MÂKA 12
12
Kre sadô nata vaituhpazy pakhona
(Mat 21.33-46; Lka 20.9-19)
1 #
Isai 5.1,2 Pakhona biezy ta ama hnohta reih heih ta. “Chyhsa pakha ta kre sadô tao ta. Sadô cha dôh ta, kre saohna khaoh chao ta, o sâhpa sa ta, lyutaotuhpazy hnohta thlyu hlao awpa ta pie ta, râh hlapi lâ sie ha ta. 2A thei lyu â daih nahta, lyutaopazy lâ chakaotuhpa tuah ta, kre sadô theilâpazy âmo lâ kei palasa ta. 3Chakaotuhpa cha vaw patu ei ta, chhei ei ta, ku ruapa ta pasiesa ei ta. 4Chakaotuh hropa âmo lâ tuah heih ta, ano chhao cha a luh liata alô ta vawh ei ta, hmah paphao ei ta, nozachhih ngaitapa ta tao ei ta. 5Ahropa tuah heih ta, ano chhao cha thie ei ta. Chakaotuhpa hropazy chhao, cha hawhta vaw tao lymâ ei ta, thokha tu ei ta, thokha thie ei ta. 6Pakha deita hnei bâ ta, cha cha a sawchapaw kho ngaitapa a châ. ‘Ei sawchapawpa chhâ he cha ama za aw,’ tahpa ta pachâ ta. Ano cha a chhâ chaina ta âmo lâ tuah ta. 7Châhrasala lyutaotuhpazy ta, ‘He chyhsa he ryutotuhpa cha a châ hih. A vy u la, thie ei suh u. Chatanachata ryu a to awpa cha keimo châta a châ aw,’ tah ei ta. 8A sawchapawpa cha patu ei ta, thie ei ta, kre sadô khôtho lâ ama thy haw. 9Kre sadô hneituhpa ta kheihta a tao aw? Vawh aw ta, lyutaotuhpazy pahleipadia aw ta, kre sadô cha chyhsa hropazy a pie aw. 10#Hla 118.22,23Biehrai liata,
“‘O satuhpazy alô kho leipa kha,
A ki lô a vaw châ haw;
11 Cha cha Abeipa taopa châ ta,
Eima mo liata â ngia ngaita,’
tahpa ta ropa reih beih veih ei chi ma?” tah ta.
12Cha pakhona bie cha âmo a nuapa ta a reipa a châ tahpa ama pahnopa vâta, Zisu cha patu awpa khoh ei ta. Châhrasala zawpi ama chipa vâta, Zisu cha siesaipa ta, sie ha ei ta.
Chhie piena kyh
(Mat 22.15-22; Lka 20.20-26)
13A bie reipa liata patu a chhuahpa ta, Phârisaihzy nata Herawda py liata chyhsa thokha Zisu lâ tuah ei ta. 14A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei? 15Eima pie aw ma, pie aw vei?” tah ei ta. Zisu ta ama pasuapachao tahpa pahno ta, ama hnohta, “Khazia eina pasia ei chi? Tâkâ dinâri miakha na vaw pie teh u, ei moh tua aw,” tah ta. 16Tâkâ cha vaw pie ei ta. Zisu ta ama hnohta, “He he ahy nothlahpa nata ahy moh maw?” tah ta. Âmo ta, “Kaisarâ,” tah ei ta. 17Zisu ta ama hnohta, “Kaisarâ hmozy cha Kaisarâ pie u la, Khazohpa hmozy cha Khazohpa lâ pie teh u,” tah ta. Ama noâh ngaita ta.
Thyuheihna kyh hiahrina
(Mat 22.23-33; Lka 20.27-40)
18 #
Hmt 23.8
Thyuheihna y vei a tahpa Saduasizy ano lâ a vy ei ta, a hnohta, 19#Ryhpa 25.5“Pachutuhpa, Mawsi ta châ miah ropa ta, ahy rai a unawhpa ta saw hnei leipa ta a lapinô a thisai khiahta cha, a unawhpa lapinô cha hnei aw ta, a unawhpa châta chi a pathlapa awpa a châ tahpa ta miah a chho. 20Unawh pasari y ei ta, a uhthei chaipa ta lapinô hnei ta, chi pathla leipa ta thi ha ta. 21Unawh panona ta a uhta lapinô cha hnei ta, ano chhao chi pathla leipa ta thisai ha hra ta. Unawh pathôhna chhao, cha hawhta châ hra ta. 22Unawh pasarina chhao ta chi pathla leipa ta thi ha hra ta. Achhâna liata, chanô chhao cha thi pâ ha hra ta. 23Thyuheihna daihti liata, ama thyuheih tita ahy lapinô ma a châ aw? Ama pasari ta lapinô ta hnei chyu tlôh ei ta,” tahpa ta hiahri ei ta.
24Zisu ta ama hnohta, “Cha vâna chata vei ma nama pachâpasi tyh vei? Biehrai pahno leipa ei chi ta, Khazohpa hmotaotheina chhao pahno veih ei chi? 25Athihpa hry tawhta ama thyuheih tita la, nôvah ahneina y khao aw vei. Vârâh liata vâlyuhchâpazy hawhta tlao ama châ ha aw. 26#Pua 3.6Athihpazy pathyupa ta ama y awpa kyh cha, Mawsi châbu liata thobuh kyh rona liana khata, Khazohpa ta, ‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta Mawsi a chhona bie kha reih beih veih ei chi ma? 27Khazohpa cha athihpazy Khazohpa châ leipa ta, ahrohpazy Khazohpa a châ. Nama pachâ chhei haw,” tah ta.
Biepie rônahpa
(Mat 22.34-40; Lka 10.25-28)
28Ryhpa pachutuhpazy hry liata pakha ano lâ a vy ta. Bie amâ ei ngâpa cha thei ta, a phapa ta â chhy lymâpa a hmô nahta, Zisu hnohta, “Biepiepa zydua hry liata khâpa ma a peimawh chai?” tahpa ta hiahri ta. 29#Ryhpa 6.4,5Zisu ta, “Biepiepa peimawh chaipa cha he he a châ, ‘Hy Izarei, nathlie teh: Abeipa eima Khazohpa, Abeipa cha pakha deita a y. 30Abeipa na Khazohpa cha na pathipalôh tlokhuh ta, na thlahpa tlokhuh ta, na pachâna tlokhuh ta nata na thatlôna tlokhuh ta kyh na pachâ awpa a châ,’ tahpa hih. 31#Ttn 19.18A pazipa cha, ‘Nâma kyh nâ pachâpa hawhta, na vaih kyh na pachâ awpa a châ,’ tahpa he a châ. He hlâta biepiepa rônah viapa y vei,” tahpa ta a chhy ta. 32#Ryhpa 4.35Ryhpa pachutuhpa ta a hnohta, “Pachutuhpa, na reipa â do na. Biedopa tlai na na reih. Khazohpa pakha deita y ta, ano leipa ta Khazohpa hropa rai y veih ei. 33#Hôs 6.6Khazohpa cha pathipalôh tlokhuh ta, pahnona tlokhuh ta nata thatlôna tlokhuh ta kyhpachâpa nata sasyh kyh a pachâpa hawhta vaih kyhpachâpa cha, a pôhpa duata rao khaipa raopa hlânazy nata atheihnazy hlâta pha via syulyupa a châ,” tah ta. 34#Lka 10.25-28So ngaitapa ta â chhypa cha Zisu ta a hmô nahta, a hnohta, “Khazohpa khinarâh tawhta a hla va chi,” tah ta. Cha rakha tawhta cha, ahy hmahta bie hiahri ngâh khao veih ei.
Dâvi Saw chânazie hiahrina
(Mat 22.41-46; Lka 20.41-44)
35Zisu cha Achhyna o liata pachu ta, hiahrinazy a chhy lymâ ta, ama hnohta, “Kheihtazie ta ma ryhpa pachutuhpazy ta Krista cha Dâvi sawchapawpa a châ tahpa ta ama rei tyh tly? 36#Hla 110.1
“‘Abeipa ta ei Beipa hnohta,
Na chariahpazy na phei ry liata ei so khai hlâlei cha,
Ei chachâh lâta a tyuh mah y,’
a tahpa kha. 37Dâvi ta ano cha Abeipa a tah tlôh khiahta cha, kheihta ma Krista cha Dâvi sawchapawpa a châ thai aw?” tah ta. Zawpizy ta a ly ngaitapa ta a bie cha nathlie ei ta.
Ryhpa pachutuhpazy Zisu ta a reipachhie
(Mat 23.1-36; Lka 11.37-54; 20.45-47)
38A pachu lymâna liata hetana heta reih ta: “Ryhpa pachutuhpazy tawhta a vaih teh u. Âmo cha viahkao pasipazy a kypa ta, sôdaohna suzy liata anaohna hnabeiseih ei ta, 39pakhyna o liata dyuchhai pha chaipazy a hnaw ei ta, kyhchhina liata su pha chaipazy amâ haw tyh. 40Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.
Nôhmei thyuna
(Lka 21.1-4)
41Zisu cha thyuna byh dady liata a tyuh ta, chyhsazy ta thyuna byh liata tâkâ ama pathlapa cha moh ta. Chyhsa hneirôhpa hluhpizy ta a hluhpi pathla ei ta. 42Nôhmei dyhchhiepa a vy ta, tâkâ dipa miano pathla ta. Cha cha phusâ#12.42 Mara reih ta “phusâ” tahpa he tâkâ dipa chyh chaipa châ ta, tlaw kha liata phusâ 100 a y. He he Hindi reih “Paisa” tawhta a vypa a châ. Krikâh reih ta “kodrantes” tah ei ta, Mongyuh reih ta “penny” ama tah. miakha tlu a châ. 43Zisu ta a pachupazy aw ta, ama hnohta, “Hmeiseihta ta ei cha chho ei, sôh thyuna byh liata a pathlapa zydua hlâta, he nôhmei dyhchhiepa heta a pathla hluh chai. 44Mohropa zydua cha ama hnei laikhôpa thyu ei ta, he chanô deikua he cha, dyhchhie kawpa châ hra sala, a khihsatôhtuna châta a hmâ awpa a hnei chhôhpa a thyu khai ha hih,” tah ta.
Currently Selected:
MÂKA 12: MARVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
MÂKA 12
12
Kre sadô nata vaituhpazy pakhona
(Mat 21.33-46; Lka 20.9-19)
1 #
Isai 5.1,2 Pakhona biezy ta ama hnohta reih heih ta. “Chyhsa pakha ta kre sadô tao ta. Sadô cha dôh ta, kre saohna khaoh chao ta, o sâhpa sa ta, lyutaotuhpazy hnohta thlyu hlao awpa ta pie ta, râh hlapi lâ sie ha ta. 2A thei lyu â daih nahta, lyutaopazy lâ chakaotuhpa tuah ta, kre sadô theilâpazy âmo lâ kei palasa ta. 3Chakaotuhpa cha vaw patu ei ta, chhei ei ta, ku ruapa ta pasiesa ei ta. 4Chakaotuh hropa âmo lâ tuah heih ta, ano chhao cha a luh liata alô ta vawh ei ta, hmah paphao ei ta, nozachhih ngaitapa ta tao ei ta. 5Ahropa tuah heih ta, ano chhao cha thie ei ta. Chakaotuhpa hropazy chhao, cha hawhta vaw tao lymâ ei ta, thokha tu ei ta, thokha thie ei ta. 6Pakha deita hnei bâ ta, cha cha a sawchapaw kho ngaitapa a châ. ‘Ei sawchapawpa chhâ he cha ama za aw,’ tahpa ta pachâ ta. Ano cha a chhâ chaina ta âmo lâ tuah ta. 7Châhrasala lyutaotuhpazy ta, ‘He chyhsa he ryutotuhpa cha a châ hih. A vy u la, thie ei suh u. Chatanachata ryu a to awpa cha keimo châta a châ aw,’ tah ei ta. 8A sawchapawpa cha patu ei ta, thie ei ta, kre sadô khôtho lâ ama thy haw. 9Kre sadô hneituhpa ta kheihta a tao aw? Vawh aw ta, lyutaotuhpazy pahleipadia aw ta, kre sadô cha chyhsa hropazy a pie aw. 10#Hla 118.22,23Biehrai liata,
“‘O satuhpazy alô kho leipa kha,
A ki lô a vaw châ haw;
11 Cha cha Abeipa taopa châ ta,
Eima mo liata â ngia ngaita,’
tahpa ta ropa reih beih veih ei chi ma?” tah ta.
12Cha pakhona bie cha âmo a nuapa ta a reipa a châ tahpa ama pahnopa vâta, Zisu cha patu awpa khoh ei ta. Châhrasala zawpi ama chipa vâta, Zisu cha siesaipa ta, sie ha ei ta.
Chhie piena kyh
(Mat 22.15-22; Lka 20.20-26)
13A bie reipa liata patu a chhuahpa ta, Phârisaihzy nata Herawda py liata chyhsa thokha Zisu lâ tuah ei ta. 14A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei? 15Eima pie aw ma, pie aw vei?” tah ei ta. Zisu ta ama pasuapachao tahpa pahno ta, ama hnohta, “Khazia eina pasia ei chi? Tâkâ dinâri miakha na vaw pie teh u, ei moh tua aw,” tah ta. 16Tâkâ cha vaw pie ei ta. Zisu ta ama hnohta, “He he ahy nothlahpa nata ahy moh maw?” tah ta. Âmo ta, “Kaisarâ,” tah ei ta. 17Zisu ta ama hnohta, “Kaisarâ hmozy cha Kaisarâ pie u la, Khazohpa hmozy cha Khazohpa lâ pie teh u,” tah ta. Ama noâh ngaita ta.
Thyuheihna kyh hiahrina
(Mat 22.23-33; Lka 20.27-40)
18 #
Hmt 23.8
Thyuheihna y vei a tahpa Saduasizy ano lâ a vy ei ta, a hnohta, 19#Ryhpa 25.5“Pachutuhpa, Mawsi ta châ miah ropa ta, ahy rai a unawhpa ta saw hnei leipa ta a lapinô a thisai khiahta cha, a unawhpa lapinô cha hnei aw ta, a unawhpa châta chi a pathlapa awpa a châ tahpa ta miah a chho. 20Unawh pasari y ei ta, a uhthei chaipa ta lapinô hnei ta, chi pathla leipa ta thi ha ta. 21Unawh panona ta a uhta lapinô cha hnei ta, ano chhao chi pathla leipa ta thisai ha hra ta. Unawh pathôhna chhao, cha hawhta châ hra ta. 22Unawh pasarina chhao ta chi pathla leipa ta thi ha hra ta. Achhâna liata, chanô chhao cha thi pâ ha hra ta. 23Thyuheihna daihti liata, ama thyuheih tita ahy lapinô ma a châ aw? Ama pasari ta lapinô ta hnei chyu tlôh ei ta,” tahpa ta hiahri ei ta.
24Zisu ta ama hnohta, “Cha vâna chata vei ma nama pachâpasi tyh vei? Biehrai pahno leipa ei chi ta, Khazohpa hmotaotheina chhao pahno veih ei chi? 25Athihpa hry tawhta ama thyuheih tita la, nôvah ahneina y khao aw vei. Vârâh liata vâlyuhchâpazy hawhta tlao ama châ ha aw. 26#Pua 3.6Athihpazy pathyupa ta ama y awpa kyh cha, Mawsi châbu liata thobuh kyh rona liana khata, Khazohpa ta, ‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta Mawsi a chhona bie kha reih beih veih ei chi ma? 27Khazohpa cha athihpazy Khazohpa châ leipa ta, ahrohpazy Khazohpa a châ. Nama pachâ chhei haw,” tah ta.
Biepie rônahpa
(Mat 22.34-40; Lka 10.25-28)
28Ryhpa pachutuhpazy hry liata pakha ano lâ a vy ta. Bie amâ ei ngâpa cha thei ta, a phapa ta â chhy lymâpa a hmô nahta, Zisu hnohta, “Biepiepa zydua hry liata khâpa ma a peimawh chai?” tahpa ta hiahri ta. 29#Ryhpa 6.4,5Zisu ta, “Biepiepa peimawh chaipa cha he he a châ, ‘Hy Izarei, nathlie teh: Abeipa eima Khazohpa, Abeipa cha pakha deita a y. 30Abeipa na Khazohpa cha na pathipalôh tlokhuh ta, na thlahpa tlokhuh ta, na pachâna tlokhuh ta nata na thatlôna tlokhuh ta kyh na pachâ awpa a châ,’ tahpa hih. 31#Ttn 19.18A pazipa cha, ‘Nâma kyh nâ pachâpa hawhta, na vaih kyh na pachâ awpa a châ,’ tahpa he a châ. He hlâta biepiepa rônah viapa y vei,” tahpa ta a chhy ta. 32#Ryhpa 4.35Ryhpa pachutuhpa ta a hnohta, “Pachutuhpa, na reipa â do na. Biedopa tlai na na reih. Khazohpa pakha deita y ta, ano leipa ta Khazohpa hropa rai y veih ei. 33#Hôs 6.6Khazohpa cha pathipalôh tlokhuh ta, pahnona tlokhuh ta nata thatlôna tlokhuh ta kyhpachâpa nata sasyh kyh a pachâpa hawhta vaih kyhpachâpa cha, a pôhpa duata rao khaipa raopa hlânazy nata atheihnazy hlâta pha via syulyupa a châ,” tah ta. 34#Lka 10.25-28So ngaitapa ta â chhypa cha Zisu ta a hmô nahta, a hnohta, “Khazohpa khinarâh tawhta a hla va chi,” tah ta. Cha rakha tawhta cha, ahy hmahta bie hiahri ngâh khao veih ei.
Dâvi Saw chânazie hiahrina
(Mat 22.41-46; Lka 20.41-44)
35Zisu cha Achhyna o liata pachu ta, hiahrinazy a chhy lymâ ta, ama hnohta, “Kheihtazie ta ma ryhpa pachutuhpazy ta Krista cha Dâvi sawchapawpa a châ tahpa ta ama rei tyh tly? 36#Hla 110.1
“‘Abeipa ta ei Beipa hnohta,
Na chariahpazy na phei ry liata ei so khai hlâlei cha,
Ei chachâh lâta a tyuh mah y,’
a tahpa kha. 37Dâvi ta ano cha Abeipa a tah tlôh khiahta cha, kheihta ma Krista cha Dâvi sawchapawpa a châ thai aw?” tah ta. Zawpizy ta a ly ngaitapa ta a bie cha nathlie ei ta.
Ryhpa pachutuhpazy Zisu ta a reipachhie
(Mat 23.1-36; Lka 11.37-54; 20.45-47)
38A pachu lymâna liata hetana heta reih ta: “Ryhpa pachutuhpazy tawhta a vaih teh u. Âmo cha viahkao pasipazy a kypa ta, sôdaohna suzy liata anaohna hnabeiseih ei ta, 39pakhyna o liata dyuchhai pha chaipazy a hnaw ei ta, kyhchhina liata su pha chaipazy amâ haw tyh. 40Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.
Nôhmei thyuna
(Lka 21.1-4)
41Zisu cha thyuna byh dady liata a tyuh ta, chyhsazy ta thyuna byh liata tâkâ ama pathlapa cha moh ta. Chyhsa hneirôhpa hluhpizy ta a hluhpi pathla ei ta. 42Nôhmei dyhchhiepa a vy ta, tâkâ dipa miano pathla ta. Cha cha phusâ#12.42 Mara reih ta “phusâ” tahpa he tâkâ dipa chyh chaipa châ ta, tlaw kha liata phusâ 100 a y. He he Hindi reih “Paisa” tawhta a vypa a châ. Krikâh reih ta “kodrantes” tah ei ta, Mongyuh reih ta “penny” ama tah. miakha tlu a châ. 43Zisu ta a pachupazy aw ta, ama hnohta, “Hmeiseihta ta ei cha chho ei, sôh thyuna byh liata a pathlapa zydua hlâta, he nôhmei dyhchhiepa heta a pathla hluh chai. 44Mohropa zydua cha ama hnei laikhôpa thyu ei ta, he chanô deikua he cha, dyhchhie kawpa châ hra sala, a khihsatôhtuna châta a hmâ awpa a hnei chhôhpa a thyu khai ha hih,” tah ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.