Ioane 7
7
Iesu aea areve mariosu ita
1Lea ve aite voa Iesu Galilea soa voa tera vovo meiape; are Iudea soa voa mei vei haiarara leipe, ipi Iuda karu sa ere arero paeai otiharo eliape eavia. 2A—, Iuda karu ve Harotōvu Sosoka ve soa haekao leipe.#Levi 23:34; Deut 16:13 3Soka areve mariosu arero mō ōpe, Mea oti kiripi Iudea soa voa isaia, ave satiriaraita karu lōvoa a sa leita etau la ofae eovi ore leiti vei. 4Ipi areve fari pisiri leiti haikaeaita lea karu, etau murufakao leiti kasirau. A mea etau etau la leitita; a—, ave elore maea kofa la mearovaeka voa muiaia. 5Ipi areve mariosu ta arero sukaerereai kasirau.
6Soka Iesu erero mō ōpe, Arave soa areapo, a—, e voa eve soa meamea usoso leititore. 7Mearovaeka ero kaifa leitita ore kao, a—, are araro kaifa lei vovea ipi areve leita mai kaiae la ara sa okofa ita pisiri moi vovo meita eavia. 8E sosoka voa pataia; ara mea sosoka voa levi patai roi, ipi arave soa foreraia kao. 9Are o lōri mei roroka lei, are Galilea voa serei meiape.
Harotōvu Sosoka Ierusalema voa
10Soka areve mariosu sa sosoka voa pataipe soa ve aite voa, are ta sosoka voa, pisirikao patai kao, a—, murufakao pataipe. 11Soka Iuda karu are vei sosoka voa eli eli, mō ōpe, Are leavoa? 12Karu sitavu voa o serea rovaea elore elore are vei ōpe. Hea mō ape, Are karu lareva; a—, karu hea ta mō ape, Kao, are karu la apeva vutea vovea. 13Eite karu laua are vei pisiri sukavai kasirau, ipi ere Iuda karu la tore leipe eavia.
14Soka sosoka sare hea orapi aru sare ovōpe soa, Iesu Maso Uvi voa patei karu la satiriaraiape. 15Iuda karu haihava lei mō ōpe, Mea vita Safu Karoro leafeare ore leititore, ipi are satiriaraita soa ovai kasirau. 16A—, Iesu tava o erero mō ōpe, Ara satiriaraita mea o arave kao, a—, araro itapōpe Ualare ve o. 17Ualare sa haikaeaita haiiri la kakeva leiti vei haikaeaita lea karu, are ore leiti roi arave satiriaraita o Ualare ve varo, ō arave elore haiiri voa foreraita o varo. 18Areve elore haiiri voa foreraita o la omoita lea karu, areve haria fari la lei rovaea leititore; a—, arero itapōpe vita ve fari la lei rovaea leiti haikaeaita lea karu are okofa vita aea are voa apeva eaeia kasirau. 19Mose Safu O ero miarai kao ei? a—, e voa karu farakeka aea sa lea Safu O la kakeva leiti sore. E araro paeai vei haikaeaipeta ipi levea?
20Lea karu sitavu tava o arero mō ōpe, A harisu maealolo ave iri voa ia. Aro paeai haikaeaipeta karu lavea? 21Iesu tava o erero mō ōpe, Ara leipe etau farakeka aea sa ero foromai la lei haihava lei roroa. 22Mose peritome ve safu ero miarōpe; eite lea mai Mose voa forerai kao, a—, papa‐ita voa, aea e Sabati sare voa atute popora la peritome lei vovea.#Gen 17:10; Levi 12:3 23Soka Mose ve safu la hasiavai ave, e atute popora la Sabati sare voa peritome leitita, a—, ara sa karu aea ve maea foromai la Sabati sare voa rofo leipe lea vei, e araro kitou leipeta ipi levea?#Ion 5:9 24Ofae sa haria ruri, tava seseōvi levi miaraia; a—, karu ve haiiri la seseōvi, tava mai haura ita lōri miarai peava.
25Soka Ierusalema karu hea mō ōpe, Ere sa paeai vei haikaeaita vita meha ei? 26A—, ofae eavaia, are mōvoa laua pisiri sukōvō vovea, aea ere arero o erere ari sore. Harofave karu etakofa ore leita varo, mea vita are eite Keriso. 27Etau farakeka, mea vita sa forerōpe oti ereita ta ore, a—, Keriso foreraita lea mea, karu areve foreraita oti ore levi leiti roi.
28Soka Iesu Maso Uvi voa satiriōri o mō isa moipe, Eite e araro ore, aea ara forerōpe lea oti ta ore. A—, ara haria elore maea lei koti kao; araro itapōpe Ualare are okofa. E arero ore leiti sore, 29a—, ara arero ore, ipi ara are voa pea koti mea, aeata are sa araro itapōpe eavia. 30Lea mea ere arero mai sa sukafori paeai haikaeōpe, a—, lea la leiti kao, ipi areve ora forerai auke eavia. 31A—, karu sitavu voa karu rauapo arero sukaererea mō ōpe, Keriso foreraita lea mea, are siahu ve peise rauapo lei lei, mea vita sa leita rauapo la sapatai roi ei?
32Soka Farisea karu ere karu sitavu sa are vei murufakao sukavaiape laua la mapi, aea ere aea maso harofave karu ita maso uvi kiva karu hea la arero mai sa sukaforai vei itapōpe. 33Soka Iesu mō ōpe, Soa harua haria ara e ita fareho meava roi; aite ara araro itapōpe Ualare tai terai roi. 34E araro elita, a—, araro levi sukaeai roi, aea ara pavai vei leita lea oti voa e foreraita ore levi leiti roi. 35Lea mea Iuda karu o elore elore mō ōpe, Mea vita leavoa terai roi, aea ela arero eli levi sukaeai roi ei? Are Helene karu ve aru voa fafarapi pepeipeta Iuda karu tai te Helene karu la satiriarai roi ei? 36Are o mōfeare moi, E araro elita, a—, e araro levi sukaeai roi, aea ara peita lea oti voa e foreraita ore levi leiti roi. Lea o ve eite lekōru?
Makuri ve Ma
37Soka sosoka soa kaleipe sare, are sare rovaea, Iesu soi pōvi o mō isa moipe, Karu kōvōre‐tolo leitita, a—, are araro tai foreri ma laria.#Levi 23:36 38Araro sukaerereaita lea karu, usoso Safu Buka voa uka siseita o feare, makuri ve ma ve mai rauapo areve iri voa tarerea forerai roi.#Esek 47:1; Seka 14:8 39Are lea o Safu Arahoha vei moipe, arero sukaerereaita karu sa aite soa ovai vei. Ipi lea soa Safu Arahoha la lehaia miarai kao, Iesu la lei sosorusosoru leiti vei leiti auke leipe eavia.
40Karu sitavu lea o la mapi mō ōpe, Etakofa lea peroveta vita meha! 41Karu hea ta mō ōpe, Keriso meha! A—, hea mō ōpe, Kao ipi Keriso Galilea voa levi forerai roi. 42Safu Karoro voa o meha: Keriso are Davida ve meavumōla aea Betelehema karikara voa forerai roi, Davida sa peiape lea karikara voa.#2 Sam 7:12; Mika 5:2 43Lea vei karu sitavu faeafaea ōpe ipi are vei. 44Karu hea arero mai sa sukaforai haikaeōpe, eite karu aea sa arero mai paeai kasirau.
45Soka Maso Uvi kiva karu ere maso harofave karu aea Farisea karu ita tai ata keroripe lea mea, ere erero mō ōpe, E arero lariōvi koti auke loita ipi levea? 46Maso Uvi kiva karu mō ōpe, Oarehōva soa itiiti faitora karu aea mea vita sa omoita mai feare moi sore. 47Lō mei, Farisea karu tava o erero mō ōpe, Ero ta apeva sa vuteai ei? 48Harofave karu voa ō Farisea karu voa karu farakeka aea arero sukaerereai ei? 49A—, lea karu sitavu ere Mose ve Safu O haveva, ere Ualare ve hasiavaita o voa roroa vovea. 50Nikodemusi, are Iesu tai faita aea voa forerōpe vita, are ta ereve lea karu firu voa, erero mō ōpe,#Ion 3:1–2 51Karu ve laua la mapai auke lei, aea are sa leita etau la ore auke leitita, a—, ereitave Safu Mai mōfeare ei, lea karu la seseōvi tava au miarai vei ei? 52Ere tava o arero mō ōpe, A ta Galilea karu ei? Safu Karoro la metakao mutia aea ore leitia peroveta karu Galilea voa forerai sore.
[ 53Lea mea ere foromai elore elore oti voa au terōpe.
Currently Selected:
Ioane 7: TQO1983
Highlight
Share
Copy
Want to have your highlights saved across all your devices? Sign up or sign in
Published by the Bible Society of Papua New Guinea in 1983.
Ioane 7
7
Iesu aea areve mariosu ita
1Lea ve aite voa Iesu Galilea soa voa tera vovo meiape; are Iudea soa voa mei vei haiarara leipe, ipi Iuda karu sa ere arero paeai otiharo eliape eavia. 2A—, Iuda karu ve Harotōvu Sosoka ve soa haekao leipe.#Levi 23:34; Deut 16:13 3Soka areve mariosu arero mō ōpe, Mea oti kiripi Iudea soa voa isaia, ave satiriaraita karu lōvoa a sa leita etau la ofae eovi ore leiti vei. 4Ipi areve fari pisiri leiti haikaeaita lea karu, etau murufakao leiti kasirau. A mea etau etau la leitita; a—, ave elore maea kofa la mearovaeka voa muiaia. 5Ipi areve mariosu ta arero sukaerereai kasirau.
6Soka Iesu erero mō ōpe, Arave soa areapo, a—, e voa eve soa meamea usoso leititore. 7Mearovaeka ero kaifa leitita ore kao, a—, are araro kaifa lei vovea ipi areve leita mai kaiae la ara sa okofa ita pisiri moi vovo meita eavia. 8E sosoka voa pataia; ara mea sosoka voa levi patai roi, ipi arave soa foreraia kao. 9Are o lōri mei roroka lei, are Galilea voa serei meiape.
Harotōvu Sosoka Ierusalema voa
10Soka areve mariosu sa sosoka voa pataipe soa ve aite voa, are ta sosoka voa, pisirikao patai kao, a—, murufakao pataipe. 11Soka Iuda karu are vei sosoka voa eli eli, mō ōpe, Are leavoa? 12Karu sitavu voa o serea rovaea elore elore are vei ōpe. Hea mō ape, Are karu lareva; a—, karu hea ta mō ape, Kao, are karu la apeva vutea vovea. 13Eite karu laua are vei pisiri sukavai kasirau, ipi ere Iuda karu la tore leipe eavia.
14Soka sosoka sare hea orapi aru sare ovōpe soa, Iesu Maso Uvi voa patei karu la satiriaraiape. 15Iuda karu haihava lei mō ōpe, Mea vita Safu Karoro leafeare ore leititore, ipi are satiriaraita soa ovai kasirau. 16A—, Iesu tava o erero mō ōpe, Ara satiriaraita mea o arave kao, a—, araro itapōpe Ualare ve o. 17Ualare sa haikaeaita haiiri la kakeva leiti vei haikaeaita lea karu, are ore leiti roi arave satiriaraita o Ualare ve varo, ō arave elore haiiri voa foreraita o varo. 18Areve elore haiiri voa foreraita o la omoita lea karu, areve haria fari la lei rovaea leititore; a—, arero itapōpe vita ve fari la lei rovaea leiti haikaeaita lea karu are okofa vita aea are voa apeva eaeia kasirau. 19Mose Safu O ero miarai kao ei? a—, e voa karu farakeka aea sa lea Safu O la kakeva leiti sore. E araro paeai vei haikaeaipeta ipi levea?
20Lea karu sitavu tava o arero mō ōpe, A harisu maealolo ave iri voa ia. Aro paeai haikaeaipeta karu lavea? 21Iesu tava o erero mō ōpe, Ara leipe etau farakeka aea sa ero foromai la lei haihava lei roroa. 22Mose peritome ve safu ero miarōpe; eite lea mai Mose voa forerai kao, a—, papa‐ita voa, aea e Sabati sare voa atute popora la peritome lei vovea.#Gen 17:10; Levi 12:3 23Soka Mose ve safu la hasiavai ave, e atute popora la Sabati sare voa peritome leitita, a—, ara sa karu aea ve maea foromai la Sabati sare voa rofo leipe lea vei, e araro kitou leipeta ipi levea?#Ion 5:9 24Ofae sa haria ruri, tava seseōvi levi miaraia; a—, karu ve haiiri la seseōvi, tava mai haura ita lōri miarai peava.
25Soka Ierusalema karu hea mō ōpe, Ere sa paeai vei haikaeaita vita meha ei? 26A—, ofae eavaia, are mōvoa laua pisiri sukōvō vovea, aea ere arero o erere ari sore. Harofave karu etakofa ore leita varo, mea vita are eite Keriso. 27Etau farakeka, mea vita sa forerōpe oti ereita ta ore, a—, Keriso foreraita lea mea, karu areve foreraita oti ore levi leiti roi.
28Soka Iesu Maso Uvi voa satiriōri o mō isa moipe, Eite e araro ore, aea ara forerōpe lea oti ta ore. A—, ara haria elore maea lei koti kao; araro itapōpe Ualare are okofa. E arero ore leiti sore, 29a—, ara arero ore, ipi ara are voa pea koti mea, aeata are sa araro itapōpe eavia. 30Lea mea ere arero mai sa sukafori paeai haikaeōpe, a—, lea la leiti kao, ipi areve ora forerai auke eavia. 31A—, karu sitavu voa karu rauapo arero sukaererea mō ōpe, Keriso foreraita lea mea, are siahu ve peise rauapo lei lei, mea vita sa leita rauapo la sapatai roi ei?
32Soka Farisea karu ere karu sitavu sa are vei murufakao sukavaiape laua la mapi, aea ere aea maso harofave karu ita maso uvi kiva karu hea la arero mai sa sukaforai vei itapōpe. 33Soka Iesu mō ōpe, Soa harua haria ara e ita fareho meava roi; aite ara araro itapōpe Ualare tai terai roi. 34E araro elita, a—, araro levi sukaeai roi, aea ara pavai vei leita lea oti voa e foreraita ore levi leiti roi. 35Lea mea Iuda karu o elore elore mō ōpe, Mea vita leavoa terai roi, aea ela arero eli levi sukaeai roi ei? Are Helene karu ve aru voa fafarapi pepeipeta Iuda karu tai te Helene karu la satiriarai roi ei? 36Are o mōfeare moi, E araro elita, a—, e araro levi sukaeai roi, aea ara peita lea oti voa e foreraita ore levi leiti roi. Lea o ve eite lekōru?
Makuri ve Ma
37Soka sosoka soa kaleipe sare, are sare rovaea, Iesu soi pōvi o mō isa moipe, Karu kōvōre‐tolo leitita, a—, are araro tai foreri ma laria.#Levi 23:36 38Araro sukaerereaita lea karu, usoso Safu Buka voa uka siseita o feare, makuri ve ma ve mai rauapo areve iri voa tarerea forerai roi.#Esek 47:1; Seka 14:8 39Are lea o Safu Arahoha vei moipe, arero sukaerereaita karu sa aite soa ovai vei. Ipi lea soa Safu Arahoha la lehaia miarai kao, Iesu la lei sosorusosoru leiti vei leiti auke leipe eavia.
40Karu sitavu lea o la mapi mō ōpe, Etakofa lea peroveta vita meha! 41Karu hea ta mō ōpe, Keriso meha! A—, hea mō ōpe, Kao ipi Keriso Galilea voa levi forerai roi. 42Safu Karoro voa o meha: Keriso are Davida ve meavumōla aea Betelehema karikara voa forerai roi, Davida sa peiape lea karikara voa.#2 Sam 7:12; Mika 5:2 43Lea vei karu sitavu faeafaea ōpe ipi are vei. 44Karu hea arero mai sa sukaforai haikaeōpe, eite karu aea sa arero mai paeai kasirau.
45Soka Maso Uvi kiva karu ere maso harofave karu aea Farisea karu ita tai ata keroripe lea mea, ere erero mō ōpe, E arero lariōvi koti auke loita ipi levea? 46Maso Uvi kiva karu mō ōpe, Oarehōva soa itiiti faitora karu aea mea vita sa omoita mai feare moi sore. 47Lō mei, Farisea karu tava o erero mō ōpe, Ero ta apeva sa vuteai ei? 48Harofave karu voa ō Farisea karu voa karu farakeka aea arero sukaerereai ei? 49A—, lea karu sitavu ere Mose ve Safu O haveva, ere Ualare ve hasiavaita o voa roroa vovea. 50Nikodemusi, are Iesu tai faita aea voa forerōpe vita, are ta ereve lea karu firu voa, erero mō ōpe,#Ion 3:1–2 51Karu ve laua la mapai auke lei, aea are sa leita etau la ore auke leitita, a—, ereitave Safu Mai mōfeare ei, lea karu la seseōvi tava au miarai vei ei? 52Ere tava o arero mō ōpe, A ta Galilea karu ei? Safu Karoro la metakao mutia aea ore leitia peroveta karu Galilea voa forerai sore.
[ 53Lea mea ere foromai elore elore oti voa au terōpe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Papua New Guinea in 1983.