ဒေါ ဂုဝ် 24
24
လွင် အာဘြာဟမ် ဟြေတ့် အီဘိုန့် အာဒါ အာဆဲက်
1အာဘြာဟမ် တွိုန် ဟဲ့ ကတ် ကာဆဝ်။ ဇဝ်ဖြာ ဟဲ့ မွင့်ကာရာ တဲး ဒီ အန် ဒွန် မျုဝ်။ 2ပန် တီ အာဘြာဟမ် ဝီ ဒဲ့ ဒဲစေန့် အန်။ အာဆာက် ဝီ တီ ဟဲ့ ကိူန် လွှိုမ် ဒဲစေန့် အီ ဟဝ်။ အန် ဘော အိုပ် တူတ့် ခဲင် ကာင် အာဘြာဟမ်။ အာဘြာဟမ် ဝီ တဝ်း ဒီ ဒါ အီ တီ၊ “တဲး မဲ ဘ့လေး ဒဲ မဲ ဒီ ဂိုမ် အုဝ်။#24:2 ဂေ ဘူင် ပါယ် တီ တဲး ဘော လှုက်လှာန် အီ ဒီ ဘော တး ဝါယ် အန် တီ နပ် လွင် ပီ ဒီ ဘူင် အန် 3အုဝ် ဒီ မှာန့်၊ တဲး မဲ ဒွါ ကာဒိက် ဆတ်ဇာ ဒီ အုဝ်။ ဘော ဇဝ်ဖြာ အီ အိုပ် ဘော ဂါင်ဟြာဝ် ဘော ကာဒါယ်၊ တဲး အန် ထူမ် ဂြုဝ်း မဲ။ မဲ လုဝ် ဒွါ ကာဒိက် ဆတ်ဇာ ဒီ အုဝ်၊ တဲး မဲ ဟာဝ် ဟြေတ့် အီဘိုန့် အာဒါ ဂွန် အုဝ်။ တဲး မဲ ဟာဝ် ခဲင် မိူင် ဒူင် ကွယ် ဝေါဝဲ အုဝ်။ 4ကွဲ့ တဲး မဲ ဟြေတ့် အီဘိုန့် အာမျုဝ် ဒူအီ ကာနန့် အီ ကွယ် ရိုမ် ဒူပ် အေ။”
5ဒဲစေန့် တွိုန် ဝီ တဝ်း ဒီ အန်၊ “ဆေ အုဝ် ဘော ယိုဝ် အီဘိုန့် အူ ဝီ၊ အန် ယီ တူ မိုဝ်း နဝ်း ဆီ လေး မိူင် အီ မုး ဒူင် ကွယ် အန်၊ မာဆေ ပီ လုဝ် ဘူင် အုဝ်။း မဲ ဒီ တဲး အုဝ် တိုယ် ဂွန် မဲ ဟာဝ် ခဲင် မိူင် ဘြိမ် မဲ။း”
6အန် ဝီ တဝ်း၊ “အာဝ် ပွိုန် တိုယ် ဂွန် အုဝ် ဟာဝ် ခဲင် မိူင် ဘြိမ် အုဝ် ဒေါ မှဝ်။ 7ဇဝ်ဖြာ အီ အိုပ် ဂါင်ဟြာဝ်၊ အန် ဟဲ့ ဒဲ့ အုဝ်၊ တဲး အုဝ် လေး ခဲင် မိူင် ဘြိမ် အုဝ်၊ လေး ခဲင် ကာင် ဂုန့် အုဝ်၊ တဲး အုဝ် လေး တ ဝေါဝဲ အုဝ်။ အန် ဘော ဟဲ့ ဒွါ ကာဒိက် ဆတ်ဇာ ဒီ အုဝ်၊ တဝ်း၊ ‘အုဝ် ဒီ ဒွါ မိူင် တီ ဒီ လှုက်လှာန် မဲ။’ ဇဝ်ဖြာ တီ၊ အန် ဒီ တိုယ် အာမူ အာမာတ် အန်၊ တဲး အန် ယဲတ့် ဒီ အာတ့် မဲ၊ တဲး မဲ ဇမ် မိူင် ဘြိမ် အုဝ်၊ ဒဲ့ အီဘိုန့် အူ ဝီ ဒူပ် မဲ၊ တဲး အန် ဘဲန် အီဘိုန့် ဂွန် အုဝ်။ 8ဆေ အီဘိုန့် ပီ ရဝ်း မဲ ယီ တူ ဆီ ဒူပ် မဲ၊ အုဝ် တဝ်း၊ ကာဒိက် ဆတ်ဇာ ပီ ဒွါ မဲ ဒီ အုဝ်၊ န့ အာဝ် ဟူ မှာန်။ မဲ အာဝ် ဟူ လုဝ် ဘူင် မာဆေ။ မဲ ယီ တူ ပွိုန် တိုယ် ဂွန် အုဝ် ဟာဝ် ဇမ် ခဲင် မိူင် ဘြိမ် အုဝ် ဒေါ မှဝ်။” 9အန် ဟဲ့ ဟွတ့် ကာလာင် ပါယ် တီ ဒဲစေန့် တွိုန် ဘော ဘ့လေး ဒဲ အန် ဒီ ဂိုမ် ဒါ ကာညာ အန်၊ ဒွါ ကာဒိက် ဆတ်ဇာ ဒီ အန်၊ တဝ်း ဒီ ဘူင် တူတ့် ပီ မှာန့် ဒါ ကာညာ အန် ဒီ အန်။
10ပန် တီ အန် ပီ ဝီ ဒိုဝ်း မင်ပြွင့် ကာဟာတ့် အီ မုး ကြုဝ် ဒါ ကာညာ အန် ဂိုဝ် ဒုဝ်၊ ဒိုဝ်း ကြုဝ်ကြာမ် ဒါ ကာညာ အန် ဘဲန် မျုဝ် ဘဲန် မျုဝ်၊ လေး ဟာဝ် မိူင် အာရာမ်နာရာဟမ် အီ မုး မိူင် အာနာဟုဝ်။ 11အန် ဘော ဇမ် နာ ရေတ့် မိူင် တီ၊ အန် ချ၊ ဒီလှဝ် ဘော မင်ပြွင့် ကာဟာတ့် အန် ခူပ် အိုမ် ခိုမ်။ န့ မုး ဘာ ဒီ အပ်၊ အာခြာဝ် ဒေါ ဟာဝ် တဝ့် ဂေ အီဘိုန့် ဒီ အိုမ်။
12အန် ဝီ တဝ်း၊ “အိုယ် မဲ ဇဝ်ဖြာ၊ မဲ မုး ဇဝ်ဖြာ ပီ ကြိုပ် ဒါ ကာညာ အုဝ်၊ အီ စိူဝ် အာဘြာဟမ်။ အာတိုဝ် တဲး မဲ ဇဝ် ကာဝေ ဒါ ကာညာ အုဝ်၊ တဲး မဲ စွယ် ဘော အုဝ်။ 13မဲ ယိုဝ်၊ အုဝ် ကွယ် ဒီ ခူပ် အိုမ် ခိုမ် နီ။ အာဝ် လှေန့် ဂေ ဂွန် အီဘိုန့် အီ ကွယ် ခဲင် မိူင် နီ၊ ဂေ ဒီ လေး ခဲင် မိူင်၊ တး တဝ့် အိုမ်။ 14ဆေ ဂွန် အီဘိုန့် ဒီ တး၊ အုဝ် ဘော ကာလာင် ဒီ အန်၊ ‘တဲး အုဝ် ဒျီင် အိုမ် ပီ တဝ့် မဲ အီ စဲက်၊’ ဆေ အန် ဒီ ဝျီ့ တဝ်း၊ ‘တဲး မဲ ဒျီင်၊ အုဝ် ဒီ ဒွါ ဘော မင်ပြွင့် ကာဟာတ့် မဲ ဒျီင်၊’ ဆေ အန် ဘူင် ပါယ် တီ အုဝ် ဒီ ဘော နပ်၊ ဂွန် အီဘိုန့် တီ၊ မဲ ဇဝ် ဟဲ့ ရဝ်း၊ တဲး အန် ဘဲန် အီဘိုန့် အာဆဲက် အီ မုး ဒဲစေန့် မဲ။ ပါယ် တီ အုဝ် ဒီ ဘော နပ်၊ မဲ ဇဝ် ဟဲ့ ကာဝေ ဘော ဒါ ကာညာ အုဝ်။”
15အန် ဟဲ့ ဟွတ့် ကာလာင် ပါယ် တီ အာဝ် လှေန့် န့ ဘော မိုဝ်း ဂွန် အီဘိုန့် အူ ဝီ၊ အန် စိူဝ် နာင် ဘဲက်၊ အန် လေး တး ခဲင် မိူင်။ အန် မုး ဂွန် အာဘေတ် အီ မုး ဂွန် အီမာယ် နာင် မဲက်။ နာင် မဲက် မုး အီဘိုန့် အာနာဟုဝ်။ အာနာဟုဝ် မုး အီကတ် အာဘြာဟမ်။ နာင် ဘဲက် တီ ဝီ လေး တး ခဲင် မိူင်၊ ဂွတ် ကာပဝ် ဒဲင် ယ အန်။ 16ဂွန် အီဘိုန့် တီ ဟဲ့ စှိတ် ကာဆဝ်။ အန် မုး ဒီဘျာ၊ ညှမ် မိုဝ်း အီမာယ်။ အန် လူင် ဒီ အိုမ် ခိုမ်၊ တဝ့် အိုမ်၊ ဟပ် ခဲင် ကာပဝ် အန်။ ဟဲ့ ဟွတ့်၊ အန် ဝီ ဟုဝ့်။
17ဒေါ အန် တီ ဒဲစေန့် တွိုန် ဝီ ဟာဝ် ဒူင် ကွယ် အန် တဝ်း၊ “တဲး မဲ ဒွါ အုဝ် ဒျီင် အိုမ် ခဲင် ကာပဝ် မဲ အီ စဲက်။”
18ဂွန် အီဘိုန့် တွိုန် ဝီ တဝ်း၊ “တဲး မဲ ဒျီင်၊ ဒါ။” ပါယ် တီ အန် ဘော ဘ့လေး ကာပဝ် အန် အူ ဇေန့်၊ တဲး ဒါ တီ ဒျီင်။
19ဒါ ဟဲ့ ဟွတ့် ဒျီင် ဖဲ၊ ဂွန် အီဘိုန့် တွိုန် ဝီ တဝ်း၊ “အုဝ် ဒီ ဟာဝ် တဝ့် အိုမ် ပေါ န့ ပွါ၊ တဲး ဘော ဂေ မင်ပြွင့် ကာဟာတ့် မဲ ပွိုန် ဒီ ဒျီင် ဖဲ။” 20ပန် တီ အန် ဟာဝ် အူ ဇေန့်၊ ဒိုဝ်း ကာပဝ် အန်၊ တဝ့် လှုဝ် အိုမ် ခဲင် ကာလတ့်။ ဟဲ့ ဟွတ့်၊ အန် ဟာဝ် ပေါ အူ ဇေန့် တဝ့် အိုမ်၊ တဲး ဒွန် ဒုဝ် ဒျီင် ဖဲ။ 21ဒဲစေန့် တွိုန် ယီ ကွယ် ဆီတွင့်၊ ယွတ် ပီ ဘူင် အန်၊ ဇေန့်ဇာ လွင် ဇဝ်ဖြာ၊ ယုဝ် အန် ဇဝ် ဒီ တဲး အာရေ အန် အွင်၊ ယုဝ် န့ တူ အွင်။
22ဂေ မင်ပြွင့် ကာဟာတ့် ဟဲ့ ဟွတ့် ဒျီင် ဖဲ၊ အန် ဒိုဝ်း ခြိဝ် အီ ဟပ် ဒီ ဂုင်မုး အူ ဘူင့်။ စန် အန် ဟဲ့ မုး အူ ထေ။ အန် ဒိုဝ်း ဘော ဂန်ဒဲ ခြိဝ် အာ ဘူင့်။ စန် အန် ဒဝ် ဘျာ။ အန် ဒိုဝ်း အာတီ၊ ဒွါ ဒီ ဂွန် ဒီဘျာ တွိုန်။ 23အန် မိူဝ် တဝ်း၊ “တဲး မဲ ကာလာင် ဒီ အုဝ်၊ ဂွန် အာဆေ မဲ မုး။း ခဲင် ကာင် ဂုန့် မဲ၊ န့ ပွိုန် တမ်။း”
24ဂွန် ဒီဘျာ ဝီ တဝ်း၊ “အုဝ် မုး ဂွန် အာဘေတ်။ ဂုန့် အုဝ် ဟဲ့ မုး ဂွန် နာင် မဲက် ဂါယ် အာနာဟုဝ်။” 25အန် ဘော တဝ်း၊ “ယေ မိုဝ်း ဟျြီင် ကိူန်၊ တဲး ဂေ ဒုဝ် ဆတ်ဒါဝါ မဲ ဟူမ်။ ယေ မိုဝ်း ဘော ဒူင် ဒီ တမ်။”
26ဝါယ် အန် တီ ဒါ အီ တွိုန် ဝီ မုတ် ဂိန့် အန် ဒီ အာတ့် ဇဝ်ဖြာ။ 27အန် တဝ်း၊ “အုဝ် အိူပ် မျုက် မဲ ဇဝ်ဖြာ အီ မုး ဇဝ်ဖြာ ပီ ကြိုပ် အာဘြာဟမ်၊ အီ မုး ဒါ ကာညာ အုဝ်။ မဲ ဇဝ်ဖြာ ဟဲ့ ဘူင် နာ မွှိုမ် နာ မှာန် ဒီ ဒါ ကာညာ အုဝ်။ မဲ မိူဝ် ဟဲ့ တိုယ် အုဝ် ဟာဝ် ဆိူဝ် ကော ဇမ် ခဲင် ကာင် အီကတ် ဒါ ကာညာ အုဝ်။”
28ပန် တီ ဂွန် ဒီဘျာ တွိုန် ဟာဝ် ဝေန့် ခဲင် ကာင် မာ အန်၊ ကာလာင် တူတ့် ဒီ မာ အန်။ 29နာင် ဘဲက် တွိုန် ယီ မိုဝ်း အီကတ်၊ အန် စိူဝ် အာလပ်။ 30အန် ဘော ယိုဝ် ခြိဝ် အီ ဟပ် ဒီ ဂုင်မုး ဘော ဂန်ဒဲ ပီ စှိုပ် ဝါ အန်၊ ဘော ယိုဝ် ဂြုဝ်း ဝါ အန် အီ တဝ်း၊ “ဒါ အီ တွိုန် ဟဲ့ တဝ်း ပါယ် တီ ဒီ အုဝ်။” ဟဲ့ ဟွတ့်၊ အာလပ် ဘော လေး ခဲင် ကာင်၊ ဟာဝ် ဒီ အိုမ် ခိုမ် အီ မုး ဒူင် ကွယ် ဒါ အီ တွိုန်။ 31အန် တဝ်း၊ “တဲး မဲ တး လိုပ် ခဲင် ကာင် ယေ။ မဲ မုး ဒူအီ ပီ မွင့်ကာရာ ဒွါ ဇဝ်ဖြာ။ ကွဲ့ တဲး မဲ ကွယ် နာ ရေတ့်။ အုဝ် ဟဲ့ ဟွတ့် မ့ပြာယ် ဒူင် ဒီ တမ် မဲ ခဲင် ကာင်။ အုဝ် ဟဲ့ မ့ပြာယ် ဘော ဒူင် ကွယ် မင်ပြွင့် ကာဟာတ့် မဲ။”
32ပန် တီ ဒူအီ တွိုန် တး လိုပ် ခဲင် ကာင်။ အာလပ် ဘော စွယ် အန် အုန် ကြုဝ် ပီ ဒါင် ဂေ ဒဲင် မင်ပြွင့် ကာဟာတ့်၊ ဒွါ ဂေ အိတ် နာ ဒဲင် ဟျြီင်၊ ဒွါ ဘော ပီ ဒီ ဟူမ် ဒီ ဂေ ဒုဝ် ဆတ်။ အန် ဒွါ အိုမ် ဒီ ဒါ တွိုန် ဘော ဒီ ဒူအီ အီ ဒူပ် အန်၊ တဲး ဂေ ဘာယ် ပ့လဝ် ဂေ။ 33ပန် တီ အာလပ် ဒွါ ဂေ ဟူမ် ဘူမ်။ ဒါ အီ တွိုန် ယီ တဝ်း၊ “အုဝ် တူ ဆီ ဟူမ် ဒေါ တီ နီ။ အုဝ် လုဝ် ကာလာင် လွင် ပီ လုဝ် အုဝ် ဒီ အာတ့်။”
အာလပ် ဝီ တဝ်း၊ “တဲး မဲ ကာလာင်၊ မာဆေ ပီ လုဝ် မဲ။”
34ပန် တီ အန် ဝီ စုး ဒီ ခဲ။ အန် တဝ်း၊ “အုဝ် ဟဲ့ မုး ဒဲစေန့် အာဘြာဟမ်။ 35ဇဝ်ဖြာ ဟဲ့ မွင့်ကာရာ ဒွါ ဒီ ဒါ ကာညာ အုဝ် ဘဲန် မျုဝ် ဘဲန် မျုဝ်။ အန် ဇဝ် ဒွါ အန် မိုဝ်း မာဘူ ဂေ မာမက် ဘော ရွိုန် ဂေ ခြိဝ် ဘော မှာယ် အီ မုး အီမာယ် ဘော အီဘိုန့်။ အန် ဇဝ် ဟဲ့ ဒွါ ကိူန် ဘော မင်ပြွင့် ကာဟာတ့် ဘော မာလာ။ 36အာဘြာဟမ် မိူဝ် ဟဲ့ ကတ် ကာဆဝ်။ နာင် ဆာရာ အီ မုး အီဘိုန့် ဒါ ကာညာ အုဝ်၊ အန် ဟဲ့ ဒွါ ဒါ ကာညာ အုဝ် မိုဝ်း ဂွန် အီမာယ် အူ ဝီ။ ဂွန် အီမာယ် တီ ဟဲ့ ပွိုန် တူတ့် ကြုဝ်ကြာမ် ခဲ့ ပီ မိုဝ်း ဒါ ကာညာ အုဝ်။ 37ဒါ ကာညာ အုဝ် တွိုန် ဟဲ့ မှာန့် အုဝ် ဒွါ ကာဒိက် ဆတ်ဇာ ဒီ အန်။ အန် တဝ်း၊ ‘မဲ ကွဲ့ ရဝ်း အီဘိုန့် အာဒါ ဂွန် အုဝ် ခဲင် ဒူအီ အာမျုဝ် ကာနန့် အီ ကွယ် ရိုမ် ဒူပ် အုဝ်။ 38မဲ လုဝ် ဟာဝ် ဇမ် ဒီ ကာင် ဂုန့် အုဝ်၊ ဒူင် ကွယ် ဝေါဝဲ အုဝ်၊ တဲး မဲ ဒဲ့ အီဘိုန့် အာဒါ ဂွန် အုဝ်။’
39အုဝ် ဟဲ့ ဝီ တဝ်း ဒီ အန်၊ ‘အုဝ် ယုဝ် အီဘိုန့် တူ ဆီ ဒူပ် အုဝ်။’
40ပန် တီ အန် ဝီ တဝ်း၊ ‘အုဝ် ဟဲ့ ဒူပ် ဇဝ်ဖြာ ဆေဆေ။ ဇဝ်ဖြာ ဒီ တိုယ် အာမူ အာမာတ် အန်၊ တဲး အန် ယဲတ့် ဒီ အာတ့် မဲ၊ တဲး မဲ အွင်၊ တဲး မဲ ပွိုန် ဒီ ဒဲ့ အီဘိုန့် အူ ဝီ ခဲင် ဝေါဝဲ အုဝ်၊ အီ ကွယ် ဒူင် ကွယ် ဘြိမ် ဂုန့် အုဝ်၊ တဲး အန် တး ဒီ နီ။ 41မဲ ဟဲ့ ဒွါ ကာဒိက် ဆတ်ဇာ ဒီ အုဝ်၊ တဲး မဲ ဟာဝ် ဒီမွှတ်။ ဆေ မဲ ဟီ တး ဇမ် ဒီ ဝေါဝဲ အုဝ်၊ ဆေ ဂေ ဘော တူ ဆီ တိုယ် အန် ဒူပ် မဲ၊ မဲ အာဝ် ဟူ လုဝ် ဘူင် ပီ ဒွါ မဲ ကာဒိက် ဆတ်ဇာ ဒီ အုဝ်။’
42ပါယ် တီ အုဝ် ဟဲ့ တး ဇမ် ဒီ အိုမ် ခိုမ် အာတိုဝ်။ ဒေါ အန် တီ အုဝ် ဟဲ့ ဝီ တဝ်း၊ ‘မဲ ဇဝ်၊ မဲ မုး ဇဝ်ဖြာ ပီ ကြိုပ် ဒါ ကာညာ အုဝ် အီ စိူဝ် အာဘြာဟမ်။ တဲး မဲ တဲး န့ အွင် ပီ လုဝ် ဘူင် အုဝ် ဒေါ ဟာဝ် အုဝ် ဒူပ် န့တေန့် တီ။ 43တဲး မဲ ဇဝ် ယွတ် အုဝ်။ အုဝ် ဟဲ့ ကွယ် ဒီ ခူပ် အိုမ် ခိုမ် ဒေါ တီ နီ။ ဆေ ဂွန် အီဘိုန့် လေး ခဲင် မိူင်၊ တဝ်း ဒီ တဝ့် အိုမ်၊ ဆေ အုဝ် ဘော တဝ်း ဒီ အန်၊ ‘တဲး မဲ ဒွါ အုဝ် ဒျီင် အိုမ် အီ စဲက် ခဲင် ကာပဝ် မဲ၊’ 44ဆေ အန် ဘော တဝ်း ဒီ အုဝ်၊ ‘တဲး မဲ ဒျီင်၊ အုဝ် ဒီ ဘော တဝ့် အိုမ်၊ တဲး ဘော မင်ပြွင့် ကာဟာတ့် မဲ ဒျီင်၊’ အာဆေ တဝ်း ပါယ် တီ၊ န့ ဒီ မုး အီဘိုန့် ပီ ရဝ်း မဲ ဇဝ် ဒွါ ဒီ ဂွန် အီမာယ် ဒါ ကာညာ အုဝ်။
45အုဝ် ဟဲ့ ဟွတ့် ကာလာင် ပါယ် တီ ခဲင် နဝ်း အုဝ်၊ အူ ဇေန့် န့ ဘော မိုဝ်း နာင် ဘဲက် လေး တး၊ ဂွတ် ကာပဝ် ဒဲင် ယ အန်၊ ဟာဝ် လူင် ဒီ အိုမ် ခိုမ်၊ တဝ့် အိုမ်။
46ပန် တီ အုဝ် တဝ်း ဒီ အန်၊ ‘တဲး မဲ ဒွါ အုဝ် ဒျီင် အိုမ် အီ စဲက်။’ အန် ဘော ဒိုဝ်း ကာပဝ် အန် အူ ဇေန့်၊ တဝ်း၊ ‘တဲး မဲ ဒျီင်၊ အုဝ် ဒီ တဲး ဘော မင်ပြွင့် ကာဟာတ့် မဲ ဒျီင်၊’ ပန် တီ အုဝ် ဘော ဒျီင်။ အန် ဒွါ ဘော မင်ပြွင့် ကာဟာတ့် အုဝ် ဒျီင်။
47ဟဲ့ ဟွတ့်၊ အုဝ် ဒီမွှတ် အန် တဝ်း၊ ‘မဲ မုး ဂွန် အာဆေ။း’ အန် ဝီ တဝ်း၊ ‘အုဝ် မုး ဂွန် အာဘေတ်။ အာဘေတ် မုး ဂွန် အာနာဟုဝ် ဂါယ် နာင် မဲက်။’ ဒေါ အန် တီ အုဝ် ဒွါ အန် စှိုပ် ခြိဝ် အီ ဟပ် ဒီ ဂုင်မုး အန်၊ စှိုပ် ဘော ဂန်ဒဲ ဒီ ဒဲ အန်။ 48အုဝ် ဘော ဂူမ် ဒီ အာတ့် ဇဝ်ဖြာ၊ ခြိုပ်ခြဝ်၊ အိူပ် အန် ဇဝ်၊ အီ မုး ဇဝ်ဖြာ ပီ ကြိုပ် ဒါ ကာညာ အုဝ်၊ အီ စိူဝ် အာဘြာဟမ်။ အန် ဟဲ့ တိုယ် အုဝ် ဟာဝ် ဒူပ် န့တေန့် တီ၊ တဲး အုဝ် ဒဲ့ ဂွန် အီဘိုန့် ခဲင် န့ဟူမ် အီကတ် ဒါ ကာညာ အုဝ်၊ တဲး အန် ဘဲန် အီဘိုန့် ဂွန် ဒါ ကာညာ အုဝ်။ 49ဒေါ တီ နီ၊ ဆေ ဘေ ဘော ရွက့် ဒါ ကာညာ အုဝ်၊ ဆေ ဘေ ဘော ဆီ ဘူင် နာ မှာန် ဒီ အန်၊ တဲး ဘေ ကာလာင် ဒီ အုဝ်။ ဆေ ဘေ တူ ဆီ တဲး နာင် ဘဲက် ဒူပ်၊ တဲး ဘေ ကာလာင် ဘော အာတီ၊ တဲး အုဝ် နပ် မာဆေ ပီ လုဝ် ဘူင် အုဝ်၊ နာ မှဝ် အုဝ် လုဝ် ဟာဝ်။”
50ပန် တီ အာလပ် ဂါယ် အာဘေတ် ဝီ တဝ်း၊ “ဇဝ်ဖြာ ဟဲ့ ဘူင် ပါယ် တီ။ ယာယ် တူ နပ် ဒီ တဝ်း မာဆေ။ ဘော နာ မွှိုမ်၊ ဘော နာ တူ မွှိုမ်၊ ယာယ် တူ နပ် ဒီ တဝ်း မာဆေ။ 51နာင် ဘဲက် ကွယ် ဒီ အာတ့် မဲ။ တဲး မဲ ဒိုဝ်း ဟာဝ် အန်၊ တဲး အန် ဘဲန် အီဘိုန့် ဂွန် ဒါ ကာညာ မဲ။ တဲး န့ ဒူပ် ပီ စ်ု ဇဝ်ဖြာ ယေ ဘူင်။”
52ဒဲစေန့် အာဘြာဟမ် တွိုန်၊ အန် ဟဲ့ ဟွတ့် ထူမ် ဂြုဝ်း ဂါယ် တီ၊ အန် ဝီ ခြိုပ်ခြဝ် ဒီ အာတ့် ဇဝ်ဖြာ။ 53ပန် တီ ဒဲစေန့် ဝီ ဒိုဝ်း ကြုဝ် အီ မုး ရွိုန် ဘော ခြိဝ်၊ ဘော ခြိုင် တာ၊ ဝီ ဒွါ ဒီ နာင် ဘဲက်။ အန် ဒိုဝ်း ဘော ကြုဝ် အီ ငဝ်း ကာဆဝ်၊ ဒွါ ဒီ အီကတ် ဂါယ် မာ အန်။ 54ဟဲ့ ဟွတ့် ပန် တီ ဂေ ဘော ဟူမ် ဘူမ်၊ ဘော အန်၊ ဘော ဂေ ဒါ အီ ဒူပ် အန်။ ဂေ ဟဲ့ ဖဲ ဘူမ်၊ ဂေ ဘော တမ် ခဲင် ကာင် တီ။
ပါ ခဲညှာ ဆိန့်ဝး စေဝ် ဂေ ဟဲ့ ဟွတ့် ယိတ့်၊ ဒဲစေန့် အာဘြာဟမ် ဝီ တဝ်း၊ “တဲး ဘေ ခ့ဝါင် အုဝ် ဝေန့် ဟာဝ် ဒူင် ကွယ် ဒါ ကာညာ အုဝ်။”
55အီကတ် နာင် ဘဲက် ဘော မာ အန် တဝ်း၊ “တဲး မဲ တဲး ဂွန် ဒီဘျာ ကွယ် ရိုမ် ဒူပ် ယေ အာဒါ ဂိုဝ် ဆီငဲ။ ဟဲ့ ဟွတ့် အန် ဒီ ဟာဝ် ဒူပ် မဲ။”
56ဒါ အီ တွိုန် ဝီ တဝ်း၊ “ကွဲ့ တဲး ဘေ ခြဲ အုဝ် ဝေန့်။ အန် ဇဝ် ဟဲ့ ဟွတ့် တဲး န့ အွင် ပီ လုဝ် ဘူင် အုဝ်။ တဲး ဘေ ခ့ဝါင် အုဝ် ဟာဝ်၊ တဲး အုဝ် ပွိုန် ဒီ ဝေန့် ဒူင် ကွယ် ဒါ ကာညာ အုဝ်။”
57ပန် တီ ဂေ တဝ်း၊ “တဲး ယေ ဒဲ့ နာင် ဘဲက်၊ ဒီမွှတ် အန်။” 58ဂေ ဝီ ဒဲ့ အန်၊ ဒီမွှတ် အန် တဝ်း၊ “မဲ ဆီ ဒူပ် ဂေ ဒေါ တီ နီ။း”
အန် တဝ်း၊ “အိုဝ်၊ အုဝ် ဆီ ဒူပ် ဂေ ဒေါ တီ နီ။”
59ပန် တီ ဂေ လာယ် ကာလာင် ဂြုဝ်း တိုယ်၊ ဘော ခ့ဝါင် ဂေ ဟာဝ်။ ဂေ အီ ဟာဝ် တီ ဘော မုး ဘော ဝါ ဂေ နာင် ဘဲက်၊ ဘော မှာယ် အန် အီ မုး အီဘိုန့်၊ ဘော ဒဲစေန့် အာဘြာဟမ် ဘော ဂေ ဒူအီ အီ ဒူပ် အန်။
60ဂေ ဘော မွင့်ကာရာ တဲး နာင် ဘဲက် တွိုန် တဝ်း၊
“မဲ ဝါ ယေ၊ တဲး မဲ မိုဝ်း လှုက်လှာန် ကိူန်၊ တဲး ဂေ ကွယ် ဘဲန် ဆဲန် ဘဲန် လာန်၊ တဲး ဂေ လှုက်လှာန် မဲ အိုပ် ရန်ဆူ ဂေ။”
61ဂေ ဟဲ့ ဟွတ့် မွင့်ကာရာ တဲး ပါယ် တီ နာင် ဘဲက် ဘော မှာယ် အန် ဘော ယိတ့် ဟာဝ်။ ဂေ ဟုဝ့် ပဝ့် မင်ပြွင့် ကာဟာတ့် ဂေ၊ ဒူပ် ဒါ အီ တွိုန်။ ပါယ် တီ ဒဲစေန့် တွိုန် ဘော ဒိုဝ်း ဝေန့် နာင် ဘဲက်။
62ဒါ အာဆဲက် တွိုန် ယီ ဟဲ့ ဟာဝ် ဒူင် ကွယ် အိုမ် ခိုမ် အီ စိူဝ် အိုမ် ခိုမ် အန် ဇဝ် အီ အိမ်၊ အီ ပွိုန် ယိုဝ်။ အန် ကွယ် ကာတတ် အိုမ် ခိုမ် နာ တေတ့်။
63အာဒါ အူ ဆီငဲ ဘာ ဒီ အပ်၊ အန် ဟဲ့ လေး ဟာဝ် ခဲင် နာ အန်၊ တဲး အန် ဇေန့်ဇာ လွင် ဇဝ်ဖြာ။ ဒေါ အန် တီ အန် ယွတ်၊ ဘော ယိုဝ် မင်ပြွင့် ကာဟာတ့် တး ဒူင် ကွယ် အန်။ 64နာင် ဘဲက် တွိုန် ယွတ်၊ ဘော ယိုဝ် အာဆဲက် ဘော လူင် ဒီ ကာတု မင်ပြွင့် ကာဟာတ့် အန် အူ ဇေန့်၊ 65တဝ်း ဒီ ဒဲစေန့် တွိုန်၊ “ဒူအီ အီ တး ခဲင် နာ ဒွယ်၊ အန် မုး အာဆေ။း”
ဒဲစေန့် တဝ်း၊ “အန် မုး ဒါ ကာညာ အုဝ်။” ပန် တီ နာင် ဘဲက် ဒိုဝ်း ကာမဲ့ အန်၊ ကာဘိတ် နာ အန်။
66ဒါ အီ တွိုန် ဝီ စုး ဒီ ကာလာင် တူတ့် ပီ ဘူင် အန်၊ တဲး အာဆဲက် ထူမ်။ 67အာဆဲက် ဝီ ယဲတ့် နာင် ဘဲက် လိုပ် ခဲင် ထိုပ် ဘိက် နာင် ဆာရာ၊ အီ မုး မာ အန်။ အန် ဘော ခတ် ဒိုဝ်း နာင် ဘဲက်၊ တဲး နာင် ဘဲက် ဘဲန် အီဘိုန့် အန်။ အာဆဲက် မိူဝ် ရွက့် နာင် ဘဲက်။ ပါယ် တီ နဝ်း အန် ဟဲ့ ဝီ ဒါခိုယ် ဝါယ် ယမ် မာ အန်။
Currently Selected:
ဒေါ ဂုဝ် 24: pce
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
ဒေါ ဂုဝ် 24
24
လွင် အာဘြာဟမ် ဟြေတ့် အီဘိုန့် အာဒါ အာဆဲက်
1အာဘြာဟမ် တွိုန် ဟဲ့ ကတ် ကာဆဝ်။ ဇဝ်ဖြာ ဟဲ့ မွင့်ကာရာ တဲး ဒီ အန် ဒွန် မျုဝ်။ 2ပန် တီ အာဘြာဟမ် ဝီ ဒဲ့ ဒဲစေန့် အန်။ အာဆာက် ဝီ တီ ဟဲ့ ကိူန် လွှိုမ် ဒဲစေန့် အီ ဟဝ်။ အန် ဘော အိုပ် တူတ့် ခဲင် ကာင် အာဘြာဟမ်။ အာဘြာဟမ် ဝီ တဝ်း ဒီ ဒါ အီ တီ၊ “တဲး မဲ ဘ့လေး ဒဲ မဲ ဒီ ဂိုမ် အုဝ်။#24:2 ဂေ ဘူင် ပါယ် တီ တဲး ဘော လှုက်လှာန် အီ ဒီ ဘော တး ဝါယ် အန် တီ နပ် လွင် ပီ ဒီ ဘူင် အန် 3အုဝ် ဒီ မှာန့်၊ တဲး မဲ ဒွါ ကာဒိက် ဆတ်ဇာ ဒီ အုဝ်။ ဘော ဇဝ်ဖြာ အီ အိုပ် ဘော ဂါင်ဟြာဝ် ဘော ကာဒါယ်၊ တဲး အန် ထူမ် ဂြုဝ်း မဲ။ မဲ လုဝ် ဒွါ ကာဒိက် ဆတ်ဇာ ဒီ အုဝ်၊ တဲး မဲ ဟာဝ် ဟြေတ့် အီဘိုန့် အာဒါ ဂွန် အုဝ်။ တဲး မဲ ဟာဝ် ခဲင် မိူင် ဒူင် ကွယ် ဝေါဝဲ အုဝ်။ 4ကွဲ့ တဲး မဲ ဟြေတ့် အီဘိုန့် အာမျုဝ် ဒူအီ ကာနန့် အီ ကွယ် ရိုမ် ဒူပ် အေ။”
5ဒဲစေန့် တွိုန် ဝီ တဝ်း ဒီ အန်၊ “ဆေ အုဝ် ဘော ယိုဝ် အီဘိုန့် အူ ဝီ၊ အန် ယီ တူ မိုဝ်း နဝ်း ဆီ လေး မိူင် အီ မုး ဒူင် ကွယ် အန်၊ မာဆေ ပီ လုဝ် ဘူင် အုဝ်။း မဲ ဒီ တဲး အုဝ် တိုယ် ဂွန် မဲ ဟာဝ် ခဲင် မိူင် ဘြိမ် မဲ။း”
6အန် ဝီ တဝ်း၊ “အာဝ် ပွိုန် တိုယ် ဂွန် အုဝ် ဟာဝ် ခဲင် မိူင် ဘြိမ် အုဝ် ဒေါ မှဝ်။ 7ဇဝ်ဖြာ အီ အိုပ် ဂါင်ဟြာဝ်၊ အန် ဟဲ့ ဒဲ့ အုဝ်၊ တဲး အုဝ် လေး ခဲင် မိူင် ဘြိမ် အုဝ်၊ လေး ခဲင် ကာင် ဂုန့် အုဝ်၊ တဲး အုဝ် လေး တ ဝေါဝဲ အုဝ်။ အန် ဘော ဟဲ့ ဒွါ ကာဒိက် ဆတ်ဇာ ဒီ အုဝ်၊ တဝ်း၊ ‘အုဝ် ဒီ ဒွါ မိူင် တီ ဒီ လှုက်လှာန် မဲ။’ ဇဝ်ဖြာ တီ၊ အန် ဒီ တိုယ် အာမူ အာမာတ် အန်၊ တဲး အန် ယဲတ့် ဒီ အာတ့် မဲ၊ တဲး မဲ ဇမ် မိူင် ဘြိမ် အုဝ်၊ ဒဲ့ အီဘိုန့် အူ ဝီ ဒူပ် မဲ၊ တဲး အန် ဘဲန် အီဘိုန့် ဂွန် အုဝ်။ 8ဆေ အီဘိုန့် ပီ ရဝ်း မဲ ယီ တူ ဆီ ဒူပ် မဲ၊ အုဝ် တဝ်း၊ ကာဒိက် ဆတ်ဇာ ပီ ဒွါ မဲ ဒီ အုဝ်၊ န့ အာဝ် ဟူ မှာန်။ မဲ အာဝ် ဟူ လုဝ် ဘူင် မာဆေ။ မဲ ယီ တူ ပွိုန် တိုယ် ဂွန် အုဝ် ဟာဝ် ဇမ် ခဲင် မိူင် ဘြိမ် အုဝ် ဒေါ မှဝ်။” 9အန် ဟဲ့ ဟွတ့် ကာလာင် ပါယ် တီ ဒဲစေန့် တွိုန် ဘော ဘ့လေး ဒဲ အန် ဒီ ဂိုမ် ဒါ ကာညာ အန်၊ ဒွါ ကာဒိက် ဆတ်ဇာ ဒီ အန်၊ တဝ်း ဒီ ဘူင် တူတ့် ပီ မှာန့် ဒါ ကာညာ အန် ဒီ အန်။
10ပန် တီ အန် ပီ ဝီ ဒိုဝ်း မင်ပြွင့် ကာဟာတ့် အီ မုး ကြုဝ် ဒါ ကာညာ အန် ဂိုဝ် ဒုဝ်၊ ဒိုဝ်း ကြုဝ်ကြာမ် ဒါ ကာညာ အန် ဘဲန် မျုဝ် ဘဲန် မျုဝ်၊ လေး ဟာဝ် မိူင် အာရာမ်နာရာဟမ် အီ မုး မိူင် အာနာဟုဝ်။ 11အန် ဘော ဇမ် နာ ရေတ့် မိူင် တီ၊ အန် ချ၊ ဒီလှဝ် ဘော မင်ပြွင့် ကာဟာတ့် အန် ခူပ် အိုမ် ခိုမ်။ န့ မုး ဘာ ဒီ အပ်၊ အာခြာဝ် ဒေါ ဟာဝ် တဝ့် ဂေ အီဘိုန့် ဒီ အိုမ်။
12အန် ဝီ တဝ်း၊ “အိုယ် မဲ ဇဝ်ဖြာ၊ မဲ မုး ဇဝ်ဖြာ ပီ ကြိုပ် ဒါ ကာညာ အုဝ်၊ အီ စိူဝ် အာဘြာဟမ်။ အာတိုဝ် တဲး မဲ ဇဝ် ကာဝေ ဒါ ကာညာ အုဝ်၊ တဲး မဲ စွယ် ဘော အုဝ်။ 13မဲ ယိုဝ်၊ အုဝ် ကွယ် ဒီ ခူပ် အိုမ် ခိုမ် နီ။ အာဝ် လှေန့် ဂေ ဂွန် အီဘိုန့် အီ ကွယ် ခဲင် မိူင် နီ၊ ဂေ ဒီ လေး ခဲင် မိူင်၊ တး တဝ့် အိုမ်။ 14ဆေ ဂွန် အီဘိုန့် ဒီ တး၊ အုဝ် ဘော ကာလာင် ဒီ အန်၊ ‘တဲး အုဝ် ဒျီင် အိုမ် ပီ တဝ့် မဲ အီ စဲက်၊’ ဆေ အန် ဒီ ဝျီ့ တဝ်း၊ ‘တဲး မဲ ဒျီင်၊ အုဝ် ဒီ ဒွါ ဘော မင်ပြွင့် ကာဟာတ့် မဲ ဒျီင်၊’ ဆေ အန် ဘူင် ပါယ် တီ အုဝ် ဒီ ဘော နပ်၊ ဂွန် အီဘိုန့် တီ၊ မဲ ဇဝ် ဟဲ့ ရဝ်း၊ တဲး အန် ဘဲန် အီဘိုန့် အာဆဲက် အီ မုး ဒဲစေန့် မဲ။ ပါယ် တီ အုဝ် ဒီ ဘော နပ်၊ မဲ ဇဝ် ဟဲ့ ကာဝေ ဘော ဒါ ကာညာ အုဝ်။”
15အန် ဟဲ့ ဟွတ့် ကာလာင် ပါယ် တီ အာဝ် လှေန့် န့ ဘော မိုဝ်း ဂွန် အီဘိုန့် အူ ဝီ၊ အန် စိူဝ် နာင် ဘဲက်၊ အန် လေး တး ခဲင် မိူင်။ အန် မုး ဂွန် အာဘေတ် အီ မုး ဂွန် အီမာယ် နာင် မဲက်။ နာင် မဲက် မုး အီဘိုန့် အာနာဟုဝ်။ အာနာဟုဝ် မုး အီကတ် အာဘြာဟမ်။ နာင် ဘဲက် တီ ဝီ လေး တး ခဲင် မိူင်၊ ဂွတ် ကာပဝ် ဒဲင် ယ အန်။ 16ဂွန် အီဘိုန့် တီ ဟဲ့ စှိတ် ကာဆဝ်။ အန် မုး ဒီဘျာ၊ ညှမ် မိုဝ်း အီမာယ်။ အန် လူင် ဒီ အိုမ် ခိုမ်၊ တဝ့် အိုမ်၊ ဟပ် ခဲင် ကာပဝ် အန်။ ဟဲ့ ဟွတ့်၊ အန် ဝီ ဟုဝ့်။
17ဒေါ အန် တီ ဒဲစေန့် တွိုန် ဝီ ဟာဝ် ဒူင် ကွယ် အန် တဝ်း၊ “တဲး မဲ ဒွါ အုဝ် ဒျီင် အိုမ် ခဲင် ကာပဝ် မဲ အီ စဲက်။”
18ဂွန် အီဘိုန့် တွိုန် ဝီ တဝ်း၊ “တဲး မဲ ဒျီင်၊ ဒါ။” ပါယ် တီ အန် ဘော ဘ့လေး ကာပဝ် အန် အူ ဇေန့်၊ တဲး ဒါ တီ ဒျီင်။
19ဒါ ဟဲ့ ဟွတ့် ဒျီင် ဖဲ၊ ဂွန် အီဘိုန့် တွိုန် ဝီ တဝ်း၊ “အုဝ် ဒီ ဟာဝ် တဝ့် အိုမ် ပေါ န့ ပွါ၊ တဲး ဘော ဂေ မင်ပြွင့် ကာဟာတ့် မဲ ပွိုန် ဒီ ဒျီင် ဖဲ။” 20ပန် တီ အန် ဟာဝ် အူ ဇေန့်၊ ဒိုဝ်း ကာပဝ် အန်၊ တဝ့် လှုဝ် အိုမ် ခဲင် ကာလတ့်။ ဟဲ့ ဟွတ့်၊ အန် ဟာဝ် ပေါ အူ ဇေန့် တဝ့် အိုမ်၊ တဲး ဒွန် ဒုဝ် ဒျီင် ဖဲ။ 21ဒဲစေန့် တွိုန် ယီ ကွယ် ဆီတွင့်၊ ယွတ် ပီ ဘူင် အန်၊ ဇေန့်ဇာ လွင် ဇဝ်ဖြာ၊ ယုဝ် အန် ဇဝ် ဒီ တဲး အာရေ အန် အွင်၊ ယုဝ် န့ တူ အွင်။
22ဂေ မင်ပြွင့် ကာဟာတ့် ဟဲ့ ဟွတ့် ဒျီင် ဖဲ၊ အန် ဒိုဝ်း ခြိဝ် အီ ဟပ် ဒီ ဂုင်မုး အူ ဘူင့်။ စန် အန် ဟဲ့ မုး အူ ထေ။ အန် ဒိုဝ်း ဘော ဂန်ဒဲ ခြိဝ် အာ ဘူင့်။ စန် အန် ဒဝ် ဘျာ။ အန် ဒိုဝ်း အာတီ၊ ဒွါ ဒီ ဂွန် ဒီဘျာ တွိုန်။ 23အန် မိူဝ် တဝ်း၊ “တဲး မဲ ကာလာင် ဒီ အုဝ်၊ ဂွန် အာဆေ မဲ မုး။း ခဲင် ကာင် ဂုန့် မဲ၊ န့ ပွိုန် တမ်။း”
24ဂွန် ဒီဘျာ ဝီ တဝ်း၊ “အုဝ် မုး ဂွန် အာဘေတ်။ ဂုန့် အုဝ် ဟဲ့ မုး ဂွန် နာင် မဲက် ဂါယ် အာနာဟုဝ်။” 25အန် ဘော တဝ်း၊ “ယေ မိုဝ်း ဟျြီင် ကိူန်၊ တဲး ဂေ ဒုဝ် ဆတ်ဒါဝါ မဲ ဟူမ်။ ယေ မိုဝ်း ဘော ဒူင် ဒီ တမ်။”
26ဝါယ် အန် တီ ဒါ အီ တွိုန် ဝီ မုတ် ဂိန့် အန် ဒီ အာတ့် ဇဝ်ဖြာ။ 27အန် တဝ်း၊ “အုဝ် အိူပ် မျုက် မဲ ဇဝ်ဖြာ အီ မုး ဇဝ်ဖြာ ပီ ကြိုပ် အာဘြာဟမ်၊ အီ မုး ဒါ ကာညာ အုဝ်။ မဲ ဇဝ်ဖြာ ဟဲ့ ဘူင် နာ မွှိုမ် နာ မှာန် ဒီ ဒါ ကာညာ အုဝ်။ မဲ မိူဝ် ဟဲ့ တိုယ် အုဝ် ဟာဝ် ဆိူဝ် ကော ဇမ် ခဲင် ကာင် အီကတ် ဒါ ကာညာ အုဝ်။”
28ပန် တီ ဂွန် ဒီဘျာ တွိုန် ဟာဝ် ဝေန့် ခဲင် ကာင် မာ အန်၊ ကာလာင် တူတ့် ဒီ မာ အန်။ 29နာင် ဘဲက် တွိုန် ယီ မိုဝ်း အီကတ်၊ အန် စိူဝ် အာလပ်။ 30အန် ဘော ယိုဝ် ခြိဝ် အီ ဟပ် ဒီ ဂုင်မုး ဘော ဂန်ဒဲ ပီ စှိုပ် ဝါ အန်၊ ဘော ယိုဝ် ဂြုဝ်း ဝါ အန် အီ တဝ်း၊ “ဒါ အီ တွိုန် ဟဲ့ တဝ်း ပါယ် တီ ဒီ အုဝ်။” ဟဲ့ ဟွတ့်၊ အာလပ် ဘော လေး ခဲင် ကာင်၊ ဟာဝ် ဒီ အိုမ် ခိုမ် အီ မုး ဒူင် ကွယ် ဒါ အီ တွိုန်။ 31အန် တဝ်း၊ “တဲး မဲ တး လိုပ် ခဲင် ကာင် ယေ။ မဲ မုး ဒူအီ ပီ မွင့်ကာရာ ဒွါ ဇဝ်ဖြာ။ ကွဲ့ တဲး မဲ ကွယ် နာ ရေတ့်။ အုဝ် ဟဲ့ ဟွတ့် မ့ပြာယ် ဒူင် ဒီ တမ် မဲ ခဲင် ကာင်။ အုဝ် ဟဲ့ မ့ပြာယ် ဘော ဒူင် ကွယ် မင်ပြွင့် ကာဟာတ့် မဲ။”
32ပန် တီ ဒူအီ တွိုန် တး လိုပ် ခဲင် ကာင်။ အာလပ် ဘော စွယ် အန် အုန် ကြုဝ် ပီ ဒါင် ဂေ ဒဲင် မင်ပြွင့် ကာဟာတ့်၊ ဒွါ ဂေ အိတ် နာ ဒဲင် ဟျြီင်၊ ဒွါ ဘော ပီ ဒီ ဟူမ် ဒီ ဂေ ဒုဝ် ဆတ်။ အန် ဒွါ အိုမ် ဒီ ဒါ တွိုန် ဘော ဒီ ဒူအီ အီ ဒူပ် အန်၊ တဲး ဂေ ဘာယ် ပ့လဝ် ဂေ။ 33ပန် တီ အာလပ် ဒွါ ဂေ ဟူမ် ဘူမ်။ ဒါ အီ တွိုန် ယီ တဝ်း၊ “အုဝ် တူ ဆီ ဟူမ် ဒေါ တီ နီ။ အုဝ် လုဝ် ကာလာင် လွင် ပီ လုဝ် အုဝ် ဒီ အာတ့်။”
အာလပ် ဝီ တဝ်း၊ “တဲး မဲ ကာလာင်၊ မာဆေ ပီ လုဝ် မဲ။”
34ပန် တီ အန် ဝီ စုး ဒီ ခဲ။ အန် တဝ်း၊ “အုဝ် ဟဲ့ မုး ဒဲစေန့် အာဘြာဟမ်။ 35ဇဝ်ဖြာ ဟဲ့ မွင့်ကာရာ ဒွါ ဒီ ဒါ ကာညာ အုဝ် ဘဲန် မျုဝ် ဘဲန် မျုဝ်။ အန် ဇဝ် ဒွါ အန် မိုဝ်း မာဘူ ဂေ မာမက် ဘော ရွိုန် ဂေ ခြိဝ် ဘော မှာယ် အီ မုး အီမာယ် ဘော အီဘိုန့်။ အန် ဇဝ် ဟဲ့ ဒွါ ကိူန် ဘော မင်ပြွင့် ကာဟာတ့် ဘော မာလာ။ 36အာဘြာဟမ် မိူဝ် ဟဲ့ ကတ် ကာဆဝ်။ နာင် ဆာရာ အီ မုး အီဘိုန့် ဒါ ကာညာ အုဝ်၊ အန် ဟဲ့ ဒွါ ဒါ ကာညာ အုဝ် မိုဝ်း ဂွန် အီမာယ် အူ ဝီ။ ဂွန် အီမာယ် တီ ဟဲ့ ပွိုန် တူတ့် ကြုဝ်ကြာမ် ခဲ့ ပီ မိုဝ်း ဒါ ကာညာ အုဝ်။ 37ဒါ ကာညာ အုဝ် တွိုန် ဟဲ့ မှာန့် အုဝ် ဒွါ ကာဒိက် ဆတ်ဇာ ဒီ အန်။ အန် တဝ်း၊ ‘မဲ ကွဲ့ ရဝ်း အီဘိုန့် အာဒါ ဂွန် အုဝ် ခဲင် ဒူအီ အာမျုဝ် ကာနန့် အီ ကွယ် ရိုမ် ဒူပ် အုဝ်။ 38မဲ လုဝ် ဟာဝ် ဇမ် ဒီ ကာင် ဂုန့် အုဝ်၊ ဒူင် ကွယ် ဝေါဝဲ အုဝ်၊ တဲး မဲ ဒဲ့ အီဘိုန့် အာဒါ ဂွန် အုဝ်။’
39အုဝ် ဟဲ့ ဝီ တဝ်း ဒီ အန်၊ ‘အုဝ် ယုဝ် အီဘိုန့် တူ ဆီ ဒူပ် အုဝ်။’
40ပန် တီ အန် ဝီ တဝ်း၊ ‘အုဝ် ဟဲ့ ဒူပ် ဇဝ်ဖြာ ဆေဆေ။ ဇဝ်ဖြာ ဒီ တိုယ် အာမူ အာမာတ် အန်၊ တဲး အန် ယဲတ့် ဒီ အာတ့် မဲ၊ တဲး မဲ အွင်၊ တဲး မဲ ပွိုန် ဒီ ဒဲ့ အီဘိုန့် အူ ဝီ ခဲင် ဝေါဝဲ အုဝ်၊ အီ ကွယ် ဒူင် ကွယ် ဘြိမ် ဂုန့် အုဝ်၊ တဲး အန် တး ဒီ နီ။ 41မဲ ဟဲ့ ဒွါ ကာဒိက် ဆတ်ဇာ ဒီ အုဝ်၊ တဲး မဲ ဟာဝ် ဒီမွှတ်။ ဆေ မဲ ဟီ တး ဇမ် ဒီ ဝေါဝဲ အုဝ်၊ ဆေ ဂေ ဘော တူ ဆီ တိုယ် အန် ဒူပ် မဲ၊ မဲ အာဝ် ဟူ လုဝ် ဘူင် ပီ ဒွါ မဲ ကာဒိက် ဆတ်ဇာ ဒီ အုဝ်။’
42ပါယ် တီ အုဝ် ဟဲ့ တး ဇမ် ဒီ အိုမ် ခိုမ် အာတိုဝ်။ ဒေါ အန် တီ အုဝ် ဟဲ့ ဝီ တဝ်း၊ ‘မဲ ဇဝ်၊ မဲ မုး ဇဝ်ဖြာ ပီ ကြိုပ် ဒါ ကာညာ အုဝ် အီ စိူဝ် အာဘြာဟမ်။ တဲး မဲ တဲး န့ အွင် ပီ လုဝ် ဘူင် အုဝ် ဒေါ ဟာဝ် အုဝ် ဒူပ် န့တေန့် တီ။ 43တဲး မဲ ဇဝ် ယွတ် အုဝ်။ အုဝ် ဟဲ့ ကွယ် ဒီ ခူပ် အိုမ် ခိုမ် ဒေါ တီ နီ။ ဆေ ဂွန် အီဘိုန့် လေး ခဲင် မိူင်၊ တဝ်း ဒီ တဝ့် အိုမ်၊ ဆေ အုဝ် ဘော တဝ်း ဒီ အန်၊ ‘တဲး မဲ ဒွါ အုဝ် ဒျီင် အိုမ် အီ စဲက် ခဲင် ကာပဝ် မဲ၊’ 44ဆေ အန် ဘော တဝ်း ဒီ အုဝ်၊ ‘တဲး မဲ ဒျီင်၊ အုဝ် ဒီ ဘော တဝ့် အိုမ်၊ တဲး ဘော မင်ပြွင့် ကာဟာတ့် မဲ ဒျီင်၊’ အာဆေ တဝ်း ပါယ် တီ၊ န့ ဒီ မုး အီဘိုန့် ပီ ရဝ်း မဲ ဇဝ် ဒွါ ဒီ ဂွန် အီမာယ် ဒါ ကာညာ အုဝ်။
45အုဝ် ဟဲ့ ဟွတ့် ကာလာင် ပါယ် တီ ခဲင် နဝ်း အုဝ်၊ အူ ဇေန့် န့ ဘော မိုဝ်း နာင် ဘဲက် လေး တး၊ ဂွတ် ကာပဝ် ဒဲင် ယ အန်၊ ဟာဝ် လူင် ဒီ အိုမ် ခိုမ်၊ တဝ့် အိုမ်။
46ပန် တီ အုဝ် တဝ်း ဒီ အန်၊ ‘တဲး မဲ ဒွါ အုဝ် ဒျီင် အိုမ် အီ စဲက်။’ အန် ဘော ဒိုဝ်း ကာပဝ် အန် အူ ဇေန့်၊ တဝ်း၊ ‘တဲး မဲ ဒျီင်၊ အုဝ် ဒီ တဲး ဘော မင်ပြွင့် ကာဟာတ့် မဲ ဒျီင်၊’ ပန် တီ အုဝ် ဘော ဒျီင်။ အန် ဒွါ ဘော မင်ပြွင့် ကာဟာတ့် အုဝ် ဒျီင်။
47ဟဲ့ ဟွတ့်၊ အုဝ် ဒီမွှတ် အန် တဝ်း၊ ‘မဲ မုး ဂွန် အာဆေ။း’ အန် ဝီ တဝ်း၊ ‘အုဝ် မုး ဂွန် အာဘေတ်။ အာဘေတ် မုး ဂွန် အာနာဟုဝ် ဂါယ် နာင် မဲက်။’ ဒေါ အန် တီ အုဝ် ဒွါ အန် စှိုပ် ခြိဝ် အီ ဟပ် ဒီ ဂုင်မုး အန်၊ စှိုပ် ဘော ဂန်ဒဲ ဒီ ဒဲ အန်။ 48အုဝ် ဘော ဂူမ် ဒီ အာတ့် ဇဝ်ဖြာ၊ ခြိုပ်ခြဝ်၊ အိူပ် အန် ဇဝ်၊ အီ မုး ဇဝ်ဖြာ ပီ ကြိုပ် ဒါ ကာညာ အုဝ်၊ အီ စိူဝ် အာဘြာဟမ်။ အန် ဟဲ့ တိုယ် အုဝ် ဟာဝ် ဒူပ် န့တေန့် တီ၊ တဲး အုဝ် ဒဲ့ ဂွန် အီဘိုန့် ခဲင် န့ဟူမ် အီကတ် ဒါ ကာညာ အုဝ်၊ တဲး အန် ဘဲန် အီဘိုန့် ဂွန် ဒါ ကာညာ အုဝ်။ 49ဒေါ တီ နီ၊ ဆေ ဘေ ဘော ရွက့် ဒါ ကာညာ အုဝ်၊ ဆေ ဘေ ဘော ဆီ ဘူင် နာ မှာန် ဒီ အန်၊ တဲး ဘေ ကာလာင် ဒီ အုဝ်။ ဆေ ဘေ တူ ဆီ တဲး နာင် ဘဲက် ဒူပ်၊ တဲး ဘေ ကာလာင် ဘော အာတီ၊ တဲး အုဝ် နပ် မာဆေ ပီ လုဝ် ဘူင် အုဝ်၊ နာ မှဝ် အုဝ် လုဝ် ဟာဝ်။”
50ပန် တီ အာလပ် ဂါယ် အာဘေတ် ဝီ တဝ်း၊ “ဇဝ်ဖြာ ဟဲ့ ဘူင် ပါယ် တီ။ ယာယ် တူ နပ် ဒီ တဝ်း မာဆေ။ ဘော နာ မွှိုမ်၊ ဘော နာ တူ မွှိုမ်၊ ယာယ် တူ နပ် ဒီ တဝ်း မာဆေ။ 51နာင် ဘဲက် ကွယ် ဒီ အာတ့် မဲ။ တဲး မဲ ဒိုဝ်း ဟာဝ် အန်၊ တဲး အန် ဘဲန် အီဘိုန့် ဂွန် ဒါ ကာညာ မဲ။ တဲး န့ ဒူပ် ပီ စ်ု ဇဝ်ဖြာ ယေ ဘူင်။”
52ဒဲစေန့် အာဘြာဟမ် တွိုန်၊ အန် ဟဲ့ ဟွတ့် ထူမ် ဂြုဝ်း ဂါယ် တီ၊ အန် ဝီ ခြိုပ်ခြဝ် ဒီ အာတ့် ဇဝ်ဖြာ။ 53ပန် တီ ဒဲစေန့် ဝီ ဒိုဝ်း ကြုဝ် အီ မုး ရွိုန် ဘော ခြိဝ်၊ ဘော ခြိုင် တာ၊ ဝီ ဒွါ ဒီ နာင် ဘဲက်။ အန် ဒိုဝ်း ဘော ကြုဝ် အီ ငဝ်း ကာဆဝ်၊ ဒွါ ဒီ အီကတ် ဂါယ် မာ အန်။ 54ဟဲ့ ဟွတ့် ပန် တီ ဂေ ဘော ဟူမ် ဘူမ်၊ ဘော အန်၊ ဘော ဂေ ဒါ အီ ဒူပ် အန်။ ဂေ ဟဲ့ ဖဲ ဘူမ်၊ ဂေ ဘော တမ် ခဲင် ကာင် တီ။
ပါ ခဲညှာ ဆိန့်ဝး စေဝ် ဂေ ဟဲ့ ဟွတ့် ယိတ့်၊ ဒဲစေန့် အာဘြာဟမ် ဝီ တဝ်း၊ “တဲး ဘေ ခ့ဝါင် အုဝ် ဝေန့် ဟာဝ် ဒူင် ကွယ် ဒါ ကာညာ အုဝ်။”
55အီကတ် နာင် ဘဲက် ဘော မာ အန် တဝ်း၊ “တဲး မဲ တဲး ဂွန် ဒီဘျာ ကွယ် ရိုမ် ဒူပ် ယေ အာဒါ ဂိုဝ် ဆီငဲ။ ဟဲ့ ဟွတ့် အန် ဒီ ဟာဝ် ဒူပ် မဲ။”
56ဒါ အီ တွိုန် ဝီ တဝ်း၊ “ကွဲ့ တဲး ဘေ ခြဲ အုဝ် ဝေန့်။ အန် ဇဝ် ဟဲ့ ဟွတ့် တဲး န့ အွင် ပီ လုဝ် ဘူင် အုဝ်။ တဲး ဘေ ခ့ဝါင် အုဝ် ဟာဝ်၊ တဲး အုဝ် ပွိုန် ဒီ ဝေန့် ဒူင် ကွယ် ဒါ ကာညာ အုဝ်။”
57ပန် တီ ဂေ တဝ်း၊ “တဲး ယေ ဒဲ့ နာင် ဘဲက်၊ ဒီမွှတ် အန်။” 58ဂေ ဝီ ဒဲ့ အန်၊ ဒီမွှတ် အန် တဝ်း၊ “မဲ ဆီ ဒူပ် ဂေ ဒေါ တီ နီ။း”
အန် တဝ်း၊ “အိုဝ်၊ အုဝ် ဆီ ဒူပ် ဂေ ဒေါ တီ နီ။”
59ပန် တီ ဂေ လာယ် ကာလာင် ဂြုဝ်း တိုယ်၊ ဘော ခ့ဝါင် ဂေ ဟာဝ်။ ဂေ အီ ဟာဝ် တီ ဘော မုး ဘော ဝါ ဂေ နာင် ဘဲက်၊ ဘော မှာယ် အန် အီ မုး အီဘိုန့်၊ ဘော ဒဲစေန့် အာဘြာဟမ် ဘော ဂေ ဒူအီ အီ ဒူပ် အန်။
60ဂေ ဘော မွင့်ကာရာ တဲး နာင် ဘဲက် တွိုန် တဝ်း၊
“မဲ ဝါ ယေ၊ တဲး မဲ မိုဝ်း လှုက်လှာန် ကိူန်၊ တဲး ဂေ ကွယ် ဘဲန် ဆဲန် ဘဲန် လာန်၊ တဲး ဂေ လှုက်လှာန် မဲ အိုပ် ရန်ဆူ ဂေ။”
61ဂေ ဟဲ့ ဟွတ့် မွင့်ကာရာ တဲး ပါယ် တီ နာင် ဘဲက် ဘော မှာယ် အန် ဘော ယိတ့် ဟာဝ်။ ဂေ ဟုဝ့် ပဝ့် မင်ပြွင့် ကာဟာတ့် ဂေ၊ ဒူပ် ဒါ အီ တွိုန်။ ပါယ် တီ ဒဲစေန့် တွိုန် ဘော ဒိုဝ်း ဝေန့် နာင် ဘဲက်။
62ဒါ အာဆဲက် တွိုန် ယီ ဟဲ့ ဟာဝ် ဒူင် ကွယ် အိုမ် ခိုမ် အီ စိူဝ် အိုမ် ခိုမ် အန် ဇဝ် အီ အိမ်၊ အီ ပွိုန် ယိုဝ်။ အန် ကွယ် ကာတတ် အိုမ် ခိုမ် နာ တေတ့်။
63အာဒါ အူ ဆီငဲ ဘာ ဒီ အပ်၊ အန် ဟဲ့ လေး ဟာဝ် ခဲင် နာ အန်၊ တဲး အန် ဇေန့်ဇာ လွင် ဇဝ်ဖြာ။ ဒေါ အန် တီ အန် ယွတ်၊ ဘော ယိုဝ် မင်ပြွင့် ကာဟာတ့် တး ဒူင် ကွယ် အန်။ 64နာင် ဘဲက် တွိုန် ယွတ်၊ ဘော ယိုဝ် အာဆဲက် ဘော လူင် ဒီ ကာတု မင်ပြွင့် ကာဟာတ့် အန် အူ ဇေန့်၊ 65တဝ်း ဒီ ဒဲစေန့် တွိုန်၊ “ဒူအီ အီ တး ခဲင် နာ ဒွယ်၊ အန် မုး အာဆေ။း”
ဒဲစေန့် တဝ်း၊ “အန် မုး ဒါ ကာညာ အုဝ်။” ပန် တီ နာင် ဘဲက် ဒိုဝ်း ကာမဲ့ အန်၊ ကာဘိတ် နာ အန်။
66ဒါ အီ တွိုန် ဝီ စုး ဒီ ကာလာင် တူတ့် ပီ ဘူင် အန်၊ တဲး အာဆဲက် ထူမ်။ 67အာဆဲက် ဝီ ယဲတ့် နာင် ဘဲက် လိုပ် ခဲင် ထိုပ် ဘိက် နာင် ဆာရာ၊ အီ မုး မာ အန်။ အန် ဘော ခတ် ဒိုဝ်း နာင် ဘဲက်၊ တဲး နာင် ဘဲက် ဘဲန် အီဘိုန့် အန်။ အာဆဲက် မိူဝ် ရွက့် နာင် ဘဲက်။ ပါယ် တီ နဝ်း အန် ဟဲ့ ဝီ ဒါခိုယ် ဝါယ် ယမ် မာ အန်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.