Lukas 21:25-27

Un Yeesus saat wayter: — Es kept sinaale an te sun, am moont un an te xtërne. Un, uf te eyert, ale natsioone kewe hofnungs loos, fol mit pang fom xrekliche ratau fom meer un fon te wele. Uf te kans welt tuun fiile layt samer fale fon xreke wën se tënke an was paseere khan, wayl ti macht fom himel kept aan kexitelt. Tan khomt te Soon fom Man runer, uf en wolek, mit macht un kroos kloor.