ယောဟန် 21:15-17

သူရို့ စားသောက်ရို့ ပြီးကတ်တေခါ ယေရှုစာ ပေတရုကို မီးလီရေ၊ “ယောနသား ရှိမုန်၊ ဒေသူရို့ထက် နင် ငါ့ကို အများ ချစ်လော?” ယင်းခါ ပေတရုစာ ယေရှုကို ပြောလီရေ၊ “ဟုတ်ပါရေ အသျှင်၊ အကျွန် ကိုယ်တော်ကို ချစ်တေဆိုစာကို ကိုယ်တော် သိပါရေ။” ယေရှုစာ သူ့ကို ပြောလီရေ၊ “ငါ့သိုးဆိတ်သျှေတိကို ကျွေးမွေးပြုဇုရို့ ထားလီ။” ယေရှုစာ ပေတရုကို ဒုတိယခေါက် မီးလီရေ၊ “ယောနသား ရှိမုန်၊ နင် ငါ့ကို ချစ်လော?” သူစာ ယေရှုကို ပြောလီရေ၊ “ဟုတ်ပါရေ အသျှင်၊ အကျွန် ကိုယ်တော်ကို ချစ်တေဆိုစာကို ကိုယ်တော် သိပါရေ။” ယေရှုစာ သူ့ကို ပြောလီရေ၊ “ငါ့သိုးဆိတ်တိကို ကြည့်ရှုစောင့်သျှောက်ရို့ ထားလီ။” ယင်းနောက် တတိယခေါက် ပေတရုကို မီးလီရေ၊ “ယောနသား ရှိမုန်၊ နင် ငါ့ကို ချစ်လော?” ယေရှု ပေတရုကို သုံးခေါက်တိုင်အောင် မီးလီရေအတွက်န ပေတရု စိတ်ဒုက္ခ ရလီရေ။ ယင်းအတွက်န သူစာ ယေရှုကို ပြောလီရေ၊ “ဟုတ်ပါရေ အသျှင်၊ ကိုယ်တော် ဟိသမျ အားကုံးကို သိပါရေ။ အကျွန် ကိုယ်တော်ကို ချစ်တေဆိုစာကိုလည်း ကိုယ်တော် သိပါရေ။” ယင်းခါ ယေရှုစာ သူ့ကို ပြောလီရေ၊ “ငါ့သိုးဆိတ်တိကို ကျွေးမွေးပြုဇုရို့ ထားလီ။