LUKE 24
24
Xüchilekulu
(Mt 28:1-10; Mk 16:1-8; Jhn 20:1-10)
1Totimiqo no apine kithe tsala atüghüni#24:1 Ti ye Tüghakhani tsütho ipeghi kelo axokütsüngü tsüni kuto püakeu pesü akumoki lo wu. 2Panongu no wo akumoki nha püakeu tuqu tukulove aghi keu ithulu, 3eno kughou alou iloghi keno, Ampeu Jisü sükumo phumlave. 4Ikehu panongu ye phiküghüzüpe ake lono züleno timi kini phuphushi keu phi pusü panongu phivilo aghive. 5Panongu ye ighono msave no agi pishiqhope ayeghi daluve, ikelo pama no pi, “Kushiye nongu ye kithimi gholo küxümi phu cheni kea? 6Pa ye hile kühae; pa ye ithughivae. Pa no Galilee lo nongu gholo ake lono kishi piche keno kümsülu lo, 7Timi Nu ye küghape axinemi u lo süve no yeda pithive masa nani, eno aküthüni ye xüputhuve nani.” 8Tileno pa tsaqo panongu no kümsüchilelu, 9eno akumoki lono idewo akhopemi chighiqhaqhi eno kütami kümtsü vilo hipa vehu qhoi pi. 10Totimi hipaqo no apostolmi lau piwu keqoe: Mary Magdalene, Joanna, James paza Mary, eno totimi kütamiqo. 11Ikemu apostolmi no hi kümtsü akiqi küha keu tsa shi kümsüve no pülü tsümoe. 12Tishimu Peter ye ilhethu mtazü akumoki lo powu; eno pa no itsaqipe jusü kelo akumo küküzü phi likhi aghi keu ithulu; tileno hi ye kiu shive ani kelapi pa ye akümzaqhiyi aki lo idewove.
Emmaus La lo
13Tipani panoqo gholo kini ye Emmaus phulo wuche, ti ye Jerusalem lono kilometer chighiqhaqhi qhalo ke. 14Pama ye anileshi kiu shive püzü akeno küptsa che, 15ikelo Jisü ampi no pama kupunu ighi no kümtsa pama gholo wuve. 16Ikemu pa michilu peni keu nhetsü pama tsümove. 17Jisü no pama vilo iniju, “Nokujo ye kiu tsa no tishi kütsala kile cheni kea?” Pama no agi zümoipe inaqhoi ngove. 18Tileno Cleopas ipikeu no pi, “Jerusalem lo shoinami o likhino ishi dolo tile kiu shive keno ithiamo keo?” 19Pa no pi, “Kiu kea?” Pama no khochile, “Nazarethmi lakhi khuu tungkupmi shi ache keno Alhou eno timiqo zülo akümla atsapi lo aküka kumto pephe chekeu Jisü vehu pi anike. 20Ni chinetomi ngo yepemi no pa pithive peniye akithipu kipimi tsüve no yedave. 21Ikemu ninguu ye pau no Israel xachilelu nanie pi laju cheke. Tinguno alau, hi kümtsü ishiküthüni no shivae. 22Itaghi niqomi gholo totimi khami no ni phiküghüzü püani. Panongu ye inaqhe itheno akumoki tove, 23ikemu pa sükumo ithumlave kelo le panongu ye kungunhetsü ghi ithulu no kungumi no pa ye xüani ipi kepi panongu no pisü ighi. 24Niqomi khami no akumoki lo wu kelo totimiqo no pike tho ithulu kemu pau ye phumlave.” 25Tile pa no pama vilo pi, “O mbomzümi, tungkupmi no hi kümtsü pikhave keghi nongu ye pülüni ke kishita qeinai kelae! 26Khristo ye aghime hipaqo sholu paghino pa juküvü lo iloni keu shike kumo?” 27Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.
28Ikelo panongu no aphu khile wuche keno touve kehu Jisü ye tinguno aghacheu wuche ketoi shi, 29ikemu pama no tsüikhomo pa vilo pi, “Avela shiu chea eno tsüzüve niake ni gholo ngove lo.” Ikehu pa no pama gholo ngoniye ilove. 30Kughou pama gholo chuniye iqa keno, pa no asho ikhipe shikimthi kütsü kighini shino süphope pama tsü. 31Tileno pama nhethi xükhotsü eno pama no pa michiluve. Ikemu pa ye tipa mtsa pama zülono hauve. 32Pama no ishi pikile, “Ala lo pa no Kuchoyesü lo akeu tsa piche kelo ni mlo alou no ami iqü ketoi ke kumo?” 33Tipa tüqhüdo lono pama no ithu Jerusalem lo idechile ighi no akhopemi chighiqhaqhi eno khunoqo panongu gholo kichemi keno hekütsü kumqope aghi keu ithulu. 34Pama no pi, “Kuchou nomu Ampeu ye ithughive no Simon lau ipeghivae!” 35Tishino pama no ala lo chekelo kiu shive, eno asho sükupho lono kishi pa kepi ithive keno aboake shi lhepiye.
Jisü no Pa Khopemi lau Ipeghi
(Mt 28:16-20; Mk 16:14-18; Jhn 20:19-23; Apo 1:6-8)
36Panongu no hipaqo piake lono Jisü ampi no tile puthugho no panoqo vilo pi, “Aloino alo!” 37Ikemu panongu ye akümsa no amlo kichi pühave no aghawu ithulu ani küghashive. 38Jisü no panongu vilo pi, “Kushiye nongu ye amlo küpüna eno lipiuve cheni kea? 39I u ngo I pukhu julo, qeti hi ye ni ampi ke. I bulo eno ithilo, kughengu aghawu ye I no aphimpi akeu, khikhi nongu no ithulu ani keno, titoi ashiaji eno aghi anhü achemoe.” 40Jisü no hi pive no panoqo pelo ju penike pa u ngo pa pukhu piye. 41Panongu no alovi kelauno pülümla no akümzaqhiyi ake lono pa no pi, “Nongu ye hile kiuala chukepu anio?” 42Panongu no akha ghuve keu lakhi pa tsü, 43pa no ti ikhipe panongu nhethe lono chuve.
44Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.” 45Tileno Kuchoyesü ithikuthulu penike pa no panoqo kükümsü xükhotsü, 46eno pi, “Ishi yepüani, Khristo ye aghime shino aküthüni no akithi lono xüthughi masae, 47eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae. 48Nongu no hipaqo vehu lo thopimi ae. 49Eno julo, I Pu no kiu piqhi püa keno I no nongu shou puku tsüni. Ikemu kunguu küka no nongu shepichhi moke kutolo aphughi lo ngo aghilo.”
Jisü ye Kungugha lo Sawuve
(Mk 16:19-20; Apo 1:8-11)
50Tithiu Jisü no akhopemi sasü Bethany kutolo ipe no pa u peqhepe panongu kümghatsü. 51Panongu kümghatsü ghi pa ye panoqo launo kütüta shisü kungugha lo saikuve. 52Panongu no pa mlla eno alokivi kije lono Jerusalem lo ideilove, 53eno tamo mithe achineki lono Alhou sheqhe ae.
Currently Selected:
LUKE 24: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
LUKE 24
24
Xüchilekulu
(Mt 28:1-10; Mk 16:1-8; Jhn 20:1-10)
1Totimiqo no apine kithe tsala atüghüni#24:1 Ti ye Tüghakhani tsütho ipeghi kelo axokütsüngü tsüni kuto püakeu pesü akumoki lo wu. 2Panongu no wo akumoki nha püakeu tuqu tukulove aghi keu ithulu, 3eno kughou alou iloghi keno, Ampeu Jisü sükumo phumlave. 4Ikehu panongu ye phiküghüzüpe ake lono züleno timi kini phuphushi keu phi pusü panongu phivilo aghive. 5Panongu ye ighono msave no agi pishiqhope ayeghi daluve, ikelo pama no pi, “Kushiye nongu ye kithimi gholo küxümi phu cheni kea? 6Pa ye hile kühae; pa ye ithughivae. Pa no Galilee lo nongu gholo ake lono kishi piche keno kümsülu lo, 7Timi Nu ye küghape axinemi u lo süve no yeda pithive masa nani, eno aküthüni ye xüputhuve nani.” 8Tileno pa tsaqo panongu no kümsüchilelu, 9eno akumoki lono idewo akhopemi chighiqhaqhi eno kütami kümtsü vilo hipa vehu qhoi pi. 10Totimi hipaqo no apostolmi lau piwu keqoe: Mary Magdalene, Joanna, James paza Mary, eno totimi kütamiqo. 11Ikemu apostolmi no hi kümtsü akiqi küha keu tsa shi kümsüve no pülü tsümoe. 12Tishimu Peter ye ilhethu mtazü akumoki lo powu; eno pa no itsaqipe jusü kelo akumo küküzü phi likhi aghi keu ithulu; tileno hi ye kiu shive ani kelapi pa ye akümzaqhiyi aki lo idewove.
Emmaus La lo
13Tipani panoqo gholo kini ye Emmaus phulo wuche, ti ye Jerusalem lono kilometer chighiqhaqhi qhalo ke. 14Pama ye anileshi kiu shive püzü akeno küptsa che, 15ikelo Jisü ampi no pama kupunu ighi no kümtsa pama gholo wuve. 16Ikemu pa michilu peni keu nhetsü pama tsümove. 17Jisü no pama vilo iniju, “Nokujo ye kiu tsa no tishi kütsala kile cheni kea?” Pama no agi zümoipe inaqhoi ngove. 18Tileno Cleopas ipikeu no pi, “Jerusalem lo shoinami o likhino ishi dolo tile kiu shive keno ithiamo keo?” 19Pa no pi, “Kiu kea?” Pama no khochile, “Nazarethmi lakhi khuu tungkupmi shi ache keno Alhou eno timiqo zülo akümla atsapi lo aküka kumto pephe chekeu Jisü vehu pi anike. 20Ni chinetomi ngo yepemi no pa pithive peniye akithipu kipimi tsüve no yedave. 21Ikemu ninguu ye pau no Israel xachilelu nanie pi laju cheke. Tinguno alau, hi kümtsü ishiküthüni no shivae. 22Itaghi niqomi gholo totimi khami no ni phiküghüzü püani. Panongu ye inaqhe itheno akumoki tove, 23ikemu pa sükumo ithumlave kelo le panongu ye kungunhetsü ghi ithulu no kungumi no pa ye xüani ipi kepi panongu no pisü ighi. 24Niqomi khami no akumoki lo wu kelo totimiqo no pike tho ithulu kemu pau ye phumlave.” 25Tile pa no pama vilo pi, “O mbomzümi, tungkupmi no hi kümtsü pikhave keghi nongu ye pülüni ke kishita qeinai kelae! 26Khristo ye aghime hipaqo sholu paghino pa juküvü lo iloni keu shike kumo?” 27Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.
28Ikelo panongu no aphu khile wuche keno touve kehu Jisü ye tinguno aghacheu wuche ketoi shi, 29ikemu pama no tsüikhomo pa vilo pi, “Avela shiu chea eno tsüzüve niake ni gholo ngove lo.” Ikehu pa no pama gholo ngoniye ilove. 30Kughou pama gholo chuniye iqa keno, pa no asho ikhipe shikimthi kütsü kighini shino süphope pama tsü. 31Tileno pama nhethi xükhotsü eno pama no pa michiluve. Ikemu pa ye tipa mtsa pama zülono hauve. 32Pama no ishi pikile, “Ala lo pa no Kuchoyesü lo akeu tsa piche kelo ni mlo alou no ami iqü ketoi ke kumo?” 33Tipa tüqhüdo lono pama no ithu Jerusalem lo idechile ighi no akhopemi chighiqhaqhi eno khunoqo panongu gholo kichemi keno hekütsü kumqope aghi keu ithulu. 34Pama no pi, “Kuchou nomu Ampeu ye ithughive no Simon lau ipeghivae!” 35Tishino pama no ala lo chekelo kiu shive, eno asho sükupho lono kishi pa kepi ithive keno aboake shi lhepiye.
Jisü no Pa Khopemi lau Ipeghi
(Mt 28:16-20; Mk 16:14-18; Jhn 20:19-23; Apo 1:6-8)
36Panongu no hipaqo piake lono Jisü ampi no tile puthugho no panoqo vilo pi, “Aloino alo!” 37Ikemu panongu ye akümsa no amlo kichi pühave no aghawu ithulu ani küghashive. 38Jisü no panongu vilo pi, “Kushiye nongu ye amlo küpüna eno lipiuve cheni kea? 39I u ngo I pukhu julo, qeti hi ye ni ampi ke. I bulo eno ithilo, kughengu aghawu ye I no aphimpi akeu, khikhi nongu no ithulu ani keno, titoi ashiaji eno aghi anhü achemoe.” 40Jisü no hi pive no panoqo pelo ju penike pa u ngo pa pukhu piye. 41Panongu no alovi kelauno pülümla no akümzaqhiyi ake lono pa no pi, “Nongu ye hile kiuala chukepu anio?” 42Panongu no akha ghuve keu lakhi pa tsü, 43pa no ti ikhipe panongu nhethe lono chuve.
44Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.” 45Tileno Kuchoyesü ithikuthulu penike pa no panoqo kükümsü xükhotsü, 46eno pi, “Ishi yepüani, Khristo ye aghime shino aküthüni no akithi lono xüthughi masae, 47eno Jerusalem lono huthusü pa je lono shiye kümtsü lau xaidekulu eno axine qhikütsü pesü sheshu masae. 48Nongu no hipaqo vehu lo thopimi ae. 49Eno julo, I Pu no kiu piqhi püa keno I no nongu shou puku tsüni. Ikemu kunguu küka no nongu shepichhi moke kutolo aphughi lo ngo aghilo.”
Jisü ye Kungugha lo Sawuve
(Mk 16:19-20; Apo 1:8-11)
50Tithiu Jisü no akhopemi sasü Bethany kutolo ipe no pa u peqhepe panongu kümghatsü. 51Panongu kümghatsü ghi pa ye panoqo launo kütüta shisü kungugha lo saikuve. 52Panongu no pa mlla eno alokivi kije lono Jerusalem lo ideilove, 53eno tamo mithe achineki lono Alhou sheqhe ae.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More