မဿဲ 13
13
လယ်သမားတစ်ယောက် ပုံဥပမာ
(မာကု ၄:၁-၉၊ လုကာ ၈:၄-၈)
1ယင်းနိခါ ယေရှုစာ အိမ်က ထွက်လားရို့ မြစ်ကမ်းနားမာ ထိုင်လီရေ။ 2ယင်းခါ သူ့လေးဖက်လက်စိမာ လူအများကြီး လာရို့ စုကတ်လီရေ။ ယင်းအတွက်န သူစာ လောင်းတစ်စင်းမာ တက်ရို့ ထိုင်လီရေ။ အရာ ဟိသမျ လူရို့စာ မြစ်ကမ်းနားမာ ရပ်ရို့ နီကတ်လီရေ။ 3ယင်းခါ သူစာ အကြောင်းအရာ အများကြီး ပုံဥပမာ တင်ပြရို့ လူရို့ကို သွန်သင်ပီးလီရေ။
4သူစာ ပြောလီရေ၊ “လယ်သမားတစ်ယောက် လယ်မာ မျိုးစိကြဲဖို့ လားခလီရေ။ ထိုမျိုးစိတိကို ကြဲရေခါ တစ်ချိုးမျိုးစိတိစာ လမ်းနားမာ ကျလီရေ အရာ ထိုမျိုးစိတိကို ငှက်တိ လာရို့ စားဘိုက်ကတ်လီရေ။ 5အရာ တစ်ချိုးမျိုးစိတိစာ ကျောက်နရောစာမြေမာ ကျလီရေ။ ယင်းနေရာမာ မြေသား အများ မဟိလီရေအတွက်န အညှောင့် အယင် ထွက်လာလီရေ။ 6ယေကေလည်း နီထွက်လာရေခါ ထိုအညှောင့်တိစာ ညှိုးလားခလီရေ အရာ အမြစ် အလှပ မထိုးရေအတွက်န ခြောက်လားခလီရေ။ 7အရာ တစ်ချိုးမျိုးစိတိစာ စူးခြုံတောမာ ကျလီရေ။ ယင်းအတွက်န စူးပင်တိ ကြီးလာရေခါ ပေါက်လာစာ ပျိုးပင်သျှေတိကို ဖိထားလီရေ။ 8ယေကေလည်း တစ်ချိုးမျိုးစိတိစာ မြေအကောင်းမာ ကျလီရေအတွက်န အသီးသီးလီရေ။ အရာ ထိုအပင်တိအထဲက တစ်ချိုးအပင်မာ အဆသုံးဆယ်၊ တစ်ချိုးအပင်မာ အဆခြောက်ဆယ် အရာ တစ်ချိုးအပင်မာ အဆတစ်ရာတိုင်အောင် အသီးသီးလီရေ။” 9ပုံဥပမာ တင်ပြရို့ ပြီးရေခါ သူစာ ပြောလီရေ၊ “ငါ့စကားကို နားထောင်ချင်သူရို့ နားထောင်ကတ်။”
ပုံဥပမာ ရွယ်မှတ်ချက်
(မာကု ၄:၁၀-၁၂၊ လုကာ ၈:၉-၁၀)
10ယင်းနောက် တပည့်ရို့စာ ယေရှုတို့ လာရို့ မီးကတ်လီရေ၊ “အသျှင်၊ ကိုယ်တော် ဇာဖို့ ပုံဥပမာ တင်ပြရို့ လူရို့ကို သွန်သင်ပီးနီပါစာလည်း?” 11ယင်းခါ ယေရှုစာ သူရို့ကို အဖြေပီးလီရေ၊ “ဂေါင်းခင်နိုင်ငံတော်၏ ဖုံးရွှက်စာ မှန်ကန်ခြင်း အဓိပ္ပါယ်တိကို နင်ရို့ကို သိဖို့အခွင့်ပီးဗျာ။ ယေကေလည်း ထိုသူရို့ကို သိဖို့အခွင့် မပီးလီသိ။ 12အကြောင်းကား လလုံလောက် ဟိသူကို အရာလည်း ပိုရို့ သွန်ပီးဖို့သိ။ ယင်းအတွက်န သူ့မာ အများကြီး ဖြစ်လိမည်။ ယေကေလည်း တစ်ခုလည်း မဟိသူက သူ့မာ ဟိစာတိကိုပင် လုယူဖို့သိ။ 13ယင်းအတွက်န ငါ ပုံဥပမာ တင်ပြရို့ သူရို့ကို သွန်သင်ပီးစာ ဖြစ်တေ၊ အကြောင်းကား သူရို့စာ ကြည့်ကေလည်း မမြင်ရကတ်၊ နားထောင်ကေလည်း မကြားရကတ် အရာ နားလည်းမလည်ကတ်။ 14ဒေသူရို့ကနီရို့ ဘုရားသတင်းပို့သူ ဟေရှာယ ဟောပြောခစာ စကားတိ ပြည့်စုံလာရေ။ ဟေရှာယစာ ဒေပိုင် ဟောပြောခလီရေ၊
‘နင်ရို့ နားထောင်ကတ်လိမည်၊
ယေကေလည်း နားလည်ကတ်လိမည် မဟုတ်။
အရာ ကြည့်ကတ်လိမည်၊
ယေကေလည်း သိရကတ်လိမည် မဟုတ်။
15အကြောင်းကား ဒေ လူရို့မာ စိတ်နှလုံးစာ ထိုင်းလားခဗျာ။
သူရို့မာ နားစာ မကြားရ၊
အရာ မျက်စိလည်း မမြင်ရ။
ဒေပိုင် မဖြစ်ဆိုကေ သူရို့စာ မျက်စိန မြင်ရကတ်ဖို့၊
နားက ကြားရကတ်ဖို့၊ သူရို့ စိတ်နှလုံးက နားလည်ကတ်ဖို့၊
သူရို့စာ စိတ်ပြောင်းလှဲရို့ လာကတ်ဖို့။
အရာ သူရို့မာ ရောဂါ ကောင်းဖို့အတွက် ငါ့တို့ ပြန်လာကတ်ဖို့။’
16“ယေကေလည်း နင်ရို့မာ မျက်စိစာ မြင်ရရေ အရာ နားလည်း ကြားရရေ။ ယင်းအတွက်န နင်ရို့စာ မင်္ဂလာ ဟိကတ်တေ။ 17ငါ နင်ရို့ကို အမှန် ပြောရေ၊ နင်ရို့ မြင်ဖူးကတ်စာတိကို အများကြီး ဘုရားသတင်းပို့သူရို့န သူတော်ကောင်းရို့စာ မြင်ချင်ခရို့လည်း မမြင်ဖူးခကတ်၊ အရာ နင်ရို့ ကြားဖူးကတ်စာတိကို ကြားချင်ခရို့လည်း မကြားဖူးခကတ်။
လယ်သမား ပုံဥပမာ အဓိပ္ပါယ်ကို ရှင်းပြခြင်း
(မာကု ၄:၁၃-၂၀၊ လုကာ ၈:၁၁-၁၅)
18-19“ဒေဂု လယ်သမား ပုံဥပမာ အဓိပ္ပါယ်ကို နင်ရို့ နားထောင်ကတ်။ လမ်းနားမာ ကျစာမျိုးစိတိစာ ဂေါင်းခင်နိုင်ငံတော်၏ တရားတော်ကို ကြားရို့အတိုင်းလည်း နားမလည်ကတ်စာ လူတစ်မျိုးနတူကတ်တေ။ သူရို့ စိတ်နှလုံးမာ ကြဲထားလီစာ တရားတော်ကို မာရ်နတ် လာရို့ နုတ်ယူလားခရေ။
20“အရာ ကျောက်နရောစာမြေမာ ကျစာမျိုးစိတိစာ ထိုတရားတော်ကို နားထောင်ကတ်စာ လူတစ်မျိုးနတူကတ်တေ။ သူရို့စာ ထိုတရားတော်ကို ကြားရေချက်ချင်း ဝမ်းသာရို့ လက်ခံကတ်တေ။ 21ယေကေလည်း ထိုတရားတော်စာ သူရို့ စိတ်နှလုံးမာ အလှပ မစွဲရေအတွက်န တစ်နားသျှေရာ တည်မြဲနိုင်ခကတ်တေ။ ထိုတရားတော် အကြောင်းန ညှဉ်းဆဲခြင်းန ဒုက္ခကို ခံရရေချက်ချင်း နောက်ဆုတ်လားခကတ်တေ။
22“စူးခြုံတောမာ ကျစာမျိုးစိတိစာ ထိုတရားတော်ကို နားထောင်ကတ်စာ အခြားလူတစ်မျိုးနတူကတ်တေ။ သူရို့စာ တရားတော်ကို ကြားရို့အတိုင်းလည်း သူရို့မာ အိမ်ထောင်ရေး စဉ်းစားခြင်းန ပစ္စည်း-ဥစ္စာကို တွယ်တာခြင်းစာ တရားတော်ကို ဖိထားရေ။ ယင်းအတွက်န ယင်းတရားတော်စာ အသီးမသီးနိုင်။
23“မြေအကောင်းမာ ကျစာမျိုးစိတိစာ ထိုတရားတော်ကို ကြားရို့ နားလည်ကတ်စာ အခြားလူတစ်မျိုးနတူကတ်တေ။ သူရို့အထဲက တစ်ယောက်တစ်ရီမာ အဆသုံးဆယ်၊ တစ်ယောက်တစ်ရီမာ အဆခြောက်ဆယ် အရာ တစ်ယောက်တစ်ရီမာ အဆတစ်ရာတိုင်အောင် အသီးသီးရေ။”
ဂျုံပင်န ဆတ်ခိုင်မြက် ပုံဥပမာ
24ယင်းနောက် ယေရှုစာ လူရို့ကို သွန်သင်ပီးဖို့အတွက် အရာတစ်ခု ပုံဥပမာ တင်ပြလီရေ။ ပုံဥပမာစာ ဒေပိုင်၊ “ဂေါင်းခင်နိုင်ငံတော်စာ လူတစ်ယောက် ကိုယ့်လယ်မာ မျိုးစိအကောင်းတိကို ကြဲစာနတူရေ။ 25ယေကေလည်း အားကုံးသူ ညဉ့်မာ အိပ်ကတ်တေခါ ရန်သူ လာရို့ ဂျုံခင်းမာ ဆတ်ခိုင်မြက်စိတိကို ကြဲဘိုက်ခလီရေ။ 26ယင်းနောက် ဂျုံပင်တိ ကြီးရို့ အသီးအနှံတိ ထွက်လာရေခါ ဆတ်ခိုင်မြက်တိကိုလည်း မြင်ရလီရေ။ 27ယင်းသျှင့်ကို မြင်ရို့ ကျွန်ရို့စာ အိမ်သျှင်တို့ လာပြီးကေ မီးကတ်လီရေ၊ ‘အသျှင်၊ လယ်မာ မျိုးစိအကောင်းတိကို ကိုယ်ဘင် ကြဲလီပါရေ မဟုတ်လော? ယင်းပိုင်ဆိုကေ ဆတ်ခိုင်မြက်တိ ဇာက ရောက်လာပါစာလည်း?’ 28ယင်းခါ သူစာ ကိုယ့်ကျွန်ရို့ကို ပြောလီရေ၊ ‘ဒေသျှင့် ရန်သူ အလုပ် ဖြစ်တေ။’ အရာ ကျွန်ရို့စာ ပြောကတ်လီရေ၊ ‘ယင်းပိုင်ဆိုကေ အကျွန်ရို့ လားရို့ ဆတ်ခိုင်မြက်တိကို နုတ်ဘိုက်ခီပါဖို့စာလော?’ 29ယင်းခါ သူစာ ပြောလီရေ၊ ‘မနုတ်ကေ့အုန့်သိ၊ အကြောင်းကား နင်ရို့ ဆတ်ခိုင်မြက်တိကို နုတ်ဘိုက်တေခါ ဂျုံပင်တိလည်း ပါနိုင်စရာ ဟိရေ။ 30ယင်းထက်ပင် ယင်းသျှင့်တိကို အသီးအနှံ ရိတ်ဖို့အချိန် မတိုင်သကြား တစ်ညီတည်း ကြီးအောင် ထား။ ယင်းနောက် အသီးအနှံ ရိတ်သူရို့ကို ငါ ပထမဆုံး ဆတ်ခိုင်မြက်တိကို ရိတ်ရို့ စည်းပြီးကေ မီးတိုက်စီဖို့။ ယင်းနောက် ဂျုံနှံတိကို ရိတ်ရို့ ငါ့ ရိုင်မာ ထည့်စီဖို့။’”
ရဲစိန တဆီး ပုံဥပမာ
(မာကု ၄:၃၀-၃၄၊ လုကာ ၁၃:၁၈-၂၁)
31ယေရှုစာ လူရို့ဘားမာ အရာတစ်ခု ပုံဥပမာ တင်ပြလီရေ။ ပုံဥပမာစာ ဒေပိုင်၊ “ဂေါင်းခင်နိုင်ငံတော်စာ ရဲစိတစ်စိနတူရေ။ လူတစ်ယောက်စာ ထို ရဲစိကို ယူရို့ ကိုယ့်လယ်မာ ကြဲလီရေ။ 32ထို ရဲစိစာ ဟိသမျ မျိုးစိတိထက် အသျှေဆုံး ဖြစ်တေ၊ ယေကေလည်း အပင်ပေါက်ရို့ ကြီးလာရေခါ ဟိသမျ ဟင်းသီးဟင်းရွက်အပင်တိထက် အကြီးဆုံး အပင် ဖြစ်လာရေ။ အရာ ငှက်တိ လာရို့ ထိုအပင်အခက်အလက်တိမာ တင်းတည်ကတ်လီရေ။”
33ယေရှုစာ အရာလည်း တစ်ခု ပုံဥပမာ တင်ပြလီရေ။ ပုံဥပမာစာ ဒေပိုင်၊ “ဂေါင်းခင်နိုင်ငံတော်စာ တဆီးနတူရေ။ မိန်းမတစ်ယောက်စာ ထိုတဆီးကို ယူရို့ ဂျုံမုန့်တစ်ဆယ့်ရှစ်သိုက်မာ ရောလီရေ။ ယင်းအတွက်န ဟိသမျ ဂျုံမုန့်တိစာ ရော့တက်လီရေ။”
34ယေရှုစာ အမြဲတိုင်း ပုံဥပမာန လူရို့ကို သွန်သင်ပီးလီရေ။ သူစာ ပုံဥပမာ အသုံးမပြုဘိုင်းန တစ်ခုကိုလည်း လူရို့ကို သွန်သင် မပီးလီ။ 35ယင်းပိုင် သွန်သင်ပီးခြင်းကနီရို့ ဘုရားသတင်းပို့သူ ဟောပြောခစာ စကားတိ ပြည့်စုံလာလီရေ။ ထာဝရဘုရားစာ ဘုရားသတင်းပို့သူကနီရို့ ဒေပိုင် ပြောလီရေ၊
“ငါ လူရို့ဘားမာ ပုံဥပမာန စကားပြောဖို့၊
အရာ ကမ္ဘာကို ဖန်ဆင်းရေလှောက်ကပင် ဒေဂုတိုင်အောင်
ဖုံးရွှက်ရို့ဟိစာ ဟိသမျ အကြောင်းအရာကို ငါ ဖေါ်ပြဖို့။”
ဆတ်ခိုင်မြက် ပုံဥပမာ အဓိပ္ပါယ်ကို ရှင်းပြခြင်း
36ယင်းနောက် ယေရှုစာ လူပရိတ်သတ်ရို့က ပြန်ခွင့်တောင်းရို့ အိမ်ထဲတို့ ဝင်လီရေ။ ယင်းခါ တပည့်ရို့စာ ယေရှုတို့ လာရို့ ပြောကတ်လီရေ၊ “အသျှင်၊ လယ်မာ ကြဲစာဆတ်ခိုင်မြက် ပုံဥပမာ အဓိပ္ပါယ်ကို အကျွန်ရို့ကို ရှင်းပြပါ။” 37ယင်းခါ သူစာ ပုံဥပမာ အဓိပ္ပါယ်ကို ပြောလီရေ၊ “မျိုးစိအကောင်းတိကို ကြဲသူစာ မနုသသားတော် ဖြစ်တေ။ 38လယ်စာ ဒေ ကမ္ဘာ ဖြစ်တေ၊ မျိုးစိအကောင်းတိစာ ဂေါင်းခင်နိုင်ငံတော်သားရို့ ဖြစ်ကတ်တေ အရာ ဆတ်ခိုင်မြက်တိစာ မာရ်နတ်၏ သားသမီးရို့ ဖြစ်ကတ်တေ။ 39ဆတ်ခိုင်မြက်စိတိကို ကြဲလီစာ ရန်သူစာ မာရ်နတ် ဖြစ်တေ။ အသီးအနှံ ရိတ်ဖို့အချိန်စာ ကမ္ဘာကုန်ဆုံးဖို့စာအချိန် ဖြစ်တေ အရာ အသီးအနှံကို ရိတ်ဖို့သူရို့စာ ဂေါင်းခင်နတ်သားရို့ ဖြစ်ကတ်တေ။ 40ဆတ်ခိုင်မြက်တိ တစ်စုတည်း စုရို့ မီးအတိုက်ခံရစာပိုင်တထန် ကမ္ဘာကုန်ဆုံးရေအချိန်မာလည်း လူဆိုးရို့စာ မီးအတိုက် ခံရကတ်လိမည်။ 41မနုသသားတော်စာ ကိုယ့်ဂေါင်းခင်နတ်သားရို့ကို ရွှတ်လိုက်လိမည်။ အရာ အခြားလူရို့ကို အပြစ်လမ်းတို့ ဆောင်ယူလားသူရို့န ကိုယ်တိုင် အပြစ်လုပ်နီသူရို့ အားကုံးသူကို ထိုဂေါင်းခင်နတ်သားရို့စာ မနုသသားတော်၏ နိုင်ငံတော်ထဲက ရွီးထုတ်ကတ်လိမည်။ ယင်းနောက် သူရို့ကို တစ်စုတည်းစုရို့ မီးအိုင်ထဲတို့ ဘိုက်ချကတ်လိမည်။ 42ယင်းနေရာမာ လူရို့စာ ဝေဒနာကို ခံရရေအတွက်န သွားချင်းသွား ကြိတ်ပြီးကေ အော်ရို့ ငိုကတ်လိမည်။ 43ယင်းအချိန်ခါ သူတော်ကောင်းရို့စာ ကိုယ်ရို့မာ ဂေါင်းခင်ဘုံသျှင် အဖ၏ နိုင်ငံတော်မာ နီအလင်းရောင်ပိုင် ထွန်းတောက်ကတ်လိမည်။ ငါ့စကားကို နားထောင်ချင်သူရို့ နားထောင်ကတ်။
လယ်ပြင်မာ မြှုတ်ထားစာ ဥစ္စာ ပုံဥပမာ
44“ဂေါင်းခင်နိုင်ငံတော်စာ လယ်ပြင်မာ ရွှက်ထားစာ ဥစ္စာနတူရေ။ လူတစ်ယောက်စာ ယင်းဥစ္စာကို ရှာရို့ ရရေခါ ယင်းလယ်မာ ပြန်ရို့ ရွှက်ထားလီရေ။ ယင်းနောက် သူစာ ပျော်ရို့ အိမ်တို့ ပြန်လားခလီရေ အရာ ကိုယ့်မာ ဟိသမျ ဝန်ဆန်တိကို ရောင်းရို့ ထိုလယ်ကို ဝယ်လီရေ။
တန်ဖိုးဟိစာ ကျောက်ပုလဲ ပုံဥပမာ
45“ဂေါင်းခင်နိုင်ငံတော်စာ ကျောက်ပုလဲအကောင်းကို ရှာစာကုန်သေတစ်ယောက်နတူရေ။ 46သူစာ တန်ဖိုးဟိစာ ကျောက်ပုလဲတစ်လုံးကို ရှာရို့ ရရေခါ အိမ်တို့ ပြန်လားခလီရေ အရာ ကိုယ့်မာ ဟိသမျ ဝန်ဆန်တိကို ရောင်းရို့ ထိုကျောက်ပုလဲကို ဝယ်လီရေ။
ပိုက်မာ ငါးငြိမ့်စာ ပုံဥပမာ
47“အရာ ဂေါင်းခင်နိုင်ငံတော်စာ မြစ်ပင်လယ်မာ ချလိုက်စာ ပိုက်ကြီးတစ်ခုနတူရေ။ ယင်းပိုက်ကြီးမာ ဟိသမျ ငါးအပေါင်းမျိုးစုံ ငြိမ့်လီရေ။ 48ယင်းပိုက်ကြီးမာ ငါးတိ ပြည့်ရေခါ ပိုက်သေရို့စာ ကမ်းနားတို့ ငင်တင်ကတ်လီရေ။ ယင်းနောက် သူရို့စာ ထိုင်ပြီးကေ ငါးအကောင်းတိကို ကောက်ရို့ တောင်းမာ ထည့်ကတ်လီရေ၊ ယေကေလည်း မကောင်းစာ ငါးတိကို ကောက်ရို့ မြစ်ပင်လယ်မာ ဘိုက်ချလိုက်ကတ်လီရေ။ 49ယင်းပိုင်တထန် ကမ္ဘာကုန်ဆုံးရေအချိန်မာ ဂေါင်းခင်နတ်သားရို့စာ လာရို့ သူတော်ကောင်းရို့အထဲက လူဆိုးရို့ကို ရွီးထုတ်ပြီးကေ တစ်စုတည်းစုရို့ မီးအိုင်ထဲတို့ ဘိုက်ချကတ်လိမည်။ 50ယင်းနေရာမာ လူရို့စာ ဝေဒနာကို ခံရရေအတွက်န သွားချင်းသွား ကြိတ်ပြီးကေ အော်ရို့ ငိုကတ်လိမည်။”
51ယင်းနောက် ယေရှုစာ ကိုယ့်တပည့်ရို့ကို မီးလီရေ၊ “နင်ရို့ ငါ့ စကားတိကို နားလည်ကတ်ပျာလော?” အရာ တပည့်ရို့စာ သူ့ကို၊ “လည်ပါဗျာ” ဟို့ အဖြေပီးကတ်လီရေ။ 52ယင်းခါ ယေရှုစာ သူရို့ကို ပြောလီရေ၊ “ဂေါင်းခင်နိုင်ငံတော် အကြောင်းနပတ်သပ်ရို့ သွန်သင်ချက် ရကတ်စာ ဟိသမျ ကျမ်းဆရာရို့စာ အိမ်သျှင်တစ်ယောက်နတူရေ။ သူစာ ကိုယ့်ဘဏ္ဍာထဲက ပစ္စည်း-ဥစ္စာအသစ်န အဟောင်းကို ထုတ်တေ။”
နာဇရက်မြို့သျှေသားရို့ ယေရှုကို ငြင်းပယ်ခြင်း
(မာကု ၆:၁-၆)
53ယေရှုစာ ပုံဥပမာတိကို တင်ပြရို့ ပြီးရေခါ ယင်းနေရာက ထွက်ရို့ ကြွလီရေ။ 54ယင်းနောက် သူစာ ကိုယ်ကြီးပြင်းခစာ နာဇရက်မြို့သျှေတို့ ရောက်တေခါ တရားဇရပ်မာ လူရို့ကို သွန်သင်ပီးလီရေ။ အရာ လူရို့စာ သူ့စကားကို ကြားရေခါ အံ့ဩရို့ ပြောကတ်လီရေ၊ “ဒေသူမာ ဒေ ပညာန အံ့ဩဖွယ်အလုပ် လုပ်ဖို့စာတန်ခိုးတိ ဇာက ရခီရေလည်း? 55ဒေသူ လက်သမားသား မဟုတ်လော? သူ့အမိနာမည် မာရိ မဟုတ်လော? အရာ သူ့မာ ညီရို့စာ ယာကုပ်၊ ယောသပ်၊ ရှိမုန် အရာ ယုဒ မဟုတ်လော? 56အရာ သူ့မာ နမှရို့လည်း ငါရို့နအတူ ဟိကတ်တေ မဟုတ်လော? ယင်းပိုင်ဆိုကေ ဒေသူ ဒေ ပညာတိန တန်ခိုးတိကို ဇာက ရခီရေလည်း?” 57လူရို့မာ ဒေပိုင် စဉ်းစားချက် အကြောင်းန သူရို့စာ ယေရှုကို လက်ခံဖို့ မနိုင်ကတ်လီ။ ယင်းခါ သူစာ လူရို့ကို ပြောလီရေ၊ “ဘုရားသတင်းပို့သူရို့စာ ကိုယ့်ရွာန ကိုယ့်အိမ်ကို ပယ်ရို့ အခြား ဟိသမျ နေရာမာ ရိုသေခြင်းကို ရကတ်တေ။” 58လူရို့ ကိုယ့်ကို မကျုံရေအတွက်န သူစာ ယင်းမြို့မာ အံ့ဩဖွယ်အလုပ် အများ မလုပ်ခလီဗျာ။
Currently Selected:
မဿဲ 13: RMZ
Highlight
Share
Copy
Want to have your highlights saved across all your devices? Sign up or sign in
©2023 Wycliffe Bible Translators, Inc.
မဿဲ 13
13
လယ်သမားတစ်ယောက် ပုံဥပမာ
(မာကု ၄:၁-၉၊ လုကာ ၈:၄-၈)
1ယင်းနိခါ ယေရှုစာ အိမ်က ထွက်လားရို့ မြစ်ကမ်းနားမာ ထိုင်လီရေ။ 2ယင်းခါ သူ့လေးဖက်လက်စိမာ လူအများကြီး လာရို့ စုကတ်လီရေ။ ယင်းအတွက်န သူစာ လောင်းတစ်စင်းမာ တက်ရို့ ထိုင်လီရေ။ အရာ ဟိသမျ လူရို့စာ မြစ်ကမ်းနားမာ ရပ်ရို့ နီကတ်လီရေ။ 3ယင်းခါ သူစာ အကြောင်းအရာ အများကြီး ပုံဥပမာ တင်ပြရို့ လူရို့ကို သွန်သင်ပီးလီရေ။
4သူစာ ပြောလီရေ၊ “လယ်သမားတစ်ယောက် လယ်မာ မျိုးစိကြဲဖို့ လားခလီရေ။ ထိုမျိုးစိတိကို ကြဲရေခါ တစ်ချိုးမျိုးစိတိစာ လမ်းနားမာ ကျလီရေ အရာ ထိုမျိုးစိတိကို ငှက်တိ လာရို့ စားဘိုက်ကတ်လီရေ။ 5အရာ တစ်ချိုးမျိုးစိတိစာ ကျောက်နရောစာမြေမာ ကျလီရေ။ ယင်းနေရာမာ မြေသား အများ မဟိလီရေအတွက်န အညှောင့် အယင် ထွက်လာလီရေ။ 6ယေကေလည်း နီထွက်လာရေခါ ထိုအညှောင့်တိစာ ညှိုးလားခလီရေ အရာ အမြစ် အလှပ မထိုးရေအတွက်န ခြောက်လားခလီရေ။ 7အရာ တစ်ချိုးမျိုးစိတိစာ စူးခြုံတောမာ ကျလီရေ။ ယင်းအတွက်န စူးပင်တိ ကြီးလာရေခါ ပေါက်လာစာ ပျိုးပင်သျှေတိကို ဖိထားလီရေ။ 8ယေကေလည်း တစ်ချိုးမျိုးစိတိစာ မြေအကောင်းမာ ကျလီရေအတွက်န အသီးသီးလီရေ။ အရာ ထိုအပင်တိအထဲက တစ်ချိုးအပင်မာ အဆသုံးဆယ်၊ တစ်ချိုးအပင်မာ အဆခြောက်ဆယ် အရာ တစ်ချိုးအပင်မာ အဆတစ်ရာတိုင်အောင် အသီးသီးလီရေ။” 9ပုံဥပမာ တင်ပြရို့ ပြီးရေခါ သူစာ ပြောလီရေ၊ “ငါ့စကားကို နားထောင်ချင်သူရို့ နားထောင်ကတ်။”
ပုံဥပမာ ရွယ်မှတ်ချက်
(မာကု ၄:၁၀-၁၂၊ လုကာ ၈:၉-၁၀)
10ယင်းနောက် တပည့်ရို့စာ ယေရှုတို့ လာရို့ မီးကတ်လီရေ၊ “အသျှင်၊ ကိုယ်တော် ဇာဖို့ ပုံဥပမာ တင်ပြရို့ လူရို့ကို သွန်သင်ပီးနီပါစာလည်း?” 11ယင်းခါ ယေရှုစာ သူရို့ကို အဖြေပီးလီရေ၊ “ဂေါင်းခင်နိုင်ငံတော်၏ ဖုံးရွှက်စာ မှန်ကန်ခြင်း အဓိပ္ပါယ်တိကို နင်ရို့ကို သိဖို့အခွင့်ပီးဗျာ။ ယေကေလည်း ထိုသူရို့ကို သိဖို့အခွင့် မပီးလီသိ။ 12အကြောင်းကား လလုံလောက် ဟိသူကို အရာလည်း ပိုရို့ သွန်ပီးဖို့သိ။ ယင်းအတွက်န သူ့မာ အများကြီး ဖြစ်လိမည်။ ယေကေလည်း တစ်ခုလည်း မဟိသူက သူ့မာ ဟိစာတိကိုပင် လုယူဖို့သိ။ 13ယင်းအတွက်န ငါ ပုံဥပမာ တင်ပြရို့ သူရို့ကို သွန်သင်ပီးစာ ဖြစ်တေ၊ အကြောင်းကား သူရို့စာ ကြည့်ကေလည်း မမြင်ရကတ်၊ နားထောင်ကေလည်း မကြားရကတ် အရာ နားလည်းမလည်ကတ်။ 14ဒေသူရို့ကနီရို့ ဘုရားသတင်းပို့သူ ဟေရှာယ ဟောပြောခစာ စကားတိ ပြည့်စုံလာရေ။ ဟေရှာယစာ ဒေပိုင် ဟောပြောခလီရေ၊
‘နင်ရို့ နားထောင်ကတ်လိမည်၊
ယေကေလည်း နားလည်ကတ်လိမည် မဟုတ်။
အရာ ကြည့်ကတ်လိမည်၊
ယေကေလည်း သိရကတ်လိမည် မဟုတ်။
15အကြောင်းကား ဒေ လူရို့မာ စိတ်နှလုံးစာ ထိုင်းလားခဗျာ။
သူရို့မာ နားစာ မကြားရ၊
အရာ မျက်စိလည်း မမြင်ရ။
ဒေပိုင် မဖြစ်ဆိုကေ သူရို့စာ မျက်စိန မြင်ရကတ်ဖို့၊
နားက ကြားရကတ်ဖို့၊ သူရို့ စိတ်နှလုံးက နားလည်ကတ်ဖို့၊
သူရို့စာ စိတ်ပြောင်းလှဲရို့ လာကတ်ဖို့။
အရာ သူရို့မာ ရောဂါ ကောင်းဖို့အတွက် ငါ့တို့ ပြန်လာကတ်ဖို့။’
16“ယေကေလည်း နင်ရို့မာ မျက်စိစာ မြင်ရရေ အရာ နားလည်း ကြားရရေ။ ယင်းအတွက်န နင်ရို့စာ မင်္ဂလာ ဟိကတ်တေ။ 17ငါ နင်ရို့ကို အမှန် ပြောရေ၊ နင်ရို့ မြင်ဖူးကတ်စာတိကို အများကြီး ဘုရားသတင်းပို့သူရို့န သူတော်ကောင်းရို့စာ မြင်ချင်ခရို့လည်း မမြင်ဖူးခကတ်၊ အရာ နင်ရို့ ကြားဖူးကတ်စာတိကို ကြားချင်ခရို့လည်း မကြားဖူးခကတ်။
လယ်သမား ပုံဥပမာ အဓိပ္ပါယ်ကို ရှင်းပြခြင်း
(မာကု ၄:၁၃-၂၀၊ လုကာ ၈:၁၁-၁၅)
18-19“ဒေဂု လယ်သမား ပုံဥပမာ အဓိပ္ပါယ်ကို နင်ရို့ နားထောင်ကတ်။ လမ်းနားမာ ကျစာမျိုးစိတိစာ ဂေါင်းခင်နိုင်ငံတော်၏ တရားတော်ကို ကြားရို့အတိုင်းလည်း နားမလည်ကတ်စာ လူတစ်မျိုးနတူကတ်တေ။ သူရို့ စိတ်နှလုံးမာ ကြဲထားလီစာ တရားတော်ကို မာရ်နတ် လာရို့ နုတ်ယူလားခရေ။
20“အရာ ကျောက်နရောစာမြေမာ ကျစာမျိုးစိတိစာ ထိုတရားတော်ကို နားထောင်ကတ်စာ လူတစ်မျိုးနတူကတ်တေ။ သူရို့စာ ထိုတရားတော်ကို ကြားရေချက်ချင်း ဝမ်းသာရို့ လက်ခံကတ်တေ။ 21ယေကေလည်း ထိုတရားတော်စာ သူရို့ စိတ်နှလုံးမာ အလှပ မစွဲရေအတွက်န တစ်နားသျှေရာ တည်မြဲနိုင်ခကတ်တေ။ ထိုတရားတော် အကြောင်းန ညှဉ်းဆဲခြင်းန ဒုက္ခကို ခံရရေချက်ချင်း နောက်ဆုတ်လားခကတ်တေ။
22“စူးခြုံတောမာ ကျစာမျိုးစိတိစာ ထိုတရားတော်ကို နားထောင်ကတ်စာ အခြားလူတစ်မျိုးနတူကတ်တေ။ သူရို့စာ တရားတော်ကို ကြားရို့အတိုင်းလည်း သူရို့မာ အိမ်ထောင်ရေး စဉ်းစားခြင်းန ပစ္စည်း-ဥစ္စာကို တွယ်တာခြင်းစာ တရားတော်ကို ဖိထားရေ။ ယင်းအတွက်န ယင်းတရားတော်စာ အသီးမသီးနိုင်။
23“မြေအကောင်းမာ ကျစာမျိုးစိတိစာ ထိုတရားတော်ကို ကြားရို့ နားလည်ကတ်စာ အခြားလူတစ်မျိုးနတူကတ်တေ။ သူရို့အထဲက တစ်ယောက်တစ်ရီမာ အဆသုံးဆယ်၊ တစ်ယောက်တစ်ရီမာ အဆခြောက်ဆယ် အရာ တစ်ယောက်တစ်ရီမာ အဆတစ်ရာတိုင်အောင် အသီးသီးရေ။”
ဂျုံပင်န ဆတ်ခိုင်မြက် ပုံဥပမာ
24ယင်းနောက် ယေရှုစာ လူရို့ကို သွန်သင်ပီးဖို့အတွက် အရာတစ်ခု ပုံဥပမာ တင်ပြလီရေ။ ပုံဥပမာစာ ဒေပိုင်၊ “ဂေါင်းခင်နိုင်ငံတော်စာ လူတစ်ယောက် ကိုယ့်လယ်မာ မျိုးစိအကောင်းတိကို ကြဲစာနတူရေ။ 25ယေကေလည်း အားကုံးသူ ညဉ့်မာ အိပ်ကတ်တေခါ ရန်သူ လာရို့ ဂျုံခင်းမာ ဆတ်ခိုင်မြက်စိတိကို ကြဲဘိုက်ခလီရေ။ 26ယင်းနောက် ဂျုံပင်တိ ကြီးရို့ အသီးအနှံတိ ထွက်လာရေခါ ဆတ်ခိုင်မြက်တိကိုလည်း မြင်ရလီရေ။ 27ယင်းသျှင့်ကို မြင်ရို့ ကျွန်ရို့စာ အိမ်သျှင်တို့ လာပြီးကေ မီးကတ်လီရေ၊ ‘အသျှင်၊ လယ်မာ မျိုးစိအကောင်းတိကို ကိုယ်ဘင် ကြဲလီပါရေ မဟုတ်လော? ယင်းပိုင်ဆိုကေ ဆတ်ခိုင်မြက်တိ ဇာက ရောက်လာပါစာလည်း?’ 28ယင်းခါ သူစာ ကိုယ့်ကျွန်ရို့ကို ပြောလီရေ၊ ‘ဒေသျှင့် ရန်သူ အလုပ် ဖြစ်တေ။’ အရာ ကျွန်ရို့စာ ပြောကတ်လီရေ၊ ‘ယင်းပိုင်ဆိုကေ အကျွန်ရို့ လားရို့ ဆတ်ခိုင်မြက်တိကို နုတ်ဘိုက်ခီပါဖို့စာလော?’ 29ယင်းခါ သူစာ ပြောလီရေ၊ ‘မနုတ်ကေ့အုန့်သိ၊ အကြောင်းကား နင်ရို့ ဆတ်ခိုင်မြက်တိကို နုတ်ဘိုက်တေခါ ဂျုံပင်တိလည်း ပါနိုင်စရာ ဟိရေ။ 30ယင်းထက်ပင် ယင်းသျှင့်တိကို အသီးအနှံ ရိတ်ဖို့အချိန် မတိုင်သကြား တစ်ညီတည်း ကြီးအောင် ထား။ ယင်းနောက် အသီးအနှံ ရိတ်သူရို့ကို ငါ ပထမဆုံး ဆတ်ခိုင်မြက်တိကို ရိတ်ရို့ စည်းပြီးကေ မီးတိုက်စီဖို့။ ယင်းနောက် ဂျုံနှံတိကို ရိတ်ရို့ ငါ့ ရိုင်မာ ထည့်စီဖို့။’”
ရဲစိန တဆီး ပုံဥပမာ
(မာကု ၄:၃၀-၃၄၊ လုကာ ၁၃:၁၈-၂၁)
31ယေရှုစာ လူရို့ဘားမာ အရာတစ်ခု ပုံဥပမာ တင်ပြလီရေ။ ပုံဥပမာစာ ဒေပိုင်၊ “ဂေါင်းခင်နိုင်ငံတော်စာ ရဲစိတစ်စိနတူရေ။ လူတစ်ယောက်စာ ထို ရဲစိကို ယူရို့ ကိုယ့်လယ်မာ ကြဲလီရေ။ 32ထို ရဲစိစာ ဟိသမျ မျိုးစိတိထက် အသျှေဆုံး ဖြစ်တေ၊ ယေကေလည်း အပင်ပေါက်ရို့ ကြီးလာရေခါ ဟိသမျ ဟင်းသီးဟင်းရွက်အပင်တိထက် အကြီးဆုံး အပင် ဖြစ်လာရေ။ အရာ ငှက်တိ လာရို့ ထိုအပင်အခက်အလက်တိမာ တင်းတည်ကတ်လီရေ။”
33ယေရှုစာ အရာလည်း တစ်ခု ပုံဥပမာ တင်ပြလီရေ။ ပုံဥပမာစာ ဒေပိုင်၊ “ဂေါင်းခင်နိုင်ငံတော်စာ တဆီးနတူရေ။ မိန်းမတစ်ယောက်စာ ထိုတဆီးကို ယူရို့ ဂျုံမုန့်တစ်ဆယ့်ရှစ်သိုက်မာ ရောလီရေ။ ယင်းအတွက်န ဟိသမျ ဂျုံမုန့်တိစာ ရော့တက်လီရေ။”
34ယေရှုစာ အမြဲတိုင်း ပုံဥပမာန လူရို့ကို သွန်သင်ပီးလီရေ။ သူစာ ပုံဥပမာ အသုံးမပြုဘိုင်းန တစ်ခုကိုလည်း လူရို့ကို သွန်သင် မပီးလီ။ 35ယင်းပိုင် သွန်သင်ပီးခြင်းကနီရို့ ဘုရားသတင်းပို့သူ ဟောပြောခစာ စကားတိ ပြည့်စုံလာလီရေ။ ထာဝရဘုရားစာ ဘုရားသတင်းပို့သူကနီရို့ ဒေပိုင် ပြောလီရေ၊
“ငါ လူရို့ဘားမာ ပုံဥပမာန စကားပြောဖို့၊
အရာ ကမ္ဘာကို ဖန်ဆင်းရေလှောက်ကပင် ဒေဂုတိုင်အောင်
ဖုံးရွှက်ရို့ဟိစာ ဟိသမျ အကြောင်းအရာကို ငါ ဖေါ်ပြဖို့။”
ဆတ်ခိုင်မြက် ပုံဥပမာ အဓိပ္ပါယ်ကို ရှင်းပြခြင်း
36ယင်းနောက် ယေရှုစာ လူပရိတ်သတ်ရို့က ပြန်ခွင့်တောင်းရို့ အိမ်ထဲတို့ ဝင်လီရေ။ ယင်းခါ တပည့်ရို့စာ ယေရှုတို့ လာရို့ ပြောကတ်လီရေ၊ “အသျှင်၊ လယ်မာ ကြဲစာဆတ်ခိုင်မြက် ပုံဥပမာ အဓိပ္ပါယ်ကို အကျွန်ရို့ကို ရှင်းပြပါ။” 37ယင်းခါ သူစာ ပုံဥပမာ အဓိပ္ပါယ်ကို ပြောလီရေ၊ “မျိုးစိအကောင်းတိကို ကြဲသူစာ မနုသသားတော် ဖြစ်တေ။ 38လယ်စာ ဒေ ကမ္ဘာ ဖြစ်တေ၊ မျိုးစိအကောင်းတိစာ ဂေါင်းခင်နိုင်ငံတော်သားရို့ ဖြစ်ကတ်တေ အရာ ဆတ်ခိုင်မြက်တိစာ မာရ်နတ်၏ သားသမီးရို့ ဖြစ်ကတ်တေ။ 39ဆတ်ခိုင်မြက်စိတိကို ကြဲလီစာ ရန်သူစာ မာရ်နတ် ဖြစ်တေ။ အသီးအနှံ ရိတ်ဖို့အချိန်စာ ကမ္ဘာကုန်ဆုံးဖို့စာအချိန် ဖြစ်တေ အရာ အသီးအနှံကို ရိတ်ဖို့သူရို့စာ ဂေါင်းခင်နတ်သားရို့ ဖြစ်ကတ်တေ။ 40ဆတ်ခိုင်မြက်တိ တစ်စုတည်း စုရို့ မီးအတိုက်ခံရစာပိုင်တထန် ကမ္ဘာကုန်ဆုံးရေအချိန်မာလည်း လူဆိုးရို့စာ မီးအတိုက် ခံရကတ်လိမည်။ 41မနုသသားတော်စာ ကိုယ့်ဂေါင်းခင်နတ်သားရို့ကို ရွှတ်လိုက်လိမည်။ အရာ အခြားလူရို့ကို အပြစ်လမ်းတို့ ဆောင်ယူလားသူရို့န ကိုယ်တိုင် အပြစ်လုပ်နီသူရို့ အားကုံးသူကို ထိုဂေါင်းခင်နတ်သားရို့စာ မနုသသားတော်၏ နိုင်ငံတော်ထဲက ရွီးထုတ်ကတ်လိမည်။ ယင်းနောက် သူရို့ကို တစ်စုတည်းစုရို့ မီးအိုင်ထဲတို့ ဘိုက်ချကတ်လိမည်။ 42ယင်းနေရာမာ လူရို့စာ ဝေဒနာကို ခံရရေအတွက်န သွားချင်းသွား ကြိတ်ပြီးကေ အော်ရို့ ငိုကတ်လိမည်။ 43ယင်းအချိန်ခါ သူတော်ကောင်းရို့စာ ကိုယ်ရို့မာ ဂေါင်းခင်ဘုံသျှင် အဖ၏ နိုင်ငံတော်မာ နီအလင်းရောင်ပိုင် ထွန်းတောက်ကတ်လိမည်။ ငါ့စကားကို နားထောင်ချင်သူရို့ နားထောင်ကတ်။
လယ်ပြင်မာ မြှုတ်ထားစာ ဥစ္စာ ပုံဥပမာ
44“ဂေါင်းခင်နိုင်ငံတော်စာ လယ်ပြင်မာ ရွှက်ထားစာ ဥစ္စာနတူရေ။ လူတစ်ယောက်စာ ယင်းဥစ္စာကို ရှာရို့ ရရေခါ ယင်းလယ်မာ ပြန်ရို့ ရွှက်ထားလီရေ။ ယင်းနောက် သူစာ ပျော်ရို့ အိမ်တို့ ပြန်လားခလီရေ အရာ ကိုယ့်မာ ဟိသမျ ဝန်ဆန်တိကို ရောင်းရို့ ထိုလယ်ကို ဝယ်လီရေ။
တန်ဖိုးဟိစာ ကျောက်ပုလဲ ပုံဥပမာ
45“ဂေါင်းခင်နိုင်ငံတော်စာ ကျောက်ပုလဲအကောင်းကို ရှာစာကုန်သေတစ်ယောက်နတူရေ။ 46သူစာ တန်ဖိုးဟိစာ ကျောက်ပုလဲတစ်လုံးကို ရှာရို့ ရရေခါ အိမ်တို့ ပြန်လားခလီရေ အရာ ကိုယ့်မာ ဟိသမျ ဝန်ဆန်တိကို ရောင်းရို့ ထိုကျောက်ပုလဲကို ဝယ်လီရေ။
ပိုက်မာ ငါးငြိမ့်စာ ပုံဥပမာ
47“အရာ ဂေါင်းခင်နိုင်ငံတော်စာ မြစ်ပင်လယ်မာ ချလိုက်စာ ပိုက်ကြီးတစ်ခုနတူရေ။ ယင်းပိုက်ကြီးမာ ဟိသမျ ငါးအပေါင်းမျိုးစုံ ငြိမ့်လီရေ။ 48ယင်းပိုက်ကြီးမာ ငါးတိ ပြည့်ရေခါ ပိုက်သေရို့စာ ကမ်းနားတို့ ငင်တင်ကတ်လီရေ။ ယင်းနောက် သူရို့စာ ထိုင်ပြီးကေ ငါးအကောင်းတိကို ကောက်ရို့ တောင်းမာ ထည့်ကတ်လီရေ၊ ယေကေလည်း မကောင်းစာ ငါးတိကို ကောက်ရို့ မြစ်ပင်လယ်မာ ဘိုက်ချလိုက်ကတ်လီရေ။ 49ယင်းပိုင်တထန် ကမ္ဘာကုန်ဆုံးရေအချိန်မာ ဂေါင်းခင်နတ်သားရို့စာ လာရို့ သူတော်ကောင်းရို့အထဲက လူဆိုးရို့ကို ရွီးထုတ်ပြီးကေ တစ်စုတည်းစုရို့ မီးအိုင်ထဲတို့ ဘိုက်ချကတ်လိမည်။ 50ယင်းနေရာမာ လူရို့စာ ဝေဒနာကို ခံရရေအတွက်န သွားချင်းသွား ကြိတ်ပြီးကေ အော်ရို့ ငိုကတ်လိမည်။”
51ယင်းနောက် ယေရှုစာ ကိုယ့်တပည့်ရို့ကို မီးလီရေ၊ “နင်ရို့ ငါ့ စကားတိကို နားလည်ကတ်ပျာလော?” အရာ တပည့်ရို့စာ သူ့ကို၊ “လည်ပါဗျာ” ဟို့ အဖြေပီးကတ်လီရေ။ 52ယင်းခါ ယေရှုစာ သူရို့ကို ပြောလီရေ၊ “ဂေါင်းခင်နိုင်ငံတော် အကြောင်းနပတ်သပ်ရို့ သွန်သင်ချက် ရကတ်စာ ဟိသမျ ကျမ်းဆရာရို့စာ အိမ်သျှင်တစ်ယောက်နတူရေ။ သူစာ ကိုယ့်ဘဏ္ဍာထဲက ပစ္စည်း-ဥစ္စာအသစ်န အဟောင်းကို ထုတ်တေ။”
နာဇရက်မြို့သျှေသားရို့ ယေရှုကို ငြင်းပယ်ခြင်း
(မာကု ၆:၁-၆)
53ယေရှုစာ ပုံဥပမာတိကို တင်ပြရို့ ပြီးရေခါ ယင်းနေရာက ထွက်ရို့ ကြွလီရေ။ 54ယင်းနောက် သူစာ ကိုယ်ကြီးပြင်းခစာ နာဇရက်မြို့သျှေတို့ ရောက်တေခါ တရားဇရပ်မာ လူရို့ကို သွန်သင်ပီးလီရေ။ အရာ လူရို့စာ သူ့စကားကို ကြားရေခါ အံ့ဩရို့ ပြောကတ်လီရေ၊ “ဒေသူမာ ဒေ ပညာန အံ့ဩဖွယ်အလုပ် လုပ်ဖို့စာတန်ခိုးတိ ဇာက ရခီရေလည်း? 55ဒေသူ လက်သမားသား မဟုတ်လော? သူ့အမိနာမည် မာရိ မဟုတ်လော? အရာ သူ့မာ ညီရို့စာ ယာကုပ်၊ ယောသပ်၊ ရှိမုန် အရာ ယုဒ မဟုတ်လော? 56အရာ သူ့မာ နမှရို့လည်း ငါရို့နအတူ ဟိကတ်တေ မဟုတ်လော? ယင်းပိုင်ဆိုကေ ဒေသူ ဒေ ပညာတိန တန်ခိုးတိကို ဇာက ရခီရေလည်း?” 57လူရို့မာ ဒေပိုင် စဉ်းစားချက် အကြောင်းန သူရို့စာ ယေရှုကို လက်ခံဖို့ မနိုင်ကတ်လီ။ ယင်းခါ သူစာ လူရို့ကို ပြောလီရေ၊ “ဘုရားသတင်းပို့သူရို့စာ ကိုယ့်ရွာန ကိုယ့်အိမ်ကို ပယ်ရို့ အခြား ဟိသမျ နေရာမာ ရိုသေခြင်းကို ရကတ်တေ။” 58လူရို့ ကိုယ့်ကို မကျုံရေအတွက်န သူစာ ယင်းမြို့မာ အံ့ဩဖွယ်အလုပ် အများ မလုပ်ခလီဗျာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Wycliffe Bible Translators, Inc.