MÂKA 10
10
Nôvah achhaihna kyh
(Mat 19.1-12; Lka 16.18)
1Zisu cha, cha su tawhta pua ta, Zawdâh haosâ Zudia râh lâ sie ta. Zawpizy ano lâ a vypakhy heih ei ta. A tao tyhpa hawhta, âmo cha pachu heih ta. 2Phârisaihzy ano lâ a vy ei ta, ano pasia nawpa ta, “Chapaw ta a lapinô ma awpa ryhpa ta a pasaih ma?” tahpa ta hiahri ei ta. 3Zisu ta ama hnohta, “Mawsi ta kheihta ma bie a cha pie ei?” tah ta. 4#Ryhpa 24.1-4; Mat 5.31Âmo ta, “Mawsi ta mana châ ropa ta lapinô ma awpa a pasaih,” tah ei ta. 5Zisu ta ama hnohta, “Nama palôh kuhchhana vâta, he biepiepa he nama châta a ropa a châ. 6#Âtn 1.27; 5.2Châhrasala leilô tao tua no tawhta, ‘Khazohpa ta âmo cha chapaw nata chanô ta a tao ei. 7#Âtn 2.24Chavâta chapaw ta a nô nata a paw siesai aw ta, a lapinô a patu aw. 8Chatanachata panozy cha pôhpa miakha ama vaw châ ha aw.’ Pano châ khao leipa ei ta, pôhpa miakha tlao ama châ haw. 9Chavâta Khazohpa ta a pazaopa cha, chyhsa ta pachhaih khah sy,” tah ta.
10O liata ama y nota, a pachupazy ta cha bie cha Zisu hiahri heih ei ta. 11#Mat 5.32; 1 Kaw 7.10,11Zisu ta ama hnohta, “Ahy rai a lapinô ma ta, chyhsa hropa a hneipa cha, cha chanô chô liata a pheipa a châ. 12Chanô chhao ta a vahpa a chhaih sala, chyhsa hropa a hnei khiahta cha, cha chapaw chô liata â pheipa a châ hra,” tah ta.
Hawtizy byhnâ a awpa
(Mat 19.13-15; Lka 18.15-17)
13A hria awpa ta hawtizy ano lâ a vaw chhi ei ta, pachupazy ta âmo cha ra ei ta. 14Zisu deikua ta, cha cha a hmô nahta, a ly leipa ta, ama hnohta, “Hawtizy kei lâ a vaw chhi u la, dytha khah u. Khazohpa khinarâh cha, he hawhpa chyhsazy eih châ tlôh ta. 15#Mat 18.3Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta. 16Hawtizy cha a bâh ta chalo ta, ama chô liata a ku pahnieh ta, byhnâ awpa ta.
Satlia hneirôhpa
(Mat 19.16-30; Lka 18.18-30)
17Sie awpa ta a pua nahta, chyhsa pakha ano lâ a vaw râ ta, a hmiakô liata pakhu paneih ta, a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta. 18Zisu ta a hnohta, “Khazia phapa eina tah chi? Khazohpa dei leipa ta ahy hmahta phapa y veih ei. 19#Pua 20.13; Ryhpa 5.17; Pua 20.14; Ryhpa 5.18; Pua 20.15; Ryhpa 5.19; Pua 20.16; Ryhpa 5.20; Pua 20.12; Ryhpa 5.16Biepiepazy na pahno: ‘Liany cheih kha, Aphei kha, Paru kha, Haipa ta chyhsa leih kha, Chyhsa dôvei kha, Na nô nata paw palyupalih teh,’ tahpazy na pahno,” tah ta. 20Ano ta Zisu hnohta, “Pachutuhpa, cha zydua cha ei hawti no tawhta ei zyh lymâ tyh,” tah ta. 21Zisu ta ano cha moh ta, a kyhpachâ kaw ta, a hnohta, “Hmo miakha nâ phahla: sie la, na hneipa zydua zuah la, dyhchhiepazy pie mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta. 22Sôh hluhpi a hneipa a châpa vâta, cha bie vâna chata a hmia chhie kaw ta, pachârôhpa ta sie ha ta. 23Zisu cha mohmia pasaih ta, a pachupazy hnohta, “Hneirôhpazy châta la, Khazohpa khinarâh liata a ngia awpa a ru kaw aw tlai na” tah ta. 24Pachupazy ta a bie reipa cha noâh tah kaw ei ta. Zisu ta âmo cha a chhy heih ta, “Saw saih u, Khazohpa khinarâh liata a ngia awpa cha a ru kaw tlai mâh tâh!#10.24 Châ 24-na liata Zisu biereipa he, hlâno kuropa Biehrai thokha liata cha, “Saw saih u, hneirôna a ngâchhâpazy châta cha, Khazohpa khinarâh liata a ngia awpa a ru kaw tlai mâh tâh” tahpa a châ. 25Chyhsa hneirôhpa Khazohpa khinarâh liata a ngia awpa hlâta cha, râraoseihpa chiephoh khaoh liata a ngia awpa tlao a nao via,” tah ta. 26Pachupazy cha ama noâh ngaita ta, a hnohta, “Chata khiahta cha, ahy ma pachha a châ thei aw tly?” tah ei ta. 27Zisu ta âmo cha moh ta, ama hnohta, “Cha cha chyhsapa châta la tao thei rimâ awpa châ leipa ta, Khazohpa châta deikua cha, tao thei leipa hmo châ vei. Khazohpa châta cha, ato tao theipa a châ,” tah ta. 28Pity ta a hnohta, “Moh tua, keimo he ato siesaipa ta eima cha zi hih,” tah ta. 29Zisu ta, “Hmeiseihta ta ei cha chho ei, keima vâta nata thâtihpha vâta, o tlyma, unawhzy tlyma, sietanôzy tlyma, nô tlyma, paw tlyma, sawzy tlyma, râhzy tlyma a siesaipa cha, 30tahmâ hro chhôh tlai heta ozy, unawhzy, sietanôzy, nôzy, sawzy, râhzy a lie za kha ta hmô aw ei ta, taolana nata daihti vaw tlô awpazy liata chhâzaw hrona ama hnei aw. 31#Mat 20.16; Lka 13.30Châhrasala hmiatua chaipa hluhpizy cha hnôh chaipa châ aw ei ta, hnôh chaipazy cha hmiatua chaipazy ama châ aw,” tah ta.
A thi nawpa kyh reih chhieliena ei thôhna
(Mat 20.17-19; Lka 18.31-34)
32Zerusale lâ khy ei ta, lâpi liata ama sie nota, Zisu cha hmia a sah ta. Pachupazy ta noâh tah kaw ei ta, ano a zituhpazy chhao ta chi ngaita ei ta. Pahrawh hleinozy cha anano ta a chhi ta, a chô liata hmo vaw tlô awpazy âmo chho ta, 33ama hnohta, “Pachâ teh u, Zerusale lâ eima khy hai hih. Chyhsa Sawchapawpa he theihthai beizy nata ryhpa pachutuhpazy ku liata hlâpa châ aw ta, âmo ta thie awpa ta thailei pachâsa aw ei ta, Zenitaizy ku liata ama hlâ aw. 34Zenitaizy ta ano cha pasipasawh aw ei ta, ama pachih ta pachhao aw ei ta, chhei aw ei ta, ama thie aw. Noh thôh noh ta a thyu heih aw,” tah ta.
Zâmie nata Zawhâna ahawna
(Mat 20.20-28)
35Zebâdi sawchapaw Zâmie nata Zawhâna cha Zisu lâ a vy ei ta, a hnohta, “Pachutuhpa, eima châ hawpa maih miah na taopa awpa ta eima khoh,” tah ei ta. 36Zisu ta ama hnohta, “Khâpa cha taopa ei sah la nama khoh?” tah ta. 37Âmo ta a hnohta, “Na rônahna liata na chachâh lâta pakha, na chavei lâta pakha, miah patyusa mah y,” tah ei ta. 38#Lka 12.50Zisu ta ama hnohta, “Nama hiapa pahno veih ei chi. Ei nyu dopa nama doh thei aw ma? Ei bâti châna liata namâ bâti thei hra aw ma?” tah ta. 39Âmo ta a hnohta, “Eima tao thei aw,” tah ei ta. Zisu ta ama hnohta, “Ei nyu dopa cha doh thei aw ei chi ta, ei bâtina liata chhao namâ bâti thei ngyu aw. 40Châhrasala ei chachâh lâ tlyma, ei chavei lâ tlyma a tyuh awpa kyh cha, keima pie awpa châ vei. Âmo châta a chhuahdy chiehpazy châta tlao a châ,” tah ta. 41Pahrawhzy ta cha kyh cha ama vaw pahno nahta, Zâmie nata Zawhâna chô liata ama palôh châ lei kaw ta. 42#Lka 22.25,26Zisu ta pachupazy cha aw ta, ama hnohta, “Zenitaizy chô liata ryureituhpa ta raopazy ta cha, ama sahlaozy chô liata amâ bei ngaitazie nata ama molaipazy chhao ta ama sahlaozy chô liata bie ama hnei ngaitazie nama pahno. 43#Mat 23.11; Mka 9.35; Lka 22.26Nâmo hry liata deikua cha, cha hawhta a châ awpa châ vei. Ahy rai nama hry liata molaipa châ a khoh khiahta cha, châ chakaotuhpa ta a y awpa châ ta, 44ahy rai nama hry liata hmiatua chaipa châ a khoh khiahta cha, chyhsa zydua sei ta a y awpa a châ. 45Chyhsa Sawchapawpa chhao tlai he, chyhsazy ta ano ama chakao awpa ta a zupa châ leipa ta, ano ta chyhsazy chakaopa ta, chyhsa hluhpi chatlaina châta a hrona pie awpa ta a zupa a châ,” tah ta.
Mochaopa Bâtimia mopavâna
(Mat 20.29-34; Lka 18.35-43)
46Zerikô tlô ei ta. Zisu cha a pachupazy nata chyhsa hluhpi chhaota Zerikô tawhta pua ta. Timia sawchapawpa mochaopa kudaopa Bâtimia cha lâpi kiah liata a vaw tyuh thlâh ha ta. 47Nâzari Zisu a châ tahpa a thei nahta, awh ta, a hnohta, “Zisu, Dâvi Sawchapawpa, na ngiachhie mah y!” tah ta. 48Chyhsa hluhpi ta a chalih awpa ta ra ei ta, châhrasala “Dâvi Sawchapawpa, na ngiachhie mah y!” tahpa ta awh via rili ta. 49Zisu cha a duah ta, “Kei aw teh u,” tah ta. Mochaopa cha kei aw ei ta, a hnohta, “Thlalôhpa ta y la, thyu teh, a cha aw chu,” tah ei ta. 50Mochaopa cha a poh thypa ta, a kaw zaw ta, Zisu lâ thlai pangai ta. 51Zisu ta a hnohta, “Khâpa cha taopa awpa ma na khoh?” tah ta. Mochaopa ta a hnohta, “Pachutuhpa, mo pavâ awpa ei khoh,” tah ta. 52Zisu ta a hnohta, “Sie mah y, nâ ngiapâna ta a cha patlâh haw,” tah ta. Chatanachata a mo thlai vaw pavâ ta, lâpi liata Zisu cha zi pâ ha ta.
Currently Selected:
MÂKA 10: MARVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
MÂKA 10
10
Nôvah achhaihna kyh
(Mat 19.1-12; Lka 16.18)
1Zisu cha, cha su tawhta pua ta, Zawdâh haosâ Zudia râh lâ sie ta. Zawpizy ano lâ a vypakhy heih ei ta. A tao tyhpa hawhta, âmo cha pachu heih ta. 2Phârisaihzy ano lâ a vy ei ta, ano pasia nawpa ta, “Chapaw ta a lapinô ma awpa ryhpa ta a pasaih ma?” tahpa ta hiahri ei ta. 3Zisu ta ama hnohta, “Mawsi ta kheihta ma bie a cha pie ei?” tah ta. 4#Ryhpa 24.1-4; Mat 5.31Âmo ta, “Mawsi ta mana châ ropa ta lapinô ma awpa a pasaih,” tah ei ta. 5Zisu ta ama hnohta, “Nama palôh kuhchhana vâta, he biepiepa he nama châta a ropa a châ. 6#Âtn 1.27; 5.2Châhrasala leilô tao tua no tawhta, ‘Khazohpa ta âmo cha chapaw nata chanô ta a tao ei. 7#Âtn 2.24Chavâta chapaw ta a nô nata a paw siesai aw ta, a lapinô a patu aw. 8Chatanachata panozy cha pôhpa miakha ama vaw châ ha aw.’ Pano châ khao leipa ei ta, pôhpa miakha tlao ama châ haw. 9Chavâta Khazohpa ta a pazaopa cha, chyhsa ta pachhaih khah sy,” tah ta.
10O liata ama y nota, a pachupazy ta cha bie cha Zisu hiahri heih ei ta. 11#Mat 5.32; 1 Kaw 7.10,11Zisu ta ama hnohta, “Ahy rai a lapinô ma ta, chyhsa hropa a hneipa cha, cha chanô chô liata a pheipa a châ. 12Chanô chhao ta a vahpa a chhaih sala, chyhsa hropa a hnei khiahta cha, cha chapaw chô liata â pheipa a châ hra,” tah ta.
Hawtizy byhnâ a awpa
(Mat 19.13-15; Lka 18.15-17)
13A hria awpa ta hawtizy ano lâ a vaw chhi ei ta, pachupazy ta âmo cha ra ei ta. 14Zisu deikua ta, cha cha a hmô nahta, a ly leipa ta, ama hnohta, “Hawtizy kei lâ a vaw chhi u la, dytha khah u. Khazohpa khinarâh cha, he hawhpa chyhsazy eih châ tlôh ta. 15#Mat 18.3Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta. 16Hawtizy cha a bâh ta chalo ta, ama chô liata a ku pahnieh ta, byhnâ awpa ta.
Satlia hneirôhpa
(Mat 19.16-30; Lka 18.18-30)
17Sie awpa ta a pua nahta, chyhsa pakha ano lâ a vaw râ ta, a hmiakô liata pakhu paneih ta, a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta. 18Zisu ta a hnohta, “Khazia phapa eina tah chi? Khazohpa dei leipa ta ahy hmahta phapa y veih ei. 19#Pua 20.13; Ryhpa 5.17; Pua 20.14; Ryhpa 5.18; Pua 20.15; Ryhpa 5.19; Pua 20.16; Ryhpa 5.20; Pua 20.12; Ryhpa 5.16Biepiepazy na pahno: ‘Liany cheih kha, Aphei kha, Paru kha, Haipa ta chyhsa leih kha, Chyhsa dôvei kha, Na nô nata paw palyupalih teh,’ tahpazy na pahno,” tah ta. 20Ano ta Zisu hnohta, “Pachutuhpa, cha zydua cha ei hawti no tawhta ei zyh lymâ tyh,” tah ta. 21Zisu ta ano cha moh ta, a kyhpachâ kaw ta, a hnohta, “Hmo miakha nâ phahla: sie la, na hneipa zydua zuah la, dyhchhiepazy pie mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta. 22Sôh hluhpi a hneipa a châpa vâta, cha bie vâna chata a hmia chhie kaw ta, pachârôhpa ta sie ha ta. 23Zisu cha mohmia pasaih ta, a pachupazy hnohta, “Hneirôhpazy châta la, Khazohpa khinarâh liata a ngia awpa a ru kaw aw tlai na” tah ta. 24Pachupazy ta a bie reipa cha noâh tah kaw ei ta. Zisu ta âmo cha a chhy heih ta, “Saw saih u, Khazohpa khinarâh liata a ngia awpa cha a ru kaw tlai mâh tâh!#10.24 Châ 24-na liata Zisu biereipa he, hlâno kuropa Biehrai thokha liata cha, “Saw saih u, hneirôna a ngâchhâpazy châta cha, Khazohpa khinarâh liata a ngia awpa a ru kaw tlai mâh tâh” tahpa a châ. 25Chyhsa hneirôhpa Khazohpa khinarâh liata a ngia awpa hlâta cha, râraoseihpa chiephoh khaoh liata a ngia awpa tlao a nao via,” tah ta. 26Pachupazy cha ama noâh ngaita ta, a hnohta, “Chata khiahta cha, ahy ma pachha a châ thei aw tly?” tah ei ta. 27Zisu ta âmo cha moh ta, ama hnohta, “Cha cha chyhsapa châta la tao thei rimâ awpa châ leipa ta, Khazohpa châta deikua cha, tao thei leipa hmo châ vei. Khazohpa châta cha, ato tao theipa a châ,” tah ta. 28Pity ta a hnohta, “Moh tua, keimo he ato siesaipa ta eima cha zi hih,” tah ta. 29Zisu ta, “Hmeiseihta ta ei cha chho ei, keima vâta nata thâtihpha vâta, o tlyma, unawhzy tlyma, sietanôzy tlyma, nô tlyma, paw tlyma, sawzy tlyma, râhzy tlyma a siesaipa cha, 30tahmâ hro chhôh tlai heta ozy, unawhzy, sietanôzy, nôzy, sawzy, râhzy a lie za kha ta hmô aw ei ta, taolana nata daihti vaw tlô awpazy liata chhâzaw hrona ama hnei aw. 31#Mat 20.16; Lka 13.30Châhrasala hmiatua chaipa hluhpizy cha hnôh chaipa châ aw ei ta, hnôh chaipazy cha hmiatua chaipazy ama châ aw,” tah ta.
A thi nawpa kyh reih chhieliena ei thôhna
(Mat 20.17-19; Lka 18.31-34)
32Zerusale lâ khy ei ta, lâpi liata ama sie nota, Zisu cha hmia a sah ta. Pachupazy ta noâh tah kaw ei ta, ano a zituhpazy chhao ta chi ngaita ei ta. Pahrawh hleinozy cha anano ta a chhi ta, a chô liata hmo vaw tlô awpazy âmo chho ta, 33ama hnohta, “Pachâ teh u, Zerusale lâ eima khy hai hih. Chyhsa Sawchapawpa he theihthai beizy nata ryhpa pachutuhpazy ku liata hlâpa châ aw ta, âmo ta thie awpa ta thailei pachâsa aw ei ta, Zenitaizy ku liata ama hlâ aw. 34Zenitaizy ta ano cha pasipasawh aw ei ta, ama pachih ta pachhao aw ei ta, chhei aw ei ta, ama thie aw. Noh thôh noh ta a thyu heih aw,” tah ta.
Zâmie nata Zawhâna ahawna
(Mat 20.20-28)
35Zebâdi sawchapaw Zâmie nata Zawhâna cha Zisu lâ a vy ei ta, a hnohta, “Pachutuhpa, eima châ hawpa maih miah na taopa awpa ta eima khoh,” tah ei ta. 36Zisu ta ama hnohta, “Khâpa cha taopa ei sah la nama khoh?” tah ta. 37Âmo ta a hnohta, “Na rônahna liata na chachâh lâta pakha, na chavei lâta pakha, miah patyusa mah y,” tah ei ta. 38#Lka 12.50Zisu ta ama hnohta, “Nama hiapa pahno veih ei chi. Ei nyu dopa nama doh thei aw ma? Ei bâti châna liata namâ bâti thei hra aw ma?” tah ta. 39Âmo ta a hnohta, “Eima tao thei aw,” tah ei ta. Zisu ta ama hnohta, “Ei nyu dopa cha doh thei aw ei chi ta, ei bâtina liata chhao namâ bâti thei ngyu aw. 40Châhrasala ei chachâh lâ tlyma, ei chavei lâ tlyma a tyuh awpa kyh cha, keima pie awpa châ vei. Âmo châta a chhuahdy chiehpazy châta tlao a châ,” tah ta. 41Pahrawhzy ta cha kyh cha ama vaw pahno nahta, Zâmie nata Zawhâna chô liata ama palôh châ lei kaw ta. 42#Lka 22.25,26Zisu ta pachupazy cha aw ta, ama hnohta, “Zenitaizy chô liata ryureituhpa ta raopazy ta cha, ama sahlaozy chô liata amâ bei ngaitazie nata ama molaipazy chhao ta ama sahlaozy chô liata bie ama hnei ngaitazie nama pahno. 43#Mat 23.11; Mka 9.35; Lka 22.26Nâmo hry liata deikua cha, cha hawhta a châ awpa châ vei. Ahy rai nama hry liata molaipa châ a khoh khiahta cha, châ chakaotuhpa ta a y awpa châ ta, 44ahy rai nama hry liata hmiatua chaipa châ a khoh khiahta cha, chyhsa zydua sei ta a y awpa a châ. 45Chyhsa Sawchapawpa chhao tlai he, chyhsazy ta ano ama chakao awpa ta a zupa châ leipa ta, ano ta chyhsazy chakaopa ta, chyhsa hluhpi chatlaina châta a hrona pie awpa ta a zupa a châ,” tah ta.
Mochaopa Bâtimia mopavâna
(Mat 20.29-34; Lka 18.35-43)
46Zerikô tlô ei ta. Zisu cha a pachupazy nata chyhsa hluhpi chhaota Zerikô tawhta pua ta. Timia sawchapawpa mochaopa kudaopa Bâtimia cha lâpi kiah liata a vaw tyuh thlâh ha ta. 47Nâzari Zisu a châ tahpa a thei nahta, awh ta, a hnohta, “Zisu, Dâvi Sawchapawpa, na ngiachhie mah y!” tah ta. 48Chyhsa hluhpi ta a chalih awpa ta ra ei ta, châhrasala “Dâvi Sawchapawpa, na ngiachhie mah y!” tahpa ta awh via rili ta. 49Zisu cha a duah ta, “Kei aw teh u,” tah ta. Mochaopa cha kei aw ei ta, a hnohta, “Thlalôhpa ta y la, thyu teh, a cha aw chu,” tah ei ta. 50Mochaopa cha a poh thypa ta, a kaw zaw ta, Zisu lâ thlai pangai ta. 51Zisu ta a hnohta, “Khâpa cha taopa awpa ma na khoh?” tah ta. Mochaopa ta a hnohta, “Pachutuhpa, mo pavâ awpa ei khoh,” tah ta. 52Zisu ta a hnohta, “Sie mah y, nâ ngiapâna ta a cha patlâh haw,” tah ta. Chatanachata a mo thlai vaw pavâ ta, lâpi liata Zisu cha zi pâ ha ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.