Matiyos 19
19
Lɔga Kennɛnɛa :Tɛri Ko :Hiri
1Na Yesus hunaa yogoa ngalɔkta na tewa ushaye, dhɔyu baa Gelila na ogu baa iho kidhoa Yordanosi tandɔ kèe Yuhudha. 2Na zuga bo mɛra kɔbhɔ nɔng. Na nɔng ibbaysiu gee ilagassɛye ngonu.
3Na zuga kɔbhbhɛa damiya Bhɛrɛsi gena hoya bhɛa nɛnɛ na killobotɔ. Na ghini na seyɛsɛ, “Ngangaye hiri bhɛa dhɔyɛa tɛriya nɛnɛ na kennɛnɛa damite lɔkte hinnono :nɛaye, bere Damiya Tumu ajjiy :Muse kìgombo, oo ngani?”
4Na nɔng Yesus yagɛsɛ na sɛɛsɛ, “Ngangaye igge lɔga Tumu bere ngani toyito? Nɔng bɛrgua bere kèghendonɛa aha kumulɔng, Komoru Tumu annaa bere ghendono zugo na kona ojjo ke may, kona ojjo ke ngahi, 5na koo senno, ‘Nganda a bhee bere keghendonɛ yɔk na hira maya dhɔyɛ jɔnɛ ko chɔgɔnɛ na arrabhbhannɛnɛ ko tɛriya nɛnɛ, na rammane anɛ rɛa dhɔnɛnaye. 6Na yɔk kalda ngangaye te rɛa dhɔnɛna, na ramman ngani ngayo. Na mɛa zuga bere arrabhbhanna :Tumu, hiriyɔ ngakedhdhi.”
7Na yɔk zugaa kɔbhbhɛa damiya Bhɛrɛsi ghini na seyɛsɛ, “Na kèe Muse nɔng annaa bere igomoa na sewa, ‘Hiri hunde se kegendɛ ko tɛriye, maya kɔdhdhɛsɛn lɔga kennɛnɛa dadabɔ na ajjɛ na chuktɔ,’ Na nɔng bere nganga se kɛ ɔng?”
8Na nɔng Yesus yagɛsɛ na sɛɛsɛ, “Nɔng Muse bhee bere igommogɛung bhɛa kennɛnɛo ko tɛrroa guye, a ngaya sabbi annɛung dhandaliye. Yɔk ngalɔkta ku ngangaye bere sabbɔ bɛrgua bere kèghendonɛa aha kumulɔng, nganga ngaannao. 9Na nɔng mɛa anye kesennagung, hirre kennɛ ko tɛriya nɛnɛ nganga hung hunde ko hir kona kari ngani kɛtɛldito na gam konaye, me lollumo.”
10Na zuga kɔbhbhɛa nɔng seyɛsɛ, “Hunde lɔga hiri ko tɛriyny a ngangaye, dhaa hunde ngakàgamnɛ a challi ni.”
11Na sɛɛsɛ :Yesusi, “Lɔkte ku ngangaye zugo kumulɔng ngahinnɛo. Hinnɛ gee bere kàjjɛ bhɛa kènno ngagamnɛye sɔng. 12Anye bhee kesenɛ ngangaye, a ngaya zuga ngagamnɛnao gena anɛ ga dha bere kùhudhukkono ke zuga ngagamnɛnao chi.#19.12 ga dha bere kùhudhukkono ke zuga ngagamnɛnao chi. Ngalɔkta a bhɛa kènɛa zuga kùhudhukkono gena rɛhiya gɛ maya oo ngaha ɛddɛninya na honynyɛ kɛngichinne na chɔɔ bhɛa senno kɛbhɛldɛy ko zugo ngahinnɛo. Na gena anɛ ga messɛa :zug genne tɔllɔng na ngagamnɛ, na gena anɛ ga ngidhdhɛa lɔgɔ :eygo ke bhɛa senno katagaytɛ Komoruya tumony#19.12 Komoruya tumony Ngalɔkta sennɛ “Komoruya Tumonyde” ɛlɛhɛn sara Tumu. Yɔk zuga Ayhudhi a zukte ɛngɛrsɛ Tumu goore na sara Tumu dib ngaeliyɛo. Na Matiyos huna bere kɔdhdhɛsɛna yɔk ngalɔkta, hunde kɔn lɔkte sennɛ lɔga lɔmɛa :Komoruya Tumony zugoye, ngangaye a bhɛa senɛa lɔga lɔmɛa :Tumu zugo. sɔngge. Na mɛa ko nɔng hirre hin bhɛa senno kabhagɛ ba gamma ninggɛnde, sɛɛ kabhak.”
Lɔga Tuhɛa :Yesusi Erroa Ngani Chicho
13Na koo zugo hoyɛy erroa ngani chicho na ayɛsɛ Yesus na katadhɛ siyɔ na kogolɛsɛ Tumu. Na yɔk zuga kɔbhbhɛa nɔng wologo zugaa honynyɛa erro.
14Na Yesus sɛɛsɛ zuga kɔbhbhɛa nɔng, “Ayɛ erro kohoya bhɛa nanu, ngakanyɛo, ke ngaya zukte lɔ :Tumuye heo ko ngaerroya rɛye.” 15Na hunaa tadhɛa erro sɛnɔ na tewa ushaye, bana na dhɔyu ngonu na ogo.
Lɔga Ghinnɛnɛa Hira Aha Mɛra
16Na koo hir kona ko gɔ̀rrè Yesusiye na ghinu na sɛɛsɛ, “Hira madhdhiy, ngangaye bhɛa keni kɔ̀jɔyay basseya iho dhul, maya lɔkte chal kemesiye a lɔk giyong?”
17Na yagɛsɛ :Yesusi na sɛɛsɛ, “Na inye ghinony gee lɔkte challi kɛ ɔng? Nɔng inde chalde a Tumu dhɔnɛnɛ. Na hunde seni ok gɔra basseynyde, bhɛk lɔga ɛlla damiya nɛnɛ toye.”
18Na ghinu :hiriyɔ na sɛɛsɛ, “Ngalɔktonu a lɔk giyong?”
Na nɔng yagɛsɛ na sɛɛsɛ, “Agga sennɛa, ‘Hiri nganisi, lollumo ngamesi, ngaogornɛni, zugo lɔga ku butomo ngamagɛsɛni, 19chogonu ko junu tɛngɛrtɔ’, na ‘hira bhakko kari ibhɛsɛ hini na teyel huna rɛa nunu.’”#19.19 Ngalɔkta sennɛ, “Hira bhakko kari ibhɛsɛ hini na teyel hunaa rɛa nunuye,” dhugunnogiyɛ bhɛa ɛlɛhɛnnɛa zukte kàgannɛye oo zugo kumulɔng hung. Bhee ɛlɛhɛnnɛ zuga kàbhakka kari sɔng oo zuga yɛbhbhɛa Tumu sɔng ngayo.
20Na nɔng tɛgayaa gina sɛɛsɛ, “Na kèe yɔk ngalɔkta kumulɔng bere kɛbhɛkka. Na gee ngani ɛllaganyɛ geleye a giyong? 21Na yagɛsɛ :Yesusi na sɛɛsɛ, “Hunde hini bhɛa seni teyɛ hira hɔla hurr ridhing ningginɛnaye, ok tallɛy ahaa lɔmi kumulɔng na birinya aynɛ bhoyoga. Na inye ale kɛdhdhɛttanniny :Tumu ahaa bo dhandala tumɔ. Na hunde mesu nganga na te ushaye, wo na kɔbhanydɔ!”
22Na tɛgay hunaa shikko ngalɔktaye, nɔng munyuɛsɛ gɔrɔ gɔrɔ na ogo ke ngaya dha bere lɔmɛ ahaa bo mɛraye.
23Na Yesus sɛɛsɛ zuga kɔbhbhɛa nɔng, “Ga shigitɔ! Zuga aha mɛra bhɛa senno kɔtɔlɔmɛ ꞉Komoruya tumony a dhandali. 24Na ga kɔ̀tɔrrɛung na taga shɛɛ! Chɔɔ hira aha mɛra bhɛa kènno kɔtɔlɔmɛ :Tumu, hunde galisey kudhul hologuna marsiny, anda a bhaseni.”
25Na zuga kɔbhbhɛa nɔng hunaa shikkɛa ngalɔktaye iwachiyɛ goore na ghini na seyɛsɛ, “Aay! Na hunde a ngangaye, ale ba :nonni?”
26Na nɔng gɔnyu yɔk na sɛɛsɛ, “Ngalɔkta bhee ɔanɛ :hiriyɔ ninggɛ. Na nɔng bhɛa Tumu, lɔgɔ ɔninya kumulɔng.”
27Na sɛɛsɛ :Betirosi, “Nɔng agge annaa bere kɔdhɔtto ahaa gayo kumulɔng na kɔ̀ɔbhtinyɔ inye! Na ahaye ale kɔjɔanoye a ɔng?”
28Na sɛɛsɛ :Yesusi, “Ga shigitɔ! Bɛrgua ale bhɔdhɛa :Tumu lɔga bany kumulɔng ke chagi, hunde ale Hiri Hoynɛ i alleya nɛnɛ komorumo bo lɔmma dirambe, ko igge ngazukta kɔbhbhanyu anye ku 12de, ale ɛllo alleyiya komorumo ku 12 na kedhdho lɔga bhorinyaa Isirayeli ku 12. 29Yɔk zukte dhɔttɛ doriyoa gɛ oo gɔynggɛ oo ngɔnigɛ oo choginggɛ oo jugɛ#19.29 Dadabinyaa Giriki gena sennɛ, “...jugɛ oo tɛrro oo...” oo erro oo gunya ke bhɛa kɔbhbhɛanyɛa anyeye, ale kɛ̀dhdhɛttan na lɔga gɛ jorronɛ ga bere sabbune jagarɛ kɛngi 100 na chɔɔ kàjjɛ basseya iho dhul. 30Na ngazukta bu mɛr ku sabbaye, yɔk ale a wuru. Na ngagiya bu mɛr ku wuruye ale a gee ku sabbaye.”
Currently Selected:
Matiyos 19: SUQ
Highlight
Share
Copy
Want to have your highlights saved across all your devices? Sign up or sign in
©2023 Suri Translation Project which is a project of the Ethiopian Evangelical Church Mekane Yesus
Matiyos 19
19
Lɔga Kennɛnɛa :Tɛri Ko :Hiri
1Na Yesus hunaa yogoa ngalɔkta na tewa ushaye, dhɔyu baa Gelila na ogu baa iho kidhoa Yordanosi tandɔ kèe Yuhudha. 2Na zuga bo mɛra kɔbhɔ nɔng. Na nɔng ibbaysiu gee ilagassɛye ngonu.
3Na zuga kɔbhbhɛa damiya Bhɛrɛsi gena hoya bhɛa nɛnɛ na killobotɔ. Na ghini na seyɛsɛ, “Ngangaye hiri bhɛa dhɔyɛa tɛriya nɛnɛ na kennɛnɛa damite lɔkte hinnono :nɛaye, bere Damiya Tumu ajjiy :Muse kìgombo, oo ngani?”
4Na nɔng Yesus yagɛsɛ na sɛɛsɛ, “Ngangaye igge lɔga Tumu bere ngani toyito? Nɔng bɛrgua bere kèghendonɛa aha kumulɔng, Komoru Tumu annaa bere ghendono zugo na kona ojjo ke may, kona ojjo ke ngahi, 5na koo senno, ‘Nganda a bhee bere keghendonɛ yɔk na hira maya dhɔyɛ jɔnɛ ko chɔgɔnɛ na arrabhbhannɛnɛ ko tɛriya nɛnɛ, na rammane anɛ rɛa dhɔnɛnaye. 6Na yɔk kalda ngangaye te rɛa dhɔnɛna, na ramman ngani ngayo. Na mɛa zuga bere arrabhbhanna :Tumu, hiriyɔ ngakedhdhi.”
7Na yɔk zugaa kɔbhbhɛa damiya Bhɛrɛsi ghini na seyɛsɛ, “Na kèe Muse nɔng annaa bere igomoa na sewa, ‘Hiri hunde se kegendɛ ko tɛriye, maya kɔdhdhɛsɛn lɔga kennɛnɛa dadabɔ na ajjɛ na chuktɔ,’ Na nɔng bere nganga se kɛ ɔng?”
8Na nɔng Yesus yagɛsɛ na sɛɛsɛ, “Nɔng Muse bhee bere igommogɛung bhɛa kennɛnɛo ko tɛrroa guye, a ngaya sabbi annɛung dhandaliye. Yɔk ngalɔkta ku ngangaye bere sabbɔ bɛrgua bere kèghendonɛa aha kumulɔng, nganga ngaannao. 9Na nɔng mɛa anye kesennagung, hirre kennɛ ko tɛriya nɛnɛ nganga hung hunde ko hir kona kari ngani kɛtɛldito na gam konaye, me lollumo.”
10Na zuga kɔbhbhɛa nɔng seyɛsɛ, “Hunde lɔga hiri ko tɛriyny a ngangaye, dhaa hunde ngakàgamnɛ a challi ni.”
11Na sɛɛsɛ :Yesusi, “Lɔkte ku ngangaye zugo kumulɔng ngahinnɛo. Hinnɛ gee bere kàjjɛ bhɛa kènno ngagamnɛye sɔng. 12Anye bhee kesenɛ ngangaye, a ngaya zuga ngagamnɛnao gena anɛ ga dha bere kùhudhukkono ke zuga ngagamnɛnao chi.#19.12 ga dha bere kùhudhukkono ke zuga ngagamnɛnao chi. Ngalɔkta a bhɛa kènɛa zuga kùhudhukkono gena rɛhiya gɛ maya oo ngaha ɛddɛninya na honynyɛ kɛngichinne na chɔɔ bhɛa senno kɛbhɛldɛy ko zugo ngahinnɛo. Na gena anɛ ga messɛa :zug genne tɔllɔng na ngagamnɛ, na gena anɛ ga ngidhdhɛa lɔgɔ :eygo ke bhɛa senno katagaytɛ Komoruya tumony#19.12 Komoruya tumony Ngalɔkta sennɛ “Komoruya Tumonyde” ɛlɛhɛn sara Tumu. Yɔk zuga Ayhudhi a zukte ɛngɛrsɛ Tumu goore na sara Tumu dib ngaeliyɛo. Na Matiyos huna bere kɔdhdhɛsɛna yɔk ngalɔkta, hunde kɔn lɔkte sennɛ lɔga lɔmɛa :Komoruya Tumony zugoye, ngangaye a bhɛa senɛa lɔga lɔmɛa :Tumu zugo. sɔngge. Na mɛa ko nɔng hirre hin bhɛa senno kabhagɛ ba gamma ninggɛnde, sɛɛ kabhak.”
Lɔga Tuhɛa :Yesusi Erroa Ngani Chicho
13Na koo zugo hoyɛy erroa ngani chicho na ayɛsɛ Yesus na katadhɛ siyɔ na kogolɛsɛ Tumu. Na yɔk zuga kɔbhbhɛa nɔng wologo zugaa honynyɛa erro.
14Na Yesus sɛɛsɛ zuga kɔbhbhɛa nɔng, “Ayɛ erro kohoya bhɛa nanu, ngakanyɛo, ke ngaya zukte lɔ :Tumuye heo ko ngaerroya rɛye.” 15Na hunaa tadhɛa erro sɛnɔ na tewa ushaye, bana na dhɔyu ngonu na ogo.
Lɔga Ghinnɛnɛa Hira Aha Mɛra
16Na koo hir kona ko gɔ̀rrè Yesusiye na ghinu na sɛɛsɛ, “Hira madhdhiy, ngangaye bhɛa keni kɔ̀jɔyay basseya iho dhul, maya lɔkte chal kemesiye a lɔk giyong?”
17Na yagɛsɛ :Yesusi na sɛɛsɛ, “Na inye ghinony gee lɔkte challi kɛ ɔng? Nɔng inde chalde a Tumu dhɔnɛnɛ. Na hunde seni ok gɔra basseynyde, bhɛk lɔga ɛlla damiya nɛnɛ toye.”
18Na ghinu :hiriyɔ na sɛɛsɛ, “Ngalɔktonu a lɔk giyong?”
Na nɔng yagɛsɛ na sɛɛsɛ, “Agga sennɛa, ‘Hiri nganisi, lollumo ngamesi, ngaogornɛni, zugo lɔga ku butomo ngamagɛsɛni, 19chogonu ko junu tɛngɛrtɔ’, na ‘hira bhakko kari ibhɛsɛ hini na teyel huna rɛa nunu.’”#19.19 Ngalɔkta sennɛ, “Hira bhakko kari ibhɛsɛ hini na teyel hunaa rɛa nunuye,” dhugunnogiyɛ bhɛa ɛlɛhɛnnɛa zukte kàgannɛye oo zugo kumulɔng hung. Bhee ɛlɛhɛnnɛ zuga kàbhakka kari sɔng oo zuga yɛbhbhɛa Tumu sɔng ngayo.
20Na nɔng tɛgayaa gina sɛɛsɛ, “Na kèe yɔk ngalɔkta kumulɔng bere kɛbhɛkka. Na gee ngani ɛllaganyɛ geleye a giyong? 21Na yagɛsɛ :Yesusi na sɛɛsɛ, “Hunde hini bhɛa seni teyɛ hira hɔla hurr ridhing ningginɛnaye, ok tallɛy ahaa lɔmi kumulɔng na birinya aynɛ bhoyoga. Na inye ale kɛdhdhɛttanniny :Tumu ahaa bo dhandala tumɔ. Na hunde mesu nganga na te ushaye, wo na kɔbhanydɔ!”
22Na tɛgay hunaa shikko ngalɔktaye, nɔng munyuɛsɛ gɔrɔ gɔrɔ na ogo ke ngaya dha bere lɔmɛ ahaa bo mɛraye.
23Na Yesus sɛɛsɛ zuga kɔbhbhɛa nɔng, “Ga shigitɔ! Zuga aha mɛra bhɛa senno kɔtɔlɔmɛ ꞉Komoruya tumony a dhandali. 24Na ga kɔ̀tɔrrɛung na taga shɛɛ! Chɔɔ hira aha mɛra bhɛa kènno kɔtɔlɔmɛ :Tumu, hunde galisey kudhul hologuna marsiny, anda a bhaseni.”
25Na zuga kɔbhbhɛa nɔng hunaa shikkɛa ngalɔktaye iwachiyɛ goore na ghini na seyɛsɛ, “Aay! Na hunde a ngangaye, ale ba :nonni?”
26Na nɔng gɔnyu yɔk na sɛɛsɛ, “Ngalɔkta bhee ɔanɛ :hiriyɔ ninggɛ. Na nɔng bhɛa Tumu, lɔgɔ ɔninya kumulɔng.”
27Na sɛɛsɛ :Betirosi, “Nɔng agge annaa bere kɔdhɔtto ahaa gayo kumulɔng na kɔ̀ɔbhtinyɔ inye! Na ahaye ale kɔjɔanoye a ɔng?”
28Na sɛɛsɛ :Yesusi, “Ga shigitɔ! Bɛrgua ale bhɔdhɛa :Tumu lɔga bany kumulɔng ke chagi, hunde ale Hiri Hoynɛ i alleya nɛnɛ komorumo bo lɔmma dirambe, ko igge ngazukta kɔbhbhanyu anye ku 12de, ale ɛllo alleyiya komorumo ku 12 na kedhdho lɔga bhorinyaa Isirayeli ku 12. 29Yɔk zukte dhɔttɛ doriyoa gɛ oo gɔynggɛ oo ngɔnigɛ oo choginggɛ oo jugɛ#19.29 Dadabinyaa Giriki gena sennɛ, “...jugɛ oo tɛrro oo...” oo erro oo gunya ke bhɛa kɔbhbhɛanyɛa anyeye, ale kɛ̀dhdhɛttan na lɔga gɛ jorronɛ ga bere sabbune jagarɛ kɛngi 100 na chɔɔ kàjjɛ basseya iho dhul. 30Na ngazukta bu mɛr ku sabbaye, yɔk ale a wuru. Na ngagiya bu mɛr ku wuruye ale a gee ku sabbaye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Suri Translation Project which is a project of the Ethiopian Evangelical Church Mekane Yesus