလီကတ်ပါရေ (မာကု ၉:၃၀-၃၁၊ လုကာ ၆:၂၀-၄၉၊ ၁၂:၁-၅၇၊ ၂၁:၅-၃၈)။ အရာ သူရို့စာ အကြီးအကျယ် တန်ခိုးန တာဝန် ရလီကတ်စာ ဂေါင်းဆောင်ရို့ ဖြစ်ကတ်ပါရေ။
မဟာတိုင်ဘင်အဖွဲ့ ယုဒလူမျိုးရို့မာ ဘာသာရေး အကြောင်းနပတ်သပ်ရို့ ဆွေးနေးတိုင်ဘင်စာန ဖြေရှင်းစာ အကြီးအကျယ် အဖွဲ့တစ်ဖွဲ့ ဖြစ်ပါရေ (တမန်တော် ၄:၁-၂၂၊ ၆:၁၁-၁၅၊ ၂၂:၃၀-၂၃:၁၀)။ ဒေ အဖွဲ့စာ ယေရုရှလင်မြို့မာ ဟိလီပါရေ။ ဒေ မဟာတိုင်ဘင်အဖွဲ့စာ ဖာရိရှဲအဖွဲ့သားရို့န ဇဒ္ဒုကဲအဖွဲ့သားရို့ကို ယူရို့ ဖွဲ့ထားစာအဖွဲ့ ဖြစ်ပါရေ။ မဟာတိုင်ဘင်အဖွဲ့မာ လူဦးရေ ခုနစ်ဆယ်န တစ်ယောက် ဟိလီပါရေ။ သူရို့အထဲမာ မဟာယဇ်ပုရောဟိတ်စာ အကြီးဆုံး ဖြစ်ပါရေ။ သူရို့စာ ဘာသာရေး အကြောင်းကို ယူရို့ လူရို့ကို တရားစစ်ဆေးကတ်ပါရေ။ သူရို့စာ အသျှင်ယေရှုကိုလည်း ဘာသာရေး အကြောင်းကို ယူရို့ တရားစစ်ဆေးလီကတ်ပါရေ (မဿဲ ၂၆:၅၈-၆၈၊ မာကု ၁၄:၅၁-၆၅၊ လုကာ ၂၂:၆၃-၇၁၊ ယောဟန် ၁၈:၁၉-၂၄)။
ယဇ်ပုရောဟိတ် ထာဝရဘုရားန ယုဒလူမျိုးရို့ကြားမာ အဆက်အသွေ လုပ်ပီးသူရို့ကို ခေါ်ပါရေ။ ယဇ်ပုရောဟိတ် သုံးမျိုး ဟိပါရေ၊ ရိုးရိုး ယဇ်ပုရောဟိတ်၊ ယဇ်ပုရောဟိတ်အကြီး အရာ မဟာယဇ်ပုရောဟိတ် ဖြစ်ပါရေ။ သူရို့စာ ယုဒလူမျိုးအထဲမာ လေဝိအမျိုးအနွယ်က အာရုန်၏ အစိုင်လာ ဖြစ်ကတ်ပါရေ။ သူရို့စာ ယုဒလူရို့မာ ပါလတ်စာ တိရစ္ဆာန်တိကို မဟုတ်ကေ တန်းကားတိကို အရာ အသီးဖလံတိကို ယူရို့ ထာဝရဘုရားဘားမာ တင်အပ်ကတ်ပါရေ။ သူရို့စာ လူရို့မာ အပြစ် ခွင့်ရွှတ်ခြင်းကို ရဖို့အတွက်၊ စင်ကြယ်ခြင်းကို ရဖို့အတွက်၊ ငြိမ်းချမ်းခြင်းကို ရဖို့အတွက် အရာ ကျေးဇူးတင်ဖို့အတွက် ထာဝရဘုရားဘားမာ ယဇ်ပူဇော်ကတ်ပါရေ (တောလည်ရာကျမ်း ၂၉:၁၁)။ အရာ သူရို့စာ အမျိုးမျိုး ဘာသာရေးပွဲတိကို ဥဆောင်နီကတ်ပါရေ။
အကြောင်းအရာ အကျဉ်းချုပ်
(၁) သက်သီပီးဖို့အတွက် အဆင်သင့် လုပ်ခြင်း ၁:၁-၂၆
(က) ယေရှု၏ အဆုံး ပညှတ်ချက်န ဂတိတော် ၁:၁-၁၄
(ခ) ယုဒရှကာရုတ်၏ အရာကို ခံယူခြင်း ၁:၁၅-၂၆
(၂) ယေရုရှလင်မြို့မာ သက်သီပီးခြင်း ၂:၁-၈:၃
(၃) ယုဒပြည်နယ်န ရှမာရိပြည်နယ်မာ သက်သီပီးခြင်း ၈:၄-၁၂:၂၅
(၄) အမျိုးမျိုး နေရာမာ တမန်တော် ပေါလု သာသနာပြုခြင်း ၁၃:၁-၂၈:၃၁
(က) ပထမခေါက် တရားဟောဖို့ ခရီးထွက်ခြင်း ၁၃:၁-၁၄:၂၈
(ခ) ယေရုရှလင်မြို့မာ ဓမ္မပွဲတော် ၁၅:၁-၃၅
(ဂ) ဒုတိယခေါက် တရားဟောဖို့ ခရီးထွက်ခြင်း ၁၅:၃၆-၁၈:၂၂
(ဃ) တတိယခေါက် တရားဟောဖို့ ခရီးထွက်ခြင်း ၁၈:၂၃-၂၁:၁၆
(င) ပေါလု ထောင်ကျသားအနေန ယေရုရှလင်မြို့၊ ကဲသရိမြို့ အရာ ရောမမြို့မာ သက်သီပီးခြင်း ၂၁:၁၇-၂၈:၃၁
Currently Selected:
တမန်တော် နိဒါန်း: RMZ
Highlight
Share
Copy
Want to have your highlights saved across all your devices? Sign up or sign in
©2023 Wycliffe Bible Translators, Inc.
တမန်တော် နိဒါန်း
နိဒါန်း
စာရွီးဆရာ အကြောင်း
စာရွီးဆရာ နာမည် ဆီးဆရာ လုကာ ဖြစ်ပါရေ။ သူစာ သျှင်လုကာ၏ သတင်းကောင်းကိုလည်း ရွီးလီပါရေ။ စာရွီးဆရာ အကြောင်းကို အလှပ သိချင်ရေဆိုကေ သျှင်လုကာ၏ သတင်းကောင်း နိဒါန်းမာ ကြည့်ပါ။
စာရွီးစာ အချိန်န နေရာ
ခရစ်သက္ကရာဇ် ၆၀-၆၅ နှစ်အထဲတွင်းမာ ရောမမြို့ကနီရို့ ဒေ စာအုပ်ကို ရွီးလီစာ ဖြစ်နိုင်ပါရေ။ ယင်းအချိန်မာ တမန်တော် ပေါလု ရောမမြို့မာ ထောင်ကျရို့ ဟိလီပါရေ (တမန်တော် ၂၈:၃၀)။
စာရွီးဆရာ၏ ရွယ်မှတ်ချက်
အသျှင်ယေရှု ဂေါင်းခင်ဘုံတို့ ကြွလားခပြီးရေနောက် ပထမ အသင်းတော် တည်ဆောက်ခြင်း၊ ကျုံသူရို့မာ ကျုံခြင်းတရား ခိုင်မာခြင်း၊ ကျုံသူရို့ သတင်းကောင်း၏ ကောင်းမြတ်စာ သက်သီခံအဖြစ် သက်သီပီးခြင်း၊ ယုဒမဟုတ်သူရို့လည်း ကယ်တင်ခြင်းကို ရခြင်း အရာ ကမ္ဘာတစ်လုံးမာ ကွဲကြင်းရို့ သတင်းကောင်းကို ဟောပြောခြင်း အကြောင်းကို အသိပီးဖို့အတွက် ဒေ တမန်တော် စာအုပ်ကို ရွီးလီပါရေ။
စာအုပ် ခွဲခြားမှု
ဒေ စာအုပ်ကို သမိုင်း စာအုပ်ပိုင် ရွီးလီစာ ဖြစ်ပါရေ။ ဒေ စာအုပ်မာ အသင်းတော်၏ သမိုင်း၊ တမန်တော်ရို့ သမိုင်း အရာ သန့်ရှင်းသောဝိညာဉ်တော်၏ သမိုင်း အကြောင်းကို ရွီးလီပါရေ။ သန့်ရှင်းသောဝိညာဉ်တော် ကျရောက်ပြီးရေနောက် ကျုံသူရို့ ညှဉ်းဆဲခံရစာ အကြောင်းကို အများ ဂရုစိုက်ရို့ ရွီးလီပါရေ (တမန်တော် ၂:၁-၁၃၊ ၅:၁၇-၄၁၊ ၆:၈-၈:၃)။
အခြားစာအုပ်န ဆက်သွေမှု
ဒေ စာအုပ်စာ သျှင်လုကာ သတင်းကောင်း၏ အဆက်အဖြစ် ကောင်းကောင်း အရေးကြီးစာ စာအုပ် ဖြစ်ပါရေ၊ အကြောင်းကား သျှင်လုကာ သတင်းကောင်း အပြုတ်က ဒေ စာအုပ်ကို မရွီးလီဆိုကေ ခရစ်တော်၏ အသင်းတော် တည်ဆောက်စာ သမိုင်းကို သိရလီဖို့ မဟုတ်ပါ။ ဒေ စာအုပ်ကို ရွီးလီရေအတွက်န အသျှင်ယေရှု ဂေါင်းခင်ဘုံတို့ ကြွလားခပြီးရေနောက် ပထမ အသင်းတော် တည်ဆောက်လီစာ သမိုင်းကို သိရပါရေ။
အဓိက စကားလုံး
ရက်ပေါင်းငါးဆယ်ပွဲ ယုဒလူမျိုးရို့မာ ကောက်သီးကောက်နှံ ရိတ်သိမ်းစာ ပွဲကို ခေါ်ပါရေ။ လွတ်မြောက်ခြင်းပွဲ ပြီးဆုံးရို့ ရက်ပေါင်းငါးဆယ်ပြည့်ရေနိမာ ယုဒလူမျိုးရို့ ဒေ ပွဲကို ကျင့်ပနီကတ်ပါရေ၊ မဟုတ်ကေ သိနာတောင်ထက်မာ ထာဝရဘုရားက ပညှတ်ချက်ဆယ်ပါး ရလီစာနိမာ ကျင့်ပနီကတ်ပါရေ။ ယုဒလူမျိုးရို့စာ ဒေ ပွဲနိမာ ကောက်သီးကောက်နှံတိကို ယေရုရှလင်မြို့မာဟိစာ ဝိပဿနာကျောင်းတို့ ယူလာလီကတ်ပါရေ (ဝတ်ပြုရာကျမ်း ၂၃:၁၅-၂၁၊ တောလည်ရာကျမ်း ၂၈:၂၆-၃၁)။ ဒေ ပွဲစာ ယုဒလူမျိုးရို့မာ ထာဝရဘုရားကို ကျေးဇူးတင်စာပွဲ ဖြစ်ပါရေ။ ဓမ္မဟောင်းကျမ်းမာ ဒေ ပွဲကို ခုနစ်သတင်းပွဲလည်း ခေါ်ပါရေ။
တမန်တော် အသျှင်ယေရှုစာ လူတစ်ဆယ့်နှစ်ယောက်ကို အရေးကြီးဆုံး တပည့်အဖြစ် ရွီးကောက်လီပါရေ အရာ သူရို့ကို အမျိုးမျိုး တန်ခိုးပီးရို့ တရားဟောဖို့အတွက် ရွှတ်လိုက်လီပါရေ (မဿဲ ၁၀:၁-၁၅၊ ၂၀:၁၇၊ မာကု ၆:၇-၁၃၊ လုကာ ၉:၁-၅)။ သူရို့ အားကုံးသူကို တမန်တော် ဟို့ ခေါ်ပါရေ။ သူရို့စာ ယေရှုကို ကိုယ်တိုင် မြင်ဖူးလီကတ်ပါရေ။ သူရို့စာ အမြဲတိုင်း ယေရှုနအတူ ဟိလီကတ်ပါရေ (မာကု ၃:၁၃-၁၅)၊ အရာ သူရို့စာ အခြားတပည့်ရို့ထက် ယေရှုက သွန်သင်ချက် အများကြီး ရလီကတ်ပါရေ (မာကု ၉:၃၀-၃၁၊ လုကာ ၆:၂၀-၄၉၊ ၁၂:၁-၅၇၊ ၂၁:၅-၃၈)။ အရာ သူရို့စာ အကြီးအကျယ် တန်ခိုးန တာဝန် ရလီကတ်စာ ဂေါင်းဆောင်ရို့ ဖြစ်ကတ်ပါရေ။
မဟာတိုင်ဘင်အဖွဲ့ ယုဒလူမျိုးရို့မာ ဘာသာရေး အကြောင်းနပတ်သပ်ရို့ ဆွေးနေးတိုင်ဘင်စာန ဖြေရှင်းစာ အကြီးအကျယ် အဖွဲ့တစ်ဖွဲ့ ဖြစ်ပါရေ (တမန်တော် ၄:၁-၂၂၊ ၆:၁၁-၁၅၊ ၂၂:၃၀-၂၃:၁၀)။ ဒေ အဖွဲ့စာ ယေရုရှလင်မြို့မာ ဟိလီပါရေ။ ဒေ မဟာတိုင်ဘင်အဖွဲ့စာ ဖာရိရှဲအဖွဲ့သားရို့န ဇဒ္ဒုကဲအဖွဲ့သားရို့ကို ယူရို့ ဖွဲ့ထားစာအဖွဲ့ ဖြစ်ပါရေ။ မဟာတိုင်ဘင်အဖွဲ့မာ လူဦးရေ ခုနစ်ဆယ်န တစ်ယောက် ဟိလီပါရေ။ သူရို့အထဲမာ မဟာယဇ်ပုရောဟိတ်စာ အကြီးဆုံး ဖြစ်ပါရေ။ သူရို့စာ ဘာသာရေး အကြောင်းကို ယူရို့ လူရို့ကို တရားစစ်ဆေးကတ်ပါရေ။ သူရို့စာ အသျှင်ယေရှုကိုလည်း ဘာသာရေး အကြောင်းကို ယူရို့ တရားစစ်ဆေးလီကတ်ပါရေ (မဿဲ ၂၆:၅၈-၆၈၊ မာကု ၁၄:၅၁-၆၅၊ လုကာ ၂၂:၆၃-၇၁၊ ယောဟန် ၁၈:၁၉-၂၄)။
ယဇ်ပုရောဟိတ် ထာဝရဘုရားန ယုဒလူမျိုးရို့ကြားမာ အဆက်အသွေ လုပ်ပီးသူရို့ကို ခေါ်ပါရေ။ ယဇ်ပုရောဟိတ် သုံးမျိုး ဟိပါရေ၊ ရိုးရိုး ယဇ်ပုရောဟိတ်၊ ယဇ်ပုရောဟိတ်အကြီး အရာ မဟာယဇ်ပုရောဟိတ် ဖြစ်ပါရေ။ သူရို့စာ ယုဒလူမျိုးအထဲမာ လေဝိအမျိုးအနွယ်က အာရုန်၏ အစိုင်လာ ဖြစ်ကတ်ပါရေ။ သူရို့စာ ယုဒလူရို့မာ ပါလတ်စာ တိရစ္ဆာန်တိကို မဟုတ်ကေ တန်းကားတိကို အရာ အသီးဖလံတိကို ယူရို့ ထာဝရဘုရားဘားမာ တင်အပ်ကတ်ပါရေ။ သူရို့စာ လူရို့မာ အပြစ် ခွင့်ရွှတ်ခြင်းကို ရဖို့အတွက်၊ စင်ကြယ်ခြင်းကို ရဖို့အတွက်၊ ငြိမ်းချမ်းခြင်းကို ရဖို့အတွက် အရာ ကျေးဇူးတင်ဖို့အတွက် ထာဝရဘုရားဘားမာ ယဇ်ပူဇော်ကတ်ပါရေ (တောလည်ရာကျမ်း ၂၉:၁၁)။ အရာ သူရို့စာ အမျိုးမျိုး ဘာသာရေးပွဲတိကို ဥဆောင်နီကတ်ပါရေ။
အကြောင်းအရာ အကျဉ်းချုပ်
(၁) သက်သီပီးဖို့အတွက် အဆင်သင့် လုပ်ခြင်း ၁:၁-၂၆
(က) ယေရှု၏ အဆုံး ပညှတ်ချက်န ဂတိတော် ၁:၁-၁၄
(ခ) ယုဒရှကာရုတ်၏ အရာကို ခံယူခြင်း ၁:၁၅-၂၆
(၂) ယေရုရှလင်မြို့မာ သက်သီပီးခြင်း ၂:၁-၈:၃
(၃) ယုဒပြည်နယ်န ရှမာရိပြည်နယ်မာ သက်သီပီးခြင်း ၈:၄-၁၂:၂၅
(၄) အမျိုးမျိုး နေရာမာ တမန်တော် ပေါလု သာသနာပြုခြင်း ၁၃:၁-၂၈:၃၁
(က) ပထမခေါက် တရားဟောဖို့ ခရီးထွက်ခြင်း ၁၃:၁-၁၄:၂၈
(ခ) ယေရုရှလင်မြို့မာ ဓမ္မပွဲတော် ၁၅:၁-၃၅
(ဂ) ဒုတိယခေါက် တရားဟောဖို့ ခရီးထွက်ခြင်း ၁၅:၃၆-၁၈:၂၂
(ဃ) တတိယခေါက် တရားဟောဖို့ ခရီးထွက်ခြင်း ၁၈:၂၃-၂၁:၁၆
(င) ပေါလု ထောင်ကျသားအနေန ယေရုရှလင်မြို့၊ ကဲသရိမြို့ အရာ ရောမမြို့မာ သက်သီပီးခြင်း ၂၁:၁၇-၂၈:၃၁
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Wycliffe Bible Translators, Inc.