HMOTAOPAZY 5
5
Anania nata Saphirâ
1Chyhsa pakha a moh Anania ama tahpa deikua cha, a lapinô Saphirâ nata râh zuah hra ei ta. 2A lapinô pahnopa ta râh zuana ty cha phih bâ ha ta, a laibâhpa vaw cheih ta, lyuhchâpazy phei thaby liata vaw soh ta. 3Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie? 4Râh cha a y chhôh zydua kha nâma eih châ vei mâ? Na zuah tawh chhao ta nâma rei sai châ pyly vei ma? Khazia he hawhpa hmo tao khohna palôh na hnei tly? Chyhsapa a dôveipa châ va chi, Khazohpa a dôveipa na châ,” tah ta. 5Cha biezy cha Anania ta a thei nahta, pao ta, thi ha ta. Cha thâtih a theipa maihta chi ngaita ei ta. 6Satliazy thyu ei ta, poh ta pahly ei ta, khôtho lâ a sy ei ta, pabu ha ei ta. 7Dawh thôh rachhôh a châ nahta, a lapinô cha hmo tlôpa pahno leipa ta a ngia ta. 8Pity ta a hnohta, “Na chho teh, râh cha he zie tlai heta ma nama zuah?” tah ta. Ano ta, “Y, he zie tlai he na a châ,” tah ta. 9Pity ta a hnohta, “Khazia Abeipa Thlahpa pasia awpa ta bie namâ paraoh? Moh teh, na vahpa a pabutuhpazy phei cha ochhi ama vaw tlô ha huh, nâ chhao khôtho lâ amâ châ sy aw,” tah ta. 10Saphirâ cha eikhapi ta Pity phei thaby liata pao ta, thi ha hra ta. Satliazy amâ vaw ngia nahta, Saphirâ cha a thipa ta vaw hmô ei ta, khôtho lâ a sy ei ta, a vahpa kiapâh liata pabu ei ta. 11Awnanopa zydua nata cha kyh a theipa zydua ta ama chi ngaita.
Ngiana nata hmonoâhpazy
12Lyuhchâpazy ku ta ngiana nata hmonoâhpa hluhpi zawpi hry liata tao lymâpa châ ta. Ama zydua ta palôh miakha phaohpa ta Sawlawmaw Aikah liata y pakhy tyh ei ta. 13Ama hry liata a pahlao ngâh leipa y hra ei sala, zawpi ta âmo cha pasâhsa ngaita ei ta. 14Ngiapâtuhpa hluhpi a chanô chapaw ta Abeipa lâ amâ baichha via lymâ. 15Pity â vy tita, a nohpahlipa chhâ ta a pahli thei nawpa ei ta, tlâhleipazy a vaw sy ei ta, rakhô nata hmohphawzy chô liata paziapa ta lâlaizy liata soh ei ta. 16Zerusale chheipâh khihzy tawhta chyhsazy chhao a vy ei ta, tlâhleipazy nata thlahpa puapa ta a pasasapazy a vaw chhi ei ta, âmo chhao cha patlâh khaipa ama châ.
Lyuhchâpazy taolana
17Chatawhcha theihthai beichaipa nata a sahlao zydua vaw thyu ei ta, âmo cha Saduasi py châ ei ta, hiatliana ta a biepa ama châ. 18Lyuhchâpazy cha patu ei ta, vâtlâh patâhna o liata khô ei ta. 19Châhrasala zâ ta Abeipa vâlyuhchâpa pakha ta patâhna o ochhizy cha vaw pahy ta, lyuhchâpazy cha papua ta, ama hnohta, 20“Vawh u la, Achhyna o liata a kei duah u la, he hrona bie zydua he, zawpi hnohta kei chho teh u,” tah ta.
21Cha bie cha ama thei nahta, mydi ta Achhyna o liata a ngiapa ta, pachu ei ta. Theihthai beichaipa nata a sahlaozy a vy ei ta, ryureituhpazy nata Izarei machâ zydua awpakhy ei ta, lyuhchâpazy a vaw chhi awpa ta patâhna o lâ chyhsa tuah ei ta. 22Chakaotuhpazy cha vawh ei ta, âmo cha patâhna o liata hmô leipa ei ta, vaw kua ei ta. 23Ama hnohta, “Patâhna o cha â bohpa ta khawpa châ ta, vaituhpazy chhao ochhi thaby liata amâ duapa hmô pi ta, châhrasala pahy pi ta, a chhôh liata ahy hmah hmô ma pi,” tah ei ta. 24Achhyna o hyutuhpa nata theihthai beizy ta cha biezy cha ama thei nahta, kheihta ma a châ tly, tahpa pachâpa ta, a tymâ kaw ei ta. 25Chyhsa pakha a vy ta ama hnohta, “Patâhna o liata nama khôpa chyhsazy kha Achhyna o liata a duah ei ta, zawpi ama pachupa ei hmô,” tahpa ta âmo cha vaw chho ta. 26Achhyna o hyutuhpa cha chakaotuhpazy a chhipa ta vawh ta, zawpi ta alô ta ama vawh awpa ama chipa vâta, thachahra hmâ leipa ta lyuhchâpazy cha a vaw chhi ei ta. 27Ama vaw tlôkhei nahta, ryureina hmiakô liata paduasa ei ta. Theihthai beichaipa ta âmo cha a padai ta, 28#Mat 27.25“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta. 29Pity nata lyuhchâpazy ta, “Chyhsa bie hlâta Khazohpa bie eima zyh via awpa a châ. 30Nâmo ta tho liata khaipâpa ta nama thiepa Zisu kha, miah pathlatuhpazy Khazohpa ta a pathyu haw. 31Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw. 32Keimo he cha hmozy a pahnotuhpa châ pi ta, a bie a zyhpazy hnohta Khazohpa ta a piepa Thlahpa Pathaihpa chhao ta a pahno hra,” tahpa ta a chhy ei ta.
33Cha biezy ama thei nahta, ama hie thata hâh ta, lyuhchâpazy cha thie a chhuah ei ta. 34Châhrasala ryureituhpazy hry liata Phârisaih pakha, a moh Kâmalia ama tahpa, ryhpa pachutuhpa, chyhsa zydua ta ama zapa ta a kaw duah ta, lyuhchâpazy cha papua chy awpa ta biepie ta. 35Ryureituhpazy hnohta, “Nâmo, Izarei mo saih u, he chyhsazy chô liata hmotao namâ chhuahpa liata a chado teh u. 36Cha hlâna chhao khata Theudâ vaw pua ta, chyhsa peimawhpa a châpa ta a reih ta, chyhsa hluhpi, za palih rachhôh ta ano cha zi ei ta. Ano ama thie nahta, a zituhpa zydua cha pai khai ei ta, khâpa hmah châ khao veih ei. 37Ano khai tawhta, maluhpi reina daihti liana kha, Kâlili chyhsa Zudâh vaw pua heih ta, ano lâta chyhsa hluhpi a sy heih hra. Ano chhao cha thi ta, a zituhpazy ama paipatla khai haw. 38Chavâta tahmâ ei cha chho ei, he chyhsazy he hria khah u, âmo y ta y thlâh mawh ei sy. Amâ chhuahpa nata ama hmotaopa he chyhsapa tawhta a châ khiahta la, khâpa hmah châ aw vei. 39Khazohpa tawhta a châ khiahta deikua cha, âmo he pahleipadia thei aw veih ei chi. Khazohpa a dyuhpa tlao nama châ aw!” tah ta. 40A reipa cha pha tah ei ta, lyuhchâpazy cha aw ei ta, chhei ei ta, Zisu moh ta bie rei lei awpa ta biepie ei ta, ama pathlie haw. 41Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta. 42Noh chareih Achhyna o liata nata o to tlypa ta, Zisu cha Mesia a châ tahpa bâh leipa ta pachu ei ta, ama chho lymâ.
Currently Selected:
HMOTAOPAZY 5: MARVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
HMOTAOPAZY 5
5
Anania nata Saphirâ
1Chyhsa pakha a moh Anania ama tahpa deikua cha, a lapinô Saphirâ nata râh zuah hra ei ta. 2A lapinô pahnopa ta râh zuana ty cha phih bâ ha ta, a laibâhpa vaw cheih ta, lyuhchâpazy phei thaby liata vaw soh ta. 3Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie? 4Râh cha a y chhôh zydua kha nâma eih châ vei mâ? Na zuah tawh chhao ta nâma rei sai châ pyly vei ma? Khazia he hawhpa hmo tao khohna palôh na hnei tly? Chyhsapa a dôveipa châ va chi, Khazohpa a dôveipa na châ,” tah ta. 5Cha biezy cha Anania ta a thei nahta, pao ta, thi ha ta. Cha thâtih a theipa maihta chi ngaita ei ta. 6Satliazy thyu ei ta, poh ta pahly ei ta, khôtho lâ a sy ei ta, pabu ha ei ta. 7Dawh thôh rachhôh a châ nahta, a lapinô cha hmo tlôpa pahno leipa ta a ngia ta. 8Pity ta a hnohta, “Na chho teh, râh cha he zie tlai heta ma nama zuah?” tah ta. Ano ta, “Y, he zie tlai he na a châ,” tah ta. 9Pity ta a hnohta, “Khazia Abeipa Thlahpa pasia awpa ta bie namâ paraoh? Moh teh, na vahpa a pabutuhpazy phei cha ochhi ama vaw tlô ha huh, nâ chhao khôtho lâ amâ châ sy aw,” tah ta. 10Saphirâ cha eikhapi ta Pity phei thaby liata pao ta, thi ha hra ta. Satliazy amâ vaw ngia nahta, Saphirâ cha a thipa ta vaw hmô ei ta, khôtho lâ a sy ei ta, a vahpa kiapâh liata pabu ei ta. 11Awnanopa zydua nata cha kyh a theipa zydua ta ama chi ngaita.
Ngiana nata hmonoâhpazy
12Lyuhchâpazy ku ta ngiana nata hmonoâhpa hluhpi zawpi hry liata tao lymâpa châ ta. Ama zydua ta palôh miakha phaohpa ta Sawlawmaw Aikah liata y pakhy tyh ei ta. 13Ama hry liata a pahlao ngâh leipa y hra ei sala, zawpi ta âmo cha pasâhsa ngaita ei ta. 14Ngiapâtuhpa hluhpi a chanô chapaw ta Abeipa lâ amâ baichha via lymâ. 15Pity â vy tita, a nohpahlipa chhâ ta a pahli thei nawpa ei ta, tlâhleipazy a vaw sy ei ta, rakhô nata hmohphawzy chô liata paziapa ta lâlaizy liata soh ei ta. 16Zerusale chheipâh khihzy tawhta chyhsazy chhao a vy ei ta, tlâhleipazy nata thlahpa puapa ta a pasasapazy a vaw chhi ei ta, âmo chhao cha patlâh khaipa ama châ.
Lyuhchâpazy taolana
17Chatawhcha theihthai beichaipa nata a sahlao zydua vaw thyu ei ta, âmo cha Saduasi py châ ei ta, hiatliana ta a biepa ama châ. 18Lyuhchâpazy cha patu ei ta, vâtlâh patâhna o liata khô ei ta. 19Châhrasala zâ ta Abeipa vâlyuhchâpa pakha ta patâhna o ochhizy cha vaw pahy ta, lyuhchâpazy cha papua ta, ama hnohta, 20“Vawh u la, Achhyna o liata a kei duah u la, he hrona bie zydua he, zawpi hnohta kei chho teh u,” tah ta.
21Cha bie cha ama thei nahta, mydi ta Achhyna o liata a ngiapa ta, pachu ei ta. Theihthai beichaipa nata a sahlaozy a vy ei ta, ryureituhpazy nata Izarei machâ zydua awpakhy ei ta, lyuhchâpazy a vaw chhi awpa ta patâhna o lâ chyhsa tuah ei ta. 22Chakaotuhpazy cha vawh ei ta, âmo cha patâhna o liata hmô leipa ei ta, vaw kua ei ta. 23Ama hnohta, “Patâhna o cha â bohpa ta khawpa châ ta, vaituhpazy chhao ochhi thaby liata amâ duapa hmô pi ta, châhrasala pahy pi ta, a chhôh liata ahy hmah hmô ma pi,” tah ei ta. 24Achhyna o hyutuhpa nata theihthai beizy ta cha biezy cha ama thei nahta, kheihta ma a châ tly, tahpa pachâpa ta, a tymâ kaw ei ta. 25Chyhsa pakha a vy ta ama hnohta, “Patâhna o liata nama khôpa chyhsazy kha Achhyna o liata a duah ei ta, zawpi ama pachupa ei hmô,” tahpa ta âmo cha vaw chho ta. 26Achhyna o hyutuhpa cha chakaotuhpazy a chhipa ta vawh ta, zawpi ta alô ta ama vawh awpa ama chipa vâta, thachahra hmâ leipa ta lyuhchâpazy cha a vaw chhi ei ta. 27Ama vaw tlôkhei nahta, ryureina hmiakô liata paduasa ei ta. Theihthai beichaipa ta âmo cha a padai ta, 28#Mat 27.25“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta. 29Pity nata lyuhchâpazy ta, “Chyhsa bie hlâta Khazohpa bie eima zyh via awpa a châ. 30Nâmo ta tho liata khaipâpa ta nama thiepa Zisu kha, miah pathlatuhpazy Khazohpa ta a pathyu haw. 31Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw. 32Keimo he cha hmozy a pahnotuhpa châ pi ta, a bie a zyhpazy hnohta Khazohpa ta a piepa Thlahpa Pathaihpa chhao ta a pahno hra,” tahpa ta a chhy ei ta.
33Cha biezy ama thei nahta, ama hie thata hâh ta, lyuhchâpazy cha thie a chhuah ei ta. 34Châhrasala ryureituhpazy hry liata Phârisaih pakha, a moh Kâmalia ama tahpa, ryhpa pachutuhpa, chyhsa zydua ta ama zapa ta a kaw duah ta, lyuhchâpazy cha papua chy awpa ta biepie ta. 35Ryureituhpazy hnohta, “Nâmo, Izarei mo saih u, he chyhsazy chô liata hmotao namâ chhuahpa liata a chado teh u. 36Cha hlâna chhao khata Theudâ vaw pua ta, chyhsa peimawhpa a châpa ta a reih ta, chyhsa hluhpi, za palih rachhôh ta ano cha zi ei ta. Ano ama thie nahta, a zituhpa zydua cha pai khai ei ta, khâpa hmah châ khao veih ei. 37Ano khai tawhta, maluhpi reina daihti liana kha, Kâlili chyhsa Zudâh vaw pua heih ta, ano lâta chyhsa hluhpi a sy heih hra. Ano chhao cha thi ta, a zituhpazy ama paipatla khai haw. 38Chavâta tahmâ ei cha chho ei, he chyhsazy he hria khah u, âmo y ta y thlâh mawh ei sy. Amâ chhuahpa nata ama hmotaopa he chyhsapa tawhta a châ khiahta la, khâpa hmah châ aw vei. 39Khazohpa tawhta a châ khiahta deikua cha, âmo he pahleipadia thei aw veih ei chi. Khazohpa a dyuhpa tlao nama châ aw!” tah ta. 40A reipa cha pha tah ei ta, lyuhchâpazy cha aw ei ta, chhei ei ta, Zisu moh ta bie rei lei awpa ta biepie ei ta, ama pathlie haw. 41Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta. 42Noh chareih Achhyna o liata nata o to tlypa ta, Zisu cha Mesia a châ tahpa bâh leipa ta pachu ei ta, ama chho lymâ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.