Yohan 11
11
Te toot fon Lasarus
1En man woo Lasarus heest waar krank. Tee waar fon Petanye, woo Maria un sayn xwester Marta kewoont hon.#Lk 10.38-39 2(Tii Maria waar ti selwich woo parfum am Hër Yeesus ketuun hot un hot se ap ketrokent mit sayn hoer. Es waar tëm sayne pruuter, Lasarus, woo krank waar.)#Yo 12.3 3Tii tswaay xwestre hon kexikt saan fer Yeesus:
— Hër, tayne liiwe froynt Lasarus is krank!
4Wii Yeesus tas keheyert hot, saat eyer:
— Tii kranheet nëmt em net pis an te toot. Tas is am paseere tas Hërkot sayn kloor tsaycht; un soo, weeche tee krankheet, wërt em Soon fom Hërkot sayn hërlichkheet aach ketsaycht.
5Yeesus hot Marta hat un sayn xwester, un aach Lasarus liip kehat. 6Awer wii eyer se wise kriit hot tas Lasarus krank waar, is er noch tswaay taache keplip woo eyer waar. 7Too saat eyer fer sayn tisiple:
— Meyer keen tsurik noo Yutëya.
8Awer ti tisiple hon kesaat:
— Mayster, foer khortsem wolte ti layt fon tort tich umpringe mit xteen, un tuu wilst noch mool tort hiin?
9Yeesus hot keantwort:
— Hot te taach net tswelef xtune? Wën yemant im taach keet, xtërtst net wayl eyer es licht fon tee welt siit. 10Awer, wën eyer nachts keet, xtolpert eyer wayl in tëm khee licht is.
11Tëm noo, saat Yeesus:
— Unser froynt Lasarus is am xloofe, awer ich keen hiin un mache em wach.
12— Ti tisiple hon kesaat:
— Hër, wën tee am xloofe is, tan wërt eyer ach xon peser sin!
13Awer Yeesus waar am saan tas Lasarus toot waar. Awer tii hon kemënt tee teet fom natierliche xloof xpreche. 14Too saat Yeesus, ufrichtich:
— Lasarus is toot, 15awer ich sin froo wayl ich net pay em waar, wayl soo tuut teyer klaawe. Meyer keen yets pis an sayn haus.
16Thoomas, woo aach “Tswiling” kenënt waar, saat fer ti tisiple:
— Khomt, tan khëne meyer aach mit em Mayster xtërwe.
Yeesus is tas leewe un ti peleepung
17Wii Yeesus aan khom is, waare es xon fier taache woo Laasarus peërticht kep waar. 18Petanye waar weenicher wii tray khilomeeter wayt fon Yeruusalëm 19un fiile layt waare Marta un Maria pesuuche un konsoleere khom, wayl tëne iire pruuter kextorep waar. 20Wii Marta se wise kriit hot tas Yeesus am aan khome waar, is se mit tëm sich pekeechne kang. Awer Maria is tehëm sitse keplip. 21Tan saat Marta fer Yeesus:
— Wëns tuu hii kewees weyerst, weyer unsere pruuter net kextorep! 22Awer ich wees tas, toch soo, Hërkot tich ales kewe wil was tuu tëm ferlange tuust.
23Yeesus saat:
— Tayne pruuter tuut witer peleepe!
24Marta antwort:
— Ich wees tas eyer peleepe tuut am letste taach!
25Tan hot Yeesus fersichert:
— Ich sin ti peleepung un tas leewe. Weyer an mich klaapt, wën eyer ach xtërept, tuut eyer toch leewe. 26Un weyer leept un an mich klaapt tuut nii xtërwe. Klaapst tuu an tas?
27Marta saat:
— Yoo, Hër! Ich klaawe tas tuu te Kristus pist, em Hërkot sayne Soon, woo uf ti welt khome solt.
Yeesus prilt
28Wii Marta tas kesaat hat, is es tsurik kang pay Maria, sayn xwester, un saat tëm in priwaat:
— Te Mayster is khom un is tich am ruufe.
29Wii Maria tas keheyert hot, is es xnel uf kextii un is Yeesus trefe kang. 30Wayl tee waar noch net in ti wile khom, awer waar noch uf tëm plats woo Marta em aan ketrof hat. 31Ti layt woo pay Maria im haus waare, tii am konsoleere, hon kesiin tas tii uf kextii is un is xnel fort kang. Too sin se tëm noo kang, wayl ti hon kemënt tii teet ans kraap keen fer se prile.
32Maria is uf tas plats khom woo Yeesus waar, un klaych wii sii em kesiin hot, hot se sich foer tëm sayn fiis niter fale kelols un saat:
— Wëns tuu too keweest weyerst, weyer mayne pruuter net kextorep!
33Yeesus hot Maria kesiin am prile un hot ti layt kesiin woo pay tëm waare, aach am prile. Tas hot em mechtich aan kekrif un unruych kelos. 34Too hot Yeesus kefroot:
— Woo hot teyer em pekrapt?
Tii hon keantwort:
— Khom kuk, hër!
35Yeesus hot keprilt.
36Too hon ti layt kesaat:
— Kukt mool wii tee te Laasarus kërn hat! 37Awer phaar layt hon kesaat:
— Tee hot te plinte keheelt. Hët te niks khëne mache tas Laasarus net kextorep weyer?
Lasarus peleept witer
38Tas hot Yeesus noch mool aarich aan kekrif. Eyer is pis ans kraap kang, woo en aus kekraapt hool waar mit en kroose xteen foer traan. 39Too hot Yeesus keortnet:
— Nëmt te xteen wech!
Marta, em toote sayn xwester, saat:
— Hër, te riicht xon xlecht, wayl es sin xon fier taache woo eyer pekraapt kep is!
40Yeesus hot keantwort:
— Hon ich tich net kesaat, wëns tuu klaawe teest, teest tuu Hërkot sayn kloor siin?
41Tan hon se te xteen wech kehool. Yeesus hot noo em himel kekukt un saat:
— Fater, ich tanke tich wayls tuu mich keheyert host. 42Ich wees tas tuu mich imer heyerst; awer ich sin tas am saan weche tëne fiile layt woo too sin, tas tii klaawe tas tuu mich kexikt hast.
43Wii eyer tas kesaat hat, hot eyer kexraayt:
— Laasarus, khom raus!
44Un te toote is raus khom. Sayn fiis un sayn hënt waare inkewikelt in lumpe xtriife, un sayn kesicht waar inkewikelt mit en lumpe. Too saat Yeesus:
— Tuut ti lumpe al ap wikle un lost em keen.
Plaan fer Yeesus umpringe
Mateus 26.1-5; Markus 14.1-2; Lukas 22.1-2
45Fiil layt woo Maria pesuuche kang waare, hon kesiin was Yeesus kemach hot un hon an em keklaapt. 46Awer phaar layt sin tsurik kang un hon fer ti fariseyer fertseelt was tee kemach hat. 47Tan hon ti fariseyer un ti xëfe fon te priister sich fersamelt mit em Hooche Konseel un hon kesaat:
— Was sole meyer mache? Tee man is fiil wunere am mache! 48Wën meyer em soo wayter mache lose, tuun se al an tëm klaawe. Tan tuun ti reemixe autoriteete keeche uns foer keen un tuun te Thëmpel fernichte, kraat soo wii unser natsioon.
49Tan saat Kayfaas, woo an tëm yoer de Hooche Priister waar:
— Teyer weest kaar niks! 50Meecht teyer net ferxteen tas fer aych peser is tas ploos eene man fer tas kanse folek xtërept anxtat ti kans natsioon fernichte lose?
51In tëm momënt waar Kayfaas net aus sich selepst am xpreche. Awer, wii eyer te Hooche Priister an tëm yoer waar, waar eyer am profetiseere tas Yeesus xtërwe teet fer ti natsioon. 52Un net ploos fer ti yute natsioon, awer aach fer em Hërkot sayn khiner, woo uf te kans welt ferxtraut sin, in eene eensichste khërwer fersamle.
53Too, fon tëm taach aan wayter, hon ti yute fiirer pleen kemach fer Yeesus umpringe. 54Tesweche is eyer xon net mee unich ti layt kang in te Yutëya, awer is pis an en rechioon kang ticht am tesërt, an en xtat woo Efraim heest, un is tort keplip mit sayn tisiple.
55Hot weenich tsayt fer tas Oostre Fest kefeelt. Fiil yute sin pis Yeruusalëm kang foer em fest fer mit hale in te raynichung serimonii. 56Ti waare Yeesus am suuche un wii se im thëmpel waare, hon se eene fer te anere kefroot:
— Was mënt teyer? Meecht tee uf tas fest khome?
57Ti xëfe fon te priister un ti fariseyer wolte Yeesus in huke. Tesweche hon fer ti layt keortnert solte saan woo Yeesus weyer, wën yemant tas wist.
Currently Selected:
Yohan 11: NTHunsrik
Highlight
Share
Copy
Want to have your highlights saved across all your devices? Sign up or sign in
2022 Sociedade Bíblica do Brasil
Yohan 11
11
Te toot fon Lasarus
1En man woo Lasarus heest waar krank. Tee waar fon Petanye, woo Maria un sayn xwester Marta kewoont hon.#Lk 10.38-39 2(Tii Maria waar ti selwich woo parfum am Hër Yeesus ketuun hot un hot se ap ketrokent mit sayn hoer. Es waar tëm sayne pruuter, Lasarus, woo krank waar.)#Yo 12.3 3Tii tswaay xwestre hon kexikt saan fer Yeesus:
— Hër, tayne liiwe froynt Lasarus is krank!
4Wii Yeesus tas keheyert hot, saat eyer:
— Tii kranheet nëmt em net pis an te toot. Tas is am paseere tas Hërkot sayn kloor tsaycht; un soo, weeche tee krankheet, wërt em Soon fom Hërkot sayn hërlichkheet aach ketsaycht.
5Yeesus hot Marta hat un sayn xwester, un aach Lasarus liip kehat. 6Awer wii eyer se wise kriit hot tas Lasarus krank waar, is er noch tswaay taache keplip woo eyer waar. 7Too saat eyer fer sayn tisiple:
— Meyer keen tsurik noo Yutëya.
8Awer ti tisiple hon kesaat:
— Mayster, foer khortsem wolte ti layt fon tort tich umpringe mit xteen, un tuu wilst noch mool tort hiin?
9Yeesus hot keantwort:
— Hot te taach net tswelef xtune? Wën yemant im taach keet, xtërtst net wayl eyer es licht fon tee welt siit. 10Awer, wën eyer nachts keet, xtolpert eyer wayl in tëm khee licht is.
11Tëm noo, saat Yeesus:
— Unser froynt Lasarus is am xloofe, awer ich keen hiin un mache em wach.
12— Ti tisiple hon kesaat:
— Hër, wën tee am xloofe is, tan wërt eyer ach xon peser sin!
13Awer Yeesus waar am saan tas Lasarus toot waar. Awer tii hon kemënt tee teet fom natierliche xloof xpreche. 14Too saat Yeesus, ufrichtich:
— Lasarus is toot, 15awer ich sin froo wayl ich net pay em waar, wayl soo tuut teyer klaawe. Meyer keen yets pis an sayn haus.
16Thoomas, woo aach “Tswiling” kenënt waar, saat fer ti tisiple:
— Khomt, tan khëne meyer aach mit em Mayster xtërwe.
Yeesus is tas leewe un ti peleepung
17Wii Yeesus aan khom is, waare es xon fier taache woo Laasarus peërticht kep waar. 18Petanye waar weenicher wii tray khilomeeter wayt fon Yeruusalëm 19un fiile layt waare Marta un Maria pesuuche un konsoleere khom, wayl tëne iire pruuter kextorep waar. 20Wii Marta se wise kriit hot tas Yeesus am aan khome waar, is se mit tëm sich pekeechne kang. Awer Maria is tehëm sitse keplip. 21Tan saat Marta fer Yeesus:
— Wëns tuu hii kewees weyerst, weyer unsere pruuter net kextorep! 22Awer ich wees tas, toch soo, Hërkot tich ales kewe wil was tuu tëm ferlange tuust.
23Yeesus saat:
— Tayne pruuter tuut witer peleepe!
24Marta antwort:
— Ich wees tas eyer peleepe tuut am letste taach!
25Tan hot Yeesus fersichert:
— Ich sin ti peleepung un tas leewe. Weyer an mich klaapt, wën eyer ach xtërept, tuut eyer toch leewe. 26Un weyer leept un an mich klaapt tuut nii xtërwe. Klaapst tuu an tas?
27Marta saat:
— Yoo, Hër! Ich klaawe tas tuu te Kristus pist, em Hërkot sayne Soon, woo uf ti welt khome solt.
Yeesus prilt
28Wii Marta tas kesaat hat, is es tsurik kang pay Maria, sayn xwester, un saat tëm in priwaat:
— Te Mayster is khom un is tich am ruufe.
29Wii Maria tas keheyert hot, is es xnel uf kextii un is Yeesus trefe kang. 30Wayl tee waar noch net in ti wile khom, awer waar noch uf tëm plats woo Marta em aan ketrof hat. 31Ti layt woo pay Maria im haus waare, tii am konsoleere, hon kesiin tas tii uf kextii is un is xnel fort kang. Too sin se tëm noo kang, wayl ti hon kemënt tii teet ans kraap keen fer se prile.
32Maria is uf tas plats khom woo Yeesus waar, un klaych wii sii em kesiin hot, hot se sich foer tëm sayn fiis niter fale kelols un saat:
— Wëns tuu too keweest weyerst, weyer mayne pruuter net kextorep!
33Yeesus hot Maria kesiin am prile un hot ti layt kesiin woo pay tëm waare, aach am prile. Tas hot em mechtich aan kekrif un unruych kelos. 34Too hot Yeesus kefroot:
— Woo hot teyer em pekrapt?
Tii hon keantwort:
— Khom kuk, hër!
35Yeesus hot keprilt.
36Too hon ti layt kesaat:
— Kukt mool wii tee te Laasarus kërn hat! 37Awer phaar layt hon kesaat:
— Tee hot te plinte keheelt. Hët te niks khëne mache tas Laasarus net kextorep weyer?
Lasarus peleept witer
38Tas hot Yeesus noch mool aarich aan kekrif. Eyer is pis ans kraap kang, woo en aus kekraapt hool waar mit en kroose xteen foer traan. 39Too hot Yeesus keortnet:
— Nëmt te xteen wech!
Marta, em toote sayn xwester, saat:
— Hër, te riicht xon xlecht, wayl es sin xon fier taache woo eyer pekraapt kep is!
40Yeesus hot keantwort:
— Hon ich tich net kesaat, wëns tuu klaawe teest, teest tuu Hërkot sayn kloor siin?
41Tan hon se te xteen wech kehool. Yeesus hot noo em himel kekukt un saat:
— Fater, ich tanke tich wayls tuu mich keheyert host. 42Ich wees tas tuu mich imer heyerst; awer ich sin tas am saan weche tëne fiile layt woo too sin, tas tii klaawe tas tuu mich kexikt hast.
43Wii eyer tas kesaat hat, hot eyer kexraayt:
— Laasarus, khom raus!
44Un te toote is raus khom. Sayn fiis un sayn hënt waare inkewikelt in lumpe xtriife, un sayn kesicht waar inkewikelt mit en lumpe. Too saat Yeesus:
— Tuut ti lumpe al ap wikle un lost em keen.
Plaan fer Yeesus umpringe
Mateus 26.1-5; Markus 14.1-2; Lukas 22.1-2
45Fiil layt woo Maria pesuuche kang waare, hon kesiin was Yeesus kemach hot un hon an em keklaapt. 46Awer phaar layt sin tsurik kang un hon fer ti fariseyer fertseelt was tee kemach hat. 47Tan hon ti fariseyer un ti xëfe fon te priister sich fersamelt mit em Hooche Konseel un hon kesaat:
— Was sole meyer mache? Tee man is fiil wunere am mache! 48Wën meyer em soo wayter mache lose, tuun se al an tëm klaawe. Tan tuun ti reemixe autoriteete keeche uns foer keen un tuun te Thëmpel fernichte, kraat soo wii unser natsioon.
49Tan saat Kayfaas, woo an tëm yoer de Hooche Priister waar:
— Teyer weest kaar niks! 50Meecht teyer net ferxteen tas fer aych peser is tas ploos eene man fer tas kanse folek xtërept anxtat ti kans natsioon fernichte lose?
51In tëm momënt waar Kayfaas net aus sich selepst am xpreche. Awer, wii eyer te Hooche Priister an tëm yoer waar, waar eyer am profetiseere tas Yeesus xtërwe teet fer ti natsioon. 52Un net ploos fer ti yute natsioon, awer aach fer em Hërkot sayn khiner, woo uf te kans welt ferxtraut sin, in eene eensichste khërwer fersamle.
53Too, fon tëm taach aan wayter, hon ti yute fiirer pleen kemach fer Yeesus umpringe. 54Tesweche is eyer xon net mee unich ti layt kang in te Yutëya, awer is pis an en rechioon kang ticht am tesërt, an en xtat woo Efraim heest, un is tort keplip mit sayn tisiple.
55Hot weenich tsayt fer tas Oostre Fest kefeelt. Fiil yute sin pis Yeruusalëm kang foer em fest fer mit hale in te raynichung serimonii. 56Ti waare Yeesus am suuche un wii se im thëmpel waare, hon se eene fer te anere kefroot:
— Was mënt teyer? Meecht tee uf tas fest khome?
57Ti xëfe fon te priister un ti fariseyer wolte Yeesus in huke. Tesweche hon fer ti layt keortnert solte saan woo Yeesus weyer, wën yemant tas wist.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2022 Sociedade Bíblica do Brasil