ယောဟန် 12
12
ယေရှုအခြီမာ ရီမွှီးဆီသွန်ခြင်း
(မဿဲ ၂၆:၆-၁၃၊ မာကု ၁၄:၃-၉)
1 လွတ်မြောင့်ခြင်းပွဲ မကျခင် ခြောက်ရက်အယင်က ယေရှုစာ ဗေသနိရွာတို့ ကြွလီရေ။ ဗေသနိရွာစာ လာဇရု နီထိုင်စာ ရွာဖြစ်တေ။ ဒေ လာဇရုကို ယေရှု သီရာက ပြန်ရှင်ထမြောင့်စီလီရေ။ 2ယင်းရွာမာ သူရို့စာ ယေရှုအတွက် စားဖို့သောက်ဖို့ ပွဲသျှေတစ်ပွဲ ယင်ကတ်လီရေ။ ယင်းခါ မာသစာ ယင်းစားပွဲမာ အစားအသောက် လောင်းပီးလီရေ။ ယေရှုနအတူ စားဖို့သောက်ဖို့ ထိုင်ကတ်သူရို့အထဲမာ လာဇရုလည်း ဟိလီရေ။
3ယင်းခါ မာရိစာ ကောင်းကောင်း တန်ဖိုးဟိစာ ရီမွှီးဆီအစင်ကို ယူလာပြီးကေ ယေရှုအခြီမာ သွန်ရို့ ကိုယ့်ဆံပင်န ပွတ်လီရေ။ ထို ရီမွှီးဆီစာ တစ်ပွါကျော်ပင်မနာ ဟိလီရေ။ ယင်းခါ ရီမွှီးဆီအနံ့စာ အိမ်လုံးပြတ် ချုန်လားခလီရေ။ 4ယင်းခါ ယေရှု တပည့်ရို့အထဲက ယုဒရှကာရုတ်စာ ယင်းမာ ဟိလီရေ။ သူစာ ယေရှုကို ရှိတို့ ရန်သူရို့အလက်မာ ဖမ်းပီးဖို့သူ ဖြစ်တေ။ 5ယုဒရှကာရုတ်စာ ပြောလီရေ၊ “ဒေ ရီမွှီးဆီကား ကောင်းကောင်း တန်ဖိုးဟိစာဆီ ဖြစ်တေ။ ဒေ ရီမွှီးဆီကို ငွေသားတန်းကား အချပ်သုံးရာန ရောင်းရို့ ဆင်းရဲသားရို့ကို လှူလီကေပင် ကောင်းဖို့သိ။ ဇာအတွက်န ဒေ ဆီကို ရောင်းရို့ ဆင်းရဲသားရို့ကို မလှူလီစာလည်း?”
6ဆင်းရဲသားရို့ကို သနားရို့ ယုဒရှကာရုတ် ထိုစကားကို ပြောလီစာ မဟုတ်။ သူစာ သူခိုးတစ်ယောက် ဖြစ်တေအတွက်န ထိုစကားကို ပြောလီစာ ဖြစ်တေ။ တပည့်ရို့စာ တန်းကားအိပ်ကို ယုဒရှကာရုတ်ဘားမာ အပ်ထားကတ်လီရေ။ အရာ သူစာ ကိုယ့်ဘားမာ အပ်ထားစာ တန်းကားတိကို မကြာမကြာ ခိုးယူလီရေ။
7ယင်းခါ ယေရှုစာ ပြောလီရေ၊ “နင်ရို့ သူ့ကို မနှောက်သျှက်ကတ်ကေ့။ သူစာ ငါ သီရို့ သင်္ဂြိုဟ်ဖို့နိမာ အသုံးပြုဖို့အတွက် ဒေ ရီမွှီးဆီကို စုဆောင်းရို့ ထားလီစာ ဖြစ်တေ။ 8ဆင်းရဲသားရို့ကား အမြဲတိုင်း နင်ရို့နအတူ ဟိကတ်တေ၊ ယေကေလည်း ငါ အမြဲတိုင်း နင်ရို့နအတူ ဟိဖို့ မဟုတ်။”
9ယေရှု ဗေသနိရွာမာ ရောက်နီရေဆိုစာကို ယုဒလူရို့ ကြားရကတ်လီရေ။ ယင်းအတွက်န သူရို့အထဲက လူအများကြီး ယေရှုကို ကြည့်ဖို့အတွက် ဗေသနိရွာတို့ လာကတ်လီရေ။ ယေကေလည်း သက်သက် ယေရှုကို ကြည့်ဖို့အတွက် လာလီကတ်စာ မဟုတ်သိ၊ ယေရှု အရှင်လုပ်လီစာ လာဇရုကိုလည်း ကြည့်ဖို့အတွက် လာလီကတ်စာ ဖြစ်တေ။ 10-11လာဇရု သီရာက ပြန်ရှင်ထမြောင့်လီစာ အကြောင်းန များကာ ယုဒလူရို့စာ ဂေါင်းဆောင်ရို့ကို စွန့်ရို့ ယေရှုကို ကျုံကတ်လီရေ။ ယင်းအတွက်န ယဇ်ပုရောဟိတ်အကြီးရို့စာ လာဇရုကိုလည်း အသီသတ်ဖို့ ကြံကတ်လီရေ။
ယေရှု ယေရုရှလင်မြို့တို့ ဝင်ခြင်း
(မဿဲ ၂၁:၁-၁၁၊ မာကု ၁၁:၁-၁၁၊ လုကာ ၁၉:၂၈-၄၀)
12လွတ်မြောင့်ခြင်းပွဲတို့ လာကတ်လီစာ ဟိသမျ လူရို့စာ နောက်တစ်ရက်နိမာ ယေရှု ယေရုရှလင်မြို့တို့ ကြွလာရေဆိုစာကို ကြားရကတ်လီရေ။ 13ယင်းခါ သူရို့စာ ခဇူပင်က အလက်တိကို ယူရို့ ယေရှုကို ကြိုဆိုဖို့ လာကတ်လီရေ။ သူရို့စာ အော်ရို့ ပြောကတ်လီရေ၊
“ဟောရှဏ္ဏ!#၁၂:၁၃ ဟောရှဏ္ဏ အဓိပ္ပါယ်ကား “အကျွန်ရို့ကို ကယ်တင်ပါ” ဟို့ မေတ္တာရပ်ခံစာ ဖြစ်ပါရေ ထာဝရဘုရား၏ ဘုန်းကြီးပါစီ၊
အသျှင်၏ နာမည်န ကြွလာသူစာ မင်္ဂလာ ဟိပါစီ၊
ဣသရေလလူမျိုးရို့မာ မင်း မင်္ဂလာ ဟိပါစီ။”
14-15ကျမ်းစာမာ၊ “အိုး ယေရုရှလင်မြို့သားရို့၊ နင်ရို့ မကြောက်ကေ့။ ကြည့်ကတ်၊ နင်ရို့မာ အသျှင်မင်းကြီး ဝန်ရွက်မြင်းသျှေကို စီးရို့ ကြွလာနီရေ” ဟို့ ရွီးရို့ ဟိစာပိုင်တထန် ယေရှုစာ ဝန်ရွက်မြင်းသျှေ တစ်ကောင်ကို တွိရေခါ စီးရို့ ကြွလာလီရေ။
16ထိုအကြောင်းတိကို ယေရှုမာ တပည့်ရို့စာ ပထမခါ နားမလည်ကတ်လီ၊ ယေကေလည်း ယေရှုမာ ဘုန်းတန်ခိုး ရပြီးရေနောက် သူရို့စာ ကျမ်းစာမာ ရွီးရို့ဟိစာ စကားတိ ယေရှု အကြောင်းကို ရွီးထားလီရေဆိုစာကို တွက်ရကတ်လီရေ။ အရာ ထိုလူရို့ လုပ်လီကတ်စာ အလုပ်တိ ယေရှုအတွက် လုပ်လီရေဆိုစာကိုလည်း သူရို့စာ တွက်ရကတ်လီရေ။
17ယေရှု လာဇရုကို အရှင်လုပ်ရို့ သင်္ချိုင်းဂူခေါင်းထဲက ခေါ်ထုတ်လီရေခါ လူအများကြီး ယေရှုနအတူ ဟိကတ်လီရေ။ ယင်းနောက် သူရို့စာ လာဇရု အသက်ရှင်စာ အကြောင်းကို အခြားလူရို့ဘားမာ ပြောပြကတ်လီရေ။ 18ယင်းအတွက်န ယင်းသျှင့်ကို ကြားရို့ လူရို့စာ ယေရှုကို ကြိုဆိုဖို့ ထွက်လာကတ်လီရေ။ 19ယင်းခါ ဖာရိရှဲအဖွဲ့သားရို့စာ ကိုယ်ရို့ အချင်းချင်း ပြောကတ်လီရေ၊ “ကြည့်ကတ်၊ ငါရို့ ကြိုးစားမှုတိ တစ်ခုလည်း အမြတ်မဟိ။ ကမ္ဘာ တစ်လုံးသား သူ့နောက်က လိုက်လားခကတ်ပျာ။”
ကိုယ်သီဖို့စာ အကြောင်းကို ပြောပြခြင်း
20လွတ်မြောင့်ခြင်းပွဲ ကျရေနိမာ သတင်းဝင်ဖို့အတွက် ယေရုရှလင်မြို့တို့ လာသူရို့အထဲမာ ဂရိလူမျိုး လိုင်းကေယောက်လည်း ဟိကတ်လီရေ။ 21ထိုဂရိပြည်သား လိုင်းကေယောက်စာ ဖိလိပ္ပုတို့ လာရို့၊ “မိတ်ဆွေ၊ ငါရို့ ယေရှုန တွိချင်ပါရေ” ဟို့ တောင်းပန်ရို့ ပြောကတ်လီရေ။ ဖိလိပ္ပုစာ ဂါလိလဲပြည်နယ်က ဗက်ဇဲဒရွာသား တစ်ယောက် ဖြစ်တေ။ 22ယင်းခါ ဖိလိပ္ပုစာ အန္ဒြေတို့ လာရို့ ထိုသူရို့ ပြောလိုက်စာ စကားကို ပြောပြလီရေ။ ယင်းနောက် အန္ဒြေန ဖိလိပ္ပုစာ ယေရှုတို့ လာရို့ ထိုစကားကို ပြောပြကတ်လီရေ။
23ယင်းခါ ယေရှုစာ အန္ဒြေန ဖိလိပ္ပုကို ပြောလီရေ၊ “မနုသသားတော်မာ ဘုန်းတန်ခိုး ရဖို့စာအချိန် ရောက်လာဗျာ။ 24ငါ နင်ရို့ကို အမှန် ပြောရေ၊ စပါးစိစာ မြေပြင်မာ ကျရို့ ပျက်ဆုံးရဖို့။ ယင်းပိုင် မပျက်ဆုံးဆိုကေ စပါးတစ်စိတည်းရာ ဟိဖို့၊ ယေကေလည်း ပျက်ဆုံးရေဆိုကေ ထိုစပါးစိက အရာလည်း အသီးအနှံ အများကြီး သီးဖို့။ 25အသူမဆို ကိုယ့်အသက်ကို အများ ချစ်တေဆိုကေ သူစာ ကိုယ့်မာ ထာဝရအသက်ကို ဆုံးရလိမည်၊ ယေကေလည်း အသူမဆို ဒေ လောကမာ ကိုယ့်အသက်ကိုထက် အခြားလူကို အများ ချစ်တေဆိုကေ သူစာ ကိုယ့်မာ ထာဝရအသက်ကို ကယ်ဆယ်လိမည်။ 26ငါ့ကို ပြုဇုသူစာ ငါ့နောက်က လိုက်ရဖို့ အရာ ငါ နီစာ နေရာမာ သူလည်း နီရဖို့။ အသူမဆို ငါ့ကို ပြုဇုရေဆိုကေ ငါ့အဖ သူ့ကို ရိုသေလေးစားခြင်း ပီးလိမည်။
27“ငါ ဒေဂု ကောင်းကောင်း စိတ်ပူနီရေ။ ငါ ဇာပြောဖို့လည်း၊ ‘အိုး အဖ၊ ဒေ ဒုက္ခ-ဝေဒနာ ခံရဖို့စာအချိန်က အကျွန့်ကို ကယ်ဆယ်ပါ’ ဟို့ ပြောဖို့စာလော? ငါ ယင်းပိုင် မပြော၊ အကြောင်းကား ဒေ ဒုက္ခ-ဝေဒနာကို ခံဖို့အတွက်နရာ ငါ ကြွလာစာ ဖြစ်တေ။ 28အိုး အဖ၊ ကိုယ်တော်၏ ဘုန်းတန်ခိုးကို ပြပါ။”
ယင်းခါ ဂေါင်းခင်ဘုံက၊ “ငါ ကိုယ့်ဘုန်းတန်ခိုးကို ဖေါ်ပြဗျာ၊ ငါ အရာတစ်ပြန် ဖေါ်ပြဖို့သိ” ဟို့ ပြောစာစကားသံကို ကြားရကတ်လီရေ။
29ယင်းနေရာမာ ရပ်ရို့ ဟိသူရို့စာ ထိုစကားသံကို ကြားရို့ ပြောကတ်လီရေ၊ “ဒေ အသံကား မိုးကြိုးစာအသံ ဖြစ်မည်။”
ယေကေလည်း တစ်ချိုးလူရို့စာ ပြောကတ်လီရေ၊ “ဂေါင်းခင်နတ်သားတစ်ပါး ယင်းသူန စကားပြောစာ ဖြစ်မည်။”
30ယင်းခါ ယေရှုစာ လူရို့ကို ပြောလီရေ၊ “ထိုစကားသံစာ ငါ့အတွက် မဟုတ်၊ ကိုယ်ဘင်ရို့မာ မင်္ဂလာဟိဖို့အတွက် ဖြစ်တေ။ 31ဒေဂု ဒေ လောကသားရို့ တရားစစ်ဆေးခြင်းကို ခံရဖို့စာအချိန် ရောက်လာဗျာ။ မာရ်နတ်စာ လောကကို အုပ်ချုပ်နီရေ၊ ဒေဂု သူ့က အခွင့်အာဏာကို လုယူဖို့ဗျာ။ 32ငါ့ကို ကမ္ဘာကနီရို့ အမြင့်မာ မြှောင့်ထားကတ်လိမည်။ ယင်းခါ ငါ အားကုံးသူကို ငါ့တို့ ဆွဲယူခဖို့။” 33ယေရှု ကိုယ် ဇာပိုင် သီဖို့လည်းဆိုစာ အကြောင်းကို နားလည်ကတ်ပတ်စီအတွက် သူ့ကို အမြင့်မာ မြှောင့်ထားကတ်လိမည် ဟို့ ပြောလီစာ ဖြစ်တေ။
34ယင်းခါ လူရို့စာ ယေရှုကို ပြောကတ်လီရေ၊ “‘ခရစ်တော် ထာဝရပတ်လုံး အသက်အရှင်ဟိဖို့’ ဟို့ ကျမ်းစာမာ ပြောထားစာ စကားကို အကျွန်ရို့ ကြားဖူးပါရေ။ ယင်းပိုင်ဆိုကေ မနုသသားတော်ကို အမြင့်မာ မြှောင့်ထားရဖို့ ဟို့ ကိုယ်ဘင် ပြောစာစကား ဇာပိုင်ပျင်ရို့ ဖြစ်နိုင်ပါဖို့လည်း? ထိုမနုသသားတော် အသူပါလည်း?”
35ယေရှုစာ သူရို့ကို ပြောလီရေ၊ “အလင်း တစ်နားသျှေအတွက် ကိုယ်ဘင်ရို့နအတူ ဟိရေ။ ထိုအလင်း ကိုယ်ဘင်ရို့နအတူ ဟိရေခါ ကိုယ်ဘင်ရို့ ထိုအလင်းမာ လမ်းသျှောက်ကတ်။ ယင်းပိုင်ဆိုကေ အမိုက်မှောင် ကိုယ်ဘင်ရို့ကို ချုပ်နိုင်လိမည် မဟုတ်။ အမိုက်မှောင်မာ လမ်းသျှောက်သူစာ ကိုယ် ဇာတို့ လားရေလည်းဆိုစာကို မသိ။ 36အလင်း ကိုယ်ဘင်ရို့နအတူ ဟိရေခါ အလင်းကို ကျုံကတ်။ ယင်းပိုင်ဆိုကေ ကိုယ်ဘင်ရို့ အလင်း၏ သားသမီး ဖြစ်ကတ်လိမည်။” ယေရှုစာ ထိုစကားတိကို ပြောပြီးရေနောက် လူရို့က ထွက်ရို့ ကြွပြီးကေ လူမသိစာ နေရာမာ နီလီရေ။
မကျုံသူရို့ တရားစစ်ဆေး ခံရဖို့စာအကြောင်း
37လူရို့ ရှိက ယေရှု အများကြီး အံ့ဩဖွယ်-နိမိတ်လက္ခဏာ အလုပ်တိကို လုပ်ရို့ ပြလီရေ၊ ယေကေလည်း လူရို့စာ ယေရှုကို မကျုံလီကတ်။ 38ဒေပိုင် ဖြစ်ပျက်လာစာ အကြောင်းကား ဘုရားသတင်းပို့သူ ဟေရှာယ ပြောလီစာ စကား ပြည့်စုံဖို့အတွက် ဖြစ်တေ။ ဘုရားသတင်းပို့သူ ဟေရှာယစာ ပြောလီရေ၊
“အိုး အသျှင်၊ အကျွန်ရို့ ဟောပြောစာ သတင်းကို အသူ ကျုံလီပါရေလည်း?
ကိုယ်တော်၏ တန်ခိုးကို အသူ့ဘားမာ ဖေါ်ပြလီပါရေလည်း?”
39-40ဘုရားသတင်းပို့သူ ဟေရှာယစာ အရာတစ်ပြန် ပြောလီရေ၊ “ထာဝရဘုရား သူရို့ကို မျက်စိ ကန်းအောင် လုပ်လီရေ အရာ သူရို့ စိတ်နှလုံးကို ကျန်းအောင် လုပ်လီရေ။ ဒေပိုင် မလုပ်ဆိုကေ သူရို့ မျက်စိန မြင်ရကတ်ဖို့၊ သူရို့ စိတ်နှလုံးစာ နားလည်လာကတ်ဖို့ အရာ သူရို့မာ ရောဂါ ကောင်းဖို့အတွက် ထာဝရဘုရားတို့ ပြန်လာကတ်ဖို့။” ယင်းအတွက်န လူရို့ မကျုံလီကတ်စာ ဖြစ်တေ။ 41ဟေရှာယ ယေရှု၏ ဘုန်းတန်ခိုးကို မြင်ဖူးလီရေအတွက်န ထိုစကားကို ပြောလီစာ ဖြစ်တေ။
42ယုဒဂေါင်းဆောင်ရို့အထဲမာ လူအများကြီး ယေရှုကို ကျုံကတ်လီရေ၊ ယေကေလည်း သူရို့စာ ဖာရိရှဲအဖွဲ့သားရို့ကို ကြောက်ကတ်လီရေ။ ယင်းအတွက်န သူရို့စာ ကိုယ်ရို့ ကျုံခြင်းတရားကို ပပွင့်လလင်း ဝန်မခံကတ်လီ။ အရာ သူရို့စာ ယုဒလူမျိုးရို့မာ ဘာသာရေး တရားဇရပ်က နှင်ထုတ်ခံဖို့စာကို ကြောင်းကြကတ်လီရေ၊ 43အကြောင်းကား သူရို့စာ ထာဝရဘုရားပီးစာ ချီမွမ်းခြင်းထက်ပင် လူရို့ပီးစာ ချီမွမ်းခြင်းကို အများ နှစ်သက်လီကတ်တေ။
44ယင်းနောက် ယေရှုစာ အားန အော်ရို့ ပြောလီရေ၊ “ငါ့ကို ကျုံသူစာ သက်သက် ငါ့ကို ကျုံစာ မဟုတ်သိ၊ ငါ့ကို ရွှတ်လိုက်သူကိုလည်း ကျုံရေ။ 45ငါ့ကို မြင်သူစာ ငါ့ကို ရွှတ်လိုက်သူကိုလည်း မြင်ရေ။ 46ငါ့ကို ကျုံသူစာ အမိုက်မှောင်မာ မနီရ။ ယင်းအတွက်န ငါ အလင်း အဖြစ် ဒေ လောကတို့ ကြွလာစာ ဖြစ်တေ။ 47ငါ့စကားကို ကြားရို့လည်း မလိုက်နာသူကို ငါ အပြစ်မတင်၊ အကြောင်းကား လောကသားရို့ကို အပြစ်တင်ဖို့အတွက် ငါ ကြွလာစာ မဟုတ်။ လောကသားရို့ကို ကယ်တင်ဖို့အတွက် ငါ ကြွလာစာ ဖြစ်တေ။ 48ငါ့ကို ငြင်းပယ်ရို့ ငါ ပြောစာစကားကို နားမထောင်သူကို တရားစစ်ဆေးဖို့အတွက် တရားသူကြီး တစ်ယောက် ဟိရေ။ ထိုတရားသူကြီးစာ ငါ ပြောစာစကား ဖြစ်တေ။ ထိုစကားစာ ကမ္ဘာကုန်ဆုံးရေနိမာ သူ့ကို အပြစ်တင်လိမည်။ 49ငါ ပြောစာစကားစာ ငါ့စကား မဟုတ်၊ ငါ့ကို ရွှတ်လိုက်စာ အဖ၏ စကား ဖြစ်တေ။ ငါ့အဖစာ ဇာအကြောင်းကို ပြောရဖို့လည်းဆိုစာကို ငါ့ကို အာဏာချလီရေ။ 50အဖ၏ အာဏာစာ လူရို့ကို ထာဝရအသက် ပီးရေဆိုစာကို ငါ သိရေ။ ယင်းအတွက်န ငါ့အဖ ငါ့ကို အာဏာချရေအတိုင်း ငါ ဒေ စကားတိကို ပြောစာ ဖြစ်တေ။”
Currently Selected:
ယောဟန် 12: RMZ
Highlight
Share
Copy
Want to have your highlights saved across all your devices? Sign up or sign in
©2023 Wycliffe Bible Translators, Inc.
ယောဟန် 12
12
ယေရှုအခြီမာ ရီမွှီးဆီသွန်ခြင်း
(မဿဲ ၂၆:၆-၁၃၊ မာကု ၁၄:၃-၉)
1 လွတ်မြောင့်ခြင်းပွဲ မကျခင် ခြောက်ရက်အယင်က ယေရှုစာ ဗေသနိရွာတို့ ကြွလီရေ။ ဗေသနိရွာစာ လာဇရု နီထိုင်စာ ရွာဖြစ်တေ။ ဒေ လာဇရုကို ယေရှု သီရာက ပြန်ရှင်ထမြောင့်စီလီရေ။ 2ယင်းရွာမာ သူရို့စာ ယေရှုအတွက် စားဖို့သောက်ဖို့ ပွဲသျှေတစ်ပွဲ ယင်ကတ်လီရေ။ ယင်းခါ မာသစာ ယင်းစားပွဲမာ အစားအသောက် လောင်းပီးလီရေ။ ယေရှုနအတူ စားဖို့သောက်ဖို့ ထိုင်ကတ်သူရို့အထဲမာ လာဇရုလည်း ဟိလီရေ။
3ယင်းခါ မာရိစာ ကောင်းကောင်း တန်ဖိုးဟိစာ ရီမွှီးဆီအစင်ကို ယူလာပြီးကေ ယေရှုအခြီမာ သွန်ရို့ ကိုယ့်ဆံပင်န ပွတ်လီရေ။ ထို ရီမွှီးဆီစာ တစ်ပွါကျော်ပင်မနာ ဟိလီရေ။ ယင်းခါ ရီမွှီးဆီအနံ့စာ အိမ်လုံးပြတ် ချုန်လားခလီရေ။ 4ယင်းခါ ယေရှု တပည့်ရို့အထဲက ယုဒရှကာရုတ်စာ ယင်းမာ ဟိလီရေ။ သူစာ ယေရှုကို ရှိတို့ ရန်သူရို့အလက်မာ ဖမ်းပီးဖို့သူ ဖြစ်တေ။ 5ယုဒရှကာရုတ်စာ ပြောလီရေ၊ “ဒေ ရီမွှီးဆီကား ကောင်းကောင်း တန်ဖိုးဟိစာဆီ ဖြစ်တေ။ ဒေ ရီမွှီးဆီကို ငွေသားတန်းကား အချပ်သုံးရာန ရောင်းရို့ ဆင်းရဲသားရို့ကို လှူလီကေပင် ကောင်းဖို့သိ။ ဇာအတွက်န ဒေ ဆီကို ရောင်းရို့ ဆင်းရဲသားရို့ကို မလှူလီစာလည်း?”
6ဆင်းရဲသားရို့ကို သနားရို့ ယုဒရှကာရုတ် ထိုစကားကို ပြောလီစာ မဟုတ်။ သူစာ သူခိုးတစ်ယောက် ဖြစ်တေအတွက်န ထိုစကားကို ပြောလီစာ ဖြစ်တေ။ တပည့်ရို့စာ တန်းကားအိပ်ကို ယုဒရှကာရုတ်ဘားမာ အပ်ထားကတ်လီရေ။ အရာ သူစာ ကိုယ့်ဘားမာ အပ်ထားစာ တန်းကားတိကို မကြာမကြာ ခိုးယူလီရေ။
7ယင်းခါ ယေရှုစာ ပြောလီရေ၊ “နင်ရို့ သူ့ကို မနှောက်သျှက်ကတ်ကေ့။ သူစာ ငါ သီရို့ သင်္ဂြိုဟ်ဖို့နိမာ အသုံးပြုဖို့အတွက် ဒေ ရီမွှီးဆီကို စုဆောင်းရို့ ထားလီစာ ဖြစ်တေ။ 8ဆင်းရဲသားရို့ကား အမြဲတိုင်း နင်ရို့နအတူ ဟိကတ်တေ၊ ယေကေလည်း ငါ အမြဲတိုင်း နင်ရို့နအတူ ဟိဖို့ မဟုတ်။”
9ယေရှု ဗေသနိရွာမာ ရောက်နီရေဆိုစာကို ယုဒလူရို့ ကြားရကတ်လီရေ။ ယင်းအတွက်န သူရို့အထဲက လူအများကြီး ယေရှုကို ကြည့်ဖို့အတွက် ဗေသနိရွာတို့ လာကတ်လီရေ။ ယေကေလည်း သက်သက် ယေရှုကို ကြည့်ဖို့အတွက် လာလီကတ်စာ မဟုတ်သိ၊ ယေရှု အရှင်လုပ်လီစာ လာဇရုကိုလည်း ကြည့်ဖို့အတွက် လာလီကတ်စာ ဖြစ်တေ။ 10-11လာဇရု သီရာက ပြန်ရှင်ထမြောင့်လီစာ အကြောင်းန များကာ ယုဒလူရို့စာ ဂေါင်းဆောင်ရို့ကို စွန့်ရို့ ယေရှုကို ကျုံကတ်လီရေ။ ယင်းအတွက်န ယဇ်ပုရောဟိတ်အကြီးရို့စာ လာဇရုကိုလည်း အသီသတ်ဖို့ ကြံကတ်လီရေ။
ယေရှု ယေရုရှလင်မြို့တို့ ဝင်ခြင်း
(မဿဲ ၂၁:၁-၁၁၊ မာကု ၁၁:၁-၁၁၊ လုကာ ၁၉:၂၈-၄၀)
12လွတ်မြောင့်ခြင်းပွဲတို့ လာကတ်လီစာ ဟိသမျ လူရို့စာ နောက်တစ်ရက်နိမာ ယေရှု ယေရုရှလင်မြို့တို့ ကြွလာရေဆိုစာကို ကြားရကတ်လီရေ။ 13ယင်းခါ သူရို့စာ ခဇူပင်က အလက်တိကို ယူရို့ ယေရှုကို ကြိုဆိုဖို့ လာကတ်လီရေ။ သူရို့စာ အော်ရို့ ပြောကတ်လီရေ၊
“ဟောရှဏ္ဏ!#၁၂:၁၃ ဟောရှဏ္ဏ အဓိပ္ပါယ်ကား “အကျွန်ရို့ကို ကယ်တင်ပါ” ဟို့ မေတ္တာရပ်ခံစာ ဖြစ်ပါရေ ထာဝရဘုရား၏ ဘုန်းကြီးပါစီ၊
အသျှင်၏ နာမည်န ကြွလာသူစာ မင်္ဂလာ ဟိပါစီ၊
ဣသရေလလူမျိုးရို့မာ မင်း မင်္ဂလာ ဟိပါစီ။”
14-15ကျမ်းစာမာ၊ “အိုး ယေရုရှလင်မြို့သားရို့၊ နင်ရို့ မကြောက်ကေ့။ ကြည့်ကတ်၊ နင်ရို့မာ အသျှင်မင်းကြီး ဝန်ရွက်မြင်းသျှေကို စီးရို့ ကြွလာနီရေ” ဟို့ ရွီးရို့ ဟိစာပိုင်တထန် ယေရှုစာ ဝန်ရွက်မြင်းသျှေ တစ်ကောင်ကို တွိရေခါ စီးရို့ ကြွလာလီရေ။
16ထိုအကြောင်းတိကို ယေရှုမာ တပည့်ရို့စာ ပထမခါ နားမလည်ကတ်လီ၊ ယေကေလည်း ယေရှုမာ ဘုန်းတန်ခိုး ရပြီးရေနောက် သူရို့စာ ကျမ်းစာမာ ရွီးရို့ဟိစာ စကားတိ ယေရှု အကြောင်းကို ရွီးထားလီရေဆိုစာကို တွက်ရကတ်လီရေ။ အရာ ထိုလူရို့ လုပ်လီကတ်စာ အလုပ်တိ ယေရှုအတွက် လုပ်လီရေဆိုစာကိုလည်း သူရို့စာ တွက်ရကတ်လီရေ။
17ယေရှု လာဇရုကို အရှင်လုပ်ရို့ သင်္ချိုင်းဂူခေါင်းထဲက ခေါ်ထုတ်လီရေခါ လူအများကြီး ယေရှုနအတူ ဟိကတ်လီရေ။ ယင်းနောက် သူရို့စာ လာဇရု အသက်ရှင်စာ အကြောင်းကို အခြားလူရို့ဘားမာ ပြောပြကတ်လီရေ။ 18ယင်းအတွက်န ယင်းသျှင့်ကို ကြားရို့ လူရို့စာ ယေရှုကို ကြိုဆိုဖို့ ထွက်လာကတ်လီရေ။ 19ယင်းခါ ဖာရိရှဲအဖွဲ့သားရို့စာ ကိုယ်ရို့ အချင်းချင်း ပြောကတ်လီရေ၊ “ကြည့်ကတ်၊ ငါရို့ ကြိုးစားမှုတိ တစ်ခုလည်း အမြတ်မဟိ။ ကမ္ဘာ တစ်လုံးသား သူ့နောက်က လိုက်လားခကတ်ပျာ။”
ကိုယ်သီဖို့စာ အကြောင်းကို ပြောပြခြင်း
20လွတ်မြောင့်ခြင်းပွဲ ကျရေနိမာ သတင်းဝင်ဖို့အတွက် ယေရုရှလင်မြို့တို့ လာသူရို့အထဲမာ ဂရိလူမျိုး လိုင်းကေယောက်လည်း ဟိကတ်လီရေ။ 21ထိုဂရိပြည်သား လိုင်းကေယောက်စာ ဖိလိပ္ပုတို့ လာရို့၊ “မိတ်ဆွေ၊ ငါရို့ ယေရှုန တွိချင်ပါရေ” ဟို့ တောင်းပန်ရို့ ပြောကတ်လီရေ။ ဖိလိပ္ပုစာ ဂါလိလဲပြည်နယ်က ဗက်ဇဲဒရွာသား တစ်ယောက် ဖြစ်တေ။ 22ယင်းခါ ဖိလိပ္ပုစာ အန္ဒြေတို့ လာရို့ ထိုသူရို့ ပြောလိုက်စာ စကားကို ပြောပြလီရေ။ ယင်းနောက် အန္ဒြေန ဖိလိပ္ပုစာ ယေရှုတို့ လာရို့ ထိုစကားကို ပြောပြကတ်လီရေ။
23ယင်းခါ ယေရှုစာ အန္ဒြေန ဖိလိပ္ပုကို ပြောလီရေ၊ “မနုသသားတော်မာ ဘုန်းတန်ခိုး ရဖို့စာအချိန် ရောက်လာဗျာ။ 24ငါ နင်ရို့ကို အမှန် ပြောရေ၊ စပါးစိစာ မြေပြင်မာ ကျရို့ ပျက်ဆုံးရဖို့။ ယင်းပိုင် မပျက်ဆုံးဆိုကေ စပါးတစ်စိတည်းရာ ဟိဖို့၊ ယေကေလည်း ပျက်ဆုံးရေဆိုကေ ထိုစပါးစိက အရာလည်း အသီးအနှံ အများကြီး သီးဖို့။ 25အသူမဆို ကိုယ့်အသက်ကို အများ ချစ်တေဆိုကေ သူစာ ကိုယ့်မာ ထာဝရအသက်ကို ဆုံးရလိမည်၊ ယေကေလည်း အသူမဆို ဒေ လောကမာ ကိုယ့်အသက်ကိုထက် အခြားလူကို အများ ချစ်တေဆိုကေ သူစာ ကိုယ့်မာ ထာဝရအသက်ကို ကယ်ဆယ်လိမည်။ 26ငါ့ကို ပြုဇုသူစာ ငါ့နောက်က လိုက်ရဖို့ အရာ ငါ နီစာ နေရာမာ သူလည်း နီရဖို့။ အသူမဆို ငါ့ကို ပြုဇုရေဆိုကေ ငါ့အဖ သူ့ကို ရိုသေလေးစားခြင်း ပီးလိမည်။
27“ငါ ဒေဂု ကောင်းကောင်း စိတ်ပူနီရေ။ ငါ ဇာပြောဖို့လည်း၊ ‘အိုး အဖ၊ ဒေ ဒုက္ခ-ဝေဒနာ ခံရဖို့စာအချိန်က အကျွန့်ကို ကယ်ဆယ်ပါ’ ဟို့ ပြောဖို့စာလော? ငါ ယင်းပိုင် မပြော၊ အကြောင်းကား ဒေ ဒုက္ခ-ဝေဒနာကို ခံဖို့အတွက်နရာ ငါ ကြွလာစာ ဖြစ်တေ။ 28အိုး အဖ၊ ကိုယ်တော်၏ ဘုန်းတန်ခိုးကို ပြပါ။”
ယင်းခါ ဂေါင်းခင်ဘုံက၊ “ငါ ကိုယ့်ဘုန်းတန်ခိုးကို ဖေါ်ပြဗျာ၊ ငါ အရာတစ်ပြန် ဖေါ်ပြဖို့သိ” ဟို့ ပြောစာစကားသံကို ကြားရကတ်လီရေ။
29ယင်းနေရာမာ ရပ်ရို့ ဟိသူရို့စာ ထိုစကားသံကို ကြားရို့ ပြောကတ်လီရေ၊ “ဒေ အသံကား မိုးကြိုးစာအသံ ဖြစ်မည်။”
ယေကေလည်း တစ်ချိုးလူရို့စာ ပြောကတ်လီရေ၊ “ဂေါင်းခင်နတ်သားတစ်ပါး ယင်းသူန စကားပြောစာ ဖြစ်မည်။”
30ယင်းခါ ယေရှုစာ လူရို့ကို ပြောလီရေ၊ “ထိုစကားသံစာ ငါ့အတွက် မဟုတ်၊ ကိုယ်ဘင်ရို့မာ မင်္ဂလာဟိဖို့အတွက် ဖြစ်တေ။ 31ဒေဂု ဒေ လောကသားရို့ တရားစစ်ဆေးခြင်းကို ခံရဖို့စာအချိန် ရောက်လာဗျာ။ မာရ်နတ်စာ လောကကို အုပ်ချုပ်နီရေ၊ ဒေဂု သူ့က အခွင့်အာဏာကို လုယူဖို့ဗျာ။ 32ငါ့ကို ကမ္ဘာကနီရို့ အမြင့်မာ မြှောင့်ထားကတ်လိမည်။ ယင်းခါ ငါ အားကုံးသူကို ငါ့တို့ ဆွဲယူခဖို့။” 33ယေရှု ကိုယ် ဇာပိုင် သီဖို့လည်းဆိုစာ အကြောင်းကို နားလည်ကတ်ပတ်စီအတွက် သူ့ကို အမြင့်မာ မြှောင့်ထားကတ်လိမည် ဟို့ ပြောလီစာ ဖြစ်တေ။
34ယင်းခါ လူရို့စာ ယေရှုကို ပြောကတ်လီရေ၊ “‘ခရစ်တော် ထာဝရပတ်လုံး အသက်အရှင်ဟိဖို့’ ဟို့ ကျမ်းစာမာ ပြောထားစာ စကားကို အကျွန်ရို့ ကြားဖူးပါရေ။ ယင်းပိုင်ဆိုကေ မနုသသားတော်ကို အမြင့်မာ မြှောင့်ထားရဖို့ ဟို့ ကိုယ်ဘင် ပြောစာစကား ဇာပိုင်ပျင်ရို့ ဖြစ်နိုင်ပါဖို့လည်း? ထိုမနုသသားတော် အသူပါလည်း?”
35ယေရှုစာ သူရို့ကို ပြောလီရေ၊ “အလင်း တစ်နားသျှေအတွက် ကိုယ်ဘင်ရို့နအတူ ဟိရေ။ ထိုအလင်း ကိုယ်ဘင်ရို့နအတူ ဟိရေခါ ကိုယ်ဘင်ရို့ ထိုအလင်းမာ လမ်းသျှောက်ကတ်။ ယင်းပိုင်ဆိုကေ အမိုက်မှောင် ကိုယ်ဘင်ရို့ကို ချုပ်နိုင်လိမည် မဟုတ်။ အမိုက်မှောင်မာ လမ်းသျှောက်သူစာ ကိုယ် ဇာတို့ လားရေလည်းဆိုစာကို မသိ။ 36အလင်း ကိုယ်ဘင်ရို့နအတူ ဟိရေခါ အလင်းကို ကျုံကတ်။ ယင်းပိုင်ဆိုကေ ကိုယ်ဘင်ရို့ အလင်း၏ သားသမီး ဖြစ်ကတ်လိမည်။” ယေရှုစာ ထိုစကားတိကို ပြောပြီးရေနောက် လူရို့က ထွက်ရို့ ကြွပြီးကေ လူမသိစာ နေရာမာ နီလီရေ။
မကျုံသူရို့ တရားစစ်ဆေး ခံရဖို့စာအကြောင်း
37လူရို့ ရှိက ယေရှု အများကြီး အံ့ဩဖွယ်-နိမိတ်လက္ခဏာ အလုပ်တိကို လုပ်ရို့ ပြလီရေ၊ ယေကေလည်း လူရို့စာ ယေရှုကို မကျုံလီကတ်။ 38ဒေပိုင် ဖြစ်ပျက်လာစာ အကြောင်းကား ဘုရားသတင်းပို့သူ ဟေရှာယ ပြောလီစာ စကား ပြည့်စုံဖို့အတွက် ဖြစ်တေ။ ဘုရားသတင်းပို့သူ ဟေရှာယစာ ပြောလီရေ၊
“အိုး အသျှင်၊ အကျွန်ရို့ ဟောပြောစာ သတင်းကို အသူ ကျုံလီပါရေလည်း?
ကိုယ်တော်၏ တန်ခိုးကို အသူ့ဘားမာ ဖေါ်ပြလီပါရေလည်း?”
39-40ဘုရားသတင်းပို့သူ ဟေရှာယစာ အရာတစ်ပြန် ပြောလီရေ၊ “ထာဝရဘုရား သူရို့ကို မျက်စိ ကန်းအောင် လုပ်လီရေ အရာ သူရို့ စိတ်နှလုံးကို ကျန်းအောင် လုပ်လီရေ။ ဒေပိုင် မလုပ်ဆိုကေ သူရို့ မျက်စိန မြင်ရကတ်ဖို့၊ သူရို့ စိတ်နှလုံးစာ နားလည်လာကတ်ဖို့ အရာ သူရို့မာ ရောဂါ ကောင်းဖို့အတွက် ထာဝရဘုရားတို့ ပြန်လာကတ်ဖို့။” ယင်းအတွက်န လူရို့ မကျုံလီကတ်စာ ဖြစ်တေ။ 41ဟေရှာယ ယေရှု၏ ဘုန်းတန်ခိုးကို မြင်ဖူးလီရေအတွက်န ထိုစကားကို ပြောလီစာ ဖြစ်တေ။
42ယုဒဂေါင်းဆောင်ရို့အထဲမာ လူအများကြီး ယေရှုကို ကျုံကတ်လီရေ၊ ယေကေလည်း သူရို့စာ ဖာရိရှဲအဖွဲ့သားရို့ကို ကြောက်ကတ်လီရေ။ ယင်းအတွက်န သူရို့စာ ကိုယ်ရို့ ကျုံခြင်းတရားကို ပပွင့်လလင်း ဝန်မခံကတ်လီ။ အရာ သူရို့စာ ယုဒလူမျိုးရို့မာ ဘာသာရေး တရားဇရပ်က နှင်ထုတ်ခံဖို့စာကို ကြောင်းကြကတ်လီရေ၊ 43အကြောင်းကား သူရို့စာ ထာဝရဘုရားပီးစာ ချီမွမ်းခြင်းထက်ပင် လူရို့ပီးစာ ချီမွမ်းခြင်းကို အများ နှစ်သက်လီကတ်တေ။
44ယင်းနောက် ယေရှုစာ အားန အော်ရို့ ပြောလီရေ၊ “ငါ့ကို ကျုံသူစာ သက်သက် ငါ့ကို ကျုံစာ မဟုတ်သိ၊ ငါ့ကို ရွှတ်လိုက်သူကိုလည်း ကျုံရေ။ 45ငါ့ကို မြင်သူစာ ငါ့ကို ရွှတ်လိုက်သူကိုလည်း မြင်ရေ။ 46ငါ့ကို ကျုံသူစာ အမိုက်မှောင်မာ မနီရ။ ယင်းအတွက်န ငါ အလင်း အဖြစ် ဒေ လောကတို့ ကြွလာစာ ဖြစ်တေ။ 47ငါ့စကားကို ကြားရို့လည်း မလိုက်နာသူကို ငါ အပြစ်မတင်၊ အကြောင်းကား လောကသားရို့ကို အပြစ်တင်ဖို့အတွက် ငါ ကြွလာစာ မဟုတ်။ လောကသားရို့ကို ကယ်တင်ဖို့အတွက် ငါ ကြွလာစာ ဖြစ်တေ။ 48ငါ့ကို ငြင်းပယ်ရို့ ငါ ပြောစာစကားကို နားမထောင်သူကို တရားစစ်ဆေးဖို့အတွက် တရားသူကြီး တစ်ယောက် ဟိရေ။ ထိုတရားသူကြီးစာ ငါ ပြောစာစကား ဖြစ်တေ။ ထိုစကားစာ ကမ္ဘာကုန်ဆုံးရေနိမာ သူ့ကို အပြစ်တင်လိမည်။ 49ငါ ပြောစာစကားစာ ငါ့စကား မဟုတ်၊ ငါ့ကို ရွှတ်လိုက်စာ အဖ၏ စကား ဖြစ်တေ။ ငါ့အဖစာ ဇာအကြောင်းကို ပြောရဖို့လည်းဆိုစာကို ငါ့ကို အာဏာချလီရေ။ 50အဖ၏ အာဏာစာ လူရို့ကို ထာဝရအသက် ပီးရေဆိုစာကို ငါ သိရေ။ ယင်းအတွက်န ငါ့အဖ ငါ့ကို အာဏာချရေအတိုင်း ငါ ဒေ စကားတိကို ပြောစာ ဖြစ်တေ။”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Wycliffe Bible Translators, Inc.