ÂTHAONA 18
18
Aisika pina bietai
1Abarahâ cha nohchhô a palo lichih ta a poh o chhikao thaby liata â tyuh thlâh ha nota, Abeipa cha Mamre thothih hry liata a hnohta a vaw luah ta. 2#Heb 13.2Mohmia pasaih ta, ano kiapâh liata chyhsa pathôh â duahpa hmô ta. A hmôpa nahta, âmo dy awpa ta poh o chhikao tawhta a kei râ ta, alei lâ a bôhpa ta âmo cha a naoh ta, 3“Ei Beipa, na mo dypa ei châ khiahta la, ngiachhiepa ta na sei he na khôsai khah y. 4Ti chyhta cha vaw lapa aw ei na ta, nama pheizy a si u la, tho ry liana he a pahâ chy teh u. 5Châ chakaotuhpa hnohta a vy ha ei chi ta, viahchhâ chyhta kei la aw na ta, nama tha a padâh chy teh u. Cha khai tawhta sie lah vâ ei chi,” tah ta. Âmo ta, “A pha na, na reipa hawhna chata tao mah y,” tah ei ta.
6Abarahâ cha poh o chhôh lâ thlai a ngia ta, Sârâ hnohta, “Viahdie dipa saikhua hmo thôh li la, neih la, viahchhâzy vaw tao para teh,” tah ta. 7Abarahâ cha viahchao zaw lâ a kei râ ta, viahchao taw panyupa nata pahlypa la ta, chakaotuhpa hnohta pie ta, ano ta chhoh para ta. 8Sâhpiti kuapa, sâhpiti nata viahchao taw sa chhopazy cha la ta, ama hmiakô liata kei soh ta. Thokô ry liata ama nie chhôh ta ama kiapâh liata a duah ta.
9Âmo ta a hnohta, “Na lapinô Sârâ khataih liata a y?” tah ei ta. Ano ta, “Poh o chhôh liata a y,” tah ta. 10#Rma 9.9Abeipa ta, “Hâhkô tahmâ ti heta na hnohta a vy heih thlyu aw na ta, na lapinô Sârâ ta sawchapaw a sa aw,” tah ta. Cha bie cha a hnôh lâta poh o chhikao tawhta Sârâ ta vaw thei ta. 11Abarahâ nata Sârâ cha machâpa kô uhthei ngaitapa châ ha ei ta. Sârâ cha a chanô yzie tyhpa chhao chhâ ha ta. 12#1 Pit 3.6Chavâta Sârâ cha arulâta pahneih ta, “Ei machâ ha tawhta alyna ei hnei heih aw ma? Ei zibeipa chhao machâ ha ta,” tah ta. 13Abeipa ta Abarahâ hnohta, “Khazia Sârâ ta pahneih ta, ‘Machâ ha na ta, saw ei sa hmeiseih thei rai aw mâ’ a tah? 14#Lka 1.37Abeipa châta hmo ru tupa a y ma? Daihti raopa liata nâ lâ a vy heih aw na ta, hâhkô tahmâ ti heta Sârâ ta sawchapaw a sa aw” tah ta. 15Sârâ cha a chipa vâta, “Pahneih va na” tahpa ta a phih ta. Ano ta “Châ vei, na pahneih tlaipa kha,” tah ta.
Sawdawmâ châta Abarahâ hiana
16Chyhsazy cha, cha su tawhta pua ei ta, Sawdawmâ khih lâ sai ei ta. Abarahâ cha âmo pathlie awpa ta ama hnohta sie ta. 17Abeipa ta, “Ei hmo tao awpa he Abarahâ liata ei phih aw ma? 18Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw. 19Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.
20 Abeipa ta, “Sawdawmâ nata Kawmawrâ thâtih ama reipa hluh ta, ama moleina a rarôh y ngaita. 21Chavâta ama moleina thâtih ei hnohta vaw tlôpazy he ama tao tlai ma tahpa moh awpa ta ei zu aw. Ama tao leipa khiahta cha, ei pahno aw,” tah ta.
22Cha su tawhta chyhsazy cha kua ei ta, Sawdawmâ khih lâ pangaipa ta sie ei ta. Abarahâ deikua cha, Abeipa hmiakô liata a duah thlâh ha ta. 23Abarahâ ta a kei hnia ta, a hnohta,“Moleipazy hnohta mosiapazy na pahleipadia thlâh ha aw ma? 24Khihpi liata mosiapa sypangawh chhâ y ei sala, khihpi cha na pahleipadia pyly aw ma? Cha liata a ypa mosiapa sypangawh vâta khihpi cha pahlôh aw va chi ma? 25Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.
26 Abeipa ta, “Sawdawmâ khihpi chhôh liata mosiapa sypangawh chhâ ei hmô khiahta cha, âmo vâta a khihpi duata ei pahlôh aw” tah ta.
27Abarahâ ta a chhy ta, “Pachâ tua, kei dohlei nata buchâh heta Abeipa cha bie ei châ chho thei saliah ta, reih thlâh ha tua sah la. 28Mosiapa cha papangawh ta sypangawh tloh vei mawh sala zaw, papangawh ta tloh leipa vâta a khihpi duata na pahleipadia pyly aw mâ?” tah ta. Abeipa ta, “Cha liata sypalih nata papangawh chhâ ei hmô khiahta cha, pahleipadia aw va na” tah ta.
29Abarahâ ta a hnohta, “Sypalih deita hmôpa châ mawh sala zaw?” tah heih ta. Ano ta, “Sypalih vâna chhao chata pahleipadia aw va na,” tah ta. 30Abarahâ ta, “Hy Abeipa, ngiachhiepa ta na hiehâh leipa sala, vaw reih thlâh heih tua sah la. Cha liata sythôh hmôpa châ mawh sala zaw?” tah ta. Ano ta, “Cha liata sythôh chhâ ei hmô khiahta cha, pahleipadia aw va na,” tah ta. 31Abarahâ ta, “Hy Abeipa, bie ei châ chho thei saliah ta, cha liata pakih hmôpa châ mawh ei sala zaw?” tah ta. Ano ta, “Pakih vâta pahleipadia aw va na,” tah ta. 32Abarahâ ta, “Hy Abeipa, na hiehâh leipa sala, ei kha ngâlâh ei reih heih tua aw. Cha liata pahrawh hmôpa châ mawh sala zaw?” tah ta. Ano ta, “Pahrawh vâta pahleipadia aw va na,” tah ta. 33Abeipa cha Abarahâ hnohta bie a rei khai nahta, sie ha ta, Abarahâ chhao a yna su lâ â di haw.
Currently Selected:
ÂTHAONA 18: MARVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
ÂTHAONA 18
18
Aisika pina bietai
1Abarahâ cha nohchhô a palo lichih ta a poh o chhikao thaby liata â tyuh thlâh ha nota, Abeipa cha Mamre thothih hry liata a hnohta a vaw luah ta. 2#Heb 13.2Mohmia pasaih ta, ano kiapâh liata chyhsa pathôh â duahpa hmô ta. A hmôpa nahta, âmo dy awpa ta poh o chhikao tawhta a kei râ ta, alei lâ a bôhpa ta âmo cha a naoh ta, 3“Ei Beipa, na mo dypa ei châ khiahta la, ngiachhiepa ta na sei he na khôsai khah y. 4Ti chyhta cha vaw lapa aw ei na ta, nama pheizy a si u la, tho ry liana he a pahâ chy teh u. 5Châ chakaotuhpa hnohta a vy ha ei chi ta, viahchhâ chyhta kei la aw na ta, nama tha a padâh chy teh u. Cha khai tawhta sie lah vâ ei chi,” tah ta. Âmo ta, “A pha na, na reipa hawhna chata tao mah y,” tah ei ta.
6Abarahâ cha poh o chhôh lâ thlai a ngia ta, Sârâ hnohta, “Viahdie dipa saikhua hmo thôh li la, neih la, viahchhâzy vaw tao para teh,” tah ta. 7Abarahâ cha viahchao zaw lâ a kei râ ta, viahchao taw panyupa nata pahlypa la ta, chakaotuhpa hnohta pie ta, ano ta chhoh para ta. 8Sâhpiti kuapa, sâhpiti nata viahchao taw sa chhopazy cha la ta, ama hmiakô liata kei soh ta. Thokô ry liata ama nie chhôh ta ama kiapâh liata a duah ta.
9Âmo ta a hnohta, “Na lapinô Sârâ khataih liata a y?” tah ei ta. Ano ta, “Poh o chhôh liata a y,” tah ta. 10#Rma 9.9Abeipa ta, “Hâhkô tahmâ ti heta na hnohta a vy heih thlyu aw na ta, na lapinô Sârâ ta sawchapaw a sa aw,” tah ta. Cha bie cha a hnôh lâta poh o chhikao tawhta Sârâ ta vaw thei ta. 11Abarahâ nata Sârâ cha machâpa kô uhthei ngaitapa châ ha ei ta. Sârâ cha a chanô yzie tyhpa chhao chhâ ha ta. 12#1 Pit 3.6Chavâta Sârâ cha arulâta pahneih ta, “Ei machâ ha tawhta alyna ei hnei heih aw ma? Ei zibeipa chhao machâ ha ta,” tah ta. 13Abeipa ta Abarahâ hnohta, “Khazia Sârâ ta pahneih ta, ‘Machâ ha na ta, saw ei sa hmeiseih thei rai aw mâ’ a tah? 14#Lka 1.37Abeipa châta hmo ru tupa a y ma? Daihti raopa liata nâ lâ a vy heih aw na ta, hâhkô tahmâ ti heta Sârâ ta sawchapaw a sa aw” tah ta. 15Sârâ cha a chipa vâta, “Pahneih va na” tahpa ta a phih ta. Ano ta “Châ vei, na pahneih tlaipa kha,” tah ta.
Sawdawmâ châta Abarahâ hiana
16Chyhsazy cha, cha su tawhta pua ei ta, Sawdawmâ khih lâ sai ei ta. Abarahâ cha âmo pathlie awpa ta ama hnohta sie ta. 17Abeipa ta, “Ei hmo tao awpa he Abarahâ liata ei phih aw ma? 18Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw. 19Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.
20 Abeipa ta, “Sawdawmâ nata Kawmawrâ thâtih ama reipa hluh ta, ama moleina a rarôh y ngaita. 21Chavâta ama moleina thâtih ei hnohta vaw tlôpazy he ama tao tlai ma tahpa moh awpa ta ei zu aw. Ama tao leipa khiahta cha, ei pahno aw,” tah ta.
22Cha su tawhta chyhsazy cha kua ei ta, Sawdawmâ khih lâ pangaipa ta sie ei ta. Abarahâ deikua cha, Abeipa hmiakô liata a duah thlâh ha ta. 23Abarahâ ta a kei hnia ta, a hnohta,“Moleipazy hnohta mosiapazy na pahleipadia thlâh ha aw ma? 24Khihpi liata mosiapa sypangawh chhâ y ei sala, khihpi cha na pahleipadia pyly aw ma? Cha liata a ypa mosiapa sypangawh vâta khihpi cha pahlôh aw va chi ma? 25Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.
26 Abeipa ta, “Sawdawmâ khihpi chhôh liata mosiapa sypangawh chhâ ei hmô khiahta cha, âmo vâta a khihpi duata ei pahlôh aw” tah ta.
27Abarahâ ta a chhy ta, “Pachâ tua, kei dohlei nata buchâh heta Abeipa cha bie ei châ chho thei saliah ta, reih thlâh ha tua sah la. 28Mosiapa cha papangawh ta sypangawh tloh vei mawh sala zaw, papangawh ta tloh leipa vâta a khihpi duata na pahleipadia pyly aw mâ?” tah ta. Abeipa ta, “Cha liata sypalih nata papangawh chhâ ei hmô khiahta cha, pahleipadia aw va na” tah ta.
29Abarahâ ta a hnohta, “Sypalih deita hmôpa châ mawh sala zaw?” tah heih ta. Ano ta, “Sypalih vâna chhao chata pahleipadia aw va na,” tah ta. 30Abarahâ ta, “Hy Abeipa, ngiachhiepa ta na hiehâh leipa sala, vaw reih thlâh heih tua sah la. Cha liata sythôh hmôpa châ mawh sala zaw?” tah ta. Ano ta, “Cha liata sythôh chhâ ei hmô khiahta cha, pahleipadia aw va na,” tah ta. 31Abarahâ ta, “Hy Abeipa, bie ei châ chho thei saliah ta, cha liata pakih hmôpa châ mawh ei sala zaw?” tah ta. Ano ta, “Pakih vâta pahleipadia aw va na,” tah ta. 32Abarahâ ta, “Hy Abeipa, na hiehâh leipa sala, ei kha ngâlâh ei reih heih tua aw. Cha liata pahrawh hmôpa châ mawh sala zaw?” tah ta. Ano ta, “Pahrawh vâta pahleipadia aw va na,” tah ta. 33Abeipa cha Abarahâ hnohta bie a rei khai nahta, sie ha ta, Abarahâ chhao a yna su lâ â di haw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.