Akte 13
13
Phaulus sayn eyerxt misioons rees
13.1—14.28
Barnabë un Saulus fange sayn aarwat aan
1In te khërich fon Antiokia waare tii profëte un mayster kewees: Barnabë; Simeon, “te Neecher” kenënt; Lusio, fon Sireene; Manaén, woo mit em kowerneyer Herootes kroos ketsoo kep waar; un Saulus. 2Selich mool, wii tii te Hër am atoreere waare un am faste, hot te Hayliche Kayst kesaat:
— Tuut Barnabë un Saulus fer mich ekstra xtele tas se ti aarwat mache fer was ich se keruuf hon.
3Tan hon se kefast, un hon kepeet, un hon ti hënt iwer Barnabë un Saulus kehal. Un hon se kexikt uf sayn misioon.
In Xipre
4Barnabë un Saulus, woo kexikt kep waare fom Hayliche Kayst, sin pis an ti xtat Seleusia kang un fon too sin se uf en poot kextii noo te insel Xipre. 5Wii se an ti xtat Salamina aan khom sin, hon se aankefang em Hërkot sayn wort aan saan in te sinakooke. 6Tii sin ti kans insel torich kang, un sin pis an ti xtat Pafos aan khom.
Too hon se en yut aan ketrof woo majii kemach hot un en falxe profët waar, Baryeesus kenënt. 7Tee waar froynt fon Serjius Phaulus, kowerneyer fon te insel, woo en aarich intelijënte man waar. Te kowerneyer hot Barnabë un Saulus ruufe kexikt, wayl eyer wolt em Hërkot sayn wort aan heere. 8Awer, te majii man waar keeche ti aphostle. Tee wolt net hon tas te kowerneyer te kristliche klaawe aan nëme teet. 9Tan hot Saulus, aach pekhant als Phaulus, fol fom Hayliche Kayst, xtram noo Elimas kekukt 10un saat:
— Soon fom Taywel! Faynt fon ales was kuut is! Xlechte man un liichner! Warom heyerst tuu net uf em Hër sayn echt untericht se fertreye? 11Yets heyer! Te Hër wërt tich xtroofe. Tuu kepst plint un siist net tas sune licht iwer en tsayt.
Im selwiche momënt hot Elimas en tunkel wolke sayn aue teke kexpiert un tee hot aankefang sich hiin un heyer wëne yemant am suuche fer iim se fiire an te hant. 12Wii te kowerneyer tas kesiin hot, hot eyer keklaapt un hot sich aarich ferwunert mit te unterichte iwer te Hër Yeesus.
In Antiokia fon Pisiitia
13Phaulus un sayn khameraate sin uf en poot kextii in te xtat Pafos pis Përje, en xtat fon te prowins Panfilia. Awer, Yohan Markus hot se kelos un is tsurik noo Yeruusalëm. 14Tii sin wayter kereetst, fon Përje pis ti xtat Antiokia, im tistrikt fon Pisiitia. Am samstach sin se in ti sinakook kang un hon sich kesetst. 15Noo te leesung fon te Kesets fon Mooses un fon te Profëte sayn pucher, hon ti xëfe fon te sinakook tëne saan kexikt:
— Priiter, wën teyer en wort het fer tas folek animeere, khënt teyer yets xpreche.
16Tan is Phaulus uf kextii, hot en sinaal kemach mit te hant fer ti layt ruich hale, un hot aankefang se saan:
— Mëner fon Israël un teyer al woo khee yute sayt un tuut an Hërkot klaawe, heyert mich aan! 17Te Hërkot fom folek fon Israël hot unser foerkhomer raus kesuucht wii se im Ejypt kewoont hon un hot fon tëne en kroos folek kemach. Tee hot se fon tort raus kefiert mit kroos macht 18un, im tesërt, hot eyer tas folek aus kehal iwer fërtsich yoer. 19Tee hot siwe foleke fernicht im lant Kanaan, un tas folek fon Israël is aychner fon tëm lant kep. 20Tas ales hot unkefeyer fier hunert fuftsich yoer ketauert.
— Tëm noo, hot Hërkot tëne richter kep, pis an Samuel sayn tsayt. 21Wan tas folek en kheenich ferlangt hot, hot eyer tëne Saul kep, soon fon Kis, fom xtam fon Benjamin, fer tëne sayne kheenich sin iwer fërtsich yoer. 22Tëm noo hot Hërkot Saul wech kehool un hot Dawii als kheenich in kesetst un saat tas iwer iim: “Ich hon in Dawii, soon fon Jesee, te sort mënx kefun woo ich wil un woo ales macht was ich winxe.” 23Eene fon te nookhomer fon Dawii waar Yeesus, weyer Hërkot hiin ketuun hot als Reter fon Israël, wii eyer ferxproch hat. 24Foer Yeesus sayn aankhom, hot Yohan Te Taafer sayn mansaaj aan kesaat fer tas kanse israelite folek, am saan tas se miste sich roye un ketaaft kewe. 25Awer, wii Yohan sayn misioon ans ën am pringe waar, saat eyer fer tas folek: “Weyer tënkt teyer tas ich sin? Ich sin net tee woo teyer am waarte sayt. Awer, heyert! Tee khomt noo mich, awer ich sin net ti eere weyert fer tëm sayn santaale uf pine.”
26Phaulus saat wayter:
— Mayn priiter, nookhomer fon Aapraham, un aach teyer anere hier, woo an Hërkot klaawe, heyert! Tii mensaaj fon retung waar kexikt kep fer uns al. 27Wayl ti pewooner fon Yeruusalëm un tëne sayn fiirer hon net ferxtan tas Yeesus te Reter is. Un hon aach net ti wërter fon te Profëte sayn puch ferxtan, woo yeete samstach keleest kewe. Un toch soo, wii se Yeesus konteneyert hon, waare se tii profesiis am in hale. 28Un, wën se ach khee uersach kefun hon fer iim tsum toot konteneere, hon se fer Pilatus ferlangt tas tee em umpringe xike solt. 29Un tëm noo wii se ales kemach hate was ti Hayliche Xrifte iwich Yeesus xpreche, hon se em fom krayts runer kehool un hon em in en kraap ketuun. 30Awer, Hërkot hot em peleept, 31un iwer fiil taache is eyer tsum foerxayn khom fer ti layt woo mit iim kang waare fon Kalilëya pis Yeruusalëm. Yets sin tii layt tsayer woo iwich Yeesus xpreche fer tas folek fon Israël.
32— Un meyer sin hier fer te ewankeelium fer aych se pringe. 33Hërkot hot yets fer uns kemach was eyer ferxproch hat fer unser foerkhomer: eyer hot Yeesus peleept, wii es kexrip is im Salm numer tswaay:
“Tuu pist mayne Soon;
Hayt sin ich tayne Fater kep.”
34— Un Hërkot hot iwer Yeesus sayn peleepung kexproch, am fersichere tas tee nii fernicht keept fom toot. Un tas is was eyer kesaat hot:
“Ich wërt aych kewe ti hayliche un richtiche seechnunge
woo ich fer Dawii ferxproch hat.”
35Un in en aner teel fon te Xrifte khan mer aach leese:
“Tuu lost net tas tayne troye knecht faule tuut im kraap.”
36Un Phaulus saat noch:
— In te woerheet, Dawii, in sayn tsayt, hot Hërkot sayn pleen in kehal. Tëm noo is eyer kextorep, is pekraapt kep neewe sayn foerkhomer un is kefault im kraap. 37Awer tas is net paseyert mit tëm woo Hërkot peleept hot. 38-39Mayn priiter, teyer al mist sicher wise tas es is torich Yeesus tas ti mensaaj fon te fertsayung fon te sinte aan kesaat kept fer aych. Mist aach wise tas weyer klaawe tuut kept pefrayt fon sayn kanse sinte, fon was Mooses sayn Kesets net pefraye khan. 40Soo, past uf tas net paseyert was ti profëte kesaat hon:
41“Kept acht, teyer woo iwer Hërkot xpote tuut!
Ferwunert aych un ferekt!
Wayl was ich yets mache
is etwas an was teyer net klaawe teet
wën ach yemant tas ausleye teet.”
42Wii Phaulus un Barnabë raus am keen waare fon te fersamlung, hon ti layt tringlich ferlangt tas se solte te neekste samstach noch mool khome fer iwer tas selwiche se xpreche. 43Noo te fersamlung, fiile yute un anere layt woo tsum yutentum iwertreet hate, sin mit Phaulus un Barnabë kang, woo mit tëne fertseelt hon un hon se ufkemuut tas se solte xtram playwe im Hërkots knaate.
44Am neekste samstach sin neekst al ti pewooner fon te xtat em Hër sayn wort heere kang. 45Wii ti yute tas kesiin hon, sin se aarich naytich kep. Tan hon se aankefang es keeche teel se saan was Phaulus am saan waar un hon em pelayticht. 46Awer, Phaulus un Barnabë hon mit noch mee koraaj kexproch. Tii hon kesaat:
— Es waar neetich tas em Hërkot sayn wort te eyerxt aan kesaat keept fer aych woo yute sayt. Awer, wii teyer tas wort net aan hoole wolt un mënt tas teyer net weyert sayt tas eewiche leewe kriin, tan yets keen meyer tas wort aan saan fer tii woo khee yute sin. 47Wayl tas is ti ortnung woo te Hër Kot fer uns, sayn folek, kep hot:
“Ich hon tich als licht hiin ketuun fer ti anere foleke,
tas tuu ti retung nëmst fer ti kans welt.”
48Wii tii woo khee yute sin tas keheyert hon, sin se aarich froo kep un hon aankefang se saan tas em Hër sayn wort kuut weyer. Un hon keklaapt al tii woo raus kesuucht kep waare fer tas eewiche leewe hon.
49Em Hër sayn wort hot sich ferxtraut iwer ti kans rechioon. 50Awer, ti yute hon ti fraae fon te rayche familye woo khee yute waare un kraat iwertreet hate tsu te yutentum un ti impoortante mëner fon te xtat uf kehetst keeche Phaulus un Barnabë, hon se keyacht un hon se auskextoost fon te xtat. 51Tan hon ti aphostle te xtaap ap kexitelt fon sayn santaale, in sinal keeche tëne, un sin noo te xtat Ikoonio kang. 52Un ti kriste fon Antiokia hon sich kans froo wayter kehal un fol mit em Hayliche Kayst.
Currently Selected:
Akte 13: NTHunsrik
Highlight
Share
Copy
Want to have your highlights saved across all your devices? Sign up or sign in
2022 Sociedade Bíblica do Brasil
Akte 13
13
Phaulus sayn eyerxt misioons rees
13.1—14.28
Barnabë un Saulus fange sayn aarwat aan
1In te khërich fon Antiokia waare tii profëte un mayster kewees: Barnabë; Simeon, “te Neecher” kenënt; Lusio, fon Sireene; Manaén, woo mit em kowerneyer Herootes kroos ketsoo kep waar; un Saulus. 2Selich mool, wii tii te Hër am atoreere waare un am faste, hot te Hayliche Kayst kesaat:
— Tuut Barnabë un Saulus fer mich ekstra xtele tas se ti aarwat mache fer was ich se keruuf hon.
3Tan hon se kefast, un hon kepeet, un hon ti hënt iwer Barnabë un Saulus kehal. Un hon se kexikt uf sayn misioon.
In Xipre
4Barnabë un Saulus, woo kexikt kep waare fom Hayliche Kayst, sin pis an ti xtat Seleusia kang un fon too sin se uf en poot kextii noo te insel Xipre. 5Wii se an ti xtat Salamina aan khom sin, hon se aankefang em Hërkot sayn wort aan saan in te sinakooke. 6Tii sin ti kans insel torich kang, un sin pis an ti xtat Pafos aan khom.
Too hon se en yut aan ketrof woo majii kemach hot un en falxe profët waar, Baryeesus kenënt. 7Tee waar froynt fon Serjius Phaulus, kowerneyer fon te insel, woo en aarich intelijënte man waar. Te kowerneyer hot Barnabë un Saulus ruufe kexikt, wayl eyer wolt em Hërkot sayn wort aan heere. 8Awer, te majii man waar keeche ti aphostle. Tee wolt net hon tas te kowerneyer te kristliche klaawe aan nëme teet. 9Tan hot Saulus, aach pekhant als Phaulus, fol fom Hayliche Kayst, xtram noo Elimas kekukt 10un saat:
— Soon fom Taywel! Faynt fon ales was kuut is! Xlechte man un liichner! Warom heyerst tuu net uf em Hër sayn echt untericht se fertreye? 11Yets heyer! Te Hër wërt tich xtroofe. Tuu kepst plint un siist net tas sune licht iwer en tsayt.
Im selwiche momënt hot Elimas en tunkel wolke sayn aue teke kexpiert un tee hot aankefang sich hiin un heyer wëne yemant am suuche fer iim se fiire an te hant. 12Wii te kowerneyer tas kesiin hot, hot eyer keklaapt un hot sich aarich ferwunert mit te unterichte iwer te Hër Yeesus.
In Antiokia fon Pisiitia
13Phaulus un sayn khameraate sin uf en poot kextii in te xtat Pafos pis Përje, en xtat fon te prowins Panfilia. Awer, Yohan Markus hot se kelos un is tsurik noo Yeruusalëm. 14Tii sin wayter kereetst, fon Përje pis ti xtat Antiokia, im tistrikt fon Pisiitia. Am samstach sin se in ti sinakook kang un hon sich kesetst. 15Noo te leesung fon te Kesets fon Mooses un fon te Profëte sayn pucher, hon ti xëfe fon te sinakook tëne saan kexikt:
— Priiter, wën teyer en wort het fer tas folek animeere, khënt teyer yets xpreche.
16Tan is Phaulus uf kextii, hot en sinaal kemach mit te hant fer ti layt ruich hale, un hot aankefang se saan:
— Mëner fon Israël un teyer al woo khee yute sayt un tuut an Hërkot klaawe, heyert mich aan! 17Te Hërkot fom folek fon Israël hot unser foerkhomer raus kesuucht wii se im Ejypt kewoont hon un hot fon tëne en kroos folek kemach. Tee hot se fon tort raus kefiert mit kroos macht 18un, im tesërt, hot eyer tas folek aus kehal iwer fërtsich yoer. 19Tee hot siwe foleke fernicht im lant Kanaan, un tas folek fon Israël is aychner fon tëm lant kep. 20Tas ales hot unkefeyer fier hunert fuftsich yoer ketauert.
— Tëm noo, hot Hërkot tëne richter kep, pis an Samuel sayn tsayt. 21Wan tas folek en kheenich ferlangt hot, hot eyer tëne Saul kep, soon fon Kis, fom xtam fon Benjamin, fer tëne sayne kheenich sin iwer fërtsich yoer. 22Tëm noo hot Hërkot Saul wech kehool un hot Dawii als kheenich in kesetst un saat tas iwer iim: “Ich hon in Dawii, soon fon Jesee, te sort mënx kefun woo ich wil un woo ales macht was ich winxe.” 23Eene fon te nookhomer fon Dawii waar Yeesus, weyer Hërkot hiin ketuun hot als Reter fon Israël, wii eyer ferxproch hat. 24Foer Yeesus sayn aankhom, hot Yohan Te Taafer sayn mansaaj aan kesaat fer tas kanse israelite folek, am saan tas se miste sich roye un ketaaft kewe. 25Awer, wii Yohan sayn misioon ans ën am pringe waar, saat eyer fer tas folek: “Weyer tënkt teyer tas ich sin? Ich sin net tee woo teyer am waarte sayt. Awer, heyert! Tee khomt noo mich, awer ich sin net ti eere weyert fer tëm sayn santaale uf pine.”
26Phaulus saat wayter:
— Mayn priiter, nookhomer fon Aapraham, un aach teyer anere hier, woo an Hërkot klaawe, heyert! Tii mensaaj fon retung waar kexikt kep fer uns al. 27Wayl ti pewooner fon Yeruusalëm un tëne sayn fiirer hon net ferxtan tas Yeesus te Reter is. Un hon aach net ti wërter fon te Profëte sayn puch ferxtan, woo yeete samstach keleest kewe. Un toch soo, wii se Yeesus konteneyert hon, waare se tii profesiis am in hale. 28Un, wën se ach khee uersach kefun hon fer iim tsum toot konteneere, hon se fer Pilatus ferlangt tas tee em umpringe xike solt. 29Un tëm noo wii se ales kemach hate was ti Hayliche Xrifte iwich Yeesus xpreche, hon se em fom krayts runer kehool un hon em in en kraap ketuun. 30Awer, Hërkot hot em peleept, 31un iwer fiil taache is eyer tsum foerxayn khom fer ti layt woo mit iim kang waare fon Kalilëya pis Yeruusalëm. Yets sin tii layt tsayer woo iwich Yeesus xpreche fer tas folek fon Israël.
32— Un meyer sin hier fer te ewankeelium fer aych se pringe. 33Hërkot hot yets fer uns kemach was eyer ferxproch hat fer unser foerkhomer: eyer hot Yeesus peleept, wii es kexrip is im Salm numer tswaay:
“Tuu pist mayne Soon;
Hayt sin ich tayne Fater kep.”
34— Un Hërkot hot iwer Yeesus sayn peleepung kexproch, am fersichere tas tee nii fernicht keept fom toot. Un tas is was eyer kesaat hot:
“Ich wërt aych kewe ti hayliche un richtiche seechnunge
woo ich fer Dawii ferxproch hat.”
35Un in en aner teel fon te Xrifte khan mer aach leese:
“Tuu lost net tas tayne troye knecht faule tuut im kraap.”
36Un Phaulus saat noch:
— In te woerheet, Dawii, in sayn tsayt, hot Hërkot sayn pleen in kehal. Tëm noo is eyer kextorep, is pekraapt kep neewe sayn foerkhomer un is kefault im kraap. 37Awer tas is net paseyert mit tëm woo Hërkot peleept hot. 38-39Mayn priiter, teyer al mist sicher wise tas es is torich Yeesus tas ti mensaaj fon te fertsayung fon te sinte aan kesaat kept fer aych. Mist aach wise tas weyer klaawe tuut kept pefrayt fon sayn kanse sinte, fon was Mooses sayn Kesets net pefraye khan. 40Soo, past uf tas net paseyert was ti profëte kesaat hon:
41“Kept acht, teyer woo iwer Hërkot xpote tuut!
Ferwunert aych un ferekt!
Wayl was ich yets mache
is etwas an was teyer net klaawe teet
wën ach yemant tas ausleye teet.”
42Wii Phaulus un Barnabë raus am keen waare fon te fersamlung, hon ti layt tringlich ferlangt tas se solte te neekste samstach noch mool khome fer iwer tas selwiche se xpreche. 43Noo te fersamlung, fiile yute un anere layt woo tsum yutentum iwertreet hate, sin mit Phaulus un Barnabë kang, woo mit tëne fertseelt hon un hon se ufkemuut tas se solte xtram playwe im Hërkots knaate.
44Am neekste samstach sin neekst al ti pewooner fon te xtat em Hër sayn wort heere kang. 45Wii ti yute tas kesiin hon, sin se aarich naytich kep. Tan hon se aankefang es keeche teel se saan was Phaulus am saan waar un hon em pelayticht. 46Awer, Phaulus un Barnabë hon mit noch mee koraaj kexproch. Tii hon kesaat:
— Es waar neetich tas em Hërkot sayn wort te eyerxt aan kesaat keept fer aych woo yute sayt. Awer, wii teyer tas wort net aan hoole wolt un mënt tas teyer net weyert sayt tas eewiche leewe kriin, tan yets keen meyer tas wort aan saan fer tii woo khee yute sin. 47Wayl tas is ti ortnung woo te Hër Kot fer uns, sayn folek, kep hot:
“Ich hon tich als licht hiin ketuun fer ti anere foleke,
tas tuu ti retung nëmst fer ti kans welt.”
48Wii tii woo khee yute sin tas keheyert hon, sin se aarich froo kep un hon aankefang se saan tas em Hër sayn wort kuut weyer. Un hon keklaapt al tii woo raus kesuucht kep waare fer tas eewiche leewe hon.
49Em Hër sayn wort hot sich ferxtraut iwer ti kans rechioon. 50Awer, ti yute hon ti fraae fon te rayche familye woo khee yute waare un kraat iwertreet hate tsu te yutentum un ti impoortante mëner fon te xtat uf kehetst keeche Phaulus un Barnabë, hon se keyacht un hon se auskextoost fon te xtat. 51Tan hon ti aphostle te xtaap ap kexitelt fon sayn santaale, in sinal keeche tëne, un sin noo te xtat Ikoonio kang. 52Un ti kriste fon Antiokia hon sich kans froo wayter kehal un fol mit em Hayliche Kayst.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2022 Sociedade Bíblica do Brasil